VR 3.27 Aranya Kanda - Sarga 27 - Grantha

Collection of Spiritual and Devotional Literature in Various Indian Languages

View this in:

3.2𑍭 𑌅𑌰𑌣𑍍𑌯𑌕𑌾𑌂𑌡 - 𑌸𑌪𑍍𑌤𑌵𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌰𑌣𑍍𑌯𑌕𑌾𑌂𑌡𑌮𑍍 ।
𑌅𑌥 𑌸𑌪𑍍𑌤𑌵𑌿𑌂𑌶𑌸𑍍𑌸𑌰𑍍𑌗𑌃 ।

𑌖𑌰𑌂 𑌤𑍁 𑌰𑌾𑌮𑌾𑌭𑌿𑌮𑍁𑌖𑌂 𑌪𑍍𑌰𑌯𑌾𑌂𑌤𑌂 𑌵𑌾𑌹𑌿𑌨𑍀𑌪𑌤𑌿𑌃 ।
𑌰𑌾𑌕𑍍𑌷𑌸𑌸𑍍𑌤𑍍𑌰𑌿𑌶𑌿𑌰𑌾 𑌨𑌾𑌮 𑌸𑌨𑍍𑌨𑌿𑌪𑌤𑍍𑌯𑍇𑌦𑌮𑌬𑍍𑌰𑌵𑍀𑌤𑍍 ॥ 1 ॥

𑌮𑌾𑌂 𑌨𑌿𑌯𑍋𑌜𑌯 𑌵𑌿𑌕𑍍𑌰𑌾𑌂𑌤 𑌸𑌨𑍍𑌨𑌿𑌵𑌰𑍍𑌤𑌸𑍍𑌵 𑌸𑌾𑌹𑌸𑌾𑌤𑍍 ।
𑌪𑌶𑍍𑌯 𑌰𑌾𑌮𑌂 𑌮𑌹𑌾𑌬𑌾𑌹𑍁𑌂 𑌸𑌂𑌯𑍁𑌗𑍇 𑌵𑌿𑌨𑌿𑌪𑌾𑌤𑌿𑌤𑌮𑍍 ॥ 2 ॥

𑌪𑍍𑌰𑌤𑌿𑌜𑌾𑌨𑌾𑌮𑌿 𑌤𑍇 𑌸𑌤𑍍𑌯𑌮𑌾𑌯𑍁𑌧𑌂 𑌚𑌾𑌹𑌮𑌾𑌲𑌭𑍇 ।
𑌯𑌥𑌾 𑌰𑌾𑌮𑌂 𑌵𑌧𑌿𑌷𑍍𑌯𑌾𑌮𑌿 𑌵𑌧𑌾𑌰𑍍𑌹𑌂 𑌸𑌰𑍍𑌵𑌰𑌕𑍍𑌷𑌸𑌾𑌮𑍍 ॥ 3 ॥

𑌅𑌹𑌂 𑌵𑌾𑌸𑍍𑌯 𑌰𑌣𑍇 𑌮𑍃𑌤𑍍𑌯𑍁𑌰𑍇𑌷 𑌵𑌾 𑌸𑌮𑌰𑍇 𑌮𑌮 ।
𑌵𑌿𑌨𑌿𑌵𑍃𑌤𑍍𑌯 𑌰𑌣𑍋𑌤𑍍𑌸𑌾𑌹𑌾𑌨𑍍𑌮𑍁𑌹𑍂𑌰𑍍𑌤𑌂 𑌪𑍍𑌰𑌾𑌶𑍍𑌨𑌿𑌕𑍋 𑌭𑌵 ॥ 4 ॥

𑌪𑍍𑌰𑌹𑍃𑌷𑍍𑌟𑍋 𑌵𑌾 𑌹𑌤𑍇 𑌰𑌾𑌮𑍇 𑌜𑌨𑌸𑍍𑌥𑌾𑌨𑌂 𑌪𑍍𑌰𑌯𑌾𑌸𑍍𑌯𑌸𑌿 ।
𑌮𑌯𑌿 𑌵𑌾 𑌨𑌿𑌹𑌤𑍇 𑌰𑌾𑌮𑌂 𑌸𑌂𑌯𑍁𑌗𑌾𑌯𑍋𑌪𑌯𑌾𑌸𑍍𑌯𑌸𑌿 ॥ 5 ॥

𑌖𑌰𑌸𑍍𑌤𑍍𑌰𑌿𑌶𑌿𑌰𑌸𑌾 𑌤𑍇𑌨 𑌮𑍃𑌤𑍍𑌯𑍁𑌲𑍋𑌭𑌾𑌤𑍍𑌪𑍍𑌰𑌸𑌾𑌦𑌿𑌤𑌃 ।
𑌗𑌚𑍍𑌛 𑌯𑍁𑌧𑍍𑌯𑍇𑌤𑍍𑌯𑌨𑍁𑌜𑍍𑌞𑌾𑌤𑍋 𑌰𑌾𑌘𑌵𑌾𑌭𑌿𑌮𑍁𑌖𑍋 𑌯𑌯𑍌 ॥ 6 ॥

𑌤𑍍𑌰𑌿𑌶𑌿𑌰𑌾𑌶𑍍𑌚 𑌰𑌥𑍇𑌨𑍈𑌵 𑌵𑌾𑌜𑌿𑌯𑍁𑌕𑍍𑌤𑍇𑌨 𑌭𑌾𑌸𑍍𑌵𑌤𑌾 ।
𑌅𑌭𑍍𑌯𑌦𑍍𑌰𑌵𑌦𑍍𑌰𑌣𑍇 𑌰𑌾𑌮𑌂 𑌤𑍍𑌰𑌿𑌶𑍃𑌂𑌗 𑌇𑌵 𑌪𑌰𑍍𑌵𑌤𑌃 ॥ 𑍭 ॥

𑌶𑌰𑌧𑌾𑌰𑌾𑌸𑌮𑍂𑌹𑌾𑌨𑍍𑌸 𑌮𑌹𑌾𑌮𑍇𑌘 𑌇𑌵𑍋𑌤𑍍𑌸𑍃𑌜𑌨𑍍 ।
𑌵𑍍𑌯𑌸𑍃𑌜𑌤𑍍𑌸𑌦𑍃𑌶𑌂 𑌨𑌾𑌦𑌂 𑌜𑌲𑌾𑌰𑍍𑌦𑍍𑌰𑌸𑍍𑌯 𑌤𑍁 𑌦𑍁𑌂𑌦𑍁𑌭𑍇𑌃 ॥ 𑍮 ॥

𑌆𑌗𑌚𑍍𑌛𑌂𑌤𑌂 𑌤𑍍𑌰𑌿𑌶𑌿𑌰𑌸𑌂 𑌰𑌾𑌕𑍍𑌷𑌸𑌂 𑌪𑍍𑌰𑍇𑌕𑍍𑌷𑍍𑌯 𑌰𑌾𑌘𑌵𑌃 ।
𑌧𑌨𑍁𑌷𑌾 𑌪𑍍𑌰𑌤𑌿𑌜𑌗𑍍𑌰𑌾𑌹 𑌵𑌿𑌧𑍁𑌨𑍍𑌵𑌨𑍍𑌸𑌾𑌯𑌕𑌾𑌨𑍍 𑌶𑌿𑌤𑌾𑌨𑍍 ॥ 𑍯 ॥

𑌸 𑌸𑌂𑌪𑍍𑌰𑌹𑌾𑌰𑌸𑍍𑌤𑍁𑌮𑍁𑌲𑍋 𑌰𑌾𑌮𑌤𑍍𑌰𑌿𑌶𑌿𑌰𑌸𑍋𑌰𑍍𑌮𑌹𑌾𑌨𑍍 ।
𑌬𑌭𑍂𑌵𑌾𑌤𑍀𑌵 𑌬𑌲𑌿𑌨𑍋𑌸𑍍𑌸𑌿𑌂𑌹𑌕𑍁𑌂𑌜𑌰𑌯𑍋𑌰𑌿𑌵 ॥ 10 ॥

𑌤𑌤𑌸𑍍𑌤𑍍𑌰𑌿𑌶𑌿𑌰𑌸𑌾 𑌬𑌾𑌣𑍈𑌰𑍍𑌲𑌲𑌾𑌟𑍇 𑌤𑌾𑌡𑌿𑌤𑌸𑍍𑌤𑍍𑌰𑌿𑌭𑌿𑌃 ।
𑌅𑌮𑌰𑍍𑌷𑍀 𑌕𑍁𑌪𑌿𑌤𑍋𑌰𑌾𑌮𑌸𑍍𑌸𑌂𑌰𑌬𑍍𑌧𑌮𑌿𑌦𑌮𑌬𑍍𑌰𑌵𑍀𑌤𑍍 ॥ 11 ॥

𑌅𑌹𑍋 𑌵𑌿𑌕𑍍𑌰𑌮𑌶𑍂𑌰𑌸𑍍𑌯 𑌰𑌾𑌕𑍍𑌷𑌸𑌸𑍍𑌯𑍇𑌦𑍃𑌶𑌂 𑌬𑌲𑌮𑍍 ।
𑌪𑍁𑌷𑍍𑌪𑍈𑌰𑌿𑌵 𑌶𑌰𑍈𑌰𑍍𑌯𑌸𑍍𑌯 𑌲𑌲𑌾𑌟𑍇𑌽𑌸𑍍𑌮𑌿𑌨𑍍𑌪𑌰𑌿𑌕𑍍𑌷𑌤𑌃 ॥ 12 ॥

𑌮𑌮𑌾𑌪𑌿 𑌪𑍍𑌰𑌤𑌿𑌗𑍃𑌹𑍍𑌣𑍀𑌷𑍍𑌵 𑌶𑌰𑌾𑌂𑌶𑍍𑌚𑌾𑌪𑌗𑍁𑌣𑌾𑌚𑍍𑌚𑍍𑌯𑍁𑌤𑌾𑌨𑍍 ।
𑌏𑌵𑌮𑍁𑌕𑍍𑌤𑍍𑌵𑌾 𑌤𑍁 𑌸𑌂𑌰𑌬𑍍𑌧𑌶𑍍𑌶𑌰𑌾𑌨𑌾𑌶𑍀𑌵𑌿𑌷𑍋𑌪𑌮𑌾𑌨𑍍 ॥ 13 ॥

𑌤𑍍𑌰𑌿𑌶𑌿𑌰𑍋𑌵𑌕𑍍𑌷𑌸𑌿 𑌕𑍍𑌰𑍁𑌦𑍍𑌧𑍋 𑌨𑌿𑌜𑌘𑌾𑌨 𑌚𑌤𑍁𑌰𑍍𑌦𑌶 ।
𑌚𑌤𑍁𑌰𑍍𑌭𑌿𑌸𑍍𑌤𑍁𑌰𑌗𑌾𑌨𑌸𑍍𑌯 𑌶𑌰𑍈𑌃 𑌸𑌨𑍍𑌨𑌤𑌪𑌰𑍍𑌵𑌭𑌿𑌃 ॥ 14 ॥

𑌨𑍍𑌯𑌪𑌾𑌤𑌯𑌤 𑌤𑍇𑌜𑌸𑍍𑌵𑍀 𑌚𑌤𑍁𑌰𑌸𑍍𑌤𑌸𑍍𑌯 𑌵𑌾𑌜𑌿𑌨𑌃 ।
𑌅𑌷𑍍𑌟𑌭𑌿𑌸𑍍𑌸𑌾𑌯𑌕𑍈𑌸𑍍𑌸𑍂𑌤𑌂 𑌰𑌥𑍋𑌪𑌸𑍍𑌥𑌾𑌨𑍍𑌨𑍍𑌯𑌪𑌾𑌤𑌯𑌤𑍍 ॥ 15 ॥

𑌰𑌾𑌮𑌶𑍍𑌚𑌿𑌚𑍍𑌛𑍇𑌦 𑌬𑌾𑌣𑍇𑌨 𑌧𑍍𑌵𑌜𑌂 𑌚𑌾𑌸𑍍𑌯 𑌸𑌮𑍁𑌚𑍍𑌛𑍍𑌰𑌿𑌤𑌮𑍍 ।
𑌤𑌤𑍋 𑌹𑌤𑌰𑌥𑌾𑌤𑍍𑌤𑌸𑍍𑌮𑌾𑌦𑍁𑌤𑍍𑌪𑌤𑌂𑌤𑌂 𑌨𑌿𑌶𑌾𑌚𑌰𑌮𑍍 ॥ 16 ॥

𑌬𑌿𑌭𑍇𑌦 𑌰𑌾𑌮𑌸𑍍𑌤𑌂 𑌬𑌾𑌣𑍈𑌰𑍍𑌹𑍃𑌦𑌯𑍇 𑌸𑍋𑌽𑌭𑌵𑌜𑍍𑌜𑌡𑌃 ।
𑌸𑌾𑌯𑌕𑍈𑌶𑍍𑌚𑌾𑌪𑍍𑌰𑌮𑍇𑌯𑌾𑌤𑍍𑌮𑌾 𑌸𑌾𑌮𑌰𑍍𑌷𑌸𑍍𑌤𑌸𑍍𑌯 𑌰𑌕𑍍𑌷𑌸𑌃 ॥ 1𑍭 ॥

𑌶𑌿𑌰𑌾𑌂𑌸𑍍𑌯𑌪𑌾𑌤𑌯𑌦𑍍𑌰𑌾𑌮𑍋 𑌵𑍇𑌗𑌵𑌦𑍍𑌭𑌿𑌸𑍍𑌤𑍍𑌰𑌿𑌭𑌿𑌶𑍍𑌶𑌿𑌤𑍈𑌃 ।
𑌸 𑌭𑍂𑌮𑍌 𑌰𑍁𑌧𑌿𑌰𑍋𑌦𑍍𑌗𑌾𑌰𑍀 𑌰𑌾𑌮𑌬𑌾𑌣𑌾𑌭𑌿𑌪𑍀𑌡𑌿𑌤𑌃 ॥ 1𑍮 ॥

𑌨𑍍𑌯𑌪𑌤𑌤𑍍𑌪𑌤𑌿𑌤𑍈𑌃 𑌪𑍂𑌰𑍍𑌵𑌂 𑌸𑍍𑌵𑌶𑌿𑌰𑍋𑌭𑌿𑌰𑍍𑌨𑌿𑌶𑌾𑌚𑌰𑌃 ।
𑌹𑌤𑌶𑍇𑌷𑌾𑌸𑍍𑌤𑌤𑍋 𑌭𑌗𑍍𑌨𑌾 𑌰𑌾𑌕𑍍𑌷𑌸𑌾𑌃 𑌖𑌰𑌸𑌂𑌶𑍍𑌰𑌯𑌾 ॥ 1𑍯 ॥

𑌦𑍍𑌰𑌵𑌂𑌤𑌿 𑌸𑍍𑌮 𑌨 𑌤𑌿𑌷𑍍𑌠𑌂𑌤𑌿 𑌵𑍍𑌯𑌾𑌘𑍍𑌰𑌤𑍍𑌰𑌸𑍍𑌤𑌾 𑌮𑍃𑌗𑌾 𑌇𑌵 ।
𑌤𑌾𑌨𑍍𑌖𑌰𑍋 𑌦𑍍𑌰𑌵𑌤𑍋 𑌦𑍃𑌷𑍍𑌟𑍍𑌵𑌾 𑌨𑌿𑌵𑌰𑍍𑌤𑍍𑌯 𑌰𑍁𑌷𑌿𑌤𑌸𑍍𑌸𑍍𑌵𑌯𑌮𑍍 ॥ 20 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌰𑌣𑍍𑌯𑌕𑌾𑌂𑌡𑍇 𑌸𑌪𑍍𑌤𑌵𑌿𑌂𑌶𑌸𑍍𑌸𑌰𑍍𑌗𑌃 ॥

Browse Related Categories: