𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌷𑌟𑍍𑌸𑌪𑍍𑌤𑌤𑌿𑌤𑌮𑌸𑍍𑌸𑌰𑍍𑌗𑌃 ।
𑌤𑌮𑍇𑌵𑌂 𑌶𑍋𑌕𑌸𑌂𑌤𑌪𑍍𑌤𑌂 𑌭𑌰𑌤𑌂 𑌕𑍈𑌕𑌯𑍀 𑌸𑍁𑌤𑌮𑍍 ।
𑌉𑌵𑌾𑌚 𑌵𑌦𑌤𑌾𑌂 𑌶𑍍𑌰𑍇𑌷𑍍𑌠𑍋 𑌵𑌸𑌿𑌷𑍍𑌠 𑌶𑍍𑌶𑍍𑌰𑍇𑌷𑍍𑌠𑌵𑌾𑌗𑍃𑌷𑌿𑌃 ॥ 1 ॥
𑌅𑌲𑌂 𑌶𑍋𑌕𑍇𑌨 𑌭𑌦𑍍𑌰𑌂 𑌤𑍇 𑌰𑌾𑌜𑌪𑍁𑌤𑍍𑌰 𑌮𑌹𑌾𑌯𑌶𑌃 ।
𑌪𑍍𑌰𑌾𑌪𑍍𑌤𑌕𑌾𑌲𑌂 𑌨𑌰𑌪𑌤𑍇𑌃 𑌕𑍁𑌰𑍁 𑌸𑌂𑌯𑌾𑌨𑌮𑍁𑌤𑍍𑌤𑌮𑌮𑍍 ॥ 2 ॥
𑌵𑌸𑌿𑌷𑍍𑌠𑌸𑍍𑌯 𑌵𑌚 𑌶𑍍𑌶𑍃𑌤𑍍𑌵𑌾 𑌭𑌰𑌤𑍋 𑌧𑌾𑌰𑌣𑌾𑌂 𑌗𑌤𑌃 ।
𑌪𑍍𑌰𑍇𑌤𑌕𑌾𑌰𑍍𑌯𑌾𑌣𑌿 𑌸𑌰𑍍𑌵𑌾𑌣𑌿 𑌕𑌾𑌰𑌯𑌾𑌮𑌾𑌸 𑌧𑌰𑍍𑌮𑌵𑌿𑌤𑍍 ॥ 3 ॥
𑌉𑌦𑍍𑌧𑍃𑌤𑌂 𑌤𑍈𑌲𑌸𑌂𑌰𑍋𑌧𑌾𑌤𑍍𑌸𑌤𑍁 𑌭𑍂𑌮𑍌 𑌨𑌿𑌵𑍇𑌶𑌿𑌤𑌮𑍍 ।
𑌆𑌪𑍀𑌤𑌵𑌰𑍍𑌣𑌵𑌦𑌨𑌂 𑌪𑍍𑌰𑌸𑍁𑌪𑍍𑌤𑌮𑌿𑌵 𑌭𑍂𑌮𑌿𑌪𑌮𑍍 ॥ 4 ॥
𑌸𑌂𑌵𑍇𑌶𑍍𑌯 𑌶𑌯𑌨𑍇 𑌚𑌾𑌗𑍍𑌯𑍍𑌰𑍇 𑌨𑌾𑌨𑌾𑌰𑌤𑍍𑌨𑌪𑌰𑌿𑌷𑍍𑌕𑍃𑌤𑍇 ।
𑌤𑌤𑍋 𑌦𑌶𑌰𑌥𑌂 𑌪𑍁𑌤𑍍𑌰𑍋 𑌵𑌿𑌲𑌲𑌾𑌪 𑌸𑍁𑌦𑍁𑌃𑌖𑌿𑌤𑌃 ॥ 5 ॥
𑌕𑌿𑌂 𑌤𑍇 𑌵𑍍𑌯𑌵𑌸𑌿𑌤𑌂 𑌰𑌾𑌜𑌨𑍍 𑌪𑍍𑌰𑍋𑌷𑌿𑌤𑍇 𑌮𑌯𑍍𑌯𑌨𑌾𑌗𑌤𑍇 ।
𑌵𑌿𑌵𑌾𑌸𑍍𑌯 𑌰𑌾𑌮𑌂 𑌧𑌰𑍍𑌮𑌜𑍍𑌞𑌂 𑌲𑌕𑍍𑌷𑍍𑌮𑌣𑌂 𑌚 𑌮𑌹𑌾𑌬𑌲𑌮𑍍 ॥ 6 ॥
𑌕𑍍𑌵 𑌯𑌾𑌸𑍍𑌯𑌸𑌿 𑌮𑌹𑌾𑌰𑌾𑌜 𑌹𑌿𑌤𑍍𑌵𑍇𑌮𑌂 𑌦𑍁𑌃𑌖𑌿𑌤𑌂 𑌜𑌨𑌮𑍍 ।
𑌹𑍀𑌨𑌂 𑌪𑍁𑌰𑍁𑌷𑌸𑌿𑌂𑌹𑍇𑌨 𑌰𑌾𑌮𑍇𑌣𑌾𑌕𑍍𑌲𑌿𑌷𑍍𑌟𑌕𑌰𑍍𑌮𑌣𑌾 ॥ ॥
𑌯𑍋𑌗𑌕𑍍𑌷𑍇𑌮𑌂 𑌤𑍁 𑌤𑍇 𑌰𑌾𑌜𑌨𑍍 𑌕𑍋𑌽𑌸𑍍𑌮𑌿𑌨𑍍𑌕𑌲𑍍𑌪𑌯𑌿𑌤𑌾 𑌪𑍁𑌰𑍇 𑌤𑍍𑌵𑌯𑌿 𑌪𑍍𑌰𑌯𑌾𑌤𑍇 𑌸𑍍𑌵𑌸𑍍𑌤𑌾𑌤 𑌰𑌾𑌮𑍇 𑌚 𑌵𑌨𑌮𑌾𑌶𑍍𑌰𑌿𑌤𑍇 ॥ ॥
𑌵𑌿𑌧𑌵𑌾 𑌪𑍃𑌥𑌿𑌵𑍀 𑌰𑌾𑌜𑌨𑍍 𑌸𑍍𑌤𑍍𑌵𑌯𑌾 𑌹𑍀𑌨𑌾 𑌨 𑌰𑌾𑌜𑌤𑍇 ।
𑌹𑍀𑌨𑌚𑌂𑌦𑍍𑌰𑍇𑌵 𑌰𑌜𑌨𑍀 𑌨𑌗𑌰𑍀 𑌪𑍍𑌰𑌤𑌿𑌭𑌾𑌤𑌿 𑌮𑌾 ॥ ॥
𑌏𑌵𑌂 𑌵𑌿𑌲𑌪𑌮𑌾𑌨𑌂 𑌤𑌂 𑌭𑌰𑌤𑌂 𑌦𑍀𑌨𑌮𑌾𑌨𑌸𑌮𑍍 ।
𑌅𑌬𑍍𑌰𑌵𑍀𑌦𑍍𑌵𑌚𑌨𑌂 𑌭𑍂𑌯𑍋 𑌵𑌸𑌿𑌷𑍍𑌠𑌸𑍍𑌤𑍁 𑌮𑌹𑌾𑌮𑍁𑌨𑌿𑌃 ॥ 10 ॥
𑌪𑍍𑌰𑍇𑌤𑌕𑌾𑌰𑍍𑌯𑌾𑌣𑌿 𑌯𑌾𑌨𑍍𑌯𑌸𑍍𑌯 𑌕𑌰𑍍𑌤𑌵𑍍𑌯𑌾𑌨𑌿 𑌵𑌿𑌶𑌾𑌂 𑌪𑌤𑍇𑌃 ।
𑌤𑌾𑌨𑍍𑌯𑌵𑍍𑌯𑌗𑍍𑌰𑌂 𑌮𑌹𑌾𑌬𑌾𑌹𑍋 𑌕𑍍𑌰𑌿𑌯𑌾𑌂𑌤𑌾𑌮𑌵𑌿𑌚𑌾𑌰𑌿𑌤𑌮𑍍 ॥ 11 ॥
𑌤𑌥𑍇𑌤𑌿 𑌭𑌰𑌤𑍋 𑌵𑌾𑌕𑍍𑌯𑌂 𑌵𑌸𑌿𑌷𑍍𑌠𑌸𑍍𑌯𑌾𑌭𑌿𑌪𑍂𑌜𑍍𑌯 𑌤𑌤𑍍 ।
𑌋𑌤𑍍𑌵𑌿𑌕𑍍𑌪𑍁𑌰𑍋𑌹𑌿𑌤𑌾𑌚𑌾𑌰𑍍𑌯𑌾𑌨𑍍 𑌸𑍍𑌤𑍍𑌵𑌰𑌯𑌾𑌮𑌾𑌸 𑌸𑌰𑍍𑌵𑌶𑌃 ॥ 12 ॥
𑌯𑍇 𑌤𑍍𑌵𑌗𑍍𑌨𑌯𑍋 𑌨𑌰𑍇𑌂𑌦𑍍𑌰𑍇𑌸𑍍𑌯 𑌚𑌾𑌗𑍍𑌨𑍍𑌯𑌗𑌾𑌰𑌾𑌦𑍍𑌬𑌹𑌿𑌷𑍍𑌕𑍃𑌤𑌾𑌃 ।
𑌋𑌤𑍍𑌵𑌿𑌗𑍍𑌭𑌿𑌰𑍍𑌯𑌾𑌜𑌕𑍈𑌶𑍍𑌚𑍈𑌵 𑌤𑍇 𑌆𑌹𑍍𑌰𑌿𑌯𑌂𑌤 𑌯𑌥𑌾𑌵𑌿𑌧𑌿 ॥ 13 ॥
𑌶𑌿𑌬𑌿𑌕𑌾𑌯𑌾𑌮𑌥𑌾𑌽𑌰𑍋𑌪𑍍𑌯 𑌰𑌾𑌜𑌾𑌨𑌂 𑌗𑌤𑌚𑍇𑌤𑌸𑌮𑍍 ।
𑌬𑌾𑌷𑍍𑌪𑌕𑌂𑌠𑌾 𑌵𑌿𑌮𑌨𑌸𑌸𑍍𑌤𑌮𑍂𑌹𑍁𑌃 𑌪𑌰𑌿𑌚𑌾𑌰𑌕𑌾𑌃 ॥ 14 ॥
𑌹𑌿𑌰𑌣𑍍𑌯𑌂 𑌚 𑌸𑍁𑌵𑌰𑍍𑌣𑌂 𑌚 𑌵𑌾𑌸𑌾𑌂𑌸𑌿 𑌵𑌿𑌵𑌿𑌧𑌾𑌨𑌿 𑌚 ।
𑌪𑍍𑌰𑌕𑌿𑌰𑌂𑌤𑍋 𑌜𑌨𑌾 𑌮𑌾𑌰𑍍𑌗𑌂 𑌨𑍃𑌪𑌤𑍇𑌰𑌗𑍍𑌰𑌤𑍋 𑌯𑌯𑍁𑌃 ॥ 15 ॥
𑌚𑌂𑌦𑌨𑌾𑌗𑌰𑍁𑌨𑌿𑌰𑍍𑌯𑌾𑌸𑌾𑌨𑍍 𑌸𑌰𑌲𑌂 𑌪𑌦𑍍𑌮𑌕𑌂 𑌤𑌥𑌾 ।
𑌦𑍇𑌵𑌦𑌾𑌰𑍂𑌣𑌿 𑌚𑌾𑌹𑍃𑌤𑍍𑌯 𑌕𑍍𑌷𑍇𑌪𑌯𑌂𑌤𑌿 𑌤𑌥𑌾𑌪𑌰𑍇 ॥ 16 ॥
𑌗𑌂𑌧𑌾𑌨𑍁𑌚𑍍𑌚𑌾𑌵𑌚𑌾𑌂𑌶𑍍𑌚𑌾𑌨𑍍𑌯𑌾𑌂 𑌸𑍍𑌤𑌤𑍍𑌰 𑌗𑌤𑍍𑌵𑌾𑌥 𑌭𑍂𑌮𑌿𑌪𑌮𑍍 ।
𑌤𑌤𑍍𑌰 𑌸𑌂𑌵𑍇𑌶𑌯𑌾𑌮𑌾𑌸𑍁𑌶𑍍𑌚𑌿𑌤𑌾𑌮𑌧𑍍𑌯𑍇 𑌤𑌮𑍃𑌤𑍍𑌵𑌿𑌜𑌃 ॥ 1 ॥
𑌤𑌦𑌾 𑌹𑍁𑌤𑌾𑌶𑌨𑌂 𑌹𑍁𑌤𑍍𑌵𑌾 𑌜𑍇𑌪𑍁𑌸𑍍𑌤𑌸𑍍𑌯 𑌤𑌦𑍃𑌤𑍍𑌵𑌿𑌜𑌃 ।
𑌜𑌗𑍁𑌶𑍍𑌚 𑌤𑍇 𑌯𑌥𑌾𑌶𑌾𑌸𑍍𑌤𑍍𑌰 𑌤𑌤𑍍𑌰 𑌸𑌾𑌮𑌾𑌨𑌿 𑌸𑌾𑌮𑌗𑌾𑌃 ॥ 1 ॥
𑌶𑌿𑌬𑌿𑌕𑌾𑌭𑌿𑌶𑍍𑌚 𑌯𑌾𑌨𑍈𑌶𑍍𑌚 𑌯𑌥𑌾𑌰𑍍𑌹𑌂 𑌤𑌸𑍍𑌯 𑌯𑍋𑌷𑌿𑌤𑌃 ।
𑌨𑌗𑌰𑌾 𑌨𑍍𑌨𑌿𑌰𑍍𑌯𑌯𑍁𑌸𑍍𑌤𑌤𑍍𑌰 𑌵𑍃𑌦𑍍𑌧𑍈𑌃 𑌪𑌰𑌿𑌵𑍃𑌤𑌾 𑌸𑍍𑌤𑌦𑌾 ॥ 1 ॥
𑌪𑍍𑌰𑌸𑌵𑍍𑌯𑌂 𑌚𑌾𑌪𑌿 𑌤𑌂 𑌚𑌕𑍁𑌃 𑌋𑌤𑍍𑌵𑌿𑌜𑍋𑌽𑌗𑍍𑌨𑌿𑌚𑌿𑌤𑌂 𑌨𑍃𑌪𑌮𑍍 ।
𑌸𑍍𑌤𑍍𑌰𑌿𑌯𑌶𑍍𑌚 𑌶𑍋𑌕𑌸𑌂𑌤𑌪𑍍𑌤𑌾𑌃 𑌕𑍌𑌸𑌲𑍍𑌯𑌾𑌪𑍍𑌰𑌮𑍁𑌖𑌾𑌸𑍍𑌤𑌦𑌾 ॥ 20 ॥
𑌕𑍍𑌰𑍌𑌂𑌚𑍀𑌨𑌾𑌮𑌿𑌵 𑌨𑌾𑌰𑍀𑌣𑌾𑌂 𑌨𑌿𑌨𑌾𑌦𑌸𑍍𑌤𑌤𑍍𑌰 𑌶𑍁𑌶𑍍𑌰𑍁𑌵𑍇 ।
𑌆𑌰𑍍𑌤𑌾𑌨𑌾𑌂 𑌕𑌰𑍁𑌣𑌂 𑌕𑌾𑌲𑍇 𑌕𑍍𑌰𑍋𑌶𑌂𑌤𑍀𑌨𑌾𑌂 𑌸𑌹𑌸𑍍𑌰𑌶𑌃 ॥ 21 ॥
𑌤𑌤𑍋 𑌰𑍁𑌦𑌂𑌤𑍍𑌯𑍋 𑌵𑌿𑌵𑌶𑌾𑌵𑌿𑌲𑌪𑍍𑌯 𑌚 𑌪𑍁𑌨𑌃 𑌪𑍁𑌨𑌃 ।
𑌯𑌾𑌨𑍇𑌭𑍍𑌯𑌸𑍍𑌸𑌰𑌯𑍂𑌤𑍀𑌰𑌮𑌵𑌤𑍇𑌰𑍁𑌰𑍍𑌵𑌰𑌾𑌂𑌗𑌨𑌾𑌃 ॥ 22 ॥
𑌕𑍃𑌤𑍍𑌵𑍋𑌦𑌕𑌂 𑌤𑍇 𑌭𑌰𑌤𑍇𑌨 𑌸𑌾𑌰𑍍𑌧𑌂 𑌨𑍃𑌪𑌾𑌂𑌗𑌨𑌾 𑌮𑌂𑌤𑍍𑌰𑌿𑌪𑍁𑌰𑍋𑌹𑌿𑌤𑌾 𑌶𑍍𑌚 ।
𑌪𑍁𑌰𑌂𑌪𑍍𑌰𑌵𑌿𑌶𑍍𑌯𑌾𑌶𑍍𑌰𑍁𑌪𑌰𑍀𑌤𑌨𑍇𑌤𑍍𑌰𑌾𑌃 𑌭𑍂𑌮𑍌 𑌦𑌶𑌾𑌹𑌂 𑌵𑍍𑌯𑌨𑌯𑌂𑌤 𑌦𑍁𑌃𑌖𑌮𑍍 ॥ 23 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌷𑌟𑍍𑌸𑌪𑍍𑌤𑌤𑌿𑌤𑌮𑌸𑍍𑌸𑌰𑍍𑌗𑌃 ॥
