𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌷𑌟𑍍𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ।
𑌤𑌮𑌗𑍍𑌨𑌿𑌮𑌿𑌵 𑌸𑌂𑌶𑌾𑌂𑌤𑌮𑌂𑌬𑍁𑌹𑍀𑌨𑌮𑌿𑌵𑌾𑌰𑍍𑌣𑌵𑌮𑍍 ।
𑌹𑌤𑌪𑍍𑌰𑌭𑌮𑌿𑌵𑌾𑌽𑌽𑌦𑌿𑌤𑍍𑌯𑌂 𑌸𑍍𑌵𑌰𑍍𑌗𑌸𑍍𑌥𑌂 𑌪𑍍𑌰𑍇𑌕𑍍𑌷𑍍𑌯 𑌪𑌾𑌰𑍍𑌥𑌿𑌵𑌮𑍍 ॥ 1 ॥
𑌕𑍌𑌸𑌲𑍍𑌯𑌾 𑌬𑌾𑌷𑍍𑌪𑌪𑍂𑌰𑍍𑌣𑌾𑌕𑍍𑌷𑍀 𑌵𑌿𑌵𑌿𑌧𑌾𑌂 𑌶𑍋𑌕𑌕𑌰𑍍𑌶𑌿𑌤𑌾 ।
𑌉𑌪𑌗𑍃𑌹𑍍𑌯 𑌶𑌿𑌰𑍋 𑌰𑌾𑌜𑍍𑌞𑌃 𑌕𑍈𑌕𑍇𑌯𑍀𑌂 𑌪𑍍𑌰𑌤𑍍𑌯𑌭𑌾𑌷𑌤 ॥ 2 ॥
𑌤𑌮𑌗𑍍𑌨𑌿𑌮𑌿𑌵 𑌸𑌂𑌶𑌾𑌂𑌤𑌮𑌂𑌬𑍁𑌹𑍀𑌨𑌮𑌿𑌵𑌾𑌰𑍍𑌣𑌵𑌮𑍍 ।
𑌹𑌤𑌪𑍍𑌰𑌭𑌮𑌿𑌵𑌾𑌽𑌽𑌦𑌿𑌤𑍍𑌯𑌂 𑌸𑍍𑌵𑌰𑍍𑌗𑌸𑍍𑌥𑌂 𑌪𑍍𑌰𑍇𑌕𑍍𑌷𑍍𑌯 𑌪𑌾𑌰𑍍𑌥𑌿𑌵𑌮𑍍 ॥ 3 ॥
𑌕𑍌𑌸𑌲𑍍𑌯𑌾 𑌬𑌾𑌷𑍍𑌪𑌪𑍂𑌰𑍍𑌣𑌾𑌕𑍍𑌷𑍀 𑌵𑌿𑌵𑌿𑌧𑌾𑌂 𑌶𑍋𑌕𑌕𑌰𑍍𑌶𑌿𑌤𑌾 ।
𑌉𑌪𑌗𑍃𑌹𑍍𑌯 𑌶𑌿𑌰𑍋 𑌰𑌾𑌜𑍍𑌞𑌃 𑌕𑍈𑌕𑍇𑌯𑍀𑌂 𑌪𑍍𑌰𑌤𑍍𑌯𑌭𑌾𑌷𑌤 ॥ 4 ॥
𑌸𑌕𑌾𑌮𑌾 𑌭𑌵 𑌕𑍈𑌕𑍇𑌯𑌿 𑌭𑍁𑌂𑌕𑍍𑌷𑍍𑌵 𑌰𑌾𑌜𑍍𑌯𑌮𑌕𑌂𑌟𑌕𑌮𑍍 ।
𑌤𑍍𑌯𑌕𑍍𑌤𑍍𑌵𑌾 𑌰𑌾𑌜𑌾𑌨𑌮𑍇𑌕𑌾𑌗𑍍𑌰𑌾 𑌨𑍃𑌶𑌂𑌸𑍇 𑌦𑍁𑌷𑍍𑌟𑌚𑌾𑌰𑌿𑌣𑌿 ॥ 5 ॥
𑌵𑌿𑌹𑌾𑌯 𑌮𑌾𑌂 𑌗𑌤𑍋 𑌰𑌾𑌮𑌃 𑌭𑌰𑍍𑌤𑌾 𑌚 𑌸𑍍𑌵𑌰𑍍𑌗𑌤𑍋 𑌮𑌮 ।
𑌵𑌿𑌪𑌥𑍇 𑌸𑌾𑌰𑍍𑌥𑌹𑍀𑌨𑍇𑌵 𑌨𑌾𑌹𑌂 𑌜𑍀𑌵𑌿𑌤𑍁𑌮𑍁𑌤𑍍𑌸𑌹𑍇 ॥ 6 ॥
𑌭𑌰𑍍𑌤𑌾𑌰𑌂 𑌤𑌂 𑌪𑌰𑌿𑌤𑍍𑌯𑌜𑍍𑌯 𑌕𑌾 𑌸𑍍𑌤𑍍𑌰𑍀 𑌦𑍈𑌵𑌤𑌮𑌾𑌤𑍍𑌮𑌨𑌃 ।
𑌇𑌚𑍍𑌛𑍇𑌜𑍍𑌜𑍀𑌵𑌿𑌤𑍁𑌮𑌨𑍍𑌯𑌤𑍍𑌰 𑌕𑍈𑌕𑍇𑌯𑍍𑌯𑌾𑌸𑍍𑌤𑍍𑌯𑌕𑍍𑌤𑌧𑌰𑍍𑌮𑌣𑌃 ॥ ॥
𑌨 𑌲𑍁𑌬𑍍𑌧𑍋 𑌬𑍁𑌧𑍍𑌯𑌤𑍇 𑌦𑍋𑌷𑌾𑌨𑍍 𑌕𑌿𑌂𑌪𑌾𑌕𑌮𑌿𑌵 𑌭𑌕𑍍𑌷𑌯𑌨𑍍 ।
𑌕𑍁𑌬𑍍𑌜𑌾𑌨𑌿𑌮𑌿𑌤𑍍𑌤𑌂 𑌕𑍈𑌕𑍇𑌯𑍍𑌯𑌾 𑌰𑌾𑌘𑌵𑌾𑌣𑌾𑌂 𑌕𑍁𑌲𑌂 𑌹𑌤𑌮𑍍 ॥ ॥
𑌅𑌨𑌿𑌯𑍋𑌗𑍇 𑌨𑌿𑌯𑍁𑌕𑍍𑌤𑍇𑌨 𑌰𑌾𑌜𑍍𑌞𑌾 𑌰𑌾𑌮𑌂 𑌵𑌿𑌵𑌾𑌸𑌿𑌤𑌮𑍍 ।
𑌸𑌭𑌾𑌰𑍍𑌯𑌂 𑌜𑌨𑌕𑌶𑍍𑌶𑍍𑌰𑍁𑌤𑍍𑌵𑌾 𑌪𑌰𑌿𑌤𑌪𑍍𑌸𑍍𑌯𑌤𑍍𑌯𑌹𑌂 𑌯𑌥𑌾 ॥ ॥
𑌸 𑌮𑌾𑌮𑌨𑌾𑌥𑌾𑌂 𑌵𑌿𑌧𑌵𑌾𑌂 𑌨𑌾𑌦𑍍𑌯 𑌜𑌾𑌨𑌾𑌤𑌿 𑌧𑌾𑌰𑍍𑌮𑌿𑌕𑌃 ।
𑌰𑌾𑌮𑌃 𑌕𑌮𑌲𑌪𑌤𑍍𑌰𑌾𑌕𑍍𑌷𑌃 𑌜𑍀𑌵𑌨𑍍𑌨𑌾𑌶𑌮𑌿𑌤𑍋 𑌗𑌤𑌃 ॥ 10 ॥
𑌵𑌿𑌦𑍇𑌹𑌰𑌾𑌜𑌸𑍍𑌯 𑌸𑍁𑌤𑌾 𑌤𑌥𑌾 𑌸𑍀𑌤𑌾 𑌤𑌪𑌸𑍍𑌵𑌿𑌨𑍀 ।
𑌦𑍁𑌃𑌖𑌸𑍍𑌯𑌾𑌨𑍁𑌚𑌿𑌤𑌾 𑌦𑍁𑌃𑌖𑌂 𑌵𑌨𑍇 𑌪𑌰𑍍𑌯𑍁𑌦𑍍𑌵𑌿𑌜𑌿𑌷𑍍𑌯𑌤𑌿 ॥ 11 ॥
𑌨𑌦𑌤𑌾𑌂 𑌭𑍀𑌮𑌘𑍋𑌷𑌾𑌣𑌾𑌂 𑌨𑌿𑌶𑌾𑌸𑍁 𑌮𑍃𑌗𑌪𑌕𑍍𑌷𑌿𑌣𑌾𑌮𑍍 ।
𑌨𑌿𑌶𑌮𑍍𑌯 𑌨𑍂𑌨𑌂 𑌸𑌂𑌤𑍍𑌰𑌸𑍍𑌤𑌾 𑌰𑌾𑌘𑌵𑌂 𑌸𑌂𑌶𑍍𑌰𑌯𑌿𑌷𑍍𑌯𑌤𑌿 ॥ 12 ॥
𑌵𑍃𑌦𑍍𑌧𑌶𑍍𑌚𑍈𑌵𑌾𑌲𑍍𑌪𑌪𑍁𑌤𑍍𑌰𑌶𑍍𑌚 𑌵𑍈𑌦𑍇𑌹𑍀𑌮𑌨𑍁𑌚𑌿𑌂𑌤𑌯𑌨𑍍 ।
𑌸𑍋𑌽𑌪𑌿 𑌶𑍋𑌕𑌸𑌮𑌾𑌵𑌿𑌷𑍍𑌟𑍋 𑌨𑌨𑍁 𑌤𑍍𑌯𑌕𑍍𑌷𑍍𑌯𑌤𑌿 𑌜𑍀𑌵𑌿𑌤𑌮𑍍 ॥ 13 ॥
𑌸𑌾𑌽𑌹𑌮𑌦𑍍𑌯𑍈𑌵 𑌦𑌿𑌷𑍍𑌟𑌾𑌂𑌤𑌂 𑌗𑌮𑌿𑌷𑍍𑌯𑌾𑌮𑌿 𑌪𑌤𑌿𑌵𑍍𑌰𑌤𑌾 ।
𑌇𑌦𑌂 𑌶𑌰𑍀𑌰 𑌮𑌾𑌲𑌿𑌂𑌗𑍍𑌯 𑌪𑍍𑌰𑌵𑍇𑌕𑍍𑌷𑍍𑌯𑌾𑌮𑌿 𑌹𑍁𑌤𑌾𑌶𑌨𑌮𑍍 ॥ 14 ॥
𑌤𑌾𑌂 𑌤𑌤𑌸𑍍𑌸𑌂𑌪𑌰𑌿𑌷𑍍𑌵𑌜𑍍𑌯 𑌵𑌿𑌲𑌪𑌂𑌤𑍀𑌂 𑌤𑌪𑌸𑍍𑌵𑌿𑌨𑍀𑌮𑍍 ।
𑌵𑍍𑌯𑌪𑌨𑍀𑌯 𑌸𑍁𑌦𑍁𑌃𑌖𑌾𑌰𑍍𑌤𑌾𑌂 𑌕𑍌𑌸𑌲𑍍𑌯𑌾𑌂 𑌵𑍍𑌯𑌾𑌵𑌹𑌾𑌰𑌿𑌕𑌾𑌃 ॥ 15 ॥
𑌤𑍈𑌲𑌦𑍍𑌰𑍋𑌣𑍍𑌯𑌾𑌮𑌥𑌾𑌮𑌾𑌤𑍍𑌯𑌾 𑌸𑌮𑍍𑌵𑍇𑌶𑍍𑌯 𑌜𑌗𑌤𑍀𑌪𑌤𑌿𑌮𑍍 ।
𑌰𑌾𑌜𑍍𑌞𑌸𑍍𑌸𑌰𑍍𑌵𑌾𑌣𑍍𑌯𑌥𑌾𑌦𑌿𑌷𑍍𑌟𑌾𑌶𑍍𑌚𑌕𑍍𑌰𑍁𑌃 𑌕𑌰𑍍𑌮𑌾𑌣𑍍𑌯𑌨𑌂𑌤𑌰𑌮𑍍 ॥ 16 ॥
𑌨 𑌤𑍁 𑌸𑌂𑌕𑌲𑌨𑌂 𑌰𑌾𑌜𑍍𑌞𑍋 𑌵𑌿𑌨𑌾 𑌪𑍁𑌤𑍍𑌰𑍇𑌣 𑌮𑌂𑌤𑍍𑌰𑌿𑌣𑌃 ।
𑌸𑌰𑍍𑌵𑌜𑍍𑌞𑌾𑌃 𑌕𑌰𑍍𑌤𑍁𑌮𑍀𑌷𑍁𑌸𑍍𑌤𑍇 𑌤𑌤𑍋 𑌰𑌕𑍍𑌷𑌂𑌤𑌿 𑌭𑍂𑌮𑌿𑌪𑌮𑍍 ॥ 1 ॥
𑌤𑍈𑌲𑌦𑍍𑌰𑍋𑌣𑍍𑌯𑌾𑌂 𑌤𑍁 𑌸𑌚𑌿𑌵𑍈𑌶𑍍𑌶𑌾𑌯𑌿𑌤𑌂 𑌤𑌂 𑌨𑌰𑌾𑌧𑌿𑌪𑌮𑍍 ।
𑌹𑌾 𑌮𑍃𑌤𑍋𑌽𑌯𑌮𑌿𑌤𑌿 𑌜𑍍𑌞𑌾𑌤𑍍𑌵𑌾 𑌸𑍍𑌤𑍍𑌰𑌿𑌯𑌸𑍍𑌤𑌾𑌃 𑌪𑌰𑍍𑌯𑌦𑍇𑌵𑌯𑌨𑍍 ॥ 1 ॥
𑌬𑌾𑌹𑍂𑌨𑍁𑌦𑍍𑌯𑌮𑍍𑌯 𑌕𑍃𑌪𑌣𑌾𑌃 𑌨𑍇𑌤𑍍𑌰𑌪𑍍𑌰𑌸𑍍𑌰𑌵𑌣𑍈𑌰𑍍𑌮𑍁𑌖𑍈𑌃 ।
𑌰𑍁𑌦𑌂𑌤𑍍𑌯 𑌶𑍍𑌶𑍋𑌕𑌸𑌂𑌤𑌪𑍍𑌤𑌾𑌃 𑌕𑍃𑌪𑌣𑌂 𑌪𑌰𑍍𑌯𑌦𑍇𑌵𑌯𑌨𑍍 ॥ 1 ॥
𑌹𑌾 𑌮𑌹𑌾𑌰𑌾𑌜 𑌰𑌾𑌮𑍇𑌣 𑌸𑌤𑌤𑌂 𑌪𑍍𑌰𑌿𑌯𑌵𑌾𑌦𑌿𑌨𑌾 ।
𑌵𑌿𑌹𑍀𑌨𑌾𑌸𑍍𑌸𑌤𑍍𑌯𑌸𑌂𑌧𑍇𑌨 𑌕𑌿𑌮𑌰𑍍𑌥𑌂 𑌵𑌿𑌜𑌹𑌾𑌸𑌿 𑌨𑌃 ॥ 20 ॥
𑌕𑍈𑌕𑍇𑌯𑍍𑌯𑌾 𑌦𑍁𑌷𑍍𑌟𑌭𑌾𑌵𑌾𑌯𑌾𑌃 𑌰𑌾𑌘𑌵𑍇𑌣 𑌵𑌿𑌯𑍋𑌜𑌿𑌤𑌾𑌃 ।
𑌕𑌥𑌂 𑌪𑌤𑌿𑌘𑍍𑌨𑌯𑌾 𑌵𑌤𑍍𑌸𑍍𑌯𑌾𑌮 𑌸𑍍𑌸𑌮𑍀𑌪𑍇 𑌵𑌿𑌧𑌵𑌾 𑌵𑌯𑌮𑍍 ॥ 21 ॥
𑌸 𑌹𑌿 𑌨𑌾𑌥𑌸𑍍𑌸𑌦𑌾𑌸𑍍𑌮𑌾𑌕𑌂 𑌤𑌵 𑌚 𑌪𑍍𑌰𑌭𑍁𑌰𑌾𑌤𑍍𑌮𑌵𑌾𑌨𑍍 ।
𑌵𑌨𑌂 𑌰𑌾𑌮𑍋 𑌗𑌤𑌶𑍍𑌶𑍍𑌰𑍀𑌮𑌾𑌨𑍍𑌵𑌿𑌹𑌾𑌯 𑌨𑍃𑌪𑌤𑌿𑌶𑍍𑌰𑌿𑌯𑌮𑍍 ॥ 22 ॥
𑌤𑍍𑌵𑌯𑌾 𑌤𑍇𑌨 𑌚 𑌵𑍀𑌰𑍇𑌣 𑌵𑌿𑌨𑌾 𑌵𑍍𑌯𑌸𑌨𑌮𑍋𑌹𑌿𑌤𑌾𑌃 ।
𑌕𑌥𑌂 𑌵𑌯𑌂 𑌨𑌿𑌵𑌤𑍍𑌸𑍍𑌯𑌾𑌮𑌃 𑌕𑍈𑌕𑍇𑌯𑍍𑌯𑌾 𑌚 𑌵𑌿𑌦𑍂𑌷𑌿𑌤𑌾𑌃 ॥ 23 ॥
𑌯𑌯𑌾 𑌤𑍁 𑌰𑌾𑌜𑌾 𑌰𑌾𑌮𑌶𑍍𑌚 𑌲𑌕𑍍𑌷𑍍𑌮𑌣𑌶𑍍𑌚 𑌮𑌹𑌾𑌬𑌲𑌃 ।
𑌸𑍀𑌤𑌯𑌾 𑌸𑌹 𑌸𑌂𑌤𑍍𑌯𑌕𑍍𑌤𑌾 𑌸𑍍𑌸𑌾𑌕𑌮𑌨𑍍𑌯𑌂 𑌨 𑌹𑌾𑌸𑍍𑌯𑌤𑌿 ॥ 24 ॥
𑌤𑌾 𑌬𑌾𑌷𑍍𑌪𑍇𑌣 𑌚 𑌸𑌂𑌵𑍀𑌤𑌾𑌶𑍍𑌶𑍋𑌕𑍇𑌨 𑌵𑌿𑌪𑍁𑌲𑍇𑌨 𑌚 ।
𑌵𑍍𑌯𑌵𑍇𑌷𑍍𑌟𑌂𑌤 𑌨𑌿𑌰𑌾𑌨𑌂𑌦𑌾 𑌰𑌾𑌘𑌵𑌸𑍍𑌯 𑌵𑌰𑌸𑍍𑌤𑍍𑌰𑌿𑌯𑌃 ॥ 25 ॥
𑌨𑌿𑌶𑌾 𑌚𑌂𑌦𑍍𑌰𑌵𑌿𑌹𑍀𑌨𑍇𑌵 𑌸𑍍𑌤𑍍𑌰𑍀𑌵 𑌭𑌰𑍍𑌤𑍃𑌵𑌿𑌵𑌰𑍍𑌜𑌿𑌤𑌾 ।
𑌪𑍁𑌰𑍀 𑌨𑌾𑌰𑌾𑌜𑌤𑌾𑌯𑍋𑌧𑍍𑌯𑌾 𑌹𑍀𑌨𑌾 𑌰𑌾𑌜𑍍𑌞𑌾 𑌮𑌹𑌾𑌤𑍍𑌮𑌨𑌾 ॥ 26 ॥
𑌬𑌾𑌷𑍍𑌪𑌪𑌰𑍍𑌯𑌾𑌕𑍁𑌲𑌜𑌨𑌾 𑌹𑌾𑌹𑌾𑌭𑍂𑌤𑌕𑍁𑌲𑌾𑌂𑌗𑌨𑌾 ।
𑌶𑍂𑌨𑍍𑌯𑌚𑌤𑍍𑌵𑌰𑌵𑍇𑌶𑍍𑌮𑌾𑌂𑌤𑌾 𑌨 𑌬𑌭𑍍𑌰𑌾𑌜 𑌯𑌥𑌾𑌪𑍁𑌰𑌮𑍍 ॥ 2 ॥
𑌗𑌤𑍇 𑌤𑍁 𑌶𑍋𑌕𑌾𑌤𑍍 𑌤𑍍𑌰𑌿𑌦𑌿𑌵𑌂 𑌨𑌰𑌾𑌧𑌿𑌪𑍇 𑌮𑌹𑍀𑌤𑌲𑌸𑍍𑌥𑌾𑌸𑍁 𑌨𑍃𑌪𑌾𑌂𑌗𑌨𑌾𑌸𑍁 𑌚 ।
𑌨𑌿𑌵𑍃𑌤𑍍𑌤𑌚𑌾𑌰𑌸𑍍𑌸𑌹𑌸𑌾 𑌗𑌤𑍋 𑌰𑌵𑌿𑌃 𑌪𑍍𑌰𑌵𑍃𑌤𑍍𑌤𑌚𑌾𑌰𑌾 𑌰𑌜𑌨𑍀 𑌹𑍍𑌯𑍁𑌪𑌸𑍍𑌥𑌿𑌤𑌾 ॥ 2 ॥
𑌋𑌤𑍇 𑌤𑍁 𑌪𑍁𑌤𑍍𑌰𑌾𑌦𑍍𑌧𑌹𑌨𑌂 𑌮𑌹𑍀𑌪𑌤𑍇𑌰𑍍𑌨𑌰𑍋𑌚𑌯𑌂𑌤𑍇 𑌸𑍁𑌹𑍃𑌦𑌸𑍍𑌸𑌮𑌾𑌗𑌤𑌾𑌃 ।
𑌇𑌤𑍀𑌵 𑌤𑌸𑍍𑌮𑌿𑌨𑍍 𑌶𑌯𑌨𑍇 𑌨𑍍𑌯𑌵𑍇𑌶𑌯𑌨𑍍 𑌵𑌨𑌿𑌚𑌿𑌂𑌤𑍍𑌯 𑌰𑌾𑌜𑌾𑌨𑌮𑌚𑌿𑌂𑌤𑍍𑌯 𑌦𑌰𑍍𑌶𑌨𑌮𑍍 ॥ 2 ॥
𑌗𑌤𑌪𑍍𑌰𑌭𑌾 𑌦𑍍𑌯𑍌𑌰𑌿𑌵 𑌭𑌾𑌸𑍍𑌕𑌰𑌂 𑌵𑌿𑌨𑌾 𑌵𑍍𑌯𑌪𑍇𑌤𑌨𑌕𑍍𑌷𑌤𑍍𑌰𑌗𑌣𑍇𑌵 𑌶𑌰𑍍𑌵𑌰𑍀 ।
𑌪𑍁𑌰𑍀 𑌬𑌭𑌾𑌸𑍇 𑌰𑌹𑌿𑌤𑌾 𑌮𑌹𑌾𑌤𑍍𑌮𑌨𑌾 𑌨 𑌚𑌾𑌸𑍍𑌰𑌕𑌂𑌠𑌾𑌽𑌕𑍁𑌲𑌮𑌾𑌰𑍍𑌗𑌚𑌤𑍍𑌵𑌰𑌾 ॥ 30 ॥
𑌨𑌰𑌾𑌶𑍍𑌚 𑌨𑌾𑌰𑍍𑌯𑌶𑍍𑌚 𑌸𑌮𑍇𑌤𑍍𑌯 𑌸𑌂𑌘𑌶𑌃 𑌵𑌿𑌗𑌰𑍍𑌹𑌮𑌾𑌣𑌾 𑌭𑌰𑌤𑌸𑍍𑌯 𑌮𑌾𑌤𑌰𑌮𑍍 ।
𑌤𑌦𑌾 𑌨𑌗𑌰𑍍𑌯𑌾𑌂 𑌨𑌰𑌦𑍇𑌵𑌸𑌂𑌕𑍍𑌷𑌯𑍇 𑌬𑌭𑍂𑌵𑍁𑌰𑌾𑌰𑍍𑌤𑌾 𑌨 𑌚 𑌶𑌰𑍍𑌮 𑌲𑍇𑌭𑌿𑌰𑍇 ॥ 31 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌷𑌟𑍍𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ॥
