Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

5.42 𑌸𑍁𑌂𑌦𑌰𑌕𑌾𑌂𑌡 - 𑌦𑍍𑌵𑌿𑌚𑌤𑍍𑌵𑌾𑌰𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌸𑍁𑌂𑌦𑌰𑌕𑌾𑌂𑌡𑌮𑍍 ।
𑌅𑌥 𑌦𑍍𑌵𑌿𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ।

𑌤𑌤𑌃 𑌪𑌕𑍍𑌷𑌿𑌨𑌿𑌨𑌾𑌦𑍇𑌨 𑌵𑍃𑌕𑍍𑌷𑌭𑌂𑌗𑌸𑍍𑌵𑌨𑍇𑌨 𑌚 ।
𑌬𑌭𑍂𑌵𑍁𑌸𑍍𑌤𑍍𑌰𑌾𑌸𑌸𑌂𑌭𑍍𑌰𑌾𑌂𑌤𑌾𑌸𑍍𑌸𑌰𑍍𑌵𑍇 𑌲𑌂𑌕𑌾𑌨𑌿𑌵𑌾𑌸𑌿𑌨𑌃 ॥ 1 ॥

𑌵𑌿𑌦𑍍𑌰𑍁𑌤𑌾𑌶𑍍𑌚 𑌭𑌯𑌤𑍍𑌰𑌸𑍍𑌤𑌾 𑌵𑌿𑌨𑍇𑌦𑍁𑌰𑍍𑌮𑍃𑌗𑌪𑌕𑍍𑌷𑌿𑌣𑌃 ।
𑌰𑌕𑍍𑌷𑌸𑌾𑌂 𑌚 𑌨𑌿𑌮𑌿𑌤𑍍𑌤𑌾𑌨𑌿 𑌕𑍍𑌰𑍂𑌰𑌾𑌣𑌿 𑌪𑍍𑌰𑌤𑌿𑌪𑍇𑌦𑌿𑌰𑍇 ॥ 2 ॥

𑌤𑌤𑍋 𑌗𑌤𑌾𑌯𑌾𑌂 𑌨𑌿𑌦𑍍𑌰𑌾𑌯𑌾𑌂 𑌰𑌾𑌕𑍍𑌷𑌸𑍍𑌯𑍋 𑌵𑌿𑌕𑍃𑌤𑌾𑌨𑌨𑌾𑌃 ।
𑌤𑌦𑍍𑌵𑌨𑌂 𑌦𑌦𑍃𑌶𑍁𑌰𑍍𑌭𑌗𑍍𑌨𑌂 𑌤𑌂 𑌚 𑌵𑍀𑌰𑌂 𑌮𑌹𑌾𑌕𑌪𑌿𑌮𑍍 ॥ 3 ॥

𑌸 𑌤𑌾 𑌦𑍃𑌷𑍍𑌟𑍍𑌵𑌾 𑌮𑌹𑌾𑌬𑌾𑌹𑍁𑌰𑍍𑌮𑌹𑌾𑌸𑌤𑍍𑌤𑍍𑌵𑍋 𑌮𑌹𑌾𑌬𑌲𑌃 ।
𑌚𑌕𑌾𑌰 𑌸𑍁𑌮𑌹𑌦𑍍𑌰𑍂𑌪𑌂 𑌰𑌾𑌕𑍍𑌷𑌸𑍀𑌨𑌾𑌂 𑌭𑌯𑌾𑌵𑌹𑌮𑍍 ॥ 4 ॥

𑌤𑌤𑌸𑍍𑌤𑌂 𑌗𑌿𑌰𑌿𑌸𑌂𑌕𑌾𑌶𑌮𑌤𑌿𑌕𑌾𑌯𑌂 𑌮𑌹𑌾𑌬𑌲𑌮𑍍 ।
𑌰𑌾𑌕𑍍𑌷𑌸𑍍𑌯𑍋 𑌵𑌾𑌨𑌰𑌂 𑌦𑍃𑌷𑍍𑌟𑍍𑌵𑌾 𑌪𑌪𑍍𑌰𑌚𑍍𑌛𑍁𑌰𑍍𑌜𑌨𑌕𑌾𑌤𑍍𑌮𑌜𑌾𑌮𑍍 ॥ 5 ॥

𑌕𑍋𑌽𑌯𑌂 𑌕𑌸𑍍𑌯 𑌕𑍁𑌤𑍋 𑌵𑌾𑌯𑌂 𑌕𑌿𑌂 𑌨𑌿𑌮𑌿𑌤𑍍𑌤𑌮𑌿𑌹𑌾𑌗𑌤𑌃 ।
𑌕𑌥𑌂 𑌤𑍍𑌵𑌯𑌾 𑌸𑌹𑌾𑌨𑍇𑌨 𑌸𑌂𑌵𑌾𑌦𑌃 𑌕𑍃𑌤 𑌇𑌤𑍍𑌯𑍁𑌤 ॥ 6 ॥

𑌆𑌚𑌕𑍍𑌷𑍍𑌵 𑌨𑍋 𑌵𑌿𑌶𑌾𑌲𑌾𑌕𑍍𑌷𑌿 𑌮𑌾 𑌭𑍂𑌤𑍍𑌤𑍇 𑌸𑍁𑌭𑌗𑍇 𑌭𑌯𑌮𑍍 ।
𑌸𑌂𑌵𑌾𑌦𑌮𑌸𑌿𑌤𑌾𑌪𑌾𑌂𑌗𑍇 𑌤𑍍𑌵𑌯𑌾 𑌕𑌿𑌂 𑌕𑍃𑌤𑌵𑌾𑌨𑌯𑌮𑍍 ॥ 𑍭 ॥

𑌅𑌥𑌾𑌬𑍍𑌰𑌵𑍀𑌨𑍍𑌮𑌹𑌾𑌸𑌾𑌧𑍍𑌵𑍀 𑌸𑍀𑌤𑌾 𑌸𑌰𑍍𑌵𑌾𑌂𑌗𑌸𑍁𑌂𑌦𑌰𑍀 ।
𑌰𑌕𑍍𑌷𑌸𑌾𑌂 𑌭𑍀𑌮𑌰𑍂𑌪𑌾𑌣𑌾𑌂 𑌵𑌿𑌜𑍍𑌞𑌾𑌨𑍇 𑌮𑌮 𑌕𑌾 𑌗𑌤𑌿𑌃 ॥ 𑍮 ॥

𑌯𑍂𑌯𑌮𑍇𑌵𑌾𑌭𑌿𑌜𑌾𑌨𑍀𑌤 𑌯𑍋𑌽𑌯𑌂 𑌯𑌦𑍍𑌵𑌾 𑌕𑌰𑌿𑌷𑍍𑌯𑌤𑌿 ।
𑌅𑌹𑌿𑌰𑍇𑌵 𑌹𑍍𑌯𑌹𑍇𑌃 𑌪𑌾𑌦𑌾𑌨𑍍𑌵𑌿𑌜𑌾𑌨𑌾𑌤𑌿 𑌨 𑌸𑌂𑌶𑌯𑌃 ॥ 𑍯 ॥

𑌅𑌹𑌮𑌪𑍍𑌯𑌸𑍍𑌯 𑌭𑍀𑌤𑌾𑌸𑍍𑌮𑌿 𑌨𑍈𑌨𑌂 𑌜𑌾𑌨𑌾𑌮𑌿 𑌕𑍋 𑌨𑍍𑌵𑌯𑌮𑍍 ।
𑌵𑍇𑌦𑍍𑌮𑌿 𑌰𑌾𑌕𑍍𑌷𑌸𑌮𑍇𑌵𑍈𑌨𑌂 𑌕𑌾𑌮𑌰𑍂𑌪𑌿𑌣𑌮𑌾𑌗𑌤𑌮𑍍 ॥ 10 ॥

𑌵𑍈𑌦𑍇𑌹𑍍𑌯𑌾 𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌰𑌾𑌕𑍍𑌷𑌸𑍍𑌯𑍋 𑌵𑌿𑌦𑍍𑌰𑍁𑌤𑌾 𑌦𑌿𑌶𑌃 ।
𑌸𑍍𑌥𑌿𑌤𑌾𑌃 𑌕𑌾𑌶𑍍𑌚𑌿𑌦𑍍𑌗𑌤𑌾𑌃 𑌕𑌾𑌶𑍍𑌚𑌿𑌦𑍍𑌰𑌾𑌵𑌣𑌾𑌯 𑌨𑌿𑌵𑍇𑌦𑌿𑌤𑍁𑌮𑍍 ॥ 11 ॥

𑌰𑌾𑌵𑌣𑌸𑍍𑌯 𑌸𑌮𑍀𑌪𑍇 𑌤𑍁 𑌰𑌾𑌕𑍍𑌷𑌸𑍍𑌯𑍋 𑌵𑌿𑌕𑍃𑌤𑌾𑌨𑌨𑌾𑌃 ।
𑌵𑌿𑌰𑍂𑌪𑌂 𑌵𑌾𑌨𑌰𑌂 𑌭𑍀𑌮𑌮𑌾𑌖𑍍𑌯𑌾𑌤𑍁𑌮𑍁𑌪𑌚𑌕𑍍𑌰𑌮𑍁𑌃 ॥ 12 ॥

𑌅𑌶𑍋𑌕𑌵𑌨𑌿𑌕𑌾𑌮𑌧𑍍𑌯𑍇 𑌰𑌾𑌜𑌨𑍍𑌭𑍀𑌮𑌵𑌪𑍁𑌃 𑌕𑌪𑌿𑌃 ।
𑌸𑍀𑌤𑌯𑌾 𑌕𑍃𑌤𑌸𑌂𑌵𑌾𑌦𑌸𑍍𑌤𑌿𑌷𑍍𑌠𑌤𑍍𑌯𑌮𑌿𑌤𑌵𑌿𑌕𑍍𑌰𑌮𑌃 ॥ 13 ॥

𑌨 𑌚 𑌤𑌂 𑌜𑌾𑌨𑌕𑍀 𑌸𑍀𑌤𑌾 𑌹𑌰𑌿𑌂 𑌹𑌰𑌿𑌣𑌲𑍋𑌚𑌨𑌾 ।
𑌅𑌸𑍍𑌮𑌾𑌭𑌿𑌰𑍍𑌬𑌹𑍁𑌧𑌾 𑌪𑍃𑌷𑍍𑌟𑌾 𑌨𑌿𑌵𑍇𑌦𑌯𑌿𑌤𑍁𑌮𑌿𑌚𑍍𑌛𑌤𑌿 ॥ 14 ॥

𑌵𑌾𑌸𑌵𑌸𑍍𑌯 𑌭𑌵𑍇𑌦𑍍𑌦𑍂𑌤𑍋 𑌦𑍂𑌤𑍋 𑌵𑍈𑌶𑍍𑌰𑌵𑌣𑌸𑍍𑌯 𑌵𑌾 ।
𑌪𑍍𑌰𑍇𑌷𑌿𑌤𑍋 𑌵𑌾𑌪𑌿 𑌰𑌾𑌮𑍇𑌣 𑌸𑍀𑌤𑌾𑌨𑍍𑌵𑍇𑌷𑌣𑌕𑌾𑌂𑌕𑍍𑌷𑌯𑌾 ॥ 15 ॥

𑌤𑍇𑌨 𑌤𑍍𑌵𑌦𑍍𑌭𑍁𑌤𑌰𑍂𑌪𑍇𑌣 𑌯𑌤𑍍𑌤𑌤𑍍𑌤𑌵 𑌮𑌨𑍋𑌹𑌰𑌮𑍍 ।
𑌨𑌾𑌨𑌾𑌮𑍃𑌗𑌗𑌣𑌾𑌕𑍀𑌰𑍍𑌣𑌂 𑌪𑍍𑌰𑌮𑍃𑌷𑍍𑌟𑌂 𑌪𑍍𑌰𑌮𑌦𑌾𑌵𑌨𑌮𑍍 ॥ 16 ॥

𑌨 𑌤𑌤𑍍𑌰 𑌕𑌶𑍍𑌚𑌿𑌦𑍁𑌦𑍍𑌦𑍇𑌶𑍋 𑌯𑌸𑍍𑌤𑍇𑌨 𑌨 𑌵𑌿𑌨𑌾𑌶𑌿𑌤𑌃 ।
𑌯𑌤𑍍𑌰 𑌸𑌾 𑌜𑌾𑌨𑌕𑍀 𑌸𑍀𑌤𑌾 𑌸 𑌤𑍇𑌨 𑌨 𑌵𑌿𑌨𑌾𑌶𑌿𑌤𑌃 ॥ 1𑍭 ॥

𑌜𑌾𑌨𑌕𑍀𑌰𑌕𑍍𑌷𑌣𑌾𑌰𑍍𑌥𑌂 𑌵𑌾 𑌶𑍍𑌰𑌮𑌾𑌦𑍍𑌵𑌾 𑌨𑍋𑌪𑌲𑌭𑍍𑌯𑌤𑍇 ।
𑌅𑌥𑌵𑌾 𑌕𑌶𑍍𑌶𑍍𑌰𑌮𑌸𑍍𑌤𑌸𑍍𑌯 𑌸𑍈𑌵 𑌤𑍇𑌨𑌾𑌭𑌿𑌰𑌕𑍍𑌷𑌿𑌤𑌾 ॥ 1𑍮 ॥

𑌚𑌾𑌰𑍁𑌪𑌲𑍍𑌲𑌵𑌪𑍁𑌷𑍍𑌪𑌾𑌢𑍍𑌯𑌂 𑌯𑌂 𑌸𑍀𑌤𑌾 𑌸𑍍𑌵𑌯𑌮𑌾𑌸𑍍𑌥𑌿𑌤𑌾 ।
𑌪𑍍𑌰𑌵𑍃𑌦𑍍𑌧𑌶𑍍𑌶𑌿𑌂𑌶𑍁𑌪𑌾𑌵𑍃𑌕𑍍𑌷 𑌸𑍍𑌸 𑌚 𑌤𑍇𑌨𑌾𑌭𑌿𑌰𑌕𑍍𑌷𑌿𑌤𑌃 ॥ 1𑍯 ॥

𑌤𑌸𑍍𑌯𑍋𑌗𑍍𑌰𑌰𑍂𑌪𑌸𑍍𑌯𑍋𑌗𑍍𑌰 𑌤𑍍𑌵𑌂 𑌦𑌂𑌡𑌮𑌾𑌜𑍍𑌞𑌾𑌤𑍁𑌮𑌰𑍍𑌹𑌸𑌿 ।
𑌸𑍀𑌤𑌾 𑌸𑌂𑌭𑌾𑌷𑌿𑌤𑌾 𑌯𑍇𑌨 𑌤𑌦𑍍𑌵𑌨𑌂 𑌚 𑌵𑌿𑌨𑌾𑌶𑌿𑌤𑌮𑍍 ॥ 20 ॥

𑌮𑌨𑌃 𑌪𑌰𑌿𑌗𑍃𑌹𑍀𑌤𑌾𑌂 𑌤𑌾𑌂 𑌤𑌵 𑌰𑌕𑍍𑌷𑍋𑌗𑌣𑍇𑌶𑍍𑌵𑌰 ।
𑌕𑌸𑍍𑌸𑍀𑌤𑌾𑌮𑌭𑌿𑌭𑌾𑌷𑍇𑌤 𑌯𑍋 𑌨 𑌸𑍍𑌯𑌾𑌤𑍍𑌤𑍍𑌯𑌕𑍍𑌤𑌜𑍀𑌵𑌿𑌤𑌃 ॥ 21 ॥

𑌰𑌾𑌕𑍍𑌷𑌸𑍀𑌨𑌾𑌂 𑌵𑌚𑌶𑍍𑌤𑍍𑌰𑍁𑌤𑍍𑌵𑌾 𑌰𑌾𑌵𑌣𑍋 𑌰𑌾𑌕𑍍𑌷𑌸𑍇𑌶𑍍𑌵𑌰𑌃 ।
𑌹𑍁𑌤𑌾𑌗𑍍𑌨𑌿𑌰𑌿𑌵 𑌜𑌜𑍍𑌵𑌾𑌲 𑌕𑍋𑌪𑌸𑌂𑌵𑌰𑍍𑌤𑌿𑌤𑍇𑌕𑍍𑌷𑌣𑌃 ॥ 22 ॥

𑌤𑌸𑍍𑌯 𑌕𑍍𑌰𑍁𑌦𑍍𑌧𑌸𑍍𑌯 𑌨𑍇𑌤𑍍𑌰𑌾𑌭𑍍𑌯𑌾𑌂 𑌪𑍍𑌰𑌾𑌪𑌤𑌨𑍍𑌨𑌾𑌸𑍍𑌰𑌬𑌿𑌂𑌦𑌵𑌃 ।
𑌦𑍀𑌪𑍍𑌤𑌾𑌭𑍍𑌯𑌾𑌮𑌿𑌵 𑌦𑍀𑌪𑌾𑌭𑍍𑌯𑌾𑌂 𑌸𑌾𑌰𑍍𑌚𑌿𑌷 𑌸𑍍𑌸𑍍𑌨𑍇𑌹𑌬𑌿𑌂𑌦𑌵𑌃 ॥ 23 ॥

𑌆𑌤𑍍𑌮𑌨𑌸𑍍𑌸𑌦𑍃𑌶𑌾𑌨𑍍𑌶𑍂𑌰𑌾𑌨𑍍𑌕𑌿𑌂𑌕𑌰𑌾𑌨𑍍𑌨𑌾𑌮 𑌰𑌾𑌕𑍍𑌷𑌸𑌾𑌨𑍍 ।
𑌵𑍍𑌯𑌾𑌦𑌿𑌦𑍇𑌶 𑌮𑌹𑌾𑌤𑍇𑌜𑌾 𑌨𑌿𑌗𑍍𑌰𑌹𑌾𑌰𑍍𑌥𑌂 𑌹𑌨𑍂𑌮𑌤𑌃 ॥ 24 ॥

𑌤𑍇𑌷𑌾𑌮𑌶𑍀𑌤𑌿𑌸𑌾𑌹𑌸𑍍𑌰𑌂 𑌕𑌿𑌂𑌕𑌰𑌾𑌣𑌾𑌂 𑌤𑌰𑌸𑍍𑌵𑌿𑌨𑌾𑌮𑍍 ।
𑌨𑌿𑌰𑍍𑌯𑌯𑍁𑌰𑍍𑌭𑌵𑌨𑌾𑌤𑍍𑌤𑌸𑍍𑌮𑌾𑌤𑍍𑌕𑍂𑌟𑌮𑍁𑌦𑍍𑌗𑌰𑌪𑌾𑌣𑌯𑌃 ॥ 25 ॥

𑌮𑌹𑍋𑌦𑌰𑌾 𑌮𑌹𑌾𑌦𑌂𑌷𑍍𑌟𑍍𑌰𑌾 𑌘𑍋𑌰𑌰𑍂𑌪𑌾 𑌮𑌹𑌾𑌬𑌲𑌾𑌃 ।
𑌯𑍁𑌦𑍍𑌧𑌾𑌭𑌿𑌮𑌨𑌸𑌸𑍍𑌸𑌰𑍍𑌵𑍇 𑌹𑌨𑍁𑌮𑌦𑍍𑌗𑍍𑌰𑌹𑌣𑍋𑌦𑍍𑌯𑌤𑌾𑌃 ॥ 26 ॥

𑌤𑍇 𑌕𑌪𑍀𑌂𑌦𑍍𑌰𑌂 𑌸𑌮𑌾𑌸𑌾𑌦𑍍𑌯 𑌤𑍋𑌰𑌣𑌸𑍍𑌥𑌮𑌵𑌸𑍍𑌥𑌿𑌤𑌮𑍍 ।
𑌅𑌭𑌿𑌪𑍇𑌤𑍁𑌰𑍍𑌮𑌹𑌾𑌵𑍇𑌗𑌾𑌃 𑌪𑌤𑌂𑌗𑌾 𑌇𑌵 𑌪𑌾𑌵𑌕𑌮𑍍 ॥ 2𑍭 ॥

𑌤𑍇 𑌗𑌦𑌾𑌭𑌿𑌰𑍍𑌵𑌿𑌚𑌿𑌤𑍍𑌰𑌾𑌭𑌿𑌃 𑌪𑌰𑌿𑌘𑍈𑌃 𑌕𑌾𑌂𑌚𑌨𑌾𑌂𑌗𑌦𑍈𑌃 ।
𑌆𑌜𑌘𑍍𑌨𑍁𑌰𑍍𑌵𑌾𑌨𑌰𑌶𑍍𑌰𑍇𑌷𑍍𑌠𑌂 𑌶𑌰𑍈𑌶𑍍𑌚𑌾𑌦𑌿𑌤𑍍𑌯𑌸𑌨𑍍𑌨𑌿𑌭𑍈𑌃 ॥ 2𑍮 ॥

𑌮𑍁𑌦𑍍𑌗𑌰𑍈𑌃 𑌪𑌟𑍍𑌟𑌿𑌶𑍈𑌶𑍍𑌶𑍂𑌲𑍈𑌃 𑌪𑍍𑌰𑌾𑌸𑌤𑍋𑌮𑌰𑌶𑌕𑍍𑌤𑌿𑌭𑌿𑌃 ।
𑌪𑌰𑌿𑌵𑌾𑌰𑍍𑌯 𑌹𑌨𑍂𑌮𑌂𑌤𑌂 𑌸𑌹𑌸𑌾 𑌤𑌸𑍍𑌥𑍁𑌰𑌗𑍍𑌰𑌤𑌃 ॥ 2𑍯 ॥

𑌹𑌨𑍁𑌮𑌾𑌨𑌪𑌿 𑌤𑍇𑌜𑌸𑍍𑌵𑍀 𑌶𑍍𑌰𑍀𑌮𑌾𑌨𑍍𑌪𑌰𑍍𑌵𑌤𑌸𑌨𑍍𑌨𑌿𑌭𑌃 ।
𑌕𑍍𑌷𑌿𑌤𑌾𑌵𑌾𑌵𑌿𑌧𑍍𑌯 𑌲𑌾𑌂𑌗𑍂𑌲𑌂 𑌨𑌨𑌾𑌦 𑌚 𑌮𑌹𑌾𑌸𑍍𑌵𑌨𑌮𑍍 ॥ 30 ॥

𑌸 𑌭𑍂𑌤𑍍𑌵𑌾 𑌸𑍁𑌮𑌹𑌾𑌕𑌾𑌯𑍋 𑌹𑌨𑍁𑌮𑌾𑌨𑍍𑌮𑌾𑌰𑍁𑌤𑌾𑌤𑍍𑌮𑌜𑌃 ।
𑌧𑍃𑌷𑍍𑌟𑌮𑌾𑌸𑍍𑌫𑍋𑌟𑌯𑌾𑌮𑌾𑌸 𑌲𑌂𑌕𑌾𑌂 𑌶𑌬𑍍𑌦𑍇𑌨 𑌪𑍂𑌰𑌯𑌨𑍍 ॥ 31 ॥

𑌤𑌸𑍍𑌯𑌾𑌸𑍍𑌫𑍋𑌟𑌿𑌤𑌶𑌬𑍍𑌦𑍇𑌨 𑌮𑌹𑌤𑌾 𑌸𑌾𑌨𑍁𑌨𑌾𑌦𑌿𑌨𑌾 ।
𑌪𑍇𑌤𑍁𑌰𑍍𑌵𑌿𑌹𑌂𑌗𑌾 𑌗𑌗𑌨𑌾𑌦𑍁𑌚𑍍𑌚𑍈𑌶𑍍𑌚𑍇𑌦𑌮𑌘𑍋𑌷𑌯𑌤𑍍 ॥ 32 ॥

𑌜𑌯𑌤𑍍𑌯𑌤𑌿𑌬𑌲𑍋 𑌰𑌾𑌮𑍋 𑌲𑌕𑍍𑌷𑍍𑌮𑌣𑌶𑍍𑌚 𑌮𑌹𑌾𑌬𑌲𑌃 ।
𑌰𑌾𑌜𑌾 𑌜𑌯𑌤𑌿 𑌸𑍁𑌗𑍍𑌰𑍀𑌵𑍋 𑌰𑌾𑌘𑌵𑍇𑌣𑌾𑌭𑌿𑌪𑌾𑌲𑌿𑌤𑌃 ॥ 33 ॥

𑌦𑌾𑌸𑍋𑌽𑌹𑌂 𑌕𑍋𑌸𑌲𑍇𑌂𑌦𑍍𑌰𑌸𑍍𑌯 𑌰𑌾𑌮𑌸𑍍𑌯𑌾𑌕𑍍𑌲𑌿𑌷𑍍𑌟𑌕𑌰𑍍𑌮𑌣𑌃 ।
𑌹𑌨𑍁𑌮𑌾𑌨𑍍𑌶𑌤𑍍𑌰𑍁𑌸𑍈𑌨𑍍𑌯𑌾𑌨𑌾𑌂 𑌨𑌿𑌹𑌂𑌤𑌾 𑌮𑌾𑌰𑍁𑌤𑌾𑌤𑍍𑌮𑌜𑌃 ॥ 34 ॥

𑌨 𑌰𑌾𑌵𑌣𑌸𑌹𑌸𑍍𑌰𑌂 𑌮𑍇 𑌯𑍁𑌦𑍍𑌧𑍇 𑌪𑍍𑌰𑌤𑌿𑌬𑌲𑌂 𑌭𑌵𑍇𑌤𑍍 ।
𑌶𑌿𑌲𑌾𑌭𑌿𑌸𑍍𑌤𑍁 𑌪𑍍𑌰𑌹𑌰𑌤𑌃 𑌪𑌾𑌦𑌪𑍈𑌶𑍍𑌚 𑌸𑌹𑌸𑍍𑌰𑌶𑌃 ॥ 35 ॥

𑌅𑌰𑍍𑌦𑌯𑌿𑌤𑍍𑌵𑌾 𑌪𑍁𑌰𑍀𑌂 𑌲𑌂𑌕𑌾𑌮𑌭𑌿𑌵𑌾𑌦𑍍𑌯 𑌚 𑌮𑍈𑌥𑌿𑌲𑍀𑌮𑍍 ।
𑌸𑌮𑍃𑌦𑍍𑌧𑌾𑌰𑍍𑌥𑍋 𑌗𑌮𑌿𑌷𑍍𑌯𑌾𑌮𑌿 𑌮𑌿𑌷𑌤𑌾𑌂 𑌸𑌰𑍍𑌵𑌰𑌕𑍍𑌷𑌸𑌾𑌮𑍍 ॥ 36 ॥

𑌤𑌸𑍍𑌯 𑌸𑌨𑍍𑌨𑌾𑌦𑌶𑌬𑍍𑌦𑍇𑌨 𑌤𑍇𑌽𑌭𑌵𑌨𑍍𑌭𑌯𑌶𑌂𑌕𑌿𑌤𑌾𑌃 ।
𑌦𑌦𑍃𑌶𑍁𑌶𑍍𑌚 𑌹𑌨𑍂𑌮𑌂𑌤𑌂 𑌸𑌂𑌧𑍍𑌯𑌾𑌮𑍇𑌘𑌮𑌿𑌵𑍋𑌨𑍍𑌨𑌤𑌮𑍍 ॥ 3𑍭 ॥

𑌸𑍍𑌵𑌾𑌮𑌿𑌸𑌂𑌦𑍇𑌶𑌨𑌿𑌶𑍍𑌶𑌂𑌕𑌾𑌸𑍍𑌤𑌤𑌸𑍍𑌤𑍇 𑌰𑌾𑌕𑍍𑌷𑌸𑌾𑌃 𑌕𑌪𑌿𑌮𑍍 ।
𑌚𑌿𑌤𑍍𑌰𑍈𑌃 𑌪𑍍𑌰𑌹𑌰𑌣𑍈𑌰𑍍𑌭𑍀𑌮𑍈𑌰𑌭𑌿𑌪𑍇𑌤𑍁𑌸𑍍𑌤𑌤𑌸𑍍𑌤𑌤𑌃 ॥ 3𑍮 ॥

𑌸 𑌤𑍈𑌃 𑌪𑌰𑌿𑌵𑍃𑌤𑌶𑍍𑌶𑍂𑌰𑍈𑌸𑍍𑌸𑌰𑍍𑌵𑌤𑌸𑍍𑌸𑍁𑌮𑌹𑌾𑌬𑌲𑌃 ।
𑌆𑌸𑌸𑌾𑌦𑌾𑌽𑌯𑌸𑌂 𑌭𑍀𑌮𑌂 𑌪𑌰𑌿𑌘𑌂 𑌤𑍋𑌰𑌣𑌾𑌶𑍍𑌰𑌿𑌤𑌮𑍍 ॥ 3𑍯 ॥

𑌸 𑌤𑌂 𑌪𑌰𑌿𑌘𑌮𑌾𑌦𑌾𑌯 𑌜𑌘𑌾𑌨 𑌰𑌜𑌨𑍀𑌚𑌰𑌾𑌨𑍍 ।
𑌸 𑌪𑌨𑍍𑌨𑌗𑌮𑌿𑌵𑌾𑌦𑌾𑌯 𑌸𑍍𑌫𑍁𑌰𑌂𑌤𑌂 𑌵𑌿𑌨𑌤𑌾𑌸𑍁𑌤𑌃 ॥ 40 ॥

𑌵𑌿𑌚𑌚𑌾𑌰𑌾𑌂𑌬𑌰𑍇 𑌵𑍀𑌰𑌃 𑌪𑌰𑌿𑌗𑍃𑌹𑍍𑌯 𑌚 𑌮𑌾𑌰𑍁𑌤𑌿𑌃 ।
𑌸 𑌹𑌤𑍍𑌵𑌾 𑌰𑌾𑌕𑍍𑌷𑌸𑌾𑌨𑍍𑌵𑍀𑌰𑌾𑌨𑍍𑌕𑌿𑌂𑌕𑌰𑌾𑌨𑍍𑌮𑌾𑌰𑍁𑌤𑌾𑌤𑍍𑌮𑌜𑌃 ॥ 41 ॥

𑌯𑍁𑌦𑍍𑌧𑌾𑌕𑌾𑌂𑌕𑍍𑌷𑍀 𑌪𑍁𑌨𑌰𑍍𑌵𑍀𑌰𑌸𑍍𑌤𑍋𑌰𑌣𑌂 𑌸𑌮𑍁𑌪𑌾𑌶𑍍𑌰𑌿𑌤𑌃 ।
𑌤𑌤𑌸𑍍𑌤𑌸𑍍𑌮𑌾𑌦𑍍𑌭𑌯𑌾𑌨𑍍𑌮𑍁𑌕𑍍𑌤𑌾𑌃 𑌕𑌤𑌿𑌚𑌿𑌤𑍍𑌤𑌤𑍍𑌰 𑌰𑌾𑌕𑍍𑌷𑌸𑌾𑌃 ॥ 42 ॥

𑌨𑌿𑌹𑌤𑌾𑌨𑍍𑌕𑌿𑌂𑌕𑌰𑌾𑌨𑍍𑌸𑌰𑍍𑌵𑌾𑌨𑍍𑌰𑌾𑌵𑌣𑌾𑌯𑌨𑍍𑌯𑌵𑍇𑌦𑌯𑌨𑍍 ।
𑌸 𑌰𑌾𑌕𑍍𑌷𑌸𑌾𑌨𑌾𑌂 𑌨𑌿𑌹𑌤𑌂 𑌮𑌹𑌦𑍍𑌬𑌲𑌂 𑌨𑌿𑌶𑌮𑍍𑌯 𑌰𑌾𑌜𑌾 𑌪𑌰𑌿𑌵𑍃𑌤𑍍𑌤𑌲𑍋𑌚𑌨𑌃 ।
𑌸𑌮𑌾𑌦𑌿𑌦𑍇𑌶𑌾𑌪𑍍𑌰𑌤𑌿𑌮𑌂 𑌪𑌰𑌾𑌕𑍍𑌰𑌮𑍇 𑌪𑍍𑌰𑌹𑌸𑍍𑌤𑌪𑍁𑌤𑍍𑌰𑌂 𑌸𑌮𑌰𑍇 𑌸𑍁𑌦𑍁𑌰𑍍𑌜𑌯𑌮𑍍 ॥ 43 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌸𑍁𑌂𑌦𑌰𑌕𑌾𑌂𑌡𑍇 𑌦𑍍𑌵𑌿𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ॥


Browse Related Categories: