𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌬𑌾𑌲𑌕𑌾𑌂𑌡𑌮𑍍 ।
𑌅𑌥 𑌏𑌕𑌵𑌿𑌂𑌶𑌸𑍍𑌸𑌰𑍍𑌗𑌃 ।
𑌤𑌚𑍍𑌛𑍍𑌰𑍁𑌤𑍍𑌵𑌾 𑌵𑌚𑌨𑌂 𑌤𑌸𑍍𑌯 𑌸𑍍𑌨𑍇𑌹𑌪𑌰𑍍𑌯𑌾𑌕𑍁𑌲𑌾𑌕𑍍𑌷𑌰𑌮𑍍 ।
𑌸𑌮𑌨𑍍𑌯𑍁𑌃 𑌕𑍌𑌶𑌿𑌕𑍋 𑌵𑌾𑌕𑍍𑌯𑌂 𑌪𑍍𑌰𑌤𑍍𑌯𑍁𑌵𑌾𑌚 𑌮𑌹𑍀𑌪𑌤𑌿𑌮𑍍 ॥ 1 ॥
𑌪𑍂𑌰𑍍𑌵𑌮𑌰𑍍𑌥𑌂 𑌪𑍍𑌰𑌤𑌿𑌶𑍍𑌰𑍁𑌤𑍍𑌯 𑌪𑍍𑌰𑌤𑌿𑌜𑍍𑌞𑌾𑌂 𑌹𑌾𑌤𑍁𑌮𑌿𑌚𑍍𑌛𑌸𑌿 ।
𑌰𑌾𑌘𑌵𑌾𑌣𑌾𑌮𑌯𑍁𑌕𑍍𑌤𑍋𑌽𑌯𑌂 𑌕𑍁𑌲𑌸𑍍𑌯𑌾𑌸𑍍𑌯 𑌵𑌿𑌪𑌰𑍍𑌯𑌯𑌃 ॥ 2 ॥
𑌯𑌦𑍀𑌦𑌂 𑌤𑍇 𑌕𑍍𑌷𑌮𑌂 𑌰𑌾𑌜𑌨𑍍 𑌗𑌮𑌿𑌷𑍍𑌯𑌾𑌮𑌿 𑌯𑌥𑌾𑌽𑌗𑌤𑌮𑍍 ।
𑌮𑌿𑌥𑍍𑌯𑌾𑌪𑍍𑌰𑌤𑌿𑌜𑍍𑌞𑌃 𑌕𑌾𑌕𑍁𑌤𑍍𑌸𑍍𑌥 𑌸𑍁𑌖𑍀𑌭𑌵 𑌸𑌬𑌾𑌂𑌧𑌵𑌃 ॥ 3 ॥
𑌤𑌸𑍍𑌯 𑌰𑍋𑌷𑌪𑌰𑍀𑌤𑌸𑍍𑌯 𑌵𑌿𑌶𑍍𑌵𑌾𑌮𑌿𑌤𑍍𑌰𑌸𑍍𑌯 𑌧𑍀𑌮𑌤𑌃 ।
𑌚𑌚𑌾𑌲 𑌵𑌸𑍁𑌧𑌾 𑌕𑍃𑌤𑍍𑌸𑍍𑌨𑌾 𑌵𑌿𑌵𑍇𑌶 𑌚 𑌭𑌯𑌂 𑌸𑍁𑌰𑌾𑌨𑍍 ॥ 4 ॥
𑌤𑍍𑌰𑌸𑍍𑌤𑌰𑍂𑌪𑌂 𑌤𑍁 𑌵𑌿𑌜𑍍𑌞𑌾𑌯 𑌜𑌗𑌤𑍍𑌸𑌰𑍍𑌵𑌂 𑌮𑌹𑌾𑌨𑍃𑌷𑌿𑌃 ।
𑌨𑍃𑌪𑌤𑌿𑌂 𑌸𑍁𑌵𑍍𑌰𑌤𑍋 𑌧𑍀𑌰𑍋 𑌵𑌸𑌿𑌷𑍍𑌠𑍋 𑌵𑌾𑌕𑍍𑌯𑌮𑌬𑍍𑌰𑌵𑍀𑌤𑍍 ॥ 5 ॥
𑌇𑌕𑍍𑌷𑍍𑌵𑌾𑌕𑍂𑌣𑌾𑌂 𑌕𑍁𑌲𑍇 𑌜𑌾𑌤𑌸𑍍𑌸𑌾𑌕𑍍𑌷𑌾𑌦𑍍𑌧𑌰𑍍𑌮 𑌇𑌵𑌾𑌪𑌰𑌃 ।
𑌧𑍃𑌤𑌿𑌮𑌾𑌨𑍍 𑌸𑍁𑌵𑍍𑌰𑌤𑌃 𑌶𑍍𑌰𑍀𑌮𑌾𑌨𑍍𑌨𑌧𑌰𑍍𑌮𑌂 𑌹𑌾𑌤𑍁𑌮𑌰𑍍𑌹𑌸𑌿 ॥ 6 ॥
𑌤𑍍𑌰𑌿𑌷𑍁 𑌲𑍋𑌕𑍇𑌷𑍁 𑌵𑌿𑌖𑍍𑌯𑌾𑌤𑍋 𑌧𑌰𑍍𑌮𑌾𑌤𑍍𑌮𑌾 𑌇𑌤𑌿 𑌰𑌾𑌘𑌵 ।
𑌸𑍍𑌵𑌧𑌰𑍍𑌮𑌂 𑌪𑍍𑌰𑌤𑌿𑌪𑌦𑍍𑌯𑌸𑍍𑌵 𑌨𑌾𑌧𑌰𑍍𑌮𑌂 𑌵𑍋𑌢𑍁𑌮𑌰𑍍𑌹𑌸𑌿 ॥ ॥
𑌸𑌂𑌶𑍍𑌰𑍁𑌤𑍍𑌯𑍈𑌵𑌂 𑌕𑌰𑌿𑌷𑍍𑌯𑌾𑌮𑍀𑌤𑍍𑌯𑌕𑍁𑌰𑍍𑌵𑌾𑌣𑌸𑍍𑌯 𑌰𑌾𑌘𑌵 ।
𑌇𑌷𑍍𑌟𑌾𑌪𑍂𑌰𑍍𑌤𑌵𑌧𑍋 𑌭𑍂𑌯𑌾𑌤𑍍𑌤𑌸𑍍𑌮𑌾𑌦𑍍𑌰𑌾𑌮𑌂 𑌵𑌿𑌸𑌰𑍍𑌜𑌯 ॥ ॥
𑌕𑍃𑌤𑌾𑌸𑍍𑌤𑍍𑌰𑌮𑌕𑍃𑌤𑌾𑌸𑍍𑌤𑍍𑌰𑌂 𑌵𑌾 𑌨𑍈𑌨𑌂 𑌶𑌕𑍍𑌷𑍍𑌯𑌂𑌤𑌿 𑌰𑌾𑌕𑍍𑌷𑌸𑌾𑌃 ।
𑌗𑍁𑌪𑍍𑌤𑌂 𑌕𑍁𑌶𑌿𑌕𑌪𑍁𑌤𑍍𑌰𑍇𑌣 𑌜𑍍𑌵𑌲𑌨𑍇𑌨𑌾𑌮𑍃𑌤𑌂 𑌯𑌥𑌾 ॥ ॥
𑌏𑌷 𑌵𑌿𑌗𑍍𑌰𑌹𑌵𑌾𑌨𑍍 𑌧𑌰𑍍𑌮 𑌏𑌷 𑌵𑍀𑌰𑍍𑌯𑌵𑌤𑌾𑌂 𑌵𑌰𑌃 ।
𑌏𑌷 𑌬𑍁𑌧𑍍𑌯𑌾𑌽𑌧𑌿𑌕𑍋 𑌲𑍋𑌕𑍇 𑌤𑌪𑌸𑌶𑍍𑌚 𑌪𑌰𑌾𑌯𑌣𑌮𑍍 ॥ 10 ॥
𑌏𑌷𑍋𑌽𑌸𑍍𑌤𑍍𑌰𑌾𑌨𑍍 𑌵𑌿𑌵𑌿𑌧𑌾𑌨𑍍𑌵𑍇𑌤𑍍𑌤𑌿 𑌤𑍍𑌰𑍈𑌲𑍋𑌕𑍍𑌯𑍇 𑌸𑌚𑌰𑌾𑌚𑌰𑍇 ।
𑌨𑍈𑌨𑌮𑌨𑍍𑌯𑌃 𑌪𑍁𑌮𑌾𑌨𑍍𑌵𑍇𑌤𑍍𑌤𑌿 𑌨 𑌚 𑌵𑍇𑌤𑍍𑌸𑍍𑌯𑌂𑌤𑌿 𑌕𑍇𑌚𑌨 ॥ 11 ॥
𑌨 𑌦𑍇𑌵𑌾 𑌨𑌰𑍍𑌷𑌯𑌃 𑌕𑍇𑌚𑌿𑌨𑍍𑌨𑌾𑌸𑍁𑌰𑌾 𑌨 𑌚 𑌰𑌾𑌕𑍍𑌷𑌸𑌾𑌃 ।
𑌗𑌂𑌧𑌰𑍍𑌵𑌯𑌕𑍍𑌷𑌪𑍍𑌰𑌵𑌰𑌾𑌸𑍍𑌸𑌕𑌿𑌨𑍍𑌨𑌰𑌮𑌹𑍋𑌰𑌗𑌾𑌃 ॥ 12 ॥
𑌸𑌰𑍍𑌵𑌾𑌸𑍍𑌤𑍍𑌰𑌾𑌣𑌿 𑌭𑍃𑌶𑌾𑌶𑍍𑌵𑌸𑍍𑌯 𑌪𑍁𑌤𑍍𑌰𑌾𑌃 𑌪𑌰𑌮𑌧𑌾𑌰𑍍𑌮𑌿𑌕𑌾𑌃 ।
𑌕𑍌𑌶𑌿𑌕𑌾𑌯 𑌪𑍁𑌰𑌾 𑌦𑌤𑍍𑌤𑌾 𑌯𑌦𑌾 𑌰𑌾𑌜𑍍𑌯𑌂 𑌪𑍍𑌰𑌶𑌾𑌸𑌤𑌿 ॥ 13 ॥
𑌤𑍇𑌽𑌪𑌿 𑌪𑍁𑌤𑍍𑌰𑌾 𑌭𑍃𑌶𑌾𑌶𑍍𑌵𑌸𑍍𑌯 𑌪𑍍𑌰𑌜𑌾𑌪𑌤𑌿𑌸𑍁𑌤𑌾𑌸𑍁𑌤𑌾𑌃 ।
𑌨𑍈𑌕𑌰𑍂𑌪𑌾 𑌮𑌹𑌾𑌵𑍀𑌰𑍍𑌯𑌾 𑌦𑍀𑌪𑍍𑌤𑌿𑌮𑌂𑌤𑍋 𑌜𑌯𑌾𑌵𑌹𑌾𑌃 ॥ 14 ॥
𑌜𑌯𑌾 𑌚 𑌸𑍁𑌪𑍍𑌰𑌭𑌾 𑌚𑍈𑌵 𑌦𑌕𑍍𑌷𑌕𑌨𑍍𑌯𑍇 𑌸𑍁𑌮𑌧𑍍𑌯𑌮𑍇 ।
𑌤𑍇 𑌸𑍁𑌵𑌾𑌤𑍇𑌽𑌸𑍍𑌤𑍍𑌰𑌶𑌸𑍍𑌤𑍍𑌰𑌾𑌣𑌿 𑌶𑌤𑌂 𑌪𑌰𑌮𑌭𑌾𑌸𑍍𑌵𑌰𑌮𑍍 ॥ 15 ॥
𑌪𑌂𑌚𑌾𑌶𑌤𑌂 𑌸𑍁𑌤𑌾𑌨𑍍 𑌲𑍇𑌭𑍇 𑌜𑌯𑌾 𑌨𑌾𑌮 𑌪𑌰𑌾𑌨𑍍 𑌪𑍁𑌰𑌾 ।
𑌵𑌧𑌾𑌯𑌾𑌸𑍁𑌰𑌸𑍈𑌨𑍍𑌯𑌾𑌨𑌾𑌮𑌮𑍇𑌯𑌾𑌨𑍍 𑌕𑌾𑌮𑌰𑍂𑌪𑌿𑌣𑌃 ॥ 16 ॥
𑌸𑍁𑌪𑍍𑌰𑌭𑌾𑌽𑌜𑌨𑌯𑌚𑍍𑌚𑌾𑌪𑌿 𑌪𑍁𑌤𑍍𑌰𑌾𑌨𑍍𑌪𑌂𑌚𑌾𑌶𑌤𑌂 𑌪𑍁𑌨𑌃 ।
𑌸𑌂𑌹𑌾𑌰𑌾𑌨𑍍𑌨𑌾𑌮𑌦𑍁𑌰𑍍𑌧𑌰𑍍𑌷𑌾𑌨𑍍 𑌦𑍁𑌰𑌾𑌕𑍍𑌰𑌾𑌮𑌾𑌨𑍍 𑌬𑌲𑍀𑌯𑌸𑌃 ॥ 1 ॥
𑌤𑌾𑌨𑌿 𑌚𑌾𑌸𑍍𑌤𑍍𑌰𑌾𑌣𑌿 𑌵𑍇𑌤𑍍𑌤𑍍𑌯𑍇𑌷 𑌯𑌥𑌾𑌵𑌤𑍍𑌕𑍁𑌶𑌿𑌕𑌾𑌤𑍍𑌮𑌜𑌃 ।
𑌅𑌪𑍂𑌰𑍍𑌵𑌾𑌣𑌾𑌂 𑌚 𑌜𑌨𑌨𑍇 𑌶𑌕𑍍𑌤𑍋 𑌭𑍂𑌯𑌸𑍍𑌸 𑌧𑌰𑍍𑌮𑌵𑌿𑌤𑍍 ॥ 1 ॥
𑌏𑌵𑌂 𑌵𑍀𑌰𑍍𑌯𑍋 𑌮𑌹𑌾𑌤𑍇𑌜𑌾 𑌵𑌿𑌶𑍍𑌵𑌾𑌮𑌿𑌤𑍍𑌰𑍋 𑌮𑌹𑌾𑌯𑌶𑌾𑌃 ।
𑌨 𑌰𑌾𑌮𑌗𑌮𑌨𑍇 𑌰𑌾𑌜𑌨𑍍 𑌸𑌂𑌶𑌯𑌂 𑌕𑌰𑍍𑌤𑍁𑌮𑌰𑍍𑌹𑌸𑌿 ॥ 1 ॥
𑌤𑍇𑌷𑌾𑌂 𑌨𑌿𑌗𑍍𑌰𑌹𑌣𑍇 𑌶𑌕𑍍𑌤𑌸𑍍𑌸𑍍𑌵𑌯𑌂 𑌚 𑌕𑍁𑌶𑌿𑌕𑌾𑌤𑍍𑌮𑌜𑌃 ।
𑌤𑌵 𑌪𑍁𑌤𑍍𑌰𑌹𑌿𑌤𑌾𑌰𑍍𑌥𑌾𑌯 𑌤𑍍𑌵𑌾𑌮𑍁𑌪𑍇𑌤𑍍𑌯𑌾𑌭𑌿𑌯𑌾𑌚𑌤𑍇 ॥ 20 ॥
𑌇𑌤𑌿 𑌮𑍁𑌨𑌿𑌵𑌚𑌨𑌾𑌤𑍍𑌪𑍍𑌰𑌸𑌨𑍍𑌨𑌚𑌿𑌤𑍍𑌤𑍋 𑌰𑌘𑍁𑌵𑍃𑌷𑌭𑌸𑍍𑌤𑍁 𑌮𑍁𑌮𑍋𑌦 𑌭𑌾𑌸𑍍𑌵𑌰𑌾𑌂𑌗𑌃 ।
𑌗𑌮𑌨𑌮𑌭𑌿𑌰𑍁𑌰𑍋𑌚 𑌰𑌾𑌘𑌵𑌸𑍍𑌯 𑌪𑍍𑌰𑌥𑌿𑌤𑌯𑌶𑌾𑌃 𑌕𑍁𑌶𑌿𑌕𑌾𑌤𑍍𑌮𑌜𑌾𑌯 𑌬𑍁𑌧𑍍𑌯𑌾 ॥ 21 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌬𑌾𑌲𑌕𑌾𑌂𑌡𑍇 𑌏𑌕𑌵𑌿𑌂𑌶𑌸𑍍𑌸𑌰𑍍𑌗𑌃 ॥
