𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌰𑌣𑍍𑌯𑌕𑌾𑌂𑌡𑌮𑍍 ।
𑌅𑌥 𑌦𑍍𑌵𑌾𑌦𑌶𑌸𑍍𑌸𑌰𑍍𑌗𑌃 ।
𑌸𑌪𑍍𑌰𑌵𑌿𑌶𑍍𑌯𑌾𑌽𑌶𑍍𑌰𑌮𑌪𑌦𑌂 𑌲𑌕𑍍𑌷𑍍𑌮𑌣𑍋 𑌰𑌾𑌘𑌵𑌾𑌨𑍁𑌜𑌃 ।
𑌅𑌗𑌸𑍍𑌤𑍍𑌯𑌶𑌿𑌷𑍍𑌯𑌮𑌾𑌸𑌾𑌦𑍍𑌯 𑌵𑌾𑌕𑍍𑌯𑌮𑍇𑌤𑌦𑍁𑌵𑌾𑌚 𑌹 ॥ 1 ॥
𑌰𑌾𑌜𑌾 𑌦𑌶𑌰𑌥𑍋 𑌨𑌾𑌮 𑌜𑍍𑌯𑍇𑌷𑍍𑌠𑌸𑍍𑌤𑌸𑍍𑌯 𑌸𑍁𑌤𑍋 𑌬𑌲𑍀 ।
𑌰𑌾𑌮𑌃 𑌪𑍍𑌰𑌾𑌪𑍍𑌤𑍋 𑌮𑍁𑌨𑌿𑌂 𑌦𑍍𑌰𑌷𑍍𑌟𑍁𑌂 𑌭𑌾𑌰𑍍𑌯𑌯𑌾 𑌸𑌹 𑌸𑍀𑌤𑌯𑌾 ॥ 2 ॥
𑌲𑌕𑍍𑌷𑍍𑌮𑌣𑍋 𑌨𑌾𑌮 𑌤𑌸𑍍𑌯𑌾𑌹𑌂 𑌭𑍍𑌰𑌾𑌤𑌾 𑌤𑍍𑌵𑌵𑌰𑌜𑍋 𑌹𑌿𑌤𑌃 ।
𑌅𑌨𑍁𑌕𑍂𑌲𑌶𑍍𑌚 𑌭𑌕𑍍𑌤𑌶𑍍𑌚 𑌯𑌦𑌿 𑌤𑍇 𑌶𑍍𑌰𑍋𑌤𑍍𑌰𑌮𑌾𑌗𑌤𑌃 ॥ 3 ॥
𑌤𑍇 𑌵𑌯𑌂 𑌵𑌨𑌮𑌤𑍍𑌯𑍁𑌗𑍍𑌰𑌂 𑌪𑍍𑌰𑌵𑌿𑌷𑍍𑌟𑌾𑌃 𑌪𑌿𑌤𑍃𑌶𑌾𑌸𑌨𑌾𑌤𑍍 ।
𑌦𑍍𑌰𑌷𑍍𑌟𑍁𑌮𑌿𑌚𑍍𑌛𑌾𑌮𑌹𑍇 𑌸𑌰𑍍𑌵𑍇 𑌭𑌗𑌵𑌂𑌤𑌂 𑌨𑌿𑌵𑍇𑌦𑍍𑌯𑌤𑌾𑌮𑍍 ॥ 4 ॥
𑌤𑌸𑍍𑌯 𑌤𑌦𑍍 𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌲𑌕𑍍𑌷𑍍𑌮𑌣𑌸𑍍𑌯 𑌤𑌪𑍋𑌧𑌨𑌃 ।
𑌤𑌥𑍇𑌤𑍍𑌯𑍁𑌕𑍍𑌤𑍍𑌵𑌾𑌽𑌗𑍍𑌨𑌿𑌶𑌰𑌣𑌂 𑌪𑍍𑌰𑌵𑌿𑌵𑍇𑌶 𑌨𑌿𑌵𑍇𑌦𑌿𑌤𑍁𑌮𑍍 ॥ 5 ॥
𑌸 𑌪𑍍𑌰𑌵𑌿𑌶𑍍𑌯 𑌮𑍁𑌨𑌿𑌶𑍍𑌰𑍇𑌷𑍍𑌠𑌂 𑌤𑌪𑌸𑌾 𑌦𑍁𑌷𑍍𑌪𑍍𑌰𑌧𑌰𑍍𑌷𑌣𑌮𑍍 ।
𑌕𑍃𑌤𑌾𑌂𑌜𑌲𑌿𑌰𑍁𑌵𑌾𑌚𑍇𑌦𑌂 𑌰𑌾𑌮𑌾𑌗𑌮𑌨𑌮𑌂𑌜𑌸𑌾 ॥ 6 ॥
𑌯𑌥𑍋𑌕𑍍𑌤𑌂 𑌲𑌕𑍍𑌷𑍍𑌮𑌣𑍇𑌨𑍈𑌵 𑌶𑌿𑌷𑍍𑌯𑍋𑌽𑌗𑌸𑍍𑌤𑍍𑌯𑌸𑍍𑌯 𑌸𑌮𑍍𑌮𑌤𑌃 ।
𑌪𑍁𑌤𑍍𑌰𑍌 𑌦𑌶𑌰𑌥𑌸𑍍𑌯𑍇𑌮𑍌 𑌰𑌾𑌮𑍋 𑌲𑌕𑍍𑌷𑍍𑌮𑌣 𑌏𑌵 𑌚 ॥ ॥
𑌪𑍍𑌰𑌵𑌿𑌷𑍍𑌟𑌾𑌵𑌾𑌶𑍍𑌰𑌮𑌪𑌦𑌂 𑌸𑍀𑌤𑌯𑌾 𑌸𑌹 𑌭𑌾𑌰𑍍𑌯𑌯𑌾 ।
𑌦𑍍𑌰𑌷𑍍𑌟𑍁𑌂 𑌭𑌵𑌂𑌤𑌮𑌾𑌯𑌾𑌤𑍌 𑌶𑍁𑌶𑍍𑌰𑍂𑌷𑌾𑌰𑍍𑌥𑌮𑌰𑌿𑌂𑌦𑌮𑍌 ॥ ॥
𑌯𑌦𑌤𑍍𑌰𑌾𑌨𑌂𑌤𑌰𑌂 𑌤𑌤𑍍𑌤𑍍𑌵𑌮𑌾𑌜𑍍𑌞𑌾𑌪𑌯𑌿𑌤𑍁𑌮𑌰𑍍𑌹𑌸𑌿 ।
𑌤𑌤𑌶𑍍𑌶𑌿𑌷𑍍𑌯𑌾𑌦𑍁𑌪𑌶𑍍𑌰𑍁𑌤𑍍𑌯 𑌪𑍍𑌰𑌾𑌪𑍍𑌤𑌂 𑌰𑌾𑌮𑌂 𑌸𑌲𑌕𑍍𑌷𑍍𑌮𑌣𑌮𑍍 ॥ ॥
𑌵𑍈𑌦𑍇𑌹𑍀𑌂 𑌚 𑌮𑌹𑌾𑌭𑌾𑌗𑌾𑌮𑌿𑌦𑌂 𑌵𑌚𑌨𑌮𑌬𑍍𑌰𑌵𑍀𑌤𑍍 ।
𑌦𑌿𑌷𑍍𑌟𑍍𑌯𑌾 𑌰𑌾𑌮𑌶𑍍𑌚𑌿𑌰𑌸𑍍𑌯𑌾𑌦𑍍𑌯 𑌦𑍍𑌰𑌷𑍍𑌟𑍁𑌂 𑌮𑌾𑌂 𑌸𑌮𑍁𑌪𑌾𑌗𑌤𑌃 ॥ 10 ॥
𑌮𑌨𑌸𑌾 𑌕𑌾𑌂𑌕𑍍𑌷𑌿𑌤𑌂 𑌹𑍍𑌯𑌸𑍍𑌯 𑌮𑌯𑌾𑌪𑍍𑌯𑌾𑌗𑌮𑌨𑌂 𑌪𑍍𑌰𑌤𑌿 ।
𑌗𑌮𑍍𑌯𑌤𑌾𑌂 𑌸𑌤𑍍𑌕𑍃𑌤𑍋 𑌰𑌾𑌮𑌸𑍍𑌸𑌭𑌾𑌰𑍍𑌯𑌸𑍍𑌸𑌹𑌲𑌕𑍍𑌷𑍍𑌮𑌣𑌃 ॥ 11 ॥
𑌪𑍍𑌰𑌵𑍇𑌶𑍍𑌯𑌤𑌾𑌂 𑌸𑌮𑍀𑌪𑌂 𑌮𑍇 𑌕𑌿𑌂 𑌚𑌾𑌸𑍌 𑌨 𑌪𑍍𑌰𑌵𑍇𑌶𑌿𑌤𑌃 ।
𑌏𑌵𑌮𑍁𑌕𑍍𑌤𑌸𑍍𑌤𑍁 𑌮𑍁𑌨𑌿𑌨𑌾 𑌧𑌰𑍍𑌮𑌜𑍍𑌞𑍇𑌨 𑌮𑌹𑌾𑌤𑍍𑌮𑌨𑌾 ॥ 12 ॥
𑌅𑌭𑌿𑌵𑌾𑌦𑍍𑌯𑌾𑌬𑍍𑌰𑌵𑍀𑌚𑍍𑌛𑌿𑌷𑍍𑌯𑌸𑍍𑌤𑌥𑍇𑌤𑌿 𑌨𑌿𑌯𑌤𑌾𑌂𑌜𑌲𑌿𑌃 ।
𑌤𑌤𑍋 𑌨𑌿𑌷𑍍𑌕𑍍𑌰𑌮𑍍𑌯 𑌸𑌂𑌭𑍍𑌰𑌾𑌂𑌤𑌶𑍍𑌶𑌿𑌷𑍍𑌯𑍋 𑌲𑌕𑍍𑌷𑍍𑌮𑌣𑌮𑌬𑍍𑌰𑌵𑍀𑌤𑍍 ॥ 13 ॥
𑌕𑍍𑌵𑌾𑌸𑍌 𑌰𑌾𑌮𑍋 𑌮𑍁𑌨𑌿𑌂 𑌦𑍍𑌰𑌷𑍍𑌟𑍁𑌮𑍇𑌤𑍁 𑌪𑍍𑌰𑌵𑌿𑌶𑌤𑍁 𑌸𑍍𑌵𑌯𑌮𑍍 ।
𑌤𑌤𑍋 𑌗𑌤𑍍𑌵𑌾𑌽𑌽𑌶𑍍𑌰𑌮𑌪𑌦𑌂 𑌶𑌿𑌷𑍍𑌯𑍇𑌣 𑌸𑌹 𑌲𑌕𑍍𑌷𑍍𑌮𑌣𑌃 ॥ 14 ॥
𑌦𑌰𑍍𑌶𑌯𑌾𑌮𑌾𑌸 𑌕𑌾𑌕𑍁𑌤𑍍𑌸𑍍𑌥𑌂 𑌸𑍀𑌤𑌾𑌂 𑌚 𑌜𑌨𑌕𑌾𑌤𑍍𑌮𑌜𑌾𑌮𑍍 ।
𑌤𑌂 𑌶𑌿𑌷𑍍𑌯𑌃 𑌪𑍍𑌰𑌶𑍍𑌰𑌿𑌤𑍋 𑌵𑌾𑌕𑍍𑌯𑌮𑌗𑌸𑍍𑌤𑍍𑌯𑌵𑌚𑌨𑌂 𑌬𑍍𑌰𑍁𑌵𑌨𑍍 ॥ 15 ॥
𑌪𑍍𑌰𑌾𑌵𑍇𑌶𑌯𑌦𑍍𑌯𑌥𑌾𑌨𑍍𑌯𑌾𑌯𑌂 𑌸𑌤𑍍𑌕𑌾𑌰𑌾𑌰𑍍𑌹𑌂 𑌸𑍁𑌸𑌤𑍍𑌕𑍃𑌤𑌮𑍍 ।
𑌪𑍍𑌰𑌵𑌿𑌵𑍇𑌶 𑌤𑌤𑍋 𑌰𑌾𑌮𑌸𑍍𑌸𑍀𑌤𑌯𑌾 𑌸𑌹𑌲𑌕𑍍𑌷𑍍𑌮𑌣𑌃 ॥ 16 ॥
𑌪𑍍𑌰𑌶𑌾𑌂𑌤𑌹𑌰𑌿𑌣𑌾𑌕𑍀𑌰𑍍𑌣𑌮𑌾𑌶𑍍𑌰𑌮𑌂 𑌹𑍍𑌯𑌵𑌲𑍋𑌕𑌯𑌨𑍍 ।
𑌸 𑌤𑌤𑍍𑌰 𑌬𑍍𑌰𑌹𑍍𑌮𑌣𑌃 𑌸𑍍𑌥𑌾𑌨𑌮𑌗𑍍𑌨𑍇𑌃 𑌸𑍍𑌥𑌾𑌨𑌂 𑌤𑌥𑍈𑌵 𑌚 ॥ 1 ॥
𑌵𑌿𑌷𑍍𑌣𑍋𑌃 𑌸𑍍𑌥𑌾𑌨𑌂 𑌮𑌹𑍇𑌂𑌦𑍍𑌰𑌸𑍍𑌯 𑌸𑍍𑌥𑌾𑌨𑌂 𑌚𑍈𑌵 𑌵𑌿𑌵𑌸𑍍𑌵𑌤𑌃 ।
𑌸𑍋𑌮𑌸𑍍𑌥𑌾𑌨𑌂 𑌭𑌗𑌸𑍍𑌥𑌾𑌨𑌂 𑌸𑍍𑌥𑌾𑌨𑌂 𑌕𑍌𑌬𑍇𑌰𑌮𑍇𑌵 𑌚 ॥ 1 ॥
𑌦𑌾𑌤𑍁𑌰𑍍𑌵𑌿𑌧𑌾𑌤𑍁𑌃 𑌸𑍍𑌥𑌾𑌨𑍇𑌚 𑌵𑌾𑌯𑍋𑌃 𑌸𑍍𑌥𑌾𑌨𑌂 𑌤𑌥𑍈𑌵 𑌚 ।
𑌨𑌾𑌗𑌰𑌾𑌜𑌸𑍍𑌯 𑌚 𑌸𑍍𑌥𑌾𑌨𑌮𑌨𑌂𑌤𑌸𑍍𑌯 𑌮𑌹𑌾𑌤𑍍𑌮𑌨𑌃 ॥ 1 ॥
𑌸𑍍𑌥𑌾𑌨𑌂 𑌤𑌥𑍈𑌵 𑌗𑌾𑌯𑌤𑍍𑌰𑍍𑌯𑌾 𑌵𑌸𑍂𑌨𑌾𑌂 𑌸𑍍𑌥𑌾𑌨𑌮𑍇𑌵 𑌚 ।
𑌸𑍍𑌥𑌾𑌨𑌂 𑌚 𑌪𑌾𑌶𑌹𑌸𑍍𑌤𑌸𑍍𑌯 𑌵𑌰𑍁𑌣𑌸𑍍𑌯 𑌮𑌹𑌾𑌤𑍍𑌮𑌨𑌃 ॥ 20 ॥
𑌕𑌾𑌰𑍍𑌤𑌿𑌕𑍇𑌯𑌸𑍍𑌯 𑌚 𑌸𑍍𑌥𑌾𑌨𑌂 𑌧𑌰𑍍𑌮𑌸𑍍𑌥𑌾𑌨𑌂 𑌚 𑌪𑌶𑍍𑌯𑌤𑌿 ।
𑌸 𑌤𑌤𑍍𑌰 𑌬𑍍𑌰𑌹𑍍𑌮𑌣𑌃 𑌸𑍍𑌥𑌾𑌨𑌮𑌗𑍍𑌨𑍇𑌃 𑌸𑍍𑌥𑌾𑌨𑌂 𑌤𑌥𑍈𑌵 𑌚 ॥ 21 ॥
𑌵𑌿𑌷𑍍𑌣𑍋𑌃 𑌸𑍍𑌥𑌾𑌨𑌂 𑌮𑌹𑍇𑌂𑌦𑍍𑌰𑌸𑍍𑌯 𑌸𑍍𑌥𑌾𑌨𑌂 𑌚𑍈𑌵 𑌵𑌿𑌵𑌸𑍍𑌵𑌤𑌃 ।
𑌸𑍋𑌮𑌸𑍍𑌥𑌾𑌨𑌂 𑌭𑌗𑌸𑍍𑌥𑌾𑌨𑌂 𑌸𑍍𑌥𑌾𑌨𑌂 𑌕𑍌𑌬𑍇𑌰𑌮𑍇𑌵 𑌚 ॥ 22 ॥
𑌧𑌾𑌤𑍁𑌰𑍍𑌵𑌿𑌧𑌾𑌤𑍁𑌃 𑌸𑍍𑌥𑌾𑌨𑌂 𑌚 𑌵𑌾𑌯𑍋𑌃 𑌸𑍍𑌥𑌾𑌨𑌂 𑌤𑌥𑍈𑌵 𑌚 ।
𑌨𑌾𑌗𑌰𑌾𑌜𑌸𑍍𑌯 𑌚 𑌸𑍍𑌥𑌾𑌨𑌮𑌨𑌂𑌤𑌸𑍍𑌯 𑌮𑌹𑌾𑌤𑍍𑌮𑌨𑌃 ॥ 23 ॥
𑌸𑍍𑌥𑌾𑌨𑌂 𑌤𑌥𑍈𑌵 𑌗𑌾𑌯𑌤𑍍𑌰𑍍𑌯𑌾 𑌵𑌸𑍂𑌨𑌾𑌂 𑌸𑍍𑌥𑌾𑌨𑌮𑍇𑌵 𑌚 ।
𑌸𑍍𑌥𑌾𑌨𑌂 𑌚 𑌪𑌾𑌶𑌹𑌸𑍍𑌤𑌸𑍍𑌯 𑌵𑌰𑍁𑌣𑌸𑍍𑌯 𑌮𑌹𑌾𑌤𑍍𑌮𑌨𑌃 ॥ 24 ॥
𑌕𑌾𑌰𑍍𑌤𑌿𑌕𑍇𑌯𑌸𑍍𑌯 𑌚 𑌸𑍍𑌥𑌾𑌨𑌂 𑌧𑌰𑍍𑌮𑌸𑍍𑌥𑌾𑌨𑌂 𑌚 𑌪𑌶𑍍𑌯𑌤𑌿 ।
𑌸 𑌤𑌤𑍍𑌰 𑌬𑍍𑌰𑌹𑍍𑌮𑌣𑌃 𑌸𑍍𑌥𑌾𑌨𑌮𑌗𑍍𑌨𑍇𑌃 𑌸𑍍𑌥𑌾𑌨𑌂 𑌤𑌥𑍈𑌵 𑌚 ॥ 25 ॥
𑌵𑌿𑌷𑍍𑌣𑍋𑌃 𑌸𑍍𑌥𑌾𑌨𑌂 𑌮𑌹𑍇𑌂𑌦𑍍𑌰𑌸𑍍𑌯 𑌸𑍍𑌥𑌾𑌨𑌂 𑌚𑍈𑌵 𑌵𑌿𑌵𑌸𑍍𑌵𑌤𑌃 ।
𑌸𑍋𑌮𑌸𑍍𑌥𑌾𑌨𑌂 𑌭𑌗𑌸𑍍𑌥𑌾𑌨𑌂 𑌸𑍍𑌥𑌾𑌨𑌂 𑌕𑍌𑌬𑍇𑌰𑌮𑍇𑌵 𑌚 ॥ 26 ॥
𑌦𑌾𑌤𑍁𑌰𑍍𑌵𑌿𑌧𑌾𑌤𑍁𑌃 𑌸𑍍𑌥𑌾𑌨𑍇𑌚 𑌵𑌾𑌯𑍋𑌃 𑌸𑍍𑌥𑌾𑌨𑌂 𑌤𑌥𑍈𑌵 𑌚 ।
𑌨𑌾𑌗𑌰𑌾𑌜𑌸𑍍𑌯 𑌚 𑌸𑍍𑌥𑌾𑌨𑌮𑌨𑌂𑌤𑌸𑍍𑌯 𑌮𑌹𑌾𑌤𑍍𑌮𑌨𑌃 ॥ 2 ॥
𑌸𑍍𑌥𑌾𑌨𑌂 𑌤𑌥𑍈𑌵 𑌗𑌾𑌯𑌤𑍍𑌰𑍍𑌯𑌾 𑌵𑌸𑍂𑌨𑌾𑌂 𑌸𑍍𑌥𑌾𑌨𑌮𑍇𑌵 𑌚 ।
𑌸𑍍𑌥𑌾𑌨𑌂 𑌚 𑌪𑌾𑌶𑌹𑌸𑍍𑌤𑌸𑍍𑌯 𑌵𑌰𑍁𑌣𑌸𑍍𑌯 𑌮𑌹𑌾𑌤𑍍𑌮𑌨𑌃 ॥ 2 ॥
𑌕𑌾𑌰𑍍𑌤𑌿𑌕𑍇𑌯𑌸𑍍𑌯 𑌚 𑌸𑍍𑌥𑌾𑌨𑌂 𑌧𑌰𑍍𑌮𑌸𑍍𑌥𑌾𑌨𑌂 𑌚 𑌪𑌶𑍍𑌯𑌤𑌿 ।
𑌤𑌤𑌶𑍍𑌶𑌿𑌷𑍍𑌯𑍈𑌃 𑌪𑌰𑌿𑌵𑍃𑌤𑍋 𑌮𑍁𑌨𑌿𑌰𑌪𑍍𑌯𑌭𑌿𑌨𑌿𑌷𑍍𑌪𑌤𑌤𑍍 ॥ 2 ॥
𑌤𑌂 𑌦𑌦𑌰𑍍𑌶𑌾𑌗𑍍𑌰𑌤𑍋 𑌰𑌾𑌮𑍋 𑌮𑍁𑌨𑍀𑌨𑌾𑌂 𑌦𑍀𑌪𑍍𑌤𑌤𑍇𑌜𑌸𑌾𑌮𑍍 ।
𑌅𑌬𑍍𑌰𑌵𑍀𑌦𑍍𑌵𑌚𑌨𑌂 𑌵𑍀𑌰𑍋 𑌲𑌕𑍍𑌷𑍍𑌮𑌣𑌂 𑌲𑌕𑍍𑌷𑍍𑌮𑌿𑌵𑌰𑍍𑌧𑌨𑌮𑍍 ॥ 30 ॥
𑌏𑌷 𑌲𑌕𑍍𑌷𑍍𑌮𑌣 𑌨𑌿𑌷𑍍𑌕𑍍𑌰𑌾𑌮𑌤𑍍𑌯𑌗𑌸𑍍𑌤𑍍𑌯𑍋 𑌭𑌗𑌵𑌾𑌨𑍃𑌷𑌿𑌃 ।
𑌔𑌦𑌾𑌰𑍍𑌯𑍇𑌣𑌾𑌵𑌗𑌚𑍍𑌛𑌾𑌮𑌿 𑌨𑌿𑌧𑌾𑌨𑌂 𑌤𑌪𑌸𑌾𑌮𑌿𑌮𑌮𑍍 ॥ 31 ॥
𑌏𑌵𑌮𑍁𑌕𑍍𑌤𑍍𑌵𑌾 𑌮𑌹𑌾𑌬𑌾𑌹𑍁𑌰𑌗𑌸𑍍𑌤𑍍𑌯𑌂 𑌸𑍂𑌰𑍍𑌯𑌵𑌰𑍍𑌚𑌸𑌮𑍍 ।
𑌜𑌗𑍍𑌰𑌾𑌹 𑌪𑌰𑌮𑌪𑍍𑌰𑍀𑌤𑌸𑍍𑌤𑌸𑍍𑌯 𑌪𑌾𑌦𑍌 𑌪𑌰𑌂𑌤𑌪𑌃 ॥ 32 ॥
𑌅𑌭𑌿𑌵𑌾𑌦𑍍𑌯 𑌤𑍁 𑌧𑌰𑍍𑌮𑌾𑌤𑍍𑌮𑌾 𑌤𑌸𑍍𑌥𑍌 𑌰𑌾𑌮𑌃 𑌕𑍃𑌤𑌾𑌂𑌜𑌲𑌿𑌃 ।
𑌸𑍀𑌤𑌯𑌾 𑌸𑌹 𑌵𑍈𑌦𑍇𑌹𑍍𑌯𑌾 𑌤𑌦𑌾 𑌰𑌾𑌮𑌃 𑌸𑌲𑌕𑍍𑌷𑍍𑌮𑌣𑌃 ॥ 33 ॥
𑌪𑍍𑌰𑌤𑌿𑌜𑌗𑍍𑌰𑌾𑌹 𑌕𑌾𑌕𑍁𑌤𑍍𑌸𑍍𑌥𑌮𑌰𑍍𑌚𑌯𑌿𑌤𑍍𑌵𑌾𑌸𑌨𑍋𑌦𑌕𑍈𑌃 ।
𑌕𑍁𑌶𑌲𑌪𑍍𑌰𑌶𑍍𑌨𑌮𑍁𑌕𑍍𑌤𑍍𑌵𑌾 𑌚 𑌆𑌸𑍍𑌯𑌤𑌾𑌮𑌿𑌤𑌿 𑌚𑌾𑌬𑍍𑌰𑌵𑍀𑌤𑍍 ॥ 34 ॥
𑌅𑌗𑍍𑌨𑌿𑌂 𑌹𑍁𑌤𑍍𑌵𑌾 𑌪𑍍𑌰𑌦𑌾𑌯𑌾𑌰𑍍𑌘𑍍𑌯𑌮𑌤𑌿𑌥𑍀𑌨𑍍 𑌪𑍍𑌰𑌤𑌿𑌪𑍂𑌜𑍍𑌯 𑌚 ।
𑌵𑌾𑌨𑌪𑍍𑌰𑌸𑍍𑌥𑍍𑌯𑍇𑌨 𑌧𑌰𑍍𑌮𑍇𑌣 𑌸 𑌤𑍇𑌷𑌾𑌂 𑌭𑍋𑌜𑌨𑌂 𑌦𑌦𑍌 ॥ 35 ॥
𑌪𑍍𑌰𑌥𑌮𑌂 𑌚𑍋𑌪𑌵𑌿𑌶𑍍𑌯𑌾𑌥 𑌧𑌰𑍍𑌮𑌜𑍍𑌞𑍋 𑌮𑍁𑌨𑌿𑌪𑍁𑌂𑌗𑌵𑌃 ।
𑌉𑌵𑌾𑌚 𑌰𑌾𑌮𑌮𑌾𑌸𑍀𑌨𑌂 𑌪𑍍𑌰𑌾𑌂𑌜𑌲𑌿𑌂 𑌧𑌰𑍍𑌮𑌕𑍋𑌵𑌿𑌦𑌮𑍍 ॥ 36 ॥
𑌅𑌗𑍍𑌨𑌿𑌂 𑌹𑍁𑌤𑍍𑌵𑌾 𑌪𑍍𑌰𑌦𑌾𑌯𑌾𑌰𑍍𑌘𑍍𑌯𑌮𑌤𑌿𑌥𑌿𑌂 𑌪𑍍𑌰𑌤𑌿𑌪𑍂𑌜𑌯𑍇𑌤𑍍 ।
𑌅𑌨𑍍𑌯𑌥𑌾 𑌖𑌲𑍁 𑌕𑌾𑌕𑍁𑌤𑍍𑌸𑍍𑌥 𑌤𑌪𑌸𑍍𑌵𑍀 𑌸𑌮𑍁𑌦𑌾𑌚𑌰𑌨𑍍 ॥ 3 ॥
𑌦𑍁𑌃𑌸𑌾𑌕𑍍𑌷𑍀𑌵 𑌪𑌰𑍇 𑌲𑍋𑌕𑍇 𑌸𑍍𑌵𑌾𑌨𑌿 𑌮𑌾𑌂𑌸𑌾𑌨𑌿 𑌭𑌕𑍍𑌷𑌯𑍇𑌤𑍍 ।
𑌰𑌾𑌜𑌾 𑌸𑌰𑍍𑌵𑌸𑍍𑌯 𑌲𑍋𑌕𑌸𑍍𑌯 𑌧𑌰𑍍𑌮𑌚𑌾𑌰𑍀 𑌮𑌹𑌾𑌰𑌥𑌃 ॥ 3 ॥
𑌪𑍂𑌜𑌨𑍀𑌯𑌶𑍍𑌚 𑌮𑌾𑌨𑍍𑌯𑌶𑍍𑌚 𑌭𑌵𑌾𑌨𑍍 𑌪𑍍𑌰𑌾𑌪𑍍𑌤𑌃 𑌪𑍍𑌰𑌿𑌯𑌾𑌤𑌿𑌥𑌿𑌃 ।
𑌏𑌵𑌮𑍁𑌕𑍍𑌤𑍍𑌵𑌾 𑌫𑌲𑍈𑌰𑍍𑌮𑍂𑌲𑍈𑌃 𑌪𑍁𑌷𑍍𑌪𑍈𑌰𑌨𑍍𑌯𑍈𑌶𑍍𑌚 𑌰𑌾𑌘𑌵𑌮𑍍 ॥ 3 ॥
𑌪𑍂𑌜𑌯𑌿𑌤𑍍𑌵𑌾 𑌯𑌥𑌾𑌕𑌾𑌮𑌂 𑌪𑍁𑌨𑌰𑍇𑌵 𑌤𑌤𑍋𑌽𑌬𑍍𑌰𑌵𑍀𑌤𑍍 ।
𑌇𑌦𑌂 𑌦𑌿𑌵𑍍𑌯𑌂 𑌮𑌹𑌚𑍍𑌚𑌾𑌪𑌂 𑌹𑍇𑌮𑌰𑌤𑍍𑌨𑌵𑌿𑌭𑍂𑌷𑌿𑌤𑌮𑍍 ॥ 40 ॥
𑌵𑍈𑌷𑍍𑌣𑌵𑌂 𑌪𑍁𑌰𑍁𑌷𑌵𑍍𑌯𑌾𑌘𑍍𑌰 𑌨𑌿𑌰𑍍𑌮𑌿𑌤𑌂 𑌵𑌿𑌶𑍍𑌵𑌕𑌰𑍍𑌮𑌣𑌾 ।
𑌅𑌮𑍋𑌘𑌸𑍍𑌸𑍂𑌰𑍍𑌯𑌸𑌂𑌕𑌾𑌶𑍋 𑌬𑍍𑌰𑌹𑍍𑌮𑌦𑌤𑍍𑌤𑌶𑍍𑌶𑌰𑍋𑌤𑍍𑌤𑌮𑌃 ॥ 41 ॥
𑌦𑌤𑍍𑌤𑍌 𑌮𑌮 𑌮𑌹𑍇𑌂𑌦𑍍𑌰𑍇𑌣 𑌤𑍂𑌣𑍀 𑌚𑌾𑌕𑍍𑌷𑌯𑌸𑌾𑌯𑌕𑍌 ।
𑌸𑌂𑌪𑍂𑌰𑍍𑌣𑍌 𑌨𑌿𑌶𑌿𑌤𑍈𑌰𑍍𑌬𑌾𑌣𑍈𑌰𑍍𑌜𑍍𑌵𑌲𑌦𑍍𑌭𑌿𑌰𑌿𑌵 𑌪𑌾𑌵𑌕𑍈𑌃 ॥ 42 ॥
𑌮𑌹𑌾𑌰𑌜𑌤𑌕𑍋𑌶𑍋𑌽𑌯𑌮𑌸𑌿𑌰𑍍𑌹𑍇𑌮𑌵𑌿𑌭𑍂𑌷𑌿𑌤𑌃 ।
𑌅𑌨𑍇𑌨 𑌧𑌨𑍁𑌷𑌾 𑌰𑌾𑌮 𑌹𑌤𑍍𑌵𑌾 𑌸𑌂𑌖𑍍𑌯𑍇 𑌮𑌹𑌾𑌸𑍁𑌰𑌾𑌨𑍍 ॥ 43 ॥
𑌆𑌜𑌹𑌾𑌰 𑌶𑍍𑌰𑌿𑌯𑌂 𑌦𑍀𑌪𑍍𑌤𑌾𑌂 𑌪𑍁𑌰𑌾 𑌵𑌿𑌷𑍍𑌣𑍁𑌰𑍍𑌦𑌿𑌵𑍌𑌕𑌸𑌾𑌮𑍍 ।
𑌤𑌦𑍍𑌧𑌨𑍁𑌸𑍍𑌤𑍌 𑌚 𑌤𑍂𑌣𑍀𑌰𑍌 𑌶𑌰𑌂 𑌖𑌂𑌗𑌂 𑌚 𑌮𑌾𑌨𑌦 ॥ 44 ॥
𑌜𑌯𑌾𑌯 𑌪𑍍𑌰𑌤𑌿𑌗𑍃𑌹𑍍𑌣𑍀𑌷𑍍𑌵 𑌵𑌜𑍍𑌰𑌂 𑌵𑌜𑍍𑌰𑌧𑌰𑍋 𑌯𑌥𑌾 ।
𑌏𑌵𑌮𑍁𑌕𑍍𑌤𑍍𑌵𑌾 𑌮𑌹𑌾𑌤𑍇𑌜𑌾𑌃 𑌸𑌮𑌸𑍍𑌤𑌂 𑌤𑌦𑍍𑌵𑌰𑌾𑌯𑍁𑌧𑌮𑍍 ।
𑌦𑌤𑍍𑌵𑌾 𑌰𑌾𑌮𑌾𑌯 𑌭𑌗𑌵𑌾𑌨𑌗𑌸𑍍𑌤𑍍𑌯𑌃 𑌪𑍁𑌨𑌰𑌬𑍍𑌰𑌵𑍀𑌤𑍍 ॥ 45 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌰𑌣𑍍𑌯𑌕𑌾𑌂𑌡𑍇 𑌦𑍍𑌵𑌾𑌦𑌶𑌸𑍍𑌸𑌰𑍍𑌗𑌃 ॥
