Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

3.44 𑌅𑌰𑌣𑍍𑌯𑌕𑌾𑌂𑌡 - 𑌚𑌤𑍁𑌶𑍍𑌚𑌤𑍍𑌵𑌾𑌰𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌰𑌣𑍍𑌯𑌕𑌾𑌂𑌡𑌮𑍍 ।
𑌅𑌥 𑌚𑌤𑍁𑌶𑍍𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ।

𑌤𑌥𑌾 𑌤𑍁 𑌤𑌂 𑌸𑌮𑌾𑌦𑌿𑌶𑍍𑌯 𑌭𑍍𑌰𑌾𑌤𑌰𑌂 𑌰𑌘𑍁𑌨𑌂𑌦𑌨𑌃 ।
𑌬𑌬𑌂𑌧𑌾𑌸𑌿𑌂 𑌮𑌹𑌾𑌤𑍇𑌜𑌾 𑌜𑌾𑌂𑌬𑍂𑌨𑌦𑌮𑌯𑌤𑍍𑌸𑌰𑍁𑌮𑍍 ॥ 1 ॥

𑌤𑌤 𑌸𑍍𑌤𑍍𑌰𑍍𑌯𑌵𑌨𑌤𑌂 𑌚𑌾𑌪𑌮𑌾𑌦𑌾𑌯𑌾𑌽𑌤𑍍𑌮𑌵𑌿𑌭𑍂𑌷𑌣𑌮𑍍 ।
𑌆𑌬𑌧𑍍𑌯 𑌚 𑌕𑌲𑌾𑌪𑍌 𑌦𑍍𑌵𑍌 𑌜𑌗𑌾𑌮𑍋𑌦𑌗𑍍𑌰𑌵𑌿𑌕𑍍𑌰𑌮𑌃 ॥ 2 ॥

𑌤𑌂 𑌵𑌂𑌚𑌯𑌾𑌨𑍋 𑌰𑌾𑌜𑍇𑌂𑌦𑍍𑌰𑌮𑌾𑌪𑌤𑌂𑌤𑌂 𑌨𑌿𑌰𑍀𑌕𑍍𑌷𑍍𑌯𑌵𑍈 ।
𑌬𑌭𑍂𑌵𑌾𑌂𑌤𑌰𑍍𑌹𑌿𑌤𑌸𑍍𑌤𑍍𑌰𑌾𑌸𑌾𑌤𑍍𑌪𑍁𑌨𑌸𑍍𑌸𑌂𑌦𑌰𑍍𑌶𑌨𑍇𑌽𑌭𑌵𑌤𑍍 ।
𑌚 ॥ 3 ॥

𑌬𑌦𑍍𑌧𑌾𑌸𑌿𑌰𑍍𑌧𑌨𑍁𑌰𑌾𑌦𑌾𑌯 𑌪𑍍𑌰𑌦𑍁𑌦𑍍𑌰𑌾𑌵 𑌯𑌤𑍋 𑌮𑍃𑌗𑌃 ।
𑌤𑌂 𑌸𑍍𑌮 𑌪𑌶𑍍𑌯𑌤𑌿 𑌰𑍂𑌪𑍇𑌣 𑌦𑍍𑌯𑍋𑌤𑌮𑌾𑌨𑌮𑌿𑌵𑌾𑌗𑍍𑌰𑌤𑌃 ॥ 4 ॥

𑌅𑌵𑍇𑌕𑍍𑌷𑍍𑌯𑌾𑌵𑍇𑌕𑍍𑌷𑍍𑌯 𑌧𑌾𑌵𑌂𑌤𑌂 𑌧𑌨𑍁𑌷𑍍𑌪𑌾𑌣𑌿𑌰𑍍𑌮𑌹𑌾𑌵𑌨𑍇 ।
𑌅𑌤𑌿𑌵𑍃𑌤𑍍𑌤𑌮𑌿𑌷𑍋𑌃 𑌪𑌾𑌤𑌾𑌲𑍍𑌲𑍋𑌭𑌯𑌾𑌨𑌂 𑌕𑌦𑌾𑌚𑌨 ॥ 5 ॥

𑌶𑌂𑌕𑌿𑌤𑌂𑌤𑍁 𑌸𑌮𑍁𑌦𑍍𑌭𑍍𑌰𑌾𑌂𑌤𑌮𑍁𑌤𑍍𑌪𑌤𑌂𑌤𑌮𑌿𑌵𑌾𑌂𑌬𑌰𑍇 ।
𑌦𑍃𑌶𑍍𑌯𑌮𑌾𑌨𑌮𑌦𑍃𑌶𑍍𑌯𑌂 𑌚 𑌵𑌨𑍋𑌦𑍍𑌦𑍇𑌶𑍇𑌷𑍁 𑌕𑍇𑌷𑍁𑌚𑌿𑌤𑍍 ॥ 6 ॥

𑌛𑌿𑌨𑍍𑌨𑌾𑌭𑍍𑌰𑍈𑌰𑌿𑌵 𑌸𑌂𑌵𑍀𑌤𑌂 𑌶𑌾𑌰𑌦𑌂 𑌚𑌂𑌦𑍍𑌰𑌮𑌂𑌡𑌲𑌮𑍍 ।
𑌮𑍁𑌹𑍁𑌰𑍍𑌤𑌾𑌦𑍇𑌵 𑌦𑌦𑍃𑌶𑍇 𑌮𑍁𑌹𑍁𑌰𑍍𑌦𑍂𑌰𑌾𑌤𑍍𑌪𑍍𑌰𑌕𑌾𑌶𑌤𑍇 ॥ 𑍭 ॥

𑌦𑌰𑍍𑌶𑌨𑌾𑌦𑌰𑍍𑌶𑌨𑌾𑌦𑍇𑌵𑌂 𑌸𑍋𑌽𑌪𑌾𑌕𑌰𑍍𑌷𑌤 𑌰𑌾𑌘𑌵𑌮𑍍 ।
𑌸𑍁𑌦𑍂𑌰𑌮𑌾𑌶𑍍𑌰𑌮𑌸𑍍𑌯𑌾𑌸𑍍𑌯 𑌮𑌾𑌰𑍀𑌚𑍋 𑌮𑍃𑌗𑌤𑌾𑌂 𑌗𑌤𑌃 ॥ 𑍮 ॥

𑌆𑌸𑍀𑌤𑍍 𑌕𑍍𑌰𑍁𑌦𑍍𑌧𑌸𑍍𑌤𑍁 𑌕𑌾𑌕𑍁𑌤𑍍𑌸𑍍𑌥𑍋 𑌵𑌿𑌵𑌶𑌸𑍍𑌤𑍇𑌨 𑌮𑍋𑌹𑌿𑌤𑌃 ।
𑌅𑌥𑌾𑌵𑌤𑌸𑍍𑌥𑍇 𑌸𑌂𑌭𑍍𑌰𑌾𑌂𑌤𑌶𑍍𑌚𑌾𑌯𑌾𑌮𑌾𑌶𑍍𑌰𑌿𑌤𑍍𑌯 𑌶𑌾𑌦𑍍𑌵𑌲𑍇 ॥ 𑍯 ॥

𑌸 𑌤𑌮𑍁𑌨𑍍𑌮𑌾𑌦𑌯𑌾𑌮𑌾𑌸 𑌮𑍃𑌗𑌰𑍂𑌪𑍋 𑌨𑌿𑌶𑌾𑌚𑌰𑌃 ।
𑌮𑍃𑌗𑍈𑌃 𑌪𑌰𑌿𑌵𑍃𑌤𑍋 𑌵𑌨𑍍𑌯𑍈𑌰𑌦𑍂𑌰𑌾𑌤𑍍𑌪𑍍𑌰𑌤𑍍𑌯𑌦𑍃𑌶𑍍𑌯𑌤 ॥ 10 ॥

𑌗𑍃𑌹𑍀𑌤𑍁𑌕𑌾𑌮𑌂 𑌦𑍃𑌷𑍍𑌟𑍍𑌵𑍈𑌵𑌂 𑌪𑍁𑌨𑌰𑍇𑌵𑌾𑌭𑍍𑌯𑌧𑌾𑌵𑌤 ।
𑌤𑌤𑍍𑌕𑍍𑌷𑌣𑌾𑌦𑍇𑌵 𑌸𑌂𑌤𑍍𑌰𑌾𑌸𑌾𑌤𑍍𑌪𑍁𑌨𑌰𑌂𑌤𑌰𑍍𑌹𑌿𑌤𑍋𑌽𑌭𑌵𑌤𑍍 ॥ 11 ॥

𑌪𑍁𑌨𑌰𑍇𑌵 𑌤𑌤𑍋 𑌦𑍂𑌰𑌾𑌦𑍍𑌵𑍃𑌕𑍍𑌷𑌷𑌂𑌡𑌾𑌦𑍍𑌵𑌿𑌨𑌿𑌸𑍍𑌸𑍃𑌤𑌮𑍍 ।
𑌦𑍃𑌷𑍍𑌟𑍍𑌵𑌾 𑌰𑌾𑌮𑍋 𑌮𑌹𑌾𑌤𑍇𑌜𑌾𑌸𑍍𑌤𑌂 𑌹𑌂𑌤𑍁𑌂 𑌕𑍃𑌤𑌨𑌿𑌶𑍍𑌚𑌯𑌃 ॥ 12 ॥

𑌭𑍂𑌯𑌸𑍍𑌤𑍁 𑌶𑌰𑌮𑍁𑌦𑍍𑌧𑍃𑌤𑍍𑌯 𑌕𑍁𑌪𑌿𑌤𑌸𑍍𑌤𑌤𑍍𑌰 𑌰𑌾𑌘𑌵𑌃 ।
𑌸𑍂𑌰𑍍𑌯𑌰𑌶𑍍𑌮𑌿𑌪𑍍𑌰𑌤𑍀𑌕𑌾𑌶𑌂 𑌜𑍍𑌵𑌲𑌂𑌤𑌮𑌰𑌿𑌮𑌰𑍍𑌦𑌨𑌃 ॥ 13 ॥

𑌸𑌂𑌧𑌾𑌯 𑌸𑍁𑌦𑍃𑌢𑍇 𑌚𑌾𑌪𑍇 𑌵𑌿𑌕𑍃𑌷𑍍𑌯 𑌬𑌲𑌵𑌦𑍍𑌬𑌲𑍀 ।
𑌤𑌮𑍇𑌵 𑌮𑍃𑌗𑌮𑍁𑌦𑍍𑌦𑌿𑌶𑍍𑌯 𑌶𑍍𑌵𑌸𑌂𑌤𑌮𑌿𑌵 𑌪𑌨𑍍𑌨𑌗𑌮𑍍 ॥ 14 ॥

𑌮𑍁𑌮𑍋𑌚 𑌜𑍍𑌵𑌲𑌿𑌤𑌂 𑌦𑍀𑌪𑍍𑌤𑌮𑌸𑍍𑌤𑍍𑌰𑌂 𑌬𑍍𑌰𑌹𑍍𑌮𑌵𑌿𑌨𑌿𑌰𑍍𑌮𑌿𑌤𑌮𑍍 ।
𑌶𑌰𑍀𑌰𑌂 𑌮𑍃𑌗𑌰𑍂𑌪𑌸𑍍𑌯 𑌵𑌿𑌨𑌿𑌰𑍍𑌭𑌿𑌦𑍍𑌯 𑌶𑌰𑍋𑌤𑍍𑌤𑌮𑌃 ॥ 15 ॥

𑌮𑌾𑌰𑍀𑌚𑌸𑍍𑌯𑍈𑌵 𑌹𑍃𑌦𑌯𑌂 𑌬𑌿𑌭𑍇𑌦𑌾𑌶𑌨𑌿𑌸𑌨𑍍𑌨𑌿𑌭𑌃 ।
𑌤𑌾𑌲𑌮𑌾𑌤𑍍𑌰𑌮𑌥𑍋𑌤𑍍𑌪𑍍𑌲𑍁𑌤𑍍𑌯 𑌨𑍍𑌯𑌪𑌤𑌤𑍍𑌸𑌶𑌰𑌾𑌤𑍁𑌰𑌃 ॥ 16 ॥

𑌵𑌿𑌨𑌦𑌨𑍍𑌭𑍈𑌰𑌵𑌂 𑌨𑌾𑌦𑌂 𑌧𑌰𑌣𑍍𑌯𑌾𑌮𑌲𑍍𑌪𑌜𑍀𑌵𑌿𑌤𑌃 ।
𑌮𑍍𑌰𑌿𑌯𑌮𑌾𑌣𑌸𑍍𑌤𑍁 𑌮𑌾𑌰𑍀𑌚𑍋 𑌜𑌹𑍌 𑌤𑌾𑌂 𑌕𑍃𑌤𑍍𑌰𑌿𑌮𑌾𑌂 𑌤𑌨𑍁𑌮𑍍 ॥ 1𑍭 ॥

𑌸𑍍𑌮𑍃𑌤𑍍𑌵𑌾 𑌤𑌦𑍍𑌵𑌚𑌨𑌂 𑌰𑌕𑍍𑌷𑍋 𑌦𑌧𑍍𑌯𑍌 𑌕𑍇𑌨 𑌤𑍁 𑌲𑌕𑍍𑌷𑍍𑌮𑌣𑌮𑍍 ।
𑌇𑌹 𑌪𑍍𑌰𑌸𑍍𑌥𑌾𑌪𑌯𑍇𑌤𑍍𑌸𑍀𑌤𑌾 𑌶𑍂𑌨𑍍𑌯𑍇 𑌤𑌾𑌂 𑌰𑌾𑌵𑌣𑍋 𑌹𑌰𑍇𑌤𑍍 ॥ 1𑍮 ॥

𑌸 𑌪𑍍𑌰𑌾𑌪𑍍𑌤𑌕𑌾𑌲𑌮𑌾𑌜𑍍𑌞𑌾𑌯 𑌚𑌕𑌾𑌰 𑌚 𑌤𑌤 𑌸𑍍𑌵𑌨𑌮𑍍 ।
𑌸𑌦𑍃𑌶𑌂 𑌰𑌾𑌘𑌵𑌸𑍍𑌯𑍇𑌹 𑌹𑌾 𑌸𑍀𑌤𑍇 𑌲𑌕𑍍𑌷𑍍𑌮𑌣𑍇𑌤𑌿 𑌚 ॥ 1𑍯 ॥

𑌤𑍇𑌨 𑌮𑌰𑍍𑌮𑌣𑌿 𑌨𑌿𑌰𑍍𑌵𑌿𑌦𑍍𑌧𑌂 𑌶𑌰𑍇𑌣𑌾𑌨𑍁𑌪𑌮𑍇𑌨 𑌹𑌿 ।
𑌮𑍃𑌗𑌰𑍂𑌪𑌂 𑌤𑍁 𑌤𑌤𑍍𑌤𑍍𑌯𑌕𑍍𑌤𑍍𑌵𑌾 𑌰𑌾𑌕𑍍𑌷𑌸𑌂 𑌰𑍂𑌪𑌮𑌾𑌸𑍍𑌥𑌿𑌤𑌃 ॥ 20 ॥

𑌚𑌕𑍍𑌰𑍇 𑌸 𑌸𑍁𑌮𑌹𑌾𑌕𑌾𑌯𑌂 𑌮𑌾𑌰𑍀𑌚𑍋 𑌜𑍀𑌵𑌿𑌤𑌂 𑌤𑍍𑌯𑌜𑌨𑍍 ।
𑌤𑌂 𑌦𑍃𑌷𑍍𑌟𑍍𑌵𑌾 𑌪𑌤𑌿𑌤𑌂 𑌭𑍂𑌮𑍌 𑌰𑌾𑌕𑍍𑌷𑌸𑌂 𑌘𑍋𑌰𑌦𑌰𑍍𑌶𑌨𑌮𑍍 ॥ 21 ॥

𑌰𑌾𑌮𑍋 𑌰𑍁𑌧𑌿𑌰𑌸𑌿𑌕𑍍𑌤𑌾𑌂𑌗𑌂 𑌚𑍇𑌷𑍍𑌟𑌮𑌾𑌨𑌂 𑌮𑌹𑍀𑌤𑌲𑍇 ।
𑌜𑌗𑌾𑌮 𑌮𑌨𑌸𑌾 𑌸𑍀𑌤𑌾𑌂 𑌲𑌕𑍍𑌷𑍍𑌮𑌣𑌸𑍍𑌯 𑌵𑌚𑌸𑍍𑌸𑍍𑌮𑌰𑌨𑍍 ॥ 22 ॥

𑌮𑌾𑌰𑍀𑌚𑌸𑍍𑌯 𑌤𑍁 𑌮𑌾𑌯𑍈𑌷𑌾 𑌪𑍂𑌰𑍍𑌵𑍋𑌕𑍍𑌤𑌂 𑌲𑌕𑍍𑌷𑍍𑌮𑌣𑍇𑌨 𑌤𑍁 ।
𑌤𑌤𑍍𑌤𑌥𑌾 𑌹𑍍𑌯𑌭𑌵𑌚𑍍𑌚𑌾𑌦𑍍𑌯 𑌮𑌾𑌰𑍀𑌚𑍋𑌽𑌯𑌂 𑌮𑌯𑌾 𑌹𑌤𑌃 ॥ 23 ॥

𑌹𑌾 𑌸𑍀𑌤𑍇 𑌲𑌕𑍍𑌷𑍍𑌮𑌣𑍇𑌤𑍍𑌯𑍇𑌵𑌮𑌾𑌕𑍍𑌰𑍁𑌶𑍍𑌯 𑌚 𑌮𑌹𑌾𑌸𑍍𑌵𑌰𑌮𑍍 ।
𑌮𑌮𑌾𑌰 𑌰𑌾𑌕𑍍𑌷𑌸𑌸𑍍𑌸𑍋𑌽𑌯𑌂 𑌶𑍍𑌰𑍁𑌤𑍍𑌵𑌾 𑌸𑍀𑌤𑌾 𑌕𑌥𑌂 𑌭𑌵𑍇𑌤𑍍 ॥ 24 ॥

𑌲𑌕𑍍𑌷𑍍𑌮𑌣𑌶𑍍𑌚 𑌮𑌹𑌾𑌬𑌾𑌹𑍁𑌃 𑌕𑌾𑌮𑌵𑌸𑍍𑌥𑌾𑌂 𑌗𑌮𑌿𑌷𑍍𑌯𑌤𑌿 ।
𑌇𑌤𑌿 𑌸𑌂𑌚𑌿𑌂𑌤𑍍𑌯 𑌧𑌰𑍍𑌮𑌾𑌤𑍍𑌮𑌾 𑌰𑌾𑌮𑍋 𑌹𑍃𑌷𑍍𑌟𑌤𑌨𑍂𑌰𑍁𑌹𑌃 ॥ 25 ॥

𑌤𑌤𑍍𑌰 𑌰𑌾𑌮𑌂 𑌭𑌯𑌂 𑌤𑍀𑌵𑍍𑌰𑌮𑌾𑌵𑌿𑌵𑍇𑌶 𑌵𑌿𑌷𑌾𑌦𑌜𑌮𑍍 ।
𑌰𑌾𑌕𑍍𑌷𑌸𑌂 𑌮𑍃𑌗𑌰𑍂𑌪𑌂 𑌤𑌂 𑌹𑌤𑍍𑌵𑌾 𑌶𑍍𑌰𑍁𑌤𑍍𑌵𑌾 𑌚 𑌤𑌤𑍍𑌸𑍍𑌵𑌰𑌮𑍍 ॥ 26 ॥

𑌨𑌿𑌹𑌤𑍍𑌯 𑌪𑍃𑌷𑌤𑌂 𑌚𑌾𑌨𑍍𑌯𑌂 𑌮𑌾𑌂𑌸𑌮𑌾𑌦𑌾𑌯 𑌰𑌾𑌘𑌵𑌃 ।
𑌤𑍍𑌵𑌰𑌮𑌾𑌣𑍋 𑌜𑌨𑌸𑍍𑌥𑌾𑌨𑌂 𑌸𑌸𑌾𑌰𑌾𑌭𑌿𑌮𑍁𑌖𑌸𑍍𑌤𑌦𑌾 ॥ 2𑍭 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌰𑌣𑍍𑌯𑌕𑌾𑌂𑌡𑍇 𑌚𑌤𑍁𑌶𑍍𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ॥


Browse Related Categories: