𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌬𑌾𑌲𑌕𑌾𑌂𑌡𑌮𑍍 ।
𑌅𑌥 𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ।
. 𑌦𑍇𑌵𑌤𑌾𑌨𑌾𑌂 𑌵𑌚𑌶𑍍𑌶𑍍𑌰𑍁𑌤𑍍𑌵𑌾 𑌭𑌗𑌵𑌾𑌨𑍍𑌵𑍈 𑌪𑌿𑌤𑌾𑌮𑌹𑌃 ।
𑌪𑍍𑌰𑌤𑍍𑌯𑍁𑌵𑌾𑌚 𑌸𑍁𑌸𑌂𑌤𑍍𑌰𑌸𑍍𑌤𑌾𑌨𑍍𑌕𑍃𑌤𑌾𑌂𑌤𑌬𑌲𑌮𑍋𑌹𑌿𑌤𑌾𑌨𑍍 ॥ 1 ॥
𑌯𑌸𑍍𑌯𑍇𑌯𑌂 𑌵𑌸𑍁𑌧𑌾 𑌕𑍃𑌤𑍍𑌸𑍍𑌨𑌾 𑌵𑌾𑌸𑍁𑌦𑍇𑌵𑌸𑍍𑌯 𑌧𑍀𑌮𑌤𑌃 ।
𑌕𑌾𑌪𑌿𑌲𑌂 𑌰𑍂𑌪𑌮𑌾𑌸𑍍𑌥𑌾𑌯 𑌧𑌾𑌰𑌯𑌤𑍍𑌯𑌨𑌿𑌶𑌂 𑌧𑌰𑌾𑌮𑍍 ॥ 2 ॥
𑌤𑌸𑍍𑌯 𑌕𑍋𑌪𑌾𑌗𑍍𑌨𑌿𑌨𑌾 𑌦𑌗𑍍𑌧𑌾 𑌭𑌵𑌿𑌷𑍍𑌯𑌂𑌤𑌿 𑌨𑍃𑌪𑌾𑌤𑍍𑌮𑌜𑌾𑌃 ।
𑌪𑍃𑌥𑌿𑌵𑍍𑌯𑌾𑌶𑍍𑌚𑌾𑌪𑌿 𑌨𑌿𑌰𑍍𑌭𑍇𑌦𑍋𑌽𑌦𑍃𑌷𑍍𑌟 𑌏𑌵 𑌸𑌨𑌾𑌤𑌨𑌃 ॥ 3 ॥
𑌸𑌗𑌰𑌸𑍍𑌯 𑌚 𑌪𑍁𑌤𑍍𑌰𑌾𑌣𑌾𑌂 𑌵𑌿𑌨𑌾𑌶𑍋𑌽𑌦𑍀𑌰𑍍𑌘𑌜𑍀𑌵𑌿𑌨𑌾𑌮𑍍 ।
𑌪𑌿𑌤𑌾𑌮𑌹𑌵𑌚𑌶𑍍𑌶𑍍𑌰𑍁𑌤𑍍𑌵𑌾 𑌤𑍍𑌰𑌯𑌸𑍍𑌤𑍍𑌰𑌿𑌂𑌶𑌦𑌰𑌿𑌂𑌦𑌮 ॥ 4 ॥
𑌦𑍇𑌵𑌾𑌃 𑌪𑌰𑌮𑌸𑌂𑌹𑍃𑌷𑍍𑌟𑌾𑌃 𑌪𑍁𑌨𑌰𑍍𑌜𑌗𑍍𑌮𑍁𑌰𑍍𑌯𑌥𑌾𑌗𑌤𑌮𑍍 ।
𑌸𑌗𑌰𑌸𑍍𑌯 𑌚 𑌪𑍁𑌤𑍍𑌰𑌾𑌣𑌾𑌂 𑌪𑍍𑌰𑌾𑌦𑍁𑌰𑌾𑌸𑍀𑌨𑍍𑌮𑌹𑌾𑌤𑍍𑌮𑌨𑌾𑌮𑍍 ॥ 5 ॥
𑌪𑍃𑌥𑌿𑌵𑍍𑌯𑌾𑌂 𑌭𑌿𑌦𑍍𑌯𑌮𑌾𑌨𑌾𑌯𑌾𑌂 𑌨𑌿𑌰𑍍𑌘𑌾𑌤𑌸𑌮𑌨𑌿𑌸𑍍𑌵𑌨𑌃 ।
𑌤𑌤𑍋 𑌭𑌿𑌤𑍍𑌵𑌾 𑌮𑌹𑍀𑌂 𑌸𑌰𑍍𑌵𑍇 𑌕𑍃𑌤𑍍𑌵𑌾 𑌚𑌾𑌭𑌿𑌪𑍍𑌰𑌦𑌕𑍍𑌷𑌿𑌣𑌮𑍍 ॥ 6 ॥
𑌸𑌹𑌿𑌤𑌾 𑌸𑍍𑌸𑌗𑌰𑌾𑌸𑍍𑌸𑌰𑍍𑌵𑍇 𑌪𑌿𑌤𑌰𑌂 𑌵𑌾𑌕𑍍𑌯𑌮𑌬𑍍𑌰𑍁𑌵𑌨𑍍 ।
0 𑌪𑌰𑌿𑌕𑍍𑌰𑌾𑌂𑌤𑌾 𑌮𑌹𑍀 𑌸𑌰𑍍𑌵𑌾 𑌸𑌤𑍍𑌤𑍍𑌵𑌵𑌂𑌤𑌶𑍍𑌚 𑌸𑍂𑌦𑌿𑌤𑌾𑌃 ॥ ॥
𑌦𑍇𑌵𑌦𑌾𑌨𑌵𑌰𑌕𑍍𑌷𑌾𑌂𑌸𑌿 𑌪𑌿𑌶𑌾𑌚𑍋𑌰𑌗𑌕𑌿𑌨𑍍𑌨𑌰𑌾𑌃 ।
𑌨 𑌚 𑌪𑌶𑍍𑌯𑌾𑌮𑌹𑍇𑌽𑌶𑍍𑌵𑌂 𑌤𑌮𑌶𑍍𑌵𑌹𑌰𑍍𑌤𑌾𑌰𑌮𑍇𑌵 𑌚 ॥ ॥
𑌕𑌿𑌂 𑌕𑌰𑌿𑌷𑍍𑌯𑌾𑌮 𑌭𑌦𑍍𑌰𑌂 𑌤𑍇 𑌬𑍁𑌦𑍍𑌧𑌿𑌰𑌤𑍍𑌰 𑌵𑌿𑌚𑌾𑌰𑍍𑌯𑌤𑌾𑌮𑍍 ।
𑌤𑍇𑌷𑌾𑌂 𑌤𑌦𑍍𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌪𑍁𑌤𑍍𑌰𑌾𑌣𑌾𑌂 𑌰𑌾𑌜𑌸𑌤𑍍𑌤𑌮𑌃 ॥ ॥
𑌸𑌮𑌨𑍍𑌯𑍁𑌰𑌬𑍍𑌰𑌵𑍀𑌦𑍍𑌵𑌾𑌕𑍍𑌯𑌂 𑌸𑌗𑌰𑍋 𑌰𑌘𑍁𑌨𑌂𑌦𑌨 ।
𑌭𑍂𑌯𑌃 𑌖𑌨𑌤 𑌭𑌦𑍍𑌰𑌂 𑌵𑍋 𑌨𑌿𑌰𑍍𑌭𑌿𑌦𑍍𑌯 𑌵𑌸𑍁𑌧𑌾𑌤𑌲𑌮𑍍 ॥ 10 ॥
𑌅𑌶𑍍𑌵𑌹𑌰𑍍𑌤𑌾𑌰𑌮𑌾𑌸𑌾𑌦𑍍𑌯 𑌕𑍃𑌤𑌾𑌰𑍍𑌥𑌾𑌶𑍍𑌚 𑌨𑌿𑌵𑌰𑍍𑌤𑌥 ।
𑌪𑌿𑌤𑍁𑌰𑍍𑌵𑌚𑌨𑌮𑌾𑌸𑌾𑌦𑍍𑌯 𑌸𑌗𑌰𑌸𑍍𑌯 𑌮𑌹𑌾𑌤𑍍𑌮𑌨𑌃 ॥ 11 ॥
𑌷𑌷𑍍𑌟𑌿𑌃 𑌪𑍁𑌤𑍍𑌰𑌸𑌹𑌸𑍍𑌰𑌾𑌣𑌿 𑌰𑌸𑌾𑌤𑌲𑌮𑌭𑌿𑌦𑍍𑌰𑌵𑌨𑍍 ।
𑌖𑌨𑍍𑌯𑌮𑌾𑌨𑍇 𑌤𑌤𑌸𑍍𑌤𑌸𑍍𑌮𑌿𑌨𑍍 𑌦𑌦𑍃𑌶𑍁𑌃 𑌪𑌰𑍍𑌵𑌤𑍋𑌪𑌮𑌮𑍍 ॥ 12 ॥
𑌦𑌿𑌶𑌾𑌗𑌜𑌂 𑌵𑌿𑌰𑍂𑌪𑌾𑌕𑍍𑌷𑌂 𑌧𑌾𑌰𑌯𑌂𑌤𑌂 𑌮𑌹𑍀𑌤𑌲𑌮𑍍 ।
𑌸𑌪𑌰𑍍𑌵𑌤𑌵𑌨𑌾𑌂 𑌕𑍃𑌤𑍍𑌸𑍍𑌨𑌾𑌂 𑌪𑍃𑌥𑌿𑌵𑍀𑌂 𑌰𑌘𑍁𑌨𑌂𑌦𑌨 ॥ 13 ॥
𑌶𑌿𑌰𑌸𑌾 𑌧𑌾𑌰𑌯𑌾𑌮𑌾𑌸 𑌵𑌿𑌰𑍂𑌪𑌾𑌕𑍍𑌷𑍋 𑌮𑌹𑌾𑌗𑌜𑌃 ।
𑌯𑌦𑌾 𑌪𑌰𑍍𑌵𑌣𑌿 𑌕𑌾𑌕𑍁𑌤𑍍𑌸𑍍𑌥 𑌵𑌿𑌶𑍍𑌰𑌮𑌾𑌰𑍍𑌥𑌂 𑌮𑌹𑌾𑌗𑌜𑌃 ॥ 14 ॥
𑌖𑍇𑌦𑌾𑌚𑍍𑌚𑌾𑌲𑌯𑌤𑍇 𑌶𑍀𑌰𑍍𑌷𑌂 𑌭𑍂𑌮𑌿𑌕𑌂𑌪𑌸𑍍𑌤𑌦𑌾𑌭𑌵𑍇𑌤𑍍 ।
𑌤𑌂 𑌤𑍇 𑌪𑍍𑌰𑌦𑌕𑍍𑌷𑌿𑌣𑌂 𑌕𑍃𑌤𑍍𑌵𑌾 𑌦𑌿𑌶𑌾𑌪𑌾𑌲𑌂 𑌮𑌹𑌾𑌗𑌜𑌮𑍍 ॥ 15 ॥
𑌮𑌾𑌨𑌯𑌂𑌤𑍋 𑌹𑌿 𑌤𑍇 𑌰𑌾𑌮 𑌜𑌗𑍍𑌮𑍁𑌰𑍍𑌭𑌿𑌤𑍍𑌤𑍍𑌵𑌾 𑌰𑌸𑌾𑌤𑌲𑌮𑍍 ।
𑌤𑌤𑌃 𑌪𑍂𑌰𑍍𑌵𑌾𑌂 𑌦𑌿𑌶𑌂 𑌭𑌿𑌤𑍍𑌤𑍍𑌵𑌾 𑌦𑌕𑍍𑌷𑌿𑌣𑌾𑌂 𑌬𑌿𑌭𑌿𑌦𑍁𑌃 𑌪𑍁𑌨𑌃 ॥ 16 ॥
𑌦𑌕𑍍𑌷𑌿𑌣𑌸𑍍𑌯𑌾𑌮𑌪𑌿 𑌦𑌿𑌶𑌿 𑌦𑌦𑍃𑌶𑍁𑌸𑍍𑌤𑍇 𑌮𑌹𑌾𑌗𑌜𑌮𑍍 ।
𑌮𑌹𑌾𑌪𑌦𑍍𑌮𑌂 𑌮𑌹𑌾𑌤𑍍𑌮𑌾𑌨𑌂 𑌸𑍁𑌮𑌹𑌤𑍍𑌪𑌰𑍍𑌵𑌤𑍋𑌪𑌮𑌮𑍍 ॥ 1 ॥
𑌶𑌿𑌰𑌸𑌾 𑌧𑌾𑌰𑌯𑌂𑌤𑌂 𑌤𑍇 𑌵𑌿𑌸𑍍𑌮𑌯𑌂 𑌜𑌗𑍍𑌮𑍁𑌰𑍁𑌤𑍍𑌤𑌮𑌮𑍍 ।
𑌤𑌤𑌃 𑌪𑍍𑌰𑌦𑌕𑍍𑌷𑌿𑌣𑌂 𑌕𑍃𑌤𑍍𑌵𑌾 𑌸𑌗𑌰𑌸𑍍𑌯 𑌮𑌹𑌾𑌤𑍍𑌮𑌨𑌃 ॥ 1 ॥
𑌷𑌷𑍍𑌟𑌿𑌃 𑌪𑍁𑌤𑍍𑌰𑌸𑌹𑌸𑍍𑌰𑌾𑌣𑌿 𑌪𑌶𑍍𑌚𑌿𑌮𑌾𑌂 𑌬𑌿𑌭𑌿𑌦𑍁𑌰𑍍𑌦𑌿𑌶𑌮𑍍 ।
𑌪𑌶𑍍𑌚𑌿𑌮𑌾𑌯𑌾𑌮𑌪𑌿 𑌦𑌿𑌶𑌿 𑌮𑌹𑌾𑌂𑌤𑌮𑌚𑌲𑍋𑌪𑌮𑌮𑍍 ॥ 1 ॥
𑌦𑌿𑌶𑌾𑌗𑌜𑌂 𑌸𑍌𑌮𑌨𑌸𑌂 𑌦𑌦𑍃𑌶𑍁𑌸𑍍𑌤𑍇 𑌮𑌹𑌾𑌬𑌲𑌾𑌃 ।
𑌤𑌂 𑌤𑍇 𑌪𑍍𑌰𑌦𑌕𑍍𑌷𑌿𑌣𑌂 𑌕𑍃𑌤𑍍𑌵𑌾 𑌪𑍃𑌷𑍍𑌟𑍍𑌵𑌾 𑌚𑌾𑌪𑌿 𑌨𑌿𑌰𑌾𑌮𑌯𑌮𑍍 ।
𑌖𑌨𑌂𑌤 𑌸𑍍𑌸𑌮𑍁𑌪𑌕𑍍𑌰𑌾𑌂𑌤𑌾 𑌦𑌿𑌶𑌂 𑌹𑍈𑌮𑌵𑌤𑍀𑌂 𑌤𑌤𑌃 ॥ 20 ॥
𑌉𑌤𑍍𑌤𑌰𑌸𑍍𑌯𑌾𑌂 𑌰𑌘𑍁𑌶𑍍𑌰𑍇𑌷𑍍𑌠 𑌦𑌦𑍃𑌶𑍁𑌰𑍍𑌹𑌿𑌮𑌪𑌾𑌂𑌡𑍁𑌰𑌮𑍍 ॥ 21 ॥
𑌭𑌦𑍍𑌰𑌂 𑌭𑌦𑍍𑌰𑍇𑌣 𑌵𑌪𑍁𑌷𑌾 𑌧𑌾𑌰𑌯𑌂𑌤𑌂 𑌮𑌹𑍀𑌮𑌿𑌮𑌾𑌮𑍍 ।
𑌸𑌮𑌾𑌲𑌭𑍍𑌯 𑌤𑌤 𑌸𑍍𑌸𑌰𑍍𑌵𑍇 𑌕𑍃𑌤𑍍𑌵𑌾 𑌚𑍈𑌨𑌂 𑌪𑍍𑌰𑌦𑌕𑍍𑌷𑌿𑌣𑌮𑍍 ॥ 22 ॥
𑌷𑌷𑍍𑌟𑌿𑌃 𑌪𑍁𑌤𑍍𑌰𑌸𑌹𑌸𑍍𑌰𑌾𑌣𑌿 𑌬𑌿𑌭𑌿𑌦𑍁𑌰𑍍𑌵𑌸𑍁𑌧𑌾𑌤𑌲𑌮𑍍 ।
𑌤𑌤𑌃 𑌪𑍍𑌰𑌾𑌗𑍁𑌤𑍍𑌤𑌰𑌾𑌂 𑌗𑌤𑍍𑌵𑌾 𑌸𑌾𑌗𑌰𑌾𑌃 𑌪𑍍𑌰𑌥𑌿𑌤𑌾𑌂 𑌦𑌿𑌶𑌮𑍍 ॥ 23 ॥
𑌰𑍋𑌷𑌾𑌦𑌭𑍍𑌯𑌖𑌨𑌨𑍍 𑌸𑌰𑍍𑌵𑍇 𑌪𑍃𑌥𑌿𑌵𑍀𑌂 𑌸𑌗𑌰𑌾𑌤𑍍𑌮𑌜𑌾𑌃 ।
𑌤𑍇 𑌤𑍁 𑌸𑌰𑍍𑌵𑍇 𑌮𑌹𑌾𑌤𑍍𑌮𑌾𑌨𑍋 𑌭𑍀𑌮𑌵𑍇𑌗𑌾 𑌮𑌹𑌾𑌬𑌲𑌾𑌃 ॥ 24 ॥
𑌦𑌦𑍃𑌶𑍁𑌃 𑌕𑌪𑌿𑌲𑌂 𑌤𑌤𑍍𑌰 𑌵𑌾𑌸𑍁𑌦𑍇𑌵𑌂 𑌸𑌨𑌾𑌤𑌨𑌮𑍍 ।
𑌹𑌯𑌂 𑌚 𑌤𑌸𑍍𑌯 𑌦𑍇𑌵𑌸𑍍𑌯 𑌚𑌰𑌂𑌤𑌮𑌵𑌿𑌦𑍂𑌰𑌤𑌃 ॥ 25 ॥
𑌪𑍍𑌰𑌹𑌰𑍍𑌷𑌮𑌤𑍁𑌲𑌂 𑌪𑍍𑌰𑌾𑌪𑍍𑌤𑌾𑌸𑍍𑌸𑌰𑍍𑌵𑍇 𑌤𑍇 𑌰𑌘𑍁𑌨𑌂𑌦𑌨 ।
𑌤𑍇 𑌤𑌂 𑌹𑌯𑌵𑌰𑌂 𑌜𑍍𑌞𑌾𑌤𑍍𑌵𑌾 𑌕𑍍𑌰𑍋𑌧𑌪𑌰𑍍𑌯𑌾𑌕𑍁𑌲𑍇𑌕𑍍𑌷𑌣𑌾𑌃 ॥ 26 ॥
𑌖𑌨𑌿𑌤𑍍𑌰𑌲𑌾𑌂𑌗𑌲𑌧𑌰𑌾 𑌨𑌾𑌨𑌾𑌵𑍃𑌕𑍍𑌷𑌶𑌿𑌲𑌾𑌧𑌰𑌾𑌃 ।
𑌅𑌭𑍍𑌯𑌧𑌾𑌵𑌂𑌤 𑌸𑌂𑌕𑍍𑌰𑍁𑌦𑍍𑌧𑌾𑌸𑍍𑌤𑌿𑌷𑍍𑌠 𑌤𑌿𑌷𑍍𑌠𑍇𑌤𑌿 𑌚𑌾𑌬𑍍𑌰𑍁𑌵𑌨𑍍 ॥ 2 ॥
𑌅𑌸𑍍𑌮𑌾𑌕𑌂 𑌤𑍍𑌵𑌂 𑌹𑌿 𑌤𑍁𑌰𑌗𑌂 𑌯𑌜𑍍𑌞𑍀𑌯𑌂 𑌹𑍃𑌤𑌵𑌾𑌨𑌸𑌿 ।
𑌦𑍁𑌰𑍍𑌮𑍇𑌧𑌸𑍍𑌤𑍍𑌵𑌂 𑌹𑌿 𑌸𑌂𑌪𑍍𑌰𑌾𑌪𑍍𑌤𑌾𑌨𑍍 𑌵𑌿𑌦𑍍𑌧𑌿 𑌨𑌸𑍍𑌸𑌗𑌰𑌾𑌤𑍍𑌮𑌜𑌾𑌨𑍍 ॥ 2 ॥
𑌶𑍍𑌰𑍁𑌤𑍍𑌵𑌾 𑌤𑍁 𑌵𑌚𑌨𑌂 𑌤𑍇𑌷𑌾𑌂 𑌕𑌪𑌿𑌲𑍋 𑌰𑌘𑍁𑌨𑌂𑌦𑌨 ।
𑌰𑍋𑌷𑍇𑌣 𑌮𑌹𑌤𑌾𑌽𑌽𑌵𑌿𑌷𑍍𑌟𑍋 𑌹𑍁𑌂𑌕𑌾𑌰𑌮𑌕𑌰𑍋𑌤𑍍𑌤𑌦𑌾 ॥ 2 ॥
𑌤𑌤𑌸𑍍𑌤𑍇𑌨𑌾𑌪𑍍𑌰𑌮𑍇𑌯𑍇𑌨 𑌕𑌪𑌿𑌲𑍇𑌨 𑌮𑌹𑌾𑌤𑍍𑌮𑌨𑌾 ।
𑌭𑌸𑍍𑌮𑌰𑌾𑌶𑍀𑌕𑍃𑌤𑌾𑌸𑍍𑌸𑌰𑍍𑌵𑍇 𑌕𑌾𑌕𑍁𑌤𑍍𑌸𑍍𑌥 𑌸𑌗𑌰𑌾𑌤𑍍𑌮𑌜𑌾𑌃 ॥ 30 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌬𑌾𑌲𑌕𑌾𑌂𑌡𑍇 𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ॥
