Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

1.36 𑌬𑌾𑌲𑌕𑌾𑌂𑌡 - 𑌷𑌟𑍍𑌤𑍍𑌰𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌬𑌾𑌲𑌕𑌾𑌂𑌡𑌮𑍍 ।
𑌅𑌥 𑌷𑌟𑍍𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ।

𑌉𑌕𑍍𑌤𑌵𑌾𑌕𑍍𑌯𑍇 𑌮𑍁𑌨𑍌 𑌤𑌸𑍍𑌮𑌿𑌨𑍍𑌨𑍁𑌭𑍌 𑌰𑌾𑌘𑌵𑌲𑌕𑍍𑌷𑍍𑌮𑌣𑍌 ।
𑌪𑍍𑌰𑌤𑌿𑌨𑌂𑌦𑍍𑌯 𑌕𑌥𑌾𑌂 𑌵𑍀𑌰𑌾𑌵𑍂𑌚𑌤𑍁𑌰𑍍𑌮𑍁𑌨𑌿𑌪𑍁𑌂𑌗𑌵𑌮𑍍 ॥ 1 ॥

𑌧𑌰𑍍𑌮𑌯𑍁𑌕𑍍𑌤𑌮𑌿𑌦𑌂 𑌬𑍍𑌰𑌹𑍍𑌮𑌨𑍍 𑌕𑌥𑌿𑌤𑌂 𑌪𑌰𑌮𑌂 𑌤𑍍𑌵𑌯𑌾 ।
𑌦𑍁𑌹𑌿𑌤𑍁𑌶𑍍𑌶𑍈𑌲𑌰𑌾𑌜𑌸𑍍𑌯 𑌜𑍍𑌯𑍇𑌷𑍍𑌠𑌾𑌯𑌾 𑌵𑌕𑍍𑌤𑍁𑌮𑌰𑍍𑌹𑌸𑌿 ॥ 2 ॥

𑌵𑌿𑌸𑍍𑌤𑌰𑌂 𑌵𑌿𑌸𑍍𑌤𑌰𑌜𑍍𑌞𑍋𑌽𑌸𑌿 𑌦𑌿𑌵𑍍𑌯𑌮𑌾𑌨𑍁𑌷𑌸𑌂𑌭𑌵𑌮𑍍 ।
𑌤𑍍𑌰𑍀𑌨𑍍 𑌪𑌥𑍋 𑌹𑍇𑌤𑍁𑌨𑌾 𑌕𑍇𑌨 𑌪𑍍𑌲𑌾𑌵𑌯𑍇𑌲𑍍𑌲𑍋𑌕𑌪𑌾𑌵𑌨𑍀 ॥ 3 ॥

𑌕𑌥𑌂 𑌗𑌂𑌗𑌾 𑌤𑍍𑌰𑌿𑌪𑌥𑌗𑌾 𑌵𑌿𑌶𑍍𑌰𑍁𑌤𑌾 𑌸𑌰𑌿𑌦𑍁𑌤𑍍𑌤𑌮𑌾 ।
𑌤𑍍𑌰𑌿𑌷𑍁 𑌲𑍋𑌕𑍇𑌷𑍁 𑌧𑌰𑍍𑌮𑌜𑍍𑌞 𑌕𑌰𑍍𑌮𑌭𑌿𑌃 𑌕𑍈𑌸𑍍𑌸𑌮𑌨𑍍𑌵𑌿𑌤𑌾 ॥ 4 ॥

𑌤𑌥𑌾 𑌬𑍍𑌰𑍁𑌵𑌤𑌿 𑌕𑌾𑌕𑍁𑌤𑍍𑌸𑍍𑌥𑍇 𑌵𑌿𑌶𑍍𑌵𑌾𑌮𑌿𑌤𑍍𑌰𑌸𑍍𑌤𑌪𑍋𑌧𑌨𑌃 ।
𑌨𑌿𑌖𑌿𑌲𑍇𑌨 𑌕𑌥𑌾𑌂 𑌸𑌰𑍍𑌵𑌾𑌮𑍃𑌷𑌿𑌮𑌧𑍍𑌯𑍇 𑌨𑍍𑌯𑌵𑍇𑌦𑌯𑌤𑍍 ॥ 5 ॥

𑌪𑍁𑌰𑌾 𑌰𑌾𑌮 𑌕𑍃𑌤𑍋𑌦𑍍𑌵𑌾𑌹𑍋 𑌨𑍀𑌲𑌕𑌂𑌠𑍋 𑌮𑌹𑌾𑌤𑌪𑌾𑌃 ।
𑌦𑍃𑌷𑍍𑌟𑍍𑌵𑌾 𑌚 𑌸𑍍𑌪𑍃𑌹𑌯𑌾 𑌦𑍇𑌵𑍀𑌂 𑌮𑍈𑌥𑍁𑌨𑌾𑌯𑍋𑌪𑌚𑌕𑍍𑌰𑌮𑍇 ॥ 6 ॥

𑌶𑌿𑌤𑌿𑌕𑌂𑌠𑌸𑍍𑌯 𑌦𑍇𑌵𑌸𑍍𑌯 𑌦𑌿𑌵𑍍𑌯𑌂 𑌵𑌰𑍍𑌷𑌶𑌤𑌂 𑌗𑌤𑌮𑍍 ।
𑌨 𑌚𑌾𑌪𑌿 𑌤𑌨𑌯𑍋 𑌰𑌾𑌮 𑌤𑌸𑍍𑌯𑌾𑌮𑌾𑌸𑍀𑌤𑍍 𑌪𑌰𑌂𑌤𑌪 ॥ 𑍭 ॥

𑌤𑌤𑍋 𑌦𑍇𑌵𑌾𑌸𑍍𑌸𑌮𑍁𑌦𑍍𑌵𑌿𑌗𑍍𑌨𑌾𑌃 𑌪𑌿𑌤𑌾𑌮𑌹𑌪𑍁𑌰𑍋𑌗𑌮𑌾𑌃 ।
𑌯𑌦𑌿𑌹𑍋𑌤𑍍𑌪𑌦𑍍𑌯𑌤𑍇 𑌭𑍂𑌤𑌂 𑌕𑌸𑍍𑌤𑌤𑍍𑌪𑍍𑌰𑌤𑌿𑌸𑌹𑌿𑌷𑍍𑌯𑌤𑍇 ॥ 𑍮 ॥

𑌅𑌭𑌿𑌗𑌮𑍍𑌯 𑌸𑍁𑌰𑌾𑌸𑍍𑌸𑌰𑍍𑌵𑍇 𑌪𑍍𑌰𑌣𑌿𑌪𑌤𑍍𑌯𑍇𑌦𑌮𑌬𑍍𑌰𑍁𑌵𑌨𑍍 ।
𑌦𑍇𑌵 𑌦𑍇𑌵 𑌮𑌹𑌾𑌦𑍇𑌵 𑌲𑍋𑌕𑌸𑍍𑌯𑌾𑌸𑍍𑌯 𑌹𑌿𑌤𑍇 𑌰𑌤 ॥ 𑍯 ॥

𑌸𑍁𑌰𑌾𑌣𑌾𑌂 𑌪𑍍𑌰𑌣𑌿𑌪𑌾𑌤𑍇𑌨 𑌪𑍍𑌰𑌸𑌾𑌦𑌂 𑌕𑌰𑍍𑌤𑍁𑌮𑌰𑍍𑌹𑌸𑌿 ।
𑌨 𑌲𑍋𑌕𑌾 𑌧𑌾𑌰𑌯𑌿𑌷𑍍𑌯𑌂𑌤𑌿 𑌤𑌵 𑌤𑍇𑌜𑌸𑍍𑌸𑍁𑌰𑍋𑌤𑍍𑌤𑌮 ॥ 10 ॥

𑌬𑍍𑌰𑌾𑌹𑍍𑌮𑍇𑌣 𑌤𑌪𑌸𑌾 𑌯𑍁𑌕𑍍𑌤𑍋 𑌦𑍇𑌵𑍍𑌯𑌾 𑌸𑌹 𑌤𑌪𑌶𑍍𑌚𑌰 ।
𑌤𑍍𑌰𑍈𑌲𑍋𑌕𑍍𑌯𑌹𑌿𑌤𑌕𑌾𑌮𑌾𑌰𑍍𑌥𑌂 𑌤𑍇𑌜𑌸𑍍𑌤𑍇𑌜𑌸𑌿 𑌧𑌾𑌰𑌯 ॥ 11 ॥

𑌦𑍇𑌵𑌤𑌾𑌨𑌾𑌂 𑌵𑌚𑌶𑍍𑌶𑍍𑌰𑍁𑌤𑍍𑌵𑌾 𑌸𑌰𑍍𑌵𑌲𑍋𑌕𑌮𑌹𑍇𑌶𑍍𑌵𑌰𑌃 ।
𑌬𑌾𑌢𑌮𑌿𑌤𑍍𑌯𑌬𑍍𑌰𑌵𑍀𑌤𑍍𑌸𑌰𑍍𑌵𑌾𑌨𑍍𑌪𑍁𑌨𑌶𑍍𑌚𑍈𑌵𑌮𑍁𑌵𑌾𑌚 𑌹 ॥ 12 ॥

𑌧𑌾𑌰𑌯𑌿𑌷𑍍𑌯𑌾𑌮𑍍𑌯𑌹𑌂 𑌤𑍇𑌜𑌸𑍍𑌤𑍇𑌜𑌸𑍍𑌯𑍇𑌵 𑌸𑌹𑍋𑌮𑌯𑌾 ।
𑌤𑍍𑌰𑌿𑌦𑌶𑌾𑌃 𑌪𑍃𑌥𑌿𑌵𑍀 𑌚𑍈𑌵 𑌨𑌿𑌰𑍍𑌵𑌾𑌣𑌮𑌧𑌿𑌗𑌚𑍍𑌛𑌤𑍁 ॥ 13 ॥

𑌯𑌦𑌿𑌦𑌂 𑌕𑍍𑌷𑍁𑌭𑌿𑌤𑌂 𑌸𑍍𑌥𑌾𑌨𑌾𑌨𑍍𑌮𑌮 𑌤𑍇𑌜𑍋 𑌹𑍍𑌯𑌨𑍁𑌤𑍍𑌤𑌮𑌮𑍍 ।
𑌧𑌾𑌰𑌯𑌿𑌷𑍍𑌯𑌤𑌿 𑌕𑌸𑍍𑌤𑌨𑍍𑌮𑍇 𑌬𑍍𑌰𑍁𑌵𑌂𑌤𑍁 𑌸𑍁𑌰𑌸𑌤𑍍𑌤𑌮𑌾𑌃 ॥ 14 ॥

𑌏𑌵𑌮𑍁𑌕𑍍𑌤𑌾𑌸𑍍𑌸𑍁𑌰𑌾𑌸𑍍𑌸𑌰𑍍𑌵𑍇 𑌪𑍍𑌰𑌤𑍍𑌯𑍂𑌚𑍁𑌰𑍍𑌵𑍃𑌷𑌭𑌧𑍍𑌵𑌜𑌮𑍍 ।
𑌯𑌤𑍍𑌤𑍇𑌜𑌃 𑌕𑍍𑌷𑍁𑌭𑌿𑌤𑌂 𑌹𑍍𑌯𑍇𑌤𑌤𑍍𑌤𑌦𑍍𑌧𑌰𑌾 𑌧𑌾𑌰𑌯𑌿𑌷𑍍𑌯𑌤𑌿 ॥ 15 ॥

𑌏𑌵𑌮𑍁𑌕𑍍𑌤𑌸𑍍𑌸𑍁𑌰𑌪𑌤𑌿𑌃 𑌪𑍍𑌰𑌮𑍁𑌮𑍋𑌚 𑌮𑌹𑍀𑌤𑌲𑍇 ।
𑌤𑍇𑌜𑌸𑌾 𑌪𑍃𑌥𑌿𑌵𑍀 𑌯𑍇𑌨 𑌵𑍍𑌯𑌾𑌪𑍍𑌤𑌾 𑌸𑌗𑌿𑌰𑌿𑌕𑌾𑌨𑌨𑌾 ॥ 16 ॥

𑌤𑌤𑍋 𑌦𑍇𑌵𑌾𑌃 𑌪𑍁𑌨𑌰𑌿𑌦𑌮𑍂𑌚𑍁𑌶𑍍𑌚𑌾𑌥 𑌹𑍁𑌤𑌾𑌶𑌨𑌮𑍍 ।
𑌪𑍍𑌰𑌵𑌿𑌶 𑌤𑍍𑌵𑌂 𑌮𑌹𑌾𑌤𑍇𑌜𑍋 𑌰𑍌𑌦𑍍𑌰𑌂 𑌵𑌾𑌯𑍁𑌸𑌮𑌨𑍍𑌵𑌿𑌤𑌃 ॥ 1𑍭 ॥

𑌤𑌦𑌗𑍍𑌨𑌿𑌨𑌾 𑌪𑍁𑌨𑌰𑍍𑌵𑍍𑌯𑌾𑌪𑍍𑌤𑌂 𑌸𑌂𑌜𑌾𑌤𑌶𑍍𑌶𑍍𑌵𑍇𑌤𑌪𑌰𑍍𑌵𑌤𑌃 ।
𑌦𑌿𑌵𑍍𑌯𑌂 𑌶𑌰𑌵𑌣𑌂 𑌚𑍈𑌵 𑌪𑌾𑌵𑌕𑌾𑌦𑌿𑌤𑍍𑌯𑌸𑌨𑍍𑌨𑌿𑌭𑌮𑍍 ॥ 1𑍮 ॥

𑌯𑌤𑍍𑌰 𑌜𑌾𑌤𑍋 𑌮𑌹𑌾𑌤𑍇𑌜𑌾𑌃 𑌕𑌾𑌰𑍍𑌤𑌿𑌕𑍇𑌯𑍋𑌽𑌗𑍍𑌨𑌿𑌸𑌂𑌭𑌵𑌃 ।
𑌅𑌥𑍋𑌮𑌾𑌂 𑌚 𑌶𑌿𑌵𑌂 𑌚𑍈𑌵 𑌦𑍇𑌵𑌾𑌸𑍍𑌸𑌰𑍍𑌷𑌿𑌗𑌣𑌾𑌸𑍍𑌤𑌦𑌾 ।
𑌪𑍂𑌜𑌯𑌾𑌮𑌾𑌸𑍁𑌰𑌤𑍍𑌯𑌰𑍍𑌥𑌂 𑌸𑍁𑌪𑍍𑌰𑍀𑌤𑌮𑌨𑌸𑌸𑍍𑌤𑌤𑌃 ॥ 1𑍯 ॥

𑌅𑌥 𑌶𑍈𑌲𑌸𑍁𑌤𑌾 𑌰𑌾𑌮 𑌤𑍍𑌰𑌿𑌦𑌶𑌾𑌨𑌿𑌦𑌮𑌬𑍍𑌰𑌵𑍀𑌤𑍍 ।
𑌸𑌮𑌨𑍍𑌯𑍁𑌰𑌶𑌪𑌤𑍍𑌸𑌰𑍍𑌵𑌾𑌨𑍍 𑌕𑍍𑌰𑍋𑌧𑌸𑌂𑌰𑌕𑍍𑌤𑌲𑍋𑌚𑌨𑌾 ॥ 20 ॥

𑌯𑌸𑍍𑌮𑌾𑌨𑍍𑌨𑌿𑌵𑌾𑌰𑌿𑌤𑌾 𑌚𑍈𑌵 𑌸𑌂𑌗𑌤𑌿𑌃 𑌪𑍁𑌤𑍍𑌰𑌕𑌾𑌮𑍍𑌯𑌯𑌾 ।
𑌅𑌪𑌤𑍍𑌯𑌂 𑌸𑍍𑌵𑍇𑌷𑍁 𑌦𑌾𑌰𑍇𑌷𑍁 𑌤𑌸𑍍𑌮𑌾𑌨𑍍𑌨𑍋𑌤𑍍𑌪𑌾𑌦𑌯𑌿𑌷𑍍𑌯𑌥 ॥ 21 ॥

𑌅𑌦𑍍𑌯𑌪𑍍𑌰𑌭𑍃𑌤𑌿 𑌯𑍁𑌷𑍍𑌮𑌾𑌕𑌮𑌪𑍍𑌰𑌜𑌾𑌸𑍍𑌸𑌂𑌤𑍁 𑌪𑌤𑍍𑌨𑌯𑌃 ॥ 22 ॥

𑌏𑌵𑌮𑍁𑌕𑍍𑌤𑍍𑌵𑌾𑌸𑍁𑌰𑌾𑌨𑍍 𑌸𑌰𑍍𑌵𑌾𑌨𑍍 𑌶𑌶𑌾𑌪 𑌪𑍃𑌥𑌿𑌵𑍀𑌮𑌪𑌿 ।
𑌅𑌵𑌨𑍇 𑌨𑍈𑌕𑌰𑍂𑌪𑌾 𑌤𑍍𑌵𑌂 𑌬𑌹𑍁𑌭𑌾𑌰𑍍𑌯𑌾 𑌭𑌵𑌿𑌷𑍍𑌯𑌸𑌿 ॥ 23 ॥

𑌨 𑌚 𑌪𑍁𑌤𑍍𑌰𑌕𑍃𑌤𑌾𑌂 𑌪𑍍𑌰𑍀𑌤𑌿𑌂 𑌮𑌤𑍍𑌕𑍍𑌰𑍋𑌧𑌕𑌲𑍁𑌷𑍀𑌕𑍃𑌤𑌾 ।
𑌪𑍍𑌰𑌾𑌪𑍍𑌸𑍍𑌯𑌸𑌿 𑌤𑍍𑌵𑌂 𑌸𑍁𑌦𑍁𑌰𑍍𑌮𑍇𑌧𑍇 𑌮𑌮 𑌪𑍁𑌤𑍍𑌰𑌮𑌨𑌿𑌚𑍍𑌛𑌤𑍀 ॥ 24 ॥

𑌤𑌾𑌨𑍍 𑌸𑌰𑍍𑌵𑌾𑌨𑍍 𑌵𑍍𑌰𑍀𑌡𑌿𑌤𑌾𑌨𑍍 𑌦𑍃𑌷𑍍𑌟𑍍𑌵𑌾 𑌸𑍁𑌰𑌾𑌨𑍍𑌸𑍁𑌰𑌪𑌤𑌿𑌸𑍍𑌤𑌦𑌾 ।
𑌗𑌮𑌨𑌾𑌯𑍋𑌪𑌚𑌕𑍍𑌰𑌾𑌮 𑌦𑌿𑌶𑌂 𑌵𑌰𑍁𑌣𑌪𑌾𑌲𑌿𑌤𑌾𑌮𑍍 ॥ 25 ॥

𑌸 𑌗𑌤𑍍𑌵𑌾 𑌤𑌪 𑌆𑌤𑌿𑌷𑍍𑌠𑌤𑍍𑌪𑌾𑌰𑍍𑌶𑍍𑌵𑍇 𑌤𑌸𑍍𑌯𑍋𑌤𑍍𑌤𑌰𑍇 𑌗𑌿𑌰𑍌 ।
𑌹𑌿𑌮𑌵𑌤𑍍𑌪𑍍𑌰𑌭𑌵𑍇 𑌶𑍃𑌂𑌗𑍇 𑌸𑌹 𑌦𑍇𑌵𑍍𑌯𑌾 𑌮𑌹𑍇𑌶𑍍𑌵𑌰𑌃 ॥ 26 ॥

𑌏𑌷 𑌤𑍇 𑌵𑌿𑌸𑍍𑌤𑌰𑍋 𑌰𑌾𑌮 𑌶𑍈𑌲𑌪𑍁𑌤𑍍𑌰𑍍𑌯𑌾 𑌨𑌿𑌵𑍇𑌦𑌿𑌤𑌃 ।
𑌗𑌂𑌗𑌾𑌯𑌾𑌃 𑌪𑍍𑌰𑌭𑌵𑌂 𑌚𑍈𑌵 𑌶𑍃𑌣𑍁 𑌮𑍇 𑌸𑌹𑌲𑌕𑍍𑌷𑍍𑌮𑌣𑌃 ॥ 2𑍭 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌬𑌾𑌲𑌕𑌾𑌂𑌡𑍇 𑌷𑌟𑍍𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ॥


Browse Related Categories: