Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

4.3 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡 - 𑌤𑍃𑌤𑍀𑌯 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑌮𑍍 ।
𑌅𑌥 𑌤𑍃𑌤𑍀𑌯𑌸𑍍𑌸𑌰𑍍𑌗𑌃 ।

𑌵𑌚𑍋 𑌵𑌿𑌜𑍍𑌞𑌾𑌯 𑌹𑌨𑍁𑌮𑌾𑌨𑍍 𑌸𑍁𑌗𑍍𑌰𑍀𑌵𑌸𑍍𑌯 𑌮𑌹𑌾𑌤𑍍𑌮𑌨𑌃 ।
𑌪𑌰𑍍𑌵𑌤𑌾𑌦𑍃𑌶𑍍𑌯𑌮𑍂𑌕𑌾𑌤𑍍𑌤𑍁 𑌪𑍁𑌪𑍍𑌲𑍁𑌵𑍇 𑌯𑌤𑍍𑌰 𑌰𑌾𑌘𑌵𑍌 ॥ 1 ॥

𑌕𑌪𑌿𑌰𑍂𑌪𑌂 𑌪𑌰𑌿𑌤𑍍𑌯𑌜𑍍𑌯 𑌹𑌨𑍁𑌮𑌾𑌨𑍍𑌮𑌾𑌰𑍁𑌤𑌾𑌤𑍍𑌮𑌜𑌃 ।
𑌭𑌿𑌕𑍍𑌷𑍁𑌰𑍂𑌪𑌂 𑌤𑌤𑍋 𑌭𑍇𑌜𑍇 𑌶𑌠𑌬𑍁𑌦𑍍𑌧𑌿𑌤𑌯𑌾 𑌕𑌪𑌿𑌃 ॥ 2 ॥

𑌤𑌤𑌸𑍍𑌸 𑌹𑌨𑍁𑌮𑌾𑌨𑍍𑌵𑌾𑌚𑌾 𑌶𑍍𑌲𑌕𑍍𑌷𑍍𑌣𑌯𑌾 𑌸𑍁𑌮𑌨𑍋𑌜𑍍𑌞𑌯𑌾 ।
𑌵𑌿𑌨𑍀𑌤𑌵𑌦𑍁𑌪𑌾𑌗𑌮𑍍𑌯 𑌰𑌾𑌘𑌵𑍌 𑌪𑍍𑌰𑌣𑌿𑌪𑌤𑍍𑌯 𑌚 ॥ 3 ॥

𑌆𑌬𑌭𑌾𑌷𑍇 𑌤𑌦𑌾 𑌵𑍀𑌰𑍌 𑌯𑌥𑌾𑌵𑌤𑍍𑌪𑍍𑌰𑌶𑌶𑌂𑌸 𑌚 ।
𑌸𑌂𑌪𑍂𑌜𑍍𑌯 𑌵𑌿𑌧𑌿𑌵𑌦𑍍𑌵𑍀𑌰𑍌 𑌹𑌨𑍁𑌮𑌾𑌨𑍍𑌮𑌾𑌰𑍁𑌤𑌾𑌤𑍍𑌮𑌜𑌃 ।
𑌉𑌵𑌾𑌚 𑌕𑌾𑌮𑌤𑍋 𑌵𑌾𑌕𑍍𑌯𑌂 𑌮𑍃𑌦𑍁 𑌸𑌤𑍍𑌯𑌪𑌰𑌾𑌕𑍍𑌰𑌮𑍌 ॥ 4 ॥

𑌰𑌾𑌜𑌰𑍍𑌷𑌿𑌦𑍇𑌵𑌪𑍍𑌰𑌤𑌿𑌮𑍌 𑌤𑌾𑌪𑌸𑍌 𑌸𑌂𑌶𑌿𑌤𑌵𑍍𑌰𑌤𑍌 ।
𑌦𑍇𑌶𑌂 𑌕𑌥𑌮𑌿𑌮𑌂 𑌪𑍍𑌰𑌾𑌪𑍍𑌤𑍌 𑌭𑌵𑌂𑌤𑍌 𑌵𑌰𑌵𑌰𑍍𑌣𑌿𑌨𑍌 ॥ 5 ॥

𑌤𑍍𑌰𑌾𑌸𑌯𑌂𑌤𑍌 𑌮𑍃𑌗𑌗𑌣𑌾𑌨𑌨𑍍𑌯𑌾𑌂𑌶𑍍𑌚 𑌵𑌨𑌚𑌾𑌰𑌿𑌣𑌃 ॥ 6 ॥

𑌪𑌂𑌪𑌾𑌤𑍀𑌰𑌰𑍁𑌹𑌾𑌨𑍍𑌵𑍃𑌕𑍍𑌷𑌾𑌨𑍍 𑌵𑍀𑌕𑍍𑌷𑌮𑌾𑌣𑍌 𑌸𑌮𑌂𑌤𑌤𑌃 ।
𑌇𑌮𑌾𑌂 𑌨𑌦𑍀𑌂 𑌶𑍁𑌭𑌜𑌲𑌾𑌂 𑌶𑍋𑌭𑌯𑌂𑌤𑍌 𑌤𑌪𑌸𑍍𑌵𑌿𑌨𑍌 ॥ 𑍭 ॥

𑌧𑍈𑌰𑍍𑌯𑌵𑌂𑌤𑍌 𑌸𑍁𑌵𑌰𑍍𑌣𑌾𑌭𑍌 𑌕𑍌 𑌯𑍁𑌵𑌾𑌂 𑌚𑍀𑌰𑌵𑌾𑌸𑌸𑍌 ।
𑌨𑌿𑌃𑌶𑍍𑌵𑌸𑌂𑌤𑍌 𑌵𑌰𑌭𑍁𑌜𑍌 𑌪𑍀𑌡𑌯𑌂𑌤𑌾𑌵𑌿𑌮𑌾𑌃 𑌪𑍍𑌰𑌜𑌾𑌃 ॥ 𑍮 ॥

𑌸𑌿𑌂𑌹𑌵𑌿𑌪𑍍𑌰𑍇𑌕𑍍𑌷𑌿𑌤𑍌 𑌵𑍀𑌰𑍌 𑌮𑌹𑌾𑌬𑌲𑌵𑌿𑌕𑍍𑌰𑌮𑍌 ।
𑌶𑌕𑍍𑌰𑌚𑌾𑌪𑌨𑌿𑌭𑍇 𑌚𑌾𑌪𑍇 𑌗𑍃𑌹𑍀𑌤𑍍𑌵𑌾 𑌶𑌤𑍍𑌰𑍁𑌸𑍂𑌦𑌨𑍌 ॥ 𑍯 ॥

𑌶𑍍𑌰𑍀𑌮𑌂𑌤𑍌 𑌰𑍂𑌪𑌸𑌂𑌪𑌨𑍍𑌨𑍌 𑌵𑍃𑌷𑌭𑌶𑍍𑌰𑍇𑌷𑍍𑌠𑌵𑌿𑌕𑍍𑌰𑌮𑍌 ।
𑌹𑌸𑍍𑌤𑌿𑌹𑌸𑍍𑌤𑍋𑌪𑌮𑌭𑍁𑌜𑍌 𑌦𑍍𑌯𑍁𑌤𑌿𑌮𑌂𑌤𑍌 𑌨𑌰𑌰𑍍𑌷𑌭𑍌 ॥ 10 ॥

𑌪𑍍𑌰𑌭𑌯𑌾 𑌪𑌰𑍍𑌵𑌤𑍇𑌂𑌦𑍍𑌰𑍋𑌽𑌯𑌂 𑌯𑍁𑌵𑌯𑍋𑌰𑌵𑌭𑌾𑌸𑌿𑌤𑌃 ।
𑌰𑌾𑌜𑍍𑌯𑌾𑌰𑍍𑌹𑌾𑌵𑌮𑌰𑌪𑍍𑌰𑌖𑍍𑌯𑍌 𑌕𑌥𑌂 𑌦𑍇𑌶𑌮𑌿𑌹𑌾𑌗𑌤𑍌 ॥ 11 ॥

𑌪𑌦𑍍𑌮𑌪𑌤𑍍𑌰𑍇𑌕𑍍𑌷𑌣𑍌 𑌵𑍀𑌰𑍌 𑌜𑌟𑌾𑌮𑌂𑌡𑌲𑌧𑌾𑌰𑌿𑌣𑍌 ।
𑌅𑌨𑍍𑌯𑍋𑌨𑍍𑌯𑌸𑌦𑍃𑌶𑍌 𑌵𑍀𑌰𑍌 𑌦𑍇𑌵𑌲𑍋𑌕𑌾𑌦𑌿𑌵𑌾𑌗𑌤𑍌 ॥ 12 ॥

𑌯𑌦𑍃𑌚𑍍𑌛𑌯𑍇𑌵 𑌸𑌂𑌪𑍍𑌰𑌾𑌪𑍍𑌤𑍌 𑌚𑌂𑌦𑍍𑌰𑌸𑍂𑌰𑍍𑌯𑍌 𑌵𑌸𑍁𑌂𑌧𑌰𑌾𑌮𑍍 ।
𑌵𑌿𑌶𑌾𑌲𑌵𑌕𑍍𑌷𑌸𑍌 𑌵𑍀𑌰𑍌 𑌮𑌾𑌨𑍁𑌷𑍌 𑌦𑍇𑌵𑌰𑍂𑌪𑌿𑌣𑍌 ॥ 13 ॥

𑌸𑌿𑌂𑌹𑌸𑍍𑌕𑌂𑌧𑍌 𑌮𑌹𑍋𑌤𑍍𑌸𑌾𑌹𑍌 𑌸𑌮𑌦𑌾𑌵𑌿𑌵 𑌗𑍋𑌵𑍃𑌷𑍌 ।
𑌆𑌯𑌤𑌾𑌶𑍍𑌚 𑌸𑍁𑌵𑍃𑌤𑍍𑌤𑌾𑌶𑍍𑌚 𑌬𑌾𑌹𑌵𑌃 𑌪𑌰𑌿𑌘𑍋𑌪𑌮𑌾𑌃 ।
𑌸𑌰𑍍𑌵𑌭𑍂𑌷𑌣𑌭𑍂𑌷𑌾𑌰𑍍𑌹𑌾𑌃 𑌕𑌿𑌮𑌰𑍍𑌥𑌂 𑌨 𑌵𑌿𑌭𑍂𑌷𑌿𑌤𑌾𑌃 ॥ 14 ॥

𑌉𑌭𑍌 𑌯𑍋𑌗𑍍𑌯𑌾𑌵𑌹𑌂 𑌮𑌨𑍍𑌯𑍇 𑌰𑌕𑍍𑌷𑌿𑌤𑍁𑌂 𑌪𑍃𑌥𑌿𑌵𑍀𑌮𑌿𑌮𑌾𑌮𑍍 ।
𑌸𑌸𑌾𑌗𑌰𑌵𑌨𑌾𑌂 𑌕𑍃𑌤𑍍𑌸𑍍𑌨𑌾𑌂 𑌵𑌿𑌂𑌧𑍍𑌯𑌮𑍇𑌰𑍁𑌵𑌿𑌭𑍂𑌷𑌿𑌤𑌾𑌮𑍍 ॥ 15 ॥

𑌇𑌮𑍇 𑌚 𑌧𑌨𑍁𑌷𑍀 𑌚𑌿𑌤𑍍𑌰𑍇 𑌶𑍍𑌲𑌷𑍍𑌣𑍇 𑌚𑌿𑌤𑍍𑌰𑌾𑌨𑍁𑌲𑍇𑌪𑌨𑍇 ।
𑌪𑍍𑌰𑌕𑌾𑌶𑍇𑌤𑍇 𑌯𑌥𑍇𑌂𑌦𑍍𑌰𑌸𑍍𑌯 𑌵𑌜𑍍𑌰𑍇 𑌹𑍇𑌮𑌵𑌿𑌭𑍂𑌷𑌿𑌤𑍇 ॥ 16 ॥

𑌸𑌂𑌪𑍂𑌰𑍍𑌣𑌾 𑌨𑌿𑌶𑌿𑌤𑍈𑌰𑍍𑌬𑌾𑌣𑍈 𑌸𑍍𑌤𑍂𑌣𑌾𑌶𑍍𑌚 𑌶𑍁𑌭𑌦𑌰𑍍𑌶𑌨𑌾𑌃 ॥ 1𑍭 ॥

𑌜𑍀𑌵𑌿𑌤𑌾𑌂𑌤𑌕𑌰𑍈𑌰𑍍𑌘𑍋𑌰𑍈 𑌶𑍍𑌶𑍍𑌵𑌸𑌦𑍍𑌭𑌿𑌰𑌿𑌵 𑌪𑌨𑍍𑌨𑌗𑍈𑌃 ।
𑌮𑌹𑌾𑌪𑍍𑌰𑌮𑌾𑌣𑍌 𑌵𑌿𑌸𑍍𑌤𑍀𑌰𑍍𑌣𑍌 𑌤𑌪𑍍𑌤𑌹𑌾𑌟𑌕𑌭𑍂𑌷𑌿𑌤𑍌 ॥ 1𑍮 ॥

𑌖𑌡𑌗𑌾𑌵𑍇𑌤𑍌 𑌵𑌿𑌰𑌾𑌜𑍇𑌤𑍇 𑌨𑌿𑌰𑍍𑌮𑍁𑌕𑍍𑌤𑌾𑌵𑌿𑌵𑌪𑌨𑍍𑌨𑌗𑍌 ।
𑌏𑌵𑌂 𑌮𑌾𑌂 𑌪𑌰𑌿𑌭𑌾𑌷𑌂𑌤𑌂 𑌕𑌸𑍍𑌮𑌾𑌦𑍍𑌵𑍈 𑌨𑌾𑌭𑌿𑌭𑌾𑌷𑌥𑌃 ॥ 1𑍯 ॥

𑌸𑍁𑌗𑍍𑌰𑍀𑌵𑍋 𑌨𑌾𑌮 𑌧𑌰𑍍𑌮𑌾𑌤𑍍𑌮𑌾 𑌕𑌶𑍍𑌚𑌿𑌦𑍍𑌵𑌾𑌨𑌰𑌯𑍂𑌥𑌪𑌃 ।
𑌵𑍀𑌰𑍋 𑌵𑌿𑌨𑌿𑌕𑍃𑌤𑍋 𑌭𑍍𑌰𑌾𑌤𑍍𑌰𑌾 𑌜𑌗𑌦𑍍𑌭𑍍𑌰𑌮𑌤𑌿 𑌦𑍁𑌃𑌖𑌿𑌤𑌃 ॥ 20 ॥

𑌪𑍍𑌰𑌾𑌪𑍍𑌤𑍋𑌽𑌹𑌂 𑌪𑍍𑌰𑍇𑌷𑌿𑌤𑌸𑍍𑌤𑍇𑌨 𑌸𑍁𑌗𑍍𑌰𑍀𑌵𑍇𑌣 𑌮𑌹𑌾𑌤𑍍𑌮𑌨𑌾 ।
𑌰𑌾𑌜𑍍𑌞𑌾 𑌵𑌾𑌨𑌰𑌮𑍁𑌖𑍍𑌯𑌾𑌨𑌾𑌂 𑌹𑌨𑍁𑌮𑌾𑌨𑍍𑌨𑌾𑌮 𑌵𑌾𑌨𑌰𑌃 ॥ 21 ॥

𑌯𑍁𑌵𑌾𑌭𑍍𑌯𑌾𑌂 𑌸𑌹 𑌧𑌰𑍍𑌮𑌾𑌤𑍍𑌮𑌾 𑌸𑍁𑌗𑍍𑌰𑍀𑌵𑌸𑍍𑌸𑌖𑍍𑌯𑌮𑌿𑌚𑍍𑌛𑌤𑌿 ।
𑌤𑌸𑍍𑌯 𑌮𑌾𑌂 𑌸𑌚𑌿𑌵𑌂 𑌵𑌿𑌤𑍍𑌤𑌂 𑌵𑌾𑌨𑌰𑌂 𑌪𑌵𑌨𑌾𑌤𑍍𑌮𑌜𑌮𑍍 ॥ 22 ॥

𑌭𑌿𑌕𑍍𑌷𑍁𑌰𑍂𑌪𑌪𑍍𑌰𑌤𑌿𑌚𑍍𑌛𑌨𑍍𑌨𑌂 𑌸𑍁𑌗𑍍𑌰𑍀𑌵𑌪𑍍𑌰𑌿𑌯𑌕𑌾𑌮𑍍𑌯𑌯𑌾 ।
𑌋𑌷𑍍𑌯𑌮𑍂𑌕𑌾𑌦𑌿𑌹 𑌪𑍍𑌰𑌾𑌪𑍍𑌤𑌂 𑌕𑌾𑌮𑌗𑌂 𑌕𑌾𑌮𑌰𑍂𑌪𑌿𑌣𑌮𑍍 ॥ 23 ॥

𑌏𑌵𑌮𑍁𑌕𑍍𑌤𑍍𑌵𑌾 𑌤𑍁 𑌹𑌨𑍁𑌮𑌾𑌂𑌸𑍍𑌤𑍌 𑌵𑍀𑌰𑍌 𑌰𑌾𑌮𑌲𑌕𑍍𑌷𑍍𑌮𑌣𑍌 ।
𑌵𑌾𑌕𑍍𑌯𑌜𑍍𑌞𑍌 𑌵𑌾𑌕𑍍𑌯𑌕𑍁𑌶𑌲𑌃 𑌪𑍁𑌨𑌰𑍍𑌨𑍋𑌵𑌾𑌚 𑌕𑌿𑌂𑌚𑌨 ॥ 24 ॥

𑌏𑌤𑌚𑍍𑌛𑍍𑌰𑍁𑌤𑍍𑌵𑌾 𑌵𑌚𑌂𑌤𑌸𑍍𑌯 𑌰𑌾𑌮𑍋 𑌲𑌕𑍍𑌷𑍍𑌮𑌣𑌮𑌬𑍍𑌰𑌵𑍀𑌤𑍍 ।
𑌪𑍍𑌰𑌹𑍃𑌷𑍍𑌟𑌵𑌦𑌨𑌶𑍍𑌶𑍍𑌰𑍀𑌮𑌾𑌨𑍍𑌭𑍍𑌰𑌾𑌤𑌰𑌂 𑌪𑌾𑌰𑍍𑌶𑍍𑌵𑌤𑌃 𑌸𑍍𑌥𑌿𑌤𑌮𑍍 ॥ 25 ॥

𑌸𑌚𑌿𑌵𑍋𑌽𑌯𑌂 𑌕𑌪𑍀𑌂𑌦𑍍𑌰𑌸𑍍𑌯 𑌸𑍁𑌗𑍍𑌰𑍀𑌵𑌸𑍍𑌯 𑌮𑌹𑌾𑌤𑍍𑌮𑌨𑌃 ।
𑌤𑌮𑍇𑌵 𑌕𑌾𑌂𑌕𑍍𑌷𑌮𑌾𑌣𑌸𑍍𑌯 𑌮𑌮𑌾𑌂𑌤𑌿𑌕𑌮𑍁𑌪𑌾𑌗𑌤𑌃 ॥ 26 ॥

𑌤𑌮𑌭𑍍𑌯𑌭𑌾𑌷 𑌸𑍌𑌮𑌿𑌤𑍍𑌰𑍇 𑌸𑍁𑌗𑍍𑌰𑍀𑌵𑌸𑌚𑌿𑌵𑌂 𑌕𑌪𑌿𑌮𑍍 ।
𑌵𑌾𑌕𑍍𑌯𑌜𑍍𑌞𑌂 𑌮𑌧𑍁𑌰𑍈𑌰𑍍𑌵𑌾𑌕𑍍𑌯𑍈𑌸𑍍𑌸𑍍𑌨𑍇𑌹𑌯𑍁𑌕𑍍𑌤𑌮𑌰𑌿𑌂𑌦𑌮 ॥ 2𑍭 ॥

𑌨𑌾𑌨𑍃𑌗𑍍𑌵𑍇𑌦𑌵𑌿𑌨𑍀𑌤𑌸𑍍𑌯 𑌨𑌾𑌯𑌜𑍁𑌰𑍍𑌵𑍇𑌦𑍍𑌧𑌾𑌰𑌿𑌣𑌃 ।
𑌨𑌾𑌸𑌾𑌮𑌵𑍇𑌦𑌵𑌿𑌦𑍁𑌷𑌶𑍍𑌶𑌕𑍍𑌯𑌮𑍇𑌵𑌂 𑌵𑌿𑌭𑌾𑌷𑌿𑌤𑍁𑌮𑍍 ॥ 2𑍮 ॥

𑌨𑍂𑌨𑌂 𑌵𑍍𑌯𑌾𑌕𑌰𑌣𑌂 𑌕𑍃𑌤𑍍𑌸𑍍𑌨𑌮𑌨𑍇𑌨 𑌬𑌹𑍁𑌧𑌾 𑌶𑍍𑌰𑍁𑌤𑌮𑍍 ।
𑌬𑌹𑍁 𑌵𑍍𑌯𑌾𑌹𑌰𑌤𑌾𑌽𑌨𑍇𑌨 𑌨 𑌕𑌿𑌂𑌚𑌿𑌦𑌪𑌶𑌬𑍍𑌦𑌿𑌤𑌮𑍍 ॥ 2𑍯 ॥

𑌨 𑌮𑍁𑌖𑍇 𑌨𑍇𑌤𑍍𑌰𑌯𑍋𑌰𑍍𑌵𑌾𑌪𑌿 𑌲𑌲𑌾𑌟𑍇 𑌚 𑌭𑍍𑌰𑍁𑌵𑍋𑌸𑍍𑌤𑌥𑌾 ।
𑌅𑌨𑍍𑌯𑍇𑌷𑍍𑌵𑌪𑌿 𑌚 𑌗𑌾𑌤𑍍𑌰𑍇𑌷𑍁 𑌦𑍋𑌷𑌸𑍍𑌸𑌂𑌵𑌿𑌦𑌿𑌤𑌃 𑌕𑍍𑌵𑌚𑌿𑌤𑍍 ॥ 30 ॥

𑌅𑌵𑌿𑌸𑍍𑌤𑌰𑌮𑌸𑌂𑌦𑌿𑌗𑍍𑌧𑌮𑌵𑌿𑌲𑌂𑌬𑌿𑌤𑌮𑌦𑍍𑌰𑍁𑌤𑌮𑍍 ।
𑌉𑌰𑌸𑍍𑌥𑌂 𑌕𑌂𑌠𑌗𑌂 𑌵𑌾𑌕𑍍𑌯𑌂 𑌵𑌰𑍍𑌤𑌤𑍇 𑌮𑌧𑍍𑌯𑌮𑍇 𑌸𑍍𑌵𑌰𑍇 ॥ 31 ॥

𑌸𑌂𑌸𑍍𑌕𑌾𑌰𑌕𑍍𑌰𑌮𑌸𑌂𑌪𑌨𑍍𑌨𑌾𑌮𑌦𑍍𑌰𑍁𑌤𑌾𑌮𑌵𑌿𑌲𑌂𑌬𑌿𑌤𑌾𑌮𑍍 ।
𑌉𑌚𑍍𑌚𑌾𑌰𑌯𑌤𑌿 𑌕𑌲𑍍𑌯𑌾𑌣𑍀𑌂 𑌵𑌾𑌚𑌂 𑌹𑍃𑌦𑌯𑌹𑌾𑌰𑌿𑌣𑍀𑌮𑍍 ॥ 32 ॥

𑌅𑌨𑌯𑌾 𑌚𑌿𑌤𑍍𑌰𑌯𑌾 𑌵𑌾𑌚𑌾 𑌤𑍍𑌰𑌿𑌸𑍍𑌥𑌾𑌨𑌵𑍍𑌯𑌂𑌜𑌨𑌸𑍍𑌥𑌯𑌾 ।
𑌕𑌸𑍍𑌯 𑌨𑌾𑌰𑌾𑌧𑍍𑌯𑌤𑍇 𑌚𑌿𑌤𑍍𑌤𑌮𑍁𑌦𑍍𑌯𑌤𑌾𑌸𑍇𑌰𑌰𑍇𑌰𑌪𑌿 ॥ 33 ॥

𑌏𑌵𑌂 𑌵𑌿𑌧𑍋 𑌯𑌸𑍍𑌯 𑌦𑍂𑌤𑍋 𑌨 𑌭𑌵𑍇𑌤𑍍𑌪𑌾𑌰𑍍𑌥𑌿𑌵𑌸𑍍𑌯 𑌤𑍁 ।
𑌸𑌿𑌦𑍍𑌧𑍍𑌯𑌂𑌤𑌿 𑌹𑌿 𑌕𑌥𑌂 𑌤𑌸𑍍𑌯 𑌕𑌾𑌰𑍍𑌯𑌾𑌣𑌾𑌂 𑌗𑌤𑌿𑌯𑍋𑌽𑌨𑌘 ॥ 34 ॥

𑌏𑌵𑌂 𑌗𑍁𑌣𑌗𑌣𑍈𑌰𑍍𑌯𑍁𑌕𑍍𑌤𑌾 𑌯𑌸𑍍𑌯 𑌸𑍍𑌯𑍁𑌃 𑌕𑌾𑌰𑍍𑌯𑌸𑌾𑌧𑌕𑌾𑌃 ।
𑌤𑌸𑍍𑌯 𑌸𑌿𑌧𑍍𑌯𑌂𑌤𑌿 𑌸𑌰𑍍𑌵𑌾𑌽𑌰𑍍𑌥𑌾 𑌦𑍂𑌤𑌵𑌾𑌕𑍍𑌯𑌪𑍍𑌰𑌚𑍋𑌦𑌿𑌤𑌾𑌃 ॥ 35 ॥

𑌏𑌵𑌮𑍁𑌕𑍍𑌤𑌸𑍍𑌤𑍁 𑌸𑍌𑌮𑌿𑌤𑍍𑌰𑌿𑌸𑍍𑌸𑍁𑌗𑍍𑌰𑍀𑌵𑌸𑌚𑌿𑌵𑌂 𑌕𑌪𑌿𑌮𑍍 ।
𑌅𑌭𑍍𑌯𑌭𑌾𑌷𑌤 𑌵𑌾𑌕𑍍𑌯𑌜𑍍𑌞𑍋 𑌵𑌾𑌕𑍍𑌯𑌜𑍍𑌞𑌂 𑌪𑌵𑌨𑌾𑌤𑍍𑌮𑌜𑌮𑍍 ॥ 36 ॥

𑌵𑌿𑌦𑌿𑌤𑍌 𑌨𑍌 𑌗𑍁𑌣𑌾 𑌵𑌿𑌦𑍍𑌵𑌂𑌤𑍍𑌸𑍁𑌗𑍍𑌰𑍀𑌵𑌸𑍍𑌯 𑌮𑌹𑌾𑌤𑍍𑌮𑌨𑌃 ।
𑌤𑌮𑍇𑌵 𑌚𑌾𑌽𑌵𑌾𑌂 𑌮𑌾𑌰𑍍𑌗𑌾𑌵𑌸𑍍𑌸𑍁𑌗𑍍𑌰𑍀𑌵𑌂 𑌪𑍍𑌲𑌵𑌗𑍇𑌶𑍍𑌵𑌰𑌮𑍍 ॥ 3𑍭 ॥

𑌯𑌥𑌾 𑌬𑍍𑌰𑌵𑍀𑌷𑌿 𑌹𑌨𑍁𑌮𑌾𑌨𑍍𑌸𑍁𑌗𑍍𑌰𑍀𑌵𑌵𑌚𑌨𑌾𑌦𑌿𑌹 ।
𑌤𑌤𑍍𑌤𑌥𑌾 𑌹𑌿 𑌕𑌰𑌿𑌷𑍍𑌯𑌾𑌵𑍋 𑌵𑌚𑌨𑌾𑌤𑍍𑌤𑌵 𑌸𑌤𑍍𑌤𑌮 ॥ 3𑍮 ॥

𑌤𑌤𑍍𑌤𑌸𑍍𑌯 𑌵𑌾𑌕𑍍𑌯𑌂 𑌨𑌿𑌪𑍁𑌣𑌂 𑌨𑌿𑌶𑌮𑍍𑌯 𑌪𑍍𑌰𑌹𑍃𑌷𑍍𑌟𑌰𑍂𑌪𑌃 𑌪𑌵𑌨𑌾𑌤𑍍𑌮𑌜𑌃 𑌕𑌪𑌿𑌃 ।
𑌮𑌨𑌸𑍍𑌸𑌮𑌾𑌧𑌾𑌯 𑌜𑌯𑍋𑌪𑌪𑌤𑍍𑌤𑍌 𑌸𑌖𑍍𑌯𑌂 𑌤𑌦𑌾 𑌕𑌰𑍍𑌤𑍁𑌮𑌿𑌯𑍇𑌷 𑌤𑌾𑌭𑍍𑌯𑌾𑌮𑍍 ॥ 3𑍯 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑍇 𑌤𑍃𑌤𑍀𑌯𑌸𑍍𑌸𑌰𑍍𑌗𑌃 ॥


Browse Related Categories: