Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

5.𑍯 𑌸𑍁𑌂𑌦𑌰𑌕𑌾𑌂𑌡 - 𑌨𑌵𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌸𑍁𑌂𑌦𑌰𑌕𑌾𑌂𑌡𑌮𑍍 ।
𑌅𑌥 𑌨𑌵𑌮𑌸𑍍𑌸𑌰𑍍𑌗𑌃 ।

𑌤𑌸𑍍𑌯𑌾𑌲𑌯𑌵𑌰𑌿𑌷𑍍𑌠𑌸𑍍𑌯 𑌮𑌧𑍍𑌯𑍇 𑌵𑌿𑌪𑍁𑌲𑌮𑌾𑌯𑌤𑌮𑍍 ।
𑌦𑌦𑌰𑍍𑌶 𑌭𑌵𑌨𑌶𑍍𑌰𑍇𑌷𑍍𑌠𑌂 𑌹𑌨𑍁𑌮𑌾𑌨𑍍𑌮𑌾𑌰𑍁𑌤𑌾𑌤𑍍𑌮𑌜𑌃 ॥ 1 ॥

𑌅𑌰𑍍𑌧𑌯𑍋𑌜𑌨𑌵𑌿𑌸𑍍𑌤𑍀𑌰𑍍𑌣𑌮𑌾𑌯𑌤𑌂 𑌯𑍋𑌜𑌨𑌂 𑌹𑌿 𑌤𑌤𑍍 ।
𑌭𑌵𑌨𑌂 𑌰𑌾𑌕𑍍𑌷𑌸𑍇𑌂𑌦𑍍𑌰𑌸𑍍𑌯 𑌬𑌹𑍁𑌪𑍍𑌰𑌾𑌸𑌾𑌦𑌸𑌂𑌕𑍁𑌲𑌮𑍍 ॥ 2 ॥

𑌮𑌾𑌰𑍍𑌗𑌮𑌾𑌣𑌸𑍍𑌤𑍁 𑌵𑍈𑌦𑍇𑌹𑍀𑌂 𑌸𑍀𑌤𑌾𑌮𑌾𑌯𑌤𑌲𑍋𑌚𑌨𑌾𑌮𑍍 ।
𑌸𑌰𑍍𑌵𑌤𑌃 𑌪𑌰𑌿𑌚𑌕𑍍𑌰𑌾𑌮 𑌹𑌨𑍂𑌮𑌾𑌨𑌰𑌿𑌸𑍂𑌦𑌨𑌃 ॥ 3 ॥

𑌉𑌤𑍍𑌤𑌮𑌂 𑌰𑌾𑌕𑍍𑌷𑌸𑌾𑌵𑌾𑌸𑌂 𑌹𑌨𑍁𑌮𑌾𑌨𑌵𑌲𑍋𑌕𑌯𑌨𑍍 ।
𑌆𑌸𑌸𑌾𑌦𑌾𑌥 𑌲𑌕𑍍𑌷𑍍𑌮𑍀𑌵𑌾𑌨𑍍 𑌰𑌾𑌕𑍍𑌷𑌸𑍇𑌂𑌦𑍍𑌰𑌨𑌿𑌵𑍇𑌶𑌨𑌮𑍍 ॥ 4 ॥

𑌚𑌤𑍁𑌰𑍍𑌵𑌿𑌷𑌾𑌣𑍈𑌰𑍍𑌦𑍍𑌵𑌿𑌰𑌦𑍈𑌸𑍍𑌤𑍍𑌰𑌿𑌵𑌿𑌷𑌾𑌣𑍈𑌸𑍍𑌤𑌥𑍈𑌵 𑌚 ।
𑌪𑌰𑌿𑌕𑍍𑌷𑌿𑌪𑍍𑌤𑌮𑌸𑌂𑌬𑌾𑌧𑌂 𑌰𑌕𑍍𑌷𑍍𑌯𑌮𑌾𑌣𑌮𑍁𑌦𑌾𑌯𑍁𑌧𑍈𑌃 ॥ 5 ॥

𑌰𑌾𑌕𑍍𑌷𑌸𑍀𑌭𑌿𑌶𑍍𑌚 𑌪𑌤𑍍𑌨𑍀𑌭𑍀 𑌰𑌾𑌵𑌣𑌸𑍍𑌯 𑌨𑌿𑌵𑍇𑌶𑌨𑌮𑍍 ।
𑌆𑌹𑍃𑌤𑌾𑌭𑌿𑌶𑍍𑌚 𑌵𑌿𑌕𑍍𑌰𑌮𑍍𑌯 𑌰𑌾𑌜𑌕𑌨𑍍𑌯𑌾𑌭𑌿𑌰𑌾𑌵𑍃𑌤𑌮𑍍 ॥ 6 ॥

𑌤𑌨𑍍𑌨𑌕𑍍𑌰𑌮𑌕𑌰𑌾𑌕𑍀𑌰𑍍𑌣𑌂 𑌤𑌿𑌮𑌿𑌂𑌗𑌿𑌲𑌝𑌷𑌾𑌕𑍁𑌲𑌮𑍍 ।
𑌵𑌾𑌯𑍁𑌵𑍇𑌗𑌸𑌮𑌾𑌧𑍂𑌤𑌂 𑌪𑌨𑍍𑌨𑌗𑍈𑌰𑌿𑌵 𑌸𑌾𑌗𑌰𑌮𑍍 ॥ 𑍭 ॥

𑌯𑌾 𑌹𑌿 𑌵𑍈𑌶𑍍𑌰𑌵𑌣𑍇 𑌲𑌕𑍍𑌷𑍍𑌮𑍀𑌰𑍍𑌯𑌾 𑌚𑍇𑌂𑌦𑍍𑌰𑍇 𑌹𑌰𑌿𑌵𑌾𑌹𑌨𑍇 ।
𑌸𑌾 𑌰𑌾𑌵𑌣𑌗𑍃𑌹𑍇 𑌸𑌰𑍍𑌵𑌾 𑌨𑌿𑌤𑍍𑌯𑌮𑍇𑌵𑌾𑌨𑌪𑌾𑌯𑌿𑌨𑍀 ॥ 𑍮 ॥

𑌯𑌾 𑌚 𑌰𑌾𑌜𑍍𑌞𑌃 𑌕𑍁𑌬𑍇𑌰𑌸𑍍𑌯 𑌯𑌮𑌸𑍍𑌯 𑌵𑌰𑍁𑌣𑌸𑍍𑌯 𑌚 ।
𑌤𑌾𑌦𑍃𑌶𑍀 𑌤𑌦𑍍𑌵𑌿𑌶𑌿𑌷𑍍𑌟𑌾 𑌵𑌾 𑌋𑌦𑍍𑌧𑍀 𑌰𑌕𑍍𑌷𑍋𑌗𑍃𑌹𑍇𑌷𑍍𑌵𑌿𑌹 ॥ 𑍯 ॥

𑌤𑌸𑍍𑌯 𑌹𑌰𑍍𑌮𑍍𑌯𑌸𑍍𑌯 𑌮𑌧𑍍𑌯𑌸𑍍𑌥𑌂 𑌵𑍇𑌶𑍍𑌮 𑌚𑌾𑌨𑍍𑌯𑌤𑍍𑌸𑍁𑌨𑌿𑌰𑍍𑌮𑌿𑌤𑌮𑍍 ।
𑌬𑌹𑍁𑌨𑌿𑌰𑍍𑌯𑍂𑌹𑌸𑌂𑌕𑍀𑌰𑍍𑌣𑌂 𑌦𑌦𑌰𑍍𑌶 𑌪𑌵𑌨𑌾𑌤𑍍𑌮𑌜𑌃 ॥ 10 ॥

𑌬𑍍𑌰𑌹𑍍𑌮𑌣𑍋𑌽𑌰𑍍𑌥𑍇 𑌕𑍃𑌤𑌂 𑌦𑌿𑌵𑍍𑌯𑌂 𑌦𑌿𑌵𑌿 𑌯𑌦𑍍𑌵𑌿𑌶𑍍𑌵𑌕𑌰𑍍𑌮𑌣𑌾 ।
𑌵𑌿𑌮𑌾𑌨𑌂 𑌪𑍁𑌷𑍍𑌪𑌕𑌂 𑌨𑌾𑌮 𑌸𑌰𑍍𑌵𑌰𑌤𑍍𑌨𑌵𑌿𑌭𑍂𑌷𑌿𑌤𑌮𑍍 ॥ 11 ॥

𑌪𑌰𑍇𑌣 𑌤𑌪𑌸𑌾 𑌲𑍇𑌭𑍇 𑌯𑌤𑍍𑌕𑍁𑌬𑍇𑌰𑌃 𑌪𑌿𑌤𑌾𑌮𑌹𑌾𑌤𑍍 ।
𑌕𑍁𑌬𑍇𑌰𑌮𑍋𑌜𑌸𑌾 𑌜𑌿𑌤𑍍𑌵𑌾 𑌲𑍇𑌭𑍇 𑌤𑌦𑍍𑌰𑌾𑌕𑍍𑌷𑌸𑍇𑌶𑍍𑌵𑌰𑌃 ॥ 12 ॥

𑌈𑌹𑌾𑌮𑍃𑌗𑌸𑌮𑌾𑌯𑍁𑌕𑍍𑌤𑍍𑌤𑍈𑌃 𑌕𑌾𑌰𑍍𑌤𑌸𑍍𑌵𑌰𑌹𑌿𑌰𑌮𑌣𑍍𑌮𑌯𑍈𑌃 ।
𑌸𑍁𑌕𑍃𑌤𑍈𑌰𑌾𑌚𑌿𑌤𑌂 𑌸𑍍𑌤𑌂𑌭𑍈𑌃 𑌪𑍍𑌰𑌦𑍀𑌪𑍍𑌤𑌮𑌿𑌵 𑌚 𑌶𑍍𑌰𑌿𑌯𑌾 ॥ 13 ॥

𑌮𑍇𑌰𑍁𑌮𑌂𑌦𑌰𑌸𑌂𑌕𑌾𑌶𑍈𑌰𑍁𑌲𑍍𑌲𑌿𑌖𑌦𑍍𑌭𑌿𑌰𑌿𑌵𑌾𑌂𑌬𑌰𑌮𑍍 ।
𑌕𑍂𑌟𑌾𑌗𑌾𑌰𑍈𑌶𑍍𑌶𑍁𑌭𑌾𑌕𑌾𑌰𑍈𑌸𑍍𑌸𑌰𑍍𑌵𑌤𑌸𑍍𑌸𑌮𑌲𑌂𑌕𑍃𑌤𑌮𑍍 ॥ 14 ॥

𑌜𑍍𑌵𑌲𑌨𑌾𑌰𑍍𑌕𑌪𑍍𑌰𑌤𑍀𑌕𑌾𑌶𑌂 𑌸𑍁𑌕𑍃𑌤𑌂 𑌵𑌿𑌶𑍍𑌵𑌕𑌰𑍍𑌮𑌣𑌾 ।
𑌹𑍇𑌮𑌸𑍋𑌪𑌾𑌨𑌸𑌂𑌯𑍁𑌕𑍍𑌤𑌂 𑌚𑌾𑌰𑍁𑌪𑍍𑌰𑌵𑌰𑌵𑍇𑌦𑌿𑌕𑌮𑍍 ॥ 15 ॥

𑌜𑌾𑌲𑌵𑌾𑌤𑌾𑌯𑌨𑍈𑌰𑍍𑌯𑍁𑌕𑍍𑌤𑌂 𑌕𑌾𑌂𑌚𑌨𑍈𑌃 𑌸𑍍𑌸𑍍𑌫𑌾𑌟𑌿𑌕𑍈𑌰𑌪𑌿 ।
𑌇𑌂𑌦𑍍𑌰𑌨𑍀𑌲𑌮𑌹𑌾𑌨𑍀𑌲𑌮𑌣𑌿𑌪𑍍𑌰𑌵𑌰𑌵𑍇𑌦𑌿𑌕𑌮𑍍 ॥ 16 ॥

𑌵𑌿𑌦𑍍𑌰𑍁𑌮𑍇𑌣 𑌵𑌿𑌚𑌿𑌤𑍍𑌰𑍇𑌣 𑌮𑌣𑌿𑌭𑌿𑌶𑍍𑌚 𑌮𑌹𑌾𑌘𑌨𑍈𑌃 ।
𑌨𑌿𑌸𑍍𑌤𑍁𑌲𑌾𑌭𑌿𑌶𑍍𑌚 𑌮𑍁𑌕𑍍𑌤𑌾𑌭𑌿𑌸𑍍𑌤𑌲𑍇𑌨𑌾𑌭𑌿𑌵𑌿𑌰𑌾𑌜𑌿𑌤𑌮𑍍 ॥ 1𑍭 ॥

𑌚𑌂𑌦𑌨𑍇𑌨 𑌚 𑌰𑌕𑍍𑌤𑍇𑌨 𑌤𑌪𑌨𑍀𑌯𑌨𑌿𑌭𑍇𑌨 𑌚 ।
𑌸𑍁𑌪𑍁𑌣𑍍𑌯𑌗𑌂𑌧𑌿𑌨𑌾 𑌯𑍁𑌕𑍍𑌤𑌮𑌾𑌦𑌿𑌤𑍍𑌯𑌤𑌰𑍁𑌣𑍋𑌪𑌮𑌮𑍍 ॥ 1𑍮 ॥

𑌕𑍂𑌟𑌾𑌗𑌾𑌰𑍈𑌰𑍍𑌵𑌰𑌾𑌕𑌾𑌰𑍈𑌰𑍍𑌵𑌿𑌵𑌿𑌧𑍈𑌸𑍍𑌸𑌮𑌲𑌂𑌕𑍃𑌤𑌮𑍍 ।
𑌵𑌿𑌮𑌾𑌨𑌂 𑌪𑍁𑌷𑍍𑌪𑌕𑌂 𑌦𑌿𑌵𑍍𑌯𑌮𑌾𑌰𑍁𑌰𑍋𑌹 𑌮𑌹𑌾𑌕𑌪𑌿𑌃 ॥ 1𑍯 ॥

𑌤𑌤𑍍𑌰𑌸𑍍𑌥𑌸𑍍𑌸 𑌤𑌦𑌾 𑌗𑌂𑌧𑌂 𑌪𑌾𑌨𑌭𑌕𑍍𑌷𑍍𑌯𑌾𑌨𑍍𑌨𑌸𑌂𑌭𑌵𑌮𑍍 ।
𑌦𑌿𑌵𑍍𑌯𑌂 𑌸𑌮𑍍𑌮𑍂𑌰𑍍𑌛𑌿𑌤𑌂 𑌜𑌿𑌘𑍍𑌰𑌦𑍍𑌰𑍂𑌪𑌵𑌂𑌤𑌮𑌿𑌵𑌾𑌨𑌿𑌲𑌮𑍍 ॥ 20 ॥

𑌸 𑌗𑌂𑌧𑌸𑍍𑌤𑌂 𑌮𑌹𑌾𑌸𑌤𑍍𑌤𑍍𑌵𑌂 𑌬𑌂𑌧𑍁𑌰𑍍𑌬𑌂𑌧𑍁𑌮𑌿𑌵𑍋𑌤𑍍𑌤𑌮𑌮𑍍 ।
𑌇𑌤 𑌏𑌹𑍀𑌤𑍍𑌯𑍁𑌵𑌾𑌚𑍇𑌨 𑌤𑌤𑍍𑌰 𑌯𑌤𑍍𑌰 𑌸 𑌰𑌾𑌵𑌣𑌃 ॥ 21 ॥

𑌤𑌤𑌸𑍍𑌤𑌾𑌂 𑌪𑍍𑌰𑌸𑍍𑌥𑌿𑌤𑌶𑍍𑌶𑌾𑌲𑌾𑌂 𑌦𑌦𑌰𑍍𑌶 𑌮𑌹𑌤𑍀𑌂 𑌶𑍁𑌭𑌾𑌮𑍍 ।
𑌰𑌾𑌵𑌣𑌸𑍍𑌯 𑌮𑌨𑌃 𑌕𑌾𑌂𑌤𑌾𑌂 𑌕𑌾𑌂𑌤𑌾𑌮𑌿𑌵 𑌵𑌰𑌸𑍍𑌤𑍍𑌰𑌿𑌯𑌮𑍍 ॥ 22 ॥

𑌮𑌣𑌿𑌸𑍋𑌪𑌾𑌨𑌵𑌿𑌕𑍃𑌤𑌾𑌂 𑌹𑍇𑌮𑌜𑌾𑌲𑌵𑌿𑌭𑍂𑌷𑌿𑌤𑌾𑌮𑍍 ।
𑌸𑍍𑌫𑌾𑌟𑌿𑌕𑍈𑌰𑌾𑌵𑍃𑌤𑌤𑌲𑌾𑌂 𑌦𑌂𑌤𑌾𑌂𑌤𑌰𑌿𑌤𑌰𑍂𑌪𑌿𑌕𑌾𑌮𑍍 ॥ 23 ॥

𑌮𑍁𑌕𑍍𑌤𑌾𑌭𑌿𑌶𑍍𑌚 𑌪𑍍𑌰𑌵𑌾𑌲𑍈𑌶𑍍𑌚 𑌰𑍂𑌪𑍍𑌯𑌚𑌾𑌮𑍀𑌕𑌰𑍈𑌰𑌪𑌿 ।
𑌵𑌿𑌭𑍂𑌷𑌿𑌤𑌾𑌂 𑌮𑌣𑌿𑌸𑍍𑌤𑌂𑌭𑍈𑌸𑍍𑌸𑍁𑌬𑌹𑍁𑌸𑍍𑌤𑌂𑌭𑌭𑍂𑌷𑌿𑌤𑌾𑌮𑍍 ॥ 24 ॥

𑌨𑌮𑍍𑌰𑍈𑌰𑍃𑌜𑍁𑌭𑌿𑌰𑌤𑍍𑌯𑍁𑌚𑍍𑌚𑍈𑌸𑍍𑌸𑌮𑌂𑌤𑌾𑌤𑍍𑌸𑍁𑌵𑌿𑌭𑍂𑌷𑌿𑌤𑍈𑌃 ।
𑌸𑍍𑌤𑌂𑌭𑍈𑌃 𑌪𑌕𑍍𑌷𑍈𑌰𑌿𑌵𑌾𑌤𑍍𑌯𑍁𑌚𑍍𑌚𑍈𑌰𑍍𑌦𑌿𑌵𑌂 𑌸𑌂𑌪𑍍𑌰𑌸𑍍𑌥𑌿𑌤𑌾𑌮𑌿𑌵 ॥ 25 ॥

𑌮𑌹𑌤𑍍𑌯𑌾 𑌕𑍁𑌥𑌯𑌾𑌸𑍍𑌤𑍀𑌰𑍍𑌣𑌾𑌂 𑌪𑍃𑌥𑌿𑌵𑍀𑌲𑌕𑍍𑌷𑌣𑌾𑌂𑌕𑌯𑌾 ।
𑌪𑍃𑌥𑌿𑌵𑍀𑌮𑌿𑌵 𑌵𑌿𑌸𑍍𑌤𑍀𑌰𑍍𑌣𑌾𑌂 𑌸𑌰𑌾𑌷𑍍𑌟𑍍𑌰𑌗𑍃𑌹𑌮𑌾𑌲𑌿𑌨𑍀𑌮𑍍 ॥ 26 ॥

𑌨𑌾𑌦𑌿𑌤𑌾𑌂 𑌮𑌤𑍍𑌤𑌵𑌿𑌹𑌗𑍈𑌰𑍍𑌦𑌿𑌵𑍍𑌯𑌗𑌂𑌧𑌾𑌧𑌿𑌵𑌾𑌸𑌿𑌤𑌾𑌮𑍍 ।
𑌪𑌰𑌾𑌰𑍍𑌧𑍍𑌯𑌾𑌸𑍍𑌤𑌰𑌣𑍋𑌪𑍇𑌤𑌾𑌂 𑌰𑌕𑍍𑌷𑍋𑌧𑌿𑌪𑌨𑌿𑌷𑍇𑌵𑌿𑌤𑌾𑌮𑍍 ॥ 2𑍭 ॥

𑌧𑍂𑌮𑍍𑌰𑌾𑌮𑌗𑌰𑍁𑌧𑍂𑌪𑍇𑌨 𑌵𑌿𑌮𑌲𑌾𑌂 𑌹𑌂𑌸𑌪𑌾𑌂𑌡𑍁𑌰𑌾𑌮𑍍 ।
𑌚𑌿𑌤𑍍𑌰𑌾𑌂 𑌪𑍁𑌷𑍍𑌪𑍋𑌪𑌹𑌾𑌰𑍇𑌣 𑌕𑌲𑍍𑌮𑌾𑌷𑍀𑌮𑌿𑌵 𑌸𑍁𑌪𑍍𑌰𑌭𑌾𑌮𑍍 ॥ 2𑍮 ॥

𑌮𑌨𑌸𑍍𑌸𑌂𑌹𑍍𑌲𑌾𑌦𑌜𑌨𑌨𑍀𑌂 𑌵𑌰𑍍𑌣𑌸𑍍𑌯𑌾𑌪𑌿 𑌪𑍍𑌰𑌸𑌾𑌦𑌿𑌨𑍀𑌮𑍍 ।
𑌤𑌾𑌂 𑌶𑍋𑌕𑌨𑌾𑌶𑌿𑌨𑍀𑌂 𑌦𑌿𑌵𑍍𑌯𑌾𑌂 𑌶𑍍𑌰𑌿𑌯𑌃 𑌸𑌂𑌜𑌨𑌨𑍀𑌮𑌿𑌵 ॥ 2𑍯 ॥

𑌇𑌂𑌦𑍍𑌰𑌿𑌯𑌾𑌣𑍀𑌂𑌦𑍍𑌰𑌿𑌯𑌾𑌰𑍍𑌥𑍈𑌸𑍍𑌤𑍁 𑌪𑌂𑌚 𑌪𑌂𑌚𑌭𑌿𑌰𑍁𑌤𑍍𑌤𑌮𑍈𑌃 ।
𑌤𑌰𑍍𑌪𑌯𑌾𑌮𑌾𑌸 𑌮𑌾𑌤𑍇𑌵 𑌤𑌦𑌾 𑌰𑌾𑌵𑌣𑌪𑌾𑌲𑌿𑌤𑌾 ॥ 30 ॥

𑌸𑍍𑌵𑌰𑍍𑌗𑍋𑌽𑌯𑌂 𑌦𑍇𑌵𑌲𑍋𑌕𑍋𑌽𑌯𑌮𑌿𑌂𑌦𑍍𑌰𑌸𑍍𑌯𑍇𑌯𑌂 𑌪𑍁𑌰𑍀 𑌭𑌵𑍇𑌤𑍍 ।
𑌸𑌿𑌦𑍍𑌧𑌿𑌰𑍍𑌵𑍇𑌯𑌂 𑌪𑌰𑌾 𑌹𑌿 𑌸𑍍𑌯𑌾𑌦𑌿𑌤𑍍𑌯𑌮𑌨𑍍𑌯𑌤 𑌮𑌾𑌰𑍁𑌤𑌿𑌃 ॥ 31 ॥

𑌪𑍍𑌰𑌧𑍍𑌯𑌾𑌯𑌤 𑌇𑌵𑌾𑌪𑌶𑍍𑌯𑌤𑍍𑌪𑍍𑌰𑌦𑍀𑌪𑌾𑌂𑌸𑍍𑌤𑌤𑍍𑌰 𑌕𑌾𑌂𑌚𑌨𑌾𑌨𑍍 ।
𑌧𑍂𑌰𑍍𑌤𑌾𑌨𑌿𑌵 𑌮𑌹𑌾𑌧𑍂𑌤𑍈𑌰𑍍𑌦𑍇𑌵𑌨𑍇𑌨 𑌪𑌰𑌾𑌜𑌿𑌤𑌾𑌨𑍍 ॥ 32 ॥

𑌦𑍀𑌪𑌾𑌨𑌾𑌂 𑌚 𑌪𑍍𑌰𑌕𑌾𑌶𑍇𑌨 𑌤𑍇𑌜𑌸𑌾 𑌰𑌾𑌵𑌣𑌸𑍍𑌯 𑌚 ।
𑌅𑌰𑍍𑌚𑌿𑌰𑍍𑌭𑌿𑌰𑍍𑌭𑍂𑌷𑌣𑌾𑌨𑌾𑌂 𑌚 𑌪𑍍𑌰𑌦𑍀𑌪𑍍𑌤𑍇𑌤𑍍𑌯𑌭𑍍𑌯𑌮𑌨𑍍𑌯𑌤 ॥ 33 ॥

𑌤𑌤𑍋𑌽𑌪𑌶𑍍𑌯𑌤𑍍𑌕𑍁𑌥𑌾𑌽𑌽𑌸𑍀𑌨𑌂 𑌨𑌾𑌨𑌾𑌵𑌰𑌾𑌯𑌂𑌬𑌰𑌸𑍍𑌰𑌜𑌮𑍍 ।
𑌸𑌹𑌸𑍍𑌰𑌂 𑌵𑌰𑌨𑌾𑌰𑍀𑌣𑌾𑌂 𑌨𑌾𑌨𑌾𑌵𑍇𑌷𑌵𑌿𑌭𑍂𑌷𑌿𑌤𑌮𑍍 ॥ 34 ॥

𑌪𑌰𑌿𑌵𑍃𑌤𑍍𑌤𑍇𑌽𑌰𑍍𑌧𑌰𑌾𑌤𑍍𑌰𑍇 𑌤𑍁 𑌪𑌾𑌨𑌨𑌿𑌦𑍍𑌰𑌾𑌵𑌶𑌂 𑌗𑌤𑌮𑍍 ।
𑌕𑍍𑌰𑍀𑌡𑌿𑌤𑍍𑌵𑍋𑌪𑌰𑌤𑌂 𑌰𑌾𑌤𑍍𑌰𑍌 𑌸𑍁𑌷𑍍𑌵𑌾𑌪 𑌬𑌲𑌵𑌤𑍍𑌤𑌦𑌾 ॥ 35 ॥

𑌤𑌤𑍍𑌪𑍍𑌰𑌸𑍁𑌪𑍍𑌤𑌂 𑌵𑌿𑌰𑍁𑌰𑍁𑌚𑍇 𑌨𑌿𑌶𑍍𑌶𑌬𑍍𑌦𑌾𑌂𑌤𑌰𑌭𑍂𑌷𑌣𑌮𑍍 ।
𑌨𑌿𑌃𑌶𑌬𑍍𑌦𑌹𑌂𑌸𑌭𑍍𑌰𑌮𑌰𑌂 𑌯𑌥𑌾 𑌪𑌦𑍍𑌮𑌵𑌨𑌂 𑌮𑌹𑌤𑍍 ॥ 36 ॥

𑌤𑌾𑌸𑌾𑌂 𑌸𑌂𑌵𑍃𑌤𑌦𑌂𑌤𑌾𑌨𑌿 𑌮𑍀𑌲𑌿𑌤𑌾𑌕𑍍𑌷𑍀𑌣𑌿 𑌮𑌾𑌰𑍁𑌤𑌿𑌃 ।
𑌅𑌪𑌶𑍍𑌯𑌤𑍍𑌪𑌦𑍍𑌮𑌗𑌂𑌧𑍀𑌨𑌿 𑌵𑌦𑌨𑌾𑌨𑌿 𑌸𑍁𑌯𑍋𑌷𑌿𑌤𑌾𑌮𑍍 ॥ 3𑍭 ॥

𑌪𑍍𑌰𑌬𑍁𑌦𑍍𑌧𑌾𑌨𑍀𑌵 𑌪𑌦𑍍𑌮𑌾𑌨𑌿 𑌤𑌾𑌸𑌾𑌂 𑌭𑍂𑌤𑍍𑌵𑌾 𑌕𑍍𑌷𑌪𑌾𑌕𑍍𑌷𑌯𑍇 ।
𑌪𑍁𑌨𑌸𑍍𑌸𑌂𑌵𑍃𑌤𑌪𑌤𑍍𑌰𑌾𑌣𑌿 𑌰𑌾𑌤𑍍𑌰𑌾𑌵𑌿𑌵 𑌬𑌭𑍁𑌸𑍍𑌤𑌦𑌾 ॥ 3𑍮 ॥

𑌇𑌮𑌾𑌨𑌿 𑌮𑍁𑌖𑌪𑌦𑍍𑌮𑌾𑌨𑌿 𑌨𑌿𑌯𑌤𑌂 𑌮𑌤𑍍𑌤𑌷𑌟𑍍𑌪𑌦𑌾𑌃 ।
𑌅𑌂𑌬𑍁𑌜𑌾𑌨𑍀𑌵 𑌫𑍁𑌲𑍍𑌲𑌾𑌨𑌿 𑌪𑍍𑌰𑌾𑌰𑍍𑌥𑌯𑌂𑌤𑌿 𑌪𑍁𑌨𑌃 𑌪𑍁𑌨𑌃 ॥ 3𑍯 ॥

𑌇𑌤𑌿 𑌚𑌾𑌮𑌨𑍍𑌯𑌤 𑌶𑍍𑌰𑍀𑌮𑌾𑌨𑍁𑌪𑌪𑌤𑍍𑌤𑍍𑌯𑌾 𑌮𑌹𑌾𑌕𑌪𑌿𑌃 ।
𑌮𑍇𑌨𑍇 𑌹𑌿 𑌗𑍁𑌣𑌤𑌸𑍍𑌤𑌾𑌨𑌿 𑌸𑌮𑌾𑌨𑌿 𑌸𑌲𑌿𑌲𑍋𑌦𑍍𑌭𑌵𑍈𑌃 ॥ 40 ॥

𑌸𑌾 𑌤𑌸𑍍𑌯 𑌶𑍁𑌶𑍁𑌭𑍇 𑌶𑌾𑌲𑌾 𑌤𑌾𑌭𑌿𑌸𑍍𑌤𑍍𑌰𑍀𑌭𑌿𑌰𑍍𑌵𑌿𑌰𑌾𑌜𑌿𑌤𑌾 ।
𑌶𑌾𑌰𑌦𑍀𑌵 𑌪𑍍𑌰𑌸𑌨𑍍𑌨𑌾 𑌦𑍍𑌯𑍌𑌸𑍍𑌤𑌾𑌰𑌾𑌭𑌿𑌰𑌭𑌿𑌶𑍋𑌭𑌿𑌤𑌾 ॥ 41 ॥

𑌸 𑌚 𑌤𑌾𑌭𑌿𑌃 𑌪𑌰𑌿𑌵𑍃𑌤𑌶𑍍𑌶𑍁𑌶𑍁𑌭𑍇 𑌰𑌾𑌕𑍍𑌷𑌸𑌾𑌧𑌿𑌪𑌃 ।
𑌯𑌥𑌾 𑌹𑍍𑌯𑍁𑌡𑍁𑌪𑌤𑌿𑌶𑍍𑌶𑍀𑌮𑌾𑌂𑌸𑍍𑌤𑌾𑌰𑌾𑌭𑌿𑌰𑌭𑌿𑌸𑌂𑌵𑍃𑌤𑌃 ॥ 42 ॥

𑌯𑌾𑌶𑍍𑌚𑍍𑌯𑌵𑌂𑌤𑍇𑌽𑌂𑌬𑌰𑌾𑌤𑍍𑌤𑌾𑌰𑌾𑌃 𑌪𑍁𑌣𑍍𑌯𑌶𑍇𑌷𑌸𑌮𑌾𑌵𑍃𑌤𑌾𑌃 ।
𑌇𑌮𑌾𑌸𑍍𑌤𑌾𑌸𑍍𑌸𑌂𑌗𑌤𑌾𑌃 𑌕𑍃𑌤𑍍𑌸𑍍𑌨𑌾 𑌇𑌤𑌿 𑌮𑍇𑌨𑍇 𑌹𑌰𑌿𑌸𑍍𑌤𑌦𑌾 ॥ 43 ॥

𑌤𑌾𑌰𑌾𑌣𑌾𑌮𑌿𑌵 𑌸𑍁𑌵𑍍𑌯𑌕𑍍𑌤𑌂 𑌮𑌹𑌤𑍀𑌨𑌾𑌂 𑌶𑍁𑌭𑌾𑌰𑍍𑌚𑌿𑌷𑌾𑌮𑍍 ।
𑌪𑍍𑌰𑌭𑌾𑌵𑌰𑍍𑌣𑌪𑍍𑌰𑌸𑌾𑌦𑌾𑌶𑍍𑌚 𑌵𑌿𑌰𑍇𑌜𑍁𑌸𑍍𑌤𑌤𑍍𑌰 𑌯𑍋𑌷𑌿𑌤𑌾𑌮𑍍 ॥ 44 ॥

𑌵𑍍𑌯𑌾𑌵𑍃𑌤𑍍𑌤𑌗𑍁𑌰𑍁𑌪𑍀𑌨𑌸𑍍𑌰𑌕𑍍𑌪𑍍𑌰𑌕𑍀𑌰𑍍𑌣𑌵𑌰𑌭𑍂𑌷𑌣𑌾𑌃 ।
𑌪𑌾𑌨𑌵𑍍𑌯𑌾𑌯𑌾𑌮𑌕𑌾𑌲𑍇𑌷𑍁 𑌨𑌿𑌦𑍍𑌰𑌾𑌪𑌹𑍃𑌤𑌚𑍇𑌤𑌸𑌃 ॥ 45 ॥

𑌵𑍍𑌯𑌾𑌵𑍃𑌤𑍍𑌤𑌤𑌿𑌲𑌕𑌾𑌃 𑌕𑌾𑌶𑍍𑌚𑌿𑌤𑍍𑌕𑌾𑌶𑍍𑌚𑌿𑌦𑍁𑌦𑍍𑌭𑍍𑌰𑌂𑌤𑌨𑍂𑌪𑍁𑌰𑌾𑌃 ।
𑌪𑌾𑌰𑍍𑌶𑍍𑌵𑍇 𑌗𑌲𑌿𑌤𑌹𑌾𑌰𑌾𑌶𑍍𑌚 𑌕𑌾𑌶𑍍𑌚𑌿𑌤𑍍𑌪𑌰𑌮𑌯𑍋𑌷𑌿𑌤𑌃 ॥ 46 ॥

𑌮𑍁𑌕𑍍𑌤𑌾𑌹𑌾𑌰𑌾𑌽𑌵𑍃𑌤𑌾𑌶𑍍𑌚𑌾𑌨𑍍𑌯𑌾𑌃 𑌕𑌾𑌶𑍍𑌚𑌿𑌦𑍍𑌵𑌿𑌸𑍍𑌰𑌸𑍍𑌤𑌵𑌾𑌸𑌸𑌃 ।
𑌵𑍍𑌯𑌾𑌵𑌿𑌦𑍍𑌧𑌰𑌶𑌨𑌾𑌦𑌾𑌮𑌾𑌃 𑌕𑌿𑌶𑍋𑌰𑍍𑌯 𑌇𑌵 𑌵𑌾𑌹𑌿𑌤𑌾𑌃 ॥ 4𑍭 ॥

𑌸𑍁𑌕𑍁𑌂𑌡𑌲𑌧𑌰𑌾𑌶𑍍𑌚𑌾𑌨𑍍𑌯𑌾 𑌵𑌿𑌚𑍍𑌛𑌿𑌨𑍍𑌨𑌮𑍃𑌦𑌿𑌤𑌸𑍍𑌰𑌜𑌃 ।
𑌗𑌜𑍇𑌂𑌦𑍍𑌰𑌮𑍃𑌦𑌿𑌤𑌾𑌃 𑌫𑍁𑌲𑍍𑌲𑌾 𑌲𑌤𑌾 𑌇𑌵 𑌮𑌹𑌾𑌵𑌨𑍇 ॥ 4𑍮 ॥

𑌚𑌂𑌦𑍍𑌰𑌾𑌂𑌶𑍁𑌕𑌿𑌰𑌣𑌾𑌭𑌾𑌶𑍍𑌚 𑌹𑌾𑌰𑌾𑌃 𑌕𑌾𑌸𑌾𑌂𑌚𑌿𑌦𑍁𑌤𑍍𑌕𑌟𑌾𑌃 ।
𑌹𑌂𑌸𑌾 𑌇𑌵 𑌬𑌭𑍁𑌸𑍍𑌸𑍁𑌪𑍍𑌤𑌾𑌃 𑌸𑍍𑌤𑌨𑌮𑌧𑍍𑌯𑍇𑌷𑍁 𑌯𑍋𑌷𑌿𑌤𑌾𑌮𑍍 ॥ 4𑍯 ॥

𑌅𑌪𑌰𑌾𑌸𑌾𑌂 𑌚 𑌵𑍈𑌡𑍂𑌰𑍍𑌯𑌾𑌃 𑌕𑌾𑌦𑌂𑌬𑌾 𑌇𑌵 𑌪𑌕𑍍𑌷𑌿𑌣𑌃 ।
𑌹𑍇𑌮𑌸𑍂𑌤𑍍𑌰𑌾𑌣𑌿 𑌚𑌾𑌨𑍍𑌯𑌾𑌸𑌾𑌂 𑌚𑌕𑍍𑌰𑌵𑌾𑌕𑌾 𑌇𑌵𑌾𑌭𑌵𑌨𑍍 ॥ 50 ॥

𑌹𑌂𑌸𑌕𑌾𑌰𑌂𑌡𑌵𑌾𑌕𑍀𑌰𑍍𑌣𑌾𑌶𑍍𑌚𑌕𑍍𑌰𑌵𑌾𑌕𑍋𑌪𑌶𑍋𑌭𑌿𑌤𑌾𑌃 ।
𑌆𑌪𑌗𑌾 𑌇𑌵 𑌤𑌾 𑌰𑍇𑌜𑍁𑌰𑍍𑌜𑌘𑌨𑍈𑌃 𑌪𑍁𑌲𑌿𑌨𑍈𑌰𑌿𑌵 ॥ 51 ॥

𑌕𑌿𑌂𑌕𑌿𑌣𑍀𑌜𑌾𑌲𑌸𑌂𑌕𑍋𑌶𑌾𑌸𑍍𑌤𑌾 𑌹𑍈𑌮𑌵𑌿𑌪𑍁𑌲𑌾𑌂𑌬𑍁𑌜𑌾𑌃 ।
𑌭𑌾𑌵𑌗𑍍𑌰𑌾𑌹𑌾 𑌯𑌶𑌸𑍍𑌤𑍀𑌰𑌾𑌃 𑌸𑍁𑌪𑍍𑌤𑌾 𑌨𑌦𑍍𑌯 𑌇𑌵𑌾𑌽𑌽𑌬𑌭𑍁𑌃 ॥ 52 ॥

𑌮𑍃𑌦𑍁𑌷𑍍𑌵𑌂𑌗𑍇𑌷𑍁 𑌕𑌾𑌸𑌾𑌂𑌚𑌿𑌤𑍍𑌕𑍁𑌚𑌾𑌗𑍍𑌰𑍇𑌷𑍁 𑌚 𑌸𑌂𑌸𑍍𑌥𑌿𑌤𑌾𑌃 ।
𑌬𑌭𑍁𑌰𑍍𑌵𑌰𑍍𑌭𑍂𑌷𑌣𑌾𑌨𑍀𑌵 𑌶𑍁𑌭𑌾 𑌭𑍂𑌷𑌣𑌰𑌾𑌜𑌯𑌃 ॥ 53 ॥

𑌅𑌂𑌶𑍁𑌕𑌾𑌂𑌤𑌾𑌶𑍍𑌚 𑌕𑌾𑌸𑌾𑌂𑌚𑌿𑌨𑍍𑌮𑍁𑌖𑌮𑌾𑌰𑍁𑌤𑌕𑌂𑌪𑌿𑌤𑌾𑌃 ।
𑌉𑌪𑌰𑍍𑌯𑍁𑌪𑌰𑌿 𑌵𑌕𑍍𑌤𑍍𑌰𑌾𑌣𑌾𑌂 𑌵𑍍𑌯𑌾𑌧𑍂𑌯𑌂𑌤𑍇 𑌪𑍁𑌨𑌃 𑌪𑍁𑌨𑌃 ॥ 54 ॥

𑌤𑌾𑌃 𑌪𑌤𑌾𑌕𑌾 𑌇𑌵𑍋𑌦𑍍𑌧𑍂𑌤𑌾𑌃 𑌪𑌤𑍍𑌨𑍀𑌨𑌾𑌂 𑌰𑍁𑌚𑌿𑌰𑌪𑍍𑌰𑌭𑌾𑌃 ।
𑌨𑌾𑌨𑌾𑌵𑌰𑍍𑌣𑌸𑍁𑌵𑌰𑍍𑌣𑌾𑌨𑌾𑌂 𑌵𑌕𑍍𑌤𑍍𑌰𑌮𑍂𑌲𑍇𑌷𑍁 𑌰𑍇𑌜𑌿𑌰𑍇 ॥ 55 ॥

𑌵𑌵𑌲𑍍𑌗𑍁𑌶𑍍𑌚𑌾𑌤𑍍𑌰 𑌕𑌾𑌸𑌾𑌂𑌚𑌿𑌤𑍍𑌕𑍁𑌂𑌡𑌲𑌾𑌨𑌿 𑌶𑍁𑌭𑌾𑌰𑍍𑌚𑌿𑌷𑌾𑌮𑍍 ।
𑌮𑍁𑌖𑌮𑌾𑌰𑍁𑌤𑌸𑌂𑌸𑌰𑍍𑌗𑌾𑌨𑍍𑌮𑌂𑌦𑌂 𑌮𑌂𑌦𑌂 𑌸𑍁𑌯𑍋𑌷𑌿𑌤𑌾𑌮𑍍 ॥ 56 ॥

𑌶𑌰𑍍𑌕𑌰𑌾𑌽𑌸𑌵𑌗𑌂𑌧𑍈𑌶𑍍𑌚 𑌪𑍍𑌰𑌕𑍃𑌤𑍍𑌯𑌾 𑌸𑍁𑌰𑌭𑌿𑌃 𑌸𑍁𑌖𑌃 ।
𑌤𑌾𑌸𑌾𑌂 𑌵𑌦𑌨𑌨𑌿𑌶𑍍𑌵𑌾𑌸𑌸𑍍𑌸𑌿𑌷𑍇𑌵𑍇 𑌰𑌾𑌵𑌣𑌂 𑌤𑌦𑌾 ॥ 5𑍭 ॥

𑌰𑌾𑌵𑌣𑌾𑌨𑌨𑌶𑌂𑌕𑌾𑌶𑍍𑌚 𑌕𑌾𑌶𑍍𑌚𑌿𑌦𑍍𑌰𑌾𑌵𑌣𑌯𑍋𑌷𑌿𑌤𑌃 ।
𑌮𑍁𑌖𑌾𑌨𑌿 𑌸𑍍𑌮 𑌸𑌪𑌤𑍍𑌨𑍀𑌨𑌾𑌮𑍁𑌪𑌾𑌜𑌿𑌘𑍍𑌰𑌨𑍍𑌪𑍁𑌨𑌃 𑌪𑍁𑌨𑌃 ॥ 5𑍮 ॥

𑌅𑌤𑍍𑌯𑌰𑍍𑌥𑌂 𑌸𑌕𑍍𑌤𑌮𑌨𑌸𑍋 𑌰𑌾𑌵𑌣𑍇 𑌤𑌾 𑌵𑌰𑌸𑍍𑌤𑍍𑌰𑌿𑌯𑌃 ।
𑌅𑌸𑍍𑌵𑌤𑌂𑌤𑍍𑌰𑌾𑌃 𑌸𑌪𑌤𑍍𑌨𑍀𑌨𑌾𑌂 𑌪𑍍𑌰𑌿𑌯𑌮𑍇𑌵𑌾𑌽𑌚𑌰𑌂𑌸𑍍𑌤𑌦𑌾 ॥ 5𑍯 ॥

𑌬𑌾𑌹𑍂𑌨𑍁𑌪𑌨𑌿𑌧𑌾𑌯𑌾𑌨𑍍𑌯𑌾𑌃 𑌪𑌾𑌰𑌿𑌹𑌾𑌰𑍍𑌯𑌵𑌿𑌭𑍂𑌷𑌿𑌤𑌾𑌨𑍍 ।
𑌅𑌂𑌶𑍁𑌕𑌾𑌨𑌿 𑌚 𑌰𑌮𑍍𑌯𑌾𑌣𑌿 𑌪𑍍𑌰𑌮𑌦𑌾𑌸𑍍𑌤𑌤𑍍𑌰 𑌶𑌿𑌶𑍍𑌯𑌿𑌰𑍇 ॥ 60 ॥

𑌅𑌨𑍍𑌯𑌾 𑌵𑌕𑍍𑌷𑌸𑌿 𑌚𑌾𑌨𑍍𑌯𑌸𑍍𑌯𑌾𑌸𑍍𑌤𑌸𑍍𑌯𑌾𑌃 𑌕𑌾𑌚𑌿𑌤𑍍𑌪𑍁𑌨𑌰𑍍𑌭𑍁𑌜𑌮𑍍 ।
𑌅𑌪𑌰𑌾 𑌤𑍍𑌵𑌂𑌕𑌮𑌨𑍍𑌯𑌸𑍍𑌯𑌾𑌸𑍍𑌤𑌸𑍍𑌯𑌾𑌶𑍍𑌚𑌾𑌪𑍍𑌯𑌪𑌰𑌾 𑌭𑍁𑌜𑍌 ॥ 61 ॥

𑌊𑌰𑍁𑌪𑌾𑌰𑍍𑌶𑍍𑌵𑌕𑌟𑍀𑌪𑍃𑌷𑍍𑌠𑌮𑌨𑍍𑌯𑍋𑌨𑍍𑌯𑌸𑍍𑌯 𑌸𑌮𑌾𑌶𑍍𑌰𑌿𑌤𑌾𑌃 ।
𑌪𑌰𑌸𑍍𑌪𑌰𑌨𑌿𑌵𑌿𑌷𑍍𑌟𑌾𑌂𑌗𑍍𑌯𑍋 𑌮𑌦𑌸𑍍𑌨𑍇𑌹𑌵𑌶𑌾𑌨𑍁𑌗𑌾𑌃 ॥ 62 ॥

𑌅𑌨𑍍𑌯𑍋𑌨𑍍𑌯𑌭𑍁𑌜𑌸𑍂𑌤𑍍𑌰𑍇𑌣 𑌸𑍍𑌤𑍍𑌰𑍀𑌮𑌾𑌲𑌾 𑌗𑍍𑌰𑌥𑌿𑌤𑌾 𑌹𑌿 𑌸𑌾 ।
𑌮𑌾𑌲𑍇𑌵 𑌗𑍍𑌰𑌥𑌿𑌤𑌾 𑌸𑍂𑌤𑍍𑌰𑍇 𑌶𑍁𑌶𑍁𑌭𑍇 𑌮𑌤𑍍𑌤𑌷𑌟𑍍𑌪𑌦𑌾 ॥ 63 ॥

𑌲𑌤𑌾𑌨𑌾𑌂 𑌮𑌾𑌧𑌵𑍇 𑌮𑌾𑌸𑌿 𑌫𑍁𑌲𑍍𑌲𑌾𑌨𑌾𑌂 𑌵𑌾𑌯𑍁𑌸𑍇𑌵𑌨𑌾𑌤𑍍 ।
𑌅𑌨𑍍𑌯𑍋𑌨𑍍𑌯 𑌮𑌾𑌲𑌾𑌗𑍍𑌰𑌥𑌿𑌤𑌂 𑌸𑌂𑌸𑌕𑍍𑌤𑌕𑍁𑌸𑍁𑌮𑍋𑌚𑍍𑌚𑌯𑌮𑍍 ॥ 64 ॥

𑌵𑍍𑌯𑌤𑌿𑌵𑍇𑌷𑍍𑌟𑌿𑌤𑌸𑍁𑌸𑍍𑌕𑌂𑌧𑌮𑌨𑍍𑌯𑍋𑌨𑍍𑌯𑌭𑍍𑌰𑌮𑌰𑌾𑌕𑍁𑌲𑌮𑍍 ।
𑌆𑌸𑍀𑌦𑍍𑌵𑌨𑌮𑌿𑌵𑍋𑌦𑍍𑌧𑍂𑌤𑌂 𑌸𑍍𑌤𑍍𑌰𑍀𑌵𑌨𑌂 𑌰𑌾𑌵𑌣𑌸𑍍𑌯 𑌤𑌤𑍍 ॥ 65 ॥

𑌉𑌚𑌿𑌤𑍇𑌷𑍍𑌵𑌪𑌿 𑌸𑍁𑌵𑍍𑌯𑌕𑍍𑌤𑌂 𑌨 𑌤𑌾𑌸𑌾𑌂 𑌯𑍋𑌷𑌿𑌤𑌾𑌂 𑌤𑌦𑌾 ।
𑌵𑌿𑌵𑍇𑌕𑌃 𑌶𑌕𑍍𑌯 𑌆𑌧𑌾𑌤𑍁𑌂 𑌭𑍂𑌷𑌣𑌾𑌂𑌗𑌾𑌂𑌬𑌰𑌸𑍍𑌰𑌜𑌾𑌮𑍍 ॥ 66 ॥

𑌰𑌾𑌵𑌣𑍇 𑌸𑍁𑌖𑌸𑌂𑌵𑌿𑌷𑍍𑌟𑍇 𑌤𑌾𑌸𑍍𑌤𑍍𑌰𑌿𑌯𑍋 𑌵𑌿𑌵𑌿𑌧𑌪𑍍𑌰𑌭𑌾𑌃 ।
𑌜𑍍𑌵𑌲𑌂𑌤𑌃 𑌕𑌾𑌂𑌚𑌨𑌾 𑌦𑍀𑌪𑌾𑌃 𑌪𑍍𑌰𑍈𑌕𑍍𑌷𑌂𑌤𑌾𑌨𑌿𑌮𑌿𑌷𑌾 𑌇𑌵 ॥ 6𑍭 ॥

𑌰𑌾𑌜𑌰𑍍𑌷𑌿𑌪𑌿𑌤𑍃𑌦𑍈𑌤𑍍𑌯𑌾𑌨𑌾𑌂 𑌗𑌂𑌧𑌰𑍍𑌵𑌾𑌣𑌾𑌂 𑌚 𑌯𑍋𑌷𑌿𑌤𑌃 ।
𑌰𑌾𑌕𑍍𑌷𑌸𑌾𑌨𑌾𑌂 𑌚 𑌯𑌾𑌃 𑌕𑌨𑍍𑌯𑌾𑌸𑍍𑌤𑌸𑍍𑌯 𑌕𑌾𑌮𑌵𑌶𑌂 𑌗𑌤𑌾𑌃 ॥ 6𑍮 ॥

𑌯𑍁𑌦𑍍𑌧𑌕𑌾𑌮𑍇𑌨 𑌤𑌾𑌃 𑌸𑌰𑍍𑌵𑌾 𑌰𑌾𑌵𑌣𑍇𑌨 𑌹𑍃𑌤𑌾𑌃 𑌸𑍍𑌤𑍍𑌰𑌿𑌯𑌃 ।
𑌸𑌮𑌦𑌾 𑌮𑌦𑌨𑍇𑌨𑍈𑌵 𑌮𑍋𑌹𑌿𑌤𑌾𑌃 𑌕𑌾𑌶𑍍𑌚𑌿𑌦𑌾𑌗𑌤𑌾𑌃 ॥ 6𑍯 ॥

𑌨 𑌤𑌤𑍍𑌰 𑌕𑌾𑌚𑌿𑌤𑍍𑌪𑍍𑌰𑌮𑌦𑌾 𑌪𑍍𑌰𑌸𑌹𑍍𑌯 𑌵𑍀𑌰𑍍𑌯𑍋𑌪𑌪𑌨𑍍𑌨𑍇𑌨 𑌗𑍁𑌣𑍇𑌨 𑌲𑌬𑍍𑌧𑌾 ।
𑌨 𑌚𑌾𑌨𑍍𑌯𑌕𑌾𑌮𑌾𑌪𑌿 𑌨 𑌚𑌾𑌨𑍍𑌯𑌪𑍂𑌰𑍍𑌵𑌾 𑌵𑌿𑌨𑌾 𑌵𑌰𑌾𑌰𑍍𑌹𑌾𑌂 𑌜𑌨𑌕𑌾𑌤𑍍𑌮𑌜𑌾𑌂 𑌤𑌾𑌮𑍍 ॥ 𑍭0 ॥

𑌨 𑌚𑌾𑌕𑍁𑌲𑍀𑌨𑌾 𑌨 𑌚 𑌹𑍀𑌨𑌰𑍂𑌪𑌾 𑌨𑌾𑌦𑌕𑍍𑌷𑌿𑌣𑌾 𑌨𑌾𑌨𑍁𑌪𑌚𑌾𑌰𑌯𑍁𑌕𑍍𑌤𑌾 ।
𑌭𑌾𑌰𑍍𑌯𑌾𑌭𑌵𑌤𑍍𑌤𑌸𑍍𑌯 𑌨 𑌹𑍀𑌨𑌸𑌤𑍍𑌤𑍍𑌵𑌾 𑌨 𑌚𑌾𑌪𑌿 𑌕𑌾𑌂𑌤𑌸𑍍𑌯 𑌨 𑌕𑌾𑌮𑌨𑍀𑌯𑌾 ॥ 𑍭1 ॥

𑌬𑌭𑍂𑌵 𑌬𑍁𑌦𑍍𑌧𑌿𑌸𑍍𑌤𑍁 𑌹𑌰𑍀𑌶𑍍𑌵𑌰𑌸𑍍𑌯 𑌯𑌦𑍀𑌦𑍃𑌶𑍀 𑌰𑌾𑌘𑌵𑌧𑌰𑍍𑌮𑌪𑌤𑍍𑌨𑍀 ।
𑌇𑌮𑌾 𑌯𑌥𑌾 𑌰𑌾𑌕𑍍𑌷𑌸𑌰𑌾𑌜𑌭𑌾𑌰𑍍𑌯𑌾𑌃 𑌸𑍁𑌜𑌾𑌤𑌮𑌸𑍍𑌯𑍇𑌤𑌿 𑌹𑌿 𑌸𑌾𑌧𑍁𑌬𑍁𑌦𑍍𑌧𑍇𑌃 ॥ 𑍭2 ॥

𑌪𑍁𑌨𑌶𑍍𑌚 𑌸𑍋𑌽𑌚𑌿𑌂𑌤𑌯𑌾𑌦𑌾𑌤𑍍𑌤𑌰𑍂𑌪𑍋 𑌧𑍍𑌰𑍁𑌵𑌂 𑌵𑌿𑌶𑌿𑌷𑍍𑌟𑌾 𑌗𑍁𑌣𑌤𑍋 𑌹𑌿 𑌸𑍀𑌤𑌾 ।
𑌅𑌥𑌾𑌯𑌮𑌸𑍍𑌯𑌾𑌂 𑌕𑍃𑌤𑌵𑌾𑌨𑍍𑌮𑌹𑌾𑌤𑍍𑌮𑌾 𑌲𑌂𑌕𑍇𑌶𑍍𑌵𑌰𑌃 𑌕𑌷𑍍𑌟𑌮𑌨𑌾𑌰𑍍𑌯𑌕𑌰𑍍𑌮 ॥ 𑍭3 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌸𑍁𑌂𑌦𑌰𑌕𑌾𑌂𑌡𑍇 𑌨𑌵𑌮𑌸𑍍𑌸𑌰𑍍𑌗𑌃 ॥


Browse Related Categories: