Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

5.61 𑌸𑍁𑌂𑌦𑌰𑌕𑌾𑌂𑌡 - 𑌏𑌕𑌷𑌷𑍍𑌟𑌿𑌤𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌸𑍁𑌂𑌦𑌰𑌕𑌾𑌂𑌡𑌮𑍍 ।
𑌅𑌥 𑌏𑌕𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ।

𑌤𑌤𑍋 𑌜𑌾𑌂𑌬𑌵𑌤𑍋 𑌵𑌾𑌕𑍍𑌯𑌮𑌗𑍃𑌹𑍍𑌣𑌂𑌤 𑌵𑌨𑍌𑌕𑌸𑌃 ।
𑌅𑌂𑌗𑌦𑌪𑍍𑌰𑌮𑍁𑌖𑌾 𑌵𑍀𑌰𑌾 𑌹𑌨𑍁𑌮𑌾𑌂𑌶𑍍𑌚 𑌮𑌹𑌾𑌕𑌪𑌿𑌃 ॥ 1 ॥

𑌪𑍍𑌰𑍀𑌤𑌿𑌮𑌂𑌤𑌸𑍍𑌤𑌤𑌃 𑌸𑌰𑍍𑌵𑍇 𑌵𑌾𑌯𑍁𑌪𑍁𑌤𑍍𑌰𑌪𑌰𑌸𑍍𑌪𑌰𑌾𑌃 ।
𑌮𑌹𑍇𑌂𑌦𑍍𑌰𑌾𑌦𑍍𑌰𑌿𑌂 𑌪𑌰𑌿𑌤𑍍𑌯𑌜𑍍𑌯 𑌪𑍁𑌪𑍍𑌲𑍁𑌵𑍁𑌃 𑌪𑍍𑌲𑌵𑌗𑌰𑍍𑌷𑌭𑌾𑌃 ॥ 2 ॥

𑌮𑍇𑌰𑍁𑌮𑌂𑌦𑌰𑌸𑌂𑌕𑌾𑌶𑌾 𑌮𑌤𑍍𑌤𑌾 𑌇𑌵 𑌮𑌹𑌾𑌗𑌜𑌾𑌃 ।
𑌛𑌾𑌦𑌯𑌂𑌤 𑌇𑌵𑌾𑌕𑌾𑌶𑌂 𑌮𑌹𑌾𑌕𑌾𑌯𑌾 𑌮𑌹𑌾𑌬𑌲𑌾𑌃 ॥ 3 ॥

𑌸𑌭𑌾𑌜𑍍𑌯𑌮𑌾𑌨𑌂 𑌭𑍂𑌤𑍈𑌸𑍍𑌤𑌮𑌾𑌤𑍍𑌮𑌵𑌂𑌤𑌂 𑌮𑌹𑌾𑌬𑌲𑌮𑍍 ।
𑌹𑌨𑍂𑌮𑌂𑌤𑌂 𑌮𑌹𑌾𑌵𑍇𑌗𑌂 𑌵𑌹𑌂𑌤 𑌇𑌵 𑌦𑍃𑌷𑍍𑌟𑌿𑌭𑌿𑌃 ॥ 4 ॥

𑌰𑌾𑌘𑌵𑍇 𑌚𑌾𑌰𑍍𑌥𑌨𑌿𑌰𑍍𑌵𑌵𑍃𑌤𑍍𑌤𑌿𑌂 𑌕𑌰𑍍𑌤𑍁𑌂 𑌚 𑌪𑌰𑌮𑌂 𑌯𑌶𑌃 ।
𑌸𑌮𑌾𑌧𑌾𑌯 𑌸𑌮𑍃𑌦𑍍𑌧𑌾𑌰𑍍𑌥𑌾𑌃 𑌸𑌰𑍍𑌵𑍇𑌸𑌿𑌦𑍍𑌧𑌿𑌭𑌿𑌰𑍁𑌨𑍍𑌨𑌤𑌾 ॥ 5 ॥

𑌪𑍍𑌰𑌿𑌯𑌾𑌖𑍍𑌯𑌾𑌨𑍋𑌨𑍍𑌮𑍁𑌖𑌾𑌃 𑌸𑌰𑍍𑌵𑍇 𑌸𑌰𑍍𑌵𑍇 𑌯𑍁𑌦𑍍𑌧𑌾𑌭𑌿𑌨𑌂𑌦𑌿𑌨𑌃 ।
𑌸𑌰𑍍𑌵𑍇 𑌰𑌾𑌮𑌪𑍍𑌰𑌤𑍀𑌕𑌾𑌰𑍇 𑌨𑌿𑌶𑍍𑌚𑌿𑌤𑌾𑌰𑍍𑌥𑌾 𑌮𑌨𑌸𑍍𑌸𑍍𑌵𑌿𑌨𑌃 ॥ 6 ॥

𑌪𑍍𑌲𑌵𑌮𑌾𑌨𑌾𑌃 𑌖𑌮𑌾𑌪𑍍𑌲𑍁𑌤𑍍𑌯 𑌤𑌤𑌸𑍍𑌤𑍇 𑌕𑌾𑌨𑌨𑍌𑌕𑌸𑌃 ।
𑌨𑌂𑌦𑌨𑍋𑌪𑌮𑌯𑌾𑌸𑍇𑌦𑍁𑌰𑍍𑌵𑌨𑌂 𑌦𑍍𑌰𑍁𑌮𑌲𑌤𑌾𑌯𑍁𑌤𑌮𑍍 ॥ 𑍭 ॥

𑌯𑌤𑍍𑌤𑌨𑍍𑌮𑌧𑍁𑌵𑌨𑌂 𑌨𑌾𑌮 𑌸𑍁𑌗𑍍𑌰𑍀𑌵𑌸𑍍𑌯𑌾𑌭𑌿𑌰𑌕𑍍𑌷𑌿𑌤𑌮𑍍 ।
𑌅𑌧𑍃𑌷𑍍𑌯𑌂 𑌸𑌰𑍍𑌵𑌭𑍂𑌤𑌾𑌨𑌾𑌂 𑌸𑌰𑍍𑌵𑌭𑍂𑌤𑌮𑌨𑍋𑌹𑌰𑌮𑍍 ॥ 𑍮 ॥

𑌯𑌦𑍍𑌰𑌕𑍍𑌷𑌤𑌿 𑌮𑌹𑌾𑌵𑍀𑌰𑍍𑌯 𑌸𑍍𑌸𑌦𑌾 𑌦𑌧𑌿𑌮𑍁𑌖𑌃 𑌕𑌪𑌿𑌃 ।
𑌮𑌾𑌤𑍁𑌲𑌃 𑌕𑌪𑌿𑌮𑍁𑌖𑍍𑌯𑌸𑍍𑌯 𑌸𑍁𑌗𑍍𑌰𑍀𑌵𑌸𑍍𑌯 𑌮𑌹𑌾𑌤𑍍𑌮𑌨𑌃 ॥ 𑍯 ॥

𑌤𑍇 𑌤𑌦𑍍𑌵𑌨𑌮𑍁𑌪𑌾𑌗𑌮𑍍𑌯 𑌬𑌭𑍂𑌵𑍁𑌃 𑌪𑌰𑌮𑍋𑌤𑍍𑌕𑌟𑌾𑌃 ।
𑌵𑌾𑌨𑌰𑌾 𑌵𑌾𑌨𑌰𑍇𑌂𑌦𑍍𑌰𑌸𑍍𑌯 𑌮𑌨𑌃 𑌕𑌾𑌂𑌤𑌤𑌮𑌂 𑌮𑌹𑌤𑍍 ॥ 10 ॥

𑌤𑌤𑌸𑍍𑌤𑍇 𑌵𑌾𑌨𑌰𑌾 𑌹𑍃𑌷𑍍𑌟𑌾 𑌦𑍃𑌷𑍍𑌟𑌵𑌾 𑌮𑌧𑍁𑌵𑌨𑌂 𑌮𑌹𑌤𑍍 ।
𑌕𑍁𑌮𑌾𑌰𑌮𑌭𑍍𑌯𑌯𑌾𑌚𑌂𑌤 𑌮𑌧𑍂𑌨𑌿 𑌮𑌧𑍁𑌪𑌿𑌂𑌗𑌲𑌾𑌃 ॥ 11 ॥

𑌤𑌤𑌃 𑌕𑍁𑌮𑌾𑌰𑌸𑍍𑌤𑌾𑌨𑍍 𑌵𑍃𑌦𑍍𑌧𑌾𑌨𑍍 𑌜𑌾𑌂𑌬𑌵𑌤𑍍𑌪𑍍𑌰𑌮𑍁𑌖𑌾𑌨𑍍 𑌕𑌪𑍀𑌨𑍍 ।
𑌅𑌨𑍁𑌮𑌾𑌨𑍍𑌯 𑌦𑌦𑍌 𑌤𑍇𑌷𑌾𑌂 𑌵𑌿𑌸𑌰𑍍𑌗𑌂 𑌮𑌧𑍁𑌭𑌿𑌕𑍍𑌷𑌣𑍇 ॥ 12 ॥

𑌤𑌤𑌶𑍍𑌚𑌾𑌨𑍁𑌮𑌤𑌾 𑌸𑍍𑌸𑌰𑍍𑌵𑍇 𑌸𑌂𑌪𑍍𑌰𑌹𑍃𑌷𑍍𑌟𑌾 𑌵𑌨𑍌𑌕𑌸𑌃 ।
𑌮𑍁𑌦𑌿𑌤𑌾𑌃 𑌪𑍍𑌰𑍇𑌰𑌿𑌤𑌾𑌶𑍍𑌚𑌾𑌪𑌿 𑌪𑍍𑌰𑌨𑍃𑌤𑍍𑌯𑌂𑌤𑍋𑌽𑌭𑌵𑌂𑌸𑍍𑌤𑌦𑌾 ॥ 13 ॥

𑌗𑌾𑌯𑌂𑌤𑌿 𑌕𑍇𑌚𑌿𑌤𑍍𑌪𑍍𑌰𑌣𑌮𑌂𑌤𑌿 𑌕𑍇𑌚𑌿𑌨𑍍𑌨𑍃𑌤𑍍𑌯𑌂𑌤𑌿 𑌕𑍇𑌚𑌿𑌤𑍍𑌪𑍍𑌰𑌹𑌸𑌂𑌤𑌿 𑌕𑍇𑌚𑌿𑌤𑍍 ।
𑌪𑌤𑌂𑌤𑌿 𑌕𑍇𑌚𑌿𑌦𑍍𑌵𑌿𑌚𑌰𑌂𑌤𑌿 𑌕𑍇𑌚𑌿𑌤𑍍𑌲𑍍𑌪𑌵𑌂𑌤𑌿 𑌕𑍇𑌚𑌿𑌤𑍍𑌪𑍍𑌰𑌲𑌪𑌂𑌤𑌿 𑌕𑍇𑌚𑌿𑌤𑍍 ॥ 14 ॥

𑌪𑌰𑌸𑍍𑌪𑌰𑌂 𑌕𑍇𑌚𑌿𑌦𑍁𑌪𑌾𑌶𑍍𑌰𑌯𑌂𑌤𑍇 𑌪𑌰𑌸𑍍𑌪𑌰𑌂 𑌕𑍇𑌚𑌿𑌦𑍁𑌪𑌾𑌕𑍍𑌰𑌮𑌂𑌤𑍇 ।
𑌪𑌰𑌸𑍍𑌪𑌰𑌂 𑌕𑍇𑌚𑌿𑌦𑍁𑌪𑌬𑍍𑌰𑍁𑌵𑌂𑌤𑍇 𑌪𑌰𑌸𑍍𑌪𑌰𑌂 𑌕𑍇𑌚𑌿𑌦𑍁𑌪𑌾𑌰𑌮𑌂𑌤𑍇 ॥ 15 ॥

𑌦𑍍𑌰𑍁𑌮𑌾𑌦𑍍𑌦𑍍𑌰𑍁𑌮𑌂 𑌕𑍇𑌚𑌿𑌦𑌭𑌿𑌦𑍍𑌰𑌵𑌂𑌤𑍇 𑌕𑍍𑌷𑌿𑌤𑍌 𑌨𑌗𑌾𑌗𑍍𑌰𑌾𑌨𑍍𑌨𑌿𑌪𑌤𑌂𑌤𑌿 𑌕𑍇𑌚𑌿𑌤𑍍 ।
𑌮𑌹𑍀𑌤𑌲𑌾𑌤𑍍𑌕𑍇𑌚𑌿𑌦𑍁𑌦𑍀𑌰𑍍𑌣𑌵𑍇𑌗𑌾 𑌮𑌹𑌾𑌦𑍍𑌰𑍁𑌮𑌾𑌗𑍍𑌰𑌾𑌣𑍍𑌯𑌭𑌿𑌸𑌂𑌪𑌤𑌂𑌤𑌿 ॥ 16 ॥

𑌗𑌾𑌯𑌂𑌤𑌮𑌨𑍍𑌯𑌃 𑌪𑍍𑌰𑌹𑌸𑌨𑍍𑌨𑍁𑌪𑍈𑌤𑌿 𑌹𑌸𑌂𑌤𑌮𑌨𑍍𑌯𑌃 𑌪𑍍𑌰𑌰𑍁𑌦𑌨𑍍𑌨𑍁𑌪𑍈𑌤𑌿 ।
𑌰𑍁𑌦𑌂𑌤𑌮𑌨𑍍𑌯𑌃 𑌪𑍍𑌰𑌣𑍁𑌦𑌨𑍍𑌨𑍁𑌪𑍈𑌤𑌿 𑌨𑍁𑌦𑌂𑌤𑌮𑌨𑍍𑌯𑌃 𑌪𑍍𑌰𑌣𑌦𑌨𑍍𑌨𑍁𑌪𑍈𑌤𑌿 ॥ 1𑍭 ॥

𑌸𑌮𑌾𑌕𑍁𑌲𑌂 𑌤𑌤𑍍𑌕𑌪𑌿𑌸𑍈𑌨𑍍𑌯𑌮𑌾𑌸𑍀𑌨𑍍𑌮𑌧𑍁𑌪𑍍𑌰𑌸𑌾𑌨𑍋𑌤𑍍𑌕𑌟𑌸𑌤𑍍𑌤𑍍𑌵𑌚𑍇𑌷𑍍𑌟𑌮𑍍 ।
𑌨 𑌚𑌾𑌤𑍍𑌰 𑌕𑌶𑍍𑌚𑌿𑌨𑍍𑌨 𑌬𑌭𑍂𑌵 𑌮𑌤𑍍𑌤𑍋 𑌨 𑌚𑌾𑌤𑍍𑌰 𑌕𑌶𑍍𑌚𑌿𑌨𑍍𑌨 𑌬𑌭𑍂𑌵 𑌤𑍃𑌪𑍍𑌤𑌃 ॥ 1𑍮 ॥

𑌤𑌤𑍋 𑌵𑌨𑌂 𑌤𑌤𑍍𑌪𑌰𑌿𑌭𑌕𑍍𑌷𑍍𑌯𑌮𑌾𑌣𑌂 𑌦𑍍𑌰𑍁𑌮𑌾𑌂𑌶𑍍𑌚 𑌵𑌿𑌧𑍍𑌵𑌂𑌸𑌿𑌤𑌪𑌤𑍍𑌰𑌪𑍁𑌷𑍍𑌪𑌾𑌨𑍍 ।
𑌸𑌮𑍀𑌕𑍍𑌷𑍍𑌯 𑌕𑍋𑌪𑌾𑌦𑍍𑌧𑌧𑌿𑌵𑌕𑍍𑌰𑌨𑌾𑌮𑌾 𑌨𑌿𑌵𑌾𑌰𑌯𑌾𑌮𑌾𑌸 𑌕𑌪𑌿𑌃 𑌕𑌪𑍀𑌂𑌸𑍍𑌤𑌾𑌨𑍍 ॥ 1𑍯 ॥

𑌸 𑌤𑍈𑌃 𑌪𑍍𑌰𑌵𑍃𑌦𑍍𑌧𑍈𑌃 𑌪𑌰𑌿𑌭𑌰𑍍𑌤𑍍𑌸𑍍𑌯𑌮𑌾𑌨𑍋 𑌵𑌨𑌸𑍍𑌯 𑌗𑍋𑌪𑍍𑌤𑌾 𑌹𑌰𑌿𑌵𑍀𑌰𑌵𑍃𑌦𑍍𑌧𑌃 ।
𑌚𑌕𑌾𑌰 𑌭𑍂𑌯𑍋 𑌮𑌤𑌿𑌮𑍁𑌗𑍍𑌰𑌤𑍇𑌜𑌾 𑌵𑌨𑌸𑍍𑌯 𑌰𑌕𑍍𑌷𑌾𑌂 𑌪𑍍𑌰𑌤𑌿 𑌵𑌾𑌨𑌰𑍇𑌭𑍍𑌯𑌃 ॥ 20 ॥

𑌉𑌵𑌾𑌚 𑌕𑌾𑌂𑌶𑍍𑌚𑌿𑌤𑍍𑌪𑌰𑍁𑌷𑌾𑌣𑌿 𑌧𑍃𑌷𑍍𑌟𑌮𑌸𑌕𑍍𑌤𑌮𑌨𑍍𑌯𑌾𑌂𑌶𑍍𑌚 𑌤𑌲𑍈𑌰𑍍𑌜𑌘𑌾𑌨 ।
𑌸𑌮𑍇𑌤𑍍𑌯 𑌕𑍈𑌶𑍍𑌚𑌿𑌤𑍍𑌕𑌲𑌹𑌂 𑌚𑌕𑌾𑌰 𑌤𑌥𑍈𑌵 𑌸𑌾𑌮𑍍𑌨𑍋𑌪𑌜𑌗𑌾𑌮 𑌕𑌾𑌂𑌶𑍍𑌚𑌿𑌤𑍍 ॥ 21 ॥

𑌸 𑌤𑍈𑌰𑍍𑌮𑌦𑌾𑌤𑍍𑌸𑌂𑌪𑌰𑌿𑌵𑌾𑌰𑍍𑌯 𑌵𑌾𑌕𑍍𑌯𑍈𑌰𑍍𑌭𑌲𑌾𑌚𑍍𑌛 𑌤𑍇𑌨 𑌪𑍍𑌰𑌤𑌿𑌵𑌾𑌰𑍍𑌯𑌮𑌾𑌣𑍈𑌃 ।
𑌪𑍍𑌰𑌧𑌰𑍍𑌷𑌿𑌤𑌸𑍍𑌤𑍍𑌯𑌕𑍍𑌤𑌭𑌯𑍈 𑌸𑍍𑌸𑌮𑍇𑌤𑍍𑌯 𑌪𑍍𑌰𑌕𑍃𑌷𑍍𑌯𑌤𑍇 𑌚𑌾𑌪𑍍𑌯𑌨𑌵𑍇𑌕𑍍𑌷𑍍𑌯 𑌦𑍋𑌷𑌮𑍍 ॥ 22 ॥

𑌨𑌖𑍈𑌸𑍍𑌤𑍁𑌦𑌂𑌤𑍋 𑌦𑌶𑌨𑍈𑌰𑍍𑌦𑌶𑌂𑌤 𑌸𑍍𑌤𑌲𑍈𑌶𑍍𑌚 𑌪𑌾𑌦𑍈𑌶𑍍𑌚 𑌸𑌮𑌾𑌪𑌯𑌂𑌤𑌃 ।
𑌮𑌦𑌾𑌤𑍍𑌕𑌪𑌿𑌂 𑌤𑌂 𑌕𑌪𑌯 𑌸𑍍𑌸𑌮𑌗𑍍𑌰𑌾 𑌮𑌹𑌾𑌵𑌨𑌂 𑌨𑌿𑌰𑍍𑌵𑌿𑌷𑌯𑌂 𑌚 𑌚𑌕𑍍𑌰𑍁𑌃 ॥ 23 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌸𑍁𑌂𑌦𑌰𑌕𑌾𑌂𑌡𑍇 𑌏𑌕𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ॥


Browse Related Categories: