Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

3.1 𑌅𑌰𑌣𑍍𑌯𑌕𑌾𑌂𑌡 - 𑌪𑍍𑌰𑌥𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌰𑌣𑍍𑌯𑌕𑌾𑌂𑌡𑌮𑍍 ।
𑌅𑌥 𑌪𑍍𑌰𑌥𑌮𑌸𑍍𑌸𑌰𑍍𑌗𑌃 ।

𑌪𑍍𑌰𑌵𑌿𑌶𑍍𑌯 𑌤𑍁 𑌮𑌹𑌾𑌰𑌣𑍍𑌯𑌂 𑌦𑌂𑌡𑌕𑌾𑌰𑌣𑍍𑌯𑌮𑌾𑌤𑍍𑌮𑌵𑌾𑌨𑍍 ।
𑌦𑌦𑌰𑍍𑌶 𑌰𑌾𑌮𑍋 𑌦𑍁𑌰𑍍𑌧𑌰𑍍𑌷𑌸𑍍𑌤𑌾𑌪𑌸𑌾𑌶𑍍𑌰𑌮𑌮𑌂𑌡𑌲𑌮𑍍 ॥ 1 ॥

𑌕𑍁𑌶𑌚𑍀𑌰𑌪𑌰𑌿𑌕𑍍𑌷𑌿𑌪𑍍𑌤𑌂 𑌬𑍍𑌰𑌾𑌹𑍍𑌮𑍍𑌯𑌾 𑌲𑌕𑍍𑌷𑍍𑌮𑍍𑌯𑌾 𑌸𑌮𑌾𑌵𑍃𑌤𑌮𑍍 ।
𑌯𑌥𑌾 𑌪𑍍𑌰𑌦𑍀𑌪𑍍𑌤𑌂 𑌦𑍁𑌰𑍍𑌦𑌰𑍍𑌶𑌂 𑌗𑌗𑌨𑍇 𑌸𑍂𑌰𑍍𑌯𑌮𑌂𑌡𑌲𑌮𑍍 ॥ 2 ॥

𑌶𑌰𑌣𑍍𑌯𑌂 𑌸𑌰𑍍𑌵𑌭𑍂𑌤𑌾𑌨𑌾𑌂 𑌸𑍁𑌸𑌮𑍍𑌮𑍃𑌷𑍍𑌟𑌾𑌜𑌿𑌰𑌂 𑌸𑌦𑌾 ।
𑌮𑍃𑌗𑍈𑌰𑍍𑌬𑌹𑍁𑌭𑌿𑌰𑌾𑌕𑍀𑌰𑍍𑌣𑌂 𑌪𑌕𑍍𑌷𑌿𑌸𑌂𑌘𑍈𑌸𑍍𑌸𑌮𑌾𑌵𑍃𑌤𑌮𑍍 ॥ 3 ॥

𑌪𑍂𑌜𑌿𑌤𑌂 𑌚 𑌪𑍍𑌰𑌨𑍃𑌤𑍍𑌤𑌂 𑌚 𑌨𑌿𑌤𑍍𑌯𑌮𑌪𑍍𑌸𑌰𑌸𑌾𑌂 𑌗𑌣𑍈𑌃 ।
𑌵𑌿𑌶𑌾𑌲𑍈𑌰𑌗𑍍𑌨𑌿𑌶𑌰𑌣𑍈𑌃 𑌸𑍍𑌰𑍁𑌗𑍍𑌭𑌾𑌂𑌡𑍈𑌰𑌜𑌿𑌨𑍈𑌃 𑌕𑍁𑌶𑍈𑌃 ॥ 4 ॥

𑌸𑌮𑌿𑌦𑍍𑌭𑌿𑌸𑍍𑌤𑍋𑌯𑌕𑌲𑌶𑍈𑌃 𑌫𑌲𑌮𑍂𑌲𑍈𑌶𑍍𑌚 𑌶𑍋𑌭𑌿𑌤𑌮𑍍 ।
𑌆𑌰𑌣𑍍𑌯𑍈𑌶𑍍𑌚 𑌮𑌹𑌾𑌵𑍃𑌕𑍍𑌷𑍈𑌃 𑌪𑍁𑌣𑍍𑌯𑍈𑌸𑍍𑌸𑍍𑌵𑌾𑌦𑍁𑌫𑌲𑍈𑌰𑍍𑌵𑍃𑌤𑌮𑍍 ॥ 5 ॥

𑌬𑌲𑌿𑌹𑍋𑌮𑌾𑌰𑍍𑌚𑌿𑌤𑌂 𑌪𑍁𑌣𑍍𑌯𑌂 𑌬𑍍𑌰𑌹𑍍𑌮𑌘𑍋𑌷𑌨𑌿𑌨𑌾𑌦𑌿𑌤𑌮𑍍 ।
𑌪𑍁𑌷𑍍𑌪𑍈𑌶𑍍𑌚𑌾𑌨𑍍𑌯𑍈𑌃 𑌪𑌰𑌿𑌕𑍍𑌷𑌿𑌪𑍍𑌤𑌂 𑌪𑌦𑍍𑌮𑌿𑌨𑍍𑌯𑌾 𑌚 𑌸𑌪𑌦𑍍𑌮𑌯𑌾 ॥ 6 ॥

𑌫𑌲𑌮𑍂𑌲𑌾𑌶𑌨𑍈𑌰𑍍𑌦𑌾𑌂𑌤𑍈𑌶𑍍𑌚𑍀𑌰𑌕𑍃𑌷𑍍𑌣𑌾𑌜𑌿𑌨𑌾𑌂𑌬𑌰𑍈𑌃 ।
𑌸𑍂𑌰𑍍𑌯𑌵𑍈𑌶𑍍𑌵𑌾𑌨𑌰𑌾𑌭𑍈𑌶𑍍𑌚 𑌪𑍁𑌰𑌾𑌣𑍈𑌰𑍍𑌮𑍁𑌨𑌿𑌭𑌿𑌰𑍍𑌵𑍁𑌤𑌮𑍍 ॥ 𑍭 ॥

𑌪𑍁𑌣𑍍𑌯𑍈𑌶𑍍𑌚 𑌨𑌿𑌯𑌤𑌾𑌹𑌾𑌰𑍈𑌃 𑌶𑍋𑌭𑌿𑌤𑌂 𑌪𑌰𑌮𑌰𑍍𑌷𑌿𑌭𑌿𑌃 ।
𑌤𑌦𑍍𑌬𑍍𑌰𑌹𑍍𑌮𑌭𑌵𑌨𑌪𑍍𑌰𑌖𑍍𑌯𑌂 𑌬𑍍𑌰𑌹𑍍𑌮𑌘𑍋𑌷𑌨𑌿𑌨𑌾𑌦𑌿𑌤𑌮𑍍 ॥ 𑍮 ॥

𑌬𑍍𑌰𑌹𑍍𑌮𑌵𑌿𑌦𑍍𑌭𑌿𑌰𑍍𑌮𑌹𑌾𑌭𑌾𑌗𑍈𑌰𑍍𑌬𑍍𑌰𑌾𑌹𑍍𑌮𑌣𑍈𑌰𑍁𑌪𑌶𑍋𑌭𑌿𑌤𑌮𑍍 ।
𑌤𑌦𑍍𑌦𑍃𑌷𑍍𑌟𑍍𑌵𑌾 𑌰𑌾𑌘𑌵𑌃 𑌶𑍍𑌰𑍀𑌮𑌾𑌂𑌸𑍍𑌤𑌾𑌪𑌸𑌾𑌶𑍍𑌰𑌮𑌮𑌂𑌡𑌲𑌮𑍍 ॥ 𑍯 ॥

𑌅𑌭𑍍𑌯𑌗𑌚𑍍𑌛𑌨𑍍𑌮𑌹𑌾𑌤𑍇𑌜𑌾 𑌵𑌿𑌜𑍍𑌯𑌂 𑌕𑍃𑌤𑍍𑌵𑌾 𑌮𑌹𑌦𑍍𑌧𑌨𑍁𑌃 ।
𑌦𑌿𑌵𑍍𑌯𑌜𑍍𑌞𑌾𑌨𑍋𑌪𑌪𑌨𑍍𑌨𑌾𑌸𑍍𑌤𑍇 𑌰𑌾𑌮𑌂 𑌦𑍃𑌷𑍍𑌟𑍍𑌵𑌾 𑌮𑌹𑌰𑍍𑌷𑌯𑌃 ॥ 10 ॥

𑌅𑌭𑍍𑌯𑌗𑌚𑍍𑌛𑌨𑍍𑌸𑍍𑌤𑌦𑌾 𑌪𑍍𑌰𑍀𑌤𑌾 𑌵𑍈𑌦𑍇𑌹𑍀𑌂 𑌚 𑌯𑌶𑌸𑍍𑌵𑌿𑌨𑍀𑌮𑍍 ।
𑌤𑍇 𑌤𑌂 𑌸𑍋𑌮𑌮𑌿𑌵𑍋𑌦𑍍𑌯𑌂𑌤𑌂 𑌦𑍃𑌷𑍍𑌟𑍍𑌵𑌾 𑌵𑍈 𑌧𑌰𑍍𑌮𑌚𑌾𑌰𑌿𑌣𑌮𑍍 ॥ 11 ॥

𑌲𑌕𑍍𑌷𑍍𑌮𑌣𑌂 𑌚𑍈𑌵 𑌦𑍃𑌷𑍍𑌟𑍍𑌵𑌾 𑌤𑍁 𑌵𑍈𑌦𑍇𑌹𑍀𑌂 𑌚 𑌯𑌶𑌸𑍍𑌵𑌿𑌨𑍀𑌮𑍍 ।
𑌮𑌂𑌗𑌲𑌾𑌨𑌿 𑌪𑍍𑌰𑌯𑍁𑌂𑌜𑌾𑌨𑌾𑌃 𑌪𑍍𑌰𑌤𑍍𑌯𑌗𑍃𑌹𑍍𑌣𑌂𑌦𑍃𑌢𑌵𑍍𑌰𑌤𑌾𑌃 ॥ 12 ॥

𑌰𑍂𑌪𑌸𑌂𑌹𑌨𑌨𑌂 𑌲𑌕𑍍𑌷𑍍𑌮𑍀𑌂 𑌸𑍌𑌕𑍁𑌮𑌾𑌰𑍍𑌯𑌂 𑌸𑍁𑌵𑍇𑌷𑌤𑌾𑌮𑍍 ।
𑌦𑌦𑍃𑌶𑍁𑌰𑍍𑌵𑌿𑌸𑍍𑌮𑌿𑌤𑌾𑌕𑌾𑌰𑌾 𑌰𑌾𑌮𑌸𑍍𑌯 𑌵𑌨𑌵𑌾𑌸𑌿𑌨𑌃 ॥ 13 ॥

𑌵𑍈𑌦𑍇𑌹𑍀𑌂 𑌲𑌕𑍍𑌷𑍍𑌮𑌣𑌂 𑌰𑌾𑌮𑌂 𑌨𑍇𑌤𑍍𑌰𑍈𑌰𑌨𑌿𑌮𑌿𑌷𑍈𑌰𑌿𑌵 ।
𑌆𑌶𑍍𑌚𑌰𑍍𑌯𑌭𑍂𑌤𑌾𑌂𑌦𑌦𑍃𑌶𑍁𑌃 𑌸𑌰𑍍𑌵𑍇 𑌤𑍇 𑌵𑌨𑌚𑌾𑌰𑌿𑌣𑌃 ॥ 14 ॥

𑌅𑌤𑍍𑌰𑍈𑌨𑌂 𑌹𑌿 𑌮𑌹𑌾𑌭𑌾𑌗𑌾 𑌸𑍍𑌸𑌰𑍍𑌵𑌭𑍂𑌤𑌹𑌿𑌤𑍇 𑌰𑌤𑌾𑌃 ।
𑌅𑌤𑌿𑌥𑌿𑌂 𑌪𑌰𑍍𑌣𑌶𑌾𑌲𑌾𑌯𑌾𑌂 𑌰𑌾𑌘𑌵𑌂 𑌸𑌂𑌨𑍍𑌯𑌵𑍇𑌶𑌯𑌨𑍍 ॥ 15 ॥

𑌤𑌤𑍋 𑌰𑌾𑌮𑌸𑍍𑌯 𑌸𑌤𑍍𑌕𑍃𑌤𑍍𑌯 𑌵𑌿𑌧𑌿𑌨𑌾 𑌪𑌾𑌵𑌕𑍋𑌪𑌮𑌾𑌃 ।
𑌆𑌜𑌹𑍍𑌰𑍁𑌸𑍍𑌤𑍇 𑌮𑌹𑌾𑌭𑌾𑌗𑌾𑌃 𑌸𑌲𑌿𑌲𑌂 𑌧𑌰𑍍𑌮𑌚𑌾𑌰𑌿𑌣𑌃 ॥ 16 ॥

𑌪𑍁𑌷𑍍𑌪𑌂 𑌮𑍂𑌲𑌂 𑌫𑌲𑌂 𑌸𑌰𑍍𑌵𑌮𑌾𑌶𑍍𑌰𑌮𑌂 𑌚 𑌮𑌹𑌾𑌤𑍍𑌮𑌨𑌃 ।
𑌨𑌿𑌵𑍇𑌦𑌯𑌿𑌤𑍍𑌵𑌾 𑌧𑌰𑍍𑌮𑌜𑍍𑌞𑌾𑌸𑍍𑌤𑍇 𑌤𑌤𑌃 𑌪𑍍𑌰𑌾𑌂𑌜𑌲𑌯𑍋𑌽𑌬𑍍𑌰𑍁𑌵𑌨𑍍 ॥ 1𑍭 ॥

𑌧𑌰𑍍𑌮𑌪𑌾𑌲𑍋 𑌜𑌨𑌸𑍍𑌯𑌾𑌸𑍍𑌯 𑌶𑌰𑌣𑍍𑌯𑌸𑍍𑌤𑍍𑌵𑌂 𑌮𑌹𑌾𑌯𑌶𑌾𑌃 ।
𑌪𑍂𑌜𑌨𑍀𑌯𑌶𑍍𑌚 𑌮𑌾𑌨𑍍𑌯𑌶𑍍𑌚 𑌰𑌾𑌜𑌾 𑌦𑌂𑌡𑌧𑌰𑍋 𑌗𑍁𑌰𑍁𑌃 ॥ 1𑍮 ॥

𑌇𑌂𑌦𑍍𑌰𑌸𑍍𑌯𑍇𑌹 𑌚𑌤𑍁𑌰𑍍𑌭𑌾𑌗𑌃 𑌪𑍍𑌰𑌜𑌾 𑌰𑌕𑍍𑌷𑌤𑌿 𑌰𑌾𑌘𑌵 ।
𑌰𑌾𑌜𑌾 𑌤𑌸𑍍𑌮𑌾𑌦𑍍𑌵𑌰𑌾𑌨𑍍𑌭𑍋𑌗𑌾𑌨𑍍𑌰𑌮𑍍𑌯𑌾𑌨𑍍 𑌭𑍁𑌙𑌕𑍍𑌤𑍇𑌲𑍋𑌕𑌨𑌮𑌸𑍍𑌕𑍃𑌤𑌃 ॥ 1𑍯 ॥

𑌤𑍇 𑌵𑌯𑌂 𑌭𑌵𑌤𑌾 𑌰𑌕𑍍𑌷𑍍𑌯𑌾 𑌭𑌵𑌦𑍍𑌵𑌿𑌷𑌯𑌵𑌾𑌸𑌿𑌨𑌃 ।
𑌨𑌗𑌰𑌸𑍍𑌥𑍋 𑌵𑌨𑌸𑍍𑌥𑍋 𑌵𑌾 𑌤𑍍𑌵𑌂 𑌨𑍋 𑌰𑌾𑌜𑌾 𑌜𑌨𑍇𑌶𑍍𑌵𑌰𑌃 ॥ 20 ॥

𑌨𑍍𑌯𑌸𑍍𑌤𑌦𑌂𑌡𑌾 𑌵𑌯𑌂 𑌰𑌾𑌜𑌂𑌜𑌿𑌤𑌕𑍍𑌰𑍋𑌧𑌾 𑌜𑌿𑌤𑍇𑌂𑌦𑍍𑌰𑌿𑌯𑌾𑌃 ।
𑌰𑌕𑍍𑌷𑌣𑍀𑌯𑌾𑌸𑍍𑌤𑍍𑌵𑌯𑌾 𑌶𑌶𑍍𑌵𑌦𑌗𑌰𑍍𑌭𑌭𑍂𑌤𑌾𑌸𑍍𑌤𑌪𑍋𑌧𑌨𑌾𑌃 ॥ 21 ॥

𑌏𑌵𑌮𑍁𑌕𑍍𑌤𑍍𑌵𑌾 𑌫𑌲𑍈𑌰𑍍𑌮𑍂𑌲𑍈𑌃 𑌪𑍁𑌷𑍍𑌪𑍈𑌰𑍍𑌵𑌨𑍍𑌯𑍈𑌶𑍍𑌚 𑌰𑌾𑌘𑌵𑌮𑍍 ।
𑌅𑌨𑍍𑌯𑍈𑌶𑍍𑌚 𑌵𑌿𑌵𑌿𑌧𑌾𑌹𑌾𑌰𑍈𑌃 𑌸𑌲𑌕𑍍𑌷𑍍𑌮𑌣𑌮𑌪𑍂𑌜𑌯𑌨𑍍 ॥ 22 ॥

𑌤𑌥𑌾𑌨𑍍𑌯𑍇 𑌤𑌾𑌪𑌸𑌾𑌸𑍍𑌸𑌿𑌦𑍍𑌧𑌾 𑌰𑌾𑌮𑌂 𑌵𑍈𑌶𑍍𑌵𑌾𑌨𑌰𑍋𑌪𑌮𑌾𑌃 ।
𑌨𑍍𑌯𑌾𑌯𑌵𑍃𑌤𑍍𑌤𑌾 𑌯𑌥𑌾𑌨𑍍𑌯𑌾𑌯𑌂 𑌤𑌰𑍍𑌪𑌯𑌾𑌮𑌾𑌸𑍁𑌰𑍀𑌶𑍍𑌵𑌰𑌮𑍍 ॥ 23 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌰𑌣𑍍𑌯𑌕𑌾𑌂𑌡𑍇 𑌪𑍍𑌰𑌥𑌮𑌸𑍍𑌸𑌰𑍍𑌗𑌃 ॥


Browse Related Categories: