𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌤𑍍𑌰𑌯𑍋𑌦𑌶𑌸𑍍𑌸𑌰𑍍𑌗𑌃 ।
𑌅𑌤𑌦𑌰𑍍𑌹𑌂 𑌮𑌹𑌾𑌰𑌾𑌜𑌂 𑌶𑌯𑌾𑌨𑌮𑌤𑌥𑍋𑌚𑌿𑌤𑌮𑍍 ।
𑌯𑌯𑌾𑌤𑌿𑌮𑌿𑌵 𑌪𑍁𑌣𑍍𑌯𑌾𑌂𑌤𑍇 𑌦𑍇𑌵𑌲𑍋𑌕𑌾𑌤𑍍𑌪𑌰𑌿𑌚𑍍𑌯𑍁𑌤𑌮𑍍 ॥ 1 ॥
𑌅𑌨𑌰𑍍𑌥𑌰𑍂𑌪𑌾 𑌸𑌿𑌦𑍍𑌧𑌾𑌰𑍍𑌥𑌾 𑌹𑍍𑌯𑌭𑍀𑌤𑌾 𑌭𑌯𑌦𑌰𑍍𑌶𑌿𑌨𑍀 ।
𑌪𑍁𑌨𑌰𑌾𑌕𑌾𑌰𑌯𑌾𑌮𑌾𑌸 𑌤𑌮𑍇𑌵 𑌵𑌰𑌮𑌂𑌗𑌨𑌾 ॥ 2 ॥
𑌅𑌤𑌦𑌰𑍍𑌹𑌂 𑌮𑌹𑌾𑌰𑌾𑌜𑌂 𑌶𑌯𑌾𑌨𑌮𑌤𑌥𑍋𑌚𑌿𑌤𑌮𑍍 ।
𑌯𑌯𑌾𑌤𑌿𑌮𑌿𑌵 𑌪𑍁𑌣𑍍𑌯𑌾𑌂𑌤𑍇 𑌦𑍇𑌵𑌲𑍋𑌕𑌾𑌤𑍍𑌪𑌰𑌿𑌚𑍍𑌯𑍁𑌤𑌮𑍍 ॥ 3 ॥
𑌅𑌨𑌰𑍍𑌥𑌰𑍂𑌪𑌾 𑌸𑌿𑌦𑍍𑌧𑌾𑌰𑍍𑌥𑌾 𑌹𑍍𑌯𑌭𑍀𑌤𑌾 𑌭𑌯𑌦𑌰𑍍𑌶𑌿𑌨𑍀 ।
𑌪𑍁𑌨𑌰𑌾𑌕𑌾𑌰𑌯𑌾𑌮𑌾𑌸 𑌤𑌮𑍇𑌵 𑌵𑌰𑌮𑌂𑌗𑌨𑌾 ॥ 4 ॥
𑌤𑍍𑌵𑌂 𑌕𑌤𑍍𑌥𑌸𑍇 𑌮𑌹𑌾𑌰𑌾𑌜 𑌸𑌤𑍍𑌯𑌵𑌾𑌦𑍀 𑌦𑍃𑌢𑌵𑍍𑌰𑌤𑌃 ।
𑌮𑌮 𑌚𑍇𑌮𑌂 𑌵𑌰𑌂 𑌕𑌸𑍍𑌮𑌾𑌦𑍍𑌵𑌿𑌧𑌾𑌰𑌯𑌿𑌤𑍁𑌮𑌿𑌚𑍍𑌛𑌸𑌿 ॥ 5 ॥
𑌏𑌵𑌮𑍁𑌕𑍍𑌤𑌸𑍍𑌤𑍁 𑌕𑍈𑌕𑍇𑌯𑍍𑌯𑌾 𑌰𑌾𑌜𑌾 𑌦𑌶𑌰𑌥𑌸𑍍𑌤𑌦𑌾 ।
𑌪𑍍𑌰𑌤𑍍𑌯𑍁𑌵𑌾𑌚 𑌤𑌤𑌃 𑌕𑍍𑌰𑍁𑌦𑍍𑌧𑍋 𑌮𑍁𑌹𑍂𑌰𑍍𑌤𑌂 𑌵𑌿𑌹𑍍𑌵𑌲𑌨𑍍𑌨𑌿𑌵 ॥ 6 ॥
𑌮𑍃𑌤𑍇 𑌮𑌯𑌿 𑌗𑌤𑍇 𑌰𑌾𑌮𑍇 𑌵𑌨𑌂 𑌮𑌨𑍁𑌜𑌪𑍁𑌂𑌗𑌵𑍇 ।
𑌹𑌂𑌤𑌾𑌨𑌾𑌰𑍍𑌯𑍇 𑌮𑌮𑌾𑌮𑌿𑌤𑍍𑌰𑍇 𑌸𑌕𑌾𑌮𑌾 𑌸𑍁𑌖𑌿𑌨𑍀 𑌭𑌵 ॥ ॥
𑌸𑍍𑌵𑌰𑍍𑌗𑍇𑌽𑌪𑌿 𑌖𑌲𑍁 𑌰𑌾𑌮𑌸𑍍𑌯 𑌕𑍁𑌶𑌲𑌂 𑌦𑍈𑌵𑌤𑍈𑌰𑌹𑌮𑍍 ।
𑌪𑍍𑌰𑌤𑍍𑌯𑌾𑌦𑍇𑌶𑌾𑌦𑌭𑌿𑌹𑌿𑌤𑌂 𑌧𑌾𑌰𑌯𑌿𑌷𑍍𑌯𑍇 𑌕𑌥𑌂 𑌬𑌤 ॥ ॥
𑌕𑍈𑌕𑍇𑌯𑍍𑌯𑌾𑌃 𑌪𑍍𑌰𑌿𑌯𑌕𑌾𑌮𑍇𑌨 𑌰𑌾𑌮𑌃 𑌪𑍍𑌰𑌵𑍍𑌰𑌾𑌜𑌿𑌤𑍋 𑌮𑌯𑌾 ।
𑌯𑌦𑌿 𑌸𑌤𑍍𑌯𑌂 𑌬𑍍𑌰𑌵𑍀𑌮𑍍𑌯𑍇𑌤𑌤𑍍𑌤𑌦𑌸𑌤𑍍𑌯𑌂 𑌭𑌵𑌿𑌷𑍍𑌯𑌤𑌿 ॥ ॥
𑌅𑌪𑍁𑌤𑍍𑌰𑍇𑌣 𑌮𑌯𑌾 𑌪𑍁𑌤𑍍𑌰𑌶𑍍𑌶𑍍𑌰𑌮𑍇𑌣 𑌮𑌹𑌤𑌾 𑌮𑌹𑌾𑌨𑍍 ।
𑌰𑌾𑌮𑍋 𑌲𑌬𑍍𑌧𑍋 𑌮𑌹𑌾𑌬𑌾𑌹𑍁 𑌸𑍍𑌸𑌕𑌥𑌂 𑌤𑍍𑌯𑌜𑍍𑌯𑌤𑍇 𑌮𑌯𑌾 ॥ 10 ॥
𑌶𑍂𑌰𑌶𑍍𑌚 𑌕𑍃𑌤𑌵𑌿𑌦𑍍𑌯𑌶𑍍𑌚 𑌜𑌿𑌤𑌕𑍍𑌰𑍋𑌧𑍋 𑌕𑍍𑌷𑌮𑌾𑌪𑌰𑌃 ।
𑌕𑌥𑌂 𑌕𑌮𑌲𑌪𑌤𑍍𑌰𑌾𑌕𑍍𑌷𑍋 𑌮𑌯𑌾 𑌰𑌾𑌮𑍋 𑌵𑌿𑌵𑌾𑌸𑍍𑌯𑌤𑍇 ॥ 11 ॥
𑌕𑌥𑌮𑌿𑌂𑌦𑍀𑌵𑌰𑌶𑍍𑌯𑌾𑌮𑌂 𑌦𑍀𑌰𑍍𑌘𑌬𑌾𑌹𑍁𑌂 𑌮𑌹𑌾𑌬𑌲𑌮𑍍 ।
𑌅𑌭𑌿𑌰𑌾𑌮𑌮𑌹𑌂 𑌰𑌾𑌮𑌂 𑌪𑍍𑌰𑍇𑌷𑌯𑌿𑌷𑍍𑌯𑌾𑌮𑌿 𑌦𑌂𑌡𑌕𑌾𑌨𑍍 ॥ 12 ॥
𑌸𑍁𑌖𑌾𑌨𑌾𑌮𑍁𑌚𑌿𑌤𑌸𑍍𑌯𑍈𑌵 𑌦𑍁𑌃𑌖𑍈𑌰𑌨𑍁𑌚𑌿𑌤𑌸𑍍𑌯 𑌚 ।
𑌦𑍁𑌖𑌂 𑌨𑌾𑌮𑌾𑌨𑍁𑌪𑌶𑍍𑌯𑍇𑌯𑌂 𑌕𑌥𑌂 𑌰𑌾𑌮𑌸𑍍𑌯 𑌧𑍀𑌮𑌤𑌃 ॥ 13 ॥
𑌯𑌦𑌿 𑌦𑍁𑌃𑌖𑌮𑌕𑍃𑌤𑍍𑌵𑌾𑌽𑌦𑍍𑌯 𑌮𑌮 𑌸𑌂𑌕𑍍𑌰𑌮𑌣𑌂 𑌭𑌵𑍇𑌤𑍍 ।
𑌅𑌦𑍁𑌃𑌖𑌾𑌰𑍍𑌹𑌸𑍍𑌯 𑌰𑌾𑌮𑌸𑍍𑌯 𑌤𑌤 𑌸𑍍𑌸𑍁𑌖𑌮𑌵𑌾𑌪𑍍𑌨𑍁𑌯𑌾𑌮𑍍 ॥ 14 ॥
𑌨𑍃𑌶𑌂𑌸𑍇 𑌪𑌾𑌪𑌸𑌂𑌕𑌲𑍍𑌪𑍇 𑌰𑌾𑌮𑌂 𑌸𑌤𑍍𑌯𑌪𑌰𑌾𑌕𑍍𑌰𑌮𑌮𑍍 ।
𑌕𑌿𑌂 𑌵𑌿𑌪𑍍𑌰𑌿𑌯𑍇𑌣 𑌕𑍈𑌕𑍇𑌯𑌿 𑌪𑍍𑌰𑌿𑌯𑌂 𑌯𑍋𑌜𑌯𑌸𑍇 𑌮𑌮 ॥ 15 ॥
𑌅𑌕𑍀𑌰𑍍𑌤𑌿𑌰𑌤𑍁𑌲𑌾 𑌲𑍋𑌕𑍇 𑌧𑍍𑌰𑍁𑌵𑌂 𑌪𑌰𑌿𑌭𑌵𑌶𑍍𑌚 𑌮𑍇 ।
𑌤𑌥𑌾 𑌵𑌿𑌲𑌪𑌤𑌸𑍍𑌤𑌸𑍍𑌯 𑌪𑌰𑌿𑌭𑍍𑌰𑌮𑌿𑌤𑌚𑍇𑌤𑌸𑌃 ॥ 16 ॥
𑌅𑌸𑍍𑌤𑌮𑌭𑍍𑌯𑌗𑌮𑌤𑍍𑌸𑍂𑌰𑍍𑌯𑍋 𑌰𑌜𑌨𑍀 𑌚𑌾𑌭𑍍𑌯𑌵𑌰𑍍𑌤𑌤 ।
𑌸𑌾 𑌤𑍍𑌰𑌿𑌯𑌾𑌮𑌾 𑌤𑌥𑌾𑌰𑍍𑌤𑍍𑌤𑌸𑍍𑌯 𑌚𑌂𑌦𑍍𑌰𑌮𑌂𑌡𑌲𑌮𑌂𑌡𑌿𑌤𑌾 ॥ 1 ॥
𑌰𑌾𑌜𑍍𑌞𑍋 𑌵𑌿𑌲𑌪𑌮𑌾𑌨𑌸𑍍𑌯 𑌨 𑌵𑍍𑌯𑌭𑌾𑌸𑌤 𑌶𑌰𑍍𑌵𑌰𑍀 ।
𑌤𑌥𑍈𑌵𑍋𑌷𑍍𑌣𑌂 𑌵𑌿𑌨𑌿𑌶𑍍𑌵𑌸𑍍𑌯 𑌵𑍃𑌦𑍍𑌧𑍋 𑌦𑌶𑌰𑌥𑍋 𑌨𑍃𑌪𑌃 ॥ 1 ॥
𑌵𑌿𑌲𑌲𑌾𑌪𑌾𑌰𑍍𑌤𑌵𑌦𑍍𑌯𑍁𑌖𑌂 𑌗𑌗𑌨𑌾𑌸𑌕𑍍𑌤𑌲𑍋𑌚𑌨𑌃 ।
𑌨 𑌪𑍍𑌰𑌭𑌾𑌤𑌂 𑌤𑍍𑌵𑌯𑍇𑌚𑍍𑌛𑌾𑌮𑌿 𑌨𑌿𑌶𑍇 𑌨𑌕𑍍𑌷𑌤𑍍𑌰𑌭𑍂𑌷𑌣𑍇 ॥ 1 ॥
𑌕𑍍𑌰𑌿𑌯𑌤𑌾𑌂 𑌮𑍇 𑌦𑌯𑌾 𑌭𑌦𑍍𑌰𑍇 𑌮𑌯𑌾𑌽𑌯𑌂 𑌰𑌚𑌿𑌤𑍋𑌽𑌂𑌜𑌲𑌿𑌃 ।
𑌅𑌥𑌵𑌾 𑌗𑌮𑍍𑌯𑌤𑌾𑌂 𑌶𑍀𑌘𑍍𑌰𑌂 𑌨𑌾𑌹𑌮𑌿𑌚𑍍𑌛𑌾𑌮𑌿 𑌨𑌿𑌰𑍍𑌘𑍃𑌣𑌾𑌮𑍍 ॥ 20 ॥
𑌨𑍃𑌶𑌂𑌸𑌾𑌂 𑌕𑍈𑌕𑌯𑍀𑌂 𑌦𑍍𑌰𑌷𑍍𑌟𑍁𑌂 𑌯𑌤𑍍𑌕𑍃𑌤𑍇 𑌵𑍍𑌯𑌸𑌨𑌂 𑌮𑌹𑌤𑍍 ।
𑌏𑌵𑌮𑍁𑌕𑍍𑌤𑍍𑌵𑌾 𑌤𑌤𑍋 𑌰𑌾𑌜𑌾 𑌕𑍈𑌕𑍇𑌯𑍀𑌂 𑌸𑌂𑌯𑌤𑌾𑌂𑌜𑌲𑌿𑌃 ॥ 21 ॥
𑌪𑍍𑌰𑌸𑌾𑌦𑌃 𑌕𑍍𑌰𑌿𑌯𑌤𑌾𑌂 𑌦𑍇𑌵𑌿 𑌭𑌦𑍍𑌰𑍇 𑌰𑌾𑌜𑍍𑌞𑍋 𑌵𑌿𑌶𑍇𑌷𑌤𑌃 ।
𑌶𑍂𑌨𑍍𑌯𑍇 𑌨 𑌖𑌲𑍁 𑌸𑍁𑌶𑍍𑌰𑍋𑌣𑌿 𑌮𑌯𑍇𑌦𑌂 𑌸𑌮𑍁𑌦𑌾𑌹𑍃𑌤𑌮𑍍 ॥ 22 ॥
𑌕𑍁𑌰𑍁 𑌸𑌾𑌧𑍁 𑌪𑍍𑌰𑌸𑌾𑌦𑌂 𑌮𑍇 𑌬𑌾𑌲𑍇 𑌸𑌹𑍃𑌦𑌯𑌾 𑌹𑍍𑌯𑌸𑌿 ।
𑌪𑍍𑌰𑌸𑍀𑌦 𑌦𑍇𑌵𑌿 𑌰𑌾𑌮𑍋𑌮𑍇𑌤𑍍𑌵𑌦𑍍𑌦𑌤𑍍𑌤𑌂 𑌰𑌾𑌜𑍍𑌯𑌮𑌵𑍍𑌯𑌮𑍍 ॥ 23 ॥
𑌲𑌭𑌤𑌾𑌮𑌸𑌿𑌤𑌾𑌪𑌾𑌂𑌗𑍇 𑌯𑌶𑌃 𑌪𑌰𑌮𑌵𑌾𑌪𑍍𑌨𑍁 𑌹𑌿 ।
𑌮𑌮 𑌰𑌾𑌮𑌸𑍍𑌯 𑌲𑍋𑌕𑌸𑍍𑌯 𑌗𑍁𑌰𑍂𑌣𑌾𑌂 𑌭𑌰𑌤𑌸𑍍𑌯 𑌚 ॥ 24 ॥
𑌪𑍍𑌰𑌿𑌯𑌮𑍇𑌤𑌦𑍍𑌗𑍁𑌰𑍁𑌶𑍍𑌰𑍋𑌣𑌿 𑌕𑍁𑌰𑍁 𑌚𑌾𑌰𑍁𑌮𑍁𑌖𑍇𑌕𑍍𑌷𑌣𑍇 𑌵𑌿𑌶𑍁𑌦𑍍𑌧𑌭𑌾𑌵𑌸𑍍𑌯 𑌸𑍁𑌦𑍁𑌷𑍍𑌟𑌭𑌾𑌵𑌾 𑌤𑌾𑌮𑍍𑌰𑍇𑌕𑍍𑌷𑌣𑌸𑍍𑌯𑌾𑌶𑍍𑌰𑍁𑌕𑌲𑌸𑍍𑌯 𑌰𑌾𑌜𑍍𑌞𑌃 ।
𑌶𑍍𑌰𑍁𑌤𑍍𑌵𑌾 𑌵𑌿𑌚𑌿𑌤𑍍𑌰𑌂 𑌕𑌰𑍁𑌣𑌂 𑌵𑌿𑌲𑌾𑌪𑌂 𑌭𑌰𑍍𑌤𑍁𑌰𑍍𑌨𑍃𑌶𑌂𑌸𑌾 𑌨 𑌚𑌕𑌾𑌰 𑌵𑌾𑌕𑍍𑌯𑌮𑍍 ॥ 25 ॥
𑌤𑌤𑌸𑍍𑌸 𑌰𑌾𑌜𑌾 𑌪𑍁𑌨𑌰𑍇𑌵 𑌮𑍂𑌰𑍍𑌛𑌿𑌤𑌃 𑌪𑍍𑌰𑌿𑌯𑌾𑌮𑌤𑍁𑌷𑍍𑌟𑌾𑌂 𑌪𑍍𑌰𑌤𑌿𑌕𑍂𑌲𑌭𑌾𑌷𑌿𑌣𑍀𑌮𑍍 ।
𑌸𑌮𑍀𑌕𑍍𑌷𑍍𑌯 𑌪𑍁𑌤𑍍𑌰𑌸𑍍𑌯 𑌵𑌿𑌵𑌾𑌸𑌨𑌂 𑌪𑍍𑌰𑌤𑌿 𑌕𑍍𑌷𑌿𑌤𑍌 𑌵𑌿𑌸𑌂𑌜𑍍𑌞𑍋 𑌨𑌿𑌪𑌪𑌾𑌤 𑌦𑍁𑌖𑌿𑌤𑌃 ॥ 26 ॥
𑌇𑌤𑍀𑌵 𑌰𑌾𑌜𑍍𑌞𑍋 𑌵𑍍𑌯𑌥𑌿𑌤𑌸𑍍𑌯 𑌸𑌾 𑌨𑌿𑌶𑌾 𑌜𑌗𑌾𑌮 𑌘𑍋𑌰𑌂 𑌶𑍍𑌵𑌸𑌤𑍋 𑌮𑌨𑌸𑍍𑌵𑌿𑌨𑌃 𑌵𑌿𑌬𑍋𑌧𑍍𑌯𑌮𑌾𑌨𑌃 𑌪𑍍𑌰𑌤𑌿𑌬𑍋𑌧𑌨𑌂 𑌤𑌦𑌾 𑌨𑌿𑌵𑌾𑌰𑌯𑌾𑌮𑌾𑌸 𑌸 𑌰𑌾𑌜𑌸𑌤𑍍𑌤𑌮𑌃 ॥ 2 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌤𑍍𑌰𑌯𑍋𑌦𑌶𑌸𑍍𑌸𑌰𑍍𑌗𑌃 ॥
