𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌚𑌤𑍁𑌰𑍍𑌥𑌸𑍍𑌸𑌰𑍍𑌗𑌃 ।
𑌗𑌤𑍇𑌷𑍍𑌵𑌥 𑌨𑍃𑌪𑍋 𑌭𑍂𑌯𑌃 𑌪𑍌𑌰𑍇𑌷𑍁 𑌸𑌹 𑌮𑌂𑌤𑍍𑌰𑌿𑌭𑌿𑌃 ।
𑌮𑌂𑌤𑍍𑌰𑌯𑌿𑌤𑍍𑌵𑌾 𑌤𑌤𑌶𑍍𑌚𑌕𑍍𑌰𑍇 𑌨𑌿𑌶𑍍𑌚𑌯𑌜𑍍𑌞𑌸𑍍𑌸𑌨𑌿𑌶𑍍𑌚𑌯𑌮𑍍 ॥ 1 ॥
𑌶𑍍𑌵 𑌏𑌵 𑌪𑍁𑌷𑍍𑌯𑍋 𑌭𑌵𑌿𑌤𑌾𑌶𑍍𑌵𑍋𑌽𑌭𑌿𑌷𑍇𑌚𑍍𑌯𑌸𑍍𑌤𑍁 𑌮𑍇 𑌸𑍁𑌤𑌃 ।
𑌰𑌾𑌮𑍋 𑌰𑌾𑌜𑍀𑌵𑌤𑌾𑌮𑍍𑌰𑌾𑌕𑍍𑌷𑍋 𑌯𑍌𑌵𑌰𑌾𑌜𑍍𑌯 𑌇𑌤𑌿 𑌪𑍍𑌰𑌭𑍁𑌃 ॥ 2 ॥
𑌗𑌤𑍇𑌷𑍍𑌵𑌥 𑌨𑍃𑌪𑍋 𑌭𑍂𑌯𑌃 𑌪𑍌𑌰𑍇𑌷𑍁 𑌸𑌹 𑌮𑌂𑌤𑍍𑌰𑌿𑌭𑌿𑌃 ।
𑌮𑌂𑌤𑍍𑌰𑌯𑌿𑌤𑍍𑌵𑌾 𑌤𑌤𑌶𑍍𑌚𑌕𑍍𑌰𑍇 𑌨𑌿𑌶𑍍𑌚𑌯𑌜𑍍𑌞𑌸𑍍𑌸𑌨𑌿𑌶𑍍𑌚𑌯𑌮𑍍 ॥ 3 ॥
𑌶𑍍𑌵 𑌏𑌵 𑌪𑍁𑌷𑍍𑌯𑍋 𑌭𑌵𑌿𑌤𑌾𑌶𑍍𑌵𑍋𑌽𑌭𑌿𑌷𑍇𑌚𑍍𑌯𑌸𑍍𑌤𑍁 𑌮𑍇 𑌸𑍁𑌤𑌃 ।
𑌰𑌾𑌮𑍋 𑌰𑌾𑌜𑍀𑌵𑌤𑌾𑌮𑍍𑌰𑌾𑌕𑍍𑌷𑍋 𑌯𑍌𑌵𑌰𑌾𑌜𑍍𑌯 𑌇𑌤𑌿 𑌪𑍍𑌰𑌭𑍁𑌃 ॥ 4 ॥
𑌅𑌥𑌾𑌽𑌂𑌤𑌰𑍍𑌗𑍃𑌹𑌮𑌾𑌵𑌿𑌶𑍍𑌯 𑌰𑌾𑌜𑌾 𑌦𑌶𑌰𑌥𑌸𑍍𑌤𑌦𑌾 ।
𑌸𑍂𑌤𑌮𑌾𑌮𑌂𑌤𑍍𑌰𑌯𑌾𑌮𑌾𑌸 𑌰𑌾𑌮𑌂 𑌪𑍁𑌨𑌰𑌿𑌹𑌾𑌨𑌯 ॥ 5 ॥
𑌪𑍍𑌰𑌤𑌿𑌗𑍃𑌹𑍍𑌯 𑌸 𑌤𑌦𑍍𑌵𑌾𑌕𑍍𑌯𑌂 𑌸𑍂𑌤𑌃 𑌪𑍁𑌨𑌰𑍁𑌪𑌾𑌯𑌯𑍌 ।
𑌰𑌾𑌮𑌸𑍍𑌯 𑌭𑌵𑌨𑌂 𑌶𑍀𑌘𑍍𑌰𑌂 𑌰𑌾𑌮𑌮𑌾𑌨𑌯𑌿𑌤𑍁𑌂 𑌪𑍁𑌨𑌃 ॥ 6 ॥
𑌦𑍍𑌵𑌾𑌰𑍍𑌸𑍍𑌥𑍈𑌰𑌾𑌵𑍇𑌦𑌿𑌤𑌂 𑌤𑌸𑍍𑌯 𑌰𑌾𑌮𑌾𑌯𑌾𑌽𑌽𑌗𑌮𑌨𑌂 𑌪𑍁𑌨𑌃 ।
𑌶𑍍𑌰𑍁𑌤𑍍𑌵𑍈𑌵 𑌚𑌾𑌪𑌿 𑌰𑌾𑌮𑌸𑍍𑌤𑌂 𑌪𑍍𑌰𑌾𑌪𑍍𑌤𑌂 𑌶𑌂𑌕𑌾𑌨𑍍𑌵𑌿𑌤𑍋𑌽𑌭𑌵𑌤𑍍 ॥ ॥
𑌪𑍍𑌰𑌵𑍇𑌶𑍍𑌯 𑌚𑍈𑌨𑌂 𑌤𑍍𑌵𑌰𑌿𑌤𑌂 𑌰𑌾𑌮𑍋 𑌵𑌚𑌨𑌮𑌬𑍍𑌰𑌵𑍀𑌤𑍍 ।
𑌯𑌦𑌾𑌗𑌮𑌨𑌕𑍃𑌤𑍍𑌯𑌂 𑌤𑍇 𑌭𑍂𑌯𑌸𑍍𑌤𑌦𑍍𑌬𑍍𑌰𑍂𑌹𑍍𑌯𑌶𑍇𑌷𑌤𑌃 ॥ ॥
𑌤𑌮𑍁𑌵𑌾𑌚 𑌤𑌤 𑌸𑍍𑌸𑍂𑌤𑍋 𑌰𑌾𑌜𑌾 𑌤𑍍𑌵𑌾𑌂 𑌦𑍍𑌰𑌷𑍍𑌟𑍁𑌮𑌿𑌚𑍍𑌛𑌤𑌿 ।
𑌶𑍍𑌰𑍁𑌤𑍍𑌵𑌾 𑌪𑍍𑌰𑌮𑌾𑌣𑌮𑌤𑍍𑌰 𑌤𑍍𑌵𑌂 𑌗𑌮𑌨𑌾𑌯𑍇𑌤𑌰𑌾𑌯 𑌵𑌾 ॥ ॥
𑌇𑌤𑌿 𑌸𑍂𑌤𑌵𑌚 𑌶𑍍𑌶𑍍𑌰𑍁𑌤𑍍𑌵𑌾 𑌰𑌾𑌮𑍋𑌽𑌥 𑌤𑍍𑌵𑌰𑌯𑌾𑌽𑌨𑍍𑌵𑌿𑌤𑌃 ।
𑌪𑍍𑌰𑌯𑌯𑍌 𑌰𑌾𑌜𑌭𑌵𑌨𑌂 𑌪𑍁𑌨𑌰𑍍𑌦𑍍𑌰𑌷𑍍𑌟𑍁𑌂 𑌨𑌰𑍇𑌶𑍍𑌵𑌰𑌮𑍍 ॥ 10 ॥
𑌤𑌂 𑌶𑍍𑌰𑍁𑌤𑍍𑌵𑌾 𑌸𑌮𑌨𑍁𑌪𑍍𑌰𑌾𑌪𑍍𑌤𑌂 𑌰𑌾𑌮𑌂 𑌦𑌶𑌰𑌥𑍋 𑌨𑍃𑌪𑌃 ।
𑌪𑍍𑌰𑌵𑍇𑌶𑌯𑌾𑌮𑌾𑌸 𑌗𑍃𑌹𑌂 𑌵𑌿𑌵𑌕𑍍𑌷𑍁𑌃 𑌪𑍍𑌰𑌿𑌯𑌮𑍁𑌤𑍍𑌤𑌮𑌮𑍍 ॥ 11 ॥
𑌪𑍍𑌰𑌵𑌿𑌶𑌨𑍍𑌨𑍇𑌵 𑌚 𑌶𑍍𑌰𑍀𑌮𑌾𑌨𑍍𑌰𑌾𑌘𑌵𑍋 𑌭𑌵𑌨𑌂 𑌪𑌿𑌤𑍁𑌃 ।
𑌦𑌦𑌰𑍍𑌶 𑌪𑌿𑌤𑌰𑌂 𑌦𑍂𑌰𑌾𑌤𑍍𑌪𑍍𑌰𑌣𑌿𑌪𑌤𑍍𑌯 𑌕𑍃𑌤𑌾𑌂𑌜𑌲𑌿𑌃 ॥ 12 ॥
𑌪𑍍𑌰𑌣𑌮𑌂𑌤𑌂 𑌸𑌮𑍁𑌤𑍍𑌥𑌾𑌪𑍍𑌯 𑌤𑌂 𑌪𑌰𑌿𑌷𑍍𑌵𑌜𑍍𑌯 𑌭𑍂𑌮𑌿𑌪𑌃 ।
𑌪𑍍𑌰𑌦𑌿𑌶𑍍𑌯 𑌚𑌾𑌸𑍍𑌮𑍈 𑌰𑍁𑌚𑌿𑌰𑌮𑌾𑌸𑌨𑌂 𑌪𑍁𑌨𑌰𑌬𑍍𑌰𑌵𑍀𑌤𑍍 ॥ 13 ॥
𑌰𑌾𑌮 𑌵𑍃𑌦𑍍𑌧𑍋𑌽𑌸𑍍𑌮𑌿 𑌦𑍀𑌰𑍍𑌘𑌾𑌯𑍁𑌰𑍍𑌭𑍁𑌕𑍍𑌤𑌾 𑌭𑍋𑌗𑌾 𑌮𑌯𑍇𑌪𑍍𑌸𑌿𑌤𑌾𑌃 ।
𑌅𑌨𑍍𑌨𑌵𑌦𑍍𑌭𑌿𑌃 𑌕𑍍𑌰𑌤𑍁𑌶𑌤𑍈 𑌸𑍍𑌤𑌥𑍇𑌷𑍍𑌟𑌂 𑌭𑍂𑌰𑌿𑌦𑌕𑍍𑌷𑌿𑌣𑍈𑌃 ॥ 14 ॥
𑌜𑌾𑌤𑌮𑌿𑌷𑍍𑌟𑌮𑌪𑌤𑍍𑌯𑌂 𑌮𑍇 𑌤𑍍𑌵𑌮𑌦𑍍𑌯𑌾𑌨𑍁𑌪𑌮𑌂 𑌭𑍁𑌵𑌿 ।
𑌦𑌤𑍍𑌤𑌮𑌿𑌷𑍍𑌟𑌮𑌧𑍀𑌤𑌂 𑌚 𑌮𑌯𑌾 𑌪𑍁𑌰𑍁𑌷𑌸𑌤𑍍𑌤𑌮 ॥ 15 ॥
𑌅𑌨𑍁𑌭𑍂𑌤𑌾𑌨𑌿 𑌚𑍇𑌷𑍍𑌟𑌾𑌨𑌿 𑌮𑌯𑌾 𑌵𑍀𑌰 𑌸𑍁𑌖𑌾𑌨𑍍𑌯𑌪𑌿 ।
𑌦𑍇𑌵𑌰𑍍𑌷𑌿𑌪𑌿𑌤𑍃𑌵𑌿𑌪𑍍𑌰𑌾𑌣𑌾𑌮𑌨𑍃𑌣𑍋𑌽𑌸𑍍𑌮𑌿 𑌤𑌥𑌾𑌽𑌤𑍍𑌮𑌨𑌃 ॥ 16 ॥
𑌨 𑌕𑌿𑌂𑌚𑌿𑌨𑍍𑌮𑌮 𑌕𑌰𑍍𑌤𑌵𑍍𑌯𑌂 𑌤𑌵𑌾𑌨𑍍𑌯𑌤𑍍𑌰𑌾𑌭𑌿𑌷𑍇𑌚𑌨𑌾𑌤𑍍 ।
𑌅𑌤𑍋 𑌯𑌤𑍍𑌤𑍍𑌵𑌾𑌮𑌹𑌂 𑌬𑍍𑌰𑍂𑌯𑌾𑌂 𑌤𑌨𑍍𑌮𑍇 𑌤𑍍𑌵𑌂 𑌕𑌰𑍍𑌤𑍁𑌮𑌰𑍍𑌹𑌸𑌿 ॥ 1 ॥
𑌅𑌦𑍍𑌯 𑌪𑍍𑌰𑌕𑍃𑌤𑌯𑌸𑍍𑌸𑌰𑍍𑌵𑌾𑌸𑍍𑌤𑍍𑌵𑌾𑌮𑌿𑌚𑍍𑌛𑌂𑌤𑌿 𑌨𑌰𑌾𑌧𑌿𑌪𑌮𑍍 ।
𑌅𑌤𑌸𑍍𑌤𑍍𑌵𑌾𑌂 𑌯𑍁𑌵𑌰𑌾𑌜𑌾𑌨𑌮𑌭𑌿𑌷𑍇𑌕𑍍𑌷𑍍𑌯𑌾𑌮𑌿 𑌪𑍁𑌤𑍍𑌰𑌕 ॥ 1 ॥
𑌅𑌪𑌿 𑌚𑌾𑌦𑍍𑌯𑌾𑌽𑌶𑍁𑌭𑌾𑌨𑍍𑌰𑌾𑌮 𑌸𑍍𑌵𑌪𑍍𑌨𑍇 𑌪𑌶𑍍𑌯𑌾𑌮𑌿 𑌦𑌾𑌰𑍁𑌣𑌾𑌨𑍍 ।
𑌸𑌨𑌿𑌰𑍍𑌘𑌾𑌤𑌾 𑌦𑌿𑌵𑍋𑌲𑍍𑌕𑌾 𑌚 𑌪𑌤𑌤𑍀𑌹 𑌮𑌹𑌾𑌸𑍍𑌵𑌨𑌾 ॥ 1 ॥
𑌅𑌵𑌷𑍍𑌟𑌬𑍍𑌧𑌂 𑌚 𑌮𑍇 𑌰𑌾𑌮 𑌨𑌕𑍍𑌷𑌤𑍍𑌰𑌂 𑌦𑌾𑌰𑍁𑌣𑍈𑌰𑍍𑌗𑍍𑌰𑌹𑍈𑌃 ।
𑌆𑌵𑍇𑌦𑌯𑌂𑌤𑌿 𑌦𑍈𑌵𑌜𑍍𑌞𑌾𑌃 𑌸𑍂𑌰𑍍𑌯𑌾𑌂𑌗𑌾𑌰𑌕𑌰𑌾𑌹𑍁𑌭𑌿𑌃 ॥ 20 ॥
𑌪𑍍𑌰𑌾𑌯𑍇𑌣 𑌹𑌿 𑌨𑌿𑌮𑌿𑌤𑍍𑌤𑌾𑌨𑌾𑌮𑍀𑌦𑍃𑌶𑌾𑌨𑌾𑌂 𑌸𑌮𑍁𑌦𑍍𑌭𑌵𑍇 ।
𑌰𑌾𑌜𑌾 𑌹𑌿 𑌮𑍃𑌤𑍍𑌯𑍁𑌮𑌾𑌪𑍍𑌨𑍋𑌤𑌿 𑌘𑍋𑌰𑌾𑌂 𑌵𑌾𑌽𑌽𑌪𑌦𑌮𑍃𑌚𑍍𑌛𑌤𑌿 ॥ 21 ॥
𑌤𑌦𑍍𑌯𑌾𑌵𑌦𑍇𑌵 𑌮𑍇 𑌚𑍇𑌤𑍋 𑌨 𑌵𑌿𑌮𑍁𑌹𑍍𑌯𑌤𑌿 𑌰𑌾𑌘𑌵 ।
𑌤𑌾𑌵𑌦𑍇𑌵𑌾𑌭𑌿𑌷𑌿𑌂𑌚𑌸𑍍𑌵 𑌚𑌲𑌾 𑌹𑌿 𑌪𑍍𑌰𑌾𑌣𑌿𑌨𑌾𑌂 𑌮𑌤𑌿𑌃 ॥ 22 ॥
𑌅𑌦𑍍𑌯 𑌚𑌂𑌦𑍍𑌰𑍋𑌽𑌭𑍍𑌯𑍁𑌪𑌗𑌤𑌃 𑌪𑍁𑌷𑍍𑌯𑌾𑌤𑍍𑌪𑍂𑌰𑍍𑌵𑌂 𑌪𑍁𑌨𑌰𑍍𑌵𑌸𑍂 ।
𑌶𑍍𑌵𑌃 𑌪𑍁𑌷𑍍𑌯𑌯𑍋𑌗𑌂 𑌨𑌿𑌯𑌤𑌂 𑌵𑌕𑍍𑌷𑍍𑌯𑌂𑌤𑍇 𑌦𑍈𑌵𑌚𑌿𑌂𑌤𑌕𑌾𑌃 ॥ 23 ॥
𑌤𑌤𑌃 𑌪𑍁𑌷𑍍𑌯𑍇𑌽𑌭𑌿𑌷𑌿𑌂𑌚𑌸𑍍𑌵 𑌮𑌨𑌸𑍍𑌤𑍍𑌵𑌰𑌯𑌤𑍀𑌵 𑌮𑌾𑌮𑍍 ।
𑌶𑍍𑌵𑌸𑍍𑌤𑍍𑌵𑌾𑌽𑌹𑌮𑌭𑌿𑌷𑍇𑌕𑍍𑌷𑍍𑌯𑌾𑌮𑌿 𑌯𑍌𑌵𑌰𑌾𑌜𑍍𑌯𑍇 𑌪𑌰𑌂𑌤𑌪 ॥ 24 ॥
𑌤𑌸𑍍𑌮𑌾𑌤𑍍𑌤𑍍𑌵𑌯𑌾𑌽𑌦𑍍𑌯 𑌪𑍍𑌰𑌭𑍃𑌤𑌿 𑌨𑌿𑌶𑍇𑌯𑌂 𑌨𑌿𑌯𑌤𑌾𑌤𑍍𑌮𑌨𑌾 ।
𑌸𑌹 𑌵𑌧𑍍𑌵𑍋𑌪𑌵𑌸𑍍𑌤𑌵𑍍𑌯𑌾 𑌦𑌰𑍍𑌭𑌪𑍍𑌰𑌸𑍍𑌤𑌰𑌶𑌾𑌯𑌿𑌨𑌾 ॥ 25 ॥
𑌸𑍁𑌹𑍃𑌦𑌶𑍍𑌚𑌾𑌪𑍍𑌰𑌮𑌤𑍍𑌤𑌾𑌸𑍍𑌤𑍍𑌵𑌾𑌂 𑌰𑌕𑍍𑌷𑌂𑌤𑍍𑌵𑌦𑍍𑌯 𑌸𑌮𑌂𑌤𑌤𑌃 ।
𑌭𑌵𑌂𑌤𑌿 𑌬𑌹𑍁 𑌵𑌿𑌘𑍍𑌨𑌾𑌨𑌿 𑌕𑌾𑌰𑍍𑌯𑌾𑌣𑍍𑌯𑍇𑌵𑌂𑌵𑌿𑌧𑌾𑌨𑌿 𑌹𑌿 ॥ 26 ॥
𑌵𑌿𑌪𑍍𑌰𑍋𑌷𑌿𑌤𑌶𑍍𑌚 𑌭𑌰𑌤𑍋 𑌯𑌾𑌵𑌦𑍇𑌵 𑌪𑍁𑌰𑌾𑌦𑌿𑌤𑌃 ।
𑌤𑌾𑌵𑌦𑍇𑌵𑌾𑌭𑌿𑌷𑍇𑌕𑌸𑍍𑌤𑍇 𑌪𑍍𑌰𑌾𑌪𑍍𑌤𑌕𑌾𑌲𑍋 𑌮𑌤𑍋 𑌮𑌮 ॥ 2 ॥
𑌕𑌾𑌮𑌂 𑌖𑌲𑍁 𑌸𑌤𑌾𑌂 𑌵𑍃𑌤𑍍𑌤𑍇 𑌭𑍍𑌰𑌾𑌤𑌾 𑌤𑍇 𑌭𑌰𑌤𑌸𑍍𑌸𑍍𑌥𑌿𑌤𑌃 ।
𑌜𑍍𑌯𑍇𑌷𑍍𑌠𑌾𑌨𑍁𑌵𑌰𑍍𑌤𑍀 𑌧𑌰𑍍𑌮𑌾𑌤𑍍𑌮𑌾 𑌸𑌾𑌨𑍁𑌕𑍍𑌰𑍋𑌶𑍋 𑌜𑌿𑌤𑍇𑌂𑌦𑍍𑌰𑌿𑌯𑌃 ॥ 2 ॥
𑌕𑌿𑌂𑌤𑍁 𑌚𑌿𑌤𑍍𑌤𑌂 𑌮𑌨𑍁𑌷𑍍𑌯𑌾𑌣𑌾𑌮𑌨𑌿𑌤𑍍𑌯𑌮𑌿𑌤𑌿 𑌮𑍇 𑌮𑌤𑌿𑌃 ।
𑌸𑌤𑌾𑌂 𑌚 𑌧𑌰𑍍𑌮𑌨𑌿𑌤𑍍𑌯𑌾𑌨𑌾𑌂 𑌕𑍃𑌤𑌶𑍋𑌭𑌿 𑌚 𑌰𑌾𑌘𑌵 ॥ 2 ॥
𑌇𑌤𑍍𑌯𑍁𑌕𑍍𑌤 𑌸𑍍𑌸𑍋𑌽𑌭𑍍𑌯𑌨𑍁𑌜𑍍𑌞𑌾𑌤 𑌶𑍍𑌶𑍍𑌵𑍋𑌭𑌾𑌵𑌿𑌨𑍍𑌯𑌭𑌿𑌷𑍇𑌚𑌨𑍇 ।
𑌵𑍍𑌰𑌜𑍇𑌤𑌿 𑌰𑌾𑌮𑌃 𑌪𑌿𑌤𑌰𑌮𑌭𑌿𑌵𑌾𑌦𑍍𑌯𑌾𑌭𑍍𑌯𑌯𑌾𑌦𑍍𑌗𑍃𑌹𑌮𑍍 ॥ 30 ॥
𑌪𑍍𑌰𑌵𑌿𑌶𑍍𑌯 𑌚𑌾𑌤𑍍𑌮𑌨𑍋 𑌵𑍇𑌶𑍍𑌮𑌰𑌾𑌜𑍍𑌞𑍋𑌦𑍍𑌦𑌿𑌷𑍍𑌟𑍇𑌽𑌭𑌿𑌷𑍇𑌚𑌨𑍇 ।
𑌤𑌤𑍍𑌕𑍍𑌷𑌣𑍇𑌨 𑌵𑌿𑌨𑌿𑌰𑍍𑌗𑌮𑍍𑌯 𑌮𑌾𑌤𑍁𑌰𑌂𑌤𑌪𑍁𑌰𑌂 𑌯𑌯𑍌 ॥ 31 ॥
𑌤𑌤𑍍𑌰 𑌤𑌾𑌂 𑌪𑍍𑌰𑌵𑌣𑌾𑌮𑍇𑌵 𑌮𑌾𑌤𑌰𑌂 𑌕𑍍𑌷𑍌𑌮𑌵𑌾𑌸𑌿𑌨𑍀𑌮𑍍 ।
𑌵𑌾𑌗𑍍𑌯𑌤𑌾𑌂 𑌦𑍇𑌵𑌤𑌾𑌗𑌾𑌰𑍇 𑌦𑌦𑌰𑍍𑌶𑌾𑌽𑌽𑌯𑌾𑌚𑌤𑍀𑌂 𑌶𑍍𑌰𑌿𑌯𑌮𑍍 ॥ 32 ॥
𑌪𑍍𑌰𑌾𑌗𑍇𑌵 𑌚𑌾𑌗𑌤𑌾 𑌤𑌤𑍍𑌰 𑌸𑍁𑌮𑌿𑌤𑍍𑌰𑌾 𑌲𑌕𑍍𑌷𑍍𑌮𑌣 𑌸𑍍𑌤𑌥𑌾 ।
𑌸𑍀𑌤𑌾 𑌚𑌾𑌨𑌾𑌯𑌿𑌤𑌾 𑌶𑍍𑌰𑍁𑌤𑍍𑌵𑌾 𑌪𑍍𑌰𑌿𑌯𑌂 𑌰𑌾𑌮𑌾𑌭𑌿𑌷𑍇𑌚𑌨𑌮𑍍 ॥ 33 ॥
𑌤𑌸𑍍𑌮𑌿𑌨𑍍 𑌕𑌾𑌲𑍇 𑌹𑌿 𑌕𑍌𑌶𑌲𑍍𑌯𑌾 𑌤𑌸𑍍𑌥𑌾𑌵𑌾𑌮𑍀𑌲𑌿𑌤𑍇𑌕𑍍𑌷𑌣𑌾 ।
𑌸𑍁𑌮𑌿𑌤𑍍𑌰𑌯𑌾𑌽𑌨𑍍𑌵𑌾𑌸𑍍𑌯𑌮𑌾𑌨𑌾 𑌸𑍀𑌤𑌯𑌾 𑌲𑌕𑍍𑌷𑍍𑌮𑌣𑍇𑌨 𑌚 ॥ 34 ॥
𑌶𑍍𑌰𑍁𑌤𑍍𑌵𑌾 𑌪𑍁𑌷𑍍𑌯𑍇𑌣 𑌪𑍁𑌤𑍍𑌰𑌸𑍍𑌯 𑌯𑍌𑌵𑌰𑌾𑌜𑍍𑌯𑌾𑌽𑌭𑌿𑌷𑍇𑌚𑌨𑌮𑍍 ।
𑌪𑍍𑌰𑌾𑌣𑌾𑌯𑌾𑌮𑍇𑌨 𑌪𑍁𑌰𑍁𑌷𑌂 𑌧𑍍𑌯𑌾𑌯𑌮𑌾𑌨𑌾 𑌜𑌨𑌾𑌰𑍍𑌦𑌨𑌮𑍍 ॥ 35 ॥
𑌤𑌥𑌾 𑌸𑌨𑌿𑌯𑌮𑌾𑌮𑍇𑌵 𑌸𑍋𑌽𑌭𑌿𑌗𑌮𑍍𑌯𑌾𑌭𑌿𑌵𑌾𑌦𑍍𑌯 𑌚 ।
𑌉𑌵𑌾𑌚 𑌵𑌚𑌨𑌂 𑌰𑌾𑌮𑍋 𑌹𑌰𑍍𑌷𑌯𑌂𑌸𑍍𑌤𑌾𑌮𑌨𑌿𑌂𑌦𑌿𑌤𑌾𑌮𑍍 ॥ 36 ॥
𑌅𑌂𑌬 𑌪𑌿𑌤𑍍𑌰𑌾 𑌨𑌿𑌯𑍁𑌕𑍍𑌤𑍋𑌽𑌸𑍍𑌮𑌿 𑌪𑍍𑌰𑌜𑌾𑌪𑌾𑌲𑌨𑌕𑌰𑍍𑌮𑌣𑌿 ।
𑌭𑌵𑌿𑌤𑌾 𑌶𑍍𑌵𑍋𑌽𑌭𑌿𑌷𑍇𑌕𑍋 𑌮𑍇 𑌯𑌥𑌾 𑌮𑍇 𑌶𑌾𑌸𑌨𑌂 𑌪𑌿𑌤𑍁𑌃 ॥ 3 ॥
𑌸𑍀𑌤𑌯𑌾𑌪𑍍𑌯𑍁𑌪𑌵𑌸𑍍𑌤𑌵𑍍𑌯𑌾 𑌰𑌜𑌨𑍀𑌯𑌂 𑌮𑌯𑌾 𑌸𑌹 ।
𑌏𑌵𑌮𑍃𑌤𑍍𑌵𑌿𑌗𑍁𑌪𑌾𑌧𑍍𑌯𑌾𑌯𑍈 𑌸𑍍𑌸𑌹 𑌮𑌾𑌮𑍁𑌕𑍍𑌤𑌵𑌾𑌨𑍍𑌪𑌿𑌤𑌾 ॥ 3 ॥
𑌯𑌾𑌨𑌿 𑌯𑌾𑌨𑍍𑌯𑌤𑍍𑌰 𑌯𑍋𑌗𑍍𑌯𑌾𑌨𑌿 𑌶𑍍𑌵𑍋𑌭𑌾𑌵𑌿𑌨𑍍𑌯𑌭𑌿𑌷𑍇𑌚𑌨𑍇 ।
𑌤𑌾𑌨𑌿 𑌮𑍇 𑌮𑌂𑌗𑌲𑌾𑌨𑍍𑌯𑌦𑍍𑌯 𑌵𑍈𑌦𑍇𑌹𑍍𑌯𑌾𑌶𑍍𑌚𑍈𑌵 𑌕𑌾𑌰𑌯 ॥ 3 ॥
𑌏𑌤𑌚𑍍𑌛𑍍𑌰𑍁𑌤𑍍𑌵𑌾 𑌤𑍁 𑌕𑍌𑌶𑌲𑍍𑌯𑌾 𑌚𑌿𑌰𑌕𑌾𑌲𑌾𑌭𑌿𑌕𑌾𑌂𑌕𑍍𑌷𑌿𑌤𑌮𑍍 ।
𑌹𑌰𑍍𑌷𑌬𑌾𑌷𑍍𑌪𑌕𑌲𑌂 𑌵𑌾𑌕𑍍𑌯𑌮𑌿𑌦𑌂 𑌰𑌾𑌮𑌮𑌭𑌾𑌷𑌤 ॥ 40 ॥
𑌵𑌤𑍍𑌸 𑌰𑌾𑌮 𑌚𑌿𑌰𑌂 𑌜𑍀𑌵 𑌹𑌤𑌾𑌸𑍍𑌤𑍇 𑌪𑌰𑌿𑌪𑌂𑌥𑌿𑌨𑌃 ।
𑌜𑍍𑌞𑌾𑌤𑍀𑌨𑍍𑌮𑍇 𑌤𑍍𑌵𑌂 𑌶𑍍𑌰𑌿𑌯𑌾 𑌯𑍁𑌕𑍍𑌤 𑌸𑍍𑌸𑍁𑌮𑌿𑌤𑍍𑌰𑌾𑌯𑌾𑌶𑍍𑌚 𑌨𑌂𑌦𑌯 ॥ 41 ॥
𑌕𑌲𑍍𑌯𑌾𑌣𑍇 𑌬𑌤 𑌨𑌕𑍍𑌷𑌤𑍍𑌰𑍇 𑌮𑌯𑌿 𑌜𑌾𑌤𑍋𑌽𑌸𑌿 𑌪𑍁𑌤𑍍𑌰𑌕 ।
𑌯𑍇𑌨 𑌤𑍍𑌵𑌯𑌾 𑌦𑌶𑌰𑌥𑍋 𑌗𑍁𑌣𑍈𑌰𑌾𑌰𑌾𑌧𑌿𑌤𑌃 𑌪𑌿𑌤𑌾 ॥ 42 ॥
𑌅𑌮𑍋𑌘𑌂 𑌬𑌤 𑌮𑍇 𑌕𑍍𑌷𑌾𑌂𑌤𑌂 𑌪𑍁𑌰𑍁𑌷𑍇 𑌪𑍁𑌷𑍍𑌕𑌰𑍇𑌕𑍍𑌷𑌣𑍇 ।
𑌯𑍇𑌯𑌮𑌿𑌕𑍍𑌷𑍍𑌵𑌾𑌕𑍁𑌰𑌾𑌜𑍍𑌯𑌶𑍍𑌰𑍀𑌃 𑌪𑍁𑌤𑍍𑌰 𑌤𑍍𑌵𑌾𑌂 𑌸𑌂𑌶𑍍𑌰𑌯𑌿𑌷𑍍𑌯𑌤𑌿 ॥ 43 ॥
𑌇𑌤𑍍𑌯𑍇𑌵𑌮𑍁𑌕𑍍𑌤𑍋 𑌮𑌾𑌤𑍍𑌰𑍇𑌦𑌂 𑌰𑌾𑌮𑍋 𑌭𑍍𑌰𑌾𑌤𑌰𑌮𑌬𑍍𑌰𑌵𑍀𑌤𑍍 ।
𑌪𑍍𑌰𑌾𑌂𑌜𑌲𑌿𑌂 𑌪𑍍𑌰𑌹𑍍𑌵𑌮𑌾𑌸𑍀𑌨𑌮𑌭𑌿𑌵𑍀𑌕𑍍𑌷𑍍𑌯 𑌸𑍍𑌮𑌯𑌨𑍍𑌨𑌿𑌵 ॥ 44 ॥
𑌲𑌕𑍍𑌷𑍍𑌮𑌣𑍇𑌮𑌾𑌂 𑌮𑌯𑌾 𑌸𑌾𑌰𑍍𑌧𑌂 𑌪𑍍𑌰𑌶𑌾𑌧𑌿 𑌤𑍍𑌵𑌂 𑌵𑌸𑍁𑌂𑌧𑌰𑌾𑌮𑍍 ।
𑌦𑍍𑌵𑌿𑌤𑍀𑌯𑌂 𑌮𑍇𑌽𑌂𑌤𑌰𑌾𑌤𑍍𑌮𑌾𑌨𑌂 𑌤𑍍𑌵𑌾𑌮𑌿𑌯𑌂 𑌶𑍍𑌰𑍀𑌰𑍁𑌪𑌸𑍍𑌥𑌿𑌤𑌾 ॥ 45 ॥
𑌸𑍌𑌮𑌿𑌤𑍍𑌰𑍇 𑌭𑍁𑌂𑌕𑍍𑌷𑍍𑌵 𑌭𑍋𑌗𑌾𑌂𑌤𑍍𑌸𑍍𑌵𑌮𑌿𑌷𑍍𑌟𑌾𑌨𑍍𑌰𑌾𑌜𑍍𑌯𑌫𑌲𑌾𑌨𑌿 𑌚 ।
𑌜𑍀𑌵𑌿𑌤𑌂 𑌚 𑌹𑌿 𑌰𑌾𑌜𑍍𑌯𑌂 𑌚 𑌤𑍍𑌵𑌦𑌰𑍍𑌥𑌮𑌭𑌿𑌕𑌾𑌮𑌯𑍇 ॥ 46 ॥
𑌇𑌤𑍍𑌯𑍁𑌕𑍍𑌤𑍍𑌵𑌾 𑌲𑌕𑍍𑌷𑍍𑌮𑌣𑌂 𑌰𑌾𑌮𑍋 𑌮𑌾𑌤𑌰𑌾𑌵𑌭𑌿𑌵𑌾𑌦𑍍𑌯 𑌚 ।
𑌅𑌭𑍍𑌯𑌨𑍁𑌜𑍍𑌞𑌾𑌪𑍍𑌯 𑌸𑍀𑌤𑌾𑌂 𑌚 𑌜𑌗𑌾𑌮 𑌸𑍍𑌵𑌂 𑌨𑌿𑌵𑍇𑌶𑌨𑌮𑍍 ॥ 4 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌚𑌤𑍁𑌰𑍍𑌥𑌸𑍍𑌸𑌰𑍍𑌗𑌃 ॥
