VR 2.72 Ayodhya Kanda - Sarga 72 - Grantha

Collection of Spiritual and Devotional Literature in Various Indian Languages

Meaning, Multimedia

View this in:

| English

| Devanagari

| Telugu

| Tamil

| Kannada

| Malayalam

| Gujarati

| Odia

| Bengali

| Marathi

| Assamese

| Punjabi

| Hindi

| Samskritam

| Konkani

| Nepali

| Sinhala

| Grantha

2.𑍭2 𑌅𑌯𑍋𑌧𑍍𑌯𑌾𑌕𑌾𑌂𑌡 - 𑌦𑍍𑌵𑌿𑌸𑌪𑍍𑌤𑌤𑌿𑌤𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌦𑍍𑌵𑌿𑌸𑌪𑍍𑌤𑌤𑌿𑌤𑌮𑌸𑍍𑌸𑌰𑍍𑌗𑌃 ।

𑌅𑌪𑌶𑍍𑌯𑌂𑌸𑍍𑌤𑍁 𑌤𑌤𑌸𑍍𑌤𑌤𑍍𑌰 𑌪𑌿𑌤𑌰𑌂 𑌪𑌿𑌤𑍁𑌰𑌾𑌲𑌯𑍇 ।
𑌜𑌗𑌾𑌮 𑌭𑌰𑌤𑍋 𑌦𑍍𑌰𑌷𑍍𑌟𑍁𑌂 𑌮𑌾𑌤𑌰𑌂 𑌮𑌾𑌤𑍁𑌰𑌾𑌲𑌯𑍇 ॥ 1 ॥

𑌅𑌨𑍁𑌪𑍍𑌰𑌾𑌪𑍍𑌤𑌂 𑌤𑍁 𑌤𑌂 𑌦𑍃𑌷𑍍𑌟𑍍𑌵𑌾 𑌕𑍈𑌕𑍇𑌯𑍀 𑌪𑍍𑌰𑍋𑌷𑌿𑌤𑌂 𑌸𑍁𑌤𑌮𑍍 ।
𑌉𑌤𑍍𑌪𑌪𑌾𑌤 𑌤𑌦𑌾 𑌹𑍃𑌷𑍍𑌟𑌾 𑌤𑍍𑌯𑌕𑍍𑌤𑍍𑌵𑌾 𑌸𑍌𑌵𑌰𑍍𑌣𑌮𑌾𑌸𑌨𑌮𑍍 ॥ 2 ॥

𑌸 𑌪𑍍𑌰𑌵𑌿𑌶𑍍𑌯𑍈𑌵 𑌧𑌰𑍍𑌮𑌾𑌤𑍍𑌮𑌾 𑌸𑍍𑌵𑌗𑍃𑌹𑌂 𑌶𑍍𑌰𑍀𑌵𑌿𑌵𑌰𑍍𑌜𑌿𑌤𑌮𑍍 ।
𑌭𑌰𑌤𑌃 𑌪𑍍𑌰𑌤𑌿𑌜𑌗𑍍𑌰𑌾𑌹 𑌜𑌨𑌨𑍍𑌯𑌾𑌶𑍍𑌚𑌰𑌣𑍌 𑌶𑍁𑌭𑍌 ॥ 3 ॥

𑌸𑌾 𑌤𑌂 𑌮𑍂𑌰𑍍𑌧𑌨𑍍𑌯𑍁𑌪𑌾𑌘𑍍𑌰𑌾𑌯 𑌪𑌰𑌿𑌷𑍍𑌵𑌜𑍍𑌯 𑌯𑌶𑌸𑍍𑌵𑌿𑌨𑌮𑍍 ।
𑌅𑌂𑌕𑍇 𑌭𑌰𑌤𑌮𑌾𑌰𑍋𑌪𑍍𑌯 𑌪𑍍𑌰𑌷𑍍𑌟𑍁𑌂 𑌸𑌮𑍁𑌪𑌚𑌕𑍍𑌰𑌮𑍇 ॥ 4 ॥

𑌅𑌦𑍍𑌯 𑌤𑍇 𑌕𑌤𑌿𑌚𑌿𑌦𑍍𑌰𑌾𑌤𑍍𑌰𑍍𑌯 𑌶𑍍𑌚𑍍𑌯𑍁𑌤𑌸𑍍𑌯𑌾𑌽𑌰𑍍𑌯𑌕𑌵𑍇𑌶𑍍𑌮𑌨𑌃 ।
𑌅𑌪𑌿 𑌨𑌾𑌧𑍍𑌵𑌶𑍍𑌰𑌮𑌶𑌶𑍀𑌘𑍍𑌰𑌂 𑌰𑌥𑍇𑌨𑌾𑌪𑌤𑌤𑌸𑍍𑌤𑌵 ॥ 5 ॥

𑌆𑌰𑍍𑌯𑌕𑌸𑍍𑌤𑍇 𑌸𑍁𑌕𑍁𑌶𑌲𑍀 𑌯𑍁𑌧𑌾𑌜𑌿𑌨𑍍𑌮𑌾𑌤𑍁𑌲𑌸𑍍𑌤𑌵 ।
𑌪𑍍𑌰𑌵𑌾𑌸𑌾𑌚𑍍𑌚 𑌸𑍁𑌖𑌂 𑌪𑍁𑌤𑍍𑌰 𑌸𑌰𑍍𑌵𑌂 𑌮𑍇 𑌵𑌕𑍍𑌤𑍁𑌮𑌰𑍍𑌹𑌸𑌿 ॥ 6 ॥

𑌏𑌵𑌂 𑌪𑍃𑌷𑍍𑌟𑌸𑍍𑌤𑍁 𑌕𑍈𑌕𑍇𑌯𑍍𑌯𑌾 𑌪𑍍𑌰𑌿𑌯𑌂 𑌪𑌾𑌰𑍍𑌥𑌿𑌵𑌨𑌂𑌦𑌨𑌃 ।
𑌆𑌚𑌷𑍍𑌟 𑌭𑌰𑌤 𑌸𑍍𑌸𑌰𑍍𑌵𑌂 𑌮𑌾𑌤𑍍𑌰𑍇 𑌰𑌾𑌜𑍀𑌵𑌲𑍋𑌚𑌨𑌃 ॥ 𑍭 ॥

𑌅𑌦𑍍𑌯 𑌮𑍇 𑌸𑌪𑍍𑌤𑌮𑍀 𑌰𑌾𑌤𑍍𑌰𑌿𑌶𑍍𑌚𑍍𑌯𑍁𑌤𑌸𑍍𑌯𑌾𑌽𑌰𑍍𑌯𑌕𑌵𑍇𑌶𑍍𑌮𑌨𑌃 ।
𑌅𑌂𑌬𑌾𑌯𑌾𑌃 𑌕𑍁𑌶𑌲𑍀 𑌤𑌾𑌤 𑌯𑍁𑌧𑌾𑌜𑌿𑌨𑍍𑌮𑌾𑌤𑍁𑌲𑌶𑍍𑌚 𑌮𑍇 ॥ 𑍮 ॥

𑌯𑌨𑍍𑌮𑍇 𑌧𑌨𑌂 𑌚 𑌰𑌤𑍍𑌨𑌂 𑌚 𑌦𑌦𑍌 𑌰𑌾𑌜𑌾 𑌪𑌰𑌂𑌤𑌪𑌃 ।
𑌪𑌰𑌿𑌶𑍍𑌰𑌾𑌂𑌤𑌂 𑌪𑌥𑍍𑌯𑌭𑌵𑌤𑍍𑌤𑌤𑍋𑌽𑌹𑌂 𑌪𑍂𑌰𑍍𑌵𑌮𑌾𑌗𑌤𑌃 ॥ 𑍯 ॥

𑌰𑌾𑌜𑌵𑌾𑌕𑍍𑌯𑌹𑌰𑍈𑌰𑍍𑌦𑍂𑌤𑍈𑌸𑍍𑌤𑍍𑌵𑌰𑍍𑌯𑌮𑌾𑌣𑍋𑌽𑌹𑌮𑌾𑌗𑌤𑌃 ।
𑌯𑌦𑌹𑌂 𑌪𑍍𑌰𑌷𑍍𑌟𑍁𑌮𑌿𑌚𑍍𑌛𑌾𑌮𑌿 𑌤𑌦𑌂𑌬𑌾 𑌵𑌕𑍍𑌤𑍁𑌮𑌰𑍍𑌹𑌤𑌿 ॥ 10 ॥

𑌶𑍂𑌨𑍍𑌯𑍋𑌽𑌯𑌂 𑌶𑌯𑌨𑍀𑌯𑌸𑍍𑌤𑍇 𑌪𑌰𑍍𑌯𑌂𑌕𑍋 𑌹𑍇𑌮𑌭𑍂𑌷𑌿𑌤𑌃 ।
𑌨 𑌚𑌾𑌯𑌮𑌿𑌕𑍍𑌷𑍍𑌵𑌾𑌕𑍁𑌜𑌨𑌃 𑌪𑍍𑌰𑌹𑍃𑌷𑍍𑌟𑌃 𑌪𑍍𑌰𑌤𑌿𑌭𑌾𑌤𑌿 𑌮𑌾 ॥ 11 ॥

𑌰𑌾𑌜𑌾 𑌭𑌵𑌤𑌿 𑌭𑍂𑌯𑌿𑌷𑍍𑌠𑌮𑌿𑌹𑌾𑌂𑌬𑌾𑌯𑌾 𑌨𑌿𑌵𑍇𑌶𑌨𑍇 ।
𑌤𑌮𑌹𑌂 𑌨𑌾𑌦𑍍𑌯 𑌪𑌶𑍍𑌯𑌾𑌮𑌿 𑌦𑍍𑌰𑌷𑍍𑌟𑍁𑌮𑌿𑌚𑍍𑌛𑌨𑍍𑌨𑌿𑌹𑌾𑌽𑌗𑌤𑌃 ॥ 12 ॥

𑌪𑌿𑌤𑍁𑌰𑍍𑌗𑍍𑌰𑌹𑍀𑌷𑍍𑌯𑍇 𑌚𑌰𑌣𑍌 𑌤𑌂 𑌮𑌮𑌾𑌽𑌖𑍍𑌯𑌾𑌹𑌿 𑌪𑍃𑌚𑍍𑌛𑌤𑌃 ।
𑌆𑌹𑍋𑌸𑍍𑌵𑌿𑌦𑌂𑌬 𑌜𑍍𑌯𑍇𑌷𑍍𑌠𑌾𑌯𑌾𑌃 𑌕𑍌𑌸𑌲𑍍𑌯𑌾𑌯𑌾 𑌨𑌿𑌵𑍇𑌶𑌨𑍇 ॥ 13 ॥

𑌤𑌂 𑌪𑍍𑌰𑌤𑍍𑌯𑍁𑌵𑌾𑌚 𑌕𑍈𑌕𑍇𑌯𑍀 𑌪𑍍𑌰𑌿𑌯𑌵𑌦𑍍𑌘𑍋𑌰𑌮𑌪𑍍𑌰𑌿𑌯𑌮𑍍 ।
𑌅𑌜𑌾𑌨𑌂𑌤𑌂 𑌪𑍍𑌰𑌜𑌾𑌨𑌂𑌤𑍀 𑌰𑌾𑌜𑍍𑌯𑌲𑍋𑌭𑍇𑌨 𑌮𑍋𑌹𑌿𑌤𑌾 ॥ 14 ॥

𑌯𑌾 𑌗𑌤𑌿𑌸𑍍𑌸𑌰𑍍𑌵𑌭𑍂𑌤𑌾𑌨𑌾𑌂 𑌤𑌾𑌂 𑌗𑌤𑌿𑌂 𑌤𑍇 𑌪𑌿𑌤𑌾 𑌗𑌤𑌃 ।
𑌰𑌾𑌜𑌾 𑌮𑌹𑌤𑍍𑌮𑌾 𑌤𑍇𑌜𑌸𑍍𑌵𑍀 𑌯𑌾𑌯𑌜𑍂𑌕𑌸𑍍𑌸𑌤𑌾𑌂 𑌗𑌤𑌿𑌃 ॥ 15 ॥

𑌤𑌚𑍍𑌛𑍍𑌰𑍁𑌤𑍍𑌵𑌾 𑌭𑌰𑌤𑍋 𑌵𑌾𑌕𑍍𑌯𑌂 𑌧𑌰𑍍𑌮𑌾𑌭𑌿𑌜𑌨𑌵𑌾𑌂𑌚𑍁𑌚𑌿𑌃 ।
𑌪𑌪𑌾𑌤 𑌸𑌹𑌸𑌾 𑌭𑍂𑌮𑍌 𑌪𑌿𑌤𑍃𑌶𑍋𑌕𑌬𑌲𑌾𑌰𑍍𑌦𑌿𑌤𑌃 ॥ 16 ॥

𑌹𑌾 𑌹𑌤𑍋𑌽𑌸𑍍𑌮𑍀𑌤𑌿 𑌕𑍃𑌪𑌣𑌾𑌂 𑌦𑍀𑌨𑌾𑌂 𑌵𑌾𑌚𑌮𑍁𑌦𑍀𑌰𑌯𑌨𑍍 ।
𑌨𑌿𑌪𑌪𑌾𑌤 𑌮𑌹𑌾𑌬𑌾𑌹𑍁𑌰𑍍𑌬𑌾𑌹𑍂 𑌵𑌿𑌕𑍍𑌷𑌿𑌪𑍍𑌯 𑌵𑍀𑌰𑍍𑌯𑌵𑌾𑌨𑍍 ॥ 1𑍭 ॥

𑌤𑌤𑌶𑍍𑌶𑍋𑌕𑍇𑌨 𑌸𑌂𑌵𑍀𑌤𑌃 𑌪𑌿𑌤𑍁𑌰𑍍𑌮𑌰𑌣𑌦𑍁𑌃𑌖𑌿𑌤𑌃 ।
𑌵𑌿𑌲𑌲𑌾𑌪 𑌮𑌹𑌾𑌤𑍇𑌜𑌾 𑌭𑍍𑌰𑌾𑌂𑌤𑌾𑌕𑍁𑌲𑌿𑌤𑌚𑍇𑌤𑌨𑌃 ॥ 1𑍮 ॥

𑌏𑌤𑌤𑍍𑌸𑍁𑌰𑍁𑌚𑌿𑌰𑌂 𑌭𑌾𑌤𑌿 𑌪𑌿𑌤𑍁𑌰𑍍𑌮𑍇 𑌶𑌯𑌨𑌂 𑌪𑍁𑌰𑌾 ।
𑌶𑌶𑌿𑌨𑍇𑌵𑌾𑌮𑌲𑌂 𑌰𑌾𑌤𑍍𑌰𑍌 𑌗𑌗𑌨𑌂 𑌤𑍋𑌯𑌦𑌾𑌤𑍍𑌯𑌯𑍇 ॥ 1𑍯 ॥

𑌤𑌦𑌿𑌦𑌂 𑌨 𑌵𑌿𑌭𑌾𑌤𑍍𑌯𑌦𑍍𑌯 𑌵𑌿𑌹𑍀𑌨𑌂 𑌤𑍇𑌨 𑌧𑍀𑌮𑌤𑌾 ।
𑌵𑍍𑌯𑍋𑌮𑍇𑌵 𑌶𑌶𑌿𑌨𑌾 𑌹𑍀𑌨𑌮𑌪𑍍𑌚𑍍𑌛𑍁𑌷𑍍𑌕 𑌇𑌵 𑌸𑌾𑌗𑌰𑌃 ॥ 20 ॥

𑌬𑌾𑌷𑍍𑌪𑌮𑍁𑌤𑍍𑌸𑍃𑌜𑍍𑌯𑍍 𑌕𑌂𑌠𑍇𑌨 𑌸𑍍𑌵𑌾𑌤𑍍𑌮𑌨𑌾 𑌪𑌰𑌮𑌪𑍀𑌡𑌿𑌤𑌃 ।
𑌆𑌚𑍍𑌛𑌾𑌦𑍍𑌯 𑌵𑌦𑌨𑌂 𑌶𑍍𑌰𑍀𑌮𑌦𑍍𑌵𑌸𑍍𑌤𑍍𑌰𑍇𑌣 𑌜𑌯𑌤𑌾𑌂 𑌵𑌰𑌃 ॥ 21 ॥

𑌤𑌮𑌾𑌰𑍍𑌤𑌂 𑌦𑍇𑌵𑌸𑌂𑌕𑌾𑌶𑌂 𑌸𑌮𑍀𑌕𑍍𑌷𑍍𑌯 𑌪𑌤𑌿𑌤𑌂 𑌭𑍁𑌵𑌿 ।
𑌨𑌿𑌕𑍃𑌤𑍍𑌤𑌮𑌿𑌵 𑌸𑌾𑌲𑌸𑍍𑌯 𑌸𑍍𑌕𑌂𑌧𑌂 𑌪𑌰𑌶𑍁𑌨𑌾 𑌵𑌨𑍇 ॥ 22 ॥

𑌮𑌤𑍍𑌤𑌮𑌾𑌤𑌂𑌗𑌸𑌂𑌕𑌾𑌶𑌂 𑌚𑌂𑌦𑍍𑌰𑌾𑌰𑍍𑌕𑌸𑌦𑍃𑌶𑌂 𑌭𑍁𑌵𑌃 ।
𑌉𑌤𑍍𑌥𑌾𑌪𑌯𑌿𑌤𑍍𑌵𑌾 𑌶𑍋𑌕𑌾𑌰𑍍𑌤𑌂 𑌵𑌚𑌨𑌂 𑌚𑍇𑌦𑌮𑌬𑍍𑌰𑌵𑍀𑌤𑍍 ॥ 23 ॥

𑌉𑌤𑍍𑌤𑌿𑌷𑍍𑌠𑍋𑌤𑍍𑌤𑌿𑌷𑍍𑌠 𑌕𑌿𑌂 𑌶𑍇𑌷𑍇 𑌰𑌾𑌜𑌪𑍁𑌤𑍍𑌰 𑌮𑌹𑌾𑌯𑌶𑌃 ।
𑌤𑍍𑌵𑌦𑍍𑌵𑌿𑌧𑌾 𑌨𑌹𑌿 𑌶𑍋𑌚𑌂𑌤𑌿 𑌸𑌂𑌤 𑌸𑍍𑌸𑌦𑌸𑌿 𑌸𑌮𑍍𑌮𑌤𑌾𑌃 ॥ 24 ॥

𑌦𑌾𑌨𑌯𑌜𑍍𑌞𑌾𑌧𑌿𑌕𑌾𑌰𑌾 𑌹𑌿 𑌶𑍀𑌲𑌶𑍍𑌰𑍁𑌤𑌿𑌵𑌚𑍋𑌽𑌨𑍁𑌗𑌾 ।
𑌬𑍁𑌦𑍍𑌧𑌿𑌸𑍍𑌤𑍇 𑌬𑍁𑌦𑍍𑌧𑌿𑌸𑌂𑌪𑌨𑍍𑌨 𑌪𑍍𑌰𑌭𑍇𑌵𑌾𑌰𑍍𑌕𑌸𑍍𑌯 𑌮𑌂𑌦𑌿𑌰𑍇 ॥ 25 ॥

𑌸 𑌰𑍁𑌦𑌿𑌤𑍍𑌵𑌾 𑌚𑌿𑌰𑌂 𑌕𑌾𑌲𑌂 𑌭𑍂𑌮𑍌 𑌵𑌿𑌪𑌰𑌿𑌵𑍃𑌤𑍍𑌯 𑌚 ।
𑌜𑌨𑌨𑍀𑌂 𑌪𑍍𑌰𑌤𑍍𑌯𑍁𑌵𑌾𑌚𑍇𑌦𑌂 𑌶𑍋𑌕𑍈𑌰𑍍𑌬𑌹𑍁𑌭𑌿𑌰𑌾𑌵𑍃𑌤𑌃 ॥ 26 ॥

𑌅𑌭𑌿𑌷𑍇𑌕𑍍𑌷𑍍𑌯𑌤𑌿 𑌰𑌾𑌮𑌂 𑌨𑍁 𑌰𑌾𑌜𑌾 𑌯𑌜𑍍𑌞𑌂 𑌨𑍁 𑌯𑌕𑍍𑌷𑍍𑌯𑌤𑍇 ।
𑌇𑌤𑍍𑌯𑌹𑌂 𑌕𑍃𑌤𑌸𑌂𑌕𑌲𑍍𑌪𑍋 𑌹𑍃𑌷𑍍𑌟𑍋 𑌯𑌾𑌤𑍍𑌰𑌾𑌮𑌯𑌾𑌸𑌿𑌷𑌮𑍍 ॥ 2𑍭 ॥

𑌤𑌦𑌿𑌦𑌂 𑌹𑍍𑌯𑌨𑍍𑌯𑌥𑌾 𑌭𑍂𑌤𑌂 𑌵𑍍𑌯𑌵𑌦𑍀𑌰𑍍𑌣𑌂 𑌮𑌨𑍋 𑌮𑌮 ।
𑌪𑌿𑌤𑌰𑌂 𑌯𑍋 𑌨 𑌪𑌶𑍍𑌯𑌾𑌮𑌿 𑌨𑌿𑌤𑍍𑌯𑌂 𑌪𑍍𑌰𑌿𑌯𑌹𑌿𑌤𑍇 𑌰𑌤𑌮𑍍 ॥ 2𑍮 ॥

𑌅𑌂𑌬 𑌕𑍇𑌨𑌾𑌤𑍍𑌯𑌗𑌾𑌦𑍍𑌰𑌾𑌜𑌾 𑌵𑍍𑌯𑌾𑌘𑌿𑌨𑌾 𑌮𑌯𑍍𑌯𑌨𑌾𑌗𑌤𑍇 ।
𑌧𑌨𑍍𑌯𑌾 𑌰𑌾𑌮𑌾𑌦𑌯𑌸𑍍𑌸𑌰𑍍𑌵𑍇 𑌯𑍈𑌃 𑌪𑌿𑌤𑌾 𑌸𑌂𑌸𑍍𑌕𑍃𑌤 𑌸𑍍𑌸𑍍𑌵𑌯𑌮𑍍 ॥ 2𑍯 ॥

𑌨 𑌨𑍂𑌨𑌂 𑌮𑌾𑌂 𑌮𑌹𑌾𑌰𑌾𑌜𑌃 𑌪𑍍𑌰𑌾𑌪𑍍𑌤𑌂 𑌜𑌾𑌨𑌾𑌤𑌿 𑌕𑍀𑌰𑍍𑌤𑌿𑌮𑌾𑌨𑍍 ।
𑌉𑌪𑌜𑌿𑌘𑍍𑌰𑍇𑌦𑍍𑌧𑌿 𑌮𑍂𑌰𑍍𑌧𑍍𑌨𑌿 𑌤𑌾𑌤 𑌸𑍍𑌸𑌨𑍍𑌨𑌮𑍍𑌯 𑌸𑌤𑍍𑌵𑌰𑌮𑍍 ॥ 30 ॥

𑌕𑍍𑌵 𑌸 𑌪𑌾𑌣𑌿𑌸𑍍𑌸𑍁𑌖𑌸𑍍𑌪𑌰𑍍𑌶𑌸𑍍𑌤𑌾𑌤𑌸𑍍𑌯𑌾𑌕𑍍𑌲𑌿𑌷𑍍𑌟𑌕𑌰𑍍𑌮𑌣𑌃 ।
𑌯𑍇𑌨 𑌮𑌾𑌂 𑌰𑌜𑌸𑌾 𑌧𑍍𑌵𑌸𑍍𑌤𑌮𑌭𑍀𑌕𑍍𑌷𑍍𑌣𑌂 𑌪𑌰𑌿𑌮𑌾𑌰𑍍𑌜𑌤𑌿 ॥ 31 ॥

𑌯𑍋 𑌮𑍇 𑌭𑍍𑌰𑌾𑌤𑌾 𑌪𑌿𑌤𑌾 𑌬𑌂𑌧𑍁𑌰𑍍𑌯𑌸𑍍𑌯 𑌦𑌾𑌸𑍋𑌽𑌸𑍍𑌮𑌿 𑌧𑍀𑌮𑌤𑌃 ।
𑌤𑌸𑍍𑌯 𑌮𑌾𑌂 𑌶𑍀𑌘𑍍𑌰𑌮𑌾𑌖𑍍𑌯𑌾𑌹𑌿 𑌰𑌾𑌮𑌸𑍍𑌯𑌾𑌕𑍍𑌲𑌿𑌷𑍍𑌟𑌕𑌰𑍍𑌮𑌣𑌃 ॥ 32 ॥

𑌪𑌿𑌤𑌾 𑌹𑌿 𑌭𑌵𑌤𑌿 𑌜𑍍𑌯𑍇𑌷𑍍𑌠𑍋 𑌧𑌰𑍍𑌮𑌮𑌾𑌰𑍍𑌯𑌸𑍍𑌯 𑌜𑌾𑌨𑌤𑌃 ।
𑌤𑌸𑍍𑌯 𑌪𑌾𑌦𑍌 𑌗𑍍𑌰𑌹𑍀𑌷𑍍𑌯𑌾𑌮𑌿 𑌸 𑌹𑍀𑌦𑌾𑌨𑍀𑌂 𑌗𑌤𑌿𑌰𑍍𑌮𑌮 ॥ 33 ॥

𑌧𑌰𑍍𑌮𑌵𑌿𑌦𑍍𑌧𑌰𑍍𑌮𑌨𑌿𑌤𑍍𑌯𑌶𑍍𑌚 𑌸𑌤𑍍𑌯𑌸𑌂𑌧𑍋 𑌦𑍃𑌢𑌵𑍍𑌰𑌤𑌃 ।
𑌆𑌰𑍍𑌯𑌃 𑌕𑌿𑌮𑌬𑍍𑌰𑌵𑍀𑌦𑍍𑌰𑌾𑌜𑌾 𑌪𑌿𑌤𑌾 𑌮𑍇 𑌸𑌤𑍍𑌯𑌵𑌿𑌕𑍍𑌰𑌮𑌃 ॥ 34 ॥

𑌪𑌶𑍍𑌚𑌿𑌮𑌂 𑌸𑌾𑌧𑍁 𑌸𑌂𑌦𑍇𑌶𑌮𑌿𑌚𑍍𑌛𑌾𑌮𑌿 𑌶𑍍𑌰𑍋𑌤𑍁𑌮𑌾𑌤𑍍𑌮𑌨𑌃 ।
𑌇𑌤𑌿 𑌪𑍃𑌷𑍍𑌟𑌾 𑌯𑌥𑌾𑌤𑌤𑍍𑌤𑍍𑌵𑌂 𑌕𑍈𑌕𑍇𑌯𑍀 𑌵𑌾𑌕𑍍𑌯𑌮𑌬𑍍𑌰𑌵𑍀𑌤𑍍 ॥ 35 ॥

𑌰𑌾𑌮𑍇𑌤𑌿 𑌰𑌾𑌜𑌾 𑌵𑌿𑌲𑌪𑌨𑍍 𑌹𑌾 𑌸𑍀𑌤𑍇 𑌲𑌕𑍍𑌷𑍍𑌮𑌣𑍇𑌤𑌿 𑌚 ।
𑌸 𑌮𑌹𑌾𑌤𑍍𑌮𑌾 𑌪𑌰𑌂 𑌲𑍋𑌕𑌂 𑌗𑌤𑍋 𑌗𑌤𑌿𑌮𑌤𑌾𑌂 𑌵𑌰𑌃 ॥ 36 ॥

𑌇𑌮𑌾𑌂 𑌤𑍁 𑌪𑌶𑍍𑌚𑌿𑌮𑌾𑌂 𑌵𑌾𑌚𑌂 𑌵𑍍𑌯𑌾𑌜𑌹𑌾𑌰 𑌪𑌿𑌤𑌾 𑌤𑌵 ।
𑌕𑌾𑌲𑌧𑌰𑍍𑌮𑌪𑌰𑌿𑌕𑍍𑌷𑌿𑌪𑍍𑌤𑌃 𑌪𑌾𑌶𑍈𑌰𑌿𑌵 𑌮𑌹𑌾𑌗𑌜𑌃 ॥ 3𑍭 ॥

𑌸𑌿𑌦𑍍𑌧𑌾𑌰𑍍𑌥𑌾𑌸𑍍𑌤𑍇 𑌨𑌰𑌾 𑌰𑌾𑌮𑌮𑌾𑌗𑌤𑌂 𑌸𑌹 𑌸𑍀𑌤𑌯𑌾 ।
𑌲𑌕𑍍𑌷𑍍𑌮𑌣𑌂 𑌚 𑌮𑌹𑌾𑌬𑌾𑌹𑍁𑌂 𑌦𑍍𑌰𑌕𑍍𑌷𑍍𑌯𑌂𑌤𑌿 𑌪𑍁𑌨𑌰𑌾𑌗𑌤𑌮𑍍 ॥ 3𑍮 ॥

𑌤𑌚𑍍𑌛𑍍𑌰𑍁𑌤𑍍𑌵𑌾 𑌵𑌿𑌷𑌸𑌾𑌦𑍈𑌵 𑌦𑍍𑌵𑌿𑌤𑍀𑌯𑌾𑌪𑍍𑌰𑌿𑌯𑌶𑌂𑌸𑌨𑌾𑌤𑍍 ।
𑌵𑌿𑌷𑌣𑍍𑌣𑌵𑌦𑌨𑍋 𑌭𑍂𑌤𑍍𑌵𑌾 𑌭𑍂𑌯𑌃 𑌪𑌪𑍍𑌰𑌚𑍍𑌛 𑌮𑌾𑌤𑌰𑌮𑍍 ॥ 3𑍯 ॥

𑌕𑍍𑌵 𑌚𑍇𑌦𑌾𑌨𑍀𑌂 𑌸 𑌧𑌰𑍍𑌮𑌾𑌤𑍍𑌮𑌾 𑌕𑍌𑌸𑌲𑍍𑌯𑌾𑌨𑌂𑌦𑌵𑌰𑍍𑌧𑌨𑌃 ।
𑌲𑌕𑍍𑌷𑍍𑌮𑌣𑍇𑌨 𑌸𑌹 𑌭𑍍𑌰𑌾𑌤𑍍𑌰𑌾 𑌸𑍀𑌤𑌯𑌾 𑌚 𑌸𑌮𑌂 𑌗𑌤𑌃 ॥ 40 ॥

𑌤𑌥𑌾 𑌪𑍃𑌷𑍍𑌟𑌾 𑌯𑌥𑌾𑌤𑌤𑍍𑌤𑍍𑌵𑌮𑌾𑌖𑍍𑌯𑌾𑌤𑍁𑌮𑍁𑌪𑌚𑌕𑍍𑌰𑌮𑍇 ।
𑌮𑌾𑌤𑌾𑌸𑍍𑌯 𑌸𑍁𑌮𑌹𑌦𑍍𑌵𑌾𑌕𑍍𑌯𑌂 𑌵𑌿𑌪𑍍𑌰𑌿𑌯𑌂 𑌪𑍍𑌰𑌿𑌯𑌶𑌂𑌕𑌯𑌾 ॥ 41 ॥

𑌸 𑌹𑌿 𑌰𑌾𑌜𑌸𑍁𑌤𑌃 𑌪𑍁𑌤𑍍𑌰 𑌚𑍀𑌰𑌵𑌾𑌸𑌾 𑌮𑌹𑌾𑌵𑌨𑌮𑍍 ।
𑌦𑌂𑌡𑌕𑌾𑌨𑍍𑌸𑌹 𑌵𑍈𑌦𑍇𑌹𑍍𑌯𑌾 𑌲𑌕𑍍𑌷𑍍𑌮𑌣𑌾𑌨𑍁𑌚𑌰𑍋 𑌗𑌤𑌃 ॥ 42 ॥

𑌤𑌚𑍍𑌛𑍍𑌰𑍁𑌤𑍍𑌵𑌾 𑌭𑌰𑌤𑌸𑍍𑌤𑍍𑌰𑌸𑍍𑌤𑍋 𑌭𑍍𑌰𑌾𑌤𑍁𑌶𑍍𑌚𑌾𑌰𑌿𑌤𑍍𑌰𑌶𑌂𑌕𑌯𑌾 ।
𑌸𑍍𑌵𑌸𑍍𑌯 𑌵𑌂𑌶𑌸𑍍𑌯 𑌮𑌹𑌾𑌤𑍍𑌮𑍍𑌯𑌾𑌤𑍍𑌪𑍍𑌰𑌷𑍍𑌟𑍁𑌂 𑌸𑌮𑍁𑌪𑌚𑌕𑍍𑌰𑌮𑍇 ॥ 43 ॥

𑌕𑌚𑍍𑌚𑌿𑌨𑍍𑌨 𑌬𑍍𑌰𑌾𑌹𑍍𑌮𑌣𑌧𑌨𑌂 𑌹𑍃𑌤𑌂 𑌰𑌾𑌮𑍇𑌣 𑌕𑌸𑍍𑌯𑌚𑌿𑌤𑍍 ।
𑌕𑌚𑍍𑌚𑌿𑌨𑍍𑌨𑌾𑌢𑍍𑌯𑍋 𑌦𑌰𑌿𑌦𑍍𑌰𑍋 𑌵𑌾 𑌤𑍇𑌨𑌾𑌪𑌾𑌪𑍋 𑌵𑌿𑌹𑌿𑌂𑌸𑌿𑌤𑌃 ॥ 44 ॥

𑌕𑌚𑍍𑌚𑌿𑌨𑍍𑌨 𑌪𑌰𑌦𑌾𑌰𑌾𑌨𑍍𑌵𑌾 𑌰𑌾𑌜𑌪𑍁𑌤𑍍𑌰𑍋𑌽𑌭𑌿𑌮𑌨𑍍𑌯𑌤𑍇 ।
𑌕𑌸𑍍𑌮𑌾𑌤𑍍𑌸 𑌦𑌂𑌡𑌕𑌾𑌰𑌣𑍍𑌯𑍇 𑌭𑍍𑌰𑍂𑌣𑌹𑍇𑌵 𑌵𑌿𑌵𑌾𑌸𑌿𑌤𑌃 ॥ 45 ॥

𑌅𑌥𑌾𑌸𑍍𑌯 𑌚𑌪𑌲𑌾 𑌮𑌾𑌤𑌾 𑌤𑌤𑍍𑌸𑍍𑌵𑌕𑌰𑍍𑌮 𑌯𑌥𑌾𑌤𑌥𑌮𑍍 ।
𑌤𑍇𑌨𑍈𑌵 𑌸𑍍𑌤𑍍𑌰𑍀𑌸𑍍𑌵𑌭𑌾𑌵𑍇𑌨 𑌵𑍍𑌯𑌾𑌹𑌰𑍍𑌤𑍁𑌮𑍁𑌪𑌚𑌕𑍍𑌰𑌮𑍇 ॥ 46 ॥

𑌏𑌵𑌮𑍁𑌕𑍍𑌤𑌾 𑌤𑍁 𑌕𑍈𑌕𑍇𑌯𑍀 𑌭𑌰𑌤𑍇𑌨 𑌮𑌹𑌾𑌤𑍍𑌮𑌨𑌾 ।
𑌉𑌵𑌾𑌚 𑌵𑌚𑌨𑌂 𑌹𑍃𑌷𑍍𑌟𑌾 𑌮𑍂𑌢𑌾 𑌪𑌂𑌡𑌿𑌤𑌮𑌾𑌨𑌿𑌨𑍀 ॥ 4𑍭 ॥

𑌨 𑌬𑍍𑌰𑌾𑌹𑍍𑌮𑌣𑌧𑌨𑌂 𑌕𑌿𑌂𑌚𑌿𑌦𑍍𑌧𑍃𑌤𑌂 𑌰𑌾𑌮𑍇𑌣 𑌕𑌸𑍍𑌯𑌚𑌿𑌤𑍍 𑌕𑌶𑍍𑌚𑌿𑌨𑍍𑌨𑌾𑌢𑍍𑌯𑍋 𑌦𑌰𑌿𑌦𑍍𑌰𑍋 𑌤𑍇𑌨𑌾𑌪𑌾𑌪𑍋 𑌵𑌿𑌹𑌿𑌂𑌸𑌿𑌤𑌃 ।
𑌨 𑌰𑌾𑌮𑌃 𑌪𑌰𑌦𑌾𑌰𑌾𑌂𑌶𑍍𑌚 𑌚𑌕𑍍𑌷𑍁𑌰𑍍𑌭𑍍𑌯𑌾𑌮𑌪𑌿 𑌪𑌶𑍍𑌯𑌤𑌿 ॥ 4𑍮 ॥

𑌮𑌯𑌾 𑌤𑍁 𑌪𑍁𑌤𑍍𑌰 𑌶𑍍𑌰𑍁𑌤𑍍𑌵𑍈𑌵 𑌰𑌾𑌮𑌸𑍍𑌯𑍈𑌵𑌾𑌭𑌿𑌷𑍇𑌚𑌨𑌮𑍍 ।
𑌯𑌾𑌚𑌿𑌤𑌸𑍍𑌤𑍇 𑌪𑌿𑌤𑌾 𑌰𑌾𑌜𑍍𑌯𑌂 𑌰𑌾𑌮𑌸𑍍𑌯 𑌚 𑌵𑌿𑌵𑌾𑌸𑌨𑌮𑍍 ॥ 4𑍯 ॥

𑌸 𑌸𑍍𑌵𑌵𑍃𑌤𑍍𑌤𑌿𑌂 𑌸𑌮𑌾𑌸𑍍𑌥𑌾𑌯 𑌪𑌿𑌤𑌾 𑌤𑍇 𑌤𑌤𑍍𑌤𑌽𑌥𑌾𑌕𑌰𑍋𑌤𑍍 ।
𑌰𑌾𑌮𑌶𑍍𑌚 𑌸𑌹 𑌸𑍌𑌮𑌿𑌤𑍍𑌰𑌿𑌃 𑌪𑍍𑌰𑍇𑌷𑌿𑌤𑌸𑍍𑌸𑌹 𑌸𑍀𑌤𑌯𑌾 ॥ 50 ॥

𑌤𑌮𑌪𑌶𑍍𑌯𑌨𑍍𑌪𑍍𑌰𑌿𑌯𑌂𑌪𑍁𑌤𑍍𑌰𑌂 𑌮𑌹𑍀𑌪𑌾𑌲𑍋 𑌮𑌹𑌾𑌯𑌶𑌾𑌃 ।
𑌪𑍁𑌤𑍍𑌰𑌶𑍋𑌕𑌪𑌰𑌿𑌦𑍍𑌯𑍂𑌨𑌃 𑌪𑌂𑌚𑌤𑍍𑌵𑌮𑍁𑌪𑌪𑍇𑌦𑌿𑌵𑌾𑌨𑍍 ॥ 51 ॥

𑌤𑍍𑌵𑌯𑌾𑌤𑍍𑌵𑌿𑌦𑌾𑌨𑍀𑌂 𑌧𑌰𑍍𑌮𑌜𑍍𑌞 𑌰𑌾𑌜𑌤𑍍𑌵𑌮𑌵𑌲𑌂𑌬𑍍𑌯𑌤𑌾𑌮𑍍 ।
𑌤𑍍𑌵𑌤𑍍𑌕𑍃𑌤𑍇 𑌹𑌿 𑌮𑌯𑌾 𑌸𑌰𑍍𑌵𑌮𑌿𑌦𑌮𑍇𑌵𑌂 𑌵𑌿𑌧𑌂 𑌕𑍃𑌤𑌮𑍍 ॥ 52 ॥

𑌮𑌾 𑌶𑍋𑌕𑌂 𑌮𑌾 𑌚 𑌸𑌂𑌤𑌾𑌪𑌂 𑌧𑍈𑌰𑍍𑌯𑌮𑌾𑌶𑍍𑌰𑌯 𑌪𑍁𑌤𑍍𑌰𑌕 ।
𑌤𑍍𑌵𑌦𑌧𑍀𑌨𑌾 𑌹𑌿 𑌨𑌗𑌰𑍀 𑌰𑌾𑌜𑍍𑌯𑌂 𑌚𑍈𑌤𑌦𑌨𑌾𑌮𑌯𑌮𑍍 ॥ 53 ॥

𑌤𑌤𑍍𑌪𑍁𑌤𑍍𑌰 𑌶𑍀𑌘𑍍𑌰𑌂 𑌵𑌿𑌧𑌿𑌨𑌾 𑌵𑌿𑌧𑌿𑌜𑍍𑌞𑍈𑌰𑍍𑌵𑌸𑌿𑌷𑍍𑌠𑌮𑍁𑌖𑍍𑌯𑍈 𑌸𑍍𑌸𑌹𑌿𑌤𑍋 𑌦𑍍𑌵𑌿𑌜𑍇𑌂𑌦𑍍𑌰𑍈𑌃 ।
𑌸𑌂𑌕𑌾𑌲𑍍𑌯 𑌰𑌾𑌜𑌾𑌨𑌮𑌦𑍀𑌨𑌸𑌤𑍍𑌤𑍍𑌵𑌮𑌾𑌤𑍍𑌮𑌾𑌨𑌮𑍁𑌰𑍍𑌵𑍍𑌯𑌾𑌮𑌭𑌿𑌷𑍇𑌚𑌯𑌸𑍍𑌵 ॥ 54 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌦𑍍𑌵𑌿𑌸𑌪𑍍𑌤𑌤𑌿𑌤𑌮𑌸𑍍𑌸𑌰𑍍𑌗𑌃 ॥

Browse Related Categories: