Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

4.32 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡 - 𑌦𑍍𑌵𑌾𑌤𑍍𑌰𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑌮𑍍 ।
𑌅𑌥 𑌦𑍍𑌵𑌾𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ।

𑌅𑌂𑌗𑌦𑌸𑍍𑌯 𑌵𑌚𑌶𑍍𑌶𑍍𑌰𑍁𑌤𑍍𑌵𑌾 𑌸𑍁𑌗𑍍𑌰𑍀𑌵𑌸𑍍𑌸𑌚𑌿𑌵𑍈𑌸𑍍𑌸𑌹 ।
𑌲𑌕𑍍𑌷𑍍𑌮𑌣𑌂 𑌕𑍁𑌪𑌿𑌤𑌂 𑌶𑍍𑌰𑍁𑌤𑍍𑌵𑌾 𑌮𑍁𑌮𑍋𑌚𑌾𑌸𑌨𑌮𑌾𑌤𑍍𑌮𑌵𑌾𑌨𑍍 ॥ 1 ॥

𑌸𑌚𑌿𑌵𑌾𑌨𑌬𑍍𑌰𑌵𑍀𑌦𑍍𑌵𑌾𑌕𑍍𑌯𑌂 𑌨𑌿𑌶𑍍𑌚𑌿𑌤𑍍𑌯 𑌗𑍁𑌰𑍁𑌲𑌾𑌘𑌵𑌮𑍍 ।
𑌮𑌂𑌤𑍍𑌰𑌜𑍍𑌞𑌾𑌨𑍍𑌮𑌂𑌤𑍍𑌰𑌕𑍁𑌶𑌲𑍋 𑌮𑌂𑌤𑍍𑌰𑍇𑌷𑍁 𑌪𑌰𑌿𑌨𑌿𑌷𑍍𑌠𑌿𑌤𑌾𑌨𑍍 ॥ 2 ॥

𑌨 𑌮𑍇 𑌦𑍁𑌰𑍍𑌵𑍍𑌯𑌾𑌹𑍃𑌤𑌂 𑌕𑌿𑌂𑌚𑌿𑌨𑍍𑌨𑌾𑌪𑌿 𑌮𑍇 𑌦𑍁𑌰𑌨𑍁𑌷𑍍𑌠𑌿𑌤𑌮𑍍 ।
𑌲𑌕𑍍𑌷𑍍𑌮𑌣𑍋 𑌰𑌾𑌘𑌵𑌭𑍍𑌰𑌾𑌤𑌾 𑌕𑍍𑌰𑍁𑌦𑍍𑌧𑌃 𑌕𑌿𑌮𑌿𑌤𑌿 𑌚𑌿𑌂𑌤𑌯𑍇 ॥ 3 ॥

𑌅𑌸𑍁𑌹𑍃𑌦𑍍𑌭𑌿𑌰𑍍𑌮𑌮𑌾𑌮𑌿𑌤𑍍𑌰𑍈𑌰𑍍𑌨𑌿𑌤𑍍𑌯𑌮𑌂𑌤𑌰𑌦𑌰𑍍𑌶𑌿𑌭𑌿𑌃 ।
𑌮𑌮 𑌦𑍋𑌷𑌾𑌨𑌸𑌂𑌭𑍂𑌤𑌾𑌨𑍍 𑌶𑍍𑌰𑌾𑌵𑌿𑌤𑍋 𑌰𑌾𑌘𑌵𑌾𑌨𑍁𑌜𑌃 ॥ 4 ॥

𑌅𑌤𑍍𑌰 𑌤𑌾𑌵𑌦𑍍𑌯𑌥𑌾𑌬𑍁𑌦𑍍𑌧𑌿 𑌸𑌰𑍍𑌵𑍈𑌰𑍇𑌵 𑌯𑌥𑌾𑌵𑌿𑌧𑌿 ।
𑌭𑌾𑌵𑌸𑍍𑌯 𑌨𑌿𑌶𑍍𑌚𑌯𑌸𑍍𑌤𑌾𑌵𑌦𑍍𑌵𑌿𑌜𑍍𑌞𑍇𑌯𑍋 𑌨𑌿𑌪𑍁𑌣𑌂 𑌶𑌨𑍈𑌃 ॥ 5 ॥

𑌨 𑌖𑌲𑍍𑌵𑌸𑍍𑌤𑌿 𑌮𑌮 𑌤𑍍𑌰𑌾𑌸𑍋 𑌲𑌕𑍍𑌷𑍍𑌮𑌣𑌾𑌨𑍍𑌨𑌾𑌪𑌿 𑌰𑌾𑌘𑌵𑌾𑌤𑍍 ।
𑌮𑌿𑌤𑍍𑌰𑌂 𑌤𑍍𑌵𑌸𑍍𑌥𑌾𑌨𑌕𑍁𑌪𑌿𑌤𑌂 𑌜𑌨𑌯𑌤𑍍𑌯𑍇𑌵 𑌸𑌂𑌭𑍍𑌰𑌮𑌮𑍍 ॥ 6 ॥

𑌸𑌰𑍍𑌵𑌥𑌾 𑌸𑍁𑌕𑌰𑌂 𑌮𑌿𑌤𑍍𑌰𑌂 𑌦𑍁𑌷𑍍𑌕𑌰𑌂 𑌪𑌰𑌿𑌪𑌾𑌲𑌨𑌮𑍍 ।
𑌅𑌨𑌿𑌤𑍍𑌯𑌤𑍍𑌵𑌾𑌚𑍍𑌛 𑌚𑌿𑌤𑍍𑌤𑌾𑌨𑌾𑌂 𑌪𑍍𑌰𑍀𑌤𑌿𑌰𑌲𑍍𑌪𑍇𑌪𑌿 𑌭𑌿𑌦𑍍𑌯𑌤𑍇 ॥ 𑍭 ॥

𑌅𑌤𑍋 𑌨𑌿𑌮𑌿𑌤𑍍𑌤𑌂 𑌤𑍍𑌰𑌸𑍍𑌤𑍋𑌹𑌂 𑌰𑌾𑌮𑍇𑌣 𑌤𑍁 𑌮𑌹𑌾𑌤𑍍𑌮𑌨𑌾 ।
𑌯𑌨𑍍𑌮𑌯𑍋𑌪𑌕𑍃𑌤𑌂 𑌶𑌕𑍍𑌯𑌂 𑌪𑍍𑌰𑌤𑌿𑌕𑌰𑍍𑌤𑍁𑌂 𑌨 𑌤𑌨𑍍𑌮𑌯𑌾 ॥ 𑍮 ॥

𑌸𑍁𑌗𑍍𑌰𑍀𑌵𑍇𑌣𑍈𑌵𑌮𑍁𑌕𑍍𑌤𑌸𑍍𑌤𑍁 𑌹𑌨𑍁𑌮𑌾𑌨𑍍𑌹𑌰𑌿𑌪𑍁𑌂𑌗𑌵𑌃 ।
𑌉𑌵𑌾𑌚 𑌸𑍍𑌵𑍇𑌨 𑌤𑌰𑍍𑌕𑍇𑌣 𑌮𑌧𑍍𑌯𑍇 𑌵𑌾𑌨𑌰𑌮𑌂𑌤𑍍𑌰𑌿𑌣𑌾𑌮𑍍 ॥ 𑍯 ॥

𑌸𑌰𑍍𑌵𑌥𑌾 𑌨𑍈𑌤𑌦𑌾𑌶𑍍𑌚𑌰𑍍𑌯𑌂 𑌯𑌸𑍍𑌤𑍍𑌵𑌂 𑌹𑌰𑌿𑌗𑌣𑍇𑌶𑍍𑌵𑌰 ।
𑌨 𑌵𑌿𑌸𑍍𑌮𑌰𑌸𑌿 𑌸𑍁𑌸𑍍𑌨𑌿𑌗𑍍𑌧𑌮𑍁𑌪𑌕𑌾𑌰 𑌕𑍃𑌤𑌂 𑌶𑍁𑌭𑌮𑍍 ॥ 10 ॥

𑌰𑌾𑌘𑌵𑍇𑌣 𑌤𑍁 𑌵𑍀𑌰𑍇𑌣 𑌭𑌯𑌮𑍁𑌤𑍍𑌸𑍃𑌜𑍍𑌯 𑌦𑍂𑌰𑌤𑌃 ।
𑌤𑍍𑌵𑌤𑍍𑌪𑍍𑌰𑌿𑌯𑌾𑌰𑍍𑌥𑌂 𑌹𑌤𑍋 𑌵𑌾𑌲𑍀 𑌶𑌕𑍍𑌰𑌤𑍁𑌲𑍍𑌯𑌪𑌰𑌾𑌕𑍍𑌰𑌮𑌃 ॥ 11 ॥

𑌸𑌰𑍍𑌵𑌥𑌾 𑌪𑍍𑌰𑌣𑌯𑌾𑌤𑍍𑌕𑍃𑌦𑍍𑌧𑍋 𑌰𑌾𑌘𑌵𑍋 𑌨𑌾𑌤𑍍𑌰 𑌸𑌂𑌶𑌯𑌃 ।
𑌭𑍍𑌰𑌾𑌤𑌰𑌂 𑌸𑌂𑌪𑍍𑌰𑌹𑌿𑌤𑌵𑌾𑌨𑍍𑌲𑌕𑍍𑌷𑍍𑌮𑌣𑌂 𑌲𑌕𑍍𑌷𑍍𑌮𑌿𑌵𑌰𑍍𑌧𑌨𑌮𑍍 ॥ 12 ॥

𑌤𑍍𑌵𑌂 𑌪𑍍𑌰𑌮𑌤𑍍𑌤𑍋 𑌨 𑌜𑌾𑌨𑍀𑌷𑍇 𑌕𑌾𑌲𑌂 𑌕𑌾𑌲𑌵𑌿𑌦𑌾𑌂 𑌵𑌰 ।
𑌫𑍁𑌲𑍍𑌲𑌸𑌪𑍍𑌤𑌚𑍍𑌛𑌦𑌶𑍍𑌯𑌾𑌮𑌾 𑌪𑍍𑌰𑌵𑍃𑌤𑍍𑌤𑌾 𑌤𑍁 𑌶𑌰𑌚𑍍𑌛𑌿𑌵𑌾 ॥ 13 ॥

𑌨𑌿𑌰𑍍𑌮𑌲𑌗𑍍𑌰𑌹𑌨𑌕𑍍𑌷𑌤𑍍𑌰𑌾 𑌦𑍍𑌯𑍌𑌃 𑌪𑍍𑌰𑌨𑌷𑍍𑌟𑌵𑌲𑌾𑌹𑌕𑌾 ।
𑌪𑍍𑌰𑌸𑌨𑍍𑌨𑌾𑌶𑍍𑌚 𑌦𑌿𑌶𑌸𑍍𑌸𑌰𑍍𑌵𑌾𑌸𑍍𑌸𑌰𑌿𑌤𑌶𑍍𑌚 𑌸𑌰𑌾𑌂𑌸𑌿 𑌚 ॥ 14 ॥

𑌪𑍍𑌰𑌾𑌪𑍍𑌤𑌮𑍁𑌦𑍍𑌯𑍋𑌗𑌕𑌾𑌲𑌂 𑌤𑍁 𑌨𑌾𑌵𑍈𑌷𑌿 𑌹𑌰𑌿𑌪𑍁𑌂𑌗𑌵 ।
𑌤𑍍𑌵𑌂 𑌪𑍍𑌰𑌮𑌤𑍍𑌤 𑌇𑌤𑌿 𑌵𑍍𑌯𑌕𑍍𑌤𑌂 𑌲𑌕𑍍𑌷𑍍𑌮𑌣𑍋𑌽𑌯𑌮𑌿𑌹𑌾𑌗𑌤𑌃 ॥ 15 ॥

𑌆𑌰𑍍𑌤𑌸𑍍𑌯 𑌹𑍃𑌤𑌦𑌾𑌰𑌸𑍍𑌯 𑌪𑍁𑌰𑍁𑌷𑌂 𑌪𑍁𑌰𑍁𑌷𑌾𑌂𑌤𑌰𑌾𑌤𑍍 ।
𑌵𑌚𑌨𑌂 𑌮𑌰𑍍𑌷𑌣𑍀𑌯𑌂 𑌤𑍇 𑌰𑌾𑌘𑌵𑌸𑍍𑌯 𑌮𑌹𑌾𑌤𑍍𑌮𑌨𑌃 ॥ 16 ॥

𑌕𑍃𑌤𑌾𑌪𑌰𑌾𑌧𑌸𑍍𑌯 𑌹𑌿 𑌤𑍇 𑌨𑌾𑌨𑍍𑌯𑌤𑍍𑌪𑌶𑍍𑌯𑌾𑌮𑍍𑌯𑌹𑌂 𑌕𑍍𑌷𑌮𑌮𑍍 ।
𑌅𑌂𑌤𑌰𑍇𑌣𑌾𑌂𑌜𑌲𑌿𑌂 𑌬𑌦𑍍𑌧𑍍𑌵𑌾 𑌲𑌕𑍍𑌷𑍍𑌮𑌣𑌸𑍍𑌯 𑌪𑍍𑌰𑌸𑌾𑌦𑌨𑌾𑌤𑍍 ॥ 1𑍭 ॥

𑌨𑌿𑌯𑍁𑌕𑍍𑌤𑍈𑌰𑍍𑌮𑌂𑌤𑍍𑌰𑌿𑌭𑌿𑌰𑍍𑌵𑌾𑌚𑍍𑌯𑍋 𑌹𑍍𑌯𑌵𑌶𑍍𑌯𑌂 𑌪𑌾𑌰𑍍𑌥𑌿𑌵𑍋 𑌹𑌿𑌤𑌮𑍍 ।
𑌅𑌤 𑌏𑌵 𑌭𑌯𑌂 𑌤𑍍𑌯𑌕𑍍𑌤𑍍𑌵𑌾 𑌬𑍍𑌰𑌵𑍀𑌮𑍍𑌯𑌵𑌧𑍃𑌤𑌂 𑌵𑌚𑌃 ॥ 1𑍮 ॥

𑌅𑌭𑌿𑌕𑍍𑌰𑍁𑌦𑍍𑌧𑌸𑍍𑌸𑌮𑌰𑍍𑌥𑍋 𑌹𑌿 𑌚𑌾𑌪𑌮𑍁𑌦𑍍𑌯𑌮𑍍𑌯 𑌰𑌾𑌘𑌵𑌃 ।
𑌸𑌦𑍇𑌵𑌾𑌸𑍁𑌰𑌗𑌂𑌧𑌰𑍍𑌵𑌂 𑌵𑌶𑍇 𑌸𑍍𑌥𑌾𑌪𑌯𑌿𑌤𑍁𑌂 𑌜𑌗𑌤𑍍 ॥ 1𑍯 ॥

𑌨 𑌸 𑌕𑍍𑌷𑌮𑌃 𑌕𑍋𑌪𑌯𑌿𑌤𑍁𑌂 𑌯𑌃 𑌪𑍍𑌰𑌸𑌾𑌦𑍍𑌯𑌃 𑌪𑍁𑌨𑌰𑍍𑌭𑌵𑍇𑌤𑍍 ।
𑌪𑍂𑌰𑍍𑌵𑍋𑌪𑌕𑌾𑌰𑌂 𑌸𑍍𑌮𑌰𑌤𑌾 𑌕𑍃𑌤𑌜𑍍𑌞𑍇𑌨 𑌵𑌿𑌶𑍇𑌷𑌤𑌃 ॥ 20 ॥

𑌤𑌸𑍍𑌯 𑌮𑍂𑌰𑍍𑌧𑍍𑌨𑌾 𑌪𑍍𑌰𑌣𑌮𑍍𑌯 𑌤𑍍𑌵𑌂 𑌸𑌪𑍁𑌤𑍍𑌰𑌸𑍍𑌸𑌸𑍁𑌹𑍃𑌜𑍍𑌜𑌨𑌃 ।
𑌰𑌾𑌜𑌂𑌸𑍍𑌤𑌿𑌷𑍍𑌠𑌸𑍍𑌵 𑌸𑌮𑌯𑍇 𑌭𑌰𑍍𑌤𑍁𑌰𑍍𑌭𑌾𑌰𑍍𑌯𑍇𑌵 𑌤𑌦𑍍𑌵𑌶𑌃 ॥ 21 ॥

𑌨 𑌰𑌾𑌮𑌰𑌾𑌮𑌾𑌨𑍁𑌜𑌶𑌾𑌸𑌨𑌂 𑌤𑍍𑌵𑌯𑌾 𑌕𑌪𑍀𑌂𑌦𑍍𑌰 𑌯𑍁𑌕𑍍𑌤𑌂 𑌮𑌨𑌸𑌾𑌽𑌪𑍍𑌯𑌪𑍋𑌹𑌿𑌤𑍁𑌮𑍍 ।
𑌮𑌨𑍋 𑌹𑌿 𑌤𑍇 𑌜𑍍𑌞𑌾𑌸𑍍𑌯𑌤𑌿 𑌮𑌾𑌨𑍁𑌷𑌂 𑌬𑌲𑌂 𑌸 𑌰𑌾𑌘𑌵𑌸𑍍𑌯𑌾𑌸𑍍𑌯 𑌸𑍁𑌰𑍇𑌂𑌦𑍍𑌰𑌵𑌰𑍍𑌚𑌸𑌃 ॥ 22 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑍇 𑌦𑍍𑌵𑌾𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ॥


Browse Related Categories: