Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

4.10 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡 - 𑌦𑌶𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑌮𑍍 ।
𑌅𑌥 𑌦𑌶𑌮𑌸𑍍𑌸𑌰𑍍𑌗𑌃 ।

𑌤𑌤𑌃 𑌕𑍍𑌰𑍋𑌧𑌸𑌮𑌾𑌵𑌿𑌷𑍍𑌟𑌂 𑌸𑌮𑍍𑌰𑌬𑍍𑌧𑌂 𑌤𑌮𑍁𑌪𑌾𑌗𑌤𑌮𑍍 ।
𑌅𑌹𑌂 𑌪𑍍𑌰𑌸𑌾𑌦𑌯𑌾𑌂𑌚𑌕𑍍𑌰𑍇 𑌭𑍍𑌰𑌾𑌤𑌰𑌂 𑌪𑍍𑌰𑌿𑌯𑌕𑌾𑌮𑍍𑌯𑌯𑌾 ॥ 1 ॥

𑌦𑌿𑌷𑍍𑌟𑍍𑌯𑌾𑌸𑌿 𑌕𑍁𑌶𑌲𑍀 𑌪𑍍𑌰𑌾𑌪𑍍𑌤𑍋 𑌨𑌿𑌹𑌤𑌶𑍍𑌚 𑌤𑍍𑌵𑌯𑌾 𑌰𑌿𑌪𑍁𑌃 ।
𑌅𑌨𑌾𑌥𑌸𑍍𑌯 𑌹𑌿 𑌮𑍇 𑌨𑌾𑌥𑌸𑍍𑌤𑍍𑌵𑌮𑍇𑌕𑍋𑌽𑌨𑌾𑌥𑌨𑌂𑌦𑌨𑌃 ॥ 2 ॥

𑌇𑌦𑌂 𑌬𑌹𑍁𑌶𑌲𑌾𑌕𑌂 𑌤𑍇 𑌪𑍂𑌰𑍍𑌣𑌚𑌂𑌦𑍍𑌰𑌮𑌿𑌵𑍋𑌦𑌿𑌤𑌮𑍍 ।
𑌛𑌤𑍍𑌰𑌂 𑌸𑌵𑌾𑌲𑌵𑍍𑌯𑌜𑌨𑌂 𑌪𑍍𑌰𑌤𑍀𑌚𑍍𑌛𑌸𑍍𑌵 𑌮𑌯𑌾 𑌧𑍃𑌤𑌮𑍍 ॥ 3 ॥

𑌆𑌰𑍍𑌤𑌶𑍍𑌚𑌾𑌥 𑌬𑌿𑌲𑌦𑍍𑌵𑌾𑌰𑌿 𑌸𑍍𑌥𑌿𑌤𑌸𑍍𑌸𑌂𑌵𑌤𑍍𑌸𑌰𑌂 𑌨𑍃𑌪 ।
𑌦𑍃𑌷𑍍𑌟𑍍𑌵𑌾𑌽𑌹𑌂 𑌶𑍋𑌣𑌿𑌤𑌂 𑌦𑍍𑌵𑌾𑌰𑌿 𑌬𑌿𑌲𑌾𑌚𑍍𑌚𑌾𑌪𑌿 𑌸𑌮𑍁𑌤𑍍𑌥𑌿𑌤𑌮𑍍 ॥ 4 ॥

𑌶𑍋𑌕𑌸𑌂𑌵𑌿𑌗𑍍𑌨𑌹𑍃𑌦𑌯𑍋 𑌭𑍃𑌶𑌂 𑌵𑍍𑌯𑌾𑌕𑍁𑌲𑌿𑌤𑍇𑌂𑌦𑍍𑌰𑌿𑌯𑌃 ।
𑌅𑌪𑌿𑌧𑌾𑌯 𑌬𑌿𑌲𑌦𑍍𑌵𑌾𑌰𑌂 𑌶𑍈𑌲𑌶𑍃𑌂𑌗𑍇𑌣 𑌤𑌤𑍍𑌤𑌥𑌾 ॥ 5 ॥

𑌤𑌸𑍍𑌮𑌾𑌦𑍍𑌦𑍇𑌶𑌾𑌦𑌪𑌾𑌕𑍍𑌰𑌮𑍍𑌯 𑌕𑌿𑌷𑍍𑌕𑌿𑌂𑌧𑌾𑌂 𑌪𑍍𑌰𑌾𑌵𑌿𑌶𑌂 𑌪𑍁𑌨𑌃 ।
𑌵𑌿𑌷𑌾𑌦𑌾𑌤𑍍𑌵𑌿𑌹 𑌮𑌾𑌂 𑌦𑍃𑌷𑍍𑌟𑍍𑌵𑌾 𑌪𑍌𑌰𑍈𑌰𑍍𑌮𑌂𑌤𑍍𑌰𑌿𑌭𑌿𑌰𑍇𑌵 𑌚 ॥ 6 ॥

𑌅𑌭𑌿𑌷𑌿𑌕𑍍𑌤𑍋 𑌨 𑌕𑌾𑌮𑍇𑌨 𑌤𑌨𑍍𑌮𑍇𑌤𑍍𑌵𑌂 𑌕𑍍𑌷𑌂𑌤𑍁𑌮𑌰𑍍𑌹𑌸𑌿 ।
𑌤𑍍𑌵𑌮𑍇𑌵 𑌰𑌾𑌜𑌾 𑌮𑌾𑌨𑌾𑌰𑍍𑌹𑌸𑍍𑌸𑌦𑌾 𑌚𑌾𑌹𑌂 𑌯𑌥𑌾 𑌪𑍁𑌰𑌮𑍍 ॥ 𑍭 ॥

𑌰𑌾𑌜𑌭𑌾𑌵𑌨𑌿𑌯𑍋𑌗𑍋𑌽𑌯𑌂 𑌮𑌮 𑌤𑍍𑌵𑌦𑍍𑌵𑌿𑌰𑌹𑌾𑌤𑍍𑌕𑍃𑌤𑌃 ।
𑌸𑌾𑌮𑌾𑌤𑍍𑌯𑌪𑍌𑌰𑌨𑌗𑌰𑌂 𑌸𑍍𑌥𑌿𑌤𑌂 𑌨𑌿𑌹𑌤𑌕𑌂𑌟𑌕𑌮𑍍 ॥ 𑍮 ॥

𑌨𑍍𑌯𑌾𑌸𑌭𑍂𑌤𑌮𑌿𑌦𑌂 𑌰𑌾𑌜𑍍𑌯𑌂 𑌤𑌵 𑌨𑌿𑌰𑍍𑌯𑌾𑌤𑌯𑌾𑌮𑍍𑌯𑌹𑌮𑍍 ।
𑌮𑌾 𑌚 𑌰𑍋𑌷𑌂 𑌕𑍃𑌥𑌾𑌸𑍍𑌸𑍌𑌮𑍍𑌯 𑌮𑌯𑌿 𑌶𑌤𑍍𑌰𑍁𑌨𑌿𑌬𑌰𑍍𑌹𑌣 ॥ 𑍯 ॥

𑌯𑌾𑌚𑍇 𑌤𑍍𑌵𑌾𑌂 𑌶𑌿𑌰𑌸𑌾 𑌰𑌾𑌜𑌨𑍍𑌮𑌯𑌾 𑌬𑌦𑍍𑌧𑍋𑌽𑌯𑌮𑌂𑌜𑌲𑌿𑌃 ।
𑌬𑌲𑌾𑌦𑌸𑍍𑌮𑌿𑌨𑍍 𑌸𑌮𑌾𑌗𑌮𑍍𑌯 𑌮𑌂𑌤𑍍𑌰𑌿𑌭𑌿𑌃 𑌪𑍁𑌰𑌵𑌾𑌸𑌿𑌭𑌿𑌃 ॥ 10 ॥

𑌰𑌾𑌜𑌭𑌾𑌵𑍇 𑌨𑌿𑌯𑍁𑌕𑍍𑌤𑍋𑌽𑌹𑌂 𑌶𑍂𑌨𑍍𑌯𑌦𑍇𑌶𑌜𑌿𑌗𑍀𑌷𑌯𑌾 ।
𑌸𑍍𑌨𑌿𑌗𑍍𑌧𑌮𑍇𑌵𑌂 𑌬𑍍𑌰𑍁𑌵𑌾𑌣𑌂 𑌮𑌾𑌂 𑌸 𑌤𑍁 𑌨𑌿𑌰𑍍𑌭𑌰𑍍𑌤𑍍𑌸𑍍𑌯 𑌵𑌾𑌨𑌰𑌃 ॥ 11 ॥

𑌧𑌿𑌕𑍍𑌤𑍍𑌵𑌾𑌮𑌿𑌤𑌿 𑌚 𑌮𑌾 𑌮𑍁𑌕𑍍𑌤𑍍𑌵𑌾 𑌬𑌹𑍁 𑌤𑌤𑍍𑌤𑌦𑍁𑌵𑌾𑌚 𑌹 ।
𑌪𑍍𑌰𑌕𑍃𑌤𑍀𑌶𑍍𑌚 𑌸𑌮𑌾𑌨𑍀𑌯 𑌮𑍁𑌂𑌤𑍍𑌰𑌿𑌣𑌶𑍍𑌚𑍈𑌵 𑌸𑌮𑍍𑌮𑌤𑌾𑌨𑍍 ॥ 12 ॥

𑌮𑌾𑌮𑌾𑌹 𑌸𑍁𑌹𑍃𑌦𑌾𑌂 𑌮𑌧𑍍𑌯𑍇 𑌵𑌾𑌕𑍍𑌯𑌂 𑌪𑌰𑌮𑌗𑌰𑍍𑌹𑌿𑌤𑌮𑍍 ।
𑌵𑌿𑌦𑌿𑌤𑌂 𑌵𑍋 𑌯𑌥𑌾 𑌰𑌾𑌤𑍍𑌰𑍌 𑌮𑌾𑌯𑌾𑌵𑍀 𑌸 𑌮𑌹𑌾𑌸𑍁𑌰𑌃 ॥ 13 ॥

𑌮𑌾𑌂 𑌸𑌮𑌾𑌹𑍍𑌵𑌯𑌤 𑌕𑍍𑌰𑍂𑌰𑍋 𑌯𑍁𑌦𑍍𑌧𑌾𑌕𑌾𑌂𑌕𑍍𑌷𑍀 𑌸𑍁𑌦𑍁𑌰𑍍𑌮𑌤𑌿𑌃 ।
𑌤𑌸𑍍𑌯 𑌤𑌦𑍍𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌨𑌿𑌸𑍍𑌸𑍃𑌤𑍋𑌽𑌹𑌂 𑌨𑍃𑌪𑌾𑌲𑌯𑌾𑌤𑍍 ॥ 14 ॥

𑌅𑌨𑍁𑌯𑌾𑌤𑌶𑍍𑌚 𑌮𑌾𑌂 𑌤𑍂𑌰𑍍𑌣𑌮𑌯𑌂 𑌭𑍍𑌰𑌾𑌤𑌾 𑌸𑍁𑌦𑌾𑌰𑍁𑌣𑌃 ।
𑌸 𑌤𑍁 𑌦𑍃𑌷𑍍𑌟𑍍𑌵𑍈𑌵 𑌮𑌾𑌂 𑌰𑌾𑌤𑍍𑌰𑍌 𑌸𑌦𑍍𑌵𑌿𑌤𑍀𑌯𑌂 𑌮𑌹𑌾𑌬𑌲𑌃 ॥ 15 ॥

𑌪𑍍𑌰𑌾𑌦𑍍𑌰𑌵𑌦𑍍𑌭𑌯𑌸𑌂𑌤𑍍𑌰𑌸𑍍𑌤𑍋 𑌵𑍀𑌕𑍍𑌷𑍍𑌯𑌾𑌵𑌾𑌂 𑌸𑌮𑍁𑌪𑌾𑌗𑌤𑍌 ।
𑌅𑌨𑍁𑌦𑍍𑌰𑍁𑌤𑌶𑍍𑌚 𑌵𑍇𑌗𑍇𑌨 𑌪𑍍𑌰𑌵𑌿𑌵𑍇𑌶 𑌮𑌹𑌾𑌬𑌿𑌲𑌮𑍍 ॥ 16 ॥

𑌤𑌂 𑌪𑍍𑌰𑌵𑌿𑌷𑍍𑌟𑌂 𑌵𑌿𑌦𑌿𑌤𑍍𑌵𑌾 𑌸𑍁𑌘𑍋𑌰𑌂 𑌸𑍁𑌮𑌹𑌦𑍍𑌬𑌿𑌲𑌮𑍍 ।
𑌅𑌯𑌮𑍁𑌕𑍍𑌤𑍋𑌽𑌥 𑌮𑍇 𑌭𑍍𑌰𑌾𑌤𑌾 𑌮𑌯𑌾 𑌤𑍁 𑌕𑍍𑌰𑍂𑌰𑌦𑌰𑍍𑌶𑌨𑌃 ॥ 1𑍭 ॥

𑌅𑌹𑌤𑍍𑌵𑌾 𑌨𑌾𑌸𑍍𑌤𑌿 𑌮𑍇 𑌶𑌕𑍍𑌤𑌿𑌃 𑌪𑍍𑌰𑌤𑌿𑌗𑌂𑌤𑍁𑌮𑌿𑌤𑌃 𑌪𑍁𑌰𑍀𑌮𑍍 ।
𑌬𑌿𑌲𑌦𑍍𑌵𑌾𑌰𑌿 𑌪𑍍𑌰𑌤𑍀𑌕𑍍𑌷 𑌤𑍍𑌵𑌂 𑌯𑌾𑌵𑌦𑍇𑌨𑌂 𑌨𑌿𑌹𑌨𑍍𑌮𑍍𑌯𑌹𑌮𑍍 ॥ 1𑍮 ॥

𑌸𑍍𑌥𑌿𑌤𑍋𑌽𑌯𑌮𑌿𑌤𑌿 𑌮𑌤𑍍𑌵𑌾 𑌤𑍁 𑌪𑍍𑌰𑌵𑌿𑌷𑍍𑌟𑍋𑌽𑌹𑌂 𑌦𑍁𑌰𑌾𑌸𑌦𑌮𑍍 ।
𑌤𑌂 𑌚 𑌮𑍇 𑌮𑌾𑌰𑍍𑌗𑌮𑌾𑌣𑌸𑍍𑌯 𑌗𑌤𑌸𑍍𑌸𑌂𑌵𑌤𑍍𑌸𑌰𑌸𑍍𑌤𑌦𑌾 ॥ 1𑍯 ॥

𑌸 𑌤𑍁 𑌦𑍃𑌷𑍍𑌟𑍋 𑌮𑌯𑌾 𑌶𑌤𑍍𑌰𑍁𑌰𑌨𑌿𑌰𑍍𑌵𑍇𑌦𑌾𑌦𑍍𑌭𑌯𑌾𑌵𑌹𑌃 ।
𑌨𑌿𑌹𑌤𑌶𑍍𑌚 𑌮𑌯𑌾 𑌤𑌤𑍍𑌰 𑌸𑍋𑌽𑌸𑍁𑌰𑍋 𑌬𑌂𑌧𑍁𑌭𑌿𑌸𑍍𑌸𑌹 ॥ 20 ॥

𑌤𑌸𑍍𑌯𑌾𑌸𑍍𑌯𑌾𑌤𑍍𑌤𑍁 𑌪𑍍𑌰𑌵𑍃𑌤𑍍𑌤𑍇𑌨 𑌰𑍁𑌧𑌿𑌰𑍌𑌘𑍇𑌣 𑌤𑌦𑍍𑌬𑌿𑌲𑌮𑍍 ।
𑌪𑍂𑌰𑍍𑌣𑌮𑌾𑌸𑍀𑌦𑍍𑌦𑍁𑌰𑌾𑌕𑍍𑌰𑌾𑌮𑌂 𑌸𑍍𑌤𑌨𑌤𑌸𑍍𑌤𑌸𑍍𑌯 𑌭𑍂𑌤𑌲𑍇 ॥ 21 ॥

𑌸𑍂𑌦𑌯𑌿𑌤𑍍𑌵𑌾 𑌤𑍁 𑌤𑌂 𑌶𑌤𑍍𑌰𑍁𑌂 𑌵𑌿𑌕𑍍𑌰𑌾𑌂𑌤𑌂 𑌦𑍁𑌂𑌦𑍁𑌭𑍇𑌸𑍍𑌸𑍁𑌤𑌮𑍍 ।
𑌨𑌿𑌷𑍍𑌕𑍍𑌰𑌾𑌮𑌨𑍍𑌨𑍇𑌵 𑌪𑌶𑍍𑌯𑌾𑌮𑌿 𑌬𑌿𑌲𑌸𑍍𑌯 𑌪𑌿𑌹𑌿𑌤𑌂 𑌮𑍁𑌖𑌮𑍍 ॥ 22 ॥

𑌵𑌿𑌕𑍍𑌰𑍋𑌶𑌮𑌾𑌨𑌸𑍍𑌯 𑌤𑍁 𑌮𑍇 𑌸𑍁𑌗𑍍𑌰𑍀𑌵𑍇𑌤𑌿 𑌪𑍁𑌨𑌃 𑌪𑍁𑌨𑌃 ।
𑌯𑌦𑌾 𑌪𑍍𑌰𑌤𑌿𑌵𑌚𑍋 𑌨𑌾𑌸𑍍𑌤𑌿 𑌤𑌤𑍋𑌽𑌹𑌂 𑌭𑍃𑌶𑌦𑍁𑌃𑌖𑌿𑌤𑌃 ॥ 23 ॥

𑌪𑌾𑌦𑌪𑍍𑌰𑌹𑌾𑌰𑍈𑌸𑍍𑌤𑍁 𑌮𑌯𑌾 𑌬𑌹𑍁𑌭𑌿𑌸𑍍𑌤𑌦𑍍𑌵𑌿𑌦𑌾𑌰𑌿𑌤𑌮𑍍 ।
𑌤𑌤𑍋𑌽𑌹𑌂 𑌤𑍇𑌨 𑌨𑌿𑌷𑍍𑌕𑍍𑌰𑌮𑍍𑌯 𑌯𑌥𑌾 𑌪𑍁𑌰𑌮𑍁𑌪𑌾𑌗𑌤𑌃 ॥ 24 ॥

𑌅𑌤𑍍𑌰𑌾𑌨𑍇𑌨𑌾𑌸𑍍𑌮𑌿 𑌸𑌂𑌰𑍁𑌦𑍍𑌧𑍋 𑌰𑌾𑌜𑍍𑌯𑌂 𑌪𑍍𑌰𑌾𑌰𑍍𑌥𑌯𑌤𑌾𑌽𑌤𑍍𑌮𑌨𑌃 ।
𑌸𑍁𑌗𑍍𑌰𑍀𑌵𑍇𑌣 𑌨𑍃𑌶𑌂𑌸𑍇𑌨 𑌵𑌿𑌸𑍍𑌮𑍃𑌤𑍍𑌯 𑌭𑍍𑌰𑌾𑌤𑍃𑌸𑍌𑌹𑍃𑌦𑌮𑍍 ॥ 25 ॥

𑌏𑌵𑌮𑍁𑌕𑍍𑌤𑍍𑌵𑌾 𑌤𑍁 𑌮𑌾𑌂 𑌤𑌤𑍍𑌰 𑌵𑌸𑍍𑌤𑍍𑌰𑍇𑌣𑍈𑌕𑍇𑌨 𑌵𑌾𑌨𑌰𑌃 ।
𑌨𑌿𑌰𑍍𑌵𑌾𑌸𑌯𑌾𑌮𑌾𑌸 𑌤𑌦𑌾 𑌵𑌾𑌲𑍀 𑌵𑌿𑌗𑌤𑌸𑌾𑌧𑍍𑌵𑌸𑌃 ॥ 26 ॥

𑌤𑍇𑌨𑌾𑌹𑌮𑌪𑌵𑌿𑌦𑍍𑌧𑌶𑍍𑌚 𑌹𑍃𑌤𑌦𑌾𑌰𑌶𑍍𑌚 𑌰𑌾𑌘𑌵 ।
𑌤𑌦𑍍𑌭𑌯𑌾𑌚𑍍𑌛 𑌮𑌹𑍀𑌕𑍃𑌤𑍍𑌸𑍍𑌨𑌾 𑌕𑍍𑌰𑌾𑌂𑌤𑍇𑌯𑌂 𑌸𑌵𑌨𑌾𑌰𑍍𑌣𑌵𑌾 ॥ 2𑍭 ॥

𑌋𑌷𑍍𑌯𑌮𑍂𑌕𑌂 𑌗𑌿𑌰𑌿𑌵𑌰𑌂 𑌭𑌾𑌰𑍍𑌯𑌾𑌹𑌰𑌣𑌦𑍁𑌃𑌖𑌿𑌤𑌃 ।
𑌪𑍍𑌰𑌵𑌿𑌷𑍍𑌟𑍋𑌽𑌸𑍍𑌮𑌿 𑌦𑍁𑌰𑌾𑌧𑌰𑍍𑌷𑌂 𑌵𑌾𑌲𑌿𑌨𑌃 𑌕𑌾𑌰𑌣𑌾𑌂𑌤𑌰𑍇 ॥ 2𑍮 ॥

𑌏𑌤𑌤𑍍𑌤𑍇 𑌸𑌰𑍍𑌵𑌮𑌾𑌖𑍍𑌯𑌾𑌤𑌂 𑌵𑍈𑌰𑌾𑌨𑍁𑌕𑌥𑌨𑌂 𑌮𑌹𑌤𑍍 ।
𑌅𑌨𑌾𑌗𑌸𑌾 𑌮𑌯𑌾 𑌪𑍍𑌰𑌾𑌪𑍍𑌤𑌂 𑌵𑍍𑌯𑌸𑌨𑌂 𑌪𑌶𑍍𑌯 𑌰𑌾𑌘𑌵 ॥ 2𑍯 ॥

𑌵𑌾𑌲𑌿𑌨𑌸𑍍𑌤𑍁 𑌭𑌯𑌾𑌰𑍍𑌤𑌸𑍍𑌯 𑌸𑌰𑍍𑌵𑌲𑍋𑌕𑌭𑌯𑌂𑌕𑌰 ।
𑌕𑌰𑍍𑌤𑍁𑌮𑌰𑍍𑌹𑌸𑌿 𑌮𑍇 𑌵𑍀𑌰 𑌪𑍍𑌰𑌸𑌾𑌦𑌂 𑌤𑌸𑍍𑌯 𑌨𑌿𑌗𑍍𑌰𑌹𑌾𑌤𑍍 ॥ 30 ॥

𑌏𑌵𑌮𑍁𑌕𑍍𑌤𑌸𑍍𑌸 𑌤𑍇𑌜𑌸𑍍𑌵𑍀 𑌧𑌰𑍍𑌮𑌜𑍍𑌞𑍋 𑌧𑌰𑍍𑌮𑌸𑌂𑌹𑌿𑌤𑌮𑍍 ।
𑌵𑌚𑌨𑌂 𑌵𑌕𑍍𑌤𑍁𑌮𑌾𑌰𑍇𑌭𑍇 𑌸𑍁𑌗𑍍𑌰𑍀𑌵𑌂 𑌪𑍍𑌰𑌹𑌸𑌨𑍍𑌨𑌿𑌵 ॥ 31 ॥

𑌅𑌮𑍋𑌘𑌾𑌸𑍍𑌸𑍂𑌰𑍍𑌯𑌸𑌂𑌕𑌾𑌶𑌾 𑌮𑌮𑍈𑌤𑍇 𑌨𑌿𑌶𑌿𑌤𑌾 𑌶𑍍𑌶𑌰𑌾𑌃 ।
𑌤𑌸𑍍𑌮𑌿𑌨𑍍𑌵𑌾𑌲𑌿𑌨𑌿 𑌦𑍁𑌰𑍍𑌵𑍃𑌤𑍍𑌤𑍇 𑌨𑌿𑌪𑌤𑌿𑌷𑍍𑌯𑌂𑌤𑌿 𑌵𑍇𑌗𑌿𑌤𑌾𑌃 ॥ 32 ॥

𑌯𑌾𑌵𑌤𑍍𑌤𑌂 𑌨𑌾𑌭𑌿𑌪𑌶𑍍𑌯𑌾𑌮𑌿 𑌤𑌵 𑌭𑌾𑌰𑍍𑌯𑌾𑌪𑌹𑌾𑌰𑌿𑌣𑌮𑍍 ।
𑌤𑌾𑌵𑌤𑍍𑌸 𑌜𑍀𑌵𑍇𑌤𑍍𑌪𑌾𑌪𑌾𑌤𑍍𑌮𑌾 𑌵𑌾𑌲𑍀 𑌚𑌾𑌰𑌿𑌤𑍍𑌰𑌦𑍂𑌷𑌕𑌃 ॥ 33 ॥

𑌆𑌤𑍍𑌮𑌾𑌨𑍁𑌮𑌾𑌨𑌾𑌤𑍍𑌪𑌶𑍍𑌯𑌾𑌮𑌿 𑌮𑌗𑍍𑌨𑌂 𑌤𑍍𑌵𑌾𑌂 𑌶𑍋𑌕𑌸𑌾𑌗𑌰𑍇 ।
𑌤𑍍𑌵𑌾𑌮𑌹𑌂 𑌤𑌾𑌰𑌯𑌿𑌷𑍍𑌯𑌾𑌮𑌿 𑌕𑌾𑌮𑌂 𑌪𑍍𑌰𑌾𑌪𑍍𑌸𑍍𑌯𑌸𑌿 𑌪𑍁𑌷𑍍𑌕𑌲𑌮𑍍 ॥ 34 ॥

𑌤𑌸𑍍𑌯 𑌤𑌦𑍍𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌹𑌰𑍍𑌷𑌪𑍌𑌰𑍁𑌷𑌵𑌰𑍍𑌧𑌨𑌮𑍍 ।
𑌸𑍁𑌗𑍍𑌰𑍀𑌵𑌃 𑌪𑌰𑌮𑌪𑍍𑌰𑍀𑌤𑌸𑍍𑌸𑍁𑌮𑌹𑌦𑍍𑌵𑌾𑌕𑍍𑌯𑌮𑌬𑍍𑌰𑌵𑍀𑌤𑍍 ॥ 35 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑍇 𑌦𑌶𑌮𑌸𑍍𑌸𑌰𑍍𑌗𑌃 ॥


Browse Related Categories: