Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

3.3𑍮 𑌅𑌰𑌣𑍍𑌯𑌕𑌾𑌂𑌡 - 𑌅𑌷𑍍𑌟𑌤𑍍𑌰𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌰𑌣𑍍𑌯𑌕𑌾𑌂𑌡𑌮𑍍 ।
𑌅𑌥 𑌅𑌷𑍍𑌟𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ।

𑌕𑌦𑌾𑌚𑌿𑌦𑌪𑍍𑌯𑌹𑌂 𑌵𑍀𑌰𑍍𑌯𑌾𑌤𑍍𑌪𑌰𑍍𑌯𑌟𑌨𑍍𑌪𑍃𑌥𑌿𑌵𑍀𑌮𑌿𑌮𑌾𑌮𑍍 ।
𑌬𑌲𑌂 𑌨𑌾𑌗𑌸𑌹𑌸𑍍𑌰𑌸𑍍𑌯 𑌧𑌾𑌰𑌯𑌨𑍍𑌪𑌰𑍍𑌵𑌤𑍋𑌪𑌮𑌃 ॥ 1 ॥

𑌨𑍀𑌲𑌜𑍀𑌮𑍂𑌤𑌸𑌂𑌕𑌾𑌶𑌸𑍍𑌤𑌪𑍍𑌤𑌕𑌾𑌂𑌚𑌨𑌕𑍁𑌂𑌡𑌲𑌃 ।
𑌭𑌯𑌂 𑌲𑍋𑌕𑌸𑍍𑌯 𑌜𑌨𑌯𑌨𑍍𑌕𑌿𑌰𑍀𑌟𑍀 𑌪𑌰𑌿𑌘𑌾𑌯𑍁𑌧𑌃 ॥ 2 ॥

𑌵𑍍𑌯𑌚𑌰𑌂 𑌦𑌂𑌡𑌕𑌾𑌰𑌣𑍍𑌯𑍇 𑌋𑌷𑌿𑌮𑌾𑌂𑌸𑌾𑌨𑌿 𑌭𑌕𑍍𑌷𑌯𑌨𑍍 ।
𑌵𑌿𑌶𑍍𑌵𑌾𑌮𑌿𑌤𑍍𑌰𑍋𑌽𑌥 𑌧𑌰𑍍𑌮𑌾𑌤𑍍𑌮𑌾 𑌮𑌦𑍍𑌵𑌿𑌤𑍍𑌰𑌸𑍍𑌤𑍋 𑌮𑌹𑌾𑌮𑍁𑌨𑌿𑌃 ॥ 3 ॥

𑌸𑍍𑌵𑌯𑌂 𑌗𑌤𑍍𑌵𑌾 𑌦𑌶𑌰𑌥𑌂 𑌨𑌰𑍇𑌂𑌦𑍍𑌰𑌮𑌿𑌦𑌮𑌬𑍍𑌰𑌵𑍀𑌤𑍍 ।
𑌅𑌦𑍍𑌯 𑌰𑌕𑍍𑌷𑌤𑍁 𑌮𑌾𑌂 𑌰𑌾𑌮𑌃 𑌪𑌰𑍍𑌵𑌕𑌾𑌲𑍇 𑌸𑌮𑌾𑌹𑌿𑌤𑌃 ॥ 4 ॥

𑌮𑌾𑌰𑍀𑌚𑌾𑌨𑍍𑌮𑍇 𑌭𑌯𑌂 𑌘𑍋𑌰𑌂 𑌸𑌮𑍁𑌤𑍍𑌪𑌨𑍍𑌨𑌂 𑌨𑌰𑍇𑌶𑍍𑌵𑌰 ।
𑌇𑌤𑍍𑌯𑍇𑌵𑌮𑍁𑌕𑍍𑌤𑍋 𑌧𑌰𑍍𑌮𑌾𑌤𑍍𑌮𑌾 𑌰𑌾𑌜𑌾 𑌦𑌶𑌰𑌥𑌸𑍍𑌤𑌦𑌾 ॥ 5 ॥

𑌪𑍍𑌰𑌤𑍍𑌯𑍁𑌵𑌾𑌚 𑌮𑌹𑌾𑌭𑌾𑌗𑌂 𑌵𑌿𑌶𑍍𑌵𑌾𑌮𑌿𑌤𑍍𑌰𑌂 𑌮𑌹𑌾𑌮𑍁𑌨𑌿𑌮𑍍 ।
𑌬𑌾𑌲𑍋 𑌦𑍍𑌵𑌾𑌦𑌶𑌵𑌰𑍍𑌷𑍋𑌽𑌯𑌮𑌕𑍃𑌤𑌾𑌸𑍍𑌤𑍍𑌰𑌶𑍍𑌚 𑌰𑌾𑌘𑌵𑌃 ॥ 6 ॥

𑌕𑌾𑌮𑌂 𑌤𑍁 𑌮𑌮 𑌯𑌤𑍍𑌸𑍈𑌨𑍍𑌯𑌂 𑌮𑌯𑌾 𑌸𑌹 𑌗𑌮𑌿𑌷𑍍𑌯𑌤𑌿 ।
𑌬𑌲𑍇𑌨 𑌚𑌤𑍁𑌰𑌂𑌗𑍇𑌣 𑌸𑍍𑌵𑌯𑌮𑍇𑌤𑍍𑌯 𑌨𑌿𑌶𑌾𑌚𑌰𑌾𑌨𑍍 ॥ 𑍭 ॥

𑌵𑌧𑌿𑌷𑍍𑌯𑌾𑌮𑌿 𑌮𑍁𑌨𑌿𑌶𑍍𑌰𑍇𑌷𑍍𑌠 𑌶𑌤𑍍𑌰𑍂𑌂𑌸𑍍𑌤𑍇 𑌮𑌨𑌸𑍇𑌪𑍍𑌸𑌿𑌤𑌾𑌨𑍍 ।
𑌇𑌤𑍍𑌯𑍇𑌵𑌮𑍁𑌕𑍍𑌤𑌸𑍍𑌸𑌮𑍁𑌨𑍀 𑌰𑌾𑌜𑌾𑌨𑌮𑌿𑌦𑌮𑌬𑍍𑌰𑌵𑍀𑌤𑍍 ॥ 𑍮 ॥

𑌰𑌾𑌮𑌾𑌨𑍍𑌨𑌾𑌨𑍍𑌯𑌦𑍍𑌬𑌲𑌂 𑌲𑍋𑌕𑍇 𑌪𑌰𑍍𑌯𑌾𑌪𑍍𑌤𑌂 𑌤𑌸𑍍𑌯 𑌰𑌕𑍍𑌷𑌸𑌃 ।
𑌦𑍇𑌵𑌤𑌾𑌨𑌾𑌮𑌪𑌿 𑌭𑌵𑌾𑌨𑍍 𑌸𑌮𑌰𑍇𑌷𑍍𑌵𑌭𑌿𑌪𑌾𑌲𑌕𑌃 ॥ 𑍯 ॥

𑌆𑌸𑍀𑌤𑍍𑌤𑌵 𑌕𑍃𑌤𑌂 𑌕𑌰𑍍𑌮 𑌤𑍍𑌰𑌿𑌲𑍋𑌕𑍇 𑌵𑌿𑌦𑌿𑌤𑌂 𑌨𑍃𑌪 ।
𑌕𑌾𑌮𑌮𑌸𑍍𑌤𑍁 𑌮𑌹𑌤𑍍𑌸𑍈𑌨𑍍𑌯𑌂 𑌤𑌿𑌷𑍍𑌠𑌤𑍍𑌵𑌿𑌹 𑌪𑌰𑌂𑌤𑌪 ॥ 10 ॥

𑌬𑌾𑌲𑍋𑌽𑌪𑍍𑌯𑍇𑌷 𑌮𑌹𑌾𑌤𑍇𑌜𑌾𑌸𑍍𑌸𑌮𑌰𑍍𑌥𑌸𑍍𑌤𑌸𑍍𑌯 𑌨𑌿𑌗𑍍𑌰𑌹𑍇 ।
𑌗𑌮𑌿𑌷𑍍𑌯𑍇 𑌰𑌾𑌮𑌮𑌾𑌦𑌾𑌯 𑌸𑍍𑌵𑌸𑍍𑌤𑌿 𑌤𑍇𑌽𑌸𑍍𑌤𑍁 𑌪𑌰𑌂𑌤𑌪 ॥ 11 ॥

𑌏𑌵𑌮𑍁𑌕𑍍𑌤𑍍𑌵𑌾 𑌤𑍁 𑌸 𑌮𑍁𑌨𑌿𑌸𑍍𑌤𑌮𑌾𑌦𑌾𑌯 𑌨𑍃𑌪𑌾𑌤𑍍𑌮𑌜𑌮𑍍 ।
𑌜𑌗𑌾𑌮 𑌪𑌰𑌮𑌪𑍍𑌰𑍀𑌤𑍋 𑌵𑌿𑌶𑍍𑌵𑌾𑌮𑌿𑌤𑍍𑌰𑌸𑍍𑌸𑍍𑌵𑌮𑌾𑌶𑍍𑌰𑌮𑌮𑍍 ॥ 12 ॥

𑌤𑌂 𑌤𑌦𑌾 𑌦𑌂𑌡𑌕𑌾𑌰𑌣𑍍𑌯𑍇 𑌯𑌜𑍍𑌞𑌮𑍁𑌦𑍍𑌦𑌿𑌶𑍍𑌯 𑌦𑍀𑌕𑍍𑌷𑌿𑌤𑌮𑍍 ।
𑌬𑌭𑍂𑌵𑍋𑌪𑌸𑍍𑌥𑌿𑌤𑍋 𑌰𑌾𑌮𑌶𑍍𑌚𑌿𑌤𑍍𑌰𑌂 𑌵𑌿𑌷𑍍𑌫𑌾𑌰𑌯𑌂𑌧𑌨𑍁𑌃 ॥ 13 ॥

𑌅𑌜𑌾𑌤𑌵𑍍𑌯𑌂𑌜𑌨𑌶𑍍𑌰𑍀𑌮𑌾𑌨𑍍𑌪𑌦𑍍𑌮𑌪𑌤𑍍𑌰𑌨𑌿𑌭𑍇𑌕𑍍𑌷𑌣𑌃 ।
𑌏𑌕𑌵𑌸𑍍𑌤𑍍𑌰𑌧𑌰𑍋 𑌧𑌨𑍍𑌵𑍀 𑌶𑌿𑌖𑍀 𑌕𑌨𑌕𑌮𑌾𑌲𑌯𑌾 ॥ 14 ॥

𑌶𑍋𑌭𑌯𑌨𑍍 𑌦𑌂𑌡𑌕𑌾𑌰𑌣𑍍𑌯𑌂 𑌦𑍀𑌪𑍍𑌤𑍇𑌨 𑌸𑍍𑌵𑍇𑌨 𑌤𑍇𑌜𑌸𑌾 ।
𑌅𑌦𑍃𑌶𑍍𑌯𑌤 𑌤𑌤𑍋 𑌰𑌾𑌮𑍋 𑌬𑌾𑌲𑌚𑌂𑌦𑍍𑌰 𑌇𑌵𑍋𑌦𑌿𑌤𑌃 ॥ 15 ॥

𑌤𑌤𑍋𑌽𑌹𑌂 𑌮𑍇𑌘𑌸𑌂𑌕𑌾𑌶𑌸𑍍𑌤𑌪𑍍𑌤𑌕𑌾𑌂𑌚𑌨𑌕𑍁𑌂𑌡𑌲𑌃 ।
𑌬𑌲𑍀 𑌦𑌤𑍍𑌤𑌵𑌰𑍋𑌦𑌰𑍍𑌪𑌾𑌦𑌾𑌜𑌗𑌾𑌮 𑌤𑌦𑌾𑌶𑍍𑌰𑌮𑌮𑍍 ॥ 16 ॥

𑌤𑍇𑌨 𑌦𑍃𑌷𑍍𑌟𑌃 𑌪𑍍𑌰𑌵𑌿𑌷𑍍𑌟𑍋𑌽𑌹𑌂 𑌸𑌹𑌸𑍈𑌵𑍋𑌦𑍍𑌯𑌤𑌾𑌯𑍁𑌧𑌃 ।
𑌮𑌾𑌂 𑌤𑍁 𑌦𑍃𑌷𑍍𑌟𑍍𑌵𑌾 𑌧𑌨𑍁𑌸𑍍𑌸𑌜𑍍𑌯𑌮𑌸𑌂𑌭𑍍𑌰𑌾𑌂𑌤𑌶𑍍𑌚𑌕𑌾𑌰 𑌸𑌃 ॥ 1𑍭 ॥

𑌅𑌵𑌜𑌾𑌨𑌨𑍍𑌨𑌹𑌂 𑌮𑍋𑌹𑌾𑌦𑍍𑌬𑌾𑌲𑍋𑌽𑌯𑌮𑌿𑌤𑌿 𑌰𑌾𑌘𑌵𑌮𑍍 ।
𑌵𑌿𑌶𑍍𑌵𑌾𑌮𑌿𑌤𑍍𑌰𑌸𑍍𑌯 𑌤𑌾𑌂 𑌵𑍇𑌦𑌿𑌮𑌭𑍍𑌯𑌧𑌾𑌵𑌂 𑌕𑍃𑌤𑌤𑍍𑌵𑌰𑌃 ॥ 1𑍮 ॥

𑌤𑍇𑌨 𑌮𑍁𑌕𑍍𑌤𑌸𑍍𑌤𑌤𑍋 𑌬𑌾𑌣𑌃 𑌶𑌿𑌤𑌶𑍍𑌶𑌤𑍍𑌰𑍁𑌨𑌿𑌬𑌰𑍍𑌹𑌣𑌃 ।
𑌤𑍇𑌨𑌾𑌹𑌂 𑌤𑍍𑌵𑌾𑌹𑌤𑌃 𑌕𑍍𑌷𑌿𑌪𑍍𑌤𑌸𑍍𑌸𑌮𑍁𑌦𑍍𑌰𑍇 𑌶𑌤𑌯𑍋𑌜𑌨𑍇 ॥ 1𑍯 ॥

𑌨𑍇𑌚𑍍𑌛𑌤𑌾 𑌤𑌾𑌤 𑌮𑌾𑌂 𑌹𑌂𑌤𑍁𑌂 𑌤𑌦𑌾 𑌵𑍀𑌰𑍇𑌣 𑌰𑌕𑍍𑌷𑌿𑌤𑌃 ।
𑌰𑌾𑌮𑌸𑍍𑌯 𑌶𑌰𑌵𑍇𑌗𑍇𑌨 𑌨𑌿𑌰𑌸𑍍𑌤𑍋𑌽𑌹𑌮𑌚𑍇𑌤𑌨𑌃 ॥ 20 ॥

𑌪𑌾𑌤𑌿𑌤𑍋𑌽𑌹𑌂 𑌤𑌦𑌾 𑌤𑍇𑌨 𑌗𑌂𑌭𑍀𑌰𑍇 𑌸𑌾𑌗𑌰𑌾𑌂𑌭𑌸𑌿 ।
𑌪𑍍𑌰𑌾𑌪𑍍𑌯 𑌸𑌂𑌜𑍍𑌞𑌾𑌂 𑌚𑌿𑌰𑌾𑌤𑍍𑌤𑌾𑌤 𑌲𑌂𑌕𑌾𑌂 𑌪𑍍𑌰𑌤𑌿𑌗𑌤𑌃 𑌪𑍁𑌰𑍀𑌮𑍍 ॥ 21 ॥

𑌏𑌵𑌮𑌸𑍍𑌮𑌿 𑌤𑌦𑌾 𑌮𑍁𑌕𑍍𑌤𑌸𑍍𑌸𑌹𑌾𑌯𑌾𑌸𑍍𑌤𑍁 𑌨𑌿𑌪𑌾𑌤𑌿𑌤𑌾𑌃 ।
𑌅𑌕𑍃𑌤𑌾𑌸𑍍𑌤𑍍𑌰𑍇𑌣 𑌬𑌾𑌲𑍇𑌨 𑌰𑌾𑌮𑍇𑌣𑌾𑌕𑍍𑌲𑌿𑌷𑍍𑌟𑌕𑌰𑍍𑌮𑌣𑌾 ॥ 22 ॥

𑌤𑌨𑍍𑌮𑌯𑌾 𑌵𑌾𑌰𑍍𑌯𑌮𑌾𑌣𑌸𑍍𑌤𑍍𑌵𑌂 𑌯𑌦𑌿 𑌰𑌾𑌮𑍇𑌣 𑌵𑌿𑌗𑍍𑌰𑌹𑌮𑍍 ।
𑌕𑌰𑌿𑌷𑍍𑌯𑌸𑍍𑌯𑌾𑌪𑌦𑌂 𑌘𑍋𑌰𑌾𑌂 𑌕𑍍𑌷𑌿𑌪𑍍𑌰𑌂 𑌪𑍍𑌰𑌾𑌪𑍍𑌸𑍍𑌯𑌸𑌿 𑌰𑌾𑌵𑌣 ॥ 23 ॥

𑌕𑍍𑌰𑍀𑌡𑌾𑌰𑌤𑌿𑌵𑌿𑌧𑌿𑌜𑍍𑌞𑌾𑌨𑌾𑌂 𑌸𑌮𑌾𑌜𑍋𑌤𑍍𑌸𑌵𑌶𑌾𑌲𑌿𑌨𑌾𑌮𑍍 ।
𑌰𑌕𑍍𑌷𑌸𑌾𑌂 𑌚𑍈𑌵 𑌸𑌂𑌤𑌾𑌪𑌮𑌨𑌰𑍍𑌥𑌂 𑌚𑌾𑌹𑌰𑌿𑌷𑍍𑌯𑌸𑌿 ॥ 24 ॥

𑌹𑌰𑍍𑌮𑍍𑌯𑌪𑍍𑌰𑌾𑌸𑌾𑌦𑌸𑌂𑌬𑌾𑌧𑌾𑌂 𑌨𑌾𑌨𑌾𑌰𑌤𑍍𑌨𑌵𑌿𑌭𑍂𑌷𑌿𑌤𑌾𑌮𑍍 ।
𑌦𑍍𑌰𑌕𑍍𑌷𑍍𑌯𑌸𑌿 𑌤𑍍𑌵𑌂 𑌪𑍁𑌰𑍀𑌂 𑌲𑌂𑌕𑌾𑌂 𑌵𑌿𑌨𑌷𑍍𑌟𑌾𑌂 𑌮𑍈𑌥𑌿𑌲𑍀𑌕𑍃𑌤𑍇 ॥ 25 ॥

𑌅𑌕𑍁𑌰𑍍𑌵𑌂𑌤𑍋𑌽𑌪𑌿 𑌪𑌾𑌪𑌾𑌨𑌿 𑌶𑍁𑌚𑌯𑌃 𑌪𑌾𑌪𑌸𑌂𑌶𑍍𑌰𑌯𑌾𑌤𑍍 ।
𑌪𑌰𑌪𑌾𑌪𑍈𑌰𑍍𑌵𑌿𑌨𑌶𑍍𑌯𑌂𑌤𑌿 𑌮𑌤𑍍𑌸𑍍𑌯𑌾 𑌨𑌾𑌗𑌹𑍍𑌰𑌦𑍇 𑌯𑌥𑌾 ॥ 26 ॥

𑌦𑌿𑌵𑍍𑌯𑌚𑌂𑌦𑌨𑌦𑌿𑌗𑍍𑌧𑌾𑌂𑌗𑌾𑌂𑌦𑌿𑌵𑍍𑌯𑌾𑌭𑌰𑌣𑌭𑍂𑌷𑌿𑌤𑌾𑌨𑍍 ।
𑌦𑍍𑌰𑌕𑍍𑌷𑍍𑌯𑌸𑍍𑌯𑌭𑌿𑌹𑌤𑌾𑌨𑍍𑌭𑍂𑌮𑍌 𑌤𑌵 𑌦𑍋𑌷𑌾𑌤𑍍𑌤𑍁 𑌰𑌾𑌕𑍍𑌷𑌸𑌾𑌨𑍍 ॥ 2𑍭 ॥

𑌹𑍃𑌤𑌦𑌾𑌰𑌾𑌨𑍍 𑌸𑌦𑌾𑌰𑌾𑌂𑌶𑍍𑌚 𑌦𑌶 𑌵𑌿𑌦𑍍𑌰𑌵𑌤𑍋 𑌦𑌿𑌶𑌃 ।
𑌹𑌤𑌶𑍇𑌷𑌾𑌨𑌶𑌰𑌣𑌾𑌂𑌦𑍍𑌰𑌕𑍍𑌷𑍍𑌯𑌸𑌿 𑌤𑍍𑌵𑌂 𑌨𑌿𑌶𑌾𑌚𑌰𑌾𑌨𑍍 ॥ 2𑍮 ॥

𑌶𑌰𑌜𑌾𑌲𑌪𑌰𑌿𑌕𑍍𑌷𑌿𑌪𑍍𑌤𑌾𑌮𑌗𑍍𑌨𑌿𑌜𑍍𑌵𑌾𑌲𑌾𑌸𑌮𑌾𑌵𑍃𑌤𑌾𑌮𑍍 ।
𑌪𑍍𑌰𑌦𑌗𑍍𑌧𑌭𑌵𑌨𑌾𑌂 𑌲𑌂𑌕𑌾𑌂 𑌦𑍍𑌰𑌕𑍍𑌷𑍍𑌯𑌸𑌿 𑌤𑍍𑌵𑌂 𑌨 𑌸𑌂𑌶𑌯𑌃 ॥ 2𑍯 ॥

𑌪𑌰𑌦𑌾𑌰𑌾𑌭𑌿𑌮𑌰𑍍𑌶𑌾𑌤𑍍𑌤𑍁 𑌨𑌾𑌨𑍍𑌯𑌤𑍍𑌪𑌾𑌪𑌤𑌰𑌂 𑌮𑌹𑌤𑍍 ।
𑌪𑍍𑌰𑌮𑌦𑌾𑌨𑌾𑌂 𑌸𑌹𑌸𑍍𑌰𑌂 𑌚 𑌤𑌵 𑌰𑌾𑌜𑌨𑍍𑌪𑌰𑌿𑌗𑍍𑌰𑌹𑌃 ॥ 30 ॥

𑌭𑌵 𑌸𑍍𑌵𑌦𑌾𑌰𑌨𑌿𑌰𑌤𑌸𑍍𑌵𑌕𑍁𑌲𑌂 𑌰𑌕𑍍𑌷 𑌰𑌾𑌕𑍍𑌷𑌸 ।
𑌮𑌾𑌨𑌮𑍃𑌦𑍍𑌧𑌿𑌂 𑌚 𑌰𑌾𑌜𑍍𑌯𑌂 𑌚 𑌜𑍀𑌵𑌿𑌤𑌂 𑌚𑍇𑌷𑍍𑌟𑌮𑌾𑌤𑍍𑌮𑌨𑌃 ॥ 31 ॥

𑌕𑌲𑌤𑍍𑌰𑌾𑌣𑌿 𑌚 𑌸𑍌𑌮𑍍𑌯𑌾𑌨𑌿 𑌮𑌿𑌤𑍍𑌰𑌵𑌰𑍍𑌗𑌂 𑌤𑌥𑍈𑌵 𑌚 ।
𑌯𑌦𑍀𑌚𑍍𑌛𑌸𑌿 𑌚𑌿𑌰𑌂 𑌭𑍋𑌕𑍍𑌤𑌂 𑌮𑌾 𑌕𑍃𑌥𑌾 𑌰𑌾𑌮𑌵𑌿𑌪𑍍𑌰𑌿𑌯𑌮𑍍 ॥ 32 ॥

𑌨𑌿𑌵𑌾𑌰𑍍𑌯𑌮𑌾𑌣𑌸𑍍𑌸𑍁𑌹𑍃𑌦𑌾 𑌮𑌯𑌾 𑌭𑍃𑌶𑌂 𑌪𑍍𑌰𑌸𑌹𑍍𑌯 𑌸𑍀𑌤𑌾𑌂 𑌯𑌦𑌿 𑌧𑌰𑍍𑌷𑌯𑌿𑌷𑍍𑌯𑌸𑌿 ।
𑌗𑌮𑌿𑌷𑍍𑌯𑌸𑌿 𑌕𑍍𑌷𑍀𑌣𑌬𑌲𑌸𑍍𑌸𑌬𑌾𑌂𑌧𑌵𑍋 𑌯𑌮𑌕𑍍𑌷𑌯𑌂 𑌰𑌾𑌮𑌶𑌰𑌾𑌤𑍍𑌤𑌜𑍀𑌵𑌿𑌤𑌃 ॥ 33 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌰𑌣𑍍𑌯𑌕𑌾𑌂𑌡𑍇 𑌅𑌷𑍍𑌟𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ॥


Browse Related Categories: