𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌬𑌾𑌲𑌕𑌾𑌂𑌡𑌮𑍍 ।
𑌅𑌥 𑌚𑌤𑍁𑌃𑌪𑌂𑌚𑌾𑌶𑌸𑍍𑌸𑌰𑍍𑌗𑌃 ।
𑌕𑌾𑌮𑌧𑍇𑌨𑍁𑌂 𑌵𑌸𑌿𑌷𑍍𑌠𑍋𑌽𑌪𑌿 𑌯𑌦𑌾 𑌨 𑌤𑍍𑌯𑌜𑍍𑌯𑌤𑍇 𑌮𑍁𑌨𑌿𑌃 ।
𑌤𑌦𑌾𑌸𑍍𑌯 𑌶𑌬𑌲𑌾𑌂 𑌰𑌾𑌮 𑌵𑌿𑌶𑍍𑌵𑌾𑌮𑌿𑌤𑍍𑌰𑍋𑌽𑌨𑍍𑌵𑌕𑌰𑍍𑌷𑌤 ॥ 1 ॥
𑌨𑍀𑌯𑌮𑌾𑌨𑌾 𑌤𑍁 𑌶𑌬𑌲𑌾 𑌰𑌾𑌮 𑌰𑌾𑌜𑍍𑌞𑌾 𑌮𑌹𑌾𑌤𑍍𑌮𑌨𑌾 ।
𑌦𑍁𑌃𑌖𑌿𑌤𑌾 𑌚𑌿𑌂𑌤𑌯𑌾𑌮𑌾𑌸 𑌰𑍁𑌦𑌂𑌤𑍀 𑌶𑍋𑌕𑌕𑌰𑍍𑌶𑌿𑌤𑌾 ॥ 2 ॥
𑌪𑌰𑌿𑌤𑍍𑌯𑌕𑍍𑌤𑌾 𑌵𑌸𑌿𑌷𑍍𑌠𑍇𑌨 𑌕𑌿𑌮𑌹𑌂 𑌸𑍁𑌮𑌹𑌾𑌤𑍍𑌮𑌨𑌾 ।
𑌯𑌾𑌹𑌂 𑌰𑌾𑌜𑌭𑌟𑍈𑌰𑍍𑌦𑍀𑌨𑌾 𑌹𑍍𑌰𑌿𑌯𑍇𑌯 𑌭𑍃𑌶𑌦𑍁𑌃𑌖𑌿𑌤𑌾 ॥ 3 ॥
𑌕𑌿𑌂 𑌮𑌯𑌾𑌽𑌪𑌕𑍃𑌤𑌂 𑌤𑌸𑍍𑌯 𑌮𑌹𑌰𑍍𑌷𑍇𑌰𑍍𑌭𑌾𑌵𑌿𑌤𑌾𑌤𑍍𑌮𑌨𑌃 ।
𑌯𑌨𑍍𑌮𑌾𑌮𑌨𑌾𑌗𑌸𑌂 𑌭𑌕𑍍𑌤𑌾𑌮𑌿𑌷𑍍𑌟𑌾𑌂 𑌤𑍍𑌯𑌜𑌤𑌿 𑌧𑌾𑌰𑍍𑌮𑌿𑌕𑌃 ॥ 4 ॥
𑌇𑌤𑌿 𑌸𑌾 𑌚𑌿𑌂𑌤𑌯𑌿𑌤𑍍𑌵𑌾 𑌤𑍁 𑌵𑌿𑌨𑌿𑌶𑍍𑌶𑍍𑌵𑌸𑍍𑌯 𑌪𑍁𑌨𑌃𑌪𑍁𑌨𑌃 ।
𑌨𑌿𑌰𑍍𑌧𑍂𑌯 𑌤𑌾𑌂𑌸𑍍𑌤𑌦𑌾 𑌭𑍃𑌤𑍍𑌯𑌾𑌨𑍍 𑌶𑌤𑌶𑌶𑍍𑌶𑌤𑍍𑌰𑍁𑌸𑍂𑌦𑌨 ।
𑌜𑌗𑌾𑌮𑌾𑌨𑌿𑌲𑌵𑍇𑌗𑍇𑌨 𑌪𑌾𑌦𑌮𑍂𑌲𑌂 𑌮𑌹𑌾𑌤𑍍𑌮𑌨𑌃 ॥ 5 ॥
𑌶𑌬𑌲𑌾 𑌸𑌾 𑌰𑍁𑌦𑌂𑌤𑍀 𑌚 𑌕𑍍𑌰𑍋𑌶𑌂𑌤𑍀 𑌚𑍇𑌦𑌮𑌬𑍍𑌰𑌵𑍀𑌤𑍍 ।
𑌵𑌸𑌿𑌷𑍍𑌠𑌸𑍍𑌯𑌾𑌗𑍍𑌰𑌤𑌸𑍍𑌸𑍍𑌥𑌿𑌤𑍍𑌵𑌾 𑌮𑍇𑌘𑌦𑍁𑌂𑌦𑍁𑌭𑌿𑌰𑌾𑌵𑌿𑌣𑍀 ॥ 6 ॥
𑌭𑌗𑌵𑌨𑍍 𑌕𑌿𑌂 𑌪𑌰𑌿𑌤𑍍𑌯𑌕𑍍𑌤𑌾 𑌤𑍍𑌵𑌯𑌾𑌽𑌹𑌂 𑌬𑍍𑌰𑌹𑍍𑌮𑌣𑌸𑍍𑌸𑍁𑌤 ।
𑌯𑌸𑍍𑌮𑌾𑌦𑍍𑌰𑌾𑌜𑌭𑍃𑌤𑌾 𑌮𑌾𑌂 𑌹𑌿 𑌨𑌯𑌂𑌤𑍇 𑌤𑍍𑌵𑌤𑍍𑌸𑌕𑌾𑌶𑌤𑌃 ॥ ॥
𑌏𑌵𑌮𑍁𑌕𑍍𑌤𑌸𑍍𑌤𑍁 𑌬𑍍𑌰𑌹𑍍𑌮𑌰𑍍𑌷𑌿𑌰𑌿𑌦𑌂 𑌵𑌚𑌨𑌮𑌬𑍍𑌰𑌵𑍀𑌤𑍍 ।
𑌶𑍋𑌕𑌸𑌂𑌤𑌪𑍍𑌤𑌹𑍃𑌦𑌯𑌾𑌂 𑌸𑍍𑌵𑌸𑌾𑌰𑌮𑌿𑌵 𑌦𑍁𑌃𑌖𑌿𑌤𑌾𑌮𑍍 ॥ ॥
𑌨 𑌤𑍍𑌵𑌾𑌂 𑌤𑍍𑌯𑌜𑌾𑌮𑌿 𑌶𑌬𑌲𑍇 𑌨𑌾𑌪𑌿 𑌮𑍇𑌽𑌪𑌕𑍃𑌤𑌂 𑌤𑍍𑌵𑌯𑌾 ।
𑌏𑌷 𑌤𑍍𑌵𑌾𑌂 𑌨𑌯𑌤𑍇 𑌰𑌾𑌜𑌾 𑌬𑌲𑍋𑌨𑍍𑌮𑌤𑍍𑌤𑍋 𑌮𑌹𑌾𑌬𑌲𑌃 ॥ ॥
𑌨 𑌹𑌿 𑌤𑍁𑌲𑍍𑌯𑌂 𑌬𑌲𑌂 𑌮𑌹𑍍𑌯𑌂 𑌰𑌾𑌜𑌾 𑌤𑍍𑌵𑌦𑍍𑌯 𑌵𑌿𑌶𑍇𑌷𑌤𑌃 ।
𑌬𑌲𑍀 𑌰𑌾𑌜𑌾 𑌕𑍍𑌷𑌤𑍍𑌰𑌿𑌯𑌶𑍍𑌚 𑌪𑍃𑌥𑌿𑌵𑍍𑌯𑌾𑌃 𑌪𑌤𑌿𑌰𑍇𑌵 𑌚 ॥ 10 ॥
𑌇𑌯𑌮𑌕𑍍𑌷𑍌𑌹𑌿𑌣𑍀 𑌪𑍂𑌰𑍍𑌣𑌾 𑌸𑌵𑌾𑌜𑌿𑌰𑌥𑌸𑌂𑌕𑍁𑌲𑌾 ।
𑌹𑌸𑍍𑌤𑌿𑌧𑍍𑌵𑌜𑌸𑌮𑌾𑌕𑍀𑌰𑍍𑌣𑌾 𑌤𑍇𑌨𑌾𑌸𑍌 𑌬𑌲𑌵𑌤𑍍𑌤𑌰𑌃 ॥ 11 ॥
𑌏𑌵𑌮𑍁𑌕𑍍𑌤𑌾 𑌵𑌸𑌿𑌷𑍍𑌠𑍇𑌨 𑌪𑍍𑌰𑌤𑍍𑌯𑍁𑌵𑌾𑌚 𑌵𑌿𑌨𑍀𑌤𑌵𑌤𑍍 ।
𑌵𑌚𑌨𑌂 𑌵𑌚𑌨𑌜𑍍𑌞𑌾 𑌸𑌾 𑌬𑍍𑌰𑌹𑍍𑌮𑌰𑍍𑌷𑌿𑌮𑌮𑌿𑌤𑌪𑍍𑌰𑌭𑌮𑍍 ॥ 12 ॥
𑌨 𑌬𑌲𑌂 𑌕𑍍𑌷𑌤𑍍𑌰𑌿𑌯𑌸𑍍𑌯𑌾𑌹𑍁𑌰𑍍𑌬𑍍𑌰𑌾𑌹𑍍𑌮𑌣𑍋 𑌬𑌲𑌵𑌤𑍍𑌤𑌰𑌃 ।
𑌬𑍍𑌰𑌹𑍍𑌮𑌨𑍍 𑌬𑍍𑌰𑌹𑍍𑌮𑌬𑌲𑌂 𑌦𑌿𑌵𑍍𑌯𑌂 𑌕𑍍𑌷𑌤𑍍𑌰𑌾𑌤𑍍𑌤𑍁 𑌬𑌲𑌵𑌤𑍍𑌤𑌰𑌮𑍍 ॥ 13 ॥
𑌅𑌪𑍍𑌰𑌮𑍇𑌯𑌬𑌲𑌂 𑌤𑍁𑌭𑍍𑌯𑌂 𑌨 𑌤𑍍𑌵𑌯𑌾 𑌬𑌲𑌵𑌤𑍍𑌤𑌰𑌃 ।
𑌵𑌿𑌶𑍍𑌵𑌾𑌮𑌿𑌤𑍍𑌰𑍋 𑌮𑌹𑌾𑌵𑍀𑌰𑍍𑌯𑌸𑍍𑌤𑍇𑌜 𑌸𑍍𑌤𑌵 𑌦𑍁𑌰𑌾𑌸𑌦𑌮𑍍 ॥ 14 ॥
𑌨𑌿𑌯𑍁𑌂𑌕𑍍𑌷𑍍𑌵 𑌮𑌾𑌂 𑌮𑌹𑌾𑌭𑌾𑌗 𑌤𑍍𑌵𑌦𑍍𑌬𑍍𑌰𑌹𑍍𑌮𑌬𑌲𑌸𑌂𑌭𑍃𑌤𑌾𑌮𑍍 ।
𑌤𑌸𑍍𑌯 𑌦𑌰𑍍𑌪𑌬𑌲𑌂 𑌯𑌤𑍍𑌤𑌨𑍍𑌨𑌾𑌶𑌯𑌾𑌮𑌿 𑌦𑍁𑌰𑌾𑌤𑍍𑌮𑌨𑌃 ॥ 15 ॥
𑌇𑌤𑍍𑌯𑍁𑌕𑍍𑌤𑌸𑍍𑌤𑍁 𑌤𑌯𑌾 𑌰𑌾𑌮 𑌵𑌸𑌿𑌷𑍍𑌠 𑌸𑍍𑌸𑍁𑌮𑌹𑌾𑌯𑌶𑌾𑌃 ।
𑌸𑍃𑌜𑌸𑍍𑌵𑍇𑌤𑌿 𑌤𑌦𑍋𑌵𑌾𑌚 𑌬𑌲𑌂 𑌪𑌰𑌬𑌲𑌾𑌰𑍍𑌦𑌨𑌮𑍍 ॥ 16 ॥
𑌤𑌸𑍍𑌯 𑌤𑌦𑍍𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌸𑍁𑌰𑌭𑌿𑌸𑍍𑌸𑌾𑌽𑌸𑍃𑌜𑌤𑍍𑌤𑌦𑌾 ॥ 1 ॥
𑌤𑌸𑍍𑌯𑌾 𑌹𑍁𑌂𑌭𑌾𑌰𑌵𑍋𑌤𑍍𑌸𑍃𑌷𑍍𑌟𑌾𑌃 𑌪𑌪𑍍𑌲𑌵𑌾𑌶𑍍𑌶𑌤𑌶𑍋 𑌨𑍃𑌪 ।
𑌨𑌾𑌶𑌯𑌂𑌤𑌿 𑌬𑌲𑌂 𑌸𑌰𑍍𑌵𑌂 𑌵𑌿𑌶𑍍𑌵𑌾𑌮𑌿𑌤𑍍𑌰𑌸𑍍𑌯 𑌪𑌶𑍍𑌯𑌤𑌃 ॥ 1 ॥
𑌬𑌲𑌂 𑌭𑌗𑍍𑌨𑌂 𑌤𑌤𑍋 𑌦𑍃𑌷𑍍𑌟𑍍𑌵𑌾 𑌰𑌥𑍇𑌨𑌾𑌕𑍍𑌰𑌮𑍍𑌯 𑌕𑍌𑌶𑌿𑌕𑌃 ।
𑌸 𑌰𑌾𑌜𑌾 𑌪𑌰𑌮𑌕𑍍𑌰𑍁𑌦𑍍𑌧𑍋 𑌰𑍋𑌷𑌵𑌿𑌸𑍍𑌫𑌾𑌰𑌿𑌤𑍇𑌕𑍍𑌷𑌣𑌃 ।
𑌪𑌪𑍍𑌲𑌵𑌾𑌨𑍍𑌨𑌾𑌶𑌯𑌾𑌮𑌾𑌸 𑌶𑌸𑍍𑌤𑍍𑌰𑍈𑌰𑍁𑌚𑍍𑌚𑌾𑌵𑌚𑍈𑌰𑌪𑌿 ॥ 1 ॥
𑌵𑌿𑌶𑍍𑌵𑌾𑌮𑌿𑌤𑍍𑌰𑌾𑌰𑍍𑌦𑌿𑌤𑌾𑌨𑍍 𑌦𑍃𑌷𑍍𑌟𑍍𑌵𑌾 𑌪𑌪𑍍𑌲𑌵𑌾𑌂𑌛𑌤𑌶𑌸𑍍𑌤𑌦𑌾 ।
𑌭𑍂𑌯 𑌏𑌵𑌾𑌸𑍃𑌜𑌤𑍍𑌕𑍋𑌪𑌾𑌚𑍍𑌛𑌕𑌾𑌨𑍍 𑌯𑌵𑌨𑌮𑌿𑌶𑍍𑌰𑌿𑌤𑌾𑌨𑍍 ॥ 20 ॥
𑌤𑍈𑌰𑌾𑌸𑍀𑌤𑍍 𑌸𑌂𑌵𑍃𑌤𑌾 𑌭𑍂𑌮𑌿 𑌶𑍍𑌶𑌕𑍈𑌰𑍍𑌯𑌵𑌨𑌮𑌿𑌶𑍍𑌰𑌿𑌤𑍈𑌃 ।
𑌪𑍍𑌰𑌭𑌾𑌵𑌦𑍍𑌭𑌿𑌰𑍍𑌮𑌹𑌾𑌵𑍀𑌰𑍍𑌯𑍈𑌰𑍍𑌹𑍇𑌮𑌕𑌿𑌂𑌜𑌲𑍍𑌕𑌸𑌨𑍍𑌨𑌿𑌭𑍈𑌃 ॥ 21 ॥
𑌦𑍀𑌰𑍍𑌘𑌾𑌸𑌿𑌪𑌟𑍍𑌟𑌿𑌶𑌧𑌰𑍈𑌃𑌮𑌵𑌰𑍍𑌣𑌾𑌂𑌬𑌰𑌾𑌵𑍃𑌤𑍈𑌃 ।
𑌨𑌿𑌰𑍍𑌦𑌗𑍍𑌧𑌂 𑌤𑌦𑍍𑌬𑌲𑌂 𑌸𑌰𑍍𑌵𑌂 𑌪𑍍𑌰𑌦𑍀𑌪𑍍𑌤𑍈𑌰𑌿𑌵 𑌪𑌾𑌵𑌕𑍈𑌃 ॥ 22 ॥
𑌤𑌤𑍋𑌽𑌸𑍍𑌤𑍍𑌰𑌾𑌣𑌿 𑌮𑌹𑌾𑌤𑍇𑌜𑌾 𑌵𑌿𑌶𑍍𑌵𑌾𑌮𑌿𑌤𑍍𑌰𑍋 𑌮𑍁𑌮𑍋𑌚 𑌹 ।
𑌤𑍈𑌸𑍍𑌤𑍈𑌰𑍍𑌯𑌵𑌨𑌕𑌾𑌂𑌭𑍋𑌜𑌾𑌃 𑌪𑌪𑍍𑌲𑌵𑌾𑌶𑍍𑌚𑌾𑌕𑍁𑌲𑍀𑌕𑍃𑌤𑌾𑌃 ॥ 23 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌬𑌾𑌲𑌕𑌾𑌂𑌡𑍇 𑌚𑌤𑍁𑌃𑌪𑌂𑌚𑌾𑌶𑌸𑍍𑌸𑌰𑍍𑌗𑌃 ॥
