Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

6.4 𑌯𑍁𑌦𑍍𑌧𑌕𑌾𑌂𑌡 - 𑌚𑌤𑍁𑌰𑍍𑌥 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌚𑌤𑍁𑌰𑍍𑌥𑌸𑍍𑌸𑌰𑍍𑌗𑌃 ।

𑌶𑍍𑌰𑍁𑌤𑍍𑌵𑌾 𑌹𑌨𑍁𑌮𑌤𑍋 𑌵𑌾𑌕𑍍𑌯𑌂 𑌯𑌥𑌾𑌵𑌦𑌨𑍁𑌪𑍂𑌰𑍍𑌵𑌶𑌃 ।
𑌤𑌤𑍋𑌽𑌬𑍍𑌰𑌵𑍀𑌨𑍍𑌮𑌹𑌾𑌤𑍇𑌜𑌾 𑌰𑌾𑌮𑌸𑍍𑌸𑌤𑍍𑌯𑌪𑌰𑌾𑌕𑍍𑌰𑌮𑌃 ॥ 1 ॥

𑌯𑌾𑌂 𑌨𑌿𑌵𑍇𑌦𑌯𑌸𑍇 𑌲𑌂𑌕𑌾𑌂 𑌪𑍁𑌰𑍀𑌂 𑌭𑍀𑌮𑌸𑍍𑌯 𑌰𑌕𑍍𑌷𑌸𑌃 ।
𑌕𑍍𑌷𑌿𑌪𑍍𑌰𑌮𑍇𑌨𑌾𑌂 𑌮𑌥𑌿𑌷𑍍𑌯𑌾𑌮𑌿 𑌸𑌤𑍍𑌯𑌮𑍇𑌤𑌦𑍍𑌬𑍍𑌰𑌵𑍀𑌮𑌿 𑌤𑍇 ॥ 2 ॥

𑌅𑌸𑍍𑌮𑌿𑌨𑍍 𑌮𑍁𑌹𑍂𑌰𑍍𑌤𑍇 𑌸𑍁𑌗𑍍𑌰𑍀𑌵 𑌪𑍍𑌰𑌯𑌾𑌣𑌮𑌭𑌿𑌰𑍋𑌚𑌯𑍇 ।
𑌯𑍁𑌕𑍍𑌤𑍋 𑌮𑍁𑌹𑍂𑌰𑍍𑌤𑍋 𑌵𑌿𑌜𑌯𑌃 𑌪𑍍𑌰𑌾𑌪𑍍𑌤𑍋 𑌮𑌧𑍍𑌯𑌂 𑌦𑌿𑌵𑌾𑌕𑌰 ॥ 3 ॥

𑌸𑍀𑌤𑌾𑌂 𑌹𑍃𑌤𑍍𑌵𑌾 𑌤𑍁 𑌮𑍇 𑌜𑌾𑌤𑍁 𑌕𑍍𑌵𑌾𑌸𑍌 𑌯𑌾𑌸𑍍𑌯𑌤𑌿 𑌯𑌾𑌸𑍍𑌯𑌤𑌃 ।
𑌸𑍀𑌤𑌾 𑌶𑍍𑌰𑍁𑌤𑍍𑌵𑌾𑌭𑌿𑌯𑌾𑌨𑌂 𑌮𑍇 𑌅𑌶𑌾𑌮𑍇𑌷𑍍𑌯𑌤𑌿 𑌜𑍀𑌵𑌿𑌤𑍇 ।
𑌜𑍀𑌵𑌿𑌤𑌾𑌂𑌤𑍇𑌽 𑌮𑍃𑌤𑌂 𑌸𑍍𑌪𑍃𑌷𑍍𑌟𑌵𑌾 𑌪𑍀𑌤𑍍𑌵𑌾 𑌵𑌿𑌷𑌮𑌿𑌵𑌾𑌤𑍁𑌰𑌃 ॥ 4 ॥

𑌉𑌤𑍍𑌤𑌰𑌾 𑌫𑌲𑍍𑌗𑍁𑌨𑍀 𑌹𑍍𑌯𑌦𑍍𑌯 𑌶𑍍𑌵𑌸𑍍𑌤𑍁 𑌹𑌸𑍍𑌤𑍇𑌨 𑌯𑍋𑌕𑍍𑌷𑍍𑌯𑌤𑍇 ।
𑌅𑌭𑌿𑌪𑍍𑌰𑌾𑌯𑌾𑌮 𑌸𑍁𑌗𑍍𑌰𑍀𑌵 𑌸𑌰𑍍𑌵𑌾𑌨𑍀𑌕𑌸𑌮𑌾𑌵𑍃𑌤𑌾𑌃 ॥ 5 ॥

𑌨𑌿𑌮𑌿𑌤𑍍𑌤𑌾𑌨𑌿 𑌚 𑌪𑌶𑍍𑌯𑌾𑌮𑌿 𑌯𑌾𑌨𑌿 𑌪𑍍𑌰𑌾𑌦𑍁𑌰𑍍𑌭𑌵𑌂𑌤𑌿 𑌚 ।
𑌨𑌿𑌹𑌤𑍍𑌯 𑌰𑌾𑌵𑌣𑌂 𑌸𑍀𑌤𑌾𑌮𑌾𑌨𑌯𑌿𑌷𑍍𑌯𑌾𑌮𑌿 𑌜𑌾𑌨𑌕𑍀𑌮𑍍 ॥ 6 ॥

𑌉𑌪𑌰𑌿𑌷𑍍𑌟𑌾𑌦𑍍𑌧𑌿 𑌨𑌯𑌨𑌂 𑌸𑍍𑌫𑍁𑌰𑌮𑌾𑌣𑌮𑌿𑌦𑌂 𑌮𑌮 ।
𑌵𑌿𑌜𑌯𑌂 𑌸𑌮𑌨𑍁𑌪𑍍𑌰𑌾𑌪𑍍𑌤𑌂 𑌶𑌂𑌸𑌤𑍀𑌵 𑌮𑌨𑍋𑌰𑌥𑌮𑍍 ॥ 𑍭 ॥

𑌤𑌤𑍋 𑌵𑌾𑌨𑌰𑌰𑌾𑌜𑍇𑌨 𑌲𑌕𑍍𑌷𑍍𑌮𑌣𑍇𑌨 𑌸𑍁𑌪𑍂𑌜𑌿𑌤𑌃 ।
𑌉𑌵𑌾𑌚 𑌰𑌾𑌮𑍋 𑌧𑌰𑍍𑌮𑌾𑌤𑍍𑌮𑌾 𑌪𑍁𑌨𑌰𑌪𑍍𑌯𑌰𑍍𑌧𑌕𑍋𑌵𑌿𑌦𑌃 ॥ 𑍮 ॥

𑌅𑌗𑍍𑌰𑍇 𑌯𑌾𑌤𑍁 𑌬𑌲𑌸𑍍𑌯𑌾𑌸𑍍𑌯 𑌨𑍀𑌲𑍋 𑌮𑌾𑌰𑍍𑌗𑌮𑌵𑍇𑌕𑍍𑌷𑌿𑌤𑍁𑌮𑍍 ।
𑌵𑍃𑌤𑌶𑍍𑌶𑌤𑌸𑌹𑌸𑍍𑌰𑍇𑌣 𑌵𑌾𑌨𑌰𑌾𑌣𑌾𑌂 𑌤𑌰𑌸𑍍𑌵𑌿𑌨𑌾𑌮𑍍 ॥ 𑍯 ॥

𑌫𑌲𑌮𑍂𑌲𑌵𑌤𑌾 𑌨𑍀𑌲 𑌶𑍀𑌤𑌕𑌾𑌨𑌨𑌵𑌾𑌰𑌿𑌣𑌾 ।
𑌪𑌥𑌾 𑌮𑌧𑍁𑌮𑌤𑌾 𑌚𑌾𑌶𑍁 𑌸𑍇𑌨𑌾𑌂 𑌸𑍇𑌨𑌾𑌪𑌤𑍇 𑌨𑌯 ॥ 10 ॥

𑌦𑍂𑌷𑌯𑍇𑌯𑍁𑌰𑍍𑌦𑍁𑌰𑌾𑌤𑍍𑌮𑌨𑌃 𑌪𑌥𑌿 𑌮𑍂𑌲𑌫𑌲𑍋𑌦𑌕𑌮𑍍 ।
𑌰𑌾𑌕𑍍𑌷𑌸𑌾𑌃 𑌪𑌰𑌿𑌰𑌕𑍍𑌷𑍇𑌥𑌾𑌸𑍍𑌤𑍇𑌭𑍍𑌯𑌸𑍍𑌤𑍍𑌵𑌂 𑌨𑌿𑌤𑍍𑌯𑌮𑍁𑌦𑍍𑌯𑌤𑌃 ॥ 11 ॥

𑌨𑌿𑌮𑍍𑌨𑍇𑌷𑍁 𑌵𑌨𑌦𑍁𑌰𑍍𑌗𑍇𑌷𑍁 𑌵𑌨𑍇𑌷𑍁 𑌚 𑌵𑌨𑍌𑌕𑌸𑌃 ।
𑌅𑌭𑌿𑌪𑍍𑌲𑍁𑌤𑍍𑌯𑌾𑌭𑌿𑌪𑌶𑍍𑌯𑍇𑌯𑍁𑌃 𑌪𑌰𑍇𑌷𑌾𑌂 𑌨𑌿𑌹𑌿𑌤𑌂 𑌬𑌲𑌮𑍍 ॥ 12 ॥

𑌯𑌚𑍍𑌚 𑌫𑌲𑍍𑌗𑍁 𑌬𑌲𑌂 𑌕𑌿𑌂𑌚𑌿𑌤𑍍𑌤 𑌦𑌤𑍍𑌰𑍈𑌵𑍋𑌪𑌪𑌦𑍍𑌯𑌤𑌾𑌮𑍍 ।
𑌏𑌤𑌦𑍍𑌧𑌿 𑌕𑍃𑌤𑍍𑌯𑌂 𑌘𑍋𑌰𑌂 𑌨𑍋 𑌵𑌿𑌕𑍍𑌰𑌮𑍇𑌣 𑌪𑍍𑌰𑌯𑍁𑌜𑍍𑌯𑌤𑌾𑌮𑍍 ॥ 13 ॥

𑌸𑌾𑌗𑌰𑍌𑌘𑌨𑌿𑌭𑌂 𑌭𑍀𑌮𑌮𑌗𑍍𑌰𑌾𑌨𑍀𑌕𑌂 𑌮𑌹𑌾𑌬𑌲𑌾𑌃 ।
𑌕𑌪𑌿𑌸𑌿𑌂𑌹𑌾𑌃 𑌪𑍍𑌰𑌕𑌰𑍍𑌷𑌸𑍍𑌤𑍁 𑌶𑌤𑌶𑍋𑌽𑌥 𑌸𑌹𑌸𑍍𑌰𑌶𑌃 ॥ 14 ॥

𑌕𑌪𑌿 𑌸𑌿𑌮𑍍𑌹𑌾 𑌪𑍍𑌰𑌕𑌰𑍍𑌷𑌂𑌤𑍁 𑌶𑌤𑌶𑍋 𑌅𑌥 𑌸𑌹𑌸𑍍𑌰𑌶𑌃 ।
𑌗𑌜𑌃 𑌚 𑌗𑌿𑌰𑌿 𑌸𑌮𑍍𑌕𑌾𑌶𑍋 𑌗𑌵𑌯𑌃 𑌚 𑌮𑌹𑌾𑌬𑌲𑌃 ॥ 15 ॥

𑌯𑌾𑌤𑍁 𑌵𑌾𑌨𑌰𑌵𑌾𑌹𑌿𑌨𑍍𑌯𑌾 𑌵𑌾𑌨𑌰𑌃 𑌪𑍍𑌲𑌵𑌤𑌾𑌂 𑌵𑌰𑌃 ।
𑌪𑌾𑌲𑌯𑌂𑌦𑌕𑍍𑌷𑌿𑌣𑌂 𑌪𑌾𑌰𑍍𑌶𑍍𑌵𑌮𑍃𑌷𑌭𑍋 𑌵𑌾𑌨𑌰𑌰𑍍𑌷𑌭𑌃 ॥ 16 ॥

𑌗𑌂𑌧𑌹𑌸𑍍𑌤𑍀𑌵 𑌦𑍁𑌰𑍍𑌧𑌰𑍍𑌷𑌸𑍍𑌤𑌰𑌸𑍍𑌵𑍀 𑌗𑌂𑌧𑌮𑌾𑌦𑌨𑌃 ।
𑌯𑌾𑌤𑍁 𑌵𑌾𑌨𑌰𑌵𑌾𑌹𑌿𑌨𑍍𑌯𑌾 𑌸𑍍𑌸𑌵𑍍𑌯𑌂 𑌪𑌾𑌰𑍍𑌶𑍍𑌵𑌮𑌧𑌿𑌷𑍍𑌠𑌿𑌤𑌃 ॥ 1𑍭 ॥

𑌯𑌾𑌸𑍍𑌯𑌾𑌮𑌿 𑌬𑌲𑌮𑌧𑍍𑌯𑍇𑌽𑌹𑌂 𑌬𑌲𑍌𑌘𑌮𑌭𑌿𑌹𑌰𑍍𑌷𑌯𑌨𑍍 ।
𑌅𑌧𑌿𑌰𑍁𑌹𑍍𑌯 𑌹𑌨𑍂𑌮𑌂𑌤 𑌮𑍈𑌰𑌾𑌵𑌤 𑌮𑌿𑌵𑍇𑌶𑍍𑌵𑌰𑌃 ॥ 1𑍮 ॥

𑌅𑌂𑌗𑌦𑍇𑌨𑍈𑌷 𑌸𑌂𑌯𑌾𑌤𑍁 𑌲𑌕𑍍𑌷𑍍𑌮𑌣𑌶𑍍𑌚𑌾𑌂𑌤 𑌕𑍋𑌪𑌮𑌃 ।
𑌸𑌾𑌰𑍍𑌵𑌭𑍌𑌮𑍇𑌨 𑌭𑍂𑌤𑍇𑌶𑍋 𑌦𑍍𑌰𑌵𑌿𑌣𑌾𑌧𑌿𑌪𑌤𑌿𑌰𑍍𑌯𑌥𑌾 ॥ 1𑍯 ॥

𑌜𑌾𑌂𑌬𑌵𑌾𑌂𑌶𑍍𑌚 𑌸𑍁𑌷𑍇𑌣𑌶𑍍𑌚 𑌵𑍇𑌗𑌦𑌰𑍍𑌶𑍀 𑌚 𑌵𑌾𑌨𑌰𑌃 ।
𑌋𑌕𑍍𑌷𑌰𑌾𑌜𑍋 𑌮𑌹𑌾𑌸𑌤𑍍𑌤𑍍𑌵𑌃 𑌕𑍁𑌕𑍍𑌷𑌿𑌂 𑌰𑌕𑍍𑌷𑌂𑌤𑍁 𑌤𑍇 𑌤𑍍𑌰𑌯𑌃 ॥ 20 ॥

𑌰𑌾𑌘𑌵𑌸𑍍𑌯 𑌵𑌚𑌶𑍍𑌶𑍍𑌰𑍁𑌤𑍍𑌵𑌾 𑌸𑍁𑌗𑍍𑌰𑍀𑌵𑍋 𑌵𑌾𑌹𑌿𑌨𑍀𑌪𑌤𑌿𑌃 ।
𑌵𑍍𑌯𑌾𑌦𑌿𑌦𑍇𑌶 𑌮𑌹𑌾𑌵𑍀𑌰𑍍𑌯𑍋 𑌵𑌾𑌨𑌰𑌾𑌨𑍍𑌵𑌾𑌨𑌰𑌰𑍍𑌷𑌭 𑌃 ॥ 21 ॥

𑌤𑍇 𑌵𑌾𑌨𑌰𑌗𑌣𑌾𑌸𑍍𑌸𑌰𑍍𑌵𑍇 𑌸𑌮𑍁𑌤𑍍𑌪𑌤𑍍𑌯 𑌯𑍁𑌯𑍁𑌤𑍍𑌸𑌵𑌃 ।
𑌗𑍁𑌹𑌾𑌭𑍍𑌯𑌶𑍍𑌶𑌿𑌖𑌰𑍇𑌭𑍍𑌯𑌶𑍍𑌚 𑌅𑌶𑍁 𑌪𑍁𑌪𑍍𑌲𑍁𑌵𑌿𑌰𑍇 𑌤𑌦𑌾 ॥ 22 ॥

𑌤𑌤𑍋 𑌵𑌾𑌨𑌰𑌰𑌾𑌜𑍇𑌨 𑌲𑌕𑍍𑌷𑍍𑌮𑌣𑍇𑌨 𑌚 𑌪𑍂𑌜𑌿𑌤𑌃 ।
𑌜𑌗𑌾𑌮 𑌰𑌾𑌮𑍋𑌧𑌰𑍍𑌮𑌾𑌤𑍍𑌮𑌾 𑌸𑌸𑍈𑌨𑍍𑌯𑍋 𑌦𑌕𑍍𑌷𑌿𑌣𑌾𑌂 𑌦𑌿𑌶𑌮𑍍 ॥ 23 ॥

𑌶𑌤𑍈𑌃 𑌶𑌤𑌸𑌹𑌸𑍍𑌰𑍈𑌶𑍍𑌚 𑌕𑍋𑌟𑌿𑌭𑌿𑌶𑍍𑌚𑌾𑌯𑍁𑌤𑍈𑌰𑌪𑌿 ।
𑌵𑌾𑌰𑌣𑌾𑌭𑍈𑌶𑍍𑌚 𑌹𑌰𑌿𑌭𑌿𑌰𑍍𑌯𑌯𑍌 𑌪𑌰𑌿𑌵𑍃𑌤𑌸𑍍𑌤𑌦𑌾 ॥ 24 ॥

𑌤𑌂 𑌯𑌾𑌂𑌤𑌮𑌨𑍁𑌯𑌾𑌂𑌤𑍀 𑌸𑌾 𑌮𑌹𑌤𑍀 𑌹𑌰𑌿𑌵𑌾𑌹𑌿𑌨𑍀 ।
𑌦𑍃𑌪𑍍𑌤𑌾𑌃 𑌪𑍍𑌰𑌮𑍁𑌦𑌿𑌤𑌾𑌸𑍍𑌸𑌰𑍍𑌵𑍇 𑌸𑍁𑌗𑍍𑌰𑍀𑌵𑍇𑌣𑌾𑌭𑌿𑌪𑌾𑌲𑌿𑌤𑌾𑌃 ॥ 25 ॥

𑌹𑍃𑌷𑍍𑌟𑌾𑌃 𑌪𑍍𑌰𑌮𑍁𑌦𑌿𑌤𑌾𑌃 𑌸𑌰𑍍𑌵𑍇 𑌸𑍁𑌗𑍍𑌰𑍀𑌵𑍇𑌣 𑌅𑌭𑌿𑌪𑌾𑌲𑌿𑌤𑌾𑌃 ।
𑌆𑌪𑍍𑌲𑌵𑌂𑌤𑌃 𑌪𑍍𑌲𑌵𑌂𑌤𑌃 𑌚 𑌗𑌰𑍍𑌜𑌂𑌤𑌃 𑌚 𑌪𑍍𑌲𑌵𑌂 𑌗𑌮𑌾𑌃 ॥ 26 ॥

𑌭𑌕𑍍𑌷𑍍𑌯𑌂𑌤 𑌸𑍍𑌸𑍁𑌗𑌂𑌧𑍀𑌨𑌿 𑌮𑌧𑍂𑌨𑌿 𑌚 𑌫𑌲𑌾𑌨𑌿 𑌚 ।
𑌉𑌦𑍍𑌵𑌹𑌂𑌤𑍋 𑌮𑌹𑌾𑌵𑍃𑌕𑍍𑌷𑌾𑌨𑍍 𑌮𑌂𑌜𑌰𑍀𑌪𑍁𑌂𑌜𑌧𑌾𑌰𑌿𑌣𑌃 ॥ 2𑍭 ॥

𑌅𑌨𑍍𑌯𑍋𑌨𑍍𑌯𑌂 𑌸𑌹𑌸𑌾 𑌦𑍃𑌪𑍍𑌤𑌾 𑌨𑌿𑌰𑍍𑌵𑌹𑌾𑌂𑌤𑌿 𑌕𑍍𑌷𑌿𑌪𑌂𑌤𑌿 𑌚 ।
𑌪𑌤𑌂𑌤𑌶𑍍𑌪𑍋𑌤𑍍𑌪𑌤𑍍𑌨𑌤𑍍𑌯𑌨𑍍𑌯𑍇 𑌪𑌾𑌤𑌯𑌂𑌤𑍍𑌯𑌪𑌰𑍇 𑌪𑌰𑌾𑌨𑍍 ॥ 2𑍮 ॥

𑌰𑌾𑌵𑌣𑍋 𑌨𑍋 𑌨𑌿𑌹𑌂𑌤𑌵𑍍𑌯𑌸𑍍𑌸𑌰𑍍𑌵𑍇 𑌚 𑌰𑌜𑌨𑍀𑌚𑌰𑌾𑌃 ।
𑌇𑌤𑌿 𑌗𑌰𑍍𑌜𑌂𑌤𑌿 𑌹𑌰𑌯𑍋 𑌰𑌾𑌘𑌵𑌸𑍍𑌯 𑌸𑌮𑍀𑌪𑌤𑌃 ॥ 2𑍯 ॥

𑌪𑍁𑌰𑌸𑍍𑌤𑌾𑌦𑍃𑌷𑌭𑍋 𑌵𑍀𑌰𑍋 𑌨𑍀𑌲𑌃 𑌕𑍁𑌮𑍁𑌦 𑌏𑌵 𑌚 ।
𑌪𑌂𑌥𑌾𑌨𑌂 𑌶𑍋𑌧𑌯𑌂𑌤𑌿𑌸𑍍𑌮 𑌵𑌾𑌨𑌰𑍈𑌰𑍍𑌬𑌹𑍁𑌭𑌿 𑌸𑍍𑌸𑌹 ॥ 30 ॥

𑌮𑌧𑍍𑌯𑍇 𑌤𑍁 𑌰𑌾𑌜𑌾 𑌸𑍁𑌗𑍍𑌰𑍀𑌵𑍋 𑌰𑌾𑌮𑍋 𑌲𑌕𑍍𑌷𑍍𑌮𑌣 𑌏𑌵 𑌚 ।
𑌬𑌲𑌭𑌿𑌰𑍍𑌬𑌹𑍁𑌭𑌿 𑌰𑍍𑌭𑍀𑌮𑍈𑌰𑍍𑌵𑍃𑌤𑌾𑌶𑍍𑌶𑌤𑍍𑌰𑍁𑌨𑌿𑌬𑌰𑍍𑌹𑌣𑌾𑌃 ॥ 31 ॥

𑌹𑌰𑌿𑌶𑍍𑌶𑌤𑌵𑌲𑌿𑌰𑍍𑌵𑍀𑌰𑌃 𑌕𑍋𑌟𑍀𑌭𑌿𑌰𑍍𑌦𑌶𑌭𑌿𑌰𑍍𑌵𑍃𑌤𑌃 ।
𑌸𑌰𑍍𑌵𑌾𑌮𑍇𑌕𑍋 𑌹𑍍𑌯𑌾𑌵𑌷𑍍𑌟𑌭𑍍𑌯 𑌰𑌰𑌕𑍍𑌷 𑌹𑌰𑌿𑌵𑌾𑌹𑌿𑌨𑍀𑌮𑍍 ॥ 32 ॥

𑌕𑍋𑌟𑍀𑌶𑌤𑌪𑌰𑍀𑌵𑌾𑌰𑌃 𑌕𑍇𑌸𑌰𑍀 𑌪𑌨𑌸𑍋 𑌗𑌜𑌃 ।
𑌅𑌰𑍍𑌕𑌶𑍍𑌚𑌾𑌤𑌿𑌬𑌲𑌃 𑌪𑌾𑌰𑍍𑌶𑍍𑌵𑌮𑍇𑌕𑌂 𑌤𑌸𑍍𑌯𑌾𑌭𑌿𑌰𑌕𑍍𑌷𑌤𑌿 ॥ 33 ॥

𑌸𑍁𑌷𑍇𑌣𑍋 𑌜𑌾𑌂𑌬𑌵𑌾𑌂𑌶𑍍𑌚𑍈𑌵 𑌋𑌕𑍍𑌷𑍈𑌰𑍍𑌬𑌹𑍁𑌭𑌿𑌰𑌾𑌵𑍃𑌤𑍌 ।
𑌸𑍁𑌗𑍍𑌰𑍀𑌵𑌂 𑌪𑍁𑌰𑌤𑌃 𑌕𑍃𑌤𑍍𑌵𑌾 𑌜𑌘𑌨𑌂 𑌸𑌮𑍍𑌰𑌰𑌕𑍍𑌷𑌤𑍁𑌃 ॥ 34 ॥

𑌤𑍇𑌷𑌾𑌂 𑌸𑍇𑌨𑌾𑌪𑌤𑌿𑌰𑍍𑌵𑍀𑌰𑍋 𑌨𑍀𑌲𑍋 𑌵𑌾𑌨𑌰𑌪𑍁𑌂𑌗𑌵𑌃 ।
𑌸𑌂𑌪𑌤𑌨𑍍𑌪𑌤𑌤𑌾𑌂 𑌶𑍍𑌰𑍇𑌷𑍍𑌠𑌸𑍍𑌤𑌦𑍍𑌬𑌲𑌂 𑌪𑌰𑍍𑌯𑌪𑌾𑌲𑌯𑌾𑌤𑍍 ॥ 35 ॥

𑌦𑌰𑍀𑌮𑍁𑌖𑌃 𑌪𑍍𑌰𑌜𑌂𑌘𑌶𑍍𑌚 𑌰𑌂𑌭𑍋𑌽𑌥 𑌰𑌭𑌸𑌃 𑌕𑌪𑌿𑌃 ।
𑌸𑌰𑍍𑌵𑌤𑌶𑍍𑌚 𑌯𑌯𑍁𑌰𑍍𑌵𑍀𑌰𑌾𑌸𑍍𑌤𑍍𑌵𑌰𑌯𑌂𑌤𑌃 𑌪𑍍𑌲𑌵𑌂𑌗𑌮𑌾𑌨𑍍 ॥ 36 ॥

𑌏𑌵𑌂 𑌤𑍇 𑌹𑌰𑌿𑌶𑌾𑌰𑍍𑌦𑍂𑌲𑌾 𑌗𑌚𑍍𑌛𑌂𑌤𑍋 𑌬𑌲𑌦𑌰𑍍𑌪𑌿𑌤𑌾𑌃 ।
𑌅𑌪𑌶𑍍𑌯𑌂𑌸𑍍𑌤𑍇 𑌗𑌿𑌰𑌿𑌶𑍍𑌰𑍇𑌷𑍍𑌠𑌂 𑌸𑌹𑍍𑌯𑌂 𑌦𑍍𑌰𑍁𑌮𑌾𑌲𑌤𑌾𑌯𑍁𑌤𑌮𑍍 ॥ 3𑍭 ॥

𑌸𑌰𑌾𑌂𑌸𑌿 𑌚 𑌸𑍁𑌪𑍁𑌲𑍍𑌲𑌾𑌨𑌿 𑌤𑌟𑌾𑌕𑌾𑌨𑌿 𑌵𑌨𑌾𑌨𑌿 𑌚 ॥ 3𑍮 ॥

𑌰𑌾𑌮𑌸𑍍𑌯 𑌶𑌾𑌸𑌨𑌂 𑌜𑍍𑌞𑌾𑌤𑍍𑌵𑌾 𑌭𑍀𑌮𑌕𑍋𑌪𑌸𑍍𑌯 𑌭𑍀𑌤𑌵𑌤𑍍 ।
𑌵𑌰𑍍𑌜𑌯𑌨𑍍𑌨𑌗𑌰𑌾𑌭𑍍𑌯𑌾𑌶𑌾𑌂 𑌸𑍍𑌤𑌥𑌾 𑌜𑌨𑌪𑌦𑌾𑌨𑌪𑌿 ॥ 3𑍯 ॥

𑌸𑌾𑌗𑌰𑍌𑌘𑌨𑌿𑌭𑌂 𑌭𑍀𑌮𑌂 𑌤𑌦𑍍𑌵𑌾𑌨𑌰𑌬𑌲𑌂 𑌮𑌹𑌤𑍍 ।
𑌉𑌤𑍍𑌸𑌸𑌰𑍍𑌪 𑌮𑌹𑌾𑌘𑍋𑌷𑌂 𑌭𑍀𑌮𑌘𑍋𑌷𑌮𑌿𑌵𑌾𑌰𑍍𑌣𑌵𑌃 ॥ 40 ॥

𑌤𑌸𑍍𑌯𑌦𑌾𑌶𑌰𑌥𑍇𑌃 𑌪𑌾𑌰𑍍𑌶𑍍𑌵𑍇 𑌶𑍂𑌰𑌾𑌸𑍍𑌤𑍇 𑌕𑌪𑌿𑌕𑍁𑌙𑌜𑌰𑌾𑌃 ।
𑌤𑍋𑌰𑍍𑌣𑌮𑌾𑌪𑍁𑌪𑍍𑌲𑍁𑌵𑍁 𑌸𑍍𑌸𑌰𑍍𑌵𑍇 𑌸𑌦𑌶𑍍𑌵𑌾 𑌇𑌵 𑌚𑍋𑌦𑌿𑌤𑌾𑌃 ॥ 41 ॥

𑌕𑌪𑌿𑌭𑍍𑌯𑌾𑌮𑍁𑌹𑍍𑌯𑌮𑌾𑌨𑍌 𑌤𑍌 𑌶𑍁𑌶𑍁𑌭𑌾𑌤𑍇 𑌨𑌰𑌰𑍍𑌷𑌭𑍌 ।
𑌮𑌹𑌾𑌦𑍍𑌭𑍍𑌯𑌾𑌮𑌿𑌵 𑌸𑌮𑍍𑌸𑍍𑌪𑍃𑌷𑍍𑌟𑍌 𑌗𑍍𑌰𑌹𑌾𑌭𑍍𑌯𑌾𑌂 𑌚𑌂𑌦𑍍𑌰𑌭𑌾𑌸𑍍𑌕𑌰𑍌 ॥ 42 ॥

𑌤𑌤𑍋 𑌵𑌾𑌨𑌰𑌰𑌾𑌜𑍇𑌨 𑌲𑌕𑍍𑌷𑍍𑌮𑌣𑍇𑌨 𑌸𑍁𑌪𑍂𑌜𑌿𑌤𑌃 ।
𑌜𑌗𑌾𑌮 𑌰𑌾𑌮𑍋 𑌧𑌰𑍍𑌮𑌾𑌤𑍍𑌮𑌾 𑌸𑌸𑍈𑌨𑍍𑌯𑍋 𑌦𑌕𑍍𑌷𑌿𑌣𑌾𑌂 𑌦𑌿𑌶𑌮𑍍 ॥ 43 ॥

𑌤𑌮𑌂𑌗𑌦𑌗𑌤𑍋 𑌰𑌾𑌮𑌂 𑌲𑌕𑍍𑌷𑍍𑌮𑌣𑌶𑍍𑌶𑍁𑌭𑌯𑌾 𑌗𑌿𑌰𑌾 ।
𑌉𑌵𑌾𑌚 𑌪𑌰𑌿𑌪𑍂𑌰𑍍𑌣𑌾𑌰𑍍𑌥𑌃 𑌸𑍍𑌮𑍃𑌤𑌿𑌮𑌾𑌨𑍍 𑌪𑍍𑌰𑌤𑌿𑌭𑌾𑌨𑌵𑌾𑌨𑍍 ॥ 44 ॥

𑌹𑍃𑌤𑌾𑌮𑌵𑌾𑌪𑍍𑌯 𑌵𑍈𑌦𑍇𑌹𑍀𑌂 𑌕𑍍𑌷𑌿𑌪𑍍𑌰𑌂 𑌹𑌤𑍍𑌵𑌾 𑌚 𑌰𑌾𑌵𑌣𑌮𑍍 ।
𑌸𑌮𑍃𑌦𑍍𑌧𑌾𑌰𑍍𑌥𑌸𑍍𑌸𑌮𑍃𑌦𑍍𑌧𑌾𑌰𑍍𑌥𑌮𑌯𑍋𑌧𑍍𑌯𑌾𑌂 𑌪𑍍𑌰𑌤𑌿𑌯𑌾𑌸𑍍𑌯𑌸𑌿 ॥ 45 ॥

𑌮𑌹𑌾𑌂𑌤𑌿 𑌚 𑌨𑌿𑌮𑌿𑌤𑍍𑌤𑌾𑌨𑌿 𑌦𑌿𑌵𑌿 𑌭𑍂𑌮𑍌 𑌚 𑌰𑌾𑌘𑌵 ।
𑌶𑍁𑌭𑌾𑌨𑌿 𑌤𑌵 𑌪𑌶𑍍𑌯𑌾𑌮𑌿 𑌸𑌰𑍍𑌵𑌾𑌣𑍍𑌯𑍇𑌨𑌾𑌰𑍍𑌥𑌸𑌿𑌦𑍍𑌧𑌯𑍇 ।
𑌅𑌨𑍁𑌵𑌾𑌤𑌿 𑌶𑌿𑌵𑍋 𑌵𑌾𑌯𑍁 𑌸𑍍𑌸𑍇𑌵𑌾𑌂 𑌮𑍃𑌦𑍁𑌹𑌿𑌤 𑌸𑍍𑌸𑍁𑌖𑌃 ॥ 46 ॥

𑌪𑍂𑌰𑍍𑌣𑌵𑌲𑍍𑌗𑍁𑌸𑍍𑌵𑌰𑌾𑌶𑍍𑌚𑍇𑌮𑍇 𑌪𑍍𑌰𑌵𑌦𑌂𑌤𑌿 𑌮𑍃𑌗𑌦𑍍𑌵𑌿𑌜𑌾𑌃 ।
𑌪𑍍𑌰𑌸𑌨𑍍𑌨𑌾𑌶𑍍𑌚 𑌦𑌿𑌶 𑌸𑍍𑌸𑌰𑍍𑌵𑌾 𑌵𑌿𑌮𑌲𑌶𑍍𑌚 𑌦𑌿𑌵𑌾𑌕𑌰𑌃 ॥ 4𑍭 ॥

𑌉𑌶𑌨𑌾 𑌚 𑌪𑍍𑌰𑌸𑌨𑍍𑌨𑌾𑌰𑍍𑌚𑌿𑌰𑌨𑍁 𑌤𑍍𑌵𑌾𑌂 𑌭𑌾𑌰𑍍𑌗𑌵𑍋 𑌗𑌤𑌃 ॥ 4𑍮 ॥

𑌬𑍍𑌰𑌹𑍍𑌮𑌰𑌾𑌶𑌿𑌰𑍍𑌵𑌿𑌶𑍁𑌦𑍍𑌧𑌶𑍍𑌚 𑌶𑍁𑌦𑍍𑌦𑌾𑌶𑍍𑌚 𑌪𑌰𑌮𑌰𑍍𑌷𑌯𑌃 ।
𑌅𑌰𑍍𑌚𑌿𑌷𑍍𑌮𑌂𑌤𑌃 𑌪𑍍𑌰𑌕𑌾𑌶𑌂𑌤𑍇 𑌧𑍍𑌰𑍁𑌵𑌂 𑌸𑌰𑍍𑌵𑍇 𑌪𑍍𑌰𑌦𑌕𑍍𑌷𑌿𑌣𑌮𑍍 ॥ 4𑍯 ॥

𑌤𑍍𑌰𑌿𑌶𑌂𑌕𑍁𑌰𑍍𑌵𑌿𑌮𑌲𑍋 𑌭𑌾𑌤𑌿 𑌰𑌾𑌜𑌰𑍍𑌷𑌿𑌸𑍍𑌸𑌪𑍁𑌰𑍋𑌹𑌿𑌤𑌃 ।
𑌪𑌿𑌤𑌾𑌮𑌹𑌾𑌃 𑌪𑍁𑌰𑍋𑌽𑌸𑍍𑌮𑌾𑌕𑌮𑌿𑌕𑍍𑌷𑍍𑌵𑌾𑌕𑍂𑌣𑌾𑌂 𑌮𑌹𑌾𑌤𑍍𑌮𑌨𑌾𑌮𑍍 ॥ 50 ॥

𑌵𑌿𑌮𑌲𑍇 𑌚 𑌪𑍍𑌰𑌕𑌾𑌶𑍇𑌤𑍇 𑌵𑌿𑌶𑌾𑌖𑍇 𑌨𑌿𑌰𑍁𑌪𑌪𑍍𑌲𑍁𑌵𑍇 ।
𑌨𑌕𑍍𑌷𑌤𑍍𑌰 𑌵𑌰𑌮𑌸𑍍𑌮𑌾𑌕𑌮𑌿𑌕𑍍𑌷𑍍𑌵𑌾𑌕𑍂𑌣𑌾𑌂 𑌮𑌹𑌾𑌤𑍍𑌮𑌨𑌾𑌮𑍍 ॥ 51 ॥

𑌨𑍈𑌰𑍃𑌤𑌂 𑌨𑍈𑌰𑍃𑌤𑌾𑌨𑌾𑌂 𑌚 𑌨𑌕𑍍𑌷𑌤𑍍𑌰𑌮𑌭𑌿𑌪𑍀𑌡𑍍𑌯𑌤𑍇 ।
𑌮𑍂𑌲𑍋 𑌮𑍂𑌲𑌵𑌤𑌾 𑌸𑍍𑌪𑍃𑌷𑍍𑌟𑍋 𑌧𑍂𑌪𑍍𑌯𑌤𑍇 𑌧𑍂𑌮𑌕𑍇𑌤𑍁𑌨𑌾 ॥ 52 ॥

𑌸𑌰𑍍𑌵𑌂 𑌚𑍈𑌤𑌦𑍍𑌵𑌿𑌨𑌾𑌶𑌾𑌯 𑌰𑌾𑌕𑍍𑌷𑌸𑌾𑌨𑌾𑌮𑍁𑌪 𑌸𑍍𑌥𑌿𑌤𑌮𑍍 ।
𑌕𑌾𑌲𑍇 𑌕𑌾𑌲𑌗𑍃𑌹𑍀𑌤𑌾𑌨𑌾𑌂 𑌨𑌕𑍍𑌷𑌤𑍍𑌰 𑌗𑍍𑌰𑌹𑌪𑍀𑌡𑌿𑌤𑌮𑍍 ॥ 53 ॥

𑌪𑍍𑌰𑌸𑌨𑍍𑌨𑌾 𑌸𑍍𑌸𑍁𑌰𑌸𑌾𑌶𑍍𑌚𑌾𑌪𑍋 𑌵𑌨𑌾𑌨𑌿 𑌫𑌲𑌵𑌂𑌤𑌿 𑌚 ।
𑌪𑍍𑌰𑌵𑌾𑌂𑌤𑍍𑌯𑌭𑍍𑌯 𑌨𑌾𑌧𑌿𑌕𑌂 𑌗𑌂𑌧𑌾𑌨𑍍𑌯𑌥𑌰𑍍𑌤𑍁𑌕𑍁𑌸𑍁𑌮𑌾 𑌦𑍍𑌰𑍁𑌮𑌾𑌃 ॥ 54 ॥

𑌵𑍍𑌯𑍂𑌢𑌾𑌨𑌿 𑌕𑌪𑌿𑌸𑍈𑌨𑍍𑌯𑌾𑌨𑌿 𑌪𑍍𑌰𑌕𑌾𑌶𑌂𑌤𑍇𑌽𑌧𑌿𑌕𑌂 𑌪𑍍𑌰𑌭𑍋 ॥ 55 ॥

𑌦𑍇𑌵𑌾𑌨𑌾𑌮𑌿𑌵 𑌸𑍈𑌨𑍍𑌯𑌾𑌨𑌿 𑌸𑌂𑌗𑍍𑌰𑌾𑌮𑍇 𑌤𑌾𑌰𑌕𑌾𑌮𑌯𑍇 ।
𑌏𑌵𑌮𑌾𑌰𑍍𑌯 ।
𑌸𑌮𑍀𑌕𑍍𑌷𑍍𑌯𑍈𑌤𑌾𑌨𑍍𑌪𑍍𑌰𑍀𑌤𑍋 𑌭𑌵𑌿𑌤𑍁𑌮𑌰𑍍𑌹𑌸𑌿 ॥ 56 ॥

𑌇𑌤𑌿 𑌭𑍍𑌰𑌾𑌤𑌰𑌮𑌾𑌶𑍍𑌵𑌾𑌸𑍍𑌯 𑌹𑍃𑌷𑍍𑌟 𑌸𑍍𑌸𑍌𑌮𑌿𑌤𑍍𑌰𑌿𑌰𑌬𑍍𑌰𑌵𑍀𑌤𑍍 ।
𑌅𑌥𑌾𑌵𑍃𑌤𑍍𑌯 𑌮𑌹𑍀𑌂 𑌕𑍃𑌤𑍍𑌸𑍍𑌨𑌾𑌂 𑌜𑌗𑌾𑌮 𑌮𑌹𑌤𑍀 𑌚𑌮𑍂𑌃 ॥ 5𑍭 ॥

𑌋𑌕𑍍𑌷𑌵𑌾𑌨𑌰𑌶𑌰𑍍𑌦𑍂𑌲𑍈𑌰𑍍𑌨 𑌖𑌦𑌂𑌷𑍍𑌟𑍍𑌰𑌾𑌯𑍁𑌧𑍈𑌰𑍍𑌵𑍁𑌤𑌾 ।
𑌕𑌾𑌰𑌾𑌗𑍍𑌰𑍈𑌶𑍍𑌚𑌰𑌣𑌾𑌗𑍍𑌰𑍈𑌶𑍍𑌚 𑌵𑌾𑌨𑌰𑍈 𑌰𑍁𑌤𑍍𑌥𑌿𑌤𑌂 𑌰𑌜𑌃 ।
𑌭𑍀𑌮𑌮𑌂𑌤𑌰𑍍𑌦𑌧𑍇 𑌲𑍋𑌕𑌂 𑌨𑌿𑌵𑌾𑌰𑍍𑌯 𑌸𑌵𑌿𑌤𑍁𑌃 𑌪𑍍𑌰𑌭𑌾𑌮𑍍 ॥ 5𑍮 ॥

𑌪𑌰𑍍𑌵𑌤𑌵𑌨𑌾𑌕𑌾𑌶𑌾𑌂 𑌦𑌕𑍍𑌷𑌿𑌣𑌾𑌂 𑌹𑌰𑌿𑌵𑌾𑌹𑌿𑌨𑍀 ।
𑌛𑌾𑌦𑌯𑌂𑌤𑍀 𑌯𑌯𑍌 𑌭𑍀𑌮𑌾 𑌦𑍍𑌯𑌾𑌮𑌿𑌵𑌾𑌂𑌬𑍁𑌦𑌸𑌂𑌤𑌤𑌿𑌃 ॥ 5𑍯 ॥

𑌉𑌤𑍍𑌤𑌰𑌂𑌤𑍍𑌯𑌾𑌂 𑌚 𑌸𑍇𑌨𑌾𑌯𑌾𑌂 𑌸𑍍𑌸𑌤𑌤𑌂 𑌬𑌹𑍁𑌯𑍋𑌜𑌨𑌮𑍍 ।
𑌨𑌦𑍀𑌸𑍍𑌰𑍋𑌤𑌾𑌂𑌸𑌿 𑌸𑌰𑍍𑌵𑌾𑌣𑌿 𑌸𑌸𑍍𑌯𑌂𑌦𑍁𑌰𑍍𑌵𑌿𑌪𑌰𑍀𑌤𑌵𑌤𑍍 ॥ 60 ॥

𑌸𑌰𑌾𑌂𑌸𑌿 𑌵𑌿𑌮𑌲𑌾𑌂𑌭𑌾𑌂𑌸𑌿 𑌦𑍍𑌰𑍁𑌮𑌾𑌕𑍀𑌰𑍍𑌣𑌾𑌂𑌶𑍍𑌚 𑌪𑌰𑍍𑌵𑌤𑌾 ।
𑌸𑌮𑌾𑌨𑍍 𑌭𑍂𑌮𑌿𑌪𑍍𑌰𑌦𑍇𑌶𑌾𑌂𑌶𑍍𑌚 𑌵𑌨𑌾𑌨𑌿 𑌫𑌲𑌵𑌂𑌤𑌿 𑌚 ।
𑌮𑌧𑍍𑌯𑍇𑌨 𑌚 𑌸𑌮𑌂𑌤𑌾𑌚𑍍𑌚 𑌤𑌿𑌰𑍍𑌯𑌕𑍍𑌚𑌾𑌥𑌶𑍍𑌚 𑌸𑌮𑌾𑌽𑌵𑌿𑌶𑌤𑍍 ॥ 61 ॥

𑌸𑌮𑌾𑌵𑍃𑌤𑍍𑌯 𑌮𑌹𑍀𑌂 𑌕𑍃𑌤𑍍𑌸𑍍𑌨𑌾𑌂 𑌜𑌗𑌾𑌮 𑌮𑌹𑌤𑍀 𑌚𑌮𑍂𑌃 ।
𑌤𑍇𑌹𑍃𑌷𑍍𑌟𑌵𑌦𑌨𑌾 𑌸𑍍𑌸𑌰𑍍𑌵𑍇 𑌜𑌗𑍍𑌮𑍁𑌰𑍍𑌮𑌾𑌰𑍁𑌤𑌰𑌂𑌹𑌸𑌃 ॥ 62 ॥

𑌹𑌰𑌯𑍋 𑌰𑌾𑌘𑌵𑌸𑍍𑌯𑌾𑌰𑍍𑌥𑍇 𑌸𑌮𑌾𑌰𑍋𑌪𑌿𑌤𑌵𑌿𑌕𑍍𑌰𑌮𑌾𑌃 ॥ 63 ॥

𑌹𑌰𑍍𑌷𑌂𑌵𑍀𑌰𑍍𑌯 𑌬𑌲𑍋𑌦𑍍𑌰𑍇𑌕𑌾𑌂𑌦𑌰𑍍𑌶𑌯𑌂𑌤𑌃 𑌪𑌰𑌸𑍍𑌪𑌰𑌮𑍍 ।
𑌯𑍌𑌵𑌨𑍋𑌤𑍍𑌸𑍇𑌕𑌜𑌾𑌂𑌦𑌰𑍍𑌪𑌾𑌦𑍍𑌵𑌿𑌵𑌿𑌧𑌾𑌂𑌶𑍍𑌚𑌕𑍍𑌰𑍁𑌰𑌧𑍍𑌵𑌨𑌿 ॥ 64 ॥

𑌤𑌤𑍍𑌰 𑌕𑍇𑌚𑌿𑌦𑍍𑌦𑍍𑌰𑍁𑌤𑌂 𑌜𑌗𑍍𑌮𑍁𑌰𑍁𑌤𑍍𑌪𑍇𑌤𑍁𑌶𑍍𑌚 𑌤𑌥𑌾𑌪𑌰𑍇 ।
𑌕𑍇𑌚𑌿𑌤𑍍𑌕𑌿𑌲𑌕𑌿𑌲𑌾𑌂 𑌚𑌕𑍍𑌰𑍁𑌰𑍍𑌵𑌾𑌨𑌰𑌾 𑌵𑌨𑌗𑍋𑌚𑌰𑌾𑌃 ॥ 65 ॥

𑌪𑍍𑌰𑌾𑌸𑍍𑌪𑍋𑌟𑌯𑌂𑌶𑍍𑌚 𑌪𑍁𑌚𑍍𑌛𑌾𑌨𑌿 𑌸𑌨𑍍𑌨𑌿𑌜𑌗𑍍𑌮𑍁𑌃 𑌪𑌦𑌾𑌨𑍍𑌯𑌪𑌿 ।
𑌭𑍁𑌜𑌾𑌵𑌨𑌿𑌕𑍍𑌷𑌿𑌪𑍍𑌯 𑌶𑍈𑌲𑌾𑌂𑌶𑍍𑌚 𑌦𑍍𑌰𑍁𑌮𑌾𑌨𑌨𑍍𑌯𑍇 𑌬𑌭𑌂𑌜𑌿𑌰𑍇 ॥ 66 ॥

𑌆𑌰𑍋𑌹𑌂𑌤𑌶𑍍𑌚 𑌶𑍃𑌂𑌗𑌾𑌣𑌿 𑌗𑌿𑌰𑍀𑌣𑌾𑌂 𑌗𑌿𑌰𑌿𑌗𑍋𑌚𑌰𑌾𑌃 ।
𑌮𑌹𑌾𑌨𑌾𑌦𑌾𑌨𑍍 𑌪𑍍𑌰𑌮𑍁𑌂𑌚𑌂𑌤𑌿 𑌕𑍍𑌷𑍍𑌵𑍇𑌡𑌾𑌮𑌨𑍍𑌯𑍇 𑌪𑍍𑌰𑌚𑌕𑍍𑌰𑌿𑌤𑍇 ॥ 6𑍭 ॥

𑌊𑌰𑍁𑌵𑍇𑌗𑍈𑌶𑍍𑌚 𑌮𑌮𑍃𑌦𑍁𑌰𑍍𑌲𑌤𑌾𑌜𑌾𑌲𑌾𑌨𑍍𑌯𑌨𑍇𑌕𑌶𑌃 ।
𑌜𑍃𑌂𑌭𑌮𑌾𑌣𑌾𑌶𑍍𑌚 𑌵𑌿𑌕𑍍𑌰𑌾𑌂𑌤𑌾 𑌵𑌿𑌚𑌿𑌕𑍍𑌰𑍀𑌡𑍁𑌶𑍍𑌶𑌿𑌲𑌾𑌦𑍍𑌰𑍁𑌮𑍈 𑌃 ॥ 6𑍮 ॥

𑌶𑌤𑌶𑍍𑌶𑌤𑌸𑌹𑌸𑍍𑌰𑍈𑌶𑍍𑌚 𑌕𑍋𑌟𑌿𑌭𑌿𑌶𑍍𑌚 𑌸𑌹𑌸𑍍𑌰𑌶𑌃 ।
𑌵𑌾𑌨𑌰𑌾𑌣𑌾𑌂 𑌸𑍁𑌘𑍋𑌰𑌾𑌣𑌾𑌂 𑌶𑍍𑌰𑍀𑌮𑌤𑍍𑌪𑌰𑌿𑌵𑍃𑌤𑌾 𑌮𑌹𑍀 ॥ 6𑍯 ॥

𑌸𑌾 𑌸𑍍𑌮 𑌯𑌾𑌤𑌿 𑌦𑌿𑌵𑌾𑌰𑌾𑌤𑍍𑌰𑌂 𑌮𑌹𑌤𑍀 𑌹𑌰𑌿𑌵𑌾𑌹𑌿𑌨𑍀 ।
𑌪𑍍𑌰𑌹𑍃𑌷𑍍𑌟𑌮𑍁𑌦𑌿𑌤𑌾𑌸𑍍𑌸𑍇𑌨𑌾 𑌸𑍁𑌗𑍍𑌰𑍀𑌵𑍇𑌣𑌾𑌭𑌿𑌪𑌾𑌲𑌿𑌤𑌾𑌃 ॥ 𑍭0 ॥

𑌵𑌾𑌨𑌰𑌾𑌸𑍍𑌤𑍍𑌵𑌰𑌿𑌤𑌂 𑌯𑌾𑌂𑌤𑌿 𑌸𑌰𑍍𑌵𑍇 𑌯𑍁𑌦𑍍𑌧𑌾𑌭𑌿𑌨𑌂𑌦𑌿𑌨𑌃 ।
𑌪𑍍𑌰𑌮𑍋𑌕𑍍𑌷𑌯𑌿𑌷𑌵 𑌸𑍍𑌸𑍀𑌤𑌾𑌂 𑌮𑍁𑌹𑍂𑌰𑍍𑌤𑌂 𑌕𑍍𑌵𑌾𑌪𑌿 𑌨𑌾𑌵𑌸𑌨𑍍 ॥ 𑍭1 ॥

𑌤𑌤𑌃 𑌪𑌾𑌦𑌪𑌸𑌂𑌭𑌾𑌧𑌂 𑌨𑌾𑌨𑌾𑌮𑍃𑌗𑌸𑌮𑌾𑌯𑍁𑌤𑌾𑌮 ।
𑌸𑌹𑍍𑌯𑌪𑌰𑍍𑌵𑌤𑌮𑌾𑌸𑍇𑌦𑍁𑌰𑍍𑌮𑌲𑌯𑌂𑌚 𑌮𑌹𑍀𑌧𑌰𑌮𑍍 ॥ 𑍭2 ॥

𑌕𑌾𑌨𑌨𑌾𑌨𑌿 𑌵𑌿𑌚𑌿𑌤𑍍𑌰𑌾𑌣𑌿 𑌨𑌦𑍀𑌃 𑌪𑍍𑌰𑌸𑍍𑌰𑌵𑌣𑌾𑌨𑌿 𑌚 ।
𑌪𑌶𑍍𑌯𑌨𑍍𑌨𑌨𑌿 𑌯𑌯𑍌 𑌰𑌾𑌮𑌸𑍍𑌸𑌹𑍍𑌯𑌸𑍍𑌯 𑌮𑌲𑌯𑌸𑍍𑌯 𑌚 ॥ 𑍭3 ॥

𑌚𑌂𑌪𑌕𑌾𑌂𑌸𑍍 𑌤𑌿𑌲𑌕𑌾𑌮𑌃 𑌚𑍂𑌤𑌾𑌨𑍍 𑌅𑌶𑍋𑌕𑌾𑌨𑍍 𑌸𑌿𑌂𑌦𑍁 𑌵𑌾𑌰𑌕𑌾𑌨𑍍 ।
𑌤𑌿𑌨𑌿𑌶𑌾𑌨𑍍 𑌕𑌰𑌵𑍀𑌰𑌾𑌮𑌃 𑌚 𑌤𑌿𑌮𑌿𑌶𑌾𑌨𑍍 𑌭𑌨𑍍𑌜𑌂𑌤𑌿 𑌸𑍍𑌮 𑌪𑍍𑌲𑌵𑌂 𑌗𑌮𑌾𑌃 ॥ 𑍭4 ॥

𑌅𑌂𑌕𑍋𑌲𑌾𑌂𑌶𑍍𑌚 𑌕𑌰𑌂𑌚𑌾𑌂𑌶𑍍𑌚 𑌪𑍍𑌲𑌕𑍍𑌷𑌨𑍍𑌯𑌗𑍍𑌰𑍋𑌧𑌤𑌿𑌂𑌦𑍁𑌕𑌾𑌨𑍍 ।
𑌜𑌂𑌬𑍁𑌕𑌾𑌮𑌲𑌕𑌾𑌨𑍍𑌨𑌾𑌪𑌾𑌨𑍍𑌭𑌜𑌂𑌤𑌿 𑌸𑍍𑌮 𑌪𑍍𑌲𑌵𑌂𑌗𑌮𑌾𑌃 ॥ 𑍭5 ॥

𑌪𑍍𑌰𑌸𑍍𑌤𑌰𑍇𑌷𑍁 𑌚 𑌰𑌮𑍍𑌯𑍇𑌷𑍁 𑌵𑌿𑌵𑌿𑌧𑌾𑌃 𑌕𑌾𑌨𑌨𑌦𑍍𑌰𑍁𑌮𑌾𑌃 ।
𑌵𑌾𑌯𑍁𑌵𑍇𑌗𑌪𑍍𑌰𑌚𑌲𑌿𑌤𑌾𑌃 𑌪𑍁𑌷𑍍𑌪𑍈𑌰𑌵𑌕𑌿𑌰𑌂𑌤𑌿 𑌤𑌾𑌨𑍍 ॥ 𑍭6 ॥

𑌮𑌾𑌰𑍁𑌤𑌸𑍍𑌸𑍁𑌖𑌸𑌂𑌸𑍍𑌪𑌰𑍍𑌶𑍋 𑌵𑌾𑌤𑌿 𑌚𑌂𑌦𑌨𑌶𑍀𑌤𑌲𑌃 ।
𑌷𑌟𑌪𑌦𑍈𑌰𑌨𑍁𑌕𑍂𑌜𑌦𑍍𑌭𑌿𑌰𑍍𑌵𑌨𑍇𑌷𑍁 𑌮𑌧𑍁𑌗𑌂𑌧𑌿𑌷𑍁 ॥ 𑍭𑍭 ॥

𑌅𑌧𑌿𑌕𑌂 𑌶𑍈𑌲𑌰𑌾𑌜𑌸𑍍𑌤𑍁 𑌧𑌾𑌤𑍁𑌭𑌿𑌸𑍍𑌸𑍁𑌵𑌿𑌭𑍂𑌷𑌿𑌤𑌃 ।
𑌧𑌾𑌤𑍁𑌭𑍍𑌯𑌃𑌪𑍍𑌰𑌸𑍃𑌤𑍋 𑌰𑍇𑌣𑍁𑌰𑍍𑌵𑌾𑌯𑍁𑌵𑍇𑌗 𑌵𑌿𑌘𑌟𑍍𑌟𑌿𑌤𑌃 ।
𑌸𑍁𑌮𑌹𑌦𑍍𑌵𑌾𑌨𑌰𑌾𑌨𑍀𑌕𑌂 𑌛𑌾𑌦𑌯𑌾𑌮𑌾𑌸 𑌸𑌰𑍍𑌵𑌤𑌃 ॥ 𑍭𑍮 ॥

𑌗𑌿𑌰𑌿𑌪𑍍𑌰𑌸𑍍𑌥𑍇𑌷𑍁 𑌰𑌮𑍍𑌯𑍇𑌷𑍁 𑌸𑌰𑍍𑌵𑌤 𑌸𑌂𑌪𑍍𑌰 𑌪𑍁𑌷𑍍𑌪𑌿𑌤𑌾𑌃 ।
𑌕𑍇𑌤𑌕𑌸𑍍𑌸𑌿𑌂𑌦𑍁𑌵𑌾𑌰𑌾𑌶𑍍𑌚 𑌵𑌾𑌸𑌂𑌤𑍍𑌯𑌶𑍍𑌚 𑌮𑌨𑍋𑌰𑌮𑌾𑌃 ॥ 𑍭𑍯 ॥

𑌮𑌾𑌧𑌵𑍍𑌯𑍋 𑌗𑌂𑌧𑌪𑍂𑌰𑍍𑌣𑌾𑌶𑍍𑌚 𑌕𑍁𑌂𑌦𑌗𑍁𑌲𑍍𑌮𑌾𑌶𑍍𑌚 𑌪𑍁𑌷𑍍𑌪𑌿𑌤𑌾𑌃 ।
𑌚𑌿𑌰𑌿𑌬𑌿𑌲𑍍𑌵𑌾 𑌮𑌧𑍂𑌕𑌾𑌶𑍍𑌚 𑌵𑌂𑌜𑍁𑌲𑌾 𑌪𑍍𑌰𑌿𑌯𑌕𑌾𑌸𑍍𑌤𑌥𑌾 ॥ 𑍮0 ॥

𑌸𑍁𑌫𑍂𑌰𑍍𑌜𑌕𑌾𑌸𑍍𑌤𑌿𑌲𑌕𑌾𑌶𑍍𑌚𑍈𑌵 𑌨𑌾𑌗𑌵𑍃𑌕𑍍𑌷𑌾𑌶𑍍𑌚 𑌪𑍁𑌷𑍍𑌪𑌿𑌤𑌾𑌃 ।
𑌚𑍂𑌤𑌾𑌃 𑌪𑌾𑌟𑌲𑌯𑌕𑌾𑌶𑍍𑌚𑍈𑌵 𑌕𑍋𑌵𑌿𑌦𑌾𑌰𑌾𑌶𑍍𑌚 𑌪𑍁𑌷𑍍𑌪𑌿𑌤𑌾𑌃 ॥ 𑍮1 ॥

𑌮𑍁𑌚𑍁𑌲𑌿𑌂𑌦𑌾𑌰𑍍𑌜𑍁𑌨𑌾𑌶𑍍𑌚𑍈𑌵 𑌶𑌿𑌂𑌶𑍁𑌪𑌾𑌃 𑌕𑍁𑌟𑌜𑌾𑌸𑍍𑌤𑌥𑌾 ।
𑌧𑌵𑌾 𑌶𑍍𑌶𑌾𑌲𑍍𑌮𑌲𑌯𑌶𑍍𑌚𑍈𑌵 𑌰𑌕𑍍𑌤𑌾𑌃 𑌕𑍁𑌰𑌵𑌕𑌾𑌸𑍍𑌤𑌥𑌾 ॥ 𑍮2 ॥

𑌹𑌿𑌂𑌤𑌾𑌲𑌾𑌸𑍍𑌤𑌿𑌨𑌿𑌶𑌾𑌶𑍍𑌚𑍈𑌵 𑌚𑍂𑌰𑍍𑌣𑌕𑌾 𑌨𑍀𑌪𑌕𑌾𑌸𑍍𑌤𑌥𑌾 ।
𑌨𑍀𑌲𑌾𑌶𑍋𑌕𑌾𑌶𑍍𑌚 𑌵𑌰𑌣𑌾 𑌅𑌂𑌕𑍋𑌲𑌾𑌃 𑌪𑌦𑍍𑌮𑌕𑌾𑌸𑍍𑌤𑌥𑌾 ॥ 𑍮3 ॥

𑌪𑍍𑌲𑌵𑌮𑌾𑌨𑍈𑌃 𑌪𑍍𑌲𑌵𑌂𑌗𑍈𑌸𑍍𑌤𑍁 𑌸𑌰𑍍𑌵𑍇 𑌪𑌰𑍍𑌯𑌾𑌕𑍁𑌲𑍀𑌕𑍃𑌤𑌾𑌮𑍍 ॥ 𑍮4 ॥

𑌵𑌾𑌪𑍍𑌯𑌸𑍍𑌤𑌸𑍍𑌮𑌿𑌨𑍍 𑌗𑌿𑌰𑍌 𑌶𑌿𑌤𑌾𑌃 𑌪𑌲𑍍𑌵𑌲𑌾𑌨𑌿 𑌤𑌥𑍈𑌵 𑌚 ।
𑌚𑌕𑍍𑌰𑌵𑌾𑌕𑌾𑌨𑍁𑌚𑌰𑌿𑌤𑌾𑌃 𑌕𑌾𑌰𑌂𑌡𑌵𑌨𑌿𑌷𑍇𑌵𑌿𑌤𑌾𑌃 ॥ 𑍮5 ॥

𑌪𑍍𑌲𑌵𑍈𑌃 𑌕𑍍𑌰𑍌𑌂𑌚𑍇𑌶𑍍𑌚 𑌸𑌂𑌕𑍀𑌰𑍍𑌣𑌾 𑌵𑌰𑌾𑌹𑌮𑍃𑌗 𑌸𑍇𑌵𑌿𑌤𑌾𑌃 ।
𑌋𑌕𑍍𑌷𑍈𑌸𑍍𑌤𑌰𑌕𑍍𑌷𑍁𑌭𑌿𑌸𑍍𑌸𑌿𑌮𑍍𑌹𑍈𑌶𑍍𑌶𑌾𑌰𑍍𑌦𑍂𑌲𑍈𑌶𑍍𑌚 𑌭𑌯𑌾𑌵𑌹𑍈𑌃 ॥ 𑍮6 ॥

𑌵𑍍𑌯𑌾𑌲𑍈𑌶𑍍𑌚 𑌬𑌹𑍁𑌭𑌿𑌰𑍍𑌭𑍀𑌮𑍈 𑌸𑍍𑌸𑍇𑌵𑍍𑌯𑌮𑌾𑌨𑌾 𑌸𑍍𑌸𑌮𑌂𑌤𑌤𑌃 ।
𑌪𑌦𑍍𑌮𑍈𑌸𑍍𑌸𑍌𑌗𑌂𑌦𑌿𑌕𑍈𑌃 𑌪𑍁𑌲𑍍𑌲𑍈𑌃 𑌕𑍁𑌮𑍁𑌦𑍈𑌶𑍍𑌚𑍋𑌤𑍍𑌪𑌲𑍈𑌸𑍍𑌤𑌥𑌾 ॥ 𑍮𑍭 ॥

𑌵𑌾𑌰𑌿𑌜𑍈𑌰𑍍𑌵𑌿𑌵𑌿𑌧𑍈𑌃 𑌪𑍁𑌷𑍍𑌪𑍈 𑌰𑌮𑍍𑌯𑌾𑌸𑍍𑌤𑌤𑍍𑌰 𑌜𑌲𑌾𑌶𑌯𑌾𑌃 ।
𑌤𑌸𑍍𑌯 𑌸𑌾𑌨𑍁𑌷𑍁 𑌕𑍂𑌜𑌂𑌤𑌿 𑌨𑌾𑌨𑌾𑌦𑍍𑌵𑌿𑌜𑌗𑌣𑌾𑌸𑍍𑌤𑌥𑌾 ॥ 𑍮𑍮 ॥

𑌸𑍍𑌨𑌾𑌤𑍍𑌵𑌾 𑌪𑍀𑌤𑍍𑌵𑍋𑌦𑌕𑌾𑌨𑍍𑌯𑌤𑍍𑌰 𑌜𑌲𑍇 𑌕𑍍𑌰𑍀𑌡𑌂𑌤𑌿 𑌵𑌾𑌨𑌰𑌾𑌃 ।
𑌅𑌨𑍍𑌯𑍋𑌨𑍍𑌯𑌂 𑌪𑍍𑌲𑌾𑌵𑌯𑌂𑌤𑌿 𑌸𑍍𑌮 𑌶𑍈𑌲𑌮𑌾𑌰𑍁𑌹𑍍𑌯 𑌵𑌾𑌨𑌰𑌾𑌃 ॥ 𑍮𑍯 ॥

𑌫𑌲𑌾𑌨𑍍𑌯 𑌮𑍃𑌤𑌗𑌂𑌧𑍀𑌨𑌿 𑌮𑍂𑌲𑌾𑌨𑌿 𑌕𑍁𑌸𑍁𑌮𑌾𑌨𑌿 𑌚 ।
𑌬𑌭𑌂𑌜𑍁𑌰𑍍𑌵𑌾𑌸𑍍𑌤𑌤𑍍𑌰 𑌪𑌾𑌦𑌪𑌾𑌨𑌂 𑌮𑌦𑍋𑌤𑍍𑌕𑌟𑌾𑌃 ॥ 𑍯0 ॥

𑌦𑍍𑌰𑍋𑌣𑌮𑌾𑌤𑍍𑌰𑌪𑍍𑌰𑌮𑌾𑌣𑌾𑌨𑌿 𑌲𑌂𑌬𑌮𑌾𑌨𑌾𑌨𑌿 𑌵𑌾𑌨𑌰𑌾𑌃 ।
𑌯𑌯𑍁𑌃 𑌪𑌿𑌬𑌂𑌤 𑌹𑍃𑌷𑍍𑌟𑌾𑌸𑍍𑌤𑍇 𑌮𑌧𑍂𑌨𑌿 𑌮𑌧𑍁𑌪𑌿𑌂𑌗𑌲𑌾𑌃 ॥ 𑍯1 ॥

𑌪𑌾𑌦𑌪𑌾𑌨𑌵𑌭𑌂𑌜𑌂𑌤𑍋 𑌵𑌿𑌕𑌰𑍍𑌷𑌂𑌤 𑌸𑍍𑌤𑌥𑌾 𑌲𑌤𑌾𑌃 ।
𑌵𑌿𑌧𑌮𑌂𑌤𑍋 𑌗𑌿𑌰𑌿𑌵𑌰𑌾𑌨𑍍𑌪𑍍𑌰𑌯𑌯𑍁𑌃 𑌪𑍍𑌲𑌵𑌗𑌰𑍍𑌷𑌭𑌾𑌃 ॥ 𑍯2 ॥

𑌵𑍃𑌕𑍍𑌷𑍇𑌭𑍍𑌯𑍋𑌽𑌨𑍍𑌯𑍇 𑌤𑍁 𑌕𑌪𑌯𑍋 𑌨𑌦𑌂𑌤𑍋 𑌮𑌧𑍁𑌦𑌰𑍍𑌪𑌿𑌤𑌾𑌃 ।
𑌅𑌨𑍍𑌯𑍇 𑌵𑍃𑌕𑍍𑌷𑌾𑌨𑍍𑌪𑍍𑌰𑌪𑌦𑍍𑌯𑌂𑌤𑍇 𑌪𑍍𑌰𑌪𑌿𑌬𑌂𑌤𑍍𑌯𑌪𑌿 𑌚𑌾𑌪𑌰𑍇 ॥ 𑍯3 ॥

𑌬𑌭𑍂𑌵 𑌵𑌸𑍁𑌧𑌾 𑌤𑍈𑌸𑍍𑌤𑍁 𑌸𑌂𑌪𑍂𑌰𑍍𑌣𑌾 𑌹𑌰𑌿𑌯𑍂𑌥𑌪𑍈𑌃 ।
𑌯𑌥𑌾 𑌕𑌲𑌮𑌕𑍇𑌦𑌾𑌰𑍈𑌃 𑌪𑌕𑍍𑌵𑍈𑌰𑌿𑌵 𑌵𑌸𑍁𑌂𑌦𑌰𑌾 ॥ 𑍯4 ॥

𑌮𑌹𑍇𑌂𑌦𑍍𑌰𑌮𑌥 𑌸𑌂𑌪𑍍𑌰𑌾𑌪𑍍𑌯 𑌰𑌾𑌮𑍋 𑌰𑌾𑌜𑍀𑌵𑌲𑍋𑌚𑌨𑌃 ।
𑌅𑌧𑍍𑌯𑌾𑌰𑍋𑌹𑌨𑍍𑌮𑌹𑌾𑌬𑌾𑌹𑍁𑌶𑍍𑌶𑌿𑌖𑌰𑌂 𑌦𑍍𑌰𑍁𑌮𑌭𑍂𑌷𑌿𑌤𑌮𑍍 ॥ 𑍯5 ॥

𑌤𑌤𑌶𑍍𑌶𑌿𑌖𑌰𑌮𑌾𑌰𑍁𑌹𑍍𑌯 𑌰𑌾𑌮𑍋 𑌦𑌶𑌰𑌥𑌾𑌤𑍍𑌮𑌜𑌃 ।
𑌕𑍂𑌰𑍍𑌮𑌮𑍀𑌨𑌸𑌮𑌾𑌕𑍀𑌰𑍍𑌣𑌮𑌪𑌶𑍍𑌯𑌤𑍍𑌸𑌲𑌿𑌲𑌾𑌕𑍁𑌲𑌮𑍍 ॥ 𑍯6 ॥

𑌤𑍇 𑌸𑌹𑍍𑌯𑌂 𑌸𑌮𑌤𑌿𑌕𑍍𑌰𑌮𑍍𑌯 𑌮𑌲𑌯𑌂 𑌚 𑌮𑌹𑌾𑌗𑌿𑌰𑌿𑌮𑍍 ।
𑌆𑌸𑍇𑌦𑍁𑌰𑌾𑌨𑍁𑌪𑍂𑌰𑍍𑌵𑍍𑌯𑍇𑌣 𑌸𑌮𑍁𑌦𑍍𑌰𑌂 𑌭𑌮𑌨𑌿𑌸𑍍𑌸𑍍𑌵𑌨𑌮𑍍 ॥ 𑍯𑍭 ॥

𑌅𑌵𑌰𑍁𑌹𑍍𑌯 𑌜𑌗𑌾𑌮𑌾𑌶𑍁 𑌵𑍇𑌲𑌾𑌵𑌨𑌮𑌨𑍁𑌤𑍍𑌤𑌮𑌮𑍍 ।
𑌰𑌾𑌮𑍋 𑌰𑌮𑌯𑌤𑌾𑌂 𑌶𑍍𑌰𑍇𑌷𑍍𑌟 𑌸𑍍𑌸𑌸𑍁𑌗𑍍𑌰𑍀𑌵 𑌸𑍍𑌸𑌲𑌕𑍍𑌷𑍍𑌮𑌣𑌃 ॥ 𑍯𑍮 ॥

𑌅𑌥 𑌧𑍌𑌤𑍋𑌪𑌲𑌤𑌲𑌾𑌂 𑌤𑍋𑌯𑍌𑌘𑍈 𑌸𑍍𑌸𑌹𑌸𑍋𑌤𑍍𑌥𑌿𑌤𑍈𑌃 ।
𑌵𑍇𑌲𑌾𑌮𑌾𑌸𑌾𑌦𑍍𑌯 𑌵𑌿𑌪𑍁𑌲𑌾𑌨𑍍𑌰𑌾𑌮𑍋 𑌵𑌚𑌨𑌮𑌬𑍍𑌰𑌵𑍀𑌤𑍍 ॥ 𑍯𑍯 ॥

𑌏𑌤𑍇 𑌵𑌯𑌮𑌨𑍁𑌪𑍍𑌰𑌾𑌪𑍍𑌤𑌾 𑌸𑍍𑌸𑍁𑌗𑍍𑌰𑍀𑌵 𑌵𑌰𑍁𑌣𑌾𑌲𑌯𑌮𑍍 ।
𑌇𑌹𑍇𑌦𑌾𑌨𑍀𑌂 𑌵𑌿𑌚𑌿𑌂𑌤𑌾 𑌸𑌾𑌯𑌾 𑌨𑌃 𑌪𑍂𑌰𑍍𑌵𑌸𑌮𑍁𑌤𑍍𑌥𑌿𑌤𑌾 ॥ 100 ॥

𑌅𑌤𑌃 𑌪𑌰𑌮𑌤𑍀𑌰𑍋𑌽𑌯𑌂 𑌸𑌾𑌗𑌰 𑌸𑍍𑌸𑌰𑌿𑌤𑌾𑌂 𑌪𑌤𑌿𑌃 ।
𑌨 𑌚𑌾𑌯𑌮𑌨𑍁𑌪𑌾𑌯𑍇𑌨 𑌶𑌕𑍍𑌯𑌸𑍍𑌤𑌰𑌿𑌤𑍁𑌮𑌰𑍍𑌣𑌵𑌃 ॥ 101 ॥

𑌤𑌦𑌿𑌹𑍈𑌵 𑌨𑌿𑌵𑍇𑌶𑍋𑌽𑌸𑍍𑌤𑍁 𑌮𑌂𑌤𑍍𑌰𑌃 𑌪𑍍𑌰𑌸𑍍𑌤𑍂𑌯𑌤𑌾𑌮𑌿𑌹 ।
𑌯𑌥𑍇𑌦𑌂 𑌵𑌾𑌨𑌰𑌬𑌲𑌂 𑌪𑌰𑌂 𑌪𑌾𑌰𑌮𑌵𑌾𑌪𑍍𑌨𑍁𑌯𑌾𑌤𑍍 ॥ 102 ॥

𑌇𑌤𑍀𑌵 𑌸 𑌮𑌹𑌾𑌬𑌾𑌹𑍁𑌸𑍍𑌸𑍀𑌤𑌾𑌹𑌰𑌣𑌕𑌰𑍍𑌶𑌿𑌤𑌃 ।
𑌰𑌾𑌮𑌸𑍍𑌸𑌾𑌗𑌰𑌮𑌾𑌸𑌾𑌦𑍍𑌯 𑌵𑌾𑌸𑌮𑌾𑌜𑍍𑌞𑌾𑌪𑌯𑌤𑍍𑌤𑌦𑌾 ॥ 103 ॥

𑌸𑌰𑍍𑌵𑌾 𑌸𑍍𑌸𑍇𑌨𑌾 𑌨𑌿𑌵𑍇𑌶𑍍𑌯𑌂𑌤𑌾𑌂 𑌵𑍇𑌲𑌾𑌯𑌾𑌂 𑌹𑌰𑌿𑌪𑍁𑌂𑌗𑌵 ।
𑌸𑌂𑌪𑍍𑌰𑌾𑌪𑍍𑌤𑍋 𑌮𑌂𑌤𑍍𑌰𑌕𑌾𑌲𑍋 𑌨𑌸𑍍𑌸𑌾𑌗𑌰𑌸𑍍𑌯𑍇𑌹 𑌲𑌂𑌘𑌨𑍇 ॥ 104 ॥

𑌸𑍍𑌵𑌾𑌂 𑌸𑍍𑌵𑌾𑌂 𑌸𑍇𑌨𑌾𑌂 𑌸𑌮𑍁𑌤𑍍𑌸𑍃𑌜𑍍𑌯 𑌮𑌾 𑌚 𑌕𑌶𑍍𑌚𑌿𑌤𑍍𑌕𑍁𑌤𑍋 𑌵𑍍𑌰𑌜𑍇𑌤𑍍 ।
𑌗𑌚𑍍𑌛𑌂𑌤𑍁 𑌵𑌾𑌨𑌰𑌾𑌶𑍍𑌶𑍂𑌰𑌾𑌜𑍍𑌞𑍇𑌯𑌂 𑌛𑌨𑍍𑌨𑌂 𑌭𑌯𑌂 𑌚 𑌨𑌃 ॥ 105 ॥

𑌰𑌾𑌮𑌸𑍍𑌯 𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌸𑍁𑌗𑍍𑌰𑍀𑌵 𑌸𑍍𑌸𑌹𑌲𑌕𑍍𑌷𑍍𑌮𑌣𑌃 ।
𑌸𑍇𑌨𑌾𑌂 𑌨𑌿𑌵𑍇𑌶𑌯𑌤𑌤𑍀𑌰𑍇 𑌸𑌾𑌗𑌰𑌸𑍍𑌯 𑌦𑍍𑌰𑍁𑌮𑌾𑌯𑍁𑌤𑍇 ॥ 106 ॥

𑌵𑌿𑌰𑌰𑌾𑌜 𑌸𑌮𑍀𑌪𑌸𑍍𑌥𑌂 𑌸𑌾𑌗𑌰𑌸𑍍𑌯 𑌤𑍁 𑌤𑌦𑍍𑌬𑌲𑌮𑍍 ।
𑌮𑌧𑍁𑌪𑌾𑌂𑌡𑍁𑌜𑌲 𑌶𑍍𑌰𑌶𑍀𑌮𑌾𑌨𑍍 𑌦𑍍𑌵𑌿𑌤𑍀𑌯 𑌇𑌵 𑌸𑌾𑌗𑌰𑌃 ॥ 10𑍭 ॥

𑌵𑍇𑌲𑌾𑌵𑌨𑌮𑍁𑌪𑌾𑌗𑌮𑍍𑌯 𑌤𑌤𑌸𑍍𑌤𑍇 𑌹𑌰𑌿𑌪𑍁𑌂𑌗𑌵𑌾𑌃 ।
𑌨𑌿𑌵𑌿𑌷𑍍𑌟𑌾𑌶𑍍𑌚 𑌪𑌰𑌂 𑌪𑌾𑌰𑌂 𑌕𑌾𑌂𑌕𑍍𑌷𑌮𑌾𑌣𑌾 𑌮𑌹𑍋𑌦𑌧𑍇𑌃 ॥ 10𑍮 ॥

𑌤𑍇𑌷𑌾𑌂 𑌨𑌿𑌵𑌿𑌶𑌮𑌾𑌨𑌾𑌨𑌾𑌂 𑌸𑍈𑌨𑍍𑌯𑌸𑌨𑍍𑌨𑌾𑌹𑌨𑌿𑌸𑍍𑌸𑍍𑌵𑌨𑌃 ।
𑌅𑌂𑌤𑌰𑍍𑌧𑌾𑌯 𑌮𑌹𑌾𑌨𑌾𑌦𑌮𑌰𑍍𑌣𑌵𑌸𑍍𑌯 𑌪𑍍𑌰𑌶𑍁𑌶𑍍𑌰𑍁𑌵𑍇 ॥ 10𑍯 ॥

𑌸𑌾 𑌵𑌾𑌨𑌰𑌾𑌣𑌾𑌂 𑌧𑍍𑌵𑌜𑌿𑌨𑍀 𑌸𑍁𑌗𑍍𑌰𑍀𑌵𑍇𑌣𑌾𑌭𑌿𑌪𑌾𑌲𑌿𑌤𑌾 ।
𑌤𑍍𑌰𑌿𑌧𑌾 𑌨𑌿𑌵𑌿𑌷𑍍𑌟𑌾 𑌮𑌹𑌤𑍀 𑌰𑌾𑌮𑌸𑍍𑌯𑌾𑌰𑍍𑌥𑌪𑌰𑌾𑌽𑌭𑌵𑌤𑍍 ॥ 110 ॥

𑌸𑌾 𑌮𑌹𑌾𑌰𑍍𑌣𑌵𑌮𑌾𑌸𑌾𑌦𑍍𑌯 𑌹𑍃𑌷𑍍𑌟𑌾 𑌵𑌾𑌨𑌰𑌵𑌾𑌹𑌿𑌨𑍀 ।
𑌵𑌾𑌯𑍁𑌵𑍇𑌗𑌸𑌮𑌾𑌧𑍂𑌤𑌂 𑌪𑌶𑍍𑌯𑌮𑌾𑌨𑌾 𑌮𑌹𑌾𑌰𑍍𑌣𑌵𑌮𑍍 ॥ 111 ॥

𑌦𑍂𑌰𑌪𑌾𑌰𑌮𑌸𑌂𑌬𑌾𑌧𑌂 𑌰𑌕𑍍𑌷𑍋𑌗𑌣𑌨𑌿𑌷𑍇𑌵𑌿𑌤𑌮𑍍 ।
𑌪𑌶𑍍𑌯𑌂𑌤𑍋 𑌵𑌰𑍁𑌣𑌾𑌵𑌾𑌸𑌂 𑌨𑌿𑌷𑍇𑌦𑍁𑌰𑍍𑌹𑌰𑌿𑌯𑍂𑌥𑌪𑌾𑌃 ॥ 112 ॥

𑌚𑌂𑌡𑌨𑌕𑍍𑌰𑌗𑍍𑌰𑌾𑌹𑌂 𑌘𑍋𑌰𑌂 𑌕𑍍𑌷𑌪𑌾𑌦𑍌 𑌦𑌿𑌵𑌸𑌕𑍍𑌷𑍍𑌯𑍇 ।
𑌹𑌸𑌂𑌤𑌮𑌿𑌵 𑌫𑍇𑌨𑍌𑌘𑍈𑌰𑍍𑌨𑍃𑌤𑍍𑌯𑌂𑌤𑌮𑌿𑌵 𑌚𑍋𑌰𑍍𑌮𑌿𑌭𑌿𑌃 ॥ 113 ॥

𑌚𑌂𑌦𑍍𑌰𑍋𑌦𑌯𑍇 𑌸𑌮𑍁𑌦𑍍𑌭𑍂𑌤𑌂 𑌪𑍍𑌰𑌤𑌿𑌚𑌂𑌦𑍍𑌰𑌸𑌮𑌾𑌕𑍁𑌲𑌮𑍍 ।
𑌚𑌂𑌡𑌾𑌨𑌿𑌲𑌮𑌹𑌾𑌗𑍍𑌰𑌾𑌹𑍈𑌃 𑌕𑍀𑌰𑍍𑌣𑌂 𑌤𑌿𑌮𑌿𑌤𑌿𑌮𑌿𑌂𑌗𑌿𑌲𑍈𑌃 ॥ 114 ॥

𑌦𑍀𑌪𑍍𑌤𑌭𑍋𑌗𑍈𑌰𑌿𑌵𑌾𑌕𑍀𑌰𑍍𑌣𑌂 𑌭𑍁𑌜𑌂𑌗𑍈𑌰𑍍𑌵𑌰𑍁𑌣𑌾𑌲𑌯𑌮𑍍 ।
𑌅𑌵𑌗𑌾𑌢𑌂 𑌮𑌹𑌾𑌸𑌤𑍍𑌤𑍍𑌵𑍈𑌰𑍍𑌨𑌾𑌨𑌾𑌶𑍈𑌲𑌸𑌮𑌾𑌕𑍁𑌲𑌮𑍍 ।
𑌸𑍁𑌦𑍁𑌰𑍍𑌗𑌂 𑌦𑍁𑌰𑍍𑌗𑌮𑌾𑌰𑍍𑌗𑌂 𑌤𑌮𑌗𑌾𑌧 𑌮𑌸𑍁𑌰𑌾𑌲𑌯𑌮𑍍 ॥ 115 ॥

𑌮𑌕𑌰𑍈𑌰𑍍𑌨𑌾𑌗𑌭𑍋𑌗𑍈𑌶𑍍𑌚 𑌵𑌿𑌗𑌾𑌢𑌾 𑌵𑌾𑌤𑌲𑍋𑌲𑌿𑌤𑌾𑌃 ।
𑌉𑌤𑍍𑌪𑍇𑌤𑍁𑌶𑍍𑌚 𑌨𑌿𑌪𑍇𑌤𑍁𑌶𑍍𑌚 𑌪𑍍𑌰𑌵𑍃𑌦𑍍𑌧𑌾 𑌜𑌲𑌰𑌾𑌶𑌯𑌃 ॥ 116 ॥

𑌉𑌤𑍍𑌪𑍇𑌤𑍁𑌃 𑌚 𑌨𑌿𑌪𑍇𑌤𑍁𑌃 𑌚 𑌪𑍍𑌰𑌵𑍃𑌦𑍍𑌧𑌾 𑌜𑌲 𑌰𑌾𑌶𑌯𑌃 ।
𑌅𑌗𑍍𑌨𑌿 𑌚𑍂𑌰𑍍𑌣𑌂 𑌇𑌵 𑌆𑌵𑌿𑌦𑍍𑌧𑌂 𑌭𑌾𑌸𑍍𑌕𑌰 𑌅𑌂𑌬𑍁 𑌮𑌨𑍋 𑌰𑌗𑌮𑍍 ॥ 11𑍭 ॥

𑌸𑌾𑌗𑌰𑌂 𑌚𑌾𑌂𑌬𑌰𑌪𑍍𑌰𑌖𑍍𑌯𑌮𑌂𑌬𑌰𑌂 𑌸𑌾𑌗𑌰𑍋𑌪𑌮𑌮𑍍 ।
𑌸𑌾𑌗𑌰𑌂 𑌚𑌾𑌂𑌬𑌰𑌂 𑌚𑍇𑌤𑌿 𑌨𑌿𑌰𑍍𑌵𑌿𑌶𑍇𑌷 𑌮𑌦𑍃𑌶𑍍𑌯𑌤 ॥ 11𑍮 ॥

𑌸𑌂𑌪𑍃𑌕𑍍𑌤𑌂 𑌨𑌭𑌸𑌾𑌪𑍍𑌯𑌂𑌭𑌸𑍍𑌸𑌂𑌪𑍃𑌕𑍍𑌤𑌂 𑌚 𑌨𑌭𑍋𑌽𑌂𑌭𑌸𑌾 ।
𑌤𑌾𑌦𑍃𑌗𑍍𑌰𑍂𑌪𑍇𑌚 𑌦𑍃𑌶𑍍𑌯𑌤𑍇 𑌤𑌾𑌰𑌾𑌰𑌤𑍍𑌨𑌸𑌮𑌾𑌕𑍁𑌲𑍇 ॥ 11𑍯 ॥

𑌸𑌮𑍁𑌤𑍍𑌪𑌤𑌿𑌤𑌮𑍇𑌘𑌸𑍍𑌯 𑌵𑍀𑌚𑌿𑌮𑌾𑌲𑌾𑌕𑍁𑌲𑌸𑍍𑌯 𑌚 ।
𑌵𑌿𑌶𑍇𑌷𑍋 𑌨 𑌦𑍍𑌵𑌯𑍋𑌰𑌾𑌸𑍀𑌤𑍍𑌸𑌾𑌗𑌰𑌸𑍍𑌯𑌾𑌂𑌬𑌰𑌸𑍍𑌯 𑌚 ॥ 120 ॥

𑌅𑌨𑍍𑌯𑍋𑌨𑍍𑌯𑍈𑌰𑌾𑌹𑌤𑌾 𑌸𑍍𑌸𑌕𑍍𑌤𑌾 𑌸𑍍𑌸𑌸𑍍𑌵𑌨𑍁𑌰𑍍𑌭𑍀𑌮𑌨𑌿𑌸𑍍𑌸𑍍𑌵𑌨𑌾𑌃 ।
𑌊𑌰𑍍𑌮𑌯𑌸𑍍𑌸𑌿𑌂𑌧𑍁𑌰𑌾𑌜𑌸𑍍𑌯 𑌮𑌹𑌾𑌭𑍇𑌰𑍍𑌯 𑌇𑌵𑌾𑌹𑌵𑍇 ॥ 121 ॥

𑌰𑌤𑍍𑌨𑍌𑌘 𑌜𑌲𑌸𑌨𑍍𑌨𑌾𑌦𑌂 𑌵𑌿𑌷𑌕𑍍𑌤𑌮𑌿𑌵 𑌵𑌾𑌯𑍁𑌨𑌾 ।
𑌉𑌤𑍍𑌪𑌤𑌂𑌤𑌮𑌿𑌵 𑌕𑍍𑌰𑍁𑌦𑍍𑌧𑌂 𑌯𑌾𑌦𑍋𑌗𑌣𑌸𑌮𑌾𑌕𑍁𑌲𑌮𑍍 ॥ 122 ॥

𑌦𑌦𑍃𑌶𑍁𑌸𑍍𑌤𑍇 𑌮𑌹𑍋𑌤𑍍𑌸𑌾𑌹 𑌵𑌾𑌤𑌾𑌹𑌤𑌜𑌲𑌾𑌶𑌯𑌮𑍍 ।
𑌅𑌨𑌿𑌲𑍋𑌦𑍍𑌧𑍂𑌤𑌮𑌾𑌕𑌾𑌶𑍇 𑌪𑍍𑌰𑌵𑌲𑍍𑌗𑌂𑌤 𑌮𑌮𑌿𑌵𑍋𑌰𑍍𑌮𑌿𑌭𑌿𑌃 ॥ 123 ॥

𑌤𑌤𑍋 𑌵𑌿𑌸𑍍𑌮𑌯𑌮𑌾𑌪𑌨𑍍𑌨𑌾 𑌹𑌰𑌯𑍋 𑌦𑌦𑍃𑌶𑍁𑌰𑍍𑌹𑌰𑌯𑌸𑍍𑌤𑌦𑌾 ।
𑌭𑍍𑌰𑌾𑌂𑌤𑍋𑌰𑍍𑌮𑌿𑌜𑌾𑌲𑌸𑌨𑍍𑌨𑌾𑌦𑌂 𑌪𑍍𑌰𑌲𑍋𑌲𑌮𑌿𑌵 𑌸𑌾𑌗𑌰𑌮𑍍 ॥ 124 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌚𑌤𑍁𑌰𑍍𑌥𑌸𑍍𑌸𑌰𑍍𑌗𑌃 ॥


Browse Related Categories: