VR 5.25 Sundara Kanda - Sarga 25 - Grantha

Collection of Spiritual and Devotional Literature in Various Indian Languages

View this in:

5.25 𑌸𑍁𑌂𑌦𑌰𑌕𑌾𑌂𑌡 - 𑌪𑌂𑌚𑌵𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌸𑍁𑌂𑌦𑌰𑌕𑌾𑌂𑌡𑌮𑍍 ।
𑌅𑌥 𑌪𑌂𑌚𑌵𑌿𑌂𑌶𑌸𑍍𑌸𑌰𑍍𑌗𑌃 ।

𑌅𑌥 𑌤𑌾𑌸𑌾𑌂 𑌵𑌦𑌂𑌤𑍀𑌨𑌾𑌂 𑌪𑌰𑍁𑌷𑌂 𑌦𑌾𑌰𑍁𑌣𑌂 𑌬𑌹𑍁 ।
𑌰𑌾𑌕𑍍𑌷𑌸𑍀𑌨𑌾𑌮𑌾𑌸𑍌𑌮𑍍𑌯𑌾𑌨𑌾𑌂 𑌰𑍁𑌰𑍋𑌦 𑌜𑌨𑌕𑌾𑌤𑍍𑌮𑌜𑌾 ॥ 1 ॥

𑌏𑌵𑌮𑍁𑌕𑍍𑌤𑌾 𑌤𑍁 𑌵𑍈𑌦𑍇𑌹𑍀 𑌰𑌾𑌕𑍍𑌷𑌸𑍀𑌭𑌿𑌰𑍍𑌮𑌨𑌸𑍍𑌵𑌿𑌨𑍀 ।
𑌉𑌵𑌾𑌚 𑌪𑌰𑌮𑌤𑍍𑌰𑌸𑍍𑌤𑌾 𑌭𑌾𑌷𑍍𑌪𑌗𑍍𑌦𑍍𑌗𑌦𑌯𑌾 𑌗𑌿𑌰𑌾 ॥ 2 ॥

𑌨 𑌮𑌾𑌨𑍁𑌷𑍀 𑌰𑌾𑌕𑍍𑌷𑌸𑌸𑍍𑌯 𑌭𑌾𑌰𑍍𑌯𑌾 𑌭𑌵𑌿𑌤𑍁𑌮𑌰𑍍𑌹𑌤𑌿 ।
𑌕𑌾𑌮𑌂 𑌖𑌾𑌦𑌤 𑌮𑌾𑌂 𑌸𑌰𑍍𑌵𑌾 𑌨 𑌕𑌰𑌿𑌷𑍍𑌯𑌾𑌮𑌿 𑌵𑍋 𑌵𑌚𑌃 ॥ 3 ॥

𑌸𑌾 𑌰𑌾𑌕𑍍𑌷𑌸𑍀𑌮𑌧𑍍𑌯𑌗𑌤𑌾 𑌸𑍀𑌤𑌾 𑌸𑍁𑌰𑌸𑍁𑌤𑍋𑌪𑌮𑌾 ।
𑌨 𑌶𑌰𑍍𑌮 𑌲𑍇𑌭𑍇 𑌦𑍁𑌃𑌖𑌾𑌰𑍍𑌤𑌾 𑌰𑌾𑌵𑌣𑍇𑌨 𑌚 𑌤𑌰𑍍𑌜𑌿𑌤𑌾 ॥ 4 ॥

𑌵𑍇𑌪𑌤𑍇 𑌸𑍍𑌮𑌾𑌧𑌿𑌕𑌂 𑌸𑍀𑌤𑌾 𑌵𑌿𑌶𑌂𑌤𑍀 𑌵𑌾𑌂𑌗𑌮𑌾𑌤𑍍𑌮𑌨𑌃 ।
𑌵𑌨𑍇 𑌯𑍂𑌥𑌪𑌰𑌿𑌭𑍍𑌰𑌷𑍍𑌟𑌾 𑌮𑍃𑌗𑍀 𑌕𑍋𑌕𑍈𑌰𑌿𑌵𑌾𑌰𑍍𑌦𑌿𑌤𑌾 ॥ 5 ॥

𑌸𑌾 𑌤𑍍𑌵𑌶𑍋𑌕𑌸𑍍𑌯 𑌵𑌿𑌪𑍁𑌲𑌾𑌂 𑌶𑌾𑌖𑌾𑌮𑌾𑌲𑌂𑌬𑍍𑌯 𑌪𑍁𑌷𑍍𑌪𑌿𑌤𑌾𑌮𑍍 ।
𑌚𑌿𑌂𑌤𑌯𑌾𑌮𑌾𑌸 𑌶𑍋𑌕𑍇𑌨 𑌭𑌰𑍍𑌤𑌾𑌰𑌂 𑌭𑌗𑍍𑌨𑌮𑌾𑌨𑌸𑌾 ॥ 6 ॥

𑌸𑌾 𑌸𑍍𑌨𑌾𑌪𑌯𑌂𑌤𑍀 𑌵𑌿𑌪𑍁𑌲𑍌 𑌸𑍍𑌤𑌨𑍌 𑌨𑍇𑌤𑍍𑌰𑌜𑌲𑌸𑍍𑌰𑌵𑍈𑌃 ।
𑌚𑌿𑌂𑌤𑌯𑌂𑌤𑍀 𑌨 𑌶𑍋𑌕𑌸𑍍𑌯 𑌤𑌦𑌾𑌂𑌤𑌮𑌧𑌿𑌗𑌚𑍍𑌛𑌤𑌿 ॥ 𑍭 ॥

𑌸𑌾 𑌵𑍇𑌪𑌮𑌾𑌨𑌾 𑌪𑌤𑌿𑌤𑌾 𑌪𑍍𑌰𑌵𑌾𑌤𑍇 𑌕𑌦𑌲𑍀 𑌯𑌥𑌾 ।
𑌰𑌾𑌕𑍍𑌷𑌸𑍀𑌨𑌾𑌂 𑌭𑌯𑌤𑍍𑌰𑌸𑍍𑌤𑌾 𑌵𑌿𑌵𑌰𑍍𑌣𑌵𑌦𑌨𑌾𑌭𑌵𑌤𑍍 ॥ 𑍮 ॥

𑌤𑌸𑍍𑌯𑌾𑌃 𑌸𑌾 𑌦𑍀𑌰𑍍𑌘𑌵𑌿𑌪𑍁𑌲𑌾 𑌵𑍇𑌪𑌂𑌤𑍍𑌯𑌾 𑌸𑍀𑌤𑌯𑌾 𑌤𑌦𑌾 ।
𑌦𑌦𑍃𑌶𑍇 𑌕𑌂𑌪𑌿𑌨𑍀 𑌵𑍇𑌣𑍀 𑌵𑍍𑌯𑌾𑌲𑍀𑌵 𑌪𑌰𑌿𑌸𑌰𑍍𑌪𑌤𑍀 ॥ 𑍯 ॥

𑌸𑌾 𑌨𑌿𑌃𑌶𑍍𑌵𑌸𑌂𑌤𑍀 𑌦𑍁𑌃𑌖𑌾𑌰𑍍𑌤𑌾 𑌶𑍋𑌕𑍋𑌪𑌹𑌤𑌚𑍇𑌤𑌨𑌾 ।
𑌆𑌰𑍍𑌤𑌾 𑌵𑍍𑌯𑌸𑍃𑌜𑌦𑌶𑍍𑌰𑍂𑌣𑌿 𑌮𑍈𑌥𑌿𑌲𑍀 𑌵𑌿𑌲𑌲𑌾𑌪 𑌚 ॥ 10 ॥

𑌹𑌾 𑌰𑌾𑌮𑍇𑌤𑌿 𑌚 𑌦𑍁𑌃𑌖𑌾𑌰𑍍𑌤𑌾 𑌹𑌾 𑌪𑍁𑌨𑌰𑍍𑌲𑌕𑍍𑌷𑍍𑌮𑌣𑍇𑌤𑌿 𑌚 ।
𑌹𑌾 𑌶𑍍𑌵𑌶𑍍𑌰𑍁 𑌮𑌮 𑌕𑍌𑌸𑌲𑍍𑌯𑍇 𑌹𑌾 𑌸𑍁𑌮𑌿𑌤𑍍𑌰𑍇𑌤𑌿 𑌭𑌾𑌮𑌿𑌨𑍀 ॥ 11 ॥

𑌲𑍋𑌕𑌪𑍍𑌰𑌵𑌾𑌦𑌃 𑌸𑌤𑍍𑌯𑍋𑌽𑌯𑌂 𑌪𑌂𑌡𑌿𑌤𑍈𑌃 𑌸𑌮𑍁𑌦𑌾𑌹𑍃𑌤𑌃 ।
𑌅𑌕𑌾𑌲𑍇 𑌦𑍁𑌰𑍍𑌲𑌭𑍋 𑌮𑍃𑌤𑍍𑌯𑍁𑌃 𑌸𑍍𑌤𑍍𑌰𑌿𑌯𑌾 𑌵𑌾 𑌪𑍁𑌰𑍁𑌷𑌸𑍍𑌯 𑌵𑌾 ॥ 12 ॥

𑌯𑌦𑌹𑌮𑍇𑌵𑌂 𑌕𑍍𑌰𑍂𑌰𑌾𑌭𑍀 𑌰𑌾𑌕𑍍𑌷𑌸𑍀𑌭𑌿𑌰𑌿𑌹𑌾𑌰𑍍𑌦𑌿𑌤𑌾 ।
𑌜𑍀𑌵𑌾𑌮𑌿 𑌹𑍀𑌨𑌾 𑌰𑌾𑌮𑍇𑌣 𑌮𑍁𑌹𑍂𑌰𑍍𑌤𑌮𑌪𑌿 𑌦𑍁𑌃𑌖𑌿𑌤𑌾 ॥ 13 ॥

𑌏𑌷𑌾𑌲𑍍𑌪𑌪𑍁𑌣𑍍𑌯𑌾 𑌕𑍃𑌪𑌣𑌾 𑌵𑌿𑌨𑌶𑌿𑌷𑍍𑌯𑌾𑌮𑍍𑌯𑌨𑌾𑌥𑌵𑌤𑍍 ।
𑌸𑌮𑍁𑌦𑍍𑌰𑌮𑌧𑍍𑌯𑍇 𑌨𑍌𑌃 𑌪𑍂𑌰𑍍𑌣𑌾 𑌵𑌾𑌯𑍁𑌵𑍇𑌗𑍈𑌰𑌿𑌵𑌾𑌹𑌤𑌾 ॥ 14 ॥

𑌭𑌰𑍍𑌤𑌾𑌰𑌂 𑌤𑌮𑌪𑌶𑍍𑌯𑌂𑌤𑍀 𑌰𑌾𑌕𑍍𑌷𑌸𑍀𑌵𑌶𑌮𑌾𑌗𑌤𑌾 ।
𑌸𑍀𑌦𑌾𑌮𑌿 𑌖𑌲𑍁 𑌶𑍋𑌕𑍇𑌨 𑌕𑍂𑌲𑌂 𑌤𑍋𑌯𑌹𑌤𑌂 𑌯𑌥𑌾 ॥ 15 ॥

𑌤𑌂 𑌪𑌦𑍍𑌮𑌦𑌲𑌪𑌤𑍍𑌰𑌾𑌕𑍍𑌷𑌂 𑌸𑌿𑌂𑌹𑌵𑌿𑌕𑍍𑌰𑌾𑌂𑌤𑌗𑌾𑌮𑌿𑌨𑌮𑍍 ।
𑌧𑌨𑍍𑌯𑌾𑌃 𑌪𑌶𑍍𑌯𑌂𑌤𑌿 𑌮𑍇 𑌨𑌾𑌥𑌂 𑌕𑍃𑌤𑌜𑍍𑌞𑌂 𑌪𑍍𑌰𑌿𑌯𑌵𑌾𑌦𑌿𑌨𑌮𑍍 ॥ 16 ॥

𑌸𑌰𑍍𑌵𑌥𑌾 𑌤𑍇𑌨 𑌹𑍀𑌨𑌾𑌯𑌾 𑌰𑌾𑌮𑍇𑌣 𑌵𑌿𑌦𑌿𑌤𑌾𑌤𑍍𑌮𑌨𑌾 ।
𑌤𑍀𑌕𑍍𑌷𑍍𑌣𑌂 𑌵𑌿𑌷𑌮𑌿𑌵𑌾𑌸𑍍𑌵𑌾𑌦𑍍𑌯 𑌦𑍁𑌰𑍍𑌲𑌭𑌂 𑌮𑌮 𑌜𑍀𑌵𑌿𑌤𑌮𑍍 ॥ 1𑍭 ॥

𑌕𑍀𑌦𑍃𑌶𑌂 𑌤𑍁 𑌮𑌹𑌾𑌪𑌾𑌪𑌂 𑌮𑌯𑌾 𑌜𑌨𑍍𑌮𑌾𑌂𑌤𑌰𑍇 𑌕𑍃𑌤𑌮𑍍 ।
𑌯𑌨𑍇𑌦𑌂 𑌪𑍍𑌰𑌾𑌪𑍍𑌯𑌤𑍇 𑌦𑍁𑌃𑌖𑌂 𑌮𑌯𑌾 𑌘𑍋𑌰𑌂 𑌸𑍁𑌦𑌾𑌰𑍁𑌣𑌮𑍍 ॥ 1𑍮 ॥

𑌜𑍀𑌵𑌿𑌤𑌂 𑌤𑍍𑌯𑌕𑍍𑌤𑍁𑌮𑌿𑌚𑍍𑌛𑌾𑌮𑌿 𑌶𑍋𑌕𑍇𑌨 𑌮𑌹𑌤𑌾 𑌵𑍃𑌤𑌾 ।
𑌰𑌾𑌕𑍍𑌷𑌸𑍀𑌭𑌿𑌶𑍍𑌚 𑌰𑌕𑍍𑌷𑌂𑌤𑍍𑌯𑌾 𑌰𑌾𑌮𑍋 𑌨𑌾𑌸𑌾𑌦𑍍𑌯𑌤𑍇 𑌮𑌯𑌾 ॥ 1𑍯 ॥

𑌧𑌿𑌗𑌸𑍍𑌤𑍁 𑌖𑌲𑍁 𑌮𑌾𑌨𑍁𑌷𑍍𑌯𑌂 𑌧𑌿𑌗𑌸𑍍𑌤𑍁 𑌪𑌰𑌵𑌶𑍍𑌯𑌤𑌾𑌮𑍍 ।
𑌨 𑌶𑌕𑍍𑌯𑌂 𑌯𑌤𑍍𑌪𑌰𑌿𑌤𑍍𑌯𑌕𑍍𑌤𑍁𑌮𑌾𑌤𑍍𑌮𑌚𑍍𑌛𑌂𑌦𑍇𑌨 𑌜𑍀𑌵𑌿𑌤𑌮𑍍 ॥ 20 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌸𑍁𑌂𑌦𑌰𑌕𑌾𑌂𑌡𑍇 𑌪𑌂𑌚𑌵𑌿𑌂𑌶𑌸𑍍𑌸𑌰𑍍𑌗𑌃 ॥

Browse Related Categories: