Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

2.1 𑌅𑌯𑍋𑌧𑍍𑌯𑌾𑌕𑌾𑌂𑌡 - 𑌪𑍍𑌰𑌥𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌪𑍍𑌰𑌥𑌮𑌸𑍍𑌸𑌰𑍍𑌗𑌃 ।

𑌗𑌚𑍍𑌛𑌤𑌾 𑌮𑌾𑌤𑍁𑌲𑌕𑍁𑌲𑌂 𑌭𑌰𑌤𑍇𑌨 𑌤𑌦𑌾𑌽𑌨𑌘 ।
𑌶𑌤𑍍𑌰𑍁𑌘𑍍𑌨𑍋 𑌨𑌿𑌤𑍍𑌯𑌶𑌤𑍍𑌰𑍁𑌘𑍍𑌨𑍋 𑌨𑍀𑌤𑌃 𑌪𑍍𑌰𑍀𑌤𑌿𑌪𑍁𑌰𑌸𑍍𑌕𑍃𑌤𑌃 ॥ 1 ॥

𑌤𑌤𑍍𑌰 𑌨𑍍𑌯𑌵𑌸𑌦𑍍𑌭𑍍𑌰𑌾𑌤𑍍𑌰𑌾 𑌸𑌹 𑌸𑌤𑍍𑌕𑌾𑌰𑌸𑌤𑍍𑌕𑍃𑌤𑌃 ।
𑌮𑌾𑌤𑍁𑌲𑍇𑌨𑌾𑌶𑍍𑌵𑌪𑌤𑌿𑌨𑌾 𑌪𑍁𑌤𑍍𑌰𑌸𑍍𑌨𑍇𑌹𑍇𑌨 𑌲𑌾𑌲𑌿𑌤𑌃 ॥ 2 ॥

𑌤𑌤𑍍𑌰𑌾𑌪𑌿 𑌨𑌿𑌵𑌸𑌂𑌤𑍌 𑌤𑍌 𑌤𑌰𑍍𑌪𑍍𑌯𑌮𑌾𑌣𑍌 𑌚 𑌕𑌾𑌮𑌤𑌃 ।
𑌭𑍍𑌰𑌾𑌤𑌰𑍌 𑌸𑍍𑌮𑌰𑌤𑌾𑌂 𑌵𑍀𑌰𑍌 𑌵𑍃𑌦𑍍𑌧𑌂 𑌦𑌶𑌰𑌥𑌂 𑌨𑍃𑌪𑌮𑍍 ॥ 3 ॥

𑌰𑌾𑌜𑌾𑌽𑌪𑌿 𑌤𑍌 𑌮𑌹𑌾𑌤𑍇𑌜𑌾 𑌸𑍍𑌸𑌸𑍍𑌮𑌾𑌰 𑌪𑍍𑌰𑍋𑌷𑌿𑌤𑍌 𑌸𑍁𑌤𑍌 ।
𑌉𑌭𑍌 𑌭𑌰𑌤𑌶𑌤𑍍𑌰𑍁𑌘𑍍𑌨𑍌 𑌮𑌹𑍇𑌂𑌦𑍍𑌰𑌵𑌰𑍁𑌣𑍋𑌪𑌮𑍌 ॥ 4 ॥

𑌸𑌰𑍍𑌵 𑌏𑌵 𑌤𑍁 𑌤𑌸𑍍𑌯𑍇𑌷𑍍𑌟𑌾 𑌶𑍍𑌚𑌤𑍍𑌵𑌾𑌰𑌃 𑌪𑍁𑌰𑍁𑌷𑌰𑍍𑌷𑌭𑌾𑌃 ।
𑌸𑍍𑌵𑌶𑌰𑍀𑌰𑌾𑌦𑍍𑌵𑌿𑌨𑌿𑌰𑍍𑌵𑍃𑌤𑍍𑌤𑌾𑌶𑍍𑌚𑌤𑍍𑌵𑌾𑌰 𑌇𑌵 𑌬𑌾𑌹𑌵𑌃 ॥ 5 ॥

𑌤𑍇𑌷𑌾𑌮𑌪𑌿 𑌮𑌹𑌾𑌤𑍇𑌜𑌾 𑌰𑌾𑌮𑍋 𑌰𑌤𑌿𑌕𑌰𑌃𑌪𑌿𑌤𑍁𑌃 ।
𑌸𑍍𑌵𑌯𑌂𑌭𑍂𑌰𑌿𑌵 𑌭𑍂𑌤𑌾𑌨𑌾𑌂 𑌬𑌭𑍂𑌵 𑌗𑍁𑌣𑌵𑌤𑍍𑌤𑌰𑌃 ॥ 6 ॥

𑌸 𑌹𑌿 𑌦𑍇𑌵𑍈𑌰𑍁𑌦𑍀𑌰𑍍𑌣𑌸𑍍𑌯 𑌰𑌾𑌵𑌣𑌸𑍍𑌯 𑌵𑌧𑌾𑌰𑍍𑌥𑌿𑌭𑌿𑌃 ।
𑌅𑌰𑍍𑌥𑌿𑌤𑍋 𑌮𑌾𑌨𑍁𑌷𑍇 𑌲𑍋𑌕𑍇 𑌜𑌜𑍍𑌞𑍇 𑌵𑌿𑌷𑍍𑌣𑍁𑌸𑍍𑌸𑌨𑌾𑌤𑌨𑌃 ॥ 𑍭 ॥

𑌕𑍌𑌶𑌲𑍍𑌯𑌾 𑌶𑍁𑌶𑍁𑌭𑍇 𑌤𑍇𑌨 𑌪𑍁𑌤𑍍𑌰𑍇𑌣𑌾𑌮𑌿𑌤𑌤𑍇𑌜𑌸𑌾 ।
𑌯𑌥𑌾 𑌵𑌰𑍇𑌣 𑌦𑍇𑌵𑌾𑌨𑌾𑌮𑌦𑌿𑌤𑌿𑌰𑍍𑌵𑌜𑍍𑌰𑌪𑌾𑌣𑌿𑌨𑌾 ॥ 𑍮 ॥

𑌸 𑌹𑌿 𑌰𑍂𑌪𑍋𑌪𑌪𑌨𑍍𑌨𑌶𑍍𑌚 𑌵𑍀𑌰𑍍𑌯𑌵𑌾𑌨𑌨𑌸𑍂𑌯𑌕𑌃 ।
𑌭𑍂𑌮𑍌𑌵𑌨𑍁𑌪𑌮𑌸𑍍𑌸𑍂𑌨𑍁𑌰𑍍𑌗𑍁𑌣𑍈𑌰𑍍𑌦𑌶𑌰𑌥𑍋𑌪𑌮𑌃 ॥ 𑍯 ॥

𑌸 𑌤𑍁 𑌨𑌿𑌤𑍍𑌯𑌂 𑌪𑍍𑌰𑌶𑌾𑌂𑌤𑌾𑌤𑍍𑌮𑌾 𑌮𑍃𑌦𑍁𑌪𑍂𑌰𑍍𑌵𑌂 𑌚 𑌭𑌾𑌷𑌤𑍇 ।
𑌉𑌚𑍍𑌯𑌮𑌾𑌨𑍋𑌽𑌪𑌿 𑌪𑌰𑍁𑌷𑌂 𑌨𑍋𑌤𑍍𑌤𑌰𑌂 𑌪𑍍𑌰𑌤𑌿𑌪𑌦𑍍𑌯𑌤𑍇 ॥ 10 ॥

𑌕𑌥𑌂𑌚𑌿𑌦𑍁𑌪𑌕𑌾𑌰𑍇𑌣 𑌕𑍃𑌤𑍇𑌨𑍈𑌕𑍇𑌨 𑌤𑍁𑌷𑍍𑌯𑌤𑌿 ।
𑌨 𑌸𑍍𑌮𑌰𑌤𑍍𑌯𑌪𑌕𑌾𑌰𑌾𑌣𑌾𑌂 𑌶𑌤𑌮𑌪𑍍𑌯𑌾𑌤𑍍𑌮𑌵𑌤𑍍𑌤𑌯𑌾 ॥ 11 ॥

𑌶𑍀𑌲𑌵𑍃𑌦𑍍𑌧𑍈𑌰𑍍𑌜𑍍𑌞𑌾𑌨𑌵𑍃𑌦𑍍𑌧𑍈𑌰𑍍𑌵𑌯𑍋𑌵𑍃𑌦𑍍𑌧𑍈𑌶𑍍𑌚 𑌸𑌜𑍍𑌜𑌨𑍈𑌃 ।
𑌕𑌥𑌯𑌨𑍍𑌨𑌾𑌸𑍍𑌤 𑌵𑍈 𑌨𑌿𑌤𑍍𑌯𑌮𑌸𑍍𑌤𑍍𑌰𑌯𑍋𑌗𑍍𑌯𑌾𑌂𑌤𑌰𑍇𑌷𑍍𑌵𑌪𑌿 ॥ 12 ॥

𑌬𑍁𑌦𑍍𑌧𑌿𑌮𑌾𑌨𑍍𑌮𑌧𑍁𑌰𑌾𑌭𑌾𑌷𑍀 𑌪𑍂𑌰𑍍𑌵𑌭𑌾𑌷𑍀 𑌪𑍍𑌰𑌿𑌯𑌂𑌵𑌦𑌃 ।
𑌵𑍀𑌰𑍍𑌯𑌵𑌾𑌨𑍍𑌨 𑌚 𑌵𑍀𑌰𑍍𑌯𑍇𑌣 𑌮𑌹𑌤𑌾 𑌸𑍍𑌵𑍇𑌨 𑌵𑌿𑌸𑍍𑌮𑌿𑌤𑌃 ॥ 13 ॥

𑌨𑌚𑌾𑌨𑍃𑌤𑌕𑌥𑍋 𑌵𑌿𑌦𑍍𑌵𑌾𑌨𑍍 𑌵𑍃𑌦𑍍𑌧𑌾𑌨𑌾𑌂 𑌪𑍍𑌰𑌤𑌿𑌪𑍂𑌜𑌕𑌃 ।
𑌅𑌨𑍁𑌰𑌕𑍍𑌤𑌃 𑌪𑍍𑌰𑌜𑌾𑌭𑌿𑌶𑍍𑌚 𑌪𑍍𑌰𑌜𑌾𑌶𑍍𑌚𑌾𑌪𑍍𑌯𑌨𑍁𑌰𑌂𑌜𑌤𑍇 ॥ 14 ॥

𑌸𑌾𑌨𑍁𑌕𑍍𑌰𑍋𑌶𑍋 𑌜𑌿𑌤𑌕𑍍𑌰𑍋𑌧𑍋 𑌬𑍍𑌰𑌾𑌹𑍍𑌮𑌣𑌪𑍍𑌰𑌤𑌿𑌪𑍂𑌜𑌕𑌃 ।
𑌦𑍀𑌨𑌾𑌨𑍁𑌕𑌂𑌪𑍀 𑌧𑌰𑍍𑌮𑌜𑍍𑌞𑍋 𑌨𑌿𑌤𑍍𑌯𑌂 𑌪𑍍𑌰𑌗𑍍𑌰𑌹𑌵𑌾𑌂𑌶𑍍𑌚𑍁𑌚𑌿𑌃 ॥ 15 ॥

𑌕𑍁𑌲𑍋𑌚𑌿𑌤𑌮𑌤𑌿𑌃 𑌕𑍍𑌷𑌾𑌤𑍍𑌰𑌂 𑌧𑌰𑍍𑌮𑌂 𑌸𑍍𑌵𑌂 𑌬𑌹𑍁𑌮𑌨𑍍𑌯𑌤𑍇 ।
𑌮𑌨𑍍𑌯𑌤𑍇 𑌪𑌰𑌯𑌾 𑌕𑍀𑌰𑍍𑌤𑍍𑌯𑌾 𑌮𑌹𑌤𑍍𑌸𑍍𑌵𑌰𑍍𑌗𑌫𑌲𑌂 𑌤𑌤𑌃 ॥ 16 ॥

𑌨𑌾𑌽𑌽𑌶𑍍𑌰𑍇𑌯𑌸𑌿 𑌰𑌤𑍋 𑌵𑌿𑌦𑍍𑌵𑌾𑌨𑍍𑌨𑌵𑌿𑌰𑍁𑌦𑍍𑌧𑌕𑌥𑌾𑌰𑍁𑌚𑌿𑌃 ।
𑌉𑌤𑍍𑌤𑌰𑍋𑌤𑍍𑌤𑌰𑌯𑍁𑌕𑍍𑌤𑍌 𑌚 𑌵𑌕𑍍𑌤𑌾 𑌵𑌾𑌚𑌸𑍍𑌪𑌤𑌿𑌰𑍍𑌯𑌥𑌾 ॥ 1𑍭 ॥

𑌅𑌰𑍋𑌗𑌸𑍍𑌤𑌰𑍁𑌣𑍋 𑌵𑌾𑌗𑍍𑌮𑍀 𑌵𑌪𑍁𑌷𑍍𑌮𑌾𑌂𑌦𑍇𑌶𑌕𑌾𑌲𑌵𑌿𑌤𑍍 ।
𑌲𑍋𑌕𑍇 𑌪𑍁𑌰𑍁𑌷𑌸𑌾𑌰𑌜𑍍𑌞 𑌸𑍍𑌸𑌾𑌧𑍁𑌰𑍇𑌕𑍋 𑌵𑌿𑌨𑌿𑌰𑍍𑌮𑌿𑌤𑌃 ॥ 1𑍮 ॥

𑌸 𑌤𑍁 𑌶𑍍𑌰𑍇𑌷𑍍𑌠𑍈𑌰𑍍𑌗𑍁𑌣𑍈𑌰𑍍𑌯𑍁𑌕𑍍𑌤𑌃 𑌪𑍍𑌰𑌜𑌾𑌨𑌾𑌂 𑌪𑌾𑌰𑍍𑌥𑌿𑌵𑌾𑌤𑍍𑌮𑌜𑌃 ।
𑌬𑌹𑌿𑌶𑍍𑌚𑌰 𑌇𑌵 𑌪𑍍𑌰𑌾𑌣𑍋 𑌬𑌭𑍂𑌵 𑌗𑍁𑌣𑌤𑌃 𑌪𑍍𑌰𑌿𑌯𑌃 ॥ 1𑍯 ॥

𑌸𑌮𑍍𑌯𑌗𑍍𑌵𑌿𑌦𑍍𑌯𑌾𑌵𑍍𑌰𑌤𑌸𑍍𑌨𑌾𑌤𑍋 𑌯𑌥𑌾𑌵𑌤𑍍𑌸𑌾𑌂𑌗𑌵𑍇𑌦𑌵𑌿𑌤𑍍 ।
𑌇𑌷𑍍𑌵𑌸𑍍𑌤𑍍𑌰𑍇 𑌚 𑌪𑌿𑌤𑍁 𑌶𑍍𑌶𑍍𑌰𑍇𑌷𑍍𑌠𑍋 𑌬𑌭𑍂𑌵 𑌭𑌰𑌤𑌾𑌗𑍍𑌰𑌜𑌃 ॥ 20 ॥

𑌕𑌲𑍍𑌯𑌾𑌣𑌾𑌭𑌿𑌜𑌨 𑌸𑍍𑌸𑌾𑌧𑍁𑌰𑌦𑍀𑌨 𑌸𑍍𑌸𑌤𑍍𑌯𑌵𑌾𑌗𑍃𑌜𑍁𑌃 ।
𑌵𑍃𑌦𑍍𑌧𑍈𑌰𑌭𑌿𑌵𑌿𑌨𑍀𑌤𑌶𑍍𑌚 𑌦𑍍𑌵𑌿𑌜𑍈𑌰𑍍𑌧𑌰𑍍𑌮𑌾𑌰𑍍𑌥𑌦𑌰𑍍𑌶𑌿𑌭𑌿𑌃 ॥ 21 ॥

𑌧𑌰𑍍𑌮𑌕𑌾𑌮𑌾𑌰𑍍𑌥𑌤𑌤𑍍𑌤𑍍𑌵𑌜𑍍𑌞𑌃 𑌸𑍍𑌮𑍃𑌤𑌿𑌮𑌾𑌨𑍍𑌪𑍍𑌰𑌤𑌿𑌭𑌾𑌨𑌵𑌾𑌨𑍍 ।
𑌲𑍌𑌕𑌿𑌕𑍇 𑌸𑌮𑌯𑌾𑌚𑌾𑌰𑍇 𑌕𑍃𑌤𑌕𑌲𑍍𑌪𑍋 𑌵𑌿𑌶𑌾𑌰𑌦𑌃 ॥ 22 ॥

𑌨𑌿𑌭𑍃𑌤 𑌸𑍍𑌸𑌂𑌵𑍃𑌤𑌾𑌕𑌾𑌰𑍋 𑌗𑍁𑌪𑍍𑌤𑌮𑌂𑌤𑍍𑌰 𑌸𑍍𑌸𑌹𑌾𑌯𑌵𑌾𑌨𑍍 ।
𑌅𑌮𑍋𑌘𑌕𑍍𑌰𑍋𑌧𑌹𑌰𑍍𑌷𑌶𑍍𑌚 𑌤𑍍𑌯𑌾𑌗𑌸𑌂𑌯𑌮𑌕𑌾𑌲𑌵𑌿𑌤𑍍 ॥ 23 ॥

𑌦𑍃𑌢𑌭𑌕𑍍𑌤𑌿 𑌸𑍍𑌸𑍍𑌥𑌿𑌰𑌪𑍍𑌰𑌜𑍍𑌞𑍋 𑌨𑌾𑌸𑌦𑍍𑌗𑍍𑌰𑌾𑌹𑍀 𑌨 𑌦𑍁𑌰𑍍𑌵𑌚𑌾𑌃 ।
𑌨𑌿𑌸𑍍𑌤𑌂𑌦𑍍𑌰𑌿𑌰𑌪𑍍𑌰𑌮𑌤𑍍𑌤𑌶𑍍𑌚 𑌸𑍍𑌵𑌦𑍋𑌷𑌪𑌰𑌦𑍋𑌷𑌵𑌿𑌤𑍍 ॥ 24 ॥

𑌶𑌾𑌸𑍍𑌤𑍍𑌰𑌜𑍍𑌞𑌶𑍍𑌚 𑌕𑍃𑌤𑌜𑍍𑌞𑌶𑍍𑌚 𑌪𑍁𑌰𑍁𑌷𑌾𑌂𑌤𑌰𑌕𑍋𑌵𑌿𑌦𑌃 ।
𑌯𑌃 𑌪𑍍𑌰𑌗𑍍𑌰𑌹𑌾𑌨𑍁𑌗𑍍𑌰𑌹𑌯𑍋𑌰𑍍𑌯𑌥𑌾𑌨𑍍𑌯𑌾𑌯𑌂 𑌵𑌿𑌚𑌕𑍍𑌷𑌣𑌃 ॥ 25 ॥

𑌸𑌤𑍍𑌸𑌂𑌗𑍍𑌰𑌹𑌪𑍍𑌰𑌗𑍍𑌰𑌹𑌣𑍇 𑌸𑍍𑌥𑌾𑌨𑌵𑌿𑌨𑍍𑌨𑌿𑌗𑍍𑌰𑌹𑌸𑍍𑌯 𑌚 ।
𑌆𑌯𑌕𑌰𑍍𑌮𑌣𑍍𑌯𑍁𑌪𑌾𑌯𑌜𑍍𑌞 𑌸𑍍𑌸𑌂𑌦𑍃𑌷𑍍𑌟𑌵𑍍𑌯𑌯𑌕𑌰𑍍𑌮𑌵𑌿𑌤𑍍 ॥ 26 ॥

𑌶𑍍𑌰𑍈𑌷𑍍𑌠𑍍𑌯𑌂 𑌶𑌾𑌸𑍍𑌤𑍍𑌰𑌸𑌮𑍂𑌹𑍇𑌷𑍁 𑌪𑍍𑌰𑌾𑌪𑍍𑌤𑍋 𑌵𑍍𑌯𑌾𑌮𑌿𑌶𑍍𑌰𑌕𑍇𑌷𑍁 𑌚 ।
𑌅𑌰𑍍𑌥𑌧𑌮𑍌 𑌚 𑌸𑌂𑌗𑍃𑌹𑍍𑌯 𑌸𑍁𑌖𑌤𑌂𑌤𑍍𑌰𑍋 𑌨 𑌚𑌾𑌲𑌸𑌃 ॥ 2𑍭 ॥

𑌵𑍈𑌹𑌾𑌰𑌿𑌕𑌾𑌣𑌾𑌂 𑌶𑌿𑌲𑍍𑌪𑌾𑌨𑌾𑌂 𑌵𑌿𑌜𑍍𑌞𑌾𑌤𑌾𑌽𑌽𑌰𑍍𑌥𑌵𑌿𑌭𑌾𑌗𑌵𑌿𑌤𑍍 ।
𑌆𑌰𑍋𑌹𑍇 𑌵𑌿𑌨𑌯𑍇 𑌚𑍈𑌵 𑌯𑍁𑌕𑍍𑌤𑍋 𑌵𑌾𑌰𑌣𑌵𑌾𑌜𑌿𑌨𑌾𑌮𑍍 ॥ 2𑍮 ॥

𑌧𑌨𑍁𑌰𑍍𑌵𑍇𑌦𑌵𑌿𑌦𑌾𑌂 𑌶𑍍𑌰𑍇𑌷𑍍𑌠𑍋 𑌲𑍋𑌕𑍇𑌽𑌤𑌿𑌰𑌥𑌸𑌮𑍍𑌮𑌤𑌃 ।
𑌅𑌭𑌿𑌯𑌾𑌤𑌾 𑌪𑍍𑌰𑌹𑌰𑍍𑌤𑌾 𑌚 𑌸𑍇𑌨𑌾𑌨𑌯𑌵𑌿𑌶𑌾𑌰𑌦𑌃 ॥ 2𑍯 ॥

𑌅𑌪𑍍𑌰𑌧𑍃𑌷𑍍𑌯𑌶𑍍𑌚 𑌸𑌂𑌗𑍍𑌰𑌾𑌮𑍇 𑌕𑍍𑌰𑍁𑌧𑍍𑌦𑍈𑌰𑌪𑌿 𑌸𑍁𑌰𑌾𑌸𑍁𑌰𑍈𑌃 ।
𑌅𑌨𑌸𑍂𑌯𑍋 𑌜𑌿𑌤𑌕𑍍𑌰𑍋𑌧𑍋 𑌨 𑌦𑍃𑌪𑍍𑌤𑍋 𑌨 𑌚 𑌮𑌤𑍍𑌸𑌰𑍀 ।
𑌨 𑌚𑌾𑌵𑌮𑌂𑌤𑌾 𑌭𑍂𑌤𑌾𑌨𑌾𑌂 𑌨 𑌚 𑌕𑌾𑌲𑌵𑌶𑌾𑌨𑍁𑌗𑌃 ॥ 30 ॥

𑌏𑌵𑌂 𑌶𑍍𑌰𑍇𑌷𑍍𑌠𑌗𑍁𑌣𑍈𑌰𑍍𑌯𑍁𑌕𑍍𑌤𑌃 𑌪𑍍𑌰𑌜𑌾𑌨𑌾𑌂 𑌪𑌾𑌰𑍍𑌥𑌿𑌵𑌾𑌤𑍍𑌮𑌜𑌃 ।
𑌸𑌮𑍍𑌮𑌤𑌸𑍍𑌤𑍍𑌰𑌿𑌷𑍁 𑌲𑍋𑌕𑍇𑌷𑍁 𑌵𑌸𑍁𑌧𑌾𑌯𑌾𑌃 𑌕𑍍𑌷𑌮𑌾𑌗𑍁𑌣𑍈𑌃 ॥ 31 ॥

𑌬𑍁𑌦𑍍𑌧𑍍𑌯𑌾 𑌬𑍃𑌹𑌸𑍍𑌪𑌤𑍇𑌸𑍍𑌤𑍁𑌲𑍍𑌯𑍋 𑌵𑍀𑌰𑍍𑌯𑍇𑌣𑌾𑌪𑌿 𑌶𑌚𑍀𑌪𑌤𑍇𑌃 ।
𑌤𑌥𑌾 𑌸𑌰𑍍𑌵𑌪𑍍𑌰𑌜𑌾𑌕𑌾𑌂𑌤𑍈𑌃 𑌪𑍍𑌰𑍀𑌤𑌿𑌸𑌂𑌜𑌨𑌨𑍈𑌃 𑌪𑌿𑌤𑍁𑌃 ॥ 32 ॥

𑌗𑍁𑌣𑍈𑌰𑍍𑌵𑌿𑌰𑍁𑌰𑍁𑌚𑍇 𑌰𑌾𑌮𑍋 𑌦𑍀𑌪𑍍𑌤𑌸𑍍𑌸𑍂𑌰𑍍𑌯 𑌇𑌵𑌾𑌂𑌶𑍁𑌭𑌿𑌃 ।
𑌤𑌮𑍇𑌵𑌂 𑌵𑍍𑌰𑌤𑌸𑌂𑌪𑌨𑍍𑌨𑌮𑌪𑍍𑌰𑌧𑍃𑌷𑍍𑌯𑌪𑌰𑌾𑌕𑍍𑌰𑌮𑌮𑍍 ॥ 33 ॥

𑌲𑍋𑌕 𑌪𑌾𑌲𑍋𑌪𑌮𑌂 𑌨𑌾𑌥𑌮𑌕𑌾𑌮𑌯𑌤 𑌮𑍇𑌦𑌿𑌨𑍀 ।
𑌏𑌤𑍈𑌸𑍍𑌤𑍁 𑌬𑌹𑍁𑌭𑌿𑌰𑍍𑌯𑍁𑌕𑍍𑌤𑌂 𑌗𑍁𑌣𑍈𑌰𑌨𑍁𑌪𑌮𑍈𑌸𑍍𑌸𑍁𑌤𑌮𑍍 ॥ 34 ॥

𑌦𑍃𑌷𑍍𑌟𑍍𑌵𑌾 𑌦𑌶𑌰𑌥𑍋 𑌰𑌾𑌜𑌾 𑌚𑌕𑍍𑌰𑍇 𑌚𑌿𑌂𑌤𑌾𑌂 𑌪𑌰𑌂𑌤𑌪𑌃 ।
𑌅𑌥 𑌰𑌾𑌜𑍍𑌞𑍋 𑌬𑌭𑍂𑌵𑍈𑌵𑌂 𑌵𑍃𑌦𑍍𑌧𑌸𑍍𑌯 𑌚𑌿𑌰𑌜𑍀𑌵𑌿𑌨𑌃 ॥ 35 ॥

𑌪𑍍𑌰𑍀𑌤𑌿𑌰𑍇𑌷𑌾 𑌕𑌥𑌂 𑌰𑌾𑌮𑍋 𑌰𑌾𑌜𑌾 𑌸𑍍𑌯𑌾𑌨𑍍𑌮𑌯𑌿 𑌜𑍀𑌵𑌤𑌿 ।
𑌏𑌷𑌾 𑌹𑍍𑌯𑌸𑍍𑌯 𑌪𑌰𑌾 𑌪𑍍𑌰𑍀𑌤𑌿𑌰𑍍𑌹𑍃𑌦𑌿 𑌸𑌂𑌪𑌰𑌿𑌵𑌰𑍍𑌤𑌤𑍇 ॥ 36 ॥

𑌕𑌦𑌾 𑌨𑌾𑌮 𑌸𑍁𑌤𑌂 𑌦𑍍𑌰𑌕𑍍𑌷𑍍𑌯𑌾𑌮𑍍𑌯𑌭𑌿𑌷𑌿𑌕𑍍𑌤𑌮𑌹𑌂 𑌪𑍍𑌰𑌿𑌯𑌮𑍍 ।
𑌵𑍃𑌦𑍍𑌧𑌿𑌕𑌾𑌮𑍋 𑌹𑌿 𑌲𑍋𑌕𑌸𑍍𑌯 𑌸𑌰𑍍𑌵𑌭𑍂𑌤𑌾𑌨𑍁𑌕𑌂𑌪𑌨𑌃 ॥ 3𑍭 ॥

𑌮𑌤𑍍𑌤𑌃 𑌪𑍍𑌰𑌿𑌯𑌤𑌰𑍋 𑌲𑍋𑌕𑍇 𑌪𑌰𑍍𑌜𑌨𑍍𑌯 𑌇𑌵 𑌵𑍃𑌷𑍍𑌟𑌿𑌮𑌾𑌨𑍍 ।
𑌯𑌮𑌶𑌕𑍍𑌰𑌸𑌮𑍋 𑌵𑍀𑌰𑍍𑌯𑍇 𑌬𑍃𑌹𑌸𑍍𑌪𑌤𑌿𑌸𑌮𑍋 𑌮𑌤𑍌 ॥ 3𑍮 ॥

𑌮𑌹𑍀𑌧𑌰𑌸𑌮𑍋 𑌧𑍃𑌤𑍍𑌯𑌾𑌂 𑌮𑌤𑍍𑌤𑌶𑍍𑌚 𑌗𑍁𑌣𑌵𑌤𑍍𑌤𑌰𑌃 ।
𑌮𑌹𑍀𑌮𑌹𑌮𑌿𑌮𑌾𑌂 𑌕𑍃𑌤𑍍𑌸𑍍𑌨𑌾𑌮𑌧𑌿𑌤𑌿𑌷𑍍𑌠𑌂𑌤𑌮𑌾𑌤𑍍𑌮𑌜𑌮𑍍 ॥ 3𑍯 ॥

𑌅𑌨𑍇𑌨 𑌵𑌯𑌸𑌾 𑌦𑍃𑌷𑍍𑌟𑍍𑌵𑌾 𑌯𑌥𑌾𑌸𑍍𑌵𑌰𑍍𑌗𑌮𑌵𑌾𑌪𑍍𑌨𑍁𑌯𑌾𑌮𑍍 ।
𑌇𑌤𑍍𑌯𑍇𑌤𑍈𑌰𑍍𑌵𑌿𑌵𑌿𑌧𑍈𑌸𑍍𑌤𑍈𑌸𑍍𑌤𑍈𑌰𑌨𑍍𑌯𑌪𑌾𑌰𑍍𑌥𑌿𑌵𑌦𑍁𑌰𑍍𑌲𑌭𑍈𑌃 ॥ 40 ॥

𑌶𑌿𑌷𑍍𑌟𑍈𑌰𑌪𑌰𑌿𑌮𑍇𑌯𑍈𑌶𑍍𑌚 𑌲𑍋𑌕𑍇 𑌲𑍋𑌕𑍋𑌤𑍍𑌤𑌰𑍈𑌰𑍍𑌗𑍁𑌣𑍈𑌃 ।
𑌤𑌂 𑌸𑌮𑍀𑌕𑍍𑌷𑍍𑌯 𑌮𑌹𑌾𑌰𑌾𑌜𑍋 𑌯𑍁𑌕𑍍𑌤𑌂 𑌸𑌮𑍁𑌦𑌿𑌤𑍈𑌶𑍍𑌶𑍁𑌭𑍈𑌃 ॥ 41 ॥

𑌨𑌿𑌶𑍍𑌚𑌿𑌤𑍍𑌯 𑌸𑌚𑌿𑌵𑍈𑌸𑍍𑌸𑌾𑌰𑍍𑌧𑌂 𑌯𑍁𑌵𑌰𑌾𑌜𑌮𑌮𑌨𑍍𑌯𑌤 ।
𑌦𑌿𑌵𑍍𑌯𑌂𑌤𑌰𑌿𑌕𑍍𑌷𑍇 𑌭𑍂𑌮𑍌 𑌚 𑌘𑍋𑌰𑌮𑍁𑌤𑍍𑌪𑌾𑌤𑌜𑌂 𑌭𑌯𑌮𑍍 ॥ 42 ॥

𑌸𑌂𑌚𑌚𑌕𑍍𑌷𑍇𑌽𑌥 𑌮𑍇𑌧𑌾𑌵𑍀 𑌶𑌰𑍀𑌰𑍇 𑌚𑌾𑌤𑍍𑌮𑌨𑍋 𑌜𑌰𑌾𑌮𑍍 ।
𑌪𑍂𑌰𑍍𑌣𑌚𑌂𑌦𑍍𑌰𑌾𑌨𑌨𑌸𑍍𑌯𑌾𑌥 𑌶𑍋𑌕𑌾𑌪𑌨𑍁𑌦𑌮𑌾𑌤𑍍𑌮𑌨𑌃 ॥ 43 ॥

𑌲𑍋𑌕𑍇 𑌰𑌾𑌮𑌸𑍍𑌯 𑌬𑍁𑌬𑍁𑌧𑍇 𑌸𑌂𑌪𑍍𑌰𑌿𑌯𑌤𑍍𑌵𑌂 𑌮𑌹𑌾𑌤𑍍𑌮𑌨𑌃 ।
𑌆𑌤𑍍𑌮𑌨𑌶𑍍𑌚 𑌪𑍍𑌰𑌜𑌾𑌨𑌾𑌂 𑌚 𑌶𑍍𑌰𑍇𑌯𑌸𑍇 𑌚 𑌪𑍍𑌰𑌿𑌯𑍇𑌣 𑌚 ॥ 44 ॥

𑌪𑍍𑌰𑌾𑌪𑍍𑌤𑌕𑌾𑌲𑍇𑌨 𑌧𑌰𑍍𑌮𑌾𑌤𑍍𑌮𑌾 𑌭𑌕𑍍𑌤𑍍𑌯𑌾 𑌤𑍍𑌵𑌰𑌿𑌤𑌵𑌾𑌨𑍍 𑌨𑍃𑌪𑌃 ।
𑌨𑌾𑌨𑌾𑌨𑌗𑌰𑌵𑌾𑌸𑍍𑌤𑌵𑍍𑌯𑌾𑌨𑍍𑌪𑍃𑌥𑌗𑍍𑌜𑌾𑌨𑌪𑌦𑌾𑌨𑌪𑌿 ॥ 45 ॥

𑌸𑌮𑌾𑌨𑌿𑌨𑌾𑌯 𑌮𑍇𑌦𑌿𑌨𑍍𑌯𑌾𑌃 𑌪𑍍𑌰𑌧𑌾𑌨𑌾𑌨𑍍𑌪𑍃𑌥𑌿𑌵𑍀𑌪𑌤𑍀𑌨𑍍 ।
𑌨 𑌤𑍁 𑌕𑍇𑌕𑌯𑌰𑌾𑌜𑌾𑌨𑌂 𑌜𑌨𑌕𑌂 𑌵𑌾 𑌨𑌰𑌾𑌧𑌿𑌪𑌃 ॥ 46 ॥

𑌤𑍍𑌵𑌰𑌯𑌾 𑌚𑌾𑌨𑌯𑌾𑌮𑌾𑌸 𑌪𑌶𑍍𑌚𑌾𑌤𑍍𑌤𑍌 𑌶𑍍𑌰𑍋𑌷𑍍𑌯𑌤𑌃 𑌪𑍍𑌰𑌿𑌯𑌮𑍍 ।
𑌤𑌾𑌨𑍍𑌵𑍇𑌶𑍍𑌮𑌨𑌾𑌨𑌾𑌭𑌰𑌣𑍈𑌰𑍍𑌯𑌥𑌾𑌽𑌰𑍍𑌹𑌂 𑌪𑍍𑌰𑌤𑌿𑌪𑍂𑌜𑌿𑌤𑌾𑌨𑍍 ॥ 4𑍭 ॥

𑌦𑌦𑌰𑍍𑌶𑌾𑌲𑌂𑌕𑍃𑌤𑍋 𑌰𑌾𑌜𑌾 𑌪𑍍𑌰𑌜𑌾𑌪𑌤𑌿𑌰𑌿𑌵 𑌪𑍍𑌰𑌜𑌾𑌃 ।
𑌅𑌥𑍋𑌪𑌵𑌿𑌷𑍍𑌟𑍇 𑌨𑍃𑌪𑌤𑍌 𑌤𑌸𑍍𑌮𑌿𑌨𑍍𑌪𑌰𑌬𑌲𑌾𑌰𑍍𑌦𑌨𑍇 ॥ 4𑍮 ॥

𑌤𑌤𑌃 𑌪𑍍𑌰𑌵𑌿𑌵𑌿𑌶𑍁 𑌶𑍍𑌶𑍇𑌷𑌾 𑌰𑌾𑌜𑌾𑌨𑍋 𑌲𑍋𑌕𑌸𑌮𑍍𑌮𑌤𑌾𑌃 ।
𑌅𑌥 𑌰𑌾𑌜𑌵𑌿𑌤𑍀𑌰𑍍𑌣𑍇𑌷𑍁 𑌵𑌿𑌵𑌿𑌧𑍇𑌷𑍍𑌵𑌾𑌸𑌨𑍇𑌷𑍁 𑌚 ॥ 4𑍯 ॥

𑌰𑌾𑌜𑌾𑌨𑌮𑍇𑌵𑌾𑌭𑌿𑌮𑍁𑌖𑌾𑌃 𑌨𑌿𑌷𑍇𑌦𑍁𑌰𑍍𑌨𑌿𑌯𑌤𑌾 𑌨𑍃𑌪𑌾𑌃 ।
𑌸𑌲𑌬𑍍𑌧𑌮𑌾𑌨𑍈𑌰𑍍𑌵𑌿𑌨𑌯𑌾𑌨𑍍𑌵𑌿𑌤𑍈𑌰𑍍𑌨𑍃𑌪𑍈𑌃 𑌪𑍁𑌰𑌾𑌲𑌯𑍈𑌰𑍍𑌜𑌾𑌨𑌪𑌦𑍈𑌶𑍍𑌚 𑌮𑌾𑌨𑌦𑍈𑌃 ।
𑌉𑌪𑍋𑌪𑌵𑌿𑌷𑍍𑌟𑍈𑌰𑍍𑌨𑍃𑌪𑌤𑌿𑌰𑍍𑌵𑍃𑌤𑍋 𑌬𑌭𑍌 𑌸𑌹𑌸𑍍𑌰𑌚𑌕𑍍𑌷𑍁𑌰𑍍𑌭𑌗𑌵𑌾𑌨𑌿𑌵𑌾𑌮𑌰𑍈𑌃 ॥ 50 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌪𑍍𑌰𑌥𑌮𑌸𑍍𑌸𑌰𑍍𑌗𑌃 ॥


Browse Related Categories: