Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

2.102 𑌅𑌯𑍋𑌧𑍍𑌯𑌾𑌕𑌾𑌂𑌡 - 𑌦𑍍𑌵𑌾𑌧𑌿𑌕𑌶𑌤𑌤𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌦𑍍𑌵𑌾𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ।

𑌤𑌾𑌂 𑌶𑍍𑌰𑍁𑌤𑍍𑌵𑌾 𑌕𑌰𑍁𑌣𑌾𑌂 𑌵𑌾𑌚𑌂 𑌪𑌿𑌤𑍁𑌰𑍍𑌮𑌰𑌣𑌸𑌂𑌹𑌿𑌤𑌾𑌮𑍍 ।
𑌰𑌾𑌘𑌵𑍋 𑌭𑌰𑌤𑍇 𑌨𑍋𑌕𑍍𑌤𑌾𑌂 𑌬𑌭𑍂𑌵 𑌗𑌤𑌚𑍇𑌤𑌨𑌃 ॥ 1 ॥

𑌤𑌂 𑌤𑍁 𑌵𑌜𑍍𑌰𑌮𑌿𑌵𑍋𑌤𑍍𑌸𑍃𑌷𑍍𑌟𑌮𑌾𑌹𑌵𑍇 𑌦𑌾𑌨𑌵𑌾𑌰𑌿𑌣𑌾 𑌵𑌾𑌗𑍍𑌵𑌜𑍍𑌰𑌂𑌭𑌰𑌤𑍇 𑌨𑍋𑌕𑍍𑌤 𑌮𑌮𑌨𑍋𑌜𑍍𑌞𑌂 𑌪𑌰𑌂𑌤𑌪𑌃 ॥ 2 ॥

𑌪𑍍𑌰𑌗𑍃𑌹𑍍𑌯 𑌰𑌾𑌮𑍋 𑌬𑌾𑌹𑍂 𑌵𑍈𑌪𑍁𑌷𑍍𑌪𑌿𑌤𑌾𑌗𑍍𑌰𑍋 𑌯𑌥𑌾 𑌦𑍍𑌰𑍁𑌮𑌃 ।
𑌵𑌨𑍇 𑌪𑌰𑌶𑍁𑌨𑌾 𑌕𑍃𑌤𑍍𑌤𑌸𑍍𑌤𑌥𑌾 𑌭𑍁𑌵𑌿 𑌪𑌪𑌾𑌤 𑌹 ॥ 3 ॥

𑌤𑌥𑌾 𑌹𑌿 𑌪𑌤𑌿𑌤𑌂 𑌰𑌾𑌮𑌂 𑌜𑌗𑌤𑍍𑌯𑌾𑌂 𑌜𑌗𑌤𑍀𑌪𑌤𑌿𑌮𑍍 ।
𑌕𑍂𑌲𑌘𑌾𑌤𑌪𑌰𑌿𑌶𑍍𑌰𑌾𑌂𑌤𑌂 𑌪𑍍𑌰𑌸𑍁𑌪𑍍𑌤𑌮𑌿𑌵 𑌕𑍁𑌂𑌜𑌰𑌮𑍍 ॥ 4 ॥

𑌭𑍍𑌰𑌾𑌤𑌰𑌸𑍍𑌤𑍇 𑌮𑌹𑍇𑌷𑍍𑌵𑌾𑌸𑌂 𑌸𑌰𑍍𑌵𑌤𑌶𑍍𑌶𑍋𑌕𑌕𑌰𑍍𑌶𑌿𑌤𑌮𑍍 ।
𑌰𑍁𑌦𑌂𑌤𑌸𑍍𑌸𑌹 𑌵𑍈𑌦𑍇𑌹𑍍𑌯𑌾 𑌸𑌿𑌷𑌿𑌚𑍁𑌸𑍍𑌸𑌲𑌿𑌲𑍇𑌨 𑌵𑍈 ॥ 5 ॥

𑌸 𑌤𑍁 𑌸𑌂𑌜𑍍𑌞𑌾𑌂 𑌪𑍁𑌨𑌰𑍍𑌲𑌬𑍍𑌧𑍍𑌵𑌾 𑌨𑍇𑌤𑍍𑌰𑌾𑌭𑍍𑌯𑌾𑌮𑌸𑍍𑌰𑌮𑍁𑌤𑍍𑌸𑍃𑌜𑌨𑍍 ।
𑌉𑌪𑌾𑌕𑍍𑌰𑌾𑌮𑌤 𑌕𑌾𑌕𑍁𑌤𑍍𑌸𑍍𑌥 𑌕𑍃𑌪𑌣𑌂 𑌬𑌹𑍁 𑌭𑌾𑌷𑌿𑌤𑍁𑌮𑍍 ॥ 6 ॥

𑌸 𑌰𑌾𑌮𑌸𑍍𑌸𑍍𑌵𑌰𑍍𑌗𑌤𑌂 𑌶𑍍𑌰𑍁𑌤𑍍𑌵𑌾 𑌪𑌿𑌤𑌰𑌂 𑌪𑍃𑌥𑌿𑌵𑍀𑌪𑌤𑌿𑌮𑍍 ।
𑌉𑌵𑌾𑌚 𑌭𑌰𑌤𑌂 𑌵𑌾𑌕𑍍𑌯𑌂 𑌧𑌰𑍍𑌮𑌾𑌤𑍍𑌮𑌾 𑌧𑌰𑍍𑌮𑌸𑌂𑌹𑌿𑌤𑌮𑍍 ॥ 𑍭 ॥

𑌕𑌿𑌂 𑌕𑌰𑌿𑌷𑍍𑌯𑌾𑌮𑍍𑌯𑌯𑍋𑌧𑍍𑌯𑌾𑌯𑌾𑌂 𑌤𑌾𑌤𑍇 𑌦𑌿𑌷𑍍𑌟𑌾𑌂 𑌗𑌤𑌿𑌂 𑌗𑌤𑍇 ।
𑌕𑌸𑍍𑌤𑌾𑌂 𑌰𑌾𑌜𑌵𑌰𑌾𑌧𑍍𑌦𑍀𑌨𑌾𑌮𑌯𑍋𑌧𑍍𑌯𑌾𑌂 𑌪𑌾𑌲𑌯𑌿𑌷𑍍𑌯𑌤𑌿 ॥ 𑍮 ॥

𑌕𑌿𑌂 𑌨𑍁 𑌤𑌸𑍍𑌯 𑌮𑌯𑌾 𑌕𑌾𑌰𑍍𑌯𑌂 𑌦𑍁𑌰𑍍𑌜𑌾𑌤𑍇𑌨 𑌮𑌹𑌾𑌤𑍍𑌮𑌨𑌃 ।
𑌯𑍋 𑌮𑍃𑌤𑍋 𑌮𑌮 𑌶𑍋𑌕𑍇𑌨 𑌮𑌯𑌾 𑌚𑌾𑌪𑌿 𑌨 𑌸𑌂𑌸𑍍𑌕𑍃𑌤𑌃 ॥ 𑍯 ॥

𑌅𑌹𑍋 𑌭𑌰𑌤 𑌸𑌿𑌦𑍍𑌧𑌾𑌰𑍍𑌥𑍋 𑌯𑍇𑌨 𑌰𑌾𑌜𑌾 𑌤𑍍𑌵𑌯𑌾𑌽𑌨𑌘 ।
𑌶𑌤𑍍𑌰𑍁𑌘𑍍𑌨𑍇𑌨 𑌚 𑌸𑌰𑍍𑌵𑍇𑌷𑍁 𑌪𑍍𑌰𑍇𑌤𑌕𑍃𑌤𑍍𑌯𑍇𑌷𑍁 𑌸𑌤𑍍𑌕𑍃𑌤𑌃 ॥ 10 ॥

𑌨𑌿𑌷𑍍𑌪𑍍𑌰𑌧𑌾𑌨𑌾𑌮𑌨𑍇𑌕𑌾𑌗𑍍𑌰𑌾𑌂 𑌨𑌰𑍇𑌂𑌦𑍍𑌰𑍇𑌣 𑌵𑌿𑌨𑌾𑌕𑍃𑌤𑌾𑌮𑍍 ।
𑌨𑌿𑌵𑍃𑌤𑍍𑌤𑌵𑌨𑌵𑌾𑌸𑍋𑌽𑌪𑌿 𑌨𑌾𑌯𑍋𑌧𑍍𑌯𑌾𑌂 𑌗𑌂𑌤𑍁 𑌮𑍁𑌤𑍍𑌸𑌹𑍇 ॥ 11 ॥

𑌸𑌮𑌾𑌪𑍍𑌤𑌵𑌨𑌵𑌾𑌸𑌂 𑌮𑌾𑌮𑌯𑍋𑌧𑍍𑌯𑌾𑌯𑌾𑌂 𑌪𑌰𑌂𑌤𑌪 ।
𑌕𑍋𑌽𑌨𑍁 𑌶𑌾𑌸𑌿𑌷𑍍𑌯𑌤𑌿 𑌪𑍁𑌨𑌸𑍍𑌤𑌾𑌤𑍇 𑌲𑍋𑌕𑌾𑌂𑌤𑌰𑌂 𑌗𑌤𑍇 ॥ 12 ॥

𑌪𑍁𑌰𑌾 𑌪𑍍𑌰𑍇𑌕𑍍𑌷𑍍𑌯 𑌸𑍁𑌵𑍃𑌤𑍍𑌤𑌂 𑌮𑌾𑌂 𑌪𑌿𑌤𑌾 𑌯𑌾𑌨𑍍𑌯𑌾𑌹 𑌸𑌾𑌂𑌤𑍍𑌵𑌯𑌨𑍍 ।
𑌵𑌾𑌕𑍍𑌯𑌾𑌨𑌿 𑌤𑌾𑌨𑌿 𑌶𑍍𑌰𑍋𑌷𑍍𑌯𑌾𑌮𑌿 𑌕𑍁𑌤𑌶𑍍𑌶𑍍𑌰𑍋𑌤𑍍𑌰𑌸𑍁𑌖𑌾𑌨𑍍𑌯𑌹𑌮𑍍 ॥ 13 ॥

𑌏𑌵𑌮𑍁𑌕𑍍𑌤𑍍𑌵𑌾 𑌸 𑌭𑌰𑌤𑌂 𑌭𑌾𑌰𑍍𑌯𑌾𑌮𑌭𑍍𑌯𑍇𑌤𑍍𑌯 𑌰𑌾𑌘𑌵𑌃 ।
𑌉𑌵𑌾𑌚 𑌶𑍋𑌕𑌸𑌂𑌤𑌪𑍍𑌤𑌃 𑌪𑍂𑌰𑍍𑌣𑌚𑌂𑌦𑍍𑌰𑌨𑌿𑌭𑌾𑌨𑌨𑌾𑌮𑍍 ॥ 14 ॥

𑌸𑍀𑌤𑍇 𑌮𑍃𑌤𑌸𑍍𑌤𑍇 𑌶𑍍𑌵𑌶𑍁𑌰𑌃 𑌪𑌿𑌤𑍍𑌰𑌾 𑌹𑍀𑌨𑍋𑌽𑌸𑌿 𑌲𑌕𑍍𑌷𑍍𑌮𑌣 ।
𑌭𑌰𑌤𑍋 𑌦𑍁𑌃𑌖𑌮𑌾𑌚𑌷𑍍𑌟𑍇 𑌸𑍍𑌵𑌰𑍍𑌗𑌤𑌂 𑌪𑍃𑌥𑌿𑌵𑍀𑌪𑌤𑌿𑌮𑍍 ॥ 15 ॥

𑌤𑌤𑍋 𑌬𑌹𑍁𑌗𑍁𑌣𑌂 𑌤𑍇𑌷𑌾𑌂 𑌬𑌾𑌷𑍍𑌪𑌂 𑌨𑍇𑌤𑍍𑌰𑍇𑌷𑍍𑌵𑌜𑌾𑌯𑌤 ।
𑌤𑌥𑌾 𑌬𑍍𑌰𑍁𑌵𑌤𑌿 𑌕𑌾𑌕𑍁𑌤𑍍𑌸𑍍𑌥𑍇 𑌕𑍁𑌮𑌾𑌰𑌾𑌣𑌾𑌂 𑌯𑌶𑌸𑍍𑌵𑌿𑌨𑌾𑌮𑍍 ॥ 16 ॥

𑌤𑌤𑌸𑍍𑌤𑍇 𑌭𑍍𑌰𑌾𑌤𑌰 𑌸𑍍𑌰𑌵𑍍𑌰𑍇 𑌭𑍃𑌶𑌮𑌾𑌶𑍍𑌵𑌾𑌸𑍍𑌯 𑌦𑍁𑌃𑌖𑌿𑌤𑌮𑍍 ।
𑌅𑌬𑍍𑌰𑍁𑌵𑌨𑍍 𑌜𑌗𑌤𑍀𑌭𑌰𑍍𑌤𑍁𑌃 𑌕𑍍𑌰𑌿𑌯𑌤𑌾𑌮𑍁𑌦𑌕𑌂 𑌪𑌿𑌤𑍁𑌃 ॥ 1𑍭 ॥

𑌸𑌾 𑌸𑍀𑌤𑌾 𑌸𑍍𑌵𑌰𑍍𑌗𑌤𑌂 𑌶𑍍𑌰𑍁𑌤𑍍𑌵𑌾 𑌶𑍍𑌵𑌶𑍁𑌰𑌂 𑌤𑌂 𑌮𑌹𑌾𑌨𑍃𑌪𑌮𑍍 ।
𑌨𑍇𑌤𑍍𑌰𑌾𑌭𑍍𑌯𑌾𑌮𑌶𑍍𑌰𑍁𑌪𑍂𑌰𑍍𑌣𑌾𑌭𑍍𑌯𑌾 𑌶𑌶𑌾𑌕𑍇𑌕𑍍𑌷𑌿𑌤𑍁𑌂 𑌪𑍍𑌰𑌿𑌯𑌮𑍍 ॥ 1𑍮 ॥

𑌸𑌾𑌂𑌤𑍍𑌵𑌯𑌿𑌤𑍍𑌵𑌾 𑌤𑍁 𑌤𑌾𑌂 𑌰𑌾𑌮𑍋 𑌰𑍁𑌦𑌂𑌤𑍀𑌂 𑌜𑌨𑌕𑌾𑌤𑍍𑌮𑌜𑌾𑌮𑍍 ।
𑌉𑌵𑌾𑌚 𑌲𑌕𑍍𑌷𑍍𑌮𑌣𑌂 𑌤𑌤𑍍𑌰 𑌦𑍁𑌃𑌖𑌿𑌤𑍋 𑌦𑍁𑌃𑌖𑌿𑌤𑌂 𑌵𑌚𑌃 ॥ 1𑍯 ॥

𑌆𑌨𑌯𑍇𑌂𑌗𑍁𑌦𑌿𑌪𑌿𑌣𑍍𑌯𑌾𑌕𑌂 𑌚𑍀𑌰𑌮𑌾𑌹𑌰 𑌚𑍋𑌤𑍍𑌤𑌰𑌮𑍍 ।
𑌜𑌲𑌕𑍍𑌰𑌿𑌯𑌾𑌰𑍍𑌥𑌂 𑌤𑌾𑌤𑌸𑍍𑌯 𑌗𑌮𑌿𑌷𑍍𑌯𑌾𑌮𑌿 𑌮𑌹𑌾𑌤𑍍𑌮𑌨𑌃 ॥ 20 ॥

𑌸𑍀𑌤𑌾 𑌪𑍁𑌰𑌸𑍍𑌤𑌾𑌦𑍍𑌵𑍍𑌰𑌜𑌤𑍁 𑌤𑍍𑌵𑌮𑍇𑌨𑌾𑌮𑌭𑌿𑌤𑍋 𑌵𑍍𑌰𑌜 ।
𑌅𑌹𑌂 𑌪𑌶𑍍𑌚𑌾𑌦𑍍𑌗𑌮𑌿𑌷𑍍𑌯𑌾𑌮𑌿 𑌗𑌤𑌿𑌰𑍍𑌹𑍍𑌯𑍇𑌷𑌾 𑌸𑍁𑌦𑌾𑌰𑍁𑌣𑌾 ॥ 21 ॥

𑌤𑌤𑍋 𑌨𑌿𑌤𑍍𑌯𑌾𑌨𑍁𑌗𑌸𑍍𑌤𑍇𑌷𑌾𑌂 𑌵𑌿𑌦𑌿𑌤𑌾𑌤𑍍𑌮𑌾 𑌮𑌹𑌾𑌮𑌤𑌿𑌃 ।
𑌮𑍃𑌦𑍁𑌰𑍍𑌦𑌾𑌂𑌤𑌶𑍍𑌚 𑌕𑌾𑌂𑌤𑌶𑍍𑌚 𑌰𑌾𑌮𑍇 𑌚 𑌦𑍃𑌢𑌭𑌕𑍍𑌤𑌿𑌮𑌾𑌨𑍍 ॥ 22 ॥

𑌸𑍁𑌮𑌂𑌤𑍍𑌰 𑌸𑍍𑌤𑍈𑌰𑍍𑌨𑍃𑌪𑌸𑍁𑌤𑍈𑌸𑍍𑌸𑌾𑌰𑍍𑌧𑌮𑌾𑌶𑍍𑌵𑌸𑍍𑌯 𑌰𑌾𑌘𑌵𑌮𑍍 ।
𑌅𑌵𑌾𑌤𑌾𑌰𑌯𑌦𑌾𑌲𑌂𑌬𑍍𑌯 𑌨𑌦𑍀𑌂 𑌮𑌂𑌦𑌾𑌕𑌿𑌨𑍀𑌂 𑌶𑌿𑌵𑌾𑌮𑍍 ॥ 23 ॥

𑌤𑌤𑍋 𑌨𑌿𑌤𑍍𑌯𑌾𑌨𑍁𑌗𑌸𑍍𑌤𑍇𑌷𑌾𑌂 𑌵𑌿𑌦𑌿𑌤𑌾𑌤𑍍𑌮𑌾 𑌮𑌹𑌾𑌮𑌤𑌿𑌃 ।
𑌮𑍃𑌦𑍁𑌰𑍍𑌦𑌾𑌂𑌤𑌶𑍍𑌚 𑌶𑌾𑌂𑌤𑌶𑍍𑌚 𑌰𑌾𑌮𑍇 𑌚 𑌦𑍃𑌢𑌭𑌕𑍍𑌤𑌿𑌮𑌾𑌨𑍍 ॥ 24 ॥

𑌸𑍁𑌮𑌂𑌤𑍍𑌰𑌸𑍍𑌤𑍈𑌰𑍍𑌨𑍃𑌪𑌸𑍁𑌤𑍈𑌃 𑌸𑌾𑌰𑍍𑌧𑌮𑌾𑌶𑍍𑌵𑌾𑌸𑍍𑌯 𑌰𑌾𑌘𑌵𑌮𑍍 ।
𑌅𑌵𑌾𑌤𑌾𑌰𑌯𑌦𑌾𑌲𑌂𑌬𑍍𑌯 𑌨𑌦𑍀𑌂 𑌮𑌂𑌦𑌾𑌕𑌿𑌨𑍀𑌂 𑌶𑌿𑌵𑌾𑌮𑍍 ॥ 25 ॥

𑌤𑍇 𑌸𑍁𑌤𑍀𑌰𑍍𑌥𑌾𑌂 𑌤𑌤𑌃 𑌕𑍃𑌚𑍍𑌛𑍍𑌰𑌾𑌦𑍁𑌪𑌾𑌗𑌮𑍍𑌯 𑌯𑌶𑌸𑍍𑌵𑌿𑌨𑌃 ।
𑌨𑌦𑍀𑌂 𑌮𑌂𑌦𑌾𑌕𑌿𑌨𑍀𑌂 𑌰𑌮𑍍𑌯𑌾𑌂 𑌸𑌦𑌾 𑌪𑍁𑌷𑍍𑌪𑌿𑌤𑌕𑌾𑌨𑌨𑌾𑌮𑍍 ॥ 26 ॥

𑌶𑍀𑌘𑍍𑌰𑌸𑍍𑌰𑍋𑌤𑌸𑌮𑌾𑌸𑌾𑌦𑍍𑌯 𑌤𑍀𑌰𑍍𑌥𑌂 𑌶𑌿𑌵𑌮𑌕𑌰𑍍𑌦𑌮𑌮𑍍 ।
𑌸𑌿𑌷𑌿𑌚𑍁 𑌸𑍍𑌤𑍂𑌦𑌕𑌂 𑌰𑌾𑌜𑍍𑌞𑍇 𑌤𑌤 𑌏𑌤𑌦𑍍 𑌭𑌵𑌤𑍍𑌵𑌿𑌤𑌿 ॥ 2𑍭 ॥

𑌤𑍇 𑌸𑍁𑌤𑍀𑌰𑍍𑌥𑌾𑌂 𑌤𑌤𑌃 𑌕𑍃𑌚𑍍𑌛𑍍𑌰𑌾𑌦𑍁𑌪𑌾𑌗𑌮𑍍𑌯 𑌯𑌶𑌸𑍍𑌵𑌿𑌨𑌃 ।
𑌨𑌦𑍀𑌂 𑌮𑌂𑌦𑌾𑌕𑌿𑌨𑍀𑌂 𑌰𑌮𑍍𑌯𑌾𑌂 𑌸𑌦𑌾 𑌪𑍁𑌷𑍍𑌪𑌿𑌤𑌕𑌾𑌨𑌨𑌾𑌮𑍍 ॥ 2𑍮 ॥

𑌶𑍀𑌘𑍍𑌰𑌸𑍍𑌰𑍋𑌤𑌸𑌮𑌾𑌸𑌾𑌦𑍍𑌯 𑌤𑍀𑌰𑍍𑌥𑌂 𑌶𑌿𑌵𑌮𑌕𑌰𑍍𑌦𑌮𑌮𑍍 ।
𑌸𑌿𑌷𑌿𑌚𑍁 𑌸𑍍𑌤𑍂𑌦𑌕𑌂 𑌰𑌾𑌜𑍍𑌞𑍇 𑌤𑌾𑌤𑍈𑌤𑌤𑍍𑌤𑍇 𑌭𑌵𑌤𑍍𑌵𑌿𑌤𑌿 ॥ 2𑍯 ॥

𑌪𑍍𑌰𑌗𑍃𑌹𑍍𑌯 𑌚 𑌮𑌹𑍀𑌪𑌾𑌲𑍋 𑌜𑌲𑌪𑍂𑌰𑌿𑌤𑌮𑌂𑌜𑌲𑌿𑌮𑍍 ।
𑌦𑌿𑌶𑌂 𑌯𑌾𑌮𑍍𑌯𑌾𑌮𑌭𑌿𑌮𑍁𑌖𑍋 𑌰𑍁𑌦𑌨𑍍𑌵𑌚𑌨𑌮𑌬𑍍𑌰𑌵𑍀𑌤𑍍 ॥ 30 ॥

𑌏𑌤𑌤𑍍𑌤𑍇 𑌰𑌾𑌜𑌶𑌾𑌰𑍍𑌦𑍂𑌲 𑌵𑌿𑌮𑌲𑌂 𑌤𑍋𑌯𑌮𑌕𑍍𑌷𑌯𑌮𑍍 ।
𑌪𑌿𑌤𑍃𑌲𑍋𑌕𑌗𑌤 𑌸𑍍𑌯𑌾𑌦𑍍𑌯 𑌮𑌦𑍍𑌦𑌤𑍍𑌤𑌮𑍁𑌪𑌤𑌿𑌷𑍍𑌠𑌤𑍁 ॥ 31 ॥

𑌤𑌤𑍋 𑌮𑌂𑌦𑌾𑌕𑌿𑌨𑍀𑌤𑍀𑌰𑌾𑌤𑍍𑌪𑍍𑌰𑌤𑍍𑌯𑍁𑌤𑍍𑌤𑍀𑌰𑍍𑌯 𑌸 𑌰𑌾𑌘𑌵𑌃 ।
𑌪𑌿𑌤𑍁𑌶𑍍𑌚𑌕𑌾𑌰 𑌤𑍇𑌜𑌸𑍍𑌵𑍀 𑌨𑌿𑌰𑍍𑌵𑌾𑌪𑌂 𑌭𑍍𑌰𑌾𑌤𑍃𑌭𑌿 𑌸𑌹 ॥ 32 ॥

𑌐𑌂𑌗𑍁𑌦𑌂 𑌬𑌦𑌰𑍀𑌮𑌿𑌶𑍍𑌰𑌂 𑌪𑌿𑌣𑍍𑌯𑌾𑌕𑌂 𑌦𑌰𑍍𑌭𑌸𑌂𑌸𑍍𑌤𑌰𑍇 ।
𑌨𑍍𑌯𑌸𑍍𑌯 𑌰𑌾𑌮𑌸𑍍𑌸𑌦𑍁𑌃𑌖𑌾𑌰𑍍𑌤𑍋 𑌰𑍁𑌦𑌨𑍍𑌵𑌚𑌨𑌮𑌬𑍍𑌰𑌵𑍀𑌤𑍍 ॥ 33 ॥

𑌇𑌦𑌂 𑌭𑍁𑌂𑌕𑍍𑌷𑍍𑌵𑌮𑌹𑌾𑌰𑌾𑌜 𑌪𑍍𑌰𑍀𑌤𑍋 𑌯𑌦𑌶𑌨𑌾 𑌵𑌯𑌮𑍍 ।
𑌯𑌦𑌨𑍍𑌨𑌃 𑌪𑍁𑌰𑍁𑌷𑍋 𑌭𑌵𑌤𑌿 𑌤𑌦𑌨𑍍𑌨𑌾 𑌸𑍍𑌤𑌸𑍍𑌯 𑌦𑍇𑌵𑌤𑌾𑌃 ॥ 34 ॥

𑌤𑌤 𑌸𑍍𑌤𑍇𑌨𑍈𑌵 𑌮𑌾𑌰𑍍𑌗𑍇𑌣 𑌪𑍍𑌰𑌤𑍍𑌯𑍁𑌤𑍍𑌤𑍀𑌰𑍍𑌯 𑌸𑌰𑌿𑌤𑍍𑌤𑌟𑌾𑌤𑍍 ।
𑌆𑌰𑍁𑌰𑍋𑌹 𑌨𑌰𑌵𑍍𑌯𑌾𑌘𑍍𑌰𑍋 𑌰𑌮𑍍𑌯𑌸𑌾𑌨𑍁𑌂 𑌮𑌹𑍀𑌧𑌰𑌮𑍍 ॥ 35 ॥

𑌤𑌤𑌃 𑌪𑌰𑍍𑌣𑌕𑍁𑌟𑍀𑌦𑍍𑌵𑌾𑌰𑌮𑌾𑌸𑌾𑌦𑍍𑌯 𑌜𑌗𑌤𑍀𑌪𑌤𑌿𑌃 ।
𑌪𑌰𑌿𑌜𑌗𑍍𑌰𑌾𑌹 𑌬𑌾𑌹𑍁𑌭𑍍𑌯𑌾𑌮𑍁𑌭𑍌 𑌭𑌰𑌤𑌲𑌕𑍍𑌷𑍍𑌮𑌣𑍌 ॥ 36 ॥

𑌤𑍇𑌷𑌾𑌂 𑌤𑍁 𑌰𑍁𑌦𑌤𑌾𑌂 𑌶𑌬𑍍𑌦𑌾𑌤𑍍 𑌪𑍍𑌰𑌤𑌿𑌶𑌬𑍍𑌦𑍋𑌽𑌭𑌵𑌦𑍍 𑌗𑌿𑌰𑍌 ।
𑌭𑍍𑌰𑌾𑌤𑍄𑌣𑌾𑌂 𑌸𑌹 𑌵𑍈𑌦𑍇𑌹𑍍𑌯𑌾 𑌸𑌿𑌂𑌹𑌾𑌨𑌾𑌂 𑌨𑌰𑍍𑌦𑌤𑌾𑌮𑌿𑌵 ॥ 3𑍭 ॥

𑌮𑌹𑌾𑌬𑌲𑌾𑌨𑌾𑌂 𑌰𑍁𑌦𑌤𑌾𑌂 𑌕𑍁𑌰𑍍𑌵𑌤𑌾𑌮𑍁𑌦𑌕𑌂 𑌪𑌿𑌤𑍁𑌃 ।
𑌵𑌿𑌜𑍍𑌞𑌾𑌯 𑌤𑍁𑌮𑍁𑌲𑌂 𑌶𑌬𑍍𑌦𑌂 𑌤𑍍𑌰𑌸𑍍𑌤𑌾 𑌭𑌰𑌤 𑌸𑍈𑌨𑌿𑌕𑌾𑌃 ॥ 3𑍮 ॥

𑌅𑌬𑍍𑌰𑍁𑌵𑌂𑌶𑍍𑌚𑌾𑌪𑌿 𑌰𑌾𑌮𑍇𑌣 𑌭𑌰𑌤 𑌸𑌂𑌗𑌤𑍋 𑌧𑍍𑌰𑍁𑌵𑌮𑍍 ।
𑌤𑍇𑌷𑌾𑌮𑍇𑌵 𑌮𑌹𑌾𑌨𑍍 𑌶𑌬𑍍𑌦𑌃 𑌶𑍋𑌚𑌤𑌾𑌂 𑌪𑌿𑌤𑌰𑌂 𑌮𑍃𑌤𑌮𑍍 ॥ 3𑍯 ॥

𑌅𑌥 𑌵𑌾𑌸𑌾𑌨𑍍𑌪𑌰𑌿𑌤𑍍𑌯𑌜𑍍𑌯 𑌤𑌂 𑌸𑌰𑍍𑌵𑍇𑌽𑌭𑌿𑌮𑍁𑌖𑌾𑌸𑍍𑌸𑍍𑌵𑌨𑌮𑍍 ।
𑌅𑌪𑍍𑌯𑍇𑌕𑌮𑌨𑌸𑍋 𑌜𑌗𑍍𑌮𑍁𑌰𑍍𑌯𑌥𑌾𑌸𑍍𑌥𑌾𑌨𑌂 𑌪𑍍𑌰𑌧𑌾𑌵𑌿𑌤𑌾𑌃 ॥ 40 ॥

𑌹𑌯𑍈𑌰𑌨𑍍𑌯𑍇 𑌗𑌜𑍈𑌰𑌨𑍍𑌯𑍇 𑌰𑌥𑍈𑌰𑌨𑍍𑌯𑍇 𑌸𑍍𑌵𑌲𑌂𑌕𑍃𑌤𑍈𑌃 ।
𑌸𑍁𑌕𑍁𑌮𑌾𑌰𑌾 𑌸𑍍𑌤𑌥𑍈𑌵𑌾𑌨𑍍𑌯𑍇 𑌪𑌦𑍍𑌭𑌿𑌰𑍇𑌵 𑌨𑌰𑌾 𑌯𑌯𑍁𑌃 ॥ 41 ॥

𑌅𑌚𑌿𑌰𑌪𑍍𑌰𑍋𑌷𑌿𑌤𑌂 𑌰𑌾𑌮𑌂 𑌚𑌿𑌰𑌵𑌿𑌪𑍍𑌰𑍋𑌷𑌿𑌤𑌂 𑌯𑌥𑌾 ।
𑌦𑍍𑌰𑌷𑍍𑌟𑍁𑌕𑌾𑌮𑍋 𑌜𑌨𑌃 𑌸𑌰𑍍𑌵𑍋 𑌜𑌗𑌾𑌮 𑌸𑌹𑌸𑌾𑌽𑌽𑌶𑍍𑌰𑌮𑌮𑍍 ॥ 42 ॥

𑌭𑍍𑌰𑌾𑌤𑍃𑌣𑌾𑌂 𑌤𑍍𑌵𑌰𑌿𑌤𑌾𑌸𑍍𑌤𑍇 𑌤𑍁 𑌦𑍍𑌰𑌷𑍍𑌟𑍁𑌕𑌾𑌮𑌾 𑌸𑌮𑌾𑌗𑌮𑌮𑍍 ।
𑌯𑌯𑍁𑌰𑍍𑌬𑌹𑍁𑌵𑌿𑌧𑍈𑌰𑍍𑌯𑌾𑌨𑍈𑌃 𑌖𑍁𑌰𑌨𑍇𑌮𑌿𑌸𑍍𑌵𑌨𑌾𑌕𑍁𑌲𑍈𑌃 ॥ 43 ॥

𑌸𑌾 𑌭𑍂𑌮𑌿𑌰𑍍𑌬𑌹𑍁𑌭𑌿𑌰𑍍𑌯𑌾𑌨𑍈𑌃 𑌰𑌥𑌨𑍇𑌮𑌿𑌸𑌮𑌾𑌹𑌤𑌾 ।
𑌮𑍁𑌮𑍋𑌚 𑌤𑍁𑌮𑍁𑌲𑌂 𑌶𑌬𑍍𑌦𑌂 𑌦𑍍𑌯𑍌𑌰𑌿𑌵𑌾𑌭𑍍𑌰𑌸𑌮𑌾𑌗𑌮𑍇 ॥ 44 ॥

𑌤𑍇𑌨 𑌵𑌿𑌤𑍍𑌰𑌾𑌸𑌿𑌤𑌾 𑌨𑌾𑌗𑌾𑌃 𑌕𑌰𑍇𑌣𑍁𑌪𑌰𑌿𑌵𑌾𑌰𑌿𑌤𑌾𑌃 ।
𑌆𑌵𑌾𑌸𑌯𑌂𑌤𑍋 𑌗𑌂𑌧𑍇𑌨 𑌜𑌗𑍍𑌮𑍁𑌰𑌨𑍍𑌯𑌦𑍍𑌵𑌨𑌂 𑌤𑌤𑌃 ॥ 45 ॥

𑌵𑌰𑌾𑌹 𑌵𑍃𑌕𑌸𑌂𑌘𑌾𑌶𑍍𑌚 𑌮𑌹𑌿𑌷𑌾𑌃 𑌸𑍃𑌮𑌰𑌾𑌸𑍍𑌤𑌥𑌾 ।
𑌵𑍍𑌯𑌾𑌘𑍍𑌰𑌗𑍋𑌕𑌰𑍍𑌣𑌗𑌵𑌯𑌾 𑌵𑌿𑌤𑍍𑌰𑍇𑌸𑍁𑌃 𑌪𑍃𑌷𑌤𑍈 𑌸𑌹 ॥ 46 ॥

𑌰𑌥𑌾𑌂𑌗𑌸𑌾𑌹𑍍𑌵𑌾 𑌨𑌤𑍍𑌯𑍂𑌹𑌾 𑌹𑌂𑌸𑌾𑌃 𑌕𑌾𑌰𑌂𑌡𑌵𑌾𑌃 𑌪𑌰𑍇 ।
𑌤𑌥𑌾 𑌪𑍁𑌂𑌸𑍍𑌕𑍋𑌕𑌿𑌲𑌾𑌃 𑌕𑍍𑌰𑍌𑌂𑌚𑌾 𑌵𑌿𑌸𑌂𑌜𑍍𑌞𑌾 𑌭𑍇𑌜𑌿𑌰𑍇 𑌦𑌿𑌶𑌃 ॥ 4𑍭 ॥

𑌤𑍇𑌨 𑌶𑌬𑍍𑌦𑍇𑌨 𑌵𑌿𑌤𑍍𑌰𑌸𑍍𑌤𑍈𑌰𑌾𑌕𑌾𑌶𑌂 𑌪𑌕𑍍𑌷𑌿𑌭𑌿𑌰𑍍𑌵𑍃𑌤𑌮𑍍 ।
𑌮𑌨𑍁𑌷𑍍𑌯𑍈𑌰𑌾𑌵𑍃𑌤𑌾 𑌭𑍂𑌮𑌿𑌰𑍁𑌭𑌯𑌂 𑌪𑍍𑌰𑌬𑌭𑍌 𑌤𑌦𑌾 ॥ 4𑍮 ॥

𑌤𑌤𑌸𑍍𑌤𑌂 𑌪𑍁𑌰𑌷𑌵𑍍𑌯𑌾𑌘𑍍𑌰𑌂 𑌯𑌶𑌸𑍍𑌵𑌿𑌨𑌮𑌕𑌲𑍍𑌪𑌷𑌮𑍍 ।
𑌆𑌸𑍀𑌨𑌂 𑌸𑍍𑌥𑌂𑌡𑌿𑌲𑍇 𑌰𑌾𑌮𑌂 𑌦𑌦𑌰𑍍𑌶 𑌸𑌹𑌸𑌾 𑌜𑌨𑌃 ॥ 4𑍯 ॥

𑌵𑌿𑌗𑌰𑍍𑌹𑌮𑌾𑌣𑌃 𑌕𑍈𑌕𑍇𑌯𑍀𑌂 𑌮𑌂𑌥𑌰𑌾𑌸𑌹𑌿𑌤𑌾𑌮𑌪𑌿 ।
𑌅𑌭𑌿𑌗𑌮𑍍𑌯 𑌜𑌨𑍋 𑌰𑌾𑌮𑌂 𑌬𑌾𑌷𑍍𑌪𑌪𑍂𑌰𑍍𑌣𑌮𑍁𑌖𑍋𑌽𑌭𑌵𑌤𑍍 ॥ 50 ॥

𑌤𑌾𑌨𑍍𑌨𑌰𑌾𑌨𑍍𑌬𑌾𑌷𑍍𑌪𑌪𑍂𑌰𑍍𑌣𑌾𑌕𑍍𑌷𑌾𑌨𑍍𑌸𑌮𑍀𑌕𑍍𑌷𑍍𑌯𑌾𑌥 𑌸𑍁𑌦𑍁𑌃𑌖𑌿𑌤𑌾𑌨𑍍 ।
𑌪𑌰𑍍𑌯𑌷𑍍𑌵𑌜𑌤 𑌧𑌰𑍍𑌮𑌜𑍍𑌞𑌃 𑌪𑌿𑌤𑍃𑌵𑌨𑍍𑌮𑌾𑌤𑍃𑌵𑌚𑍍𑌚 𑌸𑌃 ॥ 51 ॥

𑌸 𑌤𑌤𑍍𑌰 𑌕𑌾𑌂𑌶𑍍𑌚𑌿𑌤𑍍𑌪𑌰𑌿𑌷𑌸𑍍𑌵𑌜𑍇 𑌨𑌰𑌾𑌨𑍍𑌨𑌰𑌾𑌸𑍍𑌤𑍁 𑌕𑍇𑌚𑌿𑌤𑍍𑌤𑍁 𑌤𑌮𑌭𑍍𑌯𑌵𑌾𑌦𑌯𑌨𑍍 ।
𑌚𑌕𑌾𑌰 𑌸𑌰𑍍𑌵𑌾𑌨𑍍𑌸𑌵𑌯𑌸𑍍𑌯𑌬𑌾𑌂𑌧𑌵𑌾𑌨𑍍𑌯𑌥𑌾𑌰𑍍𑌹 𑌮𑌾𑌸𑌾𑌦𑍍𑌯 𑌤𑌦𑌾 𑌨𑍃𑌪𑌾𑌤𑍍𑌮𑌜𑌃 ॥ 52 ॥

𑌸 𑌤𑌤𑍍𑌰 𑌤𑍇𑌷𑌾𑌂 𑌰𑍁𑌦𑌤𑌾𑌂 𑌮𑌹𑌾𑌤𑍍𑌮𑌨𑌾𑌂 𑌭𑍁𑌵𑌂 𑌚 𑌖𑌂 𑌚𑌾𑌨𑍁𑌨𑌿𑌨𑌾𑌦𑌯𑌨𑍍𑌸𑍍𑌵𑌨𑌃 ।
𑌗𑍁𑌹𑌾 𑌗𑌿𑌰𑍀𑌣𑌾𑌂 𑌚 𑌦𑌿𑌶𑌶𑍍𑌚 𑌸𑌂𑌤𑌤𑌂 𑌮𑍃𑌦𑌂𑌗𑌘𑍋𑌷𑌪𑍍𑌰𑌤𑌿𑌮𑌃 𑌪𑍍𑌰𑌶𑍁𑌶𑍍𑌰𑍁𑌵𑍇 ॥ 53 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌦𑍍𑌵𑌾𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ॥


Browse Related Categories: