Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

5.6𑍮 𑌸𑍁𑌂𑌦𑌰𑌕𑌾𑌂𑌡 - 𑌅𑌷𑍍𑌟𑌷𑌷𑍍𑌟𑌿𑌤𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌸𑍁𑌂𑌦𑌰𑌕𑌾𑌂𑌡𑌮𑍍 ।
𑌅𑌥 𑌅𑌷𑍍𑌟𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ।

𑌅𑌥𑌾𑌹𑌮𑍁𑌤𑍍𑌤𑌰𑌂 𑌦𑍇𑌵𑍍𑌯𑌾 𑌪𑍁𑌨𑌰𑍁𑌕𑍍𑌤 𑌸𑍍𑌸𑌸𑌂𑌭𑍍𑌰𑌮𑌮𑍍 ।
𑌤𑌵 𑌸𑍍𑌨𑍇𑌹𑌾𑌨𑍍𑌨𑌰𑌵𑍍𑌯𑌾𑌘𑍍𑌰 𑌸𑍌𑌹𑌾𑌰𑍍𑌦𑌾𑌦𑌨𑍁𑌮𑌾𑌨𑍍𑌯 𑌵𑍈 ॥ 1 ॥

𑌏𑌵𑌂 𑌬𑌹𑍁𑌵𑌿𑌧𑌂 𑌵𑌾𑌚𑍍𑌯𑍋 𑌰𑌾𑌮𑍋 𑌦𑌾𑌶𑌰𑌥𑌿𑌸𑍍𑌤𑍍𑌵𑌯𑌾 ।
𑌯𑌥𑌾 𑌮𑌾𑌮𑌾𑌪𑍍𑌨𑍁𑌯𑌾𑌚𑍍𑌛𑍀𑌘𑍍𑌰𑌂 𑌹𑌤𑍍𑌵𑌾 𑌰𑌾𑌵𑌣𑌮𑌾𑌹𑌵𑍇 ॥ 2 ॥

𑌯𑌦𑌿 𑌵𑌾 𑌮𑌨𑍍𑌯𑌸𑍇 𑌵𑍀𑌰 𑌵𑌸𑍈𑌕𑌾𑌹𑌮𑌰𑌿𑌂𑌦𑌮 ।
𑌕𑌸𑍍𑌮𑌿𑌂𑌶𑍍𑌚𑌿𑌤𑍍𑌸𑌂𑌵𑍃𑌤𑍇 𑌦𑍇𑌶𑍇 𑌵𑌿𑌕𑍍𑌰𑌾𑌂𑌤𑌶𑍍𑌶𑍍𑌵𑍋 𑌗𑌮𑌿𑌷𑍍𑌯𑌸𑌿 ॥ 3 ॥

𑌮𑌮 𑌚𑌾𑌪𑍍𑌯𑌲𑍍𑌪𑌭𑌾𑌗𑍍𑌯𑌾𑌯𑌾𑌸𑍍𑌸𑌾𑌨𑍍𑌨𑌿𑌧𑍍𑌯𑌾𑌤𑍍𑌤𑌵 𑌵𑍀𑌰𑍍𑌯𑌵𑌨𑍍 ।
𑌅𑌸𑍍𑌯 𑌶𑍋𑌕𑌵𑌿𑌪𑌾𑌕𑌸𑍍𑌯 𑌮𑍁𑌹𑍂𑌰𑍍𑌤𑌂 𑌸𑍍𑌯𑌾𑌦𑍍𑌵𑌿𑌮𑍋𑌕𑍍𑌷𑌣𑌮𑍍 ॥ 4 ॥

𑌗𑌤𑍇 𑌹𑌿 𑌤𑍍𑌵𑌯𑌿 𑌵𑌿𑌕𑍍𑌰𑌾𑌂𑌤𑍇 𑌪𑍁𑌨𑌰𑌾𑌗𑌮𑌨𑌾𑌯 𑌵𑍈 ।
𑌪𑍍𑌰𑌾𑌣𑌾𑌨𑌾𑌮𑌪𑌿 𑌸𑌂𑌦𑍇𑌹𑍋 𑌮𑌮 𑌸𑍍𑌯𑌾𑌨𑍍𑌨𑌾𑌤𑍍𑌰 𑌸𑌂𑌶𑌯𑌃 ॥ 5 ॥

𑌤𑌵𑌾𑌦𑌰𑍍𑌶𑌨𑌜𑌶𑍍𑌶𑍋𑌕𑍋 𑌭𑍂𑌯𑍋 𑌮𑌾𑌂 𑌪𑌰𑌿𑌤𑌾𑌪𑌯𑍇𑌤𑍍 ।
𑌦𑍁𑌃𑌖𑌾𑌦𑍍𑌦𑍁𑌃𑌖𑌪𑌰𑌾𑌭𑍂𑌤𑌾𑌂 𑌦𑍁𑌰𑍍𑌗𑌤𑌾𑌂 𑌦𑍁𑌃𑌖𑌭𑌾𑌗𑌿𑌨𑍀𑌮𑍍 ॥ 6 ॥

𑌅𑌯𑌂 𑌚 𑌵𑍀𑌰 𑌸𑌂𑌦𑍇𑌹𑌸𑍍𑌤𑌿𑌷𑍍𑌠𑌤𑍀𑌵 𑌮𑌮𑌾𑌗𑍍𑌰𑌤𑌃 ।
𑌸𑍁𑌮𑌹𑌾𑌂𑌸𑍍𑌤𑍍𑌵𑌤𑍍𑌸𑌹𑌾𑌯𑍇𑌷𑍁 𑌹𑌰𑍍𑌯𑍃𑌕𑍍𑌷𑍇𑌷𑍁 𑌹𑌰𑍀𑌶𑍍𑌵𑌰 ॥ 𑍭 ॥

𑌕𑌥𑌂 𑌨𑍁 𑌖𑌲𑍁 𑌦𑍁𑌷𑍍𑌪𑌾𑌰𑌂 𑌤𑌰𑌿𑌷𑍍𑌯𑌂𑌤𑌿 𑌮𑌹𑍋𑌦𑌧𑌿𑌮𑍍 ।
𑌤𑌾𑌨𑌿 𑌹𑌰𑍍𑌯𑍃𑌕𑍍𑌷𑌸𑍈𑌨𑍍𑌯𑌾𑌨𑌿 𑌤𑍌 𑌵𑌾 𑌨𑌰𑌵𑌰𑌾𑌤𑍍𑌮𑌜𑍌 ॥ 𑍮 ॥

𑌤𑍍𑌰𑌯𑌾𑌣𑌾𑌮𑍇𑌵 𑌭𑍂𑌤𑌾𑌨𑌾𑌂 𑌸𑌾𑌗𑌰𑌸𑍍𑌯𑌾𑌸𑍍𑌯 𑌲𑌂𑌘𑌨𑍇 ।
𑌶𑌕𑍍𑌤𑌿𑌸𑍍𑌸𑍍𑌯𑌾𑌦𑍍𑌵𑍈𑌨𑌤𑍇𑌯𑌸𑍍𑌯 𑌤𑌵 𑌵𑌾 𑌮𑌾𑌰𑍁𑌤𑌸𑍍𑌯 𑌵𑌾 ॥ 𑍯 ॥

𑌤𑌦𑌸𑍍𑌮𑌿𑌨𑍍 𑌕𑌾𑌰𑍍𑌯𑌨𑌿𑌰𑍍𑌯𑍋𑌗𑍇 𑌵𑍀𑌰𑍈𑌵𑌂 𑌦𑍁𑌰𑌤𑌿𑌕𑍍𑌰𑌮𑍇 ।
𑌕𑌿𑌂 𑌪𑌶𑍍𑌯𑌸𑌿 𑌸𑌮𑌾𑌧𑌾𑌨𑌂 𑌬𑍍𑌰𑍂𑌹𑌿 𑌕𑌾𑌰𑍍𑌯𑌵𑌿𑌦𑌾𑌂 𑌵𑌰𑌃 ॥ 10 ॥

𑌕𑌾𑌮𑌮𑌸𑍍𑌯 𑌤𑍍𑌵𑌮𑍇𑌵𑍈𑌕𑌃 𑌕𑌾𑌰𑍍𑌯𑌸𑍍𑌯 𑌪𑌰𑌿𑌸𑌾𑌧𑌨𑍇 ।
𑌪𑌰𑍍𑌯𑌾𑌪𑍍𑌤𑌃 𑌪𑌰𑌵𑍀𑌰𑌘𑍍𑌨 𑌯𑌶𑌸𑍍𑌯𑌸𑍍𑌤𑍇 𑌬𑌲𑍋𑌦𑌯𑌃 ॥ 11 ॥

𑌬𑌲𑍈 𑌸𑍍𑌸𑌮𑌗𑍍𑌰𑍈𑌰𑍍𑌯𑌦𑌿 𑌮𑌾𑌂 𑌹𑌤𑍍𑌵𑌾 𑌰𑌾𑌵𑌣𑌮𑌾𑌹𑌵𑍇 ।
𑌵𑌿𑌜𑌯𑍀 𑌸𑍍𑌵𑌾𑌂 𑌪𑍁𑌰𑍀𑌂 𑌰𑌾𑌮𑍋 𑌨𑌯𑍇𑌤𑍍𑌤𑌤𑍍𑌸𑍍𑌯𑌾𑌦𑍍𑌯𑌶𑌸𑍍𑌕𑌰𑌮𑍍 ॥ 12 ॥

𑌯𑌥𑌾𑌽𑌹𑌂 𑌤𑌸𑍍𑌯 𑌵𑍀𑌰𑌸𑍍𑌯 𑌵𑌨𑌾𑌦𑍁𑌪𑌧𑌿𑌨𑌾 𑌹𑍃𑌤𑌾 ।
𑌰𑌕𑍍𑌷𑌸𑌾 𑌤𑌦𑍍𑌭𑌯𑌾𑌦𑍇𑌵 𑌤𑌥𑌾 𑌨𑌾𑌰𑍍𑌹𑌤𑌿 𑌰𑌾𑌘𑌵𑌃 ॥ 13 ॥

𑌬𑌲𑍈𑌸𑍍𑌤𑍁 𑌸𑌂𑌕𑍁𑌲𑌾𑌂 𑌕𑍃𑌤𑍍𑌵𑌾 𑌲𑌂𑌕𑌾𑌂 𑌪𑌰𑌬𑌲𑌾𑌰𑍍𑌦𑌨𑌃 ।
𑌮𑌾𑌂 𑌨𑌯𑍇𑌦𑍍𑌯𑌦𑌿 𑌕𑌾𑌕𑍁𑌤𑍍𑌸𑍍𑌥𑌸𑍍𑌤𑌤𑍍𑌤𑌸𑍍𑌯 𑌸𑌦𑍃𑌶𑌂 𑌭𑌵𑍇𑌤𑍍 ॥ 14 ॥

𑌤𑌦𑍍𑌯𑌥𑌾 𑌤𑌸𑍍𑌯 𑌵𑌿𑌕𑍍𑌰𑌾𑌂𑌤𑌮𑌨𑍁𑌰𑍂𑌪𑌂 𑌮𑌹𑌾𑌤𑍍𑌮𑌨𑌃 ।
𑌭𑌵𑍇𑌦𑌾𑌹𑌵𑌶𑍂𑌰𑌸𑍍𑌯 𑌤𑌥𑌾 𑌤𑍍𑌵𑌮𑍁𑌪𑌪𑌾𑌦𑌯 ॥ 15 ॥

𑌤𑌦𑌰𑍍𑌥𑍋𑌪𑌹𑌿𑌤𑌂 𑌵𑌾𑌕𑍍𑌯𑌂 𑌪𑍍𑌰𑌶𑍍𑌰𑌿𑌤𑌂 𑌹𑍇𑌤𑍁𑌸𑌂𑌹𑌿𑌤𑌮𑍍 ।
𑌨𑌿𑌶𑌮𑍍𑌯𑌾𑌹𑌂 𑌤𑌤 𑌶𑍍𑌶𑍇𑌷𑌂 𑌵𑌾𑌕𑍍𑌯𑌮𑍁𑌤𑍍𑌤𑌰𑌮𑌬𑍍𑌰𑍁𑌵𑌮𑍍 ॥ 16 ॥

𑌦𑍇𑌵𑌿 𑌹𑌰𑍍𑌯𑍃𑌕𑍍𑌷𑌸𑍈𑌨𑍍𑌯𑌾𑌨𑌾𑌮𑍀𑌶𑍍𑌵𑌰𑌃 𑌪𑍍𑌲𑌵𑌤𑌾𑌂 𑌵𑌰𑌃 ।
𑌸𑍁𑌗𑍍𑌰𑍀𑌵𑌸𑍍𑌸𑌤𑍍𑌤𑍍𑌵𑌸𑌂𑌪𑌨𑍍𑌨𑌸𑍍𑌤𑌵𑌾𑌰𑍍𑌥𑍇 𑌕𑍃𑌤𑌨𑌿𑌶𑍍𑌚𑌯𑌃 ॥ 1𑍭 ॥

𑌤𑌸𑍍𑌯 𑌵𑌿𑌕𑍍𑌰𑌮𑌸𑌂𑌪𑌨𑍍𑌨𑌾𑌸𑍍𑌸𑌤𑍍𑌤𑍍𑌵𑌵𑌂𑌤𑍋 𑌮𑌹𑌾𑌬𑌲𑌾𑌃 ।
𑌮𑌨 𑌸𑍍𑌸𑌂𑌕𑌲𑍍𑌪𑌸𑌂𑌪𑌾𑌤𑌾 𑌨𑌿𑌦𑍇𑌶𑍇 𑌹𑌰𑌯𑌃 𑌸𑍍𑌥𑌿𑌤𑌾𑌃 ॥ 1𑍮 ॥

𑌯𑍇𑌷𑌾𑌂 𑌨𑍋𑌪𑌰𑌿 𑌨𑌾𑌧𑌸𑍍𑌤𑌾𑌨𑍍𑌨 𑌤𑌿𑌰𑍍𑌯𑌕𑍍𑌸𑌜𑍍𑌜𑌤𑍇 𑌗𑌤𑌿𑌃 ।
𑌨 𑌚 𑌕𑌰𑍍𑌮𑌸𑍁 𑌸𑍀𑌦𑌂𑌤𑌿 𑌮𑌹𑌤𑍍𑌸𑍍𑌵𑌮𑌿𑌤𑌤𑍇𑌜𑌸𑌃 ॥ 1𑍯 ॥

𑌅𑌸𑌕𑍃𑌤𑍍𑌤𑍈𑌰𑍍𑌮𑌹𑌾𑌭𑌾𑌗𑍈𑌰𑍍𑌵𑌾𑌨𑌰𑍈𑌰𑍍𑌬𑌲𑌦𑌰𑍍𑌪𑌿𑌤𑍈𑌃 ।
𑌪𑍍𑌰𑌦𑌕𑍍𑌷𑌿𑌣𑍀𑌕𑍃𑌤𑌾 𑌭𑍂𑌮𑌿𑌰𑍍𑌵𑌾𑌯𑍁𑌮𑌾𑌰𑍍𑌗𑌾𑌨𑍁𑌸𑌾𑌰𑌿𑌭𑌿𑌃 ॥ 20 ॥

𑌮𑌦𑍍𑌵𑌿𑌶𑌿𑌷𑍍𑌟𑌾𑌶𑍍𑌚 𑌤𑍁𑌲𑍍𑌯𑌾𑌶𑍍𑌚 𑌸𑌂𑌤𑌿 𑌤𑌤𑍍𑌰 𑌵𑌨𑍌𑌕𑌸𑌃 ।
𑌮𑌤𑍍𑌤𑌃 𑌪𑍍𑌰𑌤𑍍𑌯𑌵𑌰𑌃 𑌕𑌶𑍍𑌚𑌿𑌨𑍍𑌨𑌾𑌸𑍍𑌤𑌿 𑌸𑍁𑌗𑍍𑌰𑍀𑌵𑌸𑌨𑍍𑌨𑌿𑌧𑍌 ॥ 21 ॥

𑌅𑌹𑌂 𑌤𑌾𑌵𑌦𑌿𑌹 𑌪𑍍𑌰𑌾𑌪𑍍𑌤𑌃 𑌕𑌿𑌂 𑌪𑍁𑌨𑌸𑍍𑌤𑍇 𑌮𑌹𑌾𑌬𑌲𑌾𑌃 ।
𑌨 𑌹𑌿 𑌪𑍍𑌰𑌕𑍃𑌷𑍍𑌟𑌾𑌃 𑌪𑍍𑌰𑍇𑌤𑍍𑌯𑌂𑌤𑍇 𑌪𑍍𑌰𑍇𑌷𑍍𑌯𑌂𑌤𑍇 𑌹𑍀𑌤𑌰𑍇 𑌜𑌨𑌾𑌃 ॥ 22 ॥

𑌤𑌦𑌲𑌂 𑌪𑌰𑌿𑌤𑌾𑌪𑍇𑌨 𑌦𑍇𑌵𑌿 𑌮𑌨𑍍𑌯𑍁𑌰𑍍𑌵𑍍𑌯𑌪𑍈𑌤𑍁 𑌤𑍇 ।
𑌏𑌕𑍋𑌤𑍍𑌪𑌾𑌤𑍇𑌨 𑌤𑍇 𑌲𑌂𑌕𑌾𑌮𑍇𑌷𑍍𑌯𑌂𑌤𑌿 𑌹𑌰𑌿𑌯𑍂𑌥𑌪𑌾𑌃 ॥ 23 ॥

𑌮𑌮 𑌪𑍃𑌷𑍍𑌠𑌗𑌤𑍌 𑌤𑍌 𑌚 𑌚𑌂𑌦𑍍𑌰𑌸𑍂𑌰𑍍𑌯𑌾𑌵𑌿𑌵𑍋𑌦𑌿𑌤𑍌 ।
𑌤𑍍𑌵𑌤𑍍𑌸𑌕𑌾𑌶𑌂 𑌮𑌹𑌾𑌭𑌾𑌗𑍇 𑌨𑍃𑌸𑌿𑌂𑌹𑌾𑌵𑌾𑌗𑌮𑌿𑌷𑍍𑌯𑌤𑌃 ॥ 24 ॥

𑌅𑌰𑌿𑌘𑍍𑌨𑌂 𑌸𑌿𑌂𑌹𑌸𑌂𑌕𑌾𑌶𑌂 𑌕𑍍𑌷𑌿𑌪𑍍𑌰𑌂 𑌦𑍍𑌰𑌕𑍍𑌷𑍍𑌯𑌸𑌿 𑌰𑌾𑌘𑌵𑌮𑍍 ।
𑌲𑌕𑍍𑌷𑍍𑌮𑌣𑌂 𑌚 𑌧𑌨𑍁𑌷𑍍𑌪𑌾𑌣𑌿𑌂 𑌲𑌂𑌕𑌾𑌦𑍍𑌵𑌾𑌰𑌮𑍁𑌪𑌸𑍍𑌥𑌿𑌤𑌮𑍍 ॥ 25 ॥

𑌨𑌖𑌦𑌂𑌷𑍍𑌟𑍍𑌰𑌾𑌯𑍁𑌧𑌾𑌨𑍍 𑌵𑍀𑌰𑌾𑌨𑍍 𑌸𑌿𑌂𑌹𑌶𑌾𑌰𑍍𑌦𑍂𑌲𑌵𑌿𑌕𑍍𑌰𑌮𑌾𑌨𑍍 ।
𑌵𑌾𑌨𑌰𑌾𑌨𑍍𑌵𑌾𑌰𑌣𑍋𑌂𑌦𑍍𑌰𑌾𑌭𑌾𑌨𑍍 𑌕𑍍𑌷𑌿𑌪𑍍𑌰𑌂 𑌦𑍍𑌰𑌕𑍍𑌷𑌸𑌿 𑌸𑌂𑌗𑌤𑌾𑌨𑍍 ॥ 26 ॥

𑌶𑍈𑌲𑌾𑌂𑌬𑍁𑌦𑌨𑌿𑌕𑌾𑌶𑌾𑌨𑌾𑌂 𑌲𑌂𑌕𑌾𑌮𑌲𑌯𑌸𑌾𑌨𑍁𑌷𑍁 ।
𑌨𑌰𑍍𑌦𑌤𑌾𑌂 𑌕𑌪𑌿𑌮𑍁𑌖𑍍𑌯𑌾𑌨𑌾𑌮𑌚𑌿𑌰𑌾𑌚𑍍𑌛𑍍𑌰𑍋𑌷𑍍𑌯𑌸𑌿 𑌸𑍍𑌵𑌨𑌮𑍍 ॥ 2𑍭 ॥

𑌨𑌿𑌵𑍃𑌤𑍍𑌤𑌵𑌨𑌵𑌾𑌸𑌂 𑌚 𑌤𑍍𑌵𑌯𑌾 𑌸𑌾𑌰𑍍𑌧𑌮𑌰𑌿𑌂𑌦𑌮𑌮𑍍 ।
𑌅𑌭𑌿𑌷𑌿𑌕𑍍𑌤𑌮𑌯𑍋𑌧𑍍𑌯𑌾𑌯𑌾𑌂 𑌕𑍍𑌷𑌿𑌪𑍍𑌰𑌂 𑌦𑍍𑌰𑌕𑍍𑌷𑍍𑌯𑌸𑌿 𑌰𑌾𑌘𑌵𑌮𑍍 ॥ 2𑍮 ॥

𑌤𑌤𑍋 𑌮𑌯𑌾 𑌵𑌾𑌗𑍍𑌭𑌿𑌰𑌦𑍀𑌨𑌭𑌾𑌷𑌿𑌣𑌾 𑌶𑌿𑌵𑌾𑌭𑌿𑌰𑌿𑌷𑍍𑌟𑌾𑌭𑌿𑌰𑌭𑌿𑌪𑍍𑌰𑌸𑌾𑌦𑌿𑌤𑌾 ।
𑌜𑌗𑌾𑌮 𑌶𑌾𑌂𑌤𑌿𑌂 𑌮𑌮 𑌮𑍈𑌥𑌿𑌲𑌾𑌤𑍍𑌮𑌜𑌾 𑌤𑌵𑌾𑌪𑌿 𑌶𑍋𑌕𑍇𑌨 𑌤𑌦𑌾𑌭𑌿𑌪𑍀𑌡𑌿𑌤𑌾 ॥ 2𑍯 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌸𑍁𑌂𑌦𑌰𑌕𑌾𑌂𑌡𑍇 𑌅𑌷𑍍𑌟𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ॥


Browse Related Categories: