𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌸𑍁𑌂𑌦𑌰𑌕𑌾𑌂𑌡𑌮𑍍 ।
𑌅𑌥 𑌦𑍍𑌵𑌾𑌦𑌶𑌸𑍍𑌸𑌰𑍍𑌗𑌃 ।
𑌸 𑌤𑌸𑍍𑌯 𑌮𑌧𑍍𑌯𑍇 𑌭𑌵𑌨𑌸𑍍𑌯 𑌮𑌾𑌰𑍁𑌤𑌿 𑌰𑍍𑌲𑌤𑌾𑌗𑍃𑌹𑌾𑌂𑌶𑍍𑌚𑌿𑌤𑍍𑌰𑌗𑍃𑌹𑌾𑌨𑍍𑌨𑌿𑌶𑌾𑌗𑍃𑌹𑌾𑌨𑍍 ।
𑌜𑌗𑌾𑌮 𑌸𑍀𑌤𑌾𑌂 𑌪𑍍𑌰𑌤𑌿 𑌦𑌰𑍍𑌶𑌨𑍋𑌤𑍍𑌸𑍁𑌕𑍋 𑌨 𑌚𑍈𑌵 𑌤𑌾𑌂 𑌪𑌶𑍍𑌯𑌤𑌿 𑌚𑌾𑌰𑍁𑌦𑌰𑍍𑌶𑌨𑌾𑌮𑍍 ॥ 1 ॥
𑌸 𑌚𑌿𑌂𑌤𑌯𑌾𑌮𑌾𑌸 𑌤𑌤𑍋 𑌮𑌹𑌾𑌕𑌪𑌿𑌃 𑌪𑍍𑌰𑌿𑌯𑌾𑌮𑌪𑌶𑍍𑌯𑌨𑍍𑌰𑌘𑍁𑌨𑌂𑌦𑌨𑌸𑍍𑌯 𑌤𑌾𑌮𑍍 ।
𑌧𑍍𑌰𑍁𑌵𑌂 𑌹𑌿 𑌸𑍀𑌤𑌾 𑌮𑍍𑌰𑌿𑌯𑌤𑍇 𑌯𑌥𑌾 𑌨 𑌮𑍇 𑌵𑌿𑌚𑌿𑌨𑍍𑌵𑌤𑍋 𑌦𑌰𑍍𑌶𑌨𑌮𑍇𑌤𑌿 𑌮𑍈𑌥𑌿𑌲𑍀 ॥ 2 ॥
𑌸𑌾 𑌰𑌾𑌕𑍍𑌷𑌸𑌾𑌨𑌾𑌂 𑌪𑍍𑌰𑌵𑌰𑍇𑌣 𑌜𑌾𑌨𑌕𑍀 𑌸𑍍𑌵𑌶𑍀𑌲𑌸𑌂𑌰𑌕𑍍𑌷𑍍𑌣𑌤𑌤𑍍𑌪𑌰𑌾 𑌸𑌤𑍀 ।
𑌅𑌨𑍇𑌨 𑌨𑍂𑌨𑌂 𑌪𑍍𑌰𑌤𑌿 𑌦𑍁𑌷𑍍𑌟𑌕𑌰𑍍𑌮𑌣𑌾 𑌹𑌤𑌾 𑌭𑌵𑍇𑌦𑌾𑌰𑍍𑌯𑌪𑌥𑍇 𑌪𑌰𑍇 𑌸𑍍𑌥𑌿𑌤𑌾 ॥ 3 ॥
𑌵𑌿𑌰𑍂𑌪𑌰𑍂𑌪𑌾 𑌵𑌿𑌕𑍃𑌤𑌾 𑌵𑌿𑌵𑌰𑍍𑌚𑌸𑍋 𑌮𑌹𑌾𑌨𑌨𑌾 𑌦𑍀𑌰𑍍𑌘𑌵𑌿𑌰𑍂𑌪𑌦𑌰𑍍𑌶𑌨𑌾𑌃 ।
𑌸𑌮𑍀𑌕𑍍𑌷𑍍𑌯 𑌸𑌾 𑌰𑌾𑌕𑍍𑌷𑌸𑌰𑌾𑌜𑌯𑍋𑌷𑌿𑌤𑍋 𑌭𑌯𑌾𑌦𑍍𑌵𑌿𑌨𑌷𑍍𑌟𑌾 𑌜𑌨𑌕𑍇𑌶𑍍𑌵𑌰𑌾𑌤𑍍𑌮𑌜𑌾 ॥ 4 ॥
𑌸𑍀𑌤𑌾𑌮𑌦𑍃𑌷𑍍𑌟𑍍𑌵𑌾 𑌹𑍍𑌯𑌨𑌵𑌾𑌪𑍍𑌯 𑌪𑍌𑌰𑍁𑌷𑌂 𑌵𑌿𑌹𑍃𑌤𑍍𑌯 𑌕𑌾𑌲𑌂 𑌸𑌹 𑌵𑌾𑌨𑌰𑍈𑌶𑍍𑌚𑌿𑌰𑌮𑍍 ।
𑌨 𑌮𑍇𑌽𑌸𑍍𑌤𑌿 𑌸𑍁𑌗𑍍𑌰𑍀𑌵𑌸𑌮𑍀𑌪𑌗𑌾 𑌗𑌤𑌿𑌃 𑌸𑍁𑌤𑍀𑌕𑍍𑌷𑍍𑌣𑌦𑌂𑌡𑍋 𑌬𑌲𑌵𑌾𑌂𑌶𑍍𑌚 𑌵𑌾𑌨𑌰𑌃 ॥ 5 ॥
𑌦𑍃𑌷𑍍𑌟𑌮𑌂𑌤𑌃𑌪𑍁𑌰𑌂 𑌸𑌰𑍍𑌵𑌂 𑌦𑍃𑌷𑍍𑌟𑌾 𑌰𑌾𑌵𑌣𑌯𑍋𑌷𑌿𑌤𑌃 ।
𑌨 𑌸𑍀𑌤𑌾 𑌦𑍃𑌶𑍍𑌯𑌤𑍇 𑌸𑌾𑌧𑍍𑌵𑍀𑌵𑍃𑌥𑌾 𑌜𑌾𑌤𑍋 𑌮𑌮 𑌶𑍍𑌰𑌮𑌃 ॥ 6 ॥
𑌕𑌿𑌂 𑌨𑍁 𑌮𑌾𑌂 𑌵𑌾𑌨𑌰𑌾𑌃 𑌸𑌰𑍍𑌵𑍇 𑌗𑌤𑌂 𑌵𑌕𑍍𑌷𑍍𑌯𑌂𑌤𑌿 𑌸𑌂𑌗𑌤𑌾𑌃 ।
𑌗𑌤𑍍𑌵𑌾 𑌤𑌤𑍍𑌰 𑌤𑍍𑌵𑌯𑌾 𑌵𑍀𑌰 𑌕𑌿𑌂 𑌕𑍃𑌤𑌂 𑌤𑌦𑍍𑌵𑌦𑌸𑍍𑌵 𑌨𑌃 ॥ ॥
𑌅𑌦𑍃𑌷𑍍𑌟𑍍𑌵𑌾 𑌕𑌿𑌂 𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌤𑌾𑌮𑌹𑌂 𑌜𑌨𑌕𑌾𑌤𑍍𑌮𑌜𑌾𑌮𑍍 ।
𑌧𑍍𑌰𑍁𑌵𑌂 𑌪𑍍𑌰𑌾𑌯𑌮𑍁𑌪𑍈𑌷𑍍𑌯𑌂𑌤𑌿 𑌕𑌾𑌲𑌸𑍍𑌯 𑌵𑍍𑌯𑌤𑌿𑌵𑌰𑍍𑌤𑌨𑍇 ॥ ॥
𑌕𑌿𑌂 𑌵𑌾 𑌵𑌕𑍍𑌷𑍍𑌯𑌤𑌿 𑌵𑍃𑌦𑍍𑌧𑌶𑍍𑌚 𑌜𑌾𑌂𑌬𑌵𑌾𑌨𑌾𑌂𑌗𑌦𑌶𑍍𑌚 𑌸𑌃 ।
𑌗𑌤𑌂 𑌪𑌾𑌰𑌂 𑌸𑌮𑍁𑌦𑍍𑌰𑌸𑍍𑌯 𑌵𑌾𑌨𑌰𑌾𑌶𑍍𑌚 𑌸𑌮𑌾𑌗𑌤𑌾𑌃 ॥ ॥
𑌅𑌨𑌿𑌰𑍍𑌵𑍇𑌦𑌃 𑌶𑍍𑌰𑌿𑌯𑍋 𑌮𑍂𑌲𑌮𑌨𑌿𑌰𑍍𑌵𑍇𑌦𑌃 𑌪𑌰𑌂 𑌸𑍁𑌖𑌮𑍍 ।
𑌅𑌨𑌿𑌰𑍍𑌵𑍇𑌦𑍋 𑌹𑌿 𑌸𑌤𑌤𑌂 𑌸𑌰𑍍𑌵𑌾𑌰𑍍𑌥𑍇𑌷𑍁 𑌪𑍍𑌰𑌵𑌰𑍍𑌤𑌕𑌃 ॥ 10 ॥
𑌕𑌰𑍋𑌤𑌿 𑌸𑌫𑌲𑌂 𑌜𑌂𑌤𑍋𑌃 𑌕𑌰𑍍𑌮 𑌯𑌤𑍍𑌤𑌤𑍍𑌕𑌰𑍋𑌤𑌿 𑌸𑌃 ।
𑌤𑌸𑍍𑌮𑌾𑌦𑌨𑌿𑌰𑍍𑌵𑍇𑌦𑌕𑍃𑌤𑌂 𑌯𑌤𑍍𑌨𑌂 𑌚𑍇𑌷𑍍𑌟𑍇𑌽𑌹𑌮𑍁𑌤𑍍𑌤𑌮𑌮𑍍 ॥ 11 ॥
𑌭𑍂𑌯𑌸𑍍𑌤𑌾𑌵𑌦𑍍𑌵𑌿𑌚𑍇𑌷𑍍𑌯𑌾𑌮𑌿 𑌦𑍇𑌶𑌾𑌨𑍍𑌰𑌾𑌵𑌣𑌪𑌾𑌲𑌿𑌤𑌾𑌨𑍍 ।
𑌆𑌪𑌾𑌨𑌶𑌾𑌲𑌾 𑌵𑌿𑌚𑌿𑌤𑌾𑌸𑍍𑌤𑌥𑌾 𑌪𑍁𑌷𑍍𑌪𑌗𑍃𑌹𑌾𑌣𑌿 𑌚 ॥ 12 ॥
𑌚𑌿𑌤𑍍𑌰𑌶𑌾𑌲𑌾𑌶𑍍𑌚 𑌵𑌿𑌚𑌿𑌤𑌾 𑌭𑍂𑌯𑌃 𑌕𑍍𑌰𑍀𑌡𑌾𑌗𑍃𑌹𑌾𑌣𑌿 𑌚 ।
𑌨𑌿𑌷𑍍𑌕𑍁𑌟𑌾𑌂𑌤𑌰𑌰𑌥𑍍𑌯𑌾𑌶𑍍𑌚 𑌵𑌿𑌮𑌾𑌨𑌾𑌨𑌿 𑌚 𑌸𑌰𑍍𑌵𑌶𑌃 ॥ 13 ॥
𑌇𑌤𑌿 𑌸𑌂𑌚𑌿𑌂𑌤𑍍𑌯 𑌭𑍂𑌯𑍋𑌽𑌪𑌿 𑌵𑌿𑌚𑍇𑌤𑍁𑌮𑍁𑌪𑌚𑌕𑍍𑌰𑌮𑍇 ।
𑌭𑍂𑌮𑍀𑌗𑍃𑌹𑌾𑌂𑌶𑍍𑌚𑍈𑌤𑍍𑌯𑌗𑍃𑌹𑌾𑌨𑍍 𑌗𑍃𑌹𑌾𑌤𑌿𑌗𑍃𑌹𑌕𑌾𑌨𑌪𑌿 ॥ 14 ॥
𑌉𑌤𑍍𑌪𑌤𑌨𑍍𑌨𑌿𑌷𑍍𑌪𑌤𑌂𑌶𑍍𑌚𑌾𑌪𑌿 𑌤𑌿𑌷𑍍𑌠𑌨𑍍𑌗𑌚𑍍𑌛𑌨𑍍 𑌪𑍁𑌨𑌃 𑌪𑍁𑌨𑌃 ।
𑌅𑌪𑌾𑌵𑍃𑌣𑍍𑌵𑌂𑌶𑍍𑌚 𑌦𑍍𑌵𑌾𑌰𑌾𑌣𑌿 𑌕𑌵𑌾𑌟𑌾𑌨𑍍𑌯𑌵𑌘𑌾𑌟𑌯𑌨𑍍 ॥ 15 ॥
𑌪𑍍𑌰𑌵𑌿𑌶𑌨𑍍𑌨𑌿𑌷𑍍𑌪𑌤𑌂𑌶𑍍𑌚𑌾𑌪𑌿 𑌪𑍍𑌰𑌪𑌤𑌨𑍍𑌨𑍁𑌤𑍍𑌪𑌤𑌨𑍍𑌨𑌪𑌿 ।
𑌸𑌰𑍍𑌵𑌮𑌪𑍍𑌯𑌵𑌕𑌾𑌶𑌂 𑌸 𑌵𑌿𑌚𑌚𑌾𑌰 𑌮𑌹𑌾𑌕𑌪𑌿𑌃 ॥ 16 ॥
𑌚𑌤𑍁𑌰𑌂𑌗𑍁𑌲𑌮𑌾𑌤𑍍𑌰𑍋𑌽𑌪𑌿 𑌨𑌾𑌵𑌕𑌾𑌶𑌃 𑌸 𑌵𑌿𑌦𑍍𑌯𑌤𑍇 ।
𑌰𑌾𑌵𑌣𑌾𑌂𑌤𑌃𑌪𑍁𑌰𑍇 𑌤𑌸𑍍𑌮𑌿𑌨𑍍 𑌯𑌂 𑌕𑌪𑌿𑌰𑍍𑌨 𑌜𑌗𑌾𑌮 𑌸𑌃 ॥ 1 ॥
𑌪𑍍𑌰𑌾𑌕𑌾𑌰𑌾𑌂𑌤𑌰𑌰𑌥𑍍𑌯𑌾𑌶𑍍𑌚 𑌵𑍇𑌦𑌿𑌕𑌾𑌶𑍍𑌚𑍈𑌤𑍍𑌯𑌸𑌂𑌶𑍍𑌰𑌯𑌾𑌃 ।
𑌦𑍀𑌰𑍍𑌘𑌿𑌕𑌾𑌃 𑌪𑍁𑌷𑍍𑌕𑌰𑌿𑌣𑍍𑌯𑌶𑍍𑌚 𑌸𑌰𑍍𑌵𑌂 𑌤𑍇𑌨𑌾𑌵𑌲𑍋𑌕𑌿𑌤𑌮𑍍 ॥ 1 ॥
𑌰𑌾𑌕𑍍𑌷𑌸𑍍𑌯𑍋 𑌵𑌿𑌵𑌿𑌧𑌾𑌕𑌾𑌰𑌾 𑌵𑌿𑌰𑍂𑌪𑌾 𑌵𑌿𑌕𑍃𑌤𑌾𑌸𑍍𑌤𑌥𑌾 ।
𑌦𑍃𑌷𑍍𑌟𑌾 𑌹𑌨𑍁𑌮𑌤𑌾 𑌤𑌤𑍍𑌰 𑌨 𑌤𑍁 𑌸𑌾 𑌜𑌨𑌕𑌾𑌤𑍍𑌮𑌜𑌾 ॥ 1 ॥
𑌰𑍂𑌪𑍇𑌣𑌾𑌪𑍍𑌰𑌤𑌿𑌮𑌾 𑌲𑍋𑌕𑍇 𑌵𑌰𑌾 𑌵𑌿𑌦𑍍𑌯𑌾𑌧𑌰𑌸𑍍𑌤𑍍𑌰𑌿𑌯𑌃 ।
𑌦𑍃𑌷𑍍𑌟𑌾 𑌹𑌨𑍁𑌮𑌤𑌾 𑌤𑌤𑍍𑌰 𑌨 𑌤𑍁 𑌰𑌾𑌘𑌵𑌨𑌂𑌦𑌿𑌨𑍀 ॥ 20 ॥
𑌨𑌾𑌗𑌕𑌨𑍍𑌯𑌾 𑌵𑌰𑌾𑌰𑍋𑌹𑌾𑌃 𑌪𑍂𑌰𑍍𑌣𑌚𑌨𑍍𑌰𑍍𑌦𑌨𑌿𑌭𑌾𑌨𑌨𑌾𑌃 ।
𑌦𑍃𑌷𑍍𑌟𑌾 𑌹𑌨𑍁𑌮𑌤𑌾 𑌤𑌤𑍍𑌰 𑌨 𑌤𑍁 𑌸𑍀𑌤𑌾 𑌸𑍁𑌮𑌧𑍍𑌯𑌮𑌾 ॥ 21 ॥
𑌪𑍍𑌰𑌮𑌥𑍍𑌯 𑌰𑌾𑌕𑍍𑌷𑌸𑍇𑌂𑌦𑍍𑌰𑍇𑌣 𑌨𑌾𑌗𑌕𑌨𑍍𑌯𑌾 𑌬𑌲𑌾𑌦𑍍𑌧𑍃𑌤𑌾𑌃 ।
𑌦𑍃𑌷𑍍𑌟𑌾 𑌹𑌨𑍁𑌮𑌤𑌾 𑌤𑌤𑍍𑌰 𑌨 𑌸𑌾 𑌜𑌨𑌕𑌨𑌂𑌦𑌿𑌨𑍀 ॥ 22 ॥
𑌸𑍋𑌽𑌪𑌶𑍍𑌯𑌂𑌸𑍍𑌤𑌾𑌂 𑌮𑌹𑌾𑌬𑌾𑌹𑍁𑌃 𑌪𑌶𑍍𑌯𑌂𑌶𑍍𑌚𑌾𑌨𑍍𑌯𑌾 𑌵𑌰𑌸𑍍𑌤𑍍𑌰𑌿𑌯𑌃 ।
𑌵𑌿𑌷𑌸𑌾𑌦 𑌮𑍁𑌹𑍁𑌰𑍍𑌧𑍀𑌮𑌾𑌨𑍍 𑌹𑌨𑍁𑌮𑌾𑌨𑍍 𑌮𑌾𑌰𑍁𑌤𑌾𑌤𑍍𑌮𑌜𑌃 ॥ 23 ॥
𑌉𑌦𑍍𑌯𑍋𑌗𑌂 𑌵𑌾𑌨𑌰𑍇𑌂𑌦𑍍𑌰𑌾𑌣𑌾𑌂 𑌪𑍍𑌲𑌵𑌨𑌂 𑌸𑌾𑌗𑌰𑌸𑍍𑌯 𑌚 ।
𑌵𑍍𑌯𑌰𑍍𑌥𑌂 𑌵𑍀𑌕𑍍𑌷𑍍𑌯𑌾𑌨𑌿𑌲𑌸𑍁𑌤𑌶𑍍𑌚𑌿𑌂𑌤𑌾𑌂 𑌪𑍁𑌨𑌰𑍁𑌪𑌾𑌗𑌮𑌤𑍍 ॥ 24 ॥
𑌅𑌵𑌤𑍀𑌰𑍍𑌯 𑌵𑌿𑌮𑌾𑌨𑌾𑌚𑍍𑌚 𑌹𑌨𑍁𑌮𑌾𑌨𑍍 𑌮𑌾𑌰𑍁𑌤𑌾𑌤𑍍𑌮𑌜𑌃 ।
𑌚𑌿𑌂𑌤𑌾𑌮𑍁𑌪𑌜𑌗𑌾𑌮𑌾𑌥 𑌶𑍋𑌕𑍋𑌪𑌹𑌤𑌚𑍇𑌤𑌨𑌃 ॥ 25 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌸𑍁𑌂𑌦𑌰𑌕𑌾𑌂𑌡𑍇 𑌦𑍍𑌵𑌾𑌦𑌶𑌸𑍍𑌸𑌰𑍍𑌗𑌃 ॥
