VR 5.44 Sundara Kanda - Sarga 44 - Grantha

Collection of Spiritual and Devotional Literature in Various Indian Languages

View this in:

5.44 𑌸𑍁𑌂𑌦𑌰𑌕𑌾𑌂𑌡 - 𑌚𑌤𑍁𑌶𑍍𑌚𑌤𑍍𑌵𑌾𑌰𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌸𑍁𑌂𑌦𑌰𑌕𑌾𑌂𑌡𑌮𑍍 ।
𑌅𑌥 𑌚𑌤𑍁𑌶𑍍𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ।

𑌸𑌂𑌦𑌿𑌷𑍍𑌟𑍋 𑌰𑌾𑌕𑍍𑌷𑌸𑍇𑌂𑌦𑍍𑌰𑍇𑌣 𑌪𑍍𑌰𑌹𑌸𑍍𑌤𑌸𑍍𑌯 𑌸𑍁𑌤𑍋 𑌬𑌲𑍀 ।
𑌜𑌂𑌬𑍁𑌮𑌾𑌲𑍀 𑌮𑌹𑌾𑌦𑌂𑌷𑍍𑌟𑍍𑌰𑍋 𑌨𑌿𑌰𑍍𑌜𑌗𑌾𑌮 𑌧𑌨𑍁𑌰𑍍𑌧𑌰𑌃 ॥ 1 ॥

𑌰𑌕𑍍𑌤𑌮𑌾𑌲𑍍𑌯𑌾𑌂𑌬𑌰𑌧𑌰𑌸𑍍𑌸𑍍𑌰𑌗𑍍𑌵𑍀 𑌰𑍁𑌚𑌿𑌰𑌕𑍁𑌂𑌡𑌲𑌃 ।
𑌮𑌹𑌾𑌨𑍍𑌵𑌿𑌵𑍃𑌤𑍍𑌤𑌨𑌯𑌨𑌶𑍍𑌚𑌂𑌡𑌸𑍍𑌸𑌮𑌰𑌦𑍁𑌰𑍍𑌜𑌯𑌃 ॥ 2 ॥

𑌧𑌨𑍁𑌶𑍍𑌶𑌕𑍍𑌰𑌧𑌨𑍁𑌃 𑌪𑍍𑌰𑌖𑍍𑌯𑌂 𑌮𑌹𑌦𑍍𑌰𑍁𑌚𑌿𑌰𑌸𑌾𑌯𑌕𑌮𑍍 ।
𑌵𑌿𑌷𑍍𑌫𑌾𑌰𑌯𑌾𑌣𑍋 𑌵𑍇𑌗𑍇𑌨 𑌵𑌜𑍍𑌰𑌾𑌶𑌨𑌿𑌸𑌮𑌸𑍍𑌵𑌨𑌮𑍍 ॥ 3 ॥

𑌤𑌸𑍍𑌯 𑌵𑌿𑌷𑍍𑌫𑌾𑌰𑌘𑍋𑌷𑍇𑌣 𑌧𑌨𑍁𑌷𑍋 𑌮𑌹𑌤𑌾 𑌦𑌿𑌶𑌃 ।
𑌪𑍍𑌰𑌦𑌿𑌶𑌶𑍍𑌚 𑌨𑌭𑌶𑍍𑌚𑍈𑌵 𑌸𑌹𑌸𑌾 𑌸𑌮𑌪𑍂𑌰𑍍𑌯𑌤 ॥ 4 ॥

𑌰𑌥𑍇𑌨 𑌖𑌰𑌯𑍁𑌕𑍍𑌤𑍇𑌨 𑌤𑌮𑌾𑌗𑌤𑌮𑍁𑌦𑍀𑌕𑍍𑌷𑍍𑌯 𑌸𑌃 ।
𑌹𑌨𑍁𑌮𑌾𑌨𑍍𑌵𑍇𑌗𑌸𑌂𑌪𑌨𑍍𑌨𑍋 𑌜𑌹𑌰𑍍𑌷 𑌚 𑌨𑌨𑌾𑌦 𑌚 ॥ 5 ॥

𑌤𑌂 𑌤𑍋𑌰𑌣𑌵𑌿𑌟𑌂𑌕𑌸𑍍𑌥𑌂 𑌹𑌨𑍁𑌮𑌂𑌤𑌂 𑌮𑌹𑌾𑌕𑌪𑌿𑌮𑍍 ।
𑌜𑌂𑌬𑍁𑌮𑌾𑌲𑍀 𑌮𑌹𑌾𑌬𑌾𑌹𑍁𑌰𑍍𑌵𑌿𑌵𑍍𑌯𑌾𑌧 𑌨𑌿𑌶𑌿𑌤𑍈𑌶𑍍𑌶𑌰𑍈𑌃 ॥ 6 ॥

𑌅𑌰𑍍𑌧𑌚𑌂𑌦𑍍𑌰𑍇𑌣 𑌵𑌦𑌨𑍇 𑌶𑌿𑌰𑌸𑍍𑌯𑍇𑌕𑍇𑌨 𑌕𑌰𑍍𑌣𑌿𑌨𑌾 ।
𑌬𑌾𑌹𑍍𑌵𑍋𑌰𑍍𑌵𑌿𑌵𑍍𑌯𑌾𑌧 𑌨𑌾𑌰𑌾𑌚𑍈𑌰𑍍𑌦𑌶𑌭𑌿𑌸𑍍𑌤𑌂 𑌕𑌪𑍀𑌶𑍍𑌵𑌰𑌮𑍍 ॥ 𑍭 ॥

𑌤𑌸𑍍𑌯 𑌤𑌚𑍍𑌛𑍁𑌶𑍁𑌭𑍇 𑌤𑌾𑌮𑍍𑌰𑌂 𑌶𑌰𑍇𑌣𑌾𑌭𑌿𑌹𑌤𑌂 𑌮𑍁𑌖𑌮𑍍 ।
𑌶𑌰𑌦𑍀𑌵𑌾𑌂𑌬𑍁𑌜𑌂 𑌫𑍁𑌲𑍍𑌲𑌂 𑌵𑌿𑌦𑍍𑌧𑌂 𑌭𑌾𑌸𑍍𑌕𑌰𑌰𑌶𑍍𑌮𑌿𑌨𑌾 ॥ 𑍮 ॥

𑌤𑌤𑍍𑌤𑌸𑍍𑌯 𑌰𑌕𑍍𑌤𑌂 𑌰𑌕𑍍𑌤𑍇𑌨 𑌰𑌂𑌜𑌿𑌤𑌂 𑌶𑍁𑌶𑍁𑌭𑍇 𑌮𑍁𑌖𑌮𑍍 ।
𑌯𑌥𑌾𑌕𑌾𑌶𑍇 𑌮𑌹𑌾𑌪𑌦𑍍𑌮𑌂 𑌸𑌿𑌕𑍍𑌤𑌂 𑌚𑌂𑌦𑌨𑌬𑌿𑌂𑌦𑍁𑌭𑌿𑌃 ॥ 𑍯 ॥

𑌚𑍁𑌕𑍋𑌪 𑌬𑌾𑌣𑌾𑌭𑌿𑌹𑌤𑍋 𑌰𑌾𑌕𑍍𑌷𑌸𑌸𑍍𑌯 𑌮𑌹𑌾𑌕𑌪𑌿𑌃 ।
𑌤𑌤𑌃 𑌪𑌾𑌰𑍍𑌶𑍍𑌵𑍇𑌽𑌤𑌿𑌵𑌿𑌪𑍁𑌲𑌾𑌂 𑌦𑌦𑌰𑍍𑌶 𑌮𑌹𑌤𑍀𑌂 𑌶𑌿𑌲𑌾𑌮𑍍 ॥ 10 ॥

𑌤𑌰𑌸𑌾 𑌤𑌾𑌂 𑌸𑌮𑍁𑌤𑍍𑌪𑌾𑌟𑍍𑌯 𑌚𑌿𑌕𑍍𑌷𑍇𑌪 𑌬𑌲𑌵𑌦𑍍𑌭𑌲𑍀 ।
𑌤𑌾𑌂 𑌶𑌰𑍈𑌰𑍍𑌦𑌶𑌭𑌿𑌃 𑌕𑍍𑌰𑍁𑌦𑍍𑌧𑌸𑍍𑌤𑌾𑌡𑌯𑌾𑌮𑌾𑌸 𑌰𑌾𑌕𑍍𑌷𑌸𑌃 ॥ 11 ॥

𑌵𑌿𑌪𑌨𑍍𑌨𑌂 𑌕𑌰𑍍𑌮 𑌤𑌦𑍍𑌦𑍃𑌷𑍍𑌟𑍍𑌵𑌾 𑌹𑌨𑍁𑌮𑌾𑌂𑌶𑍍𑌚𑌂𑌡𑌵𑌿𑌕𑍍𑌰𑌮𑌃 ।
𑌸𑌾𑌲𑌂 𑌵𑌿𑌪𑍁𑌲𑌮𑍁𑌤𑍍𑌪𑌾𑌟𑍍𑌯 𑌭𑍍𑌰𑌾𑌮𑌯𑌾𑌮𑌾𑌸 𑌵𑍀𑌰𑍍𑌯𑌵𑌾𑌨𑍍 ॥ 12 ॥

𑌭𑍍𑌰𑌾𑌮𑌯𑌂𑌤𑌂 𑌕𑌪𑌿𑌂 𑌦𑍃𑌷𑍍𑌟𑍍𑌵𑌾 𑌸𑌾𑌲𑌵𑍃𑌕𑍍𑌷𑌂 𑌮𑌹𑌾𑌬𑌲𑌮𑍍 ।
𑌚𑌿𑌕𑍍𑌷𑍇𑌪 𑌸𑍁𑌬𑌹𑍂𑌨𑍍𑌬𑌾𑌣𑌾𑌨𑍍𑌜𑌂𑌬𑍁𑌮𑌾𑌲𑍀 𑌮𑌹𑌾𑌬𑌲𑌃 ॥ 13 ॥

𑌸𑌾𑌲𑌂 𑌚𑌤𑍁𑌰𑍍𑌭𑌿𑌶𑍍𑌚𑌿𑌚𑍍𑌛𑍇𑌦 𑌵𑌾𑌨𑌰𑌂 𑌪𑌂𑌚𑌭𑌿𑌰𑍍𑌭𑍁𑌜𑍇 ।
𑌉𑌰𑌸𑍍𑌯𑍇𑌕𑍇𑌨 𑌬𑌾𑌣𑍇𑌨 𑌦𑌶𑌭𑌿𑌸𑍍𑌤𑍁 𑌸𑍍𑌤𑌨𑌾𑌂𑌤𑌰𑍇 ॥ 14 ॥

𑌸 𑌶𑌰𑍈𑌃 𑌪𑍂𑌰𑌿𑌤𑌤𑌨𑍁𑌃 𑌕𑍍𑌰𑍋𑌧𑍇𑌨 𑌮𑌹𑌤𑌾 𑌵𑍃𑌤𑌃 ।
𑌤𑌮𑍇𑌵 𑌪𑌰𑌿𑌘𑌂 𑌗𑍃𑌹𑍍𑌯 𑌭𑍍𑌰𑌾𑌮𑌯𑌾𑌮𑌾𑌸 𑌵𑍇𑌗𑌿𑌤𑌃 ॥ 15 ॥

𑌅𑌤𑌿𑌵𑍇𑌗𑍋𑌽𑌤𑌿𑌵𑍇𑌗𑍇𑌨 𑌭𑍍𑌰𑌾𑌮𑌯𑌿𑌤𑍍𑌵𑌾 𑌬𑌲𑍋𑌤𑍍𑌕𑌟𑌃 ।
𑌪𑌰𑌿𑌘𑌂 𑌪𑌾𑌤𑌯𑌾𑌮𑌾𑌸 𑌜𑌂𑌬𑍁𑌮𑌾𑌲𑍇𑌰𑍍𑌮𑌹𑍋𑌰𑌸𑌿 ॥ 16 ॥

𑌤𑌸𑍍𑌯 𑌚𑍈𑌵 𑌶𑌿𑌰𑍋 𑌨𑌾𑌸𑍍𑌤𑌿 𑌨 𑌬𑌾𑌹𑍂 𑌨 𑌚 𑌜𑌾𑌨𑍁𑌨𑍀 ।
𑌨 𑌧𑌨𑍁𑌰𑍍𑌨 𑌰𑌥𑍋 𑌨𑌾𑌶𑍍𑌵𑌾𑌸𑍍𑌤𑌤𑍍𑌰𑌾𑌦𑍃𑌶𑍍𑌯𑌂𑌤 𑌨𑍇𑌷𑌵𑌃 ॥ 1𑍭 ॥

𑌸 𑌹𑌤𑌸𑍍𑌸𑌹𑌸𑌾 𑌤𑍇𑌨 𑌜𑌂𑌬𑍁𑌮𑌾𑌲𑍀 𑌮𑌹𑌾𑌬𑌲𑌃 ।
𑌪𑌪𑌾𑌤 𑌨𑌿𑌹𑌤𑍋 𑌭𑍂𑌮𑍌 𑌚𑍂𑌰𑍍𑌣𑌿𑌤𑌾𑌂𑌗𑌵𑌿𑌭𑍂𑌷𑌣𑌃 ॥ 1𑍮 ॥

𑌜𑌂𑌬𑍁𑌮𑌾𑌲𑌿𑌂 𑌚 𑌨𑌿𑌹𑌤𑌂 𑌕𑌿𑌂𑌕𑌰𑌾𑌂𑌶𑍍𑌚 𑌮𑌹𑌾𑌬𑌲𑌾𑌨𑍍 ।
𑌚𑍁𑌕𑍍𑌰𑍋𑌧 𑌰𑌾𑌵𑌣𑌶𑍍𑌶𑍁𑌤𑍍𑌵𑌾 𑌕𑍋𑌪𑌸𑌂𑌰𑌕𑍍𑌤𑌲𑍋𑌚𑌨𑌃 ॥ 1𑍯 ॥

𑌸 𑌰𑍋𑌷𑌸𑌂𑌵𑌰𑍍𑌤𑌿𑌤𑌤𑌾𑌮𑍍𑌰𑌲𑍋𑌚𑌨𑌃 𑌪𑍍𑌰𑌹𑌸𑍍𑌤𑌪𑍁𑌤𑍍𑌤𑍍𑌰𑍇 𑌨𑌿𑌹𑌤𑍇 𑌮𑌹𑌾𑌬𑌲𑍇 ।
𑌅𑌮𑌾𑌤𑍍𑌯𑌪𑍁𑌤𑍍𑌤𑍍𑌰𑌾𑌨𑌤𑌿𑌵𑍀𑌰𑍍𑌯𑌵𑌿𑌕𑍍𑌰𑌮𑌾𑌨𑍍 𑌸𑌮𑌾𑌦𑌿𑌦𑍇𑌶𑌾𑌶𑍁 𑌨𑌿𑌶𑌾𑌚𑌰𑍇𑌶𑍍𑌵𑌰𑌃 ॥ 20 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌸𑍁𑌂𑌦𑌰𑌕𑌾𑌂𑌡𑍇 𑌚𑌤𑍁𑌶𑍍𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ॥

Browse Related Categories: