𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑌮𑍍 ।
𑌅𑌥 𑌏𑌕𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ।
𑌸 𑌕𑌾𑌮𑌿𑌨𑌂 𑌦𑍀𑌨𑌮𑌦𑍀𑌨𑌸𑌤𑍍𑌤𑍍𑌵𑌂 𑌶𑍋𑌕𑌾𑌭𑌿𑌪𑌨𑍍𑌨𑌂 𑌸𑌮𑍁𑌦𑍀𑌰𑍍𑌣𑌕𑍋𑌪𑌮𑍍 ।
𑌨𑌰𑍇𑌂𑌦𑍍𑌰𑌸𑍂𑌨𑍁𑌰𑍍𑌨𑌰𑌦𑍇𑌵𑌪𑍁𑌤𑍍𑌰𑌂 𑌰𑌾𑌮𑌾𑌨𑍁𑌜𑌃 𑌪𑍂𑌰𑍍𑌵𑌜𑌮𑌿𑌤𑍍𑌯𑍁𑌵𑌾𑌚 ॥ 1 ॥
𑌨 𑌵𑌾𑌨𑌰𑌃 𑌸𑍍𑌥𑌾𑌸𑍍𑌯𑌤𑌿 𑌸𑌾𑌧𑍁𑌵𑍃𑌤𑍍𑌤𑍇 𑌨 𑌮𑌂𑌸𑍍𑌯𑌤𑍇 𑌕𑌰𑍍𑌮𑌫𑌲𑌾𑌨𑍁𑌷𑌂𑌗𑌾𑌨𑍍 ।
𑌨 𑌭𑍋𑌜𑍍𑌯𑌤𑍇 𑌵𑌾𑌨𑌰𑌰𑌾𑌜𑍍𑌯𑌲𑌕𑍍𑌷𑍍𑌮𑍀𑌂 𑌤𑌥𑌾𑌹𑌿 𑌨𑌾𑌭𑌿𑌕𑍍𑌰𑌮𑌤𑍇𑌽𑌸𑍍𑌯 𑌬𑍁𑌦𑍍𑌧𑌿𑌃 ॥ 2 ॥
𑌮𑌤𑌿𑌕𑍍𑌷𑌯𑌾𑌦𑍍𑌗𑍍𑌰𑌾𑌮𑍍𑌯𑌸𑍁𑌖𑍇𑌷𑍁 𑌸𑌕𑍍𑌤 𑌸𑍍𑌤𑌵 𑌪𑍍𑌰𑌸𑌾𑌦𑌾𑌪𑍍𑌰𑌤𑌿𑌕𑌾𑌰𑌬𑍁𑌦𑍍𑌧𑌿𑌃 ।
𑌹𑌤𑍋𑌽𑌗𑍍𑌰𑌜𑌂 𑌪𑌶𑍍𑌯𑌤𑍁 𑌵𑍀𑌰 𑌤𑌸𑍍𑌯 𑌨 𑌰𑌾𑌜𑍍𑌯𑌮𑍇𑌵𑌂 𑌵𑌿𑌗𑍁𑌣𑌸𑍍𑌯 𑌦𑍇𑌯𑌮𑍍 ॥ 3 ॥
𑌨 𑌧𑌾𑌰𑌯𑍇 𑌕𑍋𑌪𑌮𑍁𑌦𑍀𑌰𑍍𑌣𑌵𑍇𑌗𑌂 𑌨𑌿𑌹𑌨𑍍𑌮𑌿 𑌸𑍁𑌗𑍍𑌰𑍀𑌵𑌮𑌸𑌤𑍍𑌯𑌮𑌦𑍍𑌯 ।
𑌹𑌰𑌿𑌪𑍍𑌰𑌵𑍀𑌰𑍈𑌸𑍍𑌸𑌹 𑌵𑌾𑌲𑌿𑌪𑍁𑌤𑍍𑌰𑍋 𑌨𑌰𑍇𑌂𑌦𑍍𑌰𑌪𑌤𑍍𑌨𑍍𑌯𑌾 𑌵𑌿𑌚𑌯𑌂 𑌕𑌰𑍋𑌤𑍁 ॥ 4 ॥
𑌤𑌮𑌾𑌤𑍍𑌤𑌬𑌾𑌣𑌾𑌸𑌨𑌮𑍁𑌤𑍍𑌪𑌤𑌂𑌤𑌂 𑌨𑌿𑌵𑍇𑌦𑌿𑌤𑌾𑌰𑍍𑌥𑌂 𑌰𑌣𑌚𑌂𑌡𑌕𑍋𑌪𑌮𑍍 ।
𑌉𑌵𑌾𑌚 𑌰𑌾𑌮𑌃 𑌪𑌰𑌵𑍀𑌰𑌹𑌂𑌤𑌾 𑌸𑍍𑌵𑌵𑍇𑌕𑍍𑌷𑌿𑌤𑌂 𑌸𑌾𑌨𑍁𑌨𑌯𑌂 𑌚 𑌵𑌾𑌕𑍍𑌯𑌮𑍍 ॥ 5 ॥
𑌨 𑌹𑌿 𑌵𑍈 𑌤𑍍𑌵𑌦𑍍𑌵𑌿𑌧𑍋 𑌲𑍋𑌕𑍇 𑌪𑌾𑌪𑌮𑍇𑌵𑌂 𑌸𑌮𑌾𑌚𑌰𑍇𑌤𑍍 ।
𑌪𑌾𑌪𑌮𑌾𑌰𑍍𑌯𑍇𑌣 𑌯𑍋 𑌹𑌂𑌤𑌿 𑌸 𑌵𑍀𑌰𑌃 𑌪𑍁𑌰𑍁𑌷𑍋𑌤𑍍𑌤𑌮𑌃 ॥ 6 ॥
𑌨𑍇𑌦𑌮𑌤𑍍𑌰 𑌤𑍍𑌵𑌯𑌾 𑌗𑍍𑌰𑌾𑌹𑍍𑌯𑌂 𑌸𑌾𑌧𑍁𑌵𑍃𑌤𑍍𑌤𑍇𑌨 𑌲𑌕𑍍𑌷𑍍𑌮𑌣 ।
𑌤𑌾𑌂 𑌪𑍍𑌰𑍀𑌤𑌿𑌮𑌨𑍁𑌵𑌰𑍍𑌤𑌸𑍍𑌵 𑌪𑍂𑌰𑍍𑌵𑌵𑍃𑌤𑍍𑌤𑌂 𑌚 𑌸𑌂𑌗𑌤𑌮𑍍 ॥ ॥
𑌸𑌾𑌮𑍋𑌪𑌹𑌿𑌤𑌯𑌾 𑌵𑌾𑌚𑌾 𑌰𑍂𑌕𑍍𑌷𑌾𑌣𑌿 𑌪𑌰𑌿𑌵𑌰𑍍𑌜𑌯𑌨𑍍 ।
𑌵𑌕𑍍𑌤𑍁𑌮𑌰𑍍𑌹𑌸𑌿 𑌸𑍁𑌗𑍍𑌰𑍀𑌵𑌂 𑌵𑍍𑌯𑌤𑍀𑌤𑌂 𑌕𑌾𑌲𑌪𑌰𑍍𑌯𑌯𑍇 ॥ ॥
𑌸𑍋𑌽𑌗𑍍𑌰𑌜𑍇𑌨𑌾𑌨𑍁𑌶𑌿𑌷𑍍𑌟𑌾𑌰𑍍𑌥𑍋 𑌯𑌥𑌾𑌵𑌤𑍍𑌪𑍁𑌰𑍁𑌷𑌰𑍍𑌷𑌭𑌃 ।
𑌪𑍍𑌰𑌵𑌿𑌵𑍇𑌶 𑌪𑍁𑌰𑍀𑌂 𑌵𑍀𑌰𑍋 𑌲𑌕𑍍𑌷𑍍𑌮𑌣𑌃 𑌪𑌰𑌵𑍀𑌰𑌹𑌾 ॥ ॥
𑌤𑌤𑌶𑍍𑌶𑍁𑌭𑌮𑌤𑌿𑌃 𑌪𑍍𑌰𑌾𑌜𑍍𑌞𑍋 𑌭𑍍𑌰𑌾𑌤𑍁𑌃 𑌪𑍍𑌰𑌿𑌯𑌹𑌿𑌤𑍇 𑌰𑌤𑌃 ।
𑌲𑌕𑍍𑌷𑍍𑌮𑌣𑌃 𑌪𑍍𑌰𑌤𑌿𑌸𑌂𑌰𑌬𑍍𑌧𑍋 𑌜𑌗𑌾𑌮 𑌭𑌵𑌨𑌂 𑌕𑌪𑍇𑌃 ॥ 10 ॥
𑌶𑌕𑍍𑌰𑌬𑌾𑌣𑌾𑌸𑌨𑌪𑍍𑌰𑌖𑍍𑌯𑌂 𑌧𑌨𑍁𑌃 𑌕𑌾𑌲𑌾𑌂𑌤𑌕𑍋𑌪𑌮𑌃 ।
𑌪𑍍𑌰𑌗𑍃𑌹𑍍𑌯 𑌗𑌿𑌰𑌿𑌶𑍃𑌂𑌗𑌾𑌭𑌂 𑌮𑌂𑌦𑌰𑌃 𑌸𑌾𑌨𑍁𑌮𑌾𑌨𑌿𑌵 ॥ 11 ॥
𑌯𑌥𑍋𑌕𑍍𑌤𑌕𑌾𑌰𑍀 𑌵𑌚𑌨𑌮𑍁𑌤𑍍𑌤𑌰𑌂 𑌚𑍈𑌵 𑌸𑍋𑌤𑍍𑌤𑌰𑌮𑍍 ।
𑌬𑍃𑌹𑌸𑍍𑌪𑌤𑌿𑌸𑌮𑍋 𑌬𑍁𑌦𑍍𑌧𑍍𑌯𑌾 𑌮𑌤𑍍𑌵𑌾 𑌰𑌾𑌮𑌾𑌨𑍁𑌜𑌸𑍍𑌤𑌦𑌾 ॥ 12 ॥
𑌕𑌾𑌮𑌕𑍍𑌰𑍋𑌧𑌸𑌮𑍁𑌤𑍍𑌥𑍇𑌨 𑌭𑍍𑌰𑌾𑌤𑍁𑌃 𑌕𑍋𑌪𑌾𑌗𑍍𑌨𑌿𑌨𑌾 𑌵𑍃𑌤𑌃 ।
𑌪𑍍𑌰𑌭𑌂𑌜𑌨 𑌇𑌵𑌾𑌪𑍍𑌰𑍀𑌤𑌃 𑌪𑍍𑌰𑌯𑌯𑍌 𑌲𑌕𑍍𑌷𑍍𑌮𑌣𑌸𑍍𑌤𑌦𑌾 ॥ 13 ॥
𑌸𑌾𑌲𑌤𑌾𑌲𑌾𑌶𑍍𑌵𑌕𑌰𑍍𑌣𑌾𑌂𑌶𑍍𑌚 𑌤𑌰𑌸𑌾 𑌪𑌾𑌤𑌯𑌨𑍍𑌬𑌹𑍂𑌨𑍍 ।
𑌪𑌰𑍍𑌯𑌸𑍍𑌯𑌨𑍍𑌗𑌿𑌰𑌿𑌕𑍂𑌟𑌾𑌨𑌿 𑌦𑍍𑌰𑍁𑌮𑌾𑌨𑌨𑍍𑌯𑌾𑌂𑌶𑍍𑌚 𑌵𑍇𑌗𑌤𑌃 ॥ 14 ॥
𑌶𑌿𑌲𑌾𑌶𑍍𑌚 𑌶𑌕𑌲𑍀𑌕𑍁𑌰𑍍𑌵𑌨𑍍𑌪𑌦𑍍𑌭𑍍𑌯𑌾𑌂 𑌗𑌜 𑌇𑌵𑌾𑌶𑍁𑌗𑌃 ।
𑌦𑍂𑌰𑌾𑌮𑍇𑌕𑌪𑌦𑌂 𑌤𑍍𑌯𑌕𑍍𑌤𑍍𑌵𑌾 𑌯𑌯𑍌 𑌕𑌾𑌰𑍍𑌯𑌵𑌶𑌾𑌦𑍍𑌦𑍍𑌰𑍁𑌤𑌮𑍍 ॥ 15 ॥
𑌤𑌾𑌮𑌪𑌶𑍍𑌯𑌦𑍍𑌬𑌲𑌾𑌕𑍀𑌰𑍍𑌣𑌾𑌂 𑌹𑌰𑌿𑌰𑌾𑌜𑌮𑌹𑌾𑌪𑍁𑌰𑍀𑌮𑍍 ।
𑌦𑍁𑌰𑍍𑌗𑌾𑌮𑌿𑌕𑍍𑌷𑍍𑌵𑌾𑌕𑍁𑌶𑌾𑌰𑍍𑌦𑍂𑌲𑌃 𑌕𑌿𑌷𑍍𑌕𑌿𑌂𑌧𑌾𑌂 𑌗𑌿𑌰𑌿𑌸𑌂𑌗𑌟𑍇 ॥ 16 ॥
𑌰𑍋𑌷𑌾𑌤𑍍𑌪𑍍𑌰𑌸𑍍𑌫𑍁𑌰𑌮𑌾𑌣𑍋𑌷𑍍𑌠 𑌸𑍍𑌸𑍁𑌗𑍍𑌰𑍀𑌵𑌂 𑌪𑍍𑌰𑌤𑌿 𑌲𑌕𑍍𑌷𑍍𑌮𑌣𑌃 ।
𑌦𑌦𑌰𑍍𑌶 𑌵𑌾𑌨𑌰𑌾𑌨𑍍𑌭𑍀𑌮𑌾𑌕𑌨𑌿𑌷𑍍𑌕𑌿𑌂𑌧𑌾𑌯𑌾 𑌬𑌹𑌿𑌶𑍍𑌚𑌰𑌾𑌨𑍍 ॥ 1 ॥
𑌤𑌂 𑌦𑍃𑌷𑍍𑌟𑍍𑌵𑌾 𑌵𑌾𑌨𑌰𑌾𑌸𑍍𑌸𑌰𑍍𑌵𑍇 𑌲𑌕𑍍𑌷𑍍𑌮𑌣𑌂 𑌪𑍁𑌰𑍁𑌷𑌰𑍍𑌷𑌭𑌮𑍍 ।
𑌶𑍈𑌲𑌶𑍃𑌂𑌗𑌾𑌣𑌿 𑌶𑌤𑌶𑌃 𑌪𑍍𑌰𑌵𑍃𑌦𑍍𑌧𑌾𑌂𑌶𑍍𑌚 𑌮𑌹𑍀𑌰𑍁𑌹𑌾𑌨𑍍 ॥ 1 ॥
𑌜𑌗𑍃𑌹𑍁𑌃 𑌕𑍁𑌂𑌜𑌰𑌪𑍍𑌰𑌖𑍍𑌯𑌾 𑌵𑌾𑌨𑌰𑌾𑌃 𑌪𑌰𑍍𑌵𑌤𑌾𑌂𑌤𑌰𑍇 ।
𑌤𑌾𑌨𑍍𑌗𑍃𑌹𑍀𑌤𑌪𑍍𑌰𑌹𑌰𑌣𑌾𑌨𑍍𑌸𑌰𑍍𑌵𑌾𑌂𑌦𑍃𑌷𑍍𑌟𑍍𑌵𑌾 𑌤𑍁 𑌲𑌕𑍍𑌷𑍍𑌮𑌣𑌃 ॥ 1 ॥
𑌬𑌭𑍂𑌵 𑌦𑍍𑌵𑌿𑌗𑍁𑌣𑌂 𑌕𑍍𑌰𑍁𑌦𑍍𑌧𑍋 𑌬𑌹𑍍𑌵𑌿𑌂𑌧𑌨 𑌇𑌵𑌾𑌨𑌲𑌃 ।
𑌤𑌂 𑌤𑍇 𑌭𑌯𑌪𑌰𑍀𑌤𑌾𑌂𑌗𑌾𑌃 𑌕𑍍𑌰𑍁𑌦𑍍𑌧𑌂 𑌦𑍃𑌷𑍍𑌟𑍍𑌵𑌾 𑌪𑍍𑌲𑌵𑌂𑌗𑌮𑌾𑌃 ॥ 20 ॥
𑌕𑌾𑌲𑌮𑍃𑌤𑍍𑌯𑍁𑌯𑍁𑌗𑌾𑌂𑌤𑌾𑌭𑌂 𑌶𑌤𑌶𑍋 𑌵𑌿𑌦𑍍𑌰𑍁𑌤𑌾 𑌦𑌿𑌶𑌃 ।
𑌤𑌤𑌸𑍍𑌸𑍁𑌗𑍍𑌰𑍀𑌵𑌭𑌵𑌨𑌂 𑌪𑍍𑌰𑌵𑌿𑌶𑍍𑌯 𑌹𑌰𑌿𑌪𑍁𑌂𑌗𑌵𑌾𑌃 ॥ 21 ॥
𑌕𑍍𑌰𑍋𑌧𑌮𑌾𑌗𑌮𑌨𑌂 𑌚𑍈𑌵 𑌲𑌕𑍍𑌷𑍍𑌮𑌣𑌸𑍍𑌯 𑌨𑍍𑌯𑌵𑍇𑌦𑌯𑌨𑍍 ।
𑌤𑌾𑌰𑌯𑌾 𑌸𑌹𑌿𑌤𑌃 𑌕𑌾𑌮𑍀 𑌸𑌕𑍍𑌤𑌃 𑌕𑌪𑌿𑌵𑍃𑌷𑍋 𑌰𑌹𑌃 ॥ 22 ॥
𑌨 𑌤𑍇𑌷𑌾𑌂 𑌕𑌪𑌿𑌵𑍀𑌰𑌾𑌣𑌾𑌂 𑌶𑍁𑌶𑍍𑌰𑌾𑌵 𑌵𑌚𑌨𑌂 𑌤𑌦𑌾 ।
𑌤𑌤𑌸𑍍𑌸𑌚𑌿𑌵𑌸𑌂𑌦𑌿𑌷𑍍𑌟𑌾 𑌹𑌰𑌯𑍋 𑌰𑍋𑌮𑌹𑌰𑍍𑌷𑌣𑌾𑌃 ।
𑌗𑌿𑌰𑌿𑌕𑍁𑌂𑌜𑌰 𑌮𑍇𑌘𑌾𑌭𑌾 𑌨𑌗𑌰𑍍𑌯𑌾 𑌨𑌿𑌰𑍍𑌯𑌯𑍁𑌸𑍍𑌤𑌦𑌾 ॥ 23 ॥
𑌨𑌖𑌦𑌂𑌷𑍍𑌟𑍍𑌰𑌾𑌯𑍁𑌧𑌾 𑌘𑍋𑌰𑌾𑌸𑍍𑌸𑌰𑍍𑌵𑍇 𑌵𑌿𑌕𑍃𑌤𑌦𑌰𑍍𑌶𑌨𑌾𑌃 ॥ 24 ॥
𑌸𑌰𑍍𑌵𑍇 𑌶𑌾𑌰𑍍𑌦𑍂𑌲𑌦𑌰𑍍𑌪𑌾𑌶𑍍𑌚 𑌸𑌰𑍍𑌵𑍇 𑌚 𑌵𑌿𑌕𑍃𑌤𑌾𑌨𑌨𑌾𑌃 ।
𑌦𑌶𑌨𑌾𑌗𑌬𑌲𑌾𑌃 𑌕𑍇𑌚𑌿𑌤𑍍𑌕𑍇𑌚𑌿𑌦𑍍𑌦𑌶𑌗𑍁𑌣𑍋𑌤𑍍𑌤𑌰𑌾𑌃 ॥ 25 ॥
𑌕𑍇𑌚𑌿𑌨𑍍𑌨𑌾𑌗𑌸𑌹𑌸𑍍𑌰𑌸𑍍𑌯 𑌬𑌭𑍂𑌵𑍁𑌸𑍍𑌤𑍁𑌲𑍍𑌯𑌵𑌿𑌕𑍍𑌰𑌮𑌾𑌃 ।
𑌕𑍃𑌤𑍍𑌸𑍍𑌨𑌾𑌂𑌹𑌿 𑌕𑌪𑌿𑌭𑌿𑌰𑍍𑌵𑍍𑌯𑌾𑌪𑍍𑌤𑌾𑌂 𑌦𑍍𑌰𑍁𑌮𑌹𑌸𑍍𑌸𑍈𑌰𑍍𑌮𑌹𑌾𑌬𑌲𑍈𑌃 ॥ 26 ॥
𑌅𑌪𑌶𑍍𑌯𑌲𑍍𑌲𑌕𑍍𑌷𑍍𑌮𑌣𑌃 𑌕𑍍𑌰𑍁𑌦𑍍𑌧𑌃 𑌕𑌿𑌷𑍍𑌕𑌿𑌂𑌧𑌾𑌂 𑌤𑌾𑌂 𑌦𑍁𑌰𑌾𑌸𑌦𑌾𑌮𑍍 ।
𑌤𑌤𑌸𑍍𑌤𑍇 𑌹𑌰𑌯𑌸𑍍𑌸𑌰𑍍𑌵𑍇 𑌪𑍍𑌰𑌾𑌕𑌾𑌰𑌪𑌰𑌿𑌘𑌾𑌂𑌤𑌰𑌾𑌤𑍍 ॥ 2 ॥
𑌨𑌿𑌷𑍍𑌕𑍍𑌰𑌮𑍍𑌯𑍋𑌦𑌗𑍍𑌰𑌸𑌤𑍍𑌤𑍍𑌵𑌾𑌸𑍍𑌤𑍁 𑌤𑌸𑍍𑌥𑍁𑌰𑌾𑌵𑌿𑌷𑍍𑌕𑍃𑌤𑌂 𑌤𑌦𑌾 ।
𑌸𑍁𑌗𑍍𑌰𑍀𑌵𑌸𑍍𑌯 𑌪𑍍𑌰𑌮𑌾𑌦𑌂 𑌚 𑌪𑍂𑌰𑍍𑌵𑌜𑌂 𑌚𑌾𑌰𑍍𑌤𑌮𑌾𑌤𑍍𑌮𑌵𑌾𑌨𑍍 ॥ 2 ॥
𑌬𑍁𑌦𑍍𑌧𑍍𑌵𑌾 𑌕𑍋𑌪𑌵𑌶𑌂 𑌵𑍀𑌰𑌃 𑌪𑍁𑌨𑌰𑍇𑌵 𑌜𑌗𑌾𑌮 𑌸𑌃 ।
𑌸 𑌦𑍀𑌰𑍍𑌘𑍋𑌷𑍍𑌣𑌮𑌹𑍋𑌚𑍍𑌛𑌵𑌾𑌸𑌃 𑌕𑍋𑌪𑌸𑌂𑌰𑌕𑍍𑌤𑌲𑍋𑌚𑌨𑌃 ॥ 2 ॥
𑌬𑌭𑍂𑌵 𑌨𑌰𑌶𑌾𑌰𑍍𑌦𑍂𑌲 𑌸𑍍𑌸𑌧𑍂𑌮 𑌇𑌵 𑌪𑌾𑌵𑌕𑌃 ।
𑌬𑌾𑌣𑌶𑌲𑍍𑌯𑌸𑍍𑌫𑍁𑌰𑌜𑍍𑌜𑌿𑌹𑍍𑌵𑌸𑍍𑌸𑌾𑌯𑌕𑌾𑌸𑌨𑌭𑍋𑌗𑌵𑌾𑌨𑍍 ॥ 30 ॥
𑌸𑍍𑌵𑌤𑍇𑌜𑍋𑌵𑌿𑌷𑌸𑌂𑌘𑌾𑌤𑌃 𑌪𑌂𑌚𑌾𑌸𑍍𑌯 𑌇𑌵 𑌪𑌨𑍍𑌨𑌗𑌃 ।
𑌤𑌂 𑌦𑍀𑌪𑍍𑌤𑌮𑌿𑌵 𑌕𑌾𑌲𑌾𑌗𑍍𑌨𑌿𑌂 𑌨𑌾𑌗𑍇𑌂𑌦𑍍𑌰𑌮𑌿𑌵 𑌕𑍋𑌪𑌿𑌤𑌮𑍍 ॥ 31 ॥
𑌸𑌮𑌾𑌸𑌾𑌦𑍍𑌯𑌾𑌂𑌗𑌦𑌸𑍍𑌤𑍍𑌰𑌾𑌸𑌾𑌦𑍍𑌵𑌿𑌷𑌾𑌦𑌮𑌗𑌮𑌦𑍍𑌭𑍃𑌶𑌮𑍍 ।
𑌸𑍋𑌽𑌂𑌗𑌦𑌂 𑌰𑍋𑌷𑌤𑌾𑌮𑍍𑌰𑌾𑌕𑍍𑌷𑌸𑍍𑌸𑌂𑌦𑌿𑌦𑍇𑌶 𑌮𑌹𑌾𑌯𑌶𑌾𑌃 ॥ 32 ॥
𑌸𑍁𑌗𑍍𑌰𑍀𑌵𑌃 𑌕𑌥𑍍𑌯𑌤𑌾𑌂 𑌵𑌤𑍍𑌸 𑌮𑌮𑌾𑌗𑌮𑌨𑌮𑌿𑌤𑍍𑌯𑍁𑌤 ।
𑌏𑌷 𑌰𑌾𑌮𑌾𑌨𑍁𑌜𑌃 𑌪𑍍𑌰𑌾𑌪𑍍𑌤𑌸𑍍𑌵𑌤𑍍𑌸𑌕𑌾𑌶𑌮𑌰𑌿𑌂𑌦𑌮 ॥ 33 ॥
𑌭𑍍𑌰𑌾𑌤𑍁𑌰𑍍𑌵𑍍𑌯𑌸𑌨𑌸𑌂𑌤𑌪𑍍𑌤𑍋 𑌦𑍍𑌵𑌾𑌰𑌿 𑌤𑌿𑌷𑍍𑌠𑌤𑌿 𑌲𑌕𑍍𑌷𑍍𑌮𑌣𑌃 ।
𑌤𑌸𑍍𑌯 𑌵𑌾𑌕𑍍𑌯𑌂 𑌯𑌦𑌿 𑌰𑍁𑌚𑌿𑌃 𑌕𑍍𑌰𑌿𑌯𑌤𑌾𑌂 𑌸𑌾𑌧𑍁 𑌵𑌾𑌨𑌰 ॥ 34 ॥
𑌇𑌤𑍍𑌯𑍁𑌕𑍍𑌤𑍍𑌵𑌾 𑌶𑍀𑌘𑍍𑌰𑌮𑌾𑌗𑌚𑍍𑌛 𑌵𑌤𑍍𑌸 𑌵𑌾𑌕𑍍𑌯𑌮𑌰𑌿𑌂𑌦𑌮 ।
𑌲𑌕𑍍𑌷𑍍𑌮𑌣𑌸𑍍𑌯 𑌵𑌚𑌃 𑌶𑍍𑌰𑍁𑌤𑍍𑌵𑌾 𑌶𑍋𑌕𑌾𑌵𑌿𑌷𑍍𑌟𑍋𑌽𑌂𑌗𑌦𑍋𑌽𑌬𑍍𑌰𑌵𑍀𑌤𑍍 ।
𑌪𑌿𑌤𑍁𑌸𑍍𑌸𑌮𑍀𑌪𑌮𑌾𑌗𑌮𑍍𑌯 𑌸𑍌𑌮𑌿𑌤𑍍𑌰𑌿𑌰𑌯𑌮𑌾𑌗𑌤𑌃 ॥ 35 ॥
𑌅𑌥𑌾𑌂𑌗𑌦𑌸𑍍𑌤𑌸𑍍𑌯 𑌵𑌚𑍋 𑌨𑌿𑌶𑌮𑍍𑌯 𑌸𑌂𑌭𑍍𑌰𑌾𑌂𑌤𑌭𑌾𑌵𑌃 𑌪𑌰𑌿𑌦𑍀𑌨𑌵𑌕𑍍𑌤𑍍𑌰𑌃 ।
𑌨𑌿𑌪𑌤𑍍𑌯 𑌤𑍂𑌰𑍍𑌣𑌂 𑌨𑍃𑌪𑌤𑍇𑌸𑍍𑌤𑌰𑌸𑍍𑌵𑍀 𑌤𑌤𑌃 𑌰𑍁𑌮𑌾𑌯𑌾𑌶𑍍𑌚𑌰𑌣𑍌 𑌵𑌵𑌂𑌦𑍇 ॥ 36 ॥
𑌸𑌂𑌂𑌗𑍃𑌹𑍍𑌯 𑌪𑌾𑌦𑍌 𑌪𑌿𑌤𑍁𑌰𑌗𑍍𑌰𑍍𑌯𑌤𑍇𑌜𑌾𑌃 𑌜𑌗𑍍𑌰𑌾𑌹 𑌮𑌾𑌤𑍁𑌃 𑌪𑍁𑌨𑌰𑍇𑌵 𑌪𑌾𑌦𑍌 ।
𑌪𑌾𑌦𑍌 𑌰𑍁𑌮𑌾𑌯𑌾𑌶𑍍𑌚 𑌨𑌿𑌪𑍀𑌡𑌯𑌿𑌤𑍍𑌵𑌾 𑌨𑌿𑌵𑍇𑌦𑌯𑌾𑌮𑌾𑌸 𑌤𑌤𑌸𑍍𑌤𑌮𑌰𑍍𑌥𑌮𑍍 ॥ 3 ॥
𑌸 𑌨𑌿𑌦𑍍𑌰𑌾𑌮𑌦𑌸𑌂𑌵𑍀𑌤𑍋 𑌵𑌾𑌨𑌰𑍋 𑌨 𑌵𑌿𑌬𑍁𑌦𑍍𑌧𑌵𑌾𑌨𑍍 ।
𑌬𑌭𑍂𑌵 𑌮𑌦𑌮𑌤𑍍𑌤𑌶𑍍𑌚 𑌮𑌦𑌨𑍇𑌨 𑌚 𑌮𑍋𑌹𑌿𑌤𑌃 ॥ 3 ॥
𑌤𑌤𑌃 𑌕𑌿𑌲𑌕𑌿𑌲𑌾𑌂 𑌚𑌕𑍍𑌰𑍁𑌰𑍍𑌲𑌕𑍍𑌷𑍍𑌮𑌣𑌂 𑌪𑍍𑌰𑍇𑌕𑍍𑌷𑍍𑌯 𑌵𑌾𑌨𑌰𑌾𑌃 ।
𑌪𑍍𑌰𑌸𑌾𑌦𑌯𑌂𑌤𑌸𑍍𑌤𑌂 𑌕𑍍𑌰𑍁𑌦𑍍𑌧𑌂 𑌭𑌯𑌮𑍋𑌹𑌿𑌤𑌚𑍇𑌤𑌸𑌃 ॥ 3 ॥
𑌤𑍇 𑌮𑌹𑍌𑌘𑌨𑌿𑌭𑌂 𑌦𑍃𑌷𑍍𑌟𑍍𑌵𑌾 𑌵𑌜𑍍𑌰𑌾𑌶𑌨𑌿𑌸𑌮𑌸𑍍𑌵𑌨𑌮𑍍 ।
𑌸𑌿𑌂𑌹𑌨𑌾𑌦𑌂 𑌸𑌮𑌂 𑌚𑌕𑍍𑌰𑍁𑌰𑍍𑌲𑌕𑍍𑌷𑍍𑌮𑌣𑌸𑍍𑌯 𑌸𑌮𑍀𑌪𑌤𑌃 ॥ 40 ॥
𑌤𑍇𑌨 𑌶𑌬𑍍𑌦𑍇𑌨 𑌮𑌹𑌤𑌾 𑌪𑍍𑌰𑌤𑍍𑌯𑌬𑍁𑌧𑍍𑌯𑌤 𑌵𑌾𑌨𑌰𑌃 ।
𑌮𑌦𑌵𑌿𑌹𑍍𑌵𑌲𑌤𑌾𑌮𑍍𑌰𑌾𑌕𑍍𑌷𑍋 𑌵𑍍𑌯𑌾𑌕𑍁𑌲𑌸𑍍𑌰𑌗𑍍𑌵𑌿𑌭𑍂𑌷𑌣𑌃 ॥ 41 ॥
𑌅𑌥𑌾𑌂𑌗𑌦𑌵𑌚𑌃 𑌶𑍍𑌰𑍁𑌤𑍍𑌵𑌾 𑌤𑍇𑌨𑍈𑌵 𑌚 𑌸𑌮𑌾𑌗𑌤𑍌 ।
𑌮𑌂𑌤𑍍𑌰𑌿𑌣𑍌 𑌵𑌾𑌨𑌰𑍇𑌂𑌦𑍍𑌰𑌸𑍍𑌯 𑌸𑌮𑍍𑌮𑌤𑍌 𑌦𑌾𑌰𑌦𑌰𑍍𑌶𑌿𑌨𑍌 ॥ 42 ॥
𑌪𑍍𑌲𑌕𑍍𑌷𑌶𑍍𑌚𑍈𑌵 𑌪𑍍𑌰𑌭𑌾𑌵𑌶𑍍𑌚 𑌮𑌂𑌤𑍍𑌰𑌿𑌣𑌾𑌵𑌰𑍍𑌥𑌧𑌰𑍍𑌮𑌯𑍋𑌃 ।
𑌵𑌕𑍍𑌤𑍁𑌮𑍁𑌚𑍍𑌚𑌾𑌵𑌚𑌂 𑌪𑍍𑌰𑌾𑌪𑍍𑌤𑌂 𑌲𑌕𑍍𑌷𑍍𑌮𑌣𑌂 𑌤𑍌 𑌶𑌶𑌂𑌸𑌤𑍁𑌃 ॥ 43 ॥
𑌪𑍍𑌰𑌸𑌾𑌦𑌯𑌿𑌤𑍍𑌵𑌾 𑌸𑍁𑌗𑍍𑌰𑍀𑌵𑌂 𑌵𑌚𑌨𑍈𑌸𑍍𑌸𑌾𑌮𑌨𑌿𑌶𑍍𑌚𑌿𑌤𑍈𑌃 ।
𑌆𑌸𑍀𑌨𑌂 𑌪𑌰𑍍𑌯𑍁𑌪𑌾𑌸𑍀𑌨𑍌 𑌯𑌥𑌾 𑌶𑌕𑍍𑌰𑌂 𑌮𑌰𑍁𑌤𑍍𑌪𑌤𑌿𑌮𑍍 ॥ 44 ॥
𑌸𑌤𑍍𑌯𑌸𑌂𑌧𑍌 𑌮𑌹𑌾𑌭𑌾𑌗𑍌 𑌭𑍍𑌰𑌾𑌤𑌰𑍌 𑌰𑌾𑌮𑌲𑌕𑍍𑌷𑍍𑌮𑌣𑍌 ।
𑌵𑌯𑌸𑍍𑌯𑌭𑌾𑌵𑌂 𑌸𑌂𑌪𑍍𑌰𑌾𑌪𑍍𑌤𑍌 𑌰𑌾𑌜𑍍𑌯𑌾𑌰𑍍𑌹𑍌 𑌰𑌾𑌜𑍍𑌯𑌦𑌾𑌯𑌿𑌨𑍌 ॥ 45 ॥
𑌤𑌯𑍋𑌰𑍇𑌕𑍋 𑌧𑌨𑍁𑌷𑍍𑌪𑌾𑌣𑌿𑌰𑍍𑌦𑍍𑌵𑌾𑌰𑌿 𑌤𑌿𑌷𑍍𑌠𑌤𑌿 𑌲𑌕𑍍𑌷𑍍𑌮𑌣𑌃 ।
𑌯𑌸𑍍𑌯 𑌭𑍀𑌤𑌾𑌃 𑌪𑍍𑌰𑌵𑍇𑌪𑌂𑌤𑍋 𑌨𑌾𑌦𑌾𑌨𑍍𑌮𑍁𑌂𑌚𑌂𑌤𑌿 𑌵𑌾𑌨𑌰𑌾𑌃 ॥ 46 ॥
𑌸 𑌏𑌷 𑌰𑌾𑌘𑌵𑌭𑍍𑌰𑌾𑌤𑌾 𑌲𑌕𑍍𑌷𑍍𑌮𑌣𑍋 𑌵𑌾𑌕𑍍𑌯𑌸𑌾𑌰𑌥𑌿𑌃 ।
𑌵𑍍𑌯𑌵𑌸𑌾𑌯𑌰𑌥𑌃 𑌪𑍍𑌰𑌾𑌪𑍍𑌤𑌸𑍍𑌤𑌸𑍍𑌯 𑌰𑌾𑌮𑌸𑍍𑌯 𑌶𑌾𑌸𑌨𑌾𑌤𑍍 ॥ 4 ॥
𑌅𑌯𑌂 𑌚 𑌦𑌯𑌿𑌤𑍋 𑌰𑌾𑌜𑌂𑌸𑍍𑌤𑌾𑌰𑌾𑌯𑌾 𑌸𑍍𑌤𑌨𑌯𑍋𑌽𑌂𑌗𑌦𑌃 ।
𑌲𑌕𑍍𑌷𑍍𑌮𑌣𑍇𑌨 𑌸𑌕𑌾𑌶𑌂 𑌤𑍇 𑌪𑍍𑌰𑍇𑌷𑌿𑌤𑌸𑍍𑌤𑍍𑌵𑌰𑌯𑌾𑌽𑌨𑌘 ॥ 4 ॥
𑌸𑍋𑌽𑌯𑌂 𑌰𑍋𑌷𑌪𑌰𑍀𑌤𑌾𑌕𑍍𑌷𑍋 𑌦𑍍𑌵𑌾𑌰𑌿 𑌤𑌿𑌷𑍍𑌠𑌤𑌿 𑌵𑍀𑌰𑍍𑌯𑌵𑌾𑌨𑍍 ।
𑌵𑌾𑌨𑌰𑌾𑌨𑍍𑌵𑌾𑌨𑌰𑌪𑌤𑍇 𑌚𑌕𑍍𑌷𑍁𑌷𑌾 𑌪𑍍𑌰𑌦𑌹𑌨𑍍𑌨𑌿𑌵 ॥ 4 ॥
𑌤𑌸𑍍𑌯 𑌮𑍂𑌰𑍍𑌧𑍍𑌨𑌾 𑌪𑍍𑌰𑌣𑌮𑍍𑌯 𑌤𑍍𑌵𑌂 𑌸𑌪𑍁𑌤𑍍𑌰𑌸𑍍𑌸𑌹𑌬𑌂𑌧𑍁𑌭𑌿𑌃 ।
𑌗𑌚𑍍𑌛 𑌶𑍀𑌘𑍍𑌰𑌂 𑌮𑌹𑌾𑌰𑌾𑌜 𑌰𑍋𑌷𑍋 𑌹𑍍𑌯𑌸𑍍𑌯 𑌨𑌿𑌵𑌰𑍍𑌤𑍍𑌯𑌤𑌾𑌮𑍍 ॥ 50 ॥
𑌯𑌦𑌾𑌹 𑌰𑌾𑌮𑍋 𑌧𑌰𑍍𑌮𑌾𑌤𑍍𑌮𑌾 𑌤𑌤𑍍𑌕𑍁𑌰𑍁𑌷𑍍𑌵 𑌸𑌮𑌾𑌹𑌿𑌤𑌃 ।
𑌰𑌾𑌜𑌂 𑌸𑍍𑌤𑌿𑌷𑍍𑌠𑌸𑍍𑌵 𑌸𑌮𑌯𑍇 𑌭𑌵 𑌸𑌤𑍍𑌯𑌪𑍍𑌰𑌤𑌿𑌶𑍍𑌰𑌵𑌾𑌃 ॥ 51 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑍇 𑌏𑌕𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ॥
