VR 4.63 Kishkindha Kanda - Sarga 63 - Grantha

Collection of Spiritual and Devotional Literature in Various Indian Languages

View this in:

4.63 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡 - 𑌤𑍍𑌰𑌿𑌷𑌷𑍍𑌟𑌿𑌤𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑌮𑍍 ।
𑌅𑌥 𑌤𑍍𑌰𑌿𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ।

𑌏𑌤𑍈𑌰𑌨𑍍𑌯𑍈𑌶𑍍𑌚 𑌬𑌹𑍁𑌭𑌿𑌰𑍍𑌵𑌾𑌕𑍍𑌯𑍈𑌰𑍍𑌵𑌾𑌕𑍍𑌯𑌵𑌿𑌶𑌾𑌰𑌦𑌃 ।
𑌮𑌾𑌂 𑌪𑍍𑌰𑌶𑌸𑍍𑌯𑌾𑌭𑍍𑌯𑌨𑍁𑌜𑍍𑌞𑌾𑌪𑍍𑌯 𑌪𑍍𑌰𑌵𑌿𑌷𑍍𑌟𑌸𑍍𑌸 𑌸𑍍𑌵𑌮𑌾𑌲𑌯𑌮𑍍 ॥ 1 ॥

𑌕𑌂𑌦𑌰𑌾𑌤𑍍𑌤𑍁 𑌵𑌿𑌸𑌰𑍍𑌪𑌿𑌤𑍍𑌵𑌾 𑌪𑌰𑍍𑌵𑌤𑌸𑍍𑌯 𑌶𑌨𑍈𑌶𑍍𑌶𑌨𑍈𑌃 ।
𑌅𑌹𑌂 𑌵𑌿𑌂𑌧𑍍𑌯𑌂 𑌸𑌮𑌾𑌰𑍁𑌹𑍍𑌯 𑌭𑌵𑌤𑌃 𑌪𑍍𑌰𑌤𑌿𑌪𑌾𑌲𑌯𑍇 ॥ 2 ॥

𑌅𑌦𑍍𑌯 𑌤𑍍𑌵𑍇𑌤𑌸𑍍𑌯 𑌕𑌾𑌲𑌸𑍍𑌯 𑌸𑌾𑌗𑍍𑌰𑌂 𑌵𑌰𑍍𑌷𑌶𑌤𑌂 𑌗𑌤𑌮𑍍 ।
𑌦𑍇𑌶𑌕𑌾𑌲𑌪𑍍𑌰𑌤𑍀𑌕𑍍𑌷𑍋𑌽𑌸𑍍𑌮𑌿 𑌹𑍃𑌦𑌿 𑌕𑍃𑌤𑍍𑌵𑌾 𑌮𑍁𑌨𑍇𑌰𑍍𑌵𑌚𑌃 ॥ 3 ॥

𑌮𑌹𑌾𑌪𑍍𑌰𑌸𑍍𑌥𑌾𑌨𑌮𑌾𑌸𑌾𑌦𑍍𑌯 𑌸𑍍𑌵𑌰𑍍𑌗𑌤𑍇 𑌤𑍁 𑌨𑌿𑌶𑌾𑌕𑌰𑍇 ।
𑌮𑌾𑌂 𑌨𑌿𑌰𑍍𑌦𑌹𑌤𑌿 𑌸𑌂𑌤𑌾𑌪𑍋 𑌵𑌿𑌤𑌰𑍍𑌕𑍈𑌰𑍍𑌬𑌹𑍁𑌭𑌿𑌰𑍍𑌵𑍃𑌤𑌮𑍍 ॥ 4 ॥

𑌉𑌤𑍍𑌥𑌿𑌤𑌾𑌂 𑌮𑌰𑌣𑍇 𑌬𑍁𑌦𑍍𑌧𑌿𑌂 𑌮𑍁𑌨𑌿𑌵𑌾𑌕𑍍𑌯𑍈𑌰𑍍𑌨𑌿𑌵𑌰𑍍𑌤𑌯𑍇 ।
𑌬𑍁𑌦𑍍𑌧𑌿𑌰𑍍𑌯𑌾 𑌤𑍇𑌨 𑌮𑍇 𑌦𑌤𑍍𑌤𑌾 𑌪𑍍𑌰𑌾𑌣𑌾𑌨𑌾𑌂 𑌰𑌕𑍍𑌷𑌣𑌾𑌯 𑌤𑍁 ॥ 5 ॥

𑌸𑌾 𑌮𑍇𑌽𑌪𑌨𑌯𑌤𑍇 𑌦𑍁𑌃𑌖𑌂 𑌦𑍀𑌪𑍍𑌤𑍇𑌵𑌾𑌗𑍍𑌨𑌿𑌶𑌿𑌖𑌾 𑌤𑌮𑌃 ।
𑌬𑍁𑌦𑍍𑌧𑍍𑌯𑌤𑌾 𑌚 𑌮𑌯𑌾 𑌵𑍀𑌰𑍍𑌯𑌂 𑌰𑌾𑌵𑌣𑌸𑍍𑌯 𑌦𑍁𑌰𑌾𑌤𑍍𑌮𑌨𑌃 ॥ 6 ॥

𑌪𑍁𑌤𑍍𑌰𑌸𑍍𑌸𑌂𑌤𑌰𑍍𑌜𑌿𑌤𑍋 𑌵𑌾𑌗𑍍𑌭𑌿𑌰𑍍𑌨 𑌤𑍍𑌰𑌾𑌤𑌾 𑌮𑍈𑌥𑌿𑌲𑍀 𑌕𑌥𑌮𑍍 ।
𑌤𑌸𑍍𑌯𑌾 𑌵𑌿𑌲𑌪𑌿𑌤𑌂 𑌶𑍍𑌰𑍁𑌤𑍍𑌵𑌾 𑌤𑍌 𑌚 𑌸𑍀𑌤𑌾𑌵𑌿𑌨𑌾𑌕𑍃𑌤𑍌 ॥ 𑍭 ॥

𑌨 𑌮𑍇 𑌦𑌶𑌰𑌥𑌸𑍍𑌨𑍇𑌹𑌾𑌤𑍍𑌪𑍁𑌤𑍍𑌰𑍇𑌣𑍋𑌤𑍍𑌪𑌾𑌦𑌿𑌤𑌂 𑌪𑍍𑌰𑌿𑌯𑌮𑍍 ।
𑌤𑌸𑍍𑌯 𑌤𑍍𑌵𑍇𑌵𑌂 𑌬𑍍𑌰𑍁𑌵𑌾𑌣𑌸𑍍𑌯 𑌸𑌂𑌪𑌾𑌤𑍇𑌰𑍍𑌵𑌾𑌨𑌰𑍈𑌸𑍍𑌸𑌹 ॥ 𑍮 ॥

𑌉𑌤𑍍𑌪𑍇𑌤𑌤𑍁𑌸𑍍𑌤𑌦𑌾 𑌪𑌕𑍍𑌷𑍌 𑌸𑌮𑌕𑍍𑌷𑌂 𑌵𑌨𑌚𑌾𑌰𑌿𑌣𑌾𑌮𑍍 ।
𑌸 𑌦𑍃𑌷𑍍𑌟𑍍𑌵𑌾 𑌸𑍍𑌵𑌾𑌂 𑌤𑌨𑍁𑌂 𑌪𑌕𑍍𑌷𑍈𑌰𑍁𑌦𑍍𑌗𑌤𑍈𑌰𑌰𑍁𑌣𑌚𑍍𑌛𑌦𑍈𑌃 ॥ 𑍯 ॥

𑌪𑍍𑌰𑌹𑌰𑍍𑌷𑌮𑌤𑍁𑌲𑌂 𑌲𑍇𑌭𑍇 𑌵𑌾𑌨𑌰𑌾𑌂𑌶𑍍𑌚𑍇𑌦𑌮𑌬𑍍𑌰𑌵𑍀𑌤𑍍 ।
𑌋𑌷𑍇𑌰𑍍𑌨𑌿𑌶𑌾𑌕𑌰𑌸𑍍𑌯𑍈𑌵 𑌪𑍍𑌰𑌭𑌾𑌵𑌾𑌦𑌮𑌿𑌤𑌾𑌤𑍍𑌮𑌨𑌃 ॥ 10 ॥

𑌆𑌦𑌿𑌤𑍍𑌯𑌰𑌶𑍍𑌮𑌿𑌨𑌿𑌰𑍍𑌦𑌗𑍍𑌧𑍌 𑌪𑌕𑍍𑌷𑍌 𑌮𑍇 𑌪𑍁𑌨𑌰𑍁𑌪𑌸𑍍𑌥𑌿𑌤𑍌 ।
𑌯𑍌𑌵𑌨𑍇 𑌵𑌰𑍍𑌤𑌮𑌾𑌨𑌸𑍍𑌯 𑌮𑌮𑌾𑌸𑍀𑌦𑍍𑌯𑌃 𑌪𑌰𑌾𑌕𑍍𑌰𑌮𑌃 ॥ 11 ॥

𑌤𑌮𑍇𑌵𑌾𑌦𑍍𑌯𑌾𑌵𑌗𑌚𑍍𑌛𑌾𑌮𑌿 𑌬𑌲𑌂 𑌪𑍌𑌰𑍁𑌷𑌮𑍇𑌵 𑌚 ।
𑌸𑌰𑍍𑌵𑌥𑌾 𑌕𑍍𑌰𑌿𑌯𑌤𑌾𑌂 𑌯𑌤𑍍𑌨 𑌸𑍍𑌸𑍀𑌤𑌾𑌮𑌧𑌿𑌗𑌮𑌿𑌷𑍍𑌯𑌥 ॥ 12 ॥

𑌪𑌕𑍍𑌷𑌲𑌾𑌭𑍋 𑌮𑌮𑌾𑌯𑌂 𑌵𑌸𑍍𑌸𑌿𑌦𑍍𑌧𑌿𑌪𑍍𑌰𑌤𑍍𑌯𑌯𑌕𑌾𑌰𑌕𑌃 ।
𑌇𑌤𑍍𑌯𑍁𑌕𑍍𑌤𑍍𑌵𑌾 𑌸 𑌤𑌾𑌨𑍍𑌹𑌰𑍀𑌨𑍍 𑌸𑌰𑍍𑌵𑌾𑌨𑍍𑌸𑌂𑌪𑌾𑌤𑌿𑌃 𑌪𑌤𑌗𑍋𑌤𑍍𑌤𑌮𑌃 ॥ 13 ॥

𑌉𑌤𑍍𑌪𑌪𑌾𑌤 𑌗𑌿𑌰𑍇𑌶𑍍𑌶𑍃𑌂𑌗𑌾𑌜𑍍𑌜𑌿𑌜𑍍𑌞𑌾𑌸𑍁𑌃 𑌖𑌗𑌮𑍋 𑌗𑌤𑌿𑌮𑍍 ।
𑌤𑌸𑍍𑌯 𑌤𑌦𑍍𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌪𑍍𑌰𑌤𑌿𑌸𑌂𑌹𑍃𑌷𑍍𑌟𑌮𑌾𑌨𑌸𑌾𑌃 ॥ 14 ॥

𑌬𑌭𑍂𑌵𑍁𑌰𑍍𑌹𑌰𑌿𑌶𑌾𑌰𑍍𑌦𑍂𑌲𑌾 𑌵𑌿𑌕𑍍𑌰𑌮𑌾𑌭𑍍𑌯𑍁𑌦𑌯𑍋𑌨𑍍𑌮𑍁𑌖𑌾𑌃 ।
𑌅𑌥 𑌪𑌵𑌨𑌸𑌮𑌾𑌨𑌵𑌿𑌕𑍍𑌰𑌮𑌾𑌃 𑌪𑍍𑌲𑌵𑌗𑌵𑌰𑌾𑌃 𑌪𑍍𑌰𑌤𑌿𑌲𑌬𑍍𑌧𑌪𑍌𑌰𑍁𑌷𑌾𑌃 ।
𑌅𑌭𑌿𑌜𑌿𑌦𑌭𑌿𑌮𑍁𑌖𑌾 𑌦𑌿𑌶𑌂 𑌯𑌯𑍁 𑌰𑍍𑌜𑌨𑌕𑌸𑍁𑌤𑌾𑌪𑌰𑌿𑌮𑌾𑌰𑍍𑌗𑌣𑍋𑌨𑍍𑌮𑍁𑌖𑌾𑌃 ॥ 15 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑍇 𑌤𑍍𑌰𑌿𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ॥

Browse Related Categories: