Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

1.3 𑌬𑌾𑌲𑌕𑌾𑌂𑌡 - 𑌤𑍃𑌤𑍀𑌯 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌬𑌾𑌲𑌕𑌾𑌂𑌡𑌮𑍍 ।
𑌅𑌥 𑌤𑍃𑌤𑍀𑌯𑌸𑍍𑌸𑌰𑍍𑌗𑌃 ।

𑌶𑍍𑌰𑍁𑌤𑍍𑌵𑌾 𑌵𑌸𑍍𑌤𑍁 𑌸𑌮𑌗𑍍𑌰𑌂 𑌤𑌦𑍍𑌧𑌰𑍍𑌮𑌾𑌤𑍍𑌮𑌾 𑌧𑌰𑍍𑌮𑌸𑌂𑌹𑌿𑌤𑌮𑍍 ।
𑌵𑍍𑌯𑌕𑍍𑌤𑌮𑌨𑍍𑌵𑍇𑌷𑌤𑍇 𑌭𑍂𑌯𑍋 𑌯𑌦𑍍𑌵𑍃𑌤𑍍𑌤𑌂 𑌤𑌸𑍍𑌯 𑌧𑍀𑌮𑌤𑌃 ॥ 1 ॥

𑌉𑌪𑌸𑍍𑌪𑍃𑌶𑍍𑌯𑍋𑌦𑌕𑌂 𑌸𑌮𑍍𑌯𑌗𑍍𑌮𑍁𑌨𑌿𑌸𑍍𑌸𑍍𑌥𑌿𑌤𑍍𑌵𑌾 𑌕𑍃𑌤𑌾𑌂𑌜𑌲𑌿𑌃 ।
𑌪𑍍𑌰𑌾𑌚𑍀𑌨𑌾𑌗𑍍𑌰𑍇𑌷𑍁 𑌦𑌰𑍍𑌭𑍇𑌷𑍁 𑌧𑌰𑍍𑌮𑍇𑌣𑌾𑌨𑍍𑌵𑍇𑌷𑌤𑍇 𑌗𑌤𑌿𑌮𑍍 ॥ 2 ॥

𑌰𑌾𑌮𑌲𑌕𑍍𑌷𑍍𑌮𑌣𑌸𑍀𑌤𑌾𑌭𑍀 𑌰𑌾𑌜𑍍𑌞𑌾 𑌦𑌶𑌰𑌥𑍇𑌨 𑌚 ।
𑌸𑌭𑌾𑌰𑍍𑌯𑍇𑌣 𑌸𑌰𑌾𑌷𑍍𑌟𑍍𑌰𑍇𑌣 𑌯𑌤𑍍𑌪𑍍𑌰𑌾𑌪𑍍𑌤𑌂 𑌤𑌤𑍍𑌰 𑌤𑌤𑍍𑌤𑍍𑌵𑌤𑌃 ॥ 3 ॥

𑌹𑌸𑌿𑌤𑌂 𑌭𑌾𑌷𑌿𑌤𑌂 𑌚𑍈𑌵 𑌗𑌤𑌿𑌰𑍍𑌯𑌾 𑌯𑌚𑍍𑌚 𑌚𑍇𑌷𑍍𑌟𑌿𑌤𑌮𑍍 ।
𑌤𑌤𑍍𑌸𑌰𑍍𑌵𑌂 𑌧𑌰𑍍𑌮𑌵𑍀𑌰𑍍𑌯𑍇𑌣 𑌯𑌥𑌾𑌵𑌤𑍍𑌸𑌂𑌪𑍍𑌰𑌪𑌶𑍍𑌯𑌤𑌿 ॥ 4 ॥

𑌸𑍍𑌤𑍍𑌰𑍀𑌤𑍃𑌤𑍀𑌯𑍇𑌨 𑌚 𑌤𑌦𑌾 𑌯𑌤𑍍𑌪𑍍𑌰𑌾𑌪𑍍𑌤𑌂 𑌚𑌰𑌤𑌾 𑌵𑌨𑍇 ।
𑌸𑌤𑍍𑌯𑌸𑌂𑌧𑍇𑌨 𑌰𑌾𑌮𑍇𑌣 𑌤𑌤𑍍𑌸𑌰𑍍𑌵𑌂 𑌚𑌾𑌨𑍍𑌵𑌵𑍇𑌕𑍍𑌷𑌿𑌤𑌮𑍍 ॥ 5 ॥

𑌤𑌤𑌃 𑌪𑌶𑍍𑌯𑌤𑌿 𑌧𑌰𑍍𑌮𑌾𑌤𑍍𑌮𑌾 𑌤𑌤𑍍𑌸𑌰𑍍𑌵𑌂 𑌯𑍋𑌗𑌮𑌾𑌸𑍍𑌥𑌿𑌤𑌃 ।
𑌪𑍁𑌰𑌾 𑌯𑌤𑍍𑌤𑌤𑍍𑌰 𑌨𑌿𑌰𑍍𑌵𑍃𑌤𑍍𑌤𑌂 𑌪𑌾𑌣𑌾𑌵𑌾𑌮𑌲𑌕𑌂 𑌯𑌥𑌾 ॥ 6 ॥

𑌤𑌤𑍍𑌸𑌰𑍍𑌵𑌂 𑌤𑌤𑍍𑌤𑍍𑌵𑌤𑍋 𑌦𑍃𑌷𑍍𑌟𑍍𑌵𑌾 𑌧𑌰𑍍𑌮𑍇𑌣 𑌸 𑌮𑌹𑌾𑌦𑍍𑌯𑍁𑌤𑌿𑌃 ।
𑌅𑌭𑌿𑌰𑌾𑌮𑌸𑍍𑌯 𑌰𑌾𑌮𑌸𑍍𑌯 𑌚𑌰𑌿𑌤𑌂 𑌕𑌰𑍍𑌤𑍁𑌮𑍁𑌦𑍍𑌯𑌤𑌃 ॥ 𑍭 ॥

𑌕𑌾𑌮𑌾𑌰𑍍𑌥𑌗𑍁𑌣𑌸𑌂𑌯𑍁𑌕𑍍𑌤𑌂 𑌧𑌰𑍍𑌮𑌾𑌰𑍍𑌥𑌗𑍁𑌣𑌵𑌿𑌸𑍍𑌤𑌰𑌮𑍍 ।
𑌸𑌮𑍁𑌦𑍍𑌰𑌮𑌿𑌵 𑌰𑌤𑍍𑌨𑌾𑌢𑍍𑌯𑌂 𑌸𑌰𑍍𑌵𑌶𑍍𑌰𑍁𑌤𑌿𑌮𑌨𑍋𑌹𑌰𑌮𑍍 ॥ 𑍮 ॥

𑌸 𑌯𑌥𑌾 𑌕𑌥𑌿𑌤𑌂 𑌪𑍂𑌰𑍍𑌵𑌂 𑌨𑌾𑌰𑌦𑍇𑌨 𑌮𑌹𑌰𑍍𑌷𑌿𑌣𑌾 ।
𑌰𑌘𑍁𑌵𑌂𑌶𑌸𑍍𑌯 𑌚𑌰𑌿𑌤𑌂 𑌚𑌕𑌾𑌰 𑌭𑌗𑌵𑌾𑌨𑍃𑌷𑌿𑌃 ॥ 𑍯 ॥

𑌜𑌨𑍍𑌮 𑌰𑌾𑌮𑌸𑍍𑌯 𑌸𑍁𑌮𑌹𑌦𑍍𑌵𑍀𑌰𑍍𑌯𑌂 𑌸𑌰𑍍𑌵𑌾𑌨𑍁𑌕𑍂𑌲𑌤𑌾𑌮𑍍 ।
𑌲𑍋𑌕𑌸𑍍𑌯 𑌪𑍍𑌰𑌿𑌯𑌤𑌾𑌂 𑌕𑍍𑌷𑌾𑌂𑌤𑌿𑌂 𑌸𑍌𑌮𑍍𑌯𑌤𑌾𑌂 𑌸𑌤𑍍𑌯𑌶𑍀𑌲𑌤𑌾𑌮𑍍 ॥ 10 ॥

𑌨𑌾𑌨𑌾𑌚𑌿𑌤𑍍𑌰𑌕𑌥𑌾𑌶𑍍𑌚𑌾𑌨𑍍𑌯𑌾 𑌵𑌿𑌶𑍍𑌵𑌾𑌮𑌿𑌤𑍍𑌰𑌸𑌮𑌾𑌗𑌮𑍇 ।
𑌜𑌾𑌨𑌕𑍍𑌯𑌾𑌶𑍍𑌚 𑌵𑌿𑌵𑌾𑌹𑌂 𑌚 𑌧𑌨𑍁𑌷𑌶𑍍𑌚 𑌵𑌿𑌭𑍇𑌦𑌨𑌮𑍍 ॥ 11 ॥

𑌰𑌾𑌮𑌰𑌾𑌮𑌵𑌿𑌵𑌾𑌦𑌂 𑌚 𑌗𑍁𑌣𑌾𑌂𑌦𑌾𑌶𑌰𑌥𑍇𑌸𑍍𑌤𑌥𑌾 ।
𑌤𑌥𑌾𑌽𑌭𑌿𑌷𑍇𑌕𑌂 𑌰𑌾𑌮𑌸𑍍𑌯 𑌕𑍈𑌕𑍇𑌯𑍍𑌯𑌾 𑌦𑍁𑌷𑍍𑌟𑌭𑌾𑌵𑌤𑌾𑌮𑍍 ॥ 12 ॥

𑌵𑌿𑌘𑌾𑌤𑌂 𑌚𑌾𑌭𑌿𑌷𑍇𑌕𑌸𑍍𑌯 𑌰𑌾𑌘𑌵𑌸𑍍𑌯 𑌵𑌿𑌵𑌾𑌸𑌨𑌮𑍍 ।
𑌰𑌾𑌜𑍍𑌞𑌶𑍍𑌶𑍋𑌕𑌵𑌿𑌲𑌾𑌪𑌂 𑌚 𑌪𑌰𑌲𑍋𑌕𑌸𑍍𑌯 𑌚𑌾𑌶𑍍𑌰𑌯𑌮𑍍 ॥ 13 ॥

𑌪𑍍𑌰𑌕𑍃𑌤𑍀𑌨𑌾𑌂 𑌵𑌿𑌷𑌾𑌦𑌂 𑌚 𑌪𑍍𑌰𑌕𑍃𑌤𑍀𑌨𑌾𑌂 𑌵𑌿𑌸𑌰𑍍𑌜𑌨𑌮𑍍 ।
𑌨𑌿𑌷𑌾𑌦𑌾𑌧𑌿𑌪𑌸𑌂𑌵𑌾𑌦𑌂 𑌸𑍂𑌤𑍋𑌪𑌾𑌵𑌰𑍍𑌤𑌨𑌂 𑌤𑌥𑌾 ॥ 14 ॥

𑌗𑌂𑌗𑌾𑌯𑌾𑌶𑍍𑌚𑌾𑌪𑌿 𑌸𑌂𑌤𑌾𑌰𑌂 𑌭𑌰𑌦𑍍𑌵𑌾𑌜𑌸𑍍𑌯 𑌦𑌰𑍍𑌶𑌨𑌮𑍍 ।
𑌭𑌰𑌦𑍍𑌵𑌾𑌜𑌾𑌭𑍍𑌯𑌨𑍁𑌜𑍍𑌞𑌾𑌨𑌾𑌚𑍍𑌚𑌿𑌤𑍍𑌰𑌕𑍂𑌟𑌸𑍍𑌯 𑌦𑌰𑍍𑌶𑌨𑌮𑍍 ॥ 15 ॥

𑌵𑌾𑌸𑍍𑌤𑍁𑌕𑌰𑍍𑌮 𑌨𑌿𑌵𑍇𑌶𑌂 𑌚 𑌭𑌰𑌤𑌾𑌗𑌮𑌨𑌂 𑌤𑌥𑌾 ।
𑌪𑍍𑌰𑌸𑌾𑌦𑌨𑌂 𑌚 𑌰𑌾𑌮𑌸𑍍𑌯 𑌪𑌿𑌤𑍁𑌶𑍍𑌚 𑌸𑌲𑌿𑌲𑌕𑍍𑌰𑌿𑌯𑌾𑌮𑍍 ॥ 16 ॥

𑌪𑌾𑌦𑍁𑌕𑌾𑌗𑍍𑌰𑍍𑌯𑌾𑌭𑌿𑌷𑍇𑌕𑌂 𑌚 𑌨𑌂𑌦𑌿𑌗𑍍𑌰𑌾𑌮𑌨𑌿𑌵𑌾𑌸𑌨𑌮𑍍 ।
𑌦𑌂𑌡𑌕𑌾𑌰𑌣𑍍𑌯𑌗𑌮𑌨𑌂 𑌵𑌿𑌰𑌾𑌧𑌸𑍍𑌯 𑌵𑌧𑌂 𑌤𑌥𑌾 ॥ 1𑍭 ॥

𑌦𑌰𑍍𑌶𑌨𑌂 𑌶𑌰𑌭𑌂𑌗𑌸𑍍𑌯 𑌸𑍁𑌤𑍀𑌕𑍍𑌷𑍍𑌣𑍇𑌨 𑌸𑌮𑌾𑌗𑌮𑌮𑍍 ।
𑌅𑌨𑌸𑍂𑌯𑌾𑌸𑌹𑌾𑌸𑍍𑌯𑌾𑌮𑌪𑍍𑌯𑌂𑌗𑌰𑌾𑌗𑌸𑍍𑌯 𑌚𑌾𑌰𑍍𑌪𑌣𑌮𑍍 ॥ 1𑍮 ॥

𑌅𑌗𑌸𑍍𑌤𑍍𑌯𑌦𑌰𑍍𑌶𑌨𑌂 𑌚𑍈𑌵 𑌜𑌟𑌾𑌯𑍋𑌰𑌭𑌿𑌸𑌂𑌗𑌮𑌮𑍍 ।
𑌪𑌂𑌚𑌵𑌟𑍍𑌯𑌾𑌶𑍍𑌚 𑌗𑌮𑌨𑌂 𑌶𑍂𑌰𑍍𑌪𑌣𑌖𑍍𑌯𑌾𑌶𑍍𑌚 𑌦𑌰𑍍𑌶𑌨𑌮𑍍 ॥ 1𑍯 ॥

𑌶𑍂𑌰𑍍𑌪𑌣𑌖𑍍𑌯𑌾𑌶𑍍𑌚 𑌸𑌂𑌵𑌾𑌦𑌂 𑌵𑌿𑌰𑍂𑌪𑌕𑌰𑌣𑌂 𑌤𑌥𑌾 ।
𑌵𑌧𑌂 𑌖𑌰𑌤𑍍𑌰𑌿𑌶𑌿𑌰𑌸𑍋𑌰𑍁𑌤𑍍𑌥𑌾𑌨𑌂 𑌰𑌾𑌵𑌣𑌸𑍍𑌯 𑌚 ॥ 20 ॥

𑌮𑌾𑌰𑍀𑌚𑌸𑍍𑌯 𑌵𑌧𑌂 𑌚𑍈𑌵 𑌵𑍈𑌦𑍇𑌹𑍍𑌯𑌾 𑌹𑌰𑌣𑌂 𑌤𑌥𑌾 ।
𑌰𑌾𑌘𑌵𑌸𑍍𑌯 𑌵𑌿𑌲𑌾𑌪𑌂 𑌚 𑌗𑍃𑌧𑍍𑌰𑌰𑌾𑌜𑌨𑌿𑌬𑌰𑍍𑌹𑌣𑌮𑍍 ॥ 21 ॥

𑌕𑌬𑌂𑌧𑌦𑌰𑍍𑌶𑌨𑌂 𑌚𑌾𑌪𑌿 𑌪𑌂𑌪𑌾𑌯𑌾𑌶𑍍𑌚𑌾𑌪𑌿 𑌦𑌰𑍍𑌶𑌨𑌮𑍍 ।
𑌶𑌬𑌰𑍍𑌯𑌾𑌃 𑌦𑌰𑍍𑌶𑌨𑌂 𑌚𑍈𑌵 𑌹𑌨𑍂𑌮𑌦𑍍𑌦𑌰𑍍𑌶𑌨𑌂 𑌤𑌥𑌾 ॥ 22 ॥

𑌋𑌶𑍍𑌯𑌮𑍂𑌕𑌸𑍍𑌯 𑌗𑌮𑌨𑌂 𑌸𑍁𑌗𑍍𑌰𑍀𑌵𑍇𑌣 𑌸𑌮𑌾𑌗𑌮𑌮𑍍 ।
𑌪𑍍𑌰𑌤𑍍𑌯𑌯𑍋𑌤𑍍𑌪𑌾𑌦𑌨𑌂 𑌸𑌖𑍍𑌯𑌂 𑌵𑌾𑌲𑌿𑌸𑍁𑌗𑍍𑌰𑍀𑌵𑌵𑌿𑌗𑍍𑌰𑌹𑌮𑍍 ॥ 23 ॥

𑌵𑌾𑌲𑌿𑌪𑍍𑌰𑌮𑌥𑌨𑌂 𑌚𑍈𑌵 𑌸𑍁𑌗𑍍𑌰𑍀𑌵𑌪𑍍𑌰𑌤𑌿𑌪𑌾𑌦𑌨𑌮𑍍 ।
𑌤𑌾𑌰𑌾𑌵𑌿𑌲𑌾𑌪𑌂 𑌸𑌮𑌯𑌂 𑌵𑌰𑍍𑌷𑌰𑌾𑌤𑍍𑌰𑌨𑌿𑌵𑌾𑌸𑌨𑌮𑍍 ॥ 24 ॥

𑌕𑍋𑌪𑌂 𑌰𑌾𑌘𑌵𑌸𑌿𑌂𑌹𑌸𑍍𑌯 𑌬𑌲𑌾𑌨𑌾𑌮𑍁𑌪𑌸𑌂𑌗𑍍𑌰𑌹𑌮𑍍 ।
𑌦𑌿𑌶𑌃 𑌪𑍍𑌰𑌸𑍍𑌥𑌾𑌪𑌨𑌂 𑌚𑍈𑌵 𑌪𑍃𑌥𑌿𑌵𑍍𑌯𑌾𑌶𑍍𑌚 𑌨𑌿𑌵𑍇𑌦𑌨𑌮𑍍 ॥ 25 ॥

𑌅𑌂𑌗𑍁𑌲𑍀𑌯𑌕𑌦𑌾𑌨𑌂 𑌚 𑌋𑌕𑍍𑌷𑌸𑍍𑌯 𑌬𑌿𑌲𑌦𑌰𑍍𑌶𑌨𑌮𑍍 ।
𑌪𑍍𑌰𑌾𑌯𑍋𑌪𑌵𑍇𑌶𑌨𑌂 𑌚𑌾𑌪𑌿 𑌸𑌂𑌪𑌾𑌤𑍇𑌶𑍍𑌚𑌾𑌪𑌿 𑌦𑌰𑍍𑌶𑌨𑌮𑍍 ॥ 26 ॥

𑌪𑌰𑍍𑌵𑌤𑌾𑌰𑍋𑌹𑌣𑌂 𑌚𑌾𑌪𑌿 𑌸𑌾𑌗𑌰𑌸𑍍𑌯𑌾𑌪𑌿 𑌲𑌂𑌘𑌨𑌮𑍍 ।
𑌸𑌮𑍁𑌦𑍍𑌰𑌵𑌚𑌨𑌾𑌚𑍍𑌚𑍈𑌵 𑌮𑍈𑌨𑌾𑌕𑌸𑍍𑌯 𑌚 𑌦𑌰𑍍𑌶𑌨𑌮𑍍 ॥ 2𑍭 ॥

𑌸𑌿𑌂𑌹𑌿𑌕𑌾𑌯𑌾𑌶𑍍𑌚 𑌨𑌿𑌧𑌨𑌂 𑌲𑌂𑌕𑌾𑌮𑌲𑌯𑌦𑌰𑍍𑌶𑌨𑌮𑍍 ।
𑌰𑌾𑌤𑍍𑌰𑍌 𑌲𑌂𑌕𑌾𑌪𑍍𑌰𑌵𑍇𑌶𑌂 𑌚 𑌏𑌕𑌸𑍍𑌯𑌾𑌥 𑌵𑌿𑌚𑌿𑌂𑌤𑌨𑌮𑍍 ॥ 2𑍮 ॥

𑌦𑌰𑍍𑌶𑌨𑌂 𑌰𑌾𑌵𑌣𑌸𑍍𑌯𑌾𑌪𑌿 𑌪𑍁𑌷𑍍𑌪𑌕𑌸𑍍𑌯 𑌚 𑌦𑌰𑍍𑌶𑌨𑌮𑍍 ।
𑌆𑌪𑌾𑌨𑌭𑍂𑌮𑌿𑌗𑌮𑌨𑌮𑌵𑌰𑍋𑌧𑌸𑍍𑌯 𑌦𑌰𑍍𑌶𑌨𑌮𑍍 ॥ 2𑍯 ॥

𑌅𑌶𑍋𑌕𑌵𑌨𑌿𑌕𑌾𑌯𑌾𑌨𑌂 𑌸𑍀𑌤𑌾𑌯𑌾𑌶𑍍𑌚𑌪𑌿 𑌦𑌰𑍍𑌶𑌨𑌮𑍍 ।
𑌅𑌭𑌿𑌜𑍍𑌞𑌾𑌨𑌪𑍍𑌰𑌦𑌾𑌨𑌂 𑌚 𑌰𑌾𑌵𑌣𑌸𑍍𑌯 𑌚 𑌦𑌰𑍍𑌶𑌨𑌮𑍍 ॥ 30 ॥

𑌰𑌾𑌕𑍍𑌷𑌸𑍀𑌤𑌰𑍍𑌜𑌨𑌂 𑌚𑍈𑌵 𑌤𑍍𑌰𑌿𑌜𑌟𑌾𑌸𑍍𑌵𑌪𑍍𑌨𑌦𑌰𑍍𑌶𑌨𑌮𑍍 ।
𑌮𑌣𑌿𑌪𑍍𑌰𑌦𑌾𑌨𑌂 𑌸𑍀𑌤𑌾𑌯𑌾 𑌵𑍃𑌕𑍍𑌷𑌭𑌂𑌗𑌂 𑌤𑌥𑍈𑌵 𑌚 ॥ 31 ॥

𑌰𑌾𑌕𑍍𑌷𑌸𑍀𑌵𑌿𑌦𑍍𑌰𑌵𑌂 𑌚𑍈𑌵 𑌕𑌿𑌂𑌕𑌰𑌾𑌣𑌾𑌂 𑌨𑌿𑌬𑌰𑍍𑌹𑌣𑌮𑍍 ।
𑌗𑍍𑌰𑌹𑌣𑌂 𑌵𑌾𑌯𑍁𑌸𑍂𑌨𑍋𑌶𑍍𑌚 𑌲𑌂𑌕𑌾𑌦𑌾𑌹𑌾𑌭𑌿𑌗𑌰𑍍𑌜𑌨𑌮𑍍 ॥ 32 ॥

𑌪𑍍𑌰𑌤𑌿𑌪𑍍𑌲𑌵𑌨𑌮𑍇𑌵𑌾𑌥 𑌮𑌧𑍂𑌨𑌾𑌂 𑌹𑌰𑌣𑌂 𑌤𑌥𑌾 ।
𑌰𑌾𑌘𑌵𑌾𑌶𑍍𑌵𑌾𑌸𑌨𑌂 𑌚𑌾𑌪𑌿 𑌮𑌣𑌿𑌨𑌿𑌰𑍍𑌯𑌾𑌤𑌨𑌂 𑌤𑌥𑌾 ॥ 33 ॥

𑌸𑌂𑌗𑌮𑌂 𑌚 𑌸𑌮𑍁𑌦𑍍𑌰𑍇𑌣 𑌨𑌲𑌸𑍇𑌤𑍋𑌶𑍍𑌚 𑌬𑌂𑌧𑌨𑌮𑍍 ।
𑌪𑍍𑌰𑌤𑌾𑌰𑌂 𑌚 𑌸𑌮𑍁𑌦𑍍𑌰𑌸𑍍𑌯 𑌰𑌾𑌤𑍍𑌰𑍌 𑌲𑌂𑌕𑌾𑌵𑌰𑍋𑌧𑌨𑌮𑍍 ॥ 34 ॥

𑌵𑌿𑌭𑍀𑌷𑌣𑍇𑌨 𑌸𑌂𑌸𑌰𑍍𑌗𑌂 𑌵𑌧𑍋𑌪𑌾𑌯𑌨𑌿𑌵𑍇𑌦𑌨𑌮𑍍 ।
𑌕𑍁𑌂𑌭𑌕𑌰𑍍𑌣𑌸𑍍𑌯 𑌨𑌿𑌧𑌨𑌂 𑌮𑍇𑌘𑌨𑌾𑌦𑌨𑌿𑌬𑌰𑍍𑌹𑌣𑌮𑍍 ॥ 35 ॥

𑌰𑌾𑌵𑌣𑌸𑍍𑌯 𑌵𑌿𑌨𑌾𑌶𑌂 𑌚 𑌸𑍀𑌤𑌾𑌵𑌾𑌪𑍍𑌤𑌿𑌮𑌰𑍇𑌃 𑌪𑍁𑌰𑍇 ।
𑌵𑌿𑌭𑍀𑌷𑌣𑌾𑌭𑌿𑌷𑍇𑌕𑌂 𑌚 𑌪𑍁𑌷𑍍𑌪𑌕𑌸𑍍𑌯 𑌚 𑌦𑌰𑍍𑌶𑌨𑌮𑍍 ॥ 36 ॥

𑌅𑌯𑍋𑌧𑍍𑌯𑌾𑌯𑌾𑌶𑍍𑌚 𑌗𑌮𑌨𑌂 𑌭𑌰𑌤𑍇𑌨 𑌸𑌮𑌾𑌗𑌮𑌮𑍍 ।
𑌰𑌾𑌮𑌾𑌭𑌿𑌷𑍇𑌕𑌾𑌭𑍍𑌯𑍁𑌦𑌯𑌂 𑌸𑌰𑍍𑌵𑌸𑍈𑌨𑍍𑌯𑌵𑌿𑌸𑌰𑍍𑌜𑌨𑌮𑍍 ।
𑌸𑍍𑌵𑌰𑌾𑌷𑍍𑌟𑍍𑌰𑌰𑌂𑌜𑌨𑌂 𑌚𑍈𑌵 𑌵𑍈𑌦𑍇𑌹𑍍𑌯𑌾𑌶𑍍𑌚 𑌵𑌿𑌸𑌰𑍍𑌜𑌨𑌮𑍍 ॥ 3𑍭 ॥

𑌅𑌨𑌾𑌗𑌤𑌂 𑌚 𑌯𑌤𑍍𑌕𑌿𑌂𑌚𑌿𑌦𑍍𑌰𑌾𑌮𑌸𑍍𑌯 𑌵𑌸𑍁𑌧𑌾𑌤𑌲𑍇 ।
𑌤𑌚𑍍𑌚𑌕𑌾𑌰𑍋𑌤𑍍𑌤𑌰𑍇 𑌕𑌾𑌵𑍍𑌯𑍇 𑌵𑌾𑌲𑍍𑌮𑍀𑌕𑌿𑌰𑍍𑌭𑌗𑌵𑌾𑌨𑍃𑌷𑌿𑌃 ॥ 3𑍮 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌬𑌾𑌲𑌕𑌾𑌂𑌡𑍇 𑌤𑍃𑌤𑍀𑌯𑌸𑍍𑌸𑌰𑍍𑌗𑌃 ॥


Browse Related Categories: