𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌰𑌣𑍍𑌯𑌕𑌾𑌂𑌡𑌮𑍍 ।
𑌅𑌥 𑌚𑌤𑍁𑌰𑍍𑌥𑌸𑍍𑌸𑌰𑍍𑌗𑌃 ।
𑌹𑍍𑌰𑌿𑌯𑌮𑌾𑌣𑍌 𑌤𑍁 𑌤𑍌 𑌦𑍃𑌷𑍍𑌟𑍍𑌵𑌾 𑌵𑍈𑌦𑍇𑌹𑍀 𑌰𑌾𑌮𑌲𑌕𑍍𑌷𑍍𑌮𑌣𑍌 ।
𑌉𑌚𑍍𑌚𑍈𑌸𑍍𑌸𑍍𑌵𑌰𑍇𑌣 𑌚𑍁𑌕𑍍𑌰𑍋𑌶 𑌪𑍍𑌰𑌗𑍃𑌹𑍍𑌯 𑌸𑍁𑌮𑌹𑌾𑌜𑌾𑌭𑍁𑌜𑍌 ॥ 1 ॥
𑌏𑌷 𑌦𑌾𑌶𑌰𑌥𑍀 𑌰𑌾𑌮𑌃 𑌸𑌤𑍍𑌯𑌵𑌾𑌨𑍍 𑌶𑍀𑌲𑌵𑌾𑌨𑍍 𑌶𑍁𑌚𑌿𑌃 ।
𑌰𑌕𑍍𑌷𑌸𑌾 𑌰𑍌𑌦𑍍𑌰𑌰𑍂𑌪𑍇𑌣 𑌹𑍍𑌰𑌿𑌯𑌤𑍇 𑌸𑌹𑌲𑌕𑍍𑌷𑍍𑌮𑌣𑌃 ॥ 2 ॥
𑌮𑌾𑌮𑍃𑌕𑌾 𑌭𑌕𑍍𑌷𑌯𑌿𑌷𑍍𑌯𑌂𑌤𑌿 𑌶𑌾𑌰𑍍𑌦𑍂𑌲𑌾𑌦𑍍𑌵𑍀𑌪𑌿𑌨𑌸𑍍𑌤𑌥𑌾 ।
𑌮𑌾𑌂 𑌹𑌰𑍋𑌤𑍍𑌸𑍃𑌜 𑌕𑌾𑌕𑍁𑌤𑍍𑌸𑍍𑌥𑍌 𑌨𑌮𑌸𑍍𑌤𑍇 𑌰𑌾𑌕𑍍𑌷𑌸𑍋𑌤𑍍𑌤𑌮 ॥ 3 ॥
𑌤𑌸𑍍𑌯𑌾𑌸𑍍𑌤𑌦𑍍𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌵𑍈𑌦𑍇𑌹𑍍𑌯𑌾 𑌰𑌾𑌮𑌲𑌕𑍍𑌷𑍍𑌮𑌣𑍌 ।
𑌵𑍇𑌗𑌂 𑌪𑍍𑌰𑌚𑌕𑍍𑌰𑌤𑍁𑌰𑍍𑌵𑍀𑌰𑍌 𑌵𑌧𑍇 𑌤𑌸𑍍𑌯 𑌦𑍁𑌰𑌾𑌤𑍍𑌮𑌨𑌃 ॥ 4 ॥
𑌤𑌸𑍍𑌯 𑌰𑍌𑌦𑍍𑌰𑌸𑍍𑌯 𑌸𑍌𑌮𑌿𑌤𑍍𑌰𑌿𑌃 𑌸𑌵𑍍𑌯𑌂 𑌬𑌾𑌹𑍁𑌂 𑌬𑌭𑌂𑌜 𑌹 ।
𑌰𑌾𑌮𑌸𑍍𑌤𑍁 𑌦𑌕𑍍𑌷𑌿𑌣𑌂 𑌬𑌾𑌹𑍁𑌂 𑌤𑌰𑌸𑌾 𑌤𑌸𑍍𑌯 𑌰𑌕𑍍𑌷𑌸𑌃 ॥ 5 ॥
𑌸 𑌭𑌗𑍍𑌨𑌬𑌾𑌹𑍁𑌸𑍍𑌸𑌵𑌿𑌗𑍍𑌨𑍋 𑌨𑌿𑌪𑌪𑌾𑌤𑌾𑌶𑍁 𑌰𑌾𑌕𑍍𑌷𑌸𑌃 ।
𑌧𑌰𑌣𑍍𑌯𑌾𑌂 𑌮𑍇𑌘𑌸𑌂𑌕𑌾𑌶𑍋 𑌵𑌜𑍍𑌰𑌭𑌿𑌨𑍍𑌨 𑌇𑌵𑌾𑌚𑌲𑌃 ॥ 6 ॥
𑌮𑍁𑌷𑍍𑌟𑌿𑌭𑌿𑌰𑍍𑌜𑌾𑌨𑍁𑌭𑌿𑌃 𑌪𑌦𑍍𑌭𑌿𑌃 𑌸𑍂𑌦𑌯𑌂𑌤𑍌 𑌤𑍁 𑌰𑌾𑌕𑍍𑌷𑌸𑌮𑍍 ।
𑌉𑌦𑍍𑌯𑌮𑍍𑌯𑍋𑌦𑍍𑌯𑌮𑍍𑌯 𑌚𑌾𑌪𑍍𑌯𑍇𑌨𑌂 𑌸𑍍𑌥𑌂𑌡𑌿𑌲𑍇 𑌨𑌿𑌷𑍍𑌪𑌿𑌪𑍇𑌷𑌤𑍁𑌃 ॥ ॥
𑌸 𑌵𑌿𑌦𑍍𑌧𑍋 𑌬𑌹𑍁𑌭𑌿𑌰𑍍𑌬𑌾𑌣𑍈𑌃 𑌖𑌂𑌗𑌾𑌭𑍍𑌯𑌾𑌂 𑌚 𑌪𑌰𑌿𑌕𑍍𑌷𑌤𑌃 ।
𑌨𑌿𑌷𑍍𑌪𑌿𑌷𑍍𑌟𑍋 𑌬𑌹𑍁𑌧𑌾 𑌭𑍂𑌮𑍌 𑌨 𑌮𑌮𑌾𑌰 𑌸 𑌰𑌾𑌕𑍍𑌷𑌸𑌃 ॥ ॥
𑌤𑌂 𑌪𑍍𑌰𑍇𑌕𑍍𑌷𑍍𑌯 𑌰𑌾𑌮𑌃 𑌸𑍁𑌭𑍃𑌶𑌮𑌵𑌧𑍍𑌯𑌮𑌚𑌲𑍋𑌪𑌮𑌮𑍍 ।
𑌭𑌯𑍇𑌷𑍍𑌵𑌭𑌯𑌦𑌶𑍍𑌶𑍍𑌰𑍀𑌮𑌾𑌨𑌿𑌦𑌂 𑌵𑌚𑌨𑌮𑌬𑍍𑌰𑌵𑍀𑌤𑍍 ॥ ॥
𑌤𑌪𑌸𑌾 𑌪𑍁𑌰𑍁𑌷𑌵𑍍𑌯𑌾𑌘𑍍𑌰 𑌰𑌾𑌕𑍍𑌷𑌸𑍋𑌽𑌯𑌂 𑌨 𑌶𑌕𑍍𑌯𑌤𑍇 ।
𑌶𑌸𑍍𑌤𑍍𑌰𑍇𑌣 𑌯𑍁𑌧𑌿 𑌨𑌿𑌰𑍍𑌜𑍇𑌤𑍁𑌂 𑌰𑌾𑌕𑍍𑌷𑌸𑌂 𑌨𑌿𑌖𑌨𑌾𑌵𑌹𑍇 ॥ 10 ॥
𑌕𑍁𑌂𑌜𑌰𑌸𑍍𑌯𑍇𑌵 𑌰𑍌𑌦𑍍𑌰𑌸𑍍𑌯 𑌰𑌾𑌕𑍍𑌷𑌸𑌸𑍍𑌯𑌾𑌸𑍍𑌯 𑌲𑌕𑍍𑌷𑍍𑌮𑌣 ।
𑌵𑌨𑍇𑌽𑌸𑍍𑌮𑌿𑌨𑍍 𑌸𑍁𑌮𑌹𑌚𑍍𑌛𑍍𑌵𑌭𑍍𑌰𑌂 𑌖𑌨𑍍𑌯𑌤𑌾𑌂 𑌰𑍌𑌦𑍍𑌰𑌵𑌰𑍍𑌚𑌸𑌃 ॥ 11 ॥
𑌇𑌤𑍍𑌯𑍁𑌕𑍍𑌤𑍍𑌵𑌾 𑌲𑌕𑍍𑌷𑍍𑌮𑌣𑌂 𑌰𑌾𑌮𑌃 𑌪𑍍𑌰𑌦𑌰𑌃 𑌖𑌨𑍍𑌯𑌤𑌾𑌮𑌿𑌤𑌿 ।
𑌤𑌸𑍍𑌥𑍌 𑌵𑌿𑌰𑌾𑌧𑌮𑌾𑌕𑍍𑌰𑌮𑍍𑌯 𑌕𑌂𑌠𑍇 𑌪𑌾𑌦𑍇𑌨 𑌵𑍀𑌰𑍍𑌯𑌵𑌾𑌨𑍍 ॥ 12 ॥
𑌤𑌚𑍍𑌛𑍍𑌰𑍁𑌤𑍍𑌵𑌾 𑌰𑌾𑌘𑌵𑍇𑌣𑍋𑌕𑍍𑌤𑌂 𑌰𑌾𑌕𑍍𑌷𑌸𑌃 𑌪𑍍𑌰𑌶𑍍𑌰𑌿𑌤𑌂 𑌵𑌚𑌃 ।
𑌇𑌦𑌂 𑌪𑍍𑌰𑍋𑌵𑌾𑌚 𑌕𑌾𑌕𑍁𑌤𑍍𑌥𑍍𑌸𑌂 𑌵𑌿𑌰𑌾𑌧𑌃 𑌪𑍁𑌰𑍁𑌷𑌰𑍍𑌷𑌭𑌮𑍍 ॥ 13 ॥
𑌹𑌤𑍋𑌽𑌸𑍍𑌮𑌿 𑌪𑍁𑌰𑍁𑌷𑌵𑍍𑌯𑌾𑌘𑍍𑌰 𑌶𑌕𑍍𑌰𑌤𑍁𑌲𑍍𑌯𑌬𑌲𑍇𑌨 𑌵𑍈 ।
𑌮𑌯𑌾 𑌤𑍁 𑌪𑍂𑌰𑍍𑌵𑌂 𑌤𑍍𑌵𑌂 𑌮𑍋𑌹𑌾𑌨𑍍𑌨 𑌜𑍍𑌞𑌾𑌤𑌃 𑌪𑍁𑌰𑍁𑌷𑌰𑍍𑌷𑌭 ॥ 14 ॥
𑌕𑍌𑌸𑌲𑍍𑌯𑌾𑌸𑍁𑌪𑍍𑌰𑌜𑌾 𑌰𑌾𑌮 𑌤𑌾𑌤𑌸𑍍𑌤𑍍𑌵𑌂 𑌵𑌿𑌦𑌿𑌤𑍋 𑌮𑌯𑌾 ।
𑌵𑍈𑌦𑍇𑌹𑍀 𑌚 𑌮𑌹𑌾𑌭𑌾𑌗𑌾 𑌲𑌕𑍍𑌷𑍍𑌮𑌣𑌶𑍍𑌚 𑌮𑌹𑌾𑌯𑌶𑌾𑌃 ॥ 15 ॥
𑌅𑌭𑌿𑌶𑌾𑌪𑌾𑌦𑌹𑌂 𑌘𑍋𑌰𑌾𑌂 𑌪𑍍𑌰𑌵𑌿𑌷𑍍𑌟𑍋 𑌰𑌾𑌕𑍍𑌷𑌸𑍀𑌂 𑌤𑌨𑍁𑌮𑍍 ।
𑌤𑍁𑌂𑌬𑍁𑌰𑍁𑌰𑍍𑌨𑌾𑌮 𑌗𑌂𑌧𑌰𑍍𑌵𑌃 𑌶𑌪𑍍𑌤𑍋 𑌵𑍈𑌶𑍍𑌰𑌵𑌣𑍇𑌨 𑌹 ॥ 16 ॥
𑌪𑍍𑌰𑌸𑌾𑌦𑍍𑌯𑌮𑌾𑌨𑌶𑍍𑌚 𑌮𑌯𑌾 𑌸𑍋𑌽𑌬𑍍𑌰𑌵𑍀𑌨𑍍𑌮𑌾𑌂 𑌮𑌹𑌾𑌯𑌶𑌾𑌃 ।
𑌯𑌦𑌾 𑌦𑌾𑌶𑌰𑌥𑍀 𑌰𑌾𑌮𑌸𑍍𑌤𑍍𑌵𑌾𑌂 𑌵𑌧𑌿𑌷𑍍𑌯𑌤𑌿 𑌸𑌂𑌯𑍁𑌗𑍇 ।
𑌤𑌦𑌾 𑌪𑍍𑌰𑌕𑍃𑌤𑌿𑌮𑌾𑌪𑌨𑍍𑌨𑍋 𑌭𑌵𑌾𑌨𑍍𑌸𑍍𑌵𑌰𑍍𑌗𑌂 𑌗𑌮𑌿𑌷𑍍𑌯𑌤𑌿 ॥ 1 ॥
𑌅𑌨𑍁𑌪𑌸𑍍𑌥𑍀𑌯𑌮𑌾𑌨𑍋 𑌮𑌾𑌂 𑌸 𑌕𑍍𑌰𑍁𑌦𑍍𑌧𑍋 𑌵𑍍𑌯𑌾𑌜𑌹𑌾𑌰 𑌹 ।
𑌇𑌤𑌿 𑌵𑍈𑌶𑍍𑌰𑌵𑌣𑍋 𑌰𑌾𑌜𑌾 𑌰𑌂𑌭𑌾𑌸𑌕𑍍𑌤𑌮𑍁𑌵𑌾𑌚 𑌹 ॥ 1 ॥
𑌤𑌵 𑌪𑍍𑌰𑌸𑌾𑌦𑌾𑌨𑍍𑌮𑍁𑌕𑍍𑌤𑍋𑌽𑌹𑌮𑌿𑌹𑌶𑌾𑌪𑌾𑌤𑍍𑌸𑍁𑌦𑌾𑌰𑍁𑌣𑌾𑌤𑍍 ।
𑌭𑍁𑌵𑌨𑌂 𑌸𑍍𑌵𑌂 𑌗𑌮𑌿𑌷𑍍𑌯𑌾𑌮𑌿 𑌸𑍍𑌵𑌸𑍍𑌤𑌿 𑌵𑍋𑌽𑌸𑍍𑌤𑍁 𑌪𑌰𑌂𑌤𑌪 ॥ 1 ॥
𑌇𑌤𑍋 𑌵𑌸𑌤𑌿 𑌧𑌰𑍍𑌮𑌾𑌤𑍍𑌮𑌾 𑌶𑌰𑌭𑌂𑌗𑌃 𑌪𑍍𑌰𑌤𑌾𑌪𑌵𑌾𑌨𑍍 ॥ 20 ॥
𑌅𑌧𑍍𑌯𑌰𑍍𑌧𑌯𑍋𑌜𑌨𑍇 𑌤𑌾𑌤 𑌮𑌹𑌰𑍍𑌷𑌿𑌸𑍍𑌸𑍂𑌰𑍍𑌯𑌸𑌨𑍍𑌨𑌿𑌭𑌃 ।
𑌤𑌂 𑌕𑍍𑌷𑌿𑌪𑍍𑌰𑌮𑌧𑌿𑌗𑌚𑍍𑌛 𑌤𑍍𑌵𑌂 𑌸 𑌤𑍇 𑌶𑍍𑌰𑍇𑌯𑍋𑌽𑌭𑌿𑌧𑌾𑌸𑍍𑌯𑌤𑌿 ॥ 21 ॥
𑌅𑌵𑌟𑍇 𑌚𑌾𑌪𑌿 𑌮𑌾𑌂 𑌰𑌾𑌮 𑌪𑍍𑌰𑌕𑍍𑌷𑌿𑌪𑍍𑌯 𑌕𑍁𑌶𑌲𑍀 𑌵𑍍𑌰𑌜 ।
𑌰𑌕𑍍𑌷𑌸𑌾𑌂 𑌗𑌤𑌸𑌤𑍍𑌤𑍍𑌵𑌾𑌨𑌾𑌮𑍇𑌷 𑌧𑌰𑍍𑌮𑌸𑍍𑌸𑌸𑌨𑌾𑌤𑌨𑌃 ।
𑌅𑌵𑌟𑍇 𑌯𑍇 𑌨𑌿𑌧𑍀𑌯𑌂𑌤𑍇 𑌤𑍇𑌷𑌾𑌂 𑌲𑍋𑌕𑌾𑌸𑍍𑌸𑌨𑌾𑌤𑌨𑌾𑌃 ॥ 22 ॥
𑌏𑌵𑌮𑍁𑌕𑍍𑌤𑍍𑌵𑌾 𑌤𑍁 𑌕𑌾𑌕𑍁𑌤𑍍𑌥𑍍𑌸𑌂 𑌵𑌿𑌰𑌾𑌧𑌶𑍍𑌶𑌰𑌪𑍀𑌡𑌿𑌤𑌃 ।
𑌬𑌭𑍂𑌵 𑌸𑍍𑌵𑌰𑍍𑌗𑌸𑌂𑌪𑍍𑌰𑌾𑌪𑍍𑌤𑍋 𑌨𑍍𑌯𑌸𑍍𑌤𑌦𑍇𑌹𑍋 𑌮𑌹𑌾𑌬𑌲𑌃 ॥ 23 ॥
𑌤𑌚𑍍𑌛𑍍𑌰𑍁𑌤𑍍𑌵𑌾 𑌰𑌾𑌘𑌵𑍋 𑌵𑌾𑌕𑍍𑌯𑌂 𑌲𑌕𑍍𑌷𑍍𑌮𑌣𑌂 𑌵𑍍𑌯𑌾𑌦𑌿𑌦𑍇𑌶 𑌹 ।
𑌕𑍁𑌂𑌜𑌰𑌸𑍍𑌯𑍇𑌵 𑌰𑍌𑌦𑍍𑌰𑌸𑍍𑌯 𑌰𑌾𑌕𑍍𑌷𑌸𑌸𑍍𑌯𑌾𑌸𑍍𑌯 𑌲𑌕𑍍𑌷𑍍𑌮𑌣 ॥ 24 ॥
𑌵𑌨𑍇𑌽𑌸𑍍𑌮𑌿𑌨𑍍 𑌸𑍁𑌮𑌹𑌚𑍍𑌛𑍍𑌵𑌭𑍍𑌰𑌂 𑌖𑌨𑍍𑌯𑌤𑌾𑌂 𑌰𑍌𑌦𑌕𑌰𑍍𑌮𑌣𑌃 ।
𑌇𑌤𑍍𑌯𑍁𑌕𑍍𑌤𑍍𑌵𑌾 𑌲𑌕𑍍𑌷𑍍𑌮𑌣𑌂 𑌰𑌾𑌮𑌃 𑌪𑍍𑌰𑌦𑌰𑌃 𑌖𑌨𑍍𑌯𑌤𑌾𑌮𑌿𑌤𑌿 ।
𑌤𑌸𑍍𑌥𑍌 𑌵𑌿𑌰𑌾𑌧𑌮𑌾𑌕𑍍𑌰𑌮𑍍𑌯 𑌕𑌂𑌠𑍇 𑌪𑌾𑌦𑍇𑌨 𑌵𑍀𑌰𑍍𑌯𑌵𑌾𑌨𑍍 ॥ 25 ॥
𑌤𑌤𑌃 𑌖𑌨𑌿𑌤𑍍𑌰𑌮𑌾𑌦𑌾𑌯 𑌲𑌕𑍍𑌷𑍍𑌮𑌣𑌶𑍍𑌶𑍍𑌵𑌭𑍍𑌰𑌮𑍁𑌤𑍍𑌤𑌮𑌮𑍍 ।
𑌅𑌖𑌨𑌤𑍍𑌪𑌾𑌰𑍍𑌶𑍍𑌵𑌤𑌸𑍍𑌤𑌸𑍍𑌯 𑌵𑌿𑌰𑌾𑌧𑌸𑍍𑌯 𑌮𑌹𑌾𑌤𑍍𑌮𑌨𑌃 ॥ 26 ॥
𑌤𑌂 𑌮𑍁𑌕𑍍𑌤𑌕𑌂𑌠𑌂𑌨𑌿𑌕𑍍𑌷𑌿𑌪𑍍𑌯 𑌶𑌂𑌕𑍁𑌕𑌰𑍍𑌣𑌂 𑌮𑌹𑌾𑌸𑍍𑌵𑌨𑌮𑍍 ।
𑌵𑌿𑌰𑌾𑌧𑌂 𑌪𑍍𑌰𑌾𑌕𑍍𑌷𑌿𑌪𑌚𑍍𑌛𑍍𑌵𑌭𑍍𑌰𑍇 𑌨𑌦𑌂𑌤𑌂 𑌭𑍈𑌰𑌵𑌸𑍍𑌵𑌨𑌮𑍍 ॥ 2 ॥
𑌤𑌮𑌾𑌹𑌵𑍇 𑌦𑌾𑌰𑍁𑌣𑌮𑌾𑌶𑍁𑌵𑌿𑌕𑍍𑌰𑌮𑍌 𑌸𑍍𑌥𑌿𑌰𑌾𑌵𑍁𑌭𑍌 𑌸𑌂𑌯𑌤𑌿 𑌰𑌾𑌮𑌲𑌕𑍍𑌷𑍍𑌮𑌣𑍌 ।
𑌮𑍁𑌦𑌾𑌨𑍍𑌵𑌿𑌤𑍌 𑌚𑌿𑌕𑍍𑌷𑌿𑌪𑌤𑍁𑌰𑍍𑌭𑌯𑌾𑌵𑌹𑌂 𑌨𑌦𑌂𑌤𑌮𑍁𑌤𑍍𑌕𑍍𑌷𑌿𑌪𑍍𑌯 𑌬𑌿𑌲𑍇 𑌤𑍁 𑌰𑌾𑌕𑍍𑌷𑌸𑌮𑍍 ॥ 2 ॥
𑌅𑌵𑌧𑍍𑌯𑌤𑌾𑌂 𑌪𑍍𑌰𑍇𑌕𑍍𑌷𑍍𑌯 𑌮𑌹𑌾𑌸𑍁𑌰𑌸𑍍𑌯 𑌤𑍌 𑌶𑌿𑌤𑍇𑌨 𑌶𑌸𑍍𑌤𑍍𑌰𑍇𑌣 𑌤𑌦𑌾 𑌨𑌰𑌰𑍍𑌷𑌭𑍌 ।
𑌸𑌮𑌰𑍍𑌥𑍍𑌯 𑌚𑌾𑌤𑍍𑌯𑌰𑍍𑌥𑌵𑌿𑌶𑌾𑌰𑌦𑌾𑌵𑍁𑌭𑍌 𑌬𑌿𑌲𑍇 𑌵𑌿𑌰𑌾𑌧𑌸𑍍𑌯 𑌵𑌧𑌂 𑌪𑍍𑌰𑌚𑌕𑍍𑌰𑌤𑍁𑌃 ॥ 2 ॥
𑌸𑍍𑌵𑌯𑌂 𑌵𑌿𑌰𑌾𑌧𑍇𑌨 𑌹𑌿 𑌮𑍃𑌤𑍍𑌯𑍁𑌰𑌾𑌤𑍍𑌮𑌨𑌃 𑌪𑍍𑌰𑌸𑌹𑍍𑌯 𑌰𑌾𑌮𑍇𑌣 𑌯𑌥𑌾𑌰𑍍𑌥𑌮𑍀𑌪𑍍𑌸𑌿𑌤𑌃 ।
𑌨𑌿𑌵𑍇𑌦𑌿𑌤𑌃 𑌕𑌾𑌨𑌨𑌚𑌾𑌰𑌿𑌣𑌾 𑌸𑍍𑌵𑌯𑌂 𑌨 𑌮𑍇 𑌵𑌧𑌃 𑌶𑌸𑍍𑌤𑍍𑌰𑌕𑍃𑌤𑍋 𑌭𑌵𑍇𑌦𑌿𑌤𑌿 ॥ 30 ॥
𑌤𑌦𑍇𑌵 𑌰𑌾𑌮𑍇𑌣 𑌨𑌿𑌶𑌮𑍍𑌯 𑌭𑌾𑌷𑌿𑌤𑌂 𑌕𑍃𑌤𑌾 𑌮𑌤𑌿𑌸𑍍𑌤𑌸𑍍𑌯 𑌬𑌿𑌲𑌪𑍍𑌰𑌵𑍇𑌶𑌨𑍇 ।
𑌬𑌿𑌲𑌂 𑌚 𑌰𑌾𑌮𑍇𑌣𑌾𑌤𑌿𑌬𑌲𑍇𑌨 𑌰𑌕𑍍𑌷𑌸𑌾 𑌪𑍍𑌰𑌵𑍇𑌶𑍍𑌯𑌮𑌾𑌨𑍇𑌨 𑌵𑌨𑌂 𑌵𑌿𑌨𑌾𑌦𑌿𑌤𑌮𑍍 ॥ 31 ॥
𑌪𑍍𑌰𑌹𑍃𑌷𑍍𑌟𑌰𑍂𑌪𑌾𑌵𑌿𑌵 𑌰𑌾𑌮𑌲𑌕𑍍𑌷𑍍𑌮𑌣𑍌 𑌵𑌿𑌰𑌾𑌧𑌮𑍁𑌰𑍍𑌵𑍍𑌯𑌾 𑌪𑍍𑌰𑌦𑌰𑍇 𑌨𑌿𑌹𑌤𑍍𑌯 𑌤𑍌 ।
𑌨𑌨𑌂𑌦𑌤𑍁𑌰𑍍𑌵𑍀𑌤𑌭𑌯𑍌 𑌮𑌹𑌾𑌵𑌨𑍇 𑌶𑌿𑌲𑌾𑌭𑌿𑌰𑌂𑌤𑌰𑍍𑌦𑌧𑌤𑍁𑌶𑍍𑌚 𑌰𑌾𑌕𑍍𑌷𑌸𑌮𑍍 ॥ 32 ॥
𑌤𑌤𑌸𑍍𑌤𑍁 𑌤𑍌 𑌕𑌾𑌂𑌚𑌨𑌚𑌿𑌤𑍍𑌰𑌕𑌾𑌰𑍍𑌮𑍁𑌕𑍌 𑌨𑌿𑌹𑌤𑍍𑌯 𑌰𑌕𑍍𑌷𑌃 𑌪𑌰𑌿𑌗𑍃𑌹𑍍𑌯 𑌮𑍈𑌥𑌿𑌲𑍀𑌮𑍍 ।
𑌵𑌿𑌜𑌹𑍍𑌰𑌤𑍁 𑌸𑍍𑌤𑍌 𑌮𑍁𑌦𑌿𑌤𑍌 𑌮𑌹𑌾𑌵𑌨𑍇 𑌦𑌿𑌵𑌿 𑌸𑍍𑌥𑌿𑌤𑍌 𑌚𑌂𑌦𑍍𑌰𑌦𑌿𑌵𑌾𑌕𑌰𑌾𑌵𑌿𑌵 ॥ 33 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌰𑌣𑍍𑌯𑌕𑌾𑌂𑌡𑍇 𑌚𑌤𑍁𑌰𑍍𑌥𑌸𑍍𑌸𑌰𑍍𑌗𑌃 ॥
