Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

2.5𑍭 𑌅𑌯𑍋𑌧𑍍𑌯𑌾𑌕𑌾𑌂𑌡 - 𑌸𑌪𑍍𑌤𑌪𑌂𑌚𑌾𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌸𑌪𑍍𑌤𑌪𑌂𑌚𑌾𑌶𑌸𑍍𑌸𑌰𑍍𑌗𑌃 ।

𑌕𑌥𑌯𑌿𑌤𑍍𑌵𑌾 𑌸𑍁𑌦𑍁𑌃𑌖𑌾𑌰𑍍𑌤𑌸𑍍𑌸𑍁𑌮𑌂𑌤𑍍𑌰𑍇𑌣 𑌚𑌿𑌰𑌂 𑌸𑌹 ।
𑌰𑌾𑌮𑍇 𑌦𑌕𑍍𑌷𑌿𑌣𑌕𑍂𑌲𑌸𑍍𑌥𑍇 𑌜𑌗𑌾𑌮 𑌸𑍍𑌵𑌗𑍃𑌹𑌂 𑌗𑍁𑌹𑌃 ॥ 1 ॥

𑌭𑌰𑌦𑍍𑌵𑌾𑌜𑌾𑌭𑌿𑌗𑌮𑌨𑌂 𑌪𑍍𑌰𑌯𑌾𑌗𑍇 𑌚 𑌸𑌹𑌾𑌽𑌸𑌨𑌮𑍍 ।
𑌆𑌗𑌿𑌰𑍇𑌰𑍍𑌗𑌮𑌨𑌂 𑌤𑍇𑌷𑌾𑌂 𑌤𑌤𑍍𑌰𑌸𑍍𑌥𑍈𑌰𑍁𑌪𑌲𑌕𑍍𑌷𑌿𑌤𑌮𑍍 ॥ 2 ॥

𑌅𑌨𑍁𑌜𑍍𑌞𑌾𑌤𑌸𑍍𑌸𑍁𑌮𑌂𑌤𑍍𑌰𑍋𑌽𑌥 𑌯𑍋𑌜𑌯𑌿𑌤𑍍𑌵𑌾 𑌹𑌯𑍋𑌤𑍍𑌤𑌮𑌾𑌨𑍍 ।
𑌅𑌯𑍋𑌧𑍍𑌯𑌾𑌮𑍇𑌵 𑌨𑌗𑌰𑍀𑌂 𑌪𑍍𑌰𑌯𑌯𑍌 𑌗𑌾𑌢𑌦𑍁𑌰𑍍𑌮𑌨𑌾𑌃 ॥ 3 ॥

𑌸 𑌵𑌨𑌾𑌨𑌿 𑌸𑍁𑌗𑌂𑌧𑍀𑌨𑌿 𑌸𑌰𑌿𑌤𑌶𑍍𑌚 𑌸𑌰𑌾𑌂𑌸𑌿 𑌚 ।
𑌪𑌶𑍍𑌯𑌨𑍍𑌨𑌤𑌿𑌯𑌯𑍌 𑌶𑍀𑌘𑍍𑌰𑌂 𑌗𑍍𑌰𑌾𑌮𑌾𑌣𑌿 𑌨𑌗𑌰𑌾𑌣𑌿 𑌚 ॥ 4 ॥

𑌤𑌤 𑌸𑍍𑌸𑌾𑌯𑌾𑌹𑍍𑌨 𑌸𑌮𑌯𑍇 𑌤𑍃𑌤𑍀𑌯𑍇𑌽𑌹𑌨𑌿 𑌸𑌾𑌰𑌥𑌿𑌃 ।
𑌅𑌯𑍋𑌧𑍍𑌯𑌾𑌂 𑌸𑌮𑌨𑍁𑌪𑍍𑌰𑌾𑌪𑍍𑌯 𑌨𑌿𑌰𑌾𑌨𑌂𑌦𑌾𑌂 𑌦𑌦𑌰𑍍𑌶 𑌹 ॥ 5 ॥

𑌸 𑌶𑍂𑌨𑍍𑌯𑌾𑌮𑌿𑌵 𑌨𑌿𑌶𑍍𑌶𑌬𑍍𑌦𑌾𑌂 𑌦𑍃𑌷𑍍𑌟𑍍𑌵𑌾 𑌪𑌰𑌮𑌦𑍁𑌰𑍍𑌮𑌨𑌾𑌃 ।
𑌸𑍁𑌮𑌂𑌤𑍍𑌰𑌶𑍍𑌚𑌿𑌂𑌤𑌯𑌾𑌮𑌾𑌸 𑌶𑍋𑌕𑌵𑍇𑌗𑌸𑌮𑌾𑌹𑌤𑌃 ॥ 6 ॥

𑌕𑌚𑍍𑌚𑌿𑌨𑍍𑌨 𑌸𑌗𑌜𑌾 𑌸𑌾𑌽𑌶𑍍𑌵𑌾 𑌸𑌜𑌨𑌾 𑌸𑌜𑌨𑌾𑌧𑌿𑌪𑌾 ।
𑌰𑌾𑌮𑌸𑌂𑌤𑌾𑌪𑌦𑍁𑌃𑌖𑍇𑌨 𑌦𑌗𑍍𑌧𑌾 𑌶𑍋𑌕𑌾𑌗𑍍𑌨𑌿𑌨𑌾 𑌪𑍁𑌰𑍀 ॥ 𑍭 ॥

𑌇𑌤𑌿 𑌚𑌿𑌂𑌤𑌾𑌪𑌰𑌸𑍍𑌸𑍂𑌤𑍋 𑌵𑌾𑌜𑌿𑌭𑌿𑌶𑍍𑌶𑍀𑌘𑍍𑌰𑌪𑌾𑌤𑌿𑌭𑌿𑌃 ।
𑌨𑌗𑌰𑌦𑍍𑌵𑌾𑌰𑌮𑌾𑌸𑌾𑌦𑍍𑌯 𑌤𑍍𑌵𑌰𑌿𑌤𑌃 𑌪𑍍𑌰𑌵𑌿𑌵𑍇𑌶 𑌹 ॥ 𑍮 ॥

𑌸𑍁𑌮𑌂𑌤𑍍𑌰𑌮𑌭𑌿𑌯𑌾𑌂𑌤𑌂 𑌤𑌂 𑌶𑌤𑌶𑍋𑌽𑌥 𑌸𑌹𑌸𑍍𑌰𑌶𑌃 ।
𑌕𑍍𑌵 𑌰𑌾𑌮 𑌇𑌤𑌿 𑌪𑍃𑌚𑍍𑌛𑌂𑌤𑌸𑍍𑌸𑍂𑌤𑌮𑌭𑍍𑌯𑌦𑍍𑌰𑌵𑌨𑍍𑌨𑌰𑌾𑌃 ॥ 𑍯 ॥

𑌤𑍇𑌷𑌾𑌂 𑌶𑌶𑌂𑌸 𑌗𑌂𑌗𑌾𑌯𑌾𑌮𑌹𑌮𑌾𑌪𑍃𑌚𑍍𑌛𑍍𑌯 𑌰𑌾𑌘𑌵𑌮𑍍 ।
𑌅𑌨𑍁𑌜𑍍𑌞𑌾𑌤𑍋 𑌨𑌿𑌵𑍃𑌤𑍍𑌤𑍋𑌽𑌸𑍍𑌮𑌿 𑌧𑌾𑌰𑍍𑌮𑌿𑌕𑍇𑌣 𑌮𑌹𑌾𑌤𑍍𑌮𑌾𑌨𑌾 ॥ 10 ॥

𑌤𑍇 𑌤𑍀𑌰𑍍𑌣𑌾 𑌇𑌤𑌿 𑌵𑌿𑌜𑍍𑌞𑌾𑌯 𑌬𑌾𑌷𑍍𑌪𑌪𑍂𑌰𑍍𑌣𑌮𑍁𑌖𑌾 𑌜𑌨𑌾𑌃 ।
𑌅𑌹𑍋 𑌧𑌿𑌗𑌿𑌤𑌿 𑌨𑌿𑌶𑍍𑌶𑍍𑌵𑌸𑍍𑌯 𑌹𑌾 𑌰𑌾𑌮𑍇𑌤𑌿 𑌚 𑌚𑍁𑌕𑍍𑌰𑍁𑌶𑍁𑌃 ॥ 11 ॥

𑌶𑍁𑌶𑍍𑌰𑌾𑌵 𑌚 𑌵𑌚𑌸𑍍𑌤𑍇𑌷𑌾𑌂 𑌬𑍃𑌂𑌦𑌂 𑌬𑍃𑌂𑌦𑌂 𑌚 𑌤𑌿𑌷𑍍𑌠𑌤𑌾𑌮𑍍 ।
𑌹𑌤𑌾𑌸𑍍𑌮 𑌖𑌲𑍁 𑌯𑍇 𑌨𑍇𑌹 𑌪𑌶𑍍𑌯𑌾𑌮 𑌇𑌤𑌿 𑌰𑌾𑌘𑌵𑌮𑍍 ॥ 12 ॥

𑌦𑌾𑌨𑌯𑌜𑍍𑌞𑌵𑌿𑌵𑌾𑌹𑍇𑌷𑍁 𑌸𑌮𑌾𑌜𑍇𑌷𑍁 𑌮𑌹𑌤𑍍𑌸𑍁 𑌚 ।
𑌨 𑌦𑍍𑌰𑌕𑍍𑌷𑍍𑌯𑌾𑌮𑌃 𑌪𑍁𑌨 𑌰𑍍𑌜𑌾𑌤𑍁 𑌧𑌾𑌰𑍍𑌮𑌿𑌕𑌂 𑌰𑌾𑌮𑌮𑌂𑌤𑌰𑌾 ॥ 13 ॥

𑌕𑌿𑌂 𑌸𑌮𑌰𑍍𑌥𑌂 𑌜𑌨𑌸𑍍𑌯𑌾𑌸𑍍𑌯 𑌕𑌿𑌂 𑌪𑍍𑌰𑌿𑌯𑌂 𑌕𑌿𑌂 𑌸𑍁𑌖𑌾𑌵𑌹𑌮𑍍 ।
𑌇𑌤𑌿 𑌰𑌾𑌮𑍇𑌣 𑌨𑌗𑌰𑌂 𑌪𑌿𑌤𑍃𑌵𑌤𑍍𑌪𑌰𑌿𑌪𑌾𑌲𑌿𑌤𑌮𑍍 ॥ 14 ॥

𑌵𑌾𑌤𑌾𑌯𑌨𑌗𑌤𑌾𑌨𑌾𑌂 𑌚 𑌸𑍍𑌤𑍍𑌰𑍀𑌣𑌾𑌮𑌨𑍍𑌵𑌂𑌤𑌰𑌾𑌪𑌣𑌮𑍍 ।
𑌰𑌾𑌮𑌶𑍋𑌕𑌾𑌭𑌿𑌤𑌪𑍍𑌤𑌾𑌨𑌾𑌂 𑌶𑍁𑌶𑍍𑌰𑌾𑌵 𑌪𑌰𑌿𑌦𑍇𑌵𑌨𑌮𑍍 ॥ 15 ॥

𑌸 𑌰𑌾𑌜𑌮𑌾𑌰𑍍𑌗𑌮𑌧𑍍𑌯𑍇𑌨 𑌸𑍁𑌮𑌂𑌤𑍍𑌰𑌃 𑌪𑌿𑌹𑌿𑌤𑌾𑌨𑌨𑌃 ।
𑌯𑌤𑍍𑌰 𑌰𑌾𑌜𑌾 𑌦𑌶𑌰𑌥𑌸𑍍𑌤𑌦𑍇𑌵𑍋𑌪𑌯𑌯𑍌 𑌗𑍃𑌹𑌮𑍍 ॥ 16 ॥

𑌸𑍋𑌽𑌵𑌤𑍀𑌰𑍍𑌯 𑌰𑌥𑌾𑌚𑍍𑌛𑍀𑌘𑍍𑌰𑌂 𑌰𑌾𑌜𑌵𑍇𑌶𑍍𑌮 𑌪𑍍𑌰𑌵𑌿𑌶𑍍𑌯 𑌚 ।
𑌕𑌕𑍍𑌷𑍍𑌯𑌾 𑌸𑍍𑌸𑌪𑍍𑌤𑌾𑌭𑌿𑌚𑌕𑍍𑌰𑌾𑌮 𑌮𑌹𑌾𑌜𑌨𑌸𑌮𑌾𑌕𑍁𑌲𑌾𑌃 ॥ 1𑍭 ॥

𑌹𑌰𑍍𑌮𑍍𑌯𑍈 𑌰𑍍𑌵𑌿𑌮𑌾𑌨𑍈𑌃 𑌪𑍍𑌰𑌾𑌸𑌾𑌦𑍈𑌰𑌵𑍇𑌕𑍍𑌷𑍍𑌯𑌾𑌥 𑌸𑌮𑌾𑌗𑌤𑌮𑍍 ।
𑌹𑌾𑌹𑌾𑌕𑌾𑌰𑌕𑍃𑌤𑌾 𑌨𑌾𑌰𑍍𑌯𑍋 𑌰𑌾𑌮𑌦𑌰𑍍𑌶𑌨𑌕𑌰𑍍𑌶𑌿𑌤𑌾𑌃 ॥ 1𑍮 ॥

𑌆𑌯𑌤𑍈𑌰𑍍𑌵𑌿𑌮𑌲𑍈𑌰𑍍𑌨𑍇𑌤𑍍𑌰𑍈𑌰𑌶𑍍𑌰𑍁𑌵𑍇𑌗𑌪𑌰𑌿𑌪𑍍𑌲𑍁𑌤𑍈𑌃 ।
𑌅𑌨𑍍𑌯𑍋𑌨𑍍𑌯𑌮𑌭𑌿𑌵𑍀𑌕𑍍𑌷𑌂𑌤𑍇𑌽𑌵𑍍𑌯𑌕𑍍𑌤𑌮𑌾𑌰𑍍𑌤𑌤𑌰𑌾𑌃 𑌸𑍍𑌤𑍍𑌰𑌿𑌯𑌃 ॥ 1𑍯 ॥

𑌤𑌤𑍋 𑌦𑌶𑌰𑌥𑌸𑍍𑌤𑍍𑌰𑍀𑌣𑌾𑌂 𑌪𑍍𑌰𑌾𑌸𑌾𑌦𑍇𑌭𑍍𑌯 𑌸𑍍𑌤𑌤 𑌸𑍍𑌤𑌤𑌃 ।
𑌰𑌾𑌮𑌶𑍋𑌕𑌾𑌭𑌿𑌤𑌪𑍍𑌤𑌾𑌨𑌾𑌂 𑌮𑌂𑌦𑌂 𑌶𑍁𑌶𑍍𑌰𑌾𑌵 𑌜𑌲𑍍𑌪𑌿𑌤𑌮𑍍 ॥ 20 ॥

𑌸𑌹 𑌰𑌾𑌮𑍇𑌣 𑌨𑌿𑌰𑍍𑌯𑌾𑌤𑍋 𑌵𑌿𑌨𑌾 𑌰𑌾𑌮 𑌮𑌿𑌹𑌾𑌗𑌤𑌃 ।
𑌸𑍂𑌤𑌃 𑌕𑌿𑌨𑍍𑌨𑌾𑌮 𑌕𑍌𑌸𑌲𑍍𑌯𑌾𑌂 𑌶𑍋𑌚𑌂𑌤𑍀𑌂 𑌪𑍍𑌰𑌤𑌿𑌵𑌕𑍍𑌷𑍍𑌯𑌤𑌿 ॥ 21 ॥

𑌯𑌥𑌾 𑌚 𑌮𑌨𑍍𑌯𑍇 𑌦𑍁𑌰𑍍𑌜𑍀𑌵𑌮𑍇𑌵𑌂 𑌨 𑌸𑍁𑌕𑌰𑌂 𑌧𑍍𑌰𑍁𑌵𑌮𑍍 ।
𑌆𑌚𑍍𑌛𑌿𑌦𑍍𑌯 𑌪𑍁𑌤𑍍𑌰𑍇 𑌨𑌿𑌰𑍍𑌯𑌾𑌤𑍇 𑌕𑍌𑌸𑌲𑍍𑌯𑌾 𑌯𑌤𑍍𑌰 𑌜𑍀𑌵𑌤𑌿 ॥ 22 ॥

𑌸𑌤𑍍𑌯𑌰𑍂𑌪𑌂 𑌤𑍁 𑌤𑌦𑍍𑌵𑌾𑌕𑍍𑌯𑌂 𑌰𑌾𑌜𑍍𑌞𑌃 𑌸𑍍𑌤𑍍𑌰𑍀𑌣𑌾𑌂 𑌨𑌿𑌶𑌾𑌮𑌯𑌨𑍍 ।
𑌪𑍍𑌰𑌦𑍀𑌪𑍍𑌤𑌮𑌿𑌵 𑌶𑍋𑌕𑍇𑌨 𑌵𑌿𑌵𑍇𑌶 𑌸𑌹𑌸𑌾 𑌗𑍃𑌹𑌮𑍍 ॥ 23 ॥

𑌸 𑌪𑍍𑌰𑌵𑌿𑌶𑍍𑌯𑌾𑌷𑍍𑌟𑌮𑍀𑌂 𑌕𑌕𑍍𑌷𑍍𑌯𑌾𑌂 𑌰𑌾𑌜𑌾𑌨𑌂 𑌦𑍀𑌨𑌮𑌾𑌤𑍁𑌰𑌮𑍍 ।
𑌪𑍁𑌤𑍍𑌰𑌶𑍋𑌕𑌪𑌰𑌿𑌮𑍍𑌲𑌾𑌨𑌮𑌪𑌶𑍍𑌯𑌤𑍍𑌪𑌾𑌂𑌡𑍁𑌰𑍇 𑌗𑍃𑌹𑍇 ॥ 24 ॥

𑌅𑌭𑌿𑌗𑌮𑍍𑌯 𑌤𑌮𑌾𑌸𑍀𑌨𑌂 𑌨𑌰𑍇𑌂𑌦𑍍𑌰𑍇 𑌮𑌭𑌿𑌵𑌾𑌦𑍍𑌯 𑌚 ।
𑌸𑍁𑌮𑌂𑌤𑍍𑌰𑍋 𑌰𑌾𑌮𑌵𑌚𑌨𑌂 𑌯𑌥𑍋𑌕𑍍𑌤𑌂 𑌪𑍍𑌰𑌤𑍍𑌯𑌵𑍇𑌦𑌯𑌤𑍍 ॥ 25 ॥

𑌸 𑌤𑍂𑌷𑍍𑌣𑍀𑌮𑍇𑌵 𑌤𑌚𑍍𑌛𑍍𑌰𑍁𑌤𑍍𑌵𑌾 𑌰𑌾𑌜𑌾 𑌵𑌿𑌭𑍍𑌰𑌾𑌂𑌤𑌚𑍇𑌤𑌨𑌃 ।
𑌮𑍂𑌰𑍍𑌛𑌿𑌤𑍋 𑌨𑍍𑌯𑌪𑌤𑌦𑍍𑌭𑍂𑌮𑍌 𑌰𑌾𑌮𑌶𑍋𑌕𑌾𑌭𑌿𑌪𑍀𑌡𑌿𑌤𑌃 ॥ 26 ॥

𑌤𑌤𑍋𑌽𑌂𑌤𑌃𑌪𑍁𑌰𑌮𑌾𑌵𑌿𑌦𑍍𑌧𑌂 𑌮𑍂𑌰𑍍𑌛𑌿𑌤𑍇 𑌪𑍃𑌥𑌿𑌵𑍀𑌪𑌤𑍌 ।
𑌉𑌦𑍍𑌧𑍃𑌤𑍍𑌯 𑌬𑌾𑌹𑍂 𑌚𑍁𑌕𑍍𑌰𑍋𑌶 𑌨𑍃𑌪𑌤𑍌 𑌪𑌤𑌿𑌤𑍇𑌕𑍍𑌷𑌿𑌤𑍌 ॥ 2𑍭 ॥

𑌸𑍁𑌮𑌿𑌤𑍍𑌰𑌯𑌾 𑌤𑍁 𑌸𑌹𑌿𑌤𑌾 𑌕𑍌𑌸𑌲𑍍𑌯𑌾 𑌪𑌤𑌿𑌤𑌂 𑌪𑌤𑌿𑌮𑍍 ।
𑌉𑌤𑍍𑌥𑌾𑌪𑌯𑌾𑌮𑌾𑌸 𑌤𑌦𑌾 𑌵𑌚𑌨𑌂 𑌚𑍇𑌦𑌮𑌬𑍍𑌰𑌵𑍀𑌤𑍍 ॥ 2𑍮 ॥

𑌇𑌮𑌂 𑌤𑌸𑍍𑌯 𑌮𑌹𑌾𑌭𑌾𑌗 𑌦𑍂𑌤𑌂 𑌦𑍁𑌷𑍍𑌕𑌰𑌕𑌾𑌰𑌿𑌣𑌃 ।
𑌵𑌨𑌵𑌾𑌸𑌾𑌦𑌨𑍁𑌪𑍍𑌰𑌾𑌪𑍍𑌤𑌂 𑌕𑌸𑍍𑌮𑌾𑌨𑍍𑌨 𑌪𑍍𑌰𑌤𑌿𑌭𑌾𑌷𑌸𑍇 ॥ 2𑍯 ॥

𑌅𑌦𑍍𑌯𑍈𑌵𑌮𑌨𑌯𑌂 𑌕𑍃𑌤𑍍𑌵𑌾 𑌵𑍍𑌯𑌪𑌤𑍍𑌰𑌪𑌸𑌿 𑌰𑌾𑌘𑌵 ।
𑌉𑌤𑍍𑌤𑌿𑌷𑍍𑌠 𑌸𑍁𑌕𑍃𑌤𑌂 𑌤𑍇𑌸𑍍𑌤𑍁 𑌶𑍋𑌕𑍇 𑌨𑌸𑍍𑌯𑌾 𑌤𑍍𑌸𑌹𑌾𑌯𑌤𑌾 ॥ 30 ॥

𑌦𑍇𑌵 𑌯𑌸𑍍𑌯𑌾 𑌭𑌯𑌾𑌦𑍍𑌰𑌾𑌮𑌂 𑌨𑌾𑌨𑍁𑌪𑍃𑌚𑍍𑌛𑌸𑌿 𑌸𑌾𑌰𑌥𑌿𑌮𑍍 ।
𑌨𑍇𑌹 𑌤𑌿𑌷𑍍𑌠𑌿𑌤𑌿 𑌕𑍈𑌕𑍇𑌯𑍀 𑌵𑌿𑌸𑍍𑌰𑌬𑍍𑌧𑌂 𑌪𑍍𑌰𑌤𑌿𑌭𑌾𑌷𑍍𑌯𑌤𑌾𑌮𑍍 ॥ 31 ॥

𑌸𑌾 𑌤𑌥𑍋𑌕𑍍𑌤𑍍𑌵𑌾 𑌮𑌹𑌾𑌰𑌾𑌜𑌂 𑌕𑍌𑌸𑌲𑍍𑌯𑌾 𑌶𑍋𑌕𑌲𑌾𑌲𑌸𑌾 ।
𑌧𑌰𑌣𑍍𑌯𑌾𑌂 𑌨𑌿𑌪𑌪𑌾𑌤𑌾𑌽𑌶𑍁 𑌬𑌾𑌷𑍍𑌪𑌵𑌿𑌪𑍍𑌲𑍁𑌤𑌭𑌾𑌷𑌿𑌣𑍀 ॥ 32 ॥

𑌏𑌵𑌂 𑌵𑌿𑌲𑌪𑌤𑍀𑌂 𑌦𑍃𑌷𑍍𑌟𑍍𑌵𑌾 𑌕𑍌𑌸𑌲𑍍𑌯𑌾𑌂 𑌪𑌤𑌿𑌤𑌾𑌂 𑌭𑍁𑌵𑌿 ।
𑌪𑌤𑌿𑌂 𑌚𑌾𑌵𑍇𑌕𑍍𑌷𑍍𑌯 𑌤𑌾 𑌸𑍍𑌸𑌰𑍍𑌵𑌾 𑌸𑍁𑌸𑍍𑌵𑌰𑌂 𑌰𑍁𑌰𑍁𑌦𑍁𑌃 𑌸𑍍𑌤𑍍𑌰𑌿𑌯𑌃 ॥ 33 ॥

𑌤𑌤 𑌸𑍍𑌤𑌮𑌂𑌤𑌃𑌪𑍁𑌰𑌨𑌾𑌦𑌮𑍁𑌤𑍍𑌥𑌿𑌤𑌂 𑌸𑌮𑍀𑌕𑍍𑌷𑍍𑌯 𑌵𑍃𑌦𑍍𑌧𑌾 𑌸𑍍𑌤𑌰𑍁𑌣𑌾𑌶𑍍𑌚 𑌮𑌾𑌨𑌵𑌾𑌃 ।
𑌸𑍍𑌤𑍍𑌰𑌿𑌯𑌶𑍍𑌚 𑌸𑌰𑍍𑌵𑌾 𑌰𑍁𑌰𑍁𑌦𑍁 𑌸𑍍𑌸𑌮𑌂𑌤𑌤𑌃 𑌪𑍁𑌰𑌂 𑌤𑌦𑌾𑌸𑍀𑌤𑍍𑌪𑍁𑌨𑌰𑍇𑌵 𑌸𑌂𑌕𑍁𑌲𑌮𑍍 ॥ 34 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌸𑌪𑍍𑌤𑌪𑌂𑌚𑌾𑌶𑌸𑍍𑌸𑌰𑍍𑌗𑌃 ॥


Browse Related Categories: