Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

2.46 𑌅𑌯𑍋𑌧𑍍𑌯𑌾𑌕𑌾𑌂𑌡 - 𑌷𑌟𑍍𑌚𑌤𑍍𑌵𑌾𑌰𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌷𑌟𑍍𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ।

𑌤𑌤𑌸𑍍𑌤𑍁 𑌤𑌮𑌸𑌾𑌤𑍀𑌰𑌂 𑌰𑌮𑍍𑌯𑌮𑌾𑌶𑍍𑌰𑌿𑌤𑍍𑌯 𑌰𑌾𑌘𑌵𑌃 ।
𑌸𑍀𑌤𑌾𑌮𑍁𑌦𑍍𑌵𑍀𑌕𑍍𑌷𑍍𑌯 𑌸𑍌𑌮𑌿𑌤𑍍𑌰𑌿𑌮𑌿𑌦𑌂 𑌵𑌚𑌨𑌮𑌬𑍍𑌰𑌵𑍀𑌤𑍍 ॥ 1 ॥

𑌇𑌯𑌮𑌦𑍍𑌯 𑌨𑌿𑌶𑌾 𑌪𑍂𑌰𑍍𑌵𑌾 𑌸𑍌𑌮𑌿𑌤𑍍𑌰𑍇 𑌪𑍍𑌰𑌹𑌿𑌤𑌾 𑌵𑌨𑌮𑍍 ।
𑌵𑌨𑌵𑌾𑌸𑌸𑍍𑌯 𑌭𑌦𑍍𑌰𑌂 𑌤𑍇 𑌸 𑌨𑍋𑌤𑍍𑌕𑌂𑌠𑌿𑌤𑍁𑌮𑌰𑍍𑌹𑌸𑌿 ॥ 2 ॥

𑌪𑌶𑍍𑌯 𑌶𑍂𑌨𑍍𑌯𑌾𑌨𑍍𑌯𑌰𑌣𑍍𑌯𑌾𑌨𑌿 𑌰𑍁𑌦𑌂𑌤𑍀𑌵 𑌸𑌮𑌂𑌤𑌤𑌃 ।
𑌯𑌥𑌾𑌨𑌿𑌲𑌯𑌮𑌾𑌯𑌦𑍍𑌭𑌿𑌰𑍍𑌨𑌿𑌲𑍀𑌨𑌾𑌨𑌿 𑌮𑍃𑌗𑌦𑍍𑌵𑌿𑌜𑍈𑌃 ॥ 3 ॥

𑌅𑌦𑍍𑌯𑌾𑌯𑍋𑌧𑍍𑌯𑌾 𑌤𑍁 𑌨𑌗𑌰𑍀 𑌰𑌾𑌜𑌧𑌾𑌨𑍀 𑌪𑌿𑌤𑍁𑌰𑍍𑌮𑌮 ।
𑌸𑌸𑍍𑌤𑍍𑌰𑍀𑌪𑍁𑌂𑌸𑌾 𑌗𑌤𑌾𑌨𑌸𑍍𑌮𑌾𑌞𑍍𑌶𑍋𑌚𑌿𑌷𑍍𑌯𑌤𑌿 𑌨 𑌸𑌂𑌶𑌯𑌃 ॥ 4 ॥

𑌅𑌨𑍁𑌰𑌕𑍍𑌤𑌾 𑌹𑌿 𑌮𑌨𑍁𑌜𑌾 𑌰𑌾𑌜𑌾𑌨𑌂 𑌬𑌹𑍁𑌭𑌿𑌰𑍍𑌗𑍁𑌣𑍈𑌃 ।
𑌤𑍍𑌵𑌾𑌂 𑌚 𑌮𑌾𑌂 𑌚 𑌨𑌰𑌵𑍍𑌯𑌾𑌘𑍍𑌰 𑌶𑌤𑍍𑌰𑍁𑌘𑍍𑌨 𑌭𑌰𑌤𑍌 𑌤𑌥𑌾 ॥ 5 ॥

𑌪𑌿𑌤𑌰𑌂 𑌚𑌾𑌨𑍁𑌶𑍋𑌚𑌾𑌮𑌿 𑌮𑌾𑌤𑌰𑌂 𑌚 𑌯𑌶𑌸𑍍𑌵𑌿𑌨𑍀𑌮𑍍 ।
𑌅𑌪𑌿 𑌵𑌾𑌂𑌧𑍌 𑌭𑌵𑍇𑌤𑌾𑌂 𑌤𑍁 𑌰𑍁𑌦𑌂𑌤𑍌 𑌤𑌾𑌵𑌭𑍀𑌕𑍍𑌷𑍍𑌣𑌶𑌃 ॥ 6 ॥

𑌭𑌰𑌤𑌃 𑌖𑌲𑍁 𑌧𑌰𑍍𑌮𑌾𑌤𑍍𑌮𑌾 𑌪𑌿𑌤𑌰𑌂 𑌮𑌾𑌤𑌰𑌂 𑌚 𑌮𑍇 ।
𑌧𑌰𑍍𑌮𑌾𑌰𑍍𑌥𑌕𑌾𑌮𑌸𑌹𑌿𑌤𑍈𑌰𑍍𑌵𑌾𑌕𑍍𑌯𑍈𑌰𑍍𑌵𑌾𑌶𑍍𑌵𑌾𑌸𑌯𑌿𑌷𑍍𑌯𑌤𑌿 ॥ 𑍭 ॥

𑌭𑌰𑌤𑌸𑍍𑌯𑌾𑌨𑍃𑌶𑌂𑌸𑌤𑍍𑌵𑌂 𑌵𑌿𑌚𑌿𑌂𑌤𑍍𑌯𑌾𑌹𑌂 𑌪𑍁𑌨𑌃 𑌪𑍁𑌨𑌃 ।
𑌨𑌾𑌨𑍁𑌶𑍋𑌚𑌾𑌮𑌿 𑌪𑌿𑌤𑌰𑌂 𑌮𑌾𑌤𑌰𑌂 𑌚𑌾𑌪𑌿 𑌲𑌕𑍍𑌷𑍍𑌮𑌣 ॥ 𑍮 ॥

𑌤𑍍𑌵𑌯𑌾 𑌕𑌾𑌰𑍍𑌯𑌂 𑌨𑌰𑌵𑍍𑌯𑌾𑌘𑍍𑌰 𑌮𑌾𑌮𑌨𑍁𑌵𑍍𑌰𑌜𑌤𑌾 𑌕𑍃𑌤𑌮𑍍 ।
𑌅𑌨𑍍𑌵𑍇𑌷𑍍𑌟𑌵𑍍𑌯𑌾 𑌹𑌿 𑌵𑍈𑌦𑍇𑌹𑍍𑌯𑌾 𑌰𑌕𑍍𑌷𑌣𑌾𑌰𑍍𑌥𑍇 𑌸𑌹𑌾𑌯𑌤𑌾 ॥ 𑍯 ॥

𑌅𑌦𑍍𑌭𑌿𑌰𑍇𑌵 𑌤𑍁 𑌸𑍌𑌮𑌿𑌤𑍍𑌰𑍇 𑌵𑌤𑍍𑌸𑍍𑌯𑌾𑌮𑍍𑌯𑌦𑍍𑌯 𑌨𑌿𑌶𑌾𑌮𑌿𑌮𑌾𑌮𑍍 ।
𑌏𑌤𑌧𑍍𑌦𑌿 𑌰𑍋𑌚𑌤𑍇 𑌮𑌹𑍍𑌯𑌂 𑌵𑌨𑍍𑌯𑍇𑌽𑌪𑌿 𑌵𑌿𑌵𑌿𑌧𑍇 𑌸𑌤𑌿 ॥ 10 ॥

𑌏𑌵𑌮𑍁𑌕𑍍𑌤𑍍𑌵𑌾 𑌤𑍁 𑌸𑍌𑌮𑌿𑌤𑍍𑌰𑌿𑌂 𑌸𑍁𑌮𑌂𑌤𑍍𑌰𑌮𑌪𑌿 𑌰𑌾𑌘𑌵𑌃 ।
𑌅𑌪𑍍𑌰𑌮𑌤𑍍𑌤𑌸𑍍𑌤𑍍𑌵𑌮𑌶𑍍𑌵𑍇𑌷𑍁 𑌭𑌵 𑌸𑍌𑌮𑍍𑌯𑍇𑌤𑍍𑌯𑍁𑌵𑌾𑌚 𑌹 ॥ 11 ॥

𑌸𑍋𑌽𑌶𑍍𑌵𑌾𑌨𑍍𑌸𑍁𑌮𑌂𑌤𑍍𑌰𑌃 𑌸𑌂𑌯𑌮𑍍𑌯 𑌸𑍂𑌰𑍍𑌯𑍇𑌽𑌸𑍍𑌤𑌂 𑌸𑌮𑍁𑌪𑌾𑌗𑌤𑍇 ।
𑌪𑍍𑌰𑌭𑍂𑌤𑌯𑌵𑌸𑌾𑌨𑍍 𑌕𑍃𑌤𑍍𑌵𑌾 𑌬𑌭𑍂𑌵 𑌪𑍍𑌰𑌤𑍍𑌯𑌨𑌂𑌤𑌰𑌃 ॥ 12 ॥

𑌉𑌪𑌾𑌸𑍍𑌯 𑌤𑍁 𑌶𑌿𑌵𑌾𑌂 𑌸𑌂𑌧𑍍𑌯𑌾𑌂 𑌦𑍃𑌷𑍍𑌟𑍍𑌵𑌾 𑌰𑌾𑌤𑍍𑌰𑌿𑌮𑍁𑌪𑌸𑍍𑌥𑌿𑌤𑌾𑌮𑍍 ।
𑌰𑌾𑌮𑌸𑍍𑌯 𑌶𑌯𑌨𑌂 𑌚𑌕𑍍𑌰𑍇 𑌸𑍂𑌤𑌃 𑌸𑍌𑌮𑌿𑌤𑍍𑌰𑌿𑌣𑌾 𑌸𑌹 ॥ 13 ॥

𑌤𑌾𑌂 𑌶𑌯𑍍𑌯𑌾𑌂 𑌤𑌮𑌸𑌾𑌤𑍀𑌰𑍇 𑌵𑍀𑌕𑍍𑌷𑍍𑌯 𑌵𑍃𑌕𑍍𑌷𑌦𑌲𑍈𑌃 𑌕𑍃𑌤𑌾𑌮𑍍 ।
𑌰𑌾𑌮𑌃 𑌸𑍌𑌮𑌿𑌤𑍍𑌰𑌿𑌣𑌾 𑌸𑌾𑌰𑍍𑌧𑌂 𑌸𑌭𑌾𑌰𑍍𑌯𑌸𑍍𑌸𑌂𑌵𑌿𑌵𑍇𑌶 𑌹 ॥ 14 ॥

𑌸𑌭𑌾𑌰𑍍𑌯𑌂 𑌸𑌂𑌪𑍍𑌰𑌸𑍁𑌪𑍍𑌤𑌂 𑌤𑌂 𑌭𑍍𑌰𑌾𑌤𑌰𑌂 𑌵𑍀𑌕𑍍𑌷𑍍𑌯 𑌲𑌕𑍍𑌷𑍍𑌮𑌣𑌃 ।
𑌕𑌥𑌯𑌾𑌮𑌾𑌸 𑌸𑍂𑌤𑌾𑌯 𑌰𑌾𑌮𑌸𑍍𑌯 𑌵𑌿𑌵𑌿𑌧𑌾𑌨𑍍 𑌗𑍁𑌣𑌾𑌨𑍍 ॥ 15 ॥

𑌜𑌾𑌗𑍍𑌰𑌤𑍋 𑌹𑍍𑌯𑍇𑌵 𑌤𑌾𑌂 𑌰𑌾𑌤𑍍𑌰𑌿𑌂 𑌸𑍌𑌮𑌿𑌤𑍍𑌰𑍇𑌰𑍁𑌦𑌿𑌤𑍋 𑌰𑌵𑌿𑌃 ।
𑌸𑍂𑌤𑌸𑍍𑌯 𑌤𑌮𑌸𑌾𑌤𑍀𑌰𑍇 𑌰𑌾𑌮𑌸𑍍𑌯 𑌬𑍍𑌰𑍁𑌵𑌤𑍋 𑌗𑍁𑌣𑌾𑌨𑍍 ॥ 16 ॥

𑌗𑍋𑌕𑍁𑌲𑌾𑌕𑍁𑌲𑌤𑍀𑌰𑌾𑌯𑌾𑌸𑍍𑌤𑌮𑌸𑌾𑌯𑌾 𑌵𑌿𑌦𑍂𑌰𑌤𑌃 ।
𑌅𑌵𑌸𑌤𑍍𑌤𑌤𑍍𑌰 𑌤𑌾𑌂 𑌰𑌾𑌤𑍍𑌰𑌿𑌂 𑌰𑌾𑌮𑌃 𑌪𑍍𑌰𑌕𑍃𑌤𑌿𑌭𑌿𑌸𑍍𑌸𑌹 ॥ 1𑍭 ॥

𑌉𑌤𑍍𑌥𑌾𑌯 𑌸 𑌮𑌹𑌾𑌤𑍇𑌜𑌾𑌃 𑌪𑍍𑌰𑌕𑍃𑌤𑍀𑌸𑍍𑌤𑌾 𑌨𑌿𑌶𑌾𑌮𑍍𑌯 𑌚 ।
𑌅𑌬𑍍𑌰𑌵𑍀𑌦𑍍𑌭𑍍𑌰𑌾𑌤𑌰𑌂 𑌰𑌾𑌮𑍋 𑌲𑌕𑍍𑌷𑍍𑌮𑌣𑌂 𑌪𑍁𑌣𑍍𑌯𑌲𑌕𑍍𑌷𑌣𑌮𑍍 ॥ 1𑍮 ॥

𑌅𑌸𑍍𑌮𑌦𑍍𑌵𑍍𑌯𑌪𑍇𑌕𑍍𑌷𑌾𑌨𑍍 𑌸𑍌𑌮𑌿𑌤𑍍𑌰𑍇 𑌨𑌿𑌰𑌪𑍇𑌕𑍍𑌷𑌾𑌨𑍍 𑌗𑍃𑌹𑍇𑌷𑍍𑌵𑌪𑌿 ।
𑌵𑍃𑌕𑍍𑌷𑌮𑍂𑌲𑍇𑌷𑍁 𑌸𑌂𑌸𑍁𑌪𑍍𑌤𑌾𑌨𑍍 𑌪𑌶𑍍𑌯 𑌲𑌕𑍍𑌷𑍍𑌮𑌣 𑌸𑌾𑌂𑌪𑍍𑌰𑌤𑌮𑍍 ॥ 1𑍯 ॥

𑌯𑌥𑍈𑌤𑍇 𑌨𑌿𑌯𑌮𑌂 𑌪𑍌𑌰𑌾𑌃 𑌕𑍁𑌰𑍍𑌵𑌂𑌤𑍍𑌯𑌸𑍍𑌮𑌨𑍍𑌨𑌿𑌵𑌰𑍍𑌤𑌨𑍇 ।
𑌅𑌪𑌿 𑌪𑍍𑌰𑌾𑌣𑌾𑌨𑍍𑌨𑍍𑌯𑌸𑌿𑌷𑍍𑌯𑌂𑌤𑌿 𑌨 𑌤𑍁 𑌤𑍍𑌯𑌕𑍍𑌷𑍍𑌯𑌂𑌤𑌿 𑌨𑌿𑌶𑍍𑌚𑌯𑌮𑍍 ॥ 20 ॥

𑌯𑌾𑌵𑌦𑍇𑌵 𑌤𑍁 𑌸𑌂𑌸𑍁𑌪𑍍𑌤𑌾 𑌸𑍍𑌤𑌾𑌵𑌦𑍇𑌵 𑌵𑌯𑌂 𑌲𑌘𑍁 ।
𑌰𑌥𑌮𑌾𑌰𑍁𑌹𑍍𑌯 𑌗𑌚𑍍𑌛𑌾𑌮𑌃 𑌪𑌂𑌥𑌾𑌨𑌮𑌕𑍁𑌤𑍋𑌭𑌯𑌮𑍍 ॥ 21 ॥

𑌅𑌤𑍋 𑌭𑍂𑌯𑍋𑌽𑌪𑌿 𑌨𑍇𑌦𑌾𑌨𑍀𑌮𑌿𑌕𑍍𑌷𑍍𑌵𑌾𑌕𑍁𑌪𑍁𑌰𑌵𑌾𑌸𑌿𑌨𑌃 ।
𑌸𑍍𑌵𑌪𑍇𑌯𑍁𑌰𑌨𑍁𑌰𑌕𑍍𑌤𑌾 𑌮𑌾𑌂 𑌵𑍃𑌕𑍍𑌷𑌮𑍂𑌲𑌾𑌨𑌿 𑌸𑌂𑌶𑍍𑌰𑌿𑌤𑌾𑌃 ॥ 22 ॥

𑌪𑍌𑌰𑌾 𑌹𑍍𑌯𑌾𑌤𑍍𑌮𑌕𑍃𑌤𑌾𑌦𑍍𑌦𑍁𑌃𑌖𑌾𑌦𑍍𑌵𑌿𑌪𑍍𑌰𑌮𑍋𑌚𑍍𑌯𑌾 𑌨𑍃𑌪𑌾𑌤𑍍𑌮𑌜𑍈𑌃 ।
𑌨 𑌤𑍁 𑌖𑌲𑍍𑌵𑌾𑌤𑍍𑌮𑌨𑌾 𑌯𑍋𑌜𑍍𑌯𑌾 𑌦𑍁𑌃𑌖𑍇𑌨 𑌪𑍁𑌰𑌵𑌾𑌸𑌿𑌨𑌃 ॥ 23 ॥

𑌅𑌬𑍍𑌰𑌵𑍀𑌲𑍍𑌲𑌕𑍍𑌷𑍍𑌮𑌣𑍋 𑌰𑌾𑌮𑌂 𑌸𑌾𑌕𑍍𑌷𑌾𑌦𑍍𑌧𑌰𑍍𑌮𑌮𑌿𑌵𑌸𑍍𑌥𑌿𑌤𑌮𑍍 ।
𑌰𑍋𑌚𑌤𑍇 𑌮𑍇 𑌤𑌥𑌾 𑌪𑍍𑌰𑌾𑌜𑍍𑌞 𑌕𑍍𑌷𑌿𑌪𑍍𑌰 𑌮𑌾𑌰𑍁𑌹𑍍𑌯𑌤𑌾𑌮𑌿𑌤𑌿 ॥ 24 ॥

𑌅𑌥 𑌰𑌾𑌮𑍋𑌽𑌬𑍍𑌰𑌵𑍀𑌚𑍍𑌛𑍍𑌰𑍀𑌮𑌾𑌨𑍍𑌸𑍁𑌮𑌂𑌤𑍍𑌰𑌂 𑌯𑍁𑌜𑍍𑌯𑌤𑌾𑌂 𑌰𑌥𑌃 ।
𑌗𑌮𑌿𑌷𑍍𑌯𑌾𑌮𑌿 𑌤𑌤𑍋𑌽𑌰𑌣𑍍𑌯𑌂 𑌗𑌚𑍍𑌛 𑌶𑍀𑌘𑍍𑌰𑌮𑌿𑌤𑌃 𑌪𑍍𑌰𑌭𑍋 ॥ 25 ॥

𑌸𑍂𑌤𑌸𑍍𑌤𑌤 𑌸𑍍𑌸𑌤𑍍𑌤𑍍𑌵𑌰𑌿𑌤𑌃 𑌸𑍍𑌯𑌂𑌦𑌨𑌂 𑌤𑍈𑌰𑍍𑌹𑌯𑍋𑌤𑍍𑌤𑌮𑍈𑌃 ।
𑌯𑍋𑌜𑌯𑌿𑌤𑍍𑌵𑍍𑌰𑌾𑌽𑌥 𑌰𑌾𑌮𑌾𑌯 𑌪𑍍𑌰𑌾𑌂𑌜𑌲𑌿𑌃 𑌪𑍍𑌰𑌤𑍍𑌯𑌵𑍇𑌦𑌯𑌤𑍍 ॥ 26 ॥

𑌅𑌯𑌂 𑌯𑍁𑌕𑍍𑌤𑍋 𑌮𑌹𑌾𑌬𑌾𑌹𑍋 𑌰𑌥𑌸𑍍𑌤𑍇 𑌰𑌥𑌿𑌨𑌾𑌂 𑌵𑌰 ।
𑌤𑍍𑌵𑌮𑌾𑌰𑍋𑌹𑌸𑍍𑌵 𑌭𑌦𑍍𑌰𑌂 𑌤𑍇 𑌸𑌸𑍀𑌤 𑌸𑍍𑌸𑌹𑌲𑌕𑍍𑌷𑍍𑌮𑌣𑌃 ॥ 2𑍭 ॥

𑌤𑌂 𑌸𑍍𑌯𑌂𑌦𑌨𑌮𑌧𑌿𑌷𑍍𑌠𑌾𑌯 𑌰𑌾𑌘𑌵 𑌸𑍍𑌸𑌪𑌰𑌿𑌚𑍍𑌛𑌦𑌃 ।
𑌶𑍀𑌘𑍍𑌰𑌗𑌾𑌮𑌾𑌕𑍁𑌲𑌾𑌵𑌰𑍍𑌤𑌾𑌂 𑌤𑌮𑌸𑌾𑌮𑌤𑌰𑌨𑍍𑌨𑌦𑍀𑌮𑍍 ॥ 2𑍮 ॥

𑌸 𑌸𑌂𑌤𑍀𑌰𑍍𑌯 𑌮𑌹𑌾𑌬𑌾𑌹𑍁𑌃 𑌶𑍍𑌰𑍀𑌮𑌾𑌨𑍍 𑌶𑌿𑌵𑌮𑌕𑌂𑌟𑌕𑌮𑍍 ।
𑌪𑍍𑌰𑌾𑌪𑌦𑍍𑌯𑌤 𑌮𑌹𑌾𑌮𑌾𑌰𑍍𑌗𑌮𑌭𑌯𑌂 𑌭𑌯𑌦𑌰𑍍𑌶𑌿𑌨𑌾𑌮𑍍 ॥ 2𑍯 ॥

𑌮𑍋𑌹𑌨𑌾𑌰𑍍𑌥𑌂 𑌤𑍁 𑌪𑍌𑌰𑌾𑌣𑌾𑌂 𑌸𑍂𑌤𑌂 𑌰𑌾𑌮𑍋𑌽𑌬𑍍𑌰𑌵𑍀𑌦𑍍𑌵𑌚𑌃 ।
𑌉𑌦𑌙𑍍𑌮𑍁𑌖𑌃 𑌪𑍍𑌰𑌯𑌾𑌹𑌿 𑌤𑍍𑌵𑌂 𑌰𑌥𑌮𑌾𑌸𑍍𑌥𑌾𑌯 𑌸𑌾𑌰𑌥𑍇 ॥ 30 ॥

𑌮𑍁𑌹𑍂𑌰𑍍𑌤𑌂 𑌤𑍍𑌵𑌰𑌿𑌤𑌂 𑌗𑌤𑍍𑌵𑌾 𑌨𑌿𑌵𑌰𑍍𑌤𑌯 𑌰𑌥𑌂 𑌪𑍁𑌨𑌃 ।
𑌯𑌥𑌾 𑌨 𑌵𑌿𑌦𑍍𑌯𑍁𑌃 𑌪𑍌𑌰𑌾 𑌮𑌾𑌂 𑌤𑌥𑌾 𑌕𑍁𑌰𑍁 𑌸𑌮𑌾𑌹𑌿𑌤𑌃 ॥ 31 ॥

𑌰𑌾𑌮𑌸𑍍𑌯 𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌤𑌥𑌾 𑌚𑌕𑍍𑌰𑍇 𑌸 𑌸𑌾𑌰𑌥𑌿𑌃 ।
𑌪𑍍𑌰𑌤𑍍𑌯𑌾𑌗𑌮𑍍𑌯 𑌚 𑌰𑌾𑌮𑌸𑍍𑌯 𑌸𑍍𑌯𑌂𑌦𑌨𑌂 𑌪𑍍𑌰𑌤𑍍𑌯𑌵𑍇𑌦𑌯𑌤𑍍 ॥ 32 ॥

𑌤𑍌 𑌸𑌂𑌪𑍍𑌰𑌯𑍁𑌕𑍍𑌤𑌂 𑌤𑍁 𑌰𑌥𑌂 𑌸𑌮𑌾𑌸𑍍𑌥𑌿𑌤𑍌 𑌤𑌦𑌾 𑌸𑌸𑍀𑌤𑍌 𑌰𑌘𑍁𑌵𑌂𑌶𑌵𑌰𑍍𑌧𑌨𑍌 ।
𑌪𑍍𑌰𑌚𑍋𑌦𑌯𑌾𑌮𑌾𑌸 𑌤𑌤𑌸𑍍𑌤𑍁𑌰𑌂𑌗𑌮𑌾𑌨𑍍 𑌸 𑌸𑌾𑌰𑌥𑌿𑌰𑍍𑌯𑍇𑌨 𑌪𑌥𑌾 𑌤𑌪𑍋𑌵𑌨𑌮𑍍 ॥ 33 ॥

𑌤𑌤 𑌸𑍍𑌸𑌮𑌾𑌸𑍍𑌥𑌾𑌯 𑌰𑌥𑌂 𑌮𑌹𑌾𑌰𑌥𑌃 𑌸𑌸𑌾𑌰𑌥𑌿𑌰𑍍𑌦𑌾𑌶𑌰𑌥𑌿𑌰𑍍𑌵𑌨𑌂 𑌯𑌯𑍌 ।
𑌉𑌦𑌙𑍍𑌮𑍁𑌖𑌂 𑌤𑌂 𑌤𑍁 𑌰𑌥𑌂 𑌚𑌕𑌾𑌰 𑌸 𑌪𑍍𑌰𑌯𑌾𑌣𑌮𑌾𑌂𑌗𑌲𑍍𑌯 𑌨𑌿𑌮𑌿𑌤𑍍𑌤𑌦𑌰𑍍𑌶𑌨𑌾𑌤𑍍 ॥ 34 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌷𑌟𑍍𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ॥


Browse Related Categories: