𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌸𑍁𑌂𑌦𑌰𑌕𑌾𑌂𑌡𑌮𑍍 ।
𑌅𑌥 𑌚𑌤𑍁𑌰𑍍𑌦𑌶𑌸𑍍𑌸𑌰𑍍𑌗𑌃 ।
𑌸 𑌮𑍁𑌹𑍂𑌰𑍍𑌤𑌮𑌿𑌵 𑌧𑍍𑌯𑌾𑌤𑍍𑌵𑌾 𑌮𑌨𑌸𑌾 𑌚𑌾𑌧𑌿𑌗𑌮𑍍𑌯 𑌤𑌾𑌮𑍍 ।
𑌅𑌵𑌪𑍍𑌲𑍁𑌤𑍋 𑌮𑌹𑌾𑌤𑍇𑌜𑌾𑌃 𑌪𑍍𑌰𑌾𑌕𑌾𑌰𑌂 𑌤𑌸𑍍𑌯 𑌵𑍇𑌶𑍍𑌮𑌨𑌃 ॥ 1 ॥
𑌸 𑌤𑍁 𑌸𑌂𑌹𑍃𑌷𑍍𑌟𑌸𑌰𑍍𑌵𑌾𑌂𑌗𑌃 𑌪𑍍𑌰𑌾𑌕𑌾𑌰𑌸𑍍𑌥𑍋 𑌮𑌹𑌾𑌕𑌪𑌿𑌃 ।
𑌪𑍁𑌷𑍍𑌪𑌿𑌤𑌾𑌗𑍍𑌰𑌾𑌨𑍍𑌵𑌸𑌂𑌤𑌾𑌦𑍌 𑌦𑌦𑌰𑍍𑌶 𑌵𑌿𑌵𑌿𑌧𑌾𑌨𑍍 𑌦𑍍𑌰𑍁𑌮𑌾𑌨𑍍 ॥ 2 ॥
𑌸𑌾𑌲𑌾𑌨𑌶𑍋𑌕𑌾𑌨𑍍 𑌭𑌵𑍍𑌯𑌾𑌂𑌶𑍍𑌚 𑌚𑌂𑌪𑌕𑌾𑌂𑌶𑍍𑌚 𑌸𑍁𑌪𑍁𑌷𑍍𑌪𑌿𑌤𑌾𑌨𑍍 ।
𑌉𑌦𑍍𑌦𑌾𑌲𑌕𑌾𑌨𑍍𑌨𑌾𑌗𑌵𑍃𑌕𑍍𑌷𑌾𑌂𑌶𑍍𑌚𑍂𑌤𑌾𑌨𑍍𑌕𑌪𑌿𑌮𑍁𑌖𑌾𑌨𑌪𑌿 ॥ 3 ॥
𑌅𑌥𑌾𑌮𑍍𑌰𑌵𑌣𑌸𑌂𑌛𑌨𑍍𑌨𑌾𑌂 𑌲𑌤𑌾𑌶𑌤𑌸𑌮𑌾𑌵𑍃𑌤𑌾𑌮𑍍 ।
𑌜𑍍𑌯𑌾𑌮𑍁𑌕𑍍𑌤 𑌇𑌵 𑌨𑌾𑌰𑌾𑌚𑌃 𑌪𑍁𑌪𑍍𑌲𑍁𑌵𑍇 𑌵𑍃𑌕𑍍𑌷𑌵𑌾𑌟𑌿𑌕𑌾𑌮𑍍 ॥ 4 ॥
𑌸 𑌪𑍍𑌰𑌵𑌿𑌶𑍍𑌯 𑌵𑌿𑌚𑌿𑌤𑍍𑌰𑌾𑌂 𑌤𑌾𑌂 𑌵𑌿𑌹𑌗𑍈𑌰𑌭𑌿𑌨𑌾𑌦𑌿𑌤𑌾𑌮𑍍 ।
𑌰𑌾𑌜𑌤𑍈𑌃 𑌕𑌾𑌂𑌚𑌨𑍈𑌶𑍍𑌚𑍈𑌵 𑌪𑌾𑌦𑌪𑍈𑌃 𑌸𑌰𑍍𑌵𑌤𑍋 𑌵𑍃𑌤𑌾𑌮𑍍 ॥ 5 ॥
𑌵𑌿𑌹𑌗𑍈𑌰𑍍𑌮𑍃𑌗𑌸𑌂𑌘𑍈𑌶𑍍𑌚 𑌵𑌿𑌚𑌿𑌤𑍍𑌰𑌾𑌂 𑌚𑌿𑌤𑍍𑌰𑌕𑌾𑌨𑌨𑌾𑌮𑍍 ।
𑌉𑌦𑌿𑌤𑌾𑌦𑌿𑌤𑍍𑌯𑌸𑌂𑌕𑌾𑌶𑌾𑌂 𑌦𑌦𑌰𑍍𑌶 𑌹𑌨𑍁𑌮𑌾𑌨𑍍 𑌕𑌪𑌿𑌃 ॥ 6 ॥
𑌵𑍃𑌤𑌾𑌂 𑌨𑌾𑌨𑌾𑌵𑌿𑌧𑍈𑌰𑍍𑌵𑍃𑌕𑍍𑌷𑍈𑌃 𑌪𑍁𑌷𑍍𑌪𑍋𑌪𑌗𑌫𑌲𑍋𑌪𑌗𑍈𑌃 ।
𑌕𑍋𑌕𑌿𑌲𑍈𑌰𑍍𑌭𑍃𑌂𑌗𑌰𑌾𑌜𑍈𑌶𑍍𑌚 𑌮𑌤𑍍𑌤𑍈𑌰𑍍𑌨𑌿𑌤𑍍𑌯𑌨𑌿𑌷𑍇𑌵𑌿𑌤𑌾𑌮𑍍 ॥ ॥
𑌪𑍍𑌰𑌹𑍃𑌷𑍍𑌟𑌮𑌨𑍁𑌜𑍇 𑌕𑌾𑌲𑍇 𑌮𑍃𑌗𑌪𑌕𑍍𑌷𑌿𑌸𑌮𑌾𑌕𑍁𑌲𑍇 ।
𑌮𑌤𑍍𑌤𑌬𑌰𑍍𑌹𑌿𑌣𑌸𑌂𑌘𑍁𑌷𑍍𑌟𑌾𑌂 𑌨𑌾𑌨𑌾𑌦𑍍𑌵𑌿𑌜𑌗𑌣𑌾𑌯𑍁𑌤𑌾𑌮𑍍 ॥ ॥
𑌮𑌾𑌰𑍍𑌗𑌮𑌾𑌣𑍋 𑌵𑌰𑌾𑌰𑍋𑌹𑌾𑌂 𑌰𑌾𑌜𑌪𑍁𑌤𑍍𑌰𑍀𑌮𑌨𑌿𑌂𑌦𑌿𑌤𑌾𑌮𑍍 ।
𑌸𑍁𑌖𑌪𑍍𑌰𑌸𑍁𑌪𑍍𑌤𑌾𑌨𑍍𑌵𑌿𑌹𑌗𑌾𑌨𑍍 𑌬𑍋𑌧𑌯𑌾𑌮𑌾𑌸 𑌵𑌾𑌨𑌰𑌃 ॥ ॥
𑌉𑌤𑍍𑌪𑌤𑌦𑍍𑌭𑌿𑌰𑍍𑌦𑍍𑌵𑌿𑌜𑌗𑌣𑍈𑌃 𑌪𑌕𑍍𑌷𑍈𑌃 𑌸𑌾𑌲𑌾𑌸𑍍𑌸𑌮𑌾𑌹𑌤𑌾𑌃 ।
𑌅𑌨𑍇𑌕𑌵𑌰𑍍𑌣𑌾 𑌵𑌿𑌵𑌿𑌧𑌾 𑌮𑍁𑌮𑍁𑌚𑍁𑌃 𑌪𑍁𑌷𑍍𑌪𑌵𑍃𑌷𑍍𑌟𑌯𑌃 ॥ 10 ॥
𑌪𑍁𑌷𑍍𑌪𑌾𑌵𑌕𑍀𑌰𑍍𑌣𑌶𑍍𑌶𑍁𑌶𑍁𑌭𑍇 𑌹𑌨𑍁𑌮𑌾𑌨𑍍 𑌮𑌾𑌰𑍁𑌤𑌾𑌤𑍍𑌮𑌜𑌃 ।
𑌅𑌶𑍋𑌕𑌵𑌨𑌿𑌕𑌾𑌮𑌧𑍍𑌯𑍇 𑌯𑌥𑌾 𑌪𑍁𑌷𑍍𑌪𑌮𑌯𑍋 𑌗𑌿𑌰𑌿𑌃 ॥ 11 ॥
𑌦𑌿𑌶𑌸𑍍𑌸𑌰𑍍𑌵𑌾𑌃 𑌪𑍍𑌰𑌧𑌾𑌵𑌂𑌤𑌂 𑌵𑍃𑌕𑍍𑌷𑌷𑌂𑌡𑌗𑌤𑌂 𑌕𑌪𑌿𑌮𑍍 ।
𑌦𑍃𑌷𑍍𑌟𑍍𑌵𑌾 𑌸𑌰𑍍𑌵𑌾𑌣𑌿 𑌭𑍂𑌤𑌾𑌨𑌿 𑌵𑌸𑌂𑌤 𑌇𑌤𑌿 𑌮𑍇𑌨𑌿𑌰𑍇 ॥ 12 ॥
𑌵𑍃𑌕𑍍𑌷𑍇𑌭𑍍𑌯𑌃 𑌪𑌤𑌿𑌤𑍈𑌃 𑌪𑍁𑌷𑍍𑌪𑍈𑌰𑌵𑌕𑍀𑌰𑍍𑌣𑌾 𑌪𑍃𑌥𑌗𑍍𑌵𑌿𑌦𑍈𑌃 ।
𑌰𑌰𑌾𑌜 𑌵𑍃𑌕𑍍𑌷𑍇𑌭𑍍𑌯𑌃 𑌤𑌤𑍍𑌰 𑌪𑍍𑌰𑌮𑌦𑍇𑌵 𑌵𑌿𑌭𑍂𑌷𑌿𑌤𑌾 ॥ 13 ॥
𑌤𑌰𑌸𑍍𑌵𑌿𑌨𑌾 𑌤𑍇 𑌤𑌰𑌵𑌸𑍍𑌤𑌰𑌸𑌾𑌭𑌿𑌪𑍍𑌰𑌕𑌂𑌪𑌿𑌤𑌾𑌃 ।
𑌕𑍁𑌸𑍁𑌮𑌾𑌨𑌿 𑌵𑌿𑌚𑌿𑌤𑍍𑌰𑌾𑌣𑌿 𑌸𑌸𑍃𑌜𑍁𑌃 𑌕𑌪𑌿𑌨𑌾 𑌤𑌦𑌾 ॥ 14 ॥
𑌨𑌿𑌰𑍍𑌧𑍂𑌤𑌪𑌤𑍍𑌰𑌶𑌿𑌖𑌰𑌾𑌃 𑌶𑍀𑌰𑍍𑌣𑌪𑍁𑌷𑍍𑌪𑌫𑌲𑌾 𑌦𑍍𑌰𑍁𑌮𑌾𑌃 ।
𑌨𑌿𑌕𑍍𑌷𑌿𑌪𑍍𑌤𑌵𑌸𑍍𑌤𑍍𑌰𑌾𑌭𑌰𑌣𑌾 𑌧𑍂𑌰𑍍𑌤𑌾 𑌇𑌵 𑌪𑌰𑌾𑌜𑌿𑌤𑌾𑌃 ॥ 15 ॥
𑌹𑌨𑍂𑌮𑌤𑌾 𑌵𑍇𑌗𑌵𑌤𑌾 𑌕𑌂𑌪𑌿𑌤𑌾𑌸𑍍𑌤𑍇 𑌨𑌗𑍋𑌤𑍍𑌤𑌮𑌾𑌃 ।
𑌪𑍁𑌷𑍍𑌪𑌪𑌰𑍍𑌣𑌫𑌲𑌾𑌨𑍍𑌯𑌾𑌶𑍁 𑌮𑍁𑌮𑍁𑌚𑍁𑌃 𑌪𑍁𑌷𑍍𑌪𑌶𑌾𑌲𑌿𑌨𑌃 ॥ 16 ॥
𑌵𑌿𑌹𑌂𑌗𑌸𑌂𑌘𑍈𑌰𑍍𑌹𑍀𑌨𑌾𑌸𑍍𑌤𑍇 𑌸𑍍𑌕𑌂𑌧𑌮𑌾𑌤𑍍𑌰𑌾𑌶𑍍𑌰𑌯𑌾 𑌦𑍍𑌰𑍁𑌮𑌾𑌃 ।
𑌬𑌭𑍂𑌵𑍁𑌰𑌗𑌮𑌾𑌃 𑌸𑌰𑍍𑌵𑍇 𑌮𑌾𑌰𑍁𑌤𑍇𑌵 𑌨𑌿𑌰𑍍𑌧𑍁𑌤𑌾𑌃 ॥ 1 ॥
𑌨𑌿𑌰𑍍𑌧𑍂𑌤𑌕𑍇𑌶𑍀 𑌯𑍁𑌵𑌤𑌿𑌰𑍍𑌯𑌥𑌾 𑌮𑍃𑌦𑌿𑌤𑌵𑌰𑍍𑌣𑌕𑌾 ।
𑌨𑌿𑌷𑍍𑌪𑍀𑌤𑌶𑍁𑌭𑌦𑌂𑌤𑍋𑌷𑍍𑌠𑍀 𑌨𑌖𑍈𑌰𑍍𑌦𑌂𑌤𑍈𑌶𑍍𑌚 𑌵𑌿𑌕𑍍𑌷𑌤𑌾 ॥ 1 ॥
𑌤𑌥𑌾 𑌲𑌾𑌂𑌗𑍂𑌲𑌹𑌸𑍍𑌤𑍈𑌶𑍍𑌚 𑌚𑌰𑌣𑌾𑌭𑍍𑌯𑌾𑌂 𑌚 𑌮𑌰𑍍𑌦𑌿𑌤𑌾 ।
𑌬𑌭𑍂𑌵𑌾𑌶𑍋𑌕𑌵𑌨𑌿𑌕𑌾 𑌪𑍍𑌰𑌭𑌗𑍍𑌨𑌵𑌰𑌪𑌾𑌦𑌪𑌾 ॥ 1 ॥
𑌮𑌹𑌾𑌲𑌤𑌾𑌨𑌾𑌂 𑌦𑌾𑌮𑌾𑌨𑌿 𑌵𑍍𑌯𑌥𑌮𑌤𑍍𑌤𑌰𑌸𑌾 𑌕𑌪𑌿𑌃 ।
𑌯𑌥𑌾 𑌪𑍍𑌰𑌾𑌵𑍃𑌷𑌿 𑌵𑌿𑌂𑌧𑍍𑌯𑌸𑍍𑌯 𑌮𑍇𑌘𑌜𑌾𑌲𑌾𑌨𑌿 𑌮𑌾𑌰𑍁𑌤𑌃 ॥ 20 ॥
𑌸 𑌤𑌤𑍍𑌰 𑌮𑌣𑌿𑌭𑍂𑌮𑍀𑌶𑍍𑌚 𑌰𑌾𑌜𑌤𑍀𑌶𑍍𑌚 𑌮𑌨𑍋𑌰𑌮𑌾𑌃 ।
𑌤𑌥𑌾 𑌕𑌾𑌂𑌚𑌨𑌭𑍂𑌮𑍀𑌶𑍍𑌚 𑌦𑌦𑌰𑍍𑌶 𑌵𑌿𑌚𑌰𑌨𑍍𑌕𑌪𑌿𑌃 ॥ 21 ॥
𑌵𑌾𑌪𑍀𑌶𑍍𑌚 𑌵𑌿𑌵𑌿𑌧𑌾𑌕𑌾𑌰𑌾𑌃 𑌪𑍂𑌰𑍍𑌣𑌾𑌃 𑌪𑌰𑌮𑌵𑌾𑌰𑌿𑌣𑌾 ।
𑌮𑌹𑌾𑌰𑍍𑌹𑍈𑌰𑍍𑌮𑌣𑌿𑌸𑍋𑌪𑌾𑌨𑍈𑌰𑍁𑌪𑌪𑌨𑍍𑌨𑌾𑌸𑍍𑌤𑌤𑌸𑍍𑌤𑌤𑌃 ॥ 22 ॥
𑌮𑍁𑌕𑍍𑌤𑌾𑌪𑍍𑌰𑌵𑌾𑌲𑌸𑌿𑌕𑌤𑌾𑌃 𑌸𑍍𑌫𑌾𑌟𑌿𑌕𑌾𑌂𑌤𑌰𑌕𑍁𑌟𑍍𑌟𑌿𑌮𑌾𑌃 ।
𑌕𑌾𑌂𑌚𑌨𑍈𑌸𑍍𑌤𑌰𑍁𑌭𑌿𑌶𑍍𑌚𑌿𑌤𑍍𑌰𑍈𑌸𑍍𑌤𑍀𑌰𑌜𑍈𑌰𑍁𑌪𑌶𑍋𑌭𑌿𑌤𑌾𑌃 ॥ 23 ॥
𑌫𑍁𑌲𑍍𑌲𑌪𑌦𑍍𑌮𑍋𑌤𑍍𑌪𑌲𑌵𑌨𑌾𑌶𑍍𑌚𑌕𑍍𑌰𑌵𑌾𑌕𑍋𑌪𑌕𑍂𑌜𑌿𑌤𑌾𑌃 ।
𑌨𑌤𑍍𑌯𑍂𑌹𑌰𑍁𑌤𑌸𑌂𑌘𑍁𑌷𑍍𑌟𑌾 𑌹𑌂𑌸𑌸𑌾𑌰𑌸𑌨𑌾𑌦𑌿𑌤𑌾𑌃 ॥ 24 ॥
𑌦𑍀𑌰𑍍𑌘𑌾𑌭𑌿𑌰𑍍𑌦𑍍𑌰𑍁𑌮𑌯𑍁𑌕𑍍𑌤𑌾𑌭𑌿𑌃 𑌸𑌰𑌦𑍍𑌭𑌿𑌶𑍍𑌚 𑌸𑌮𑌂𑌤𑌤𑌃 ।
𑌅𑌮𑍃𑌤𑍋𑌪𑌮𑌤𑍋𑌯𑌾𑌭𑌿𑌶𑍍𑌶𑌿𑌵𑌾𑌭𑌿𑌰𑍁𑌪𑌸𑌂𑌸𑍍𑌕𑍃𑌤𑌾𑌃 ॥ 25 ॥
𑌲𑌤𑌾𑌶𑌤𑍈𑌰𑌵𑌤𑌤𑌾𑌸𑍍𑌸𑌂𑌤𑌾𑌨𑌕𑍁𑌸𑍁𑌮𑌾𑌵𑍃𑌤𑌾𑌃 ।
𑌨𑌾𑌨𑌾𑌗𑍁𑌲𑍍𑌮𑌾𑌵𑍃𑌤𑌘𑌨𑌾𑌃 𑌕𑌰𑌵𑍀𑌰𑌕𑍃𑌤𑌾𑌂𑌤𑌰𑌾𑌃 ॥ 26 ॥
𑌵𑌾𑌪𑍀𑌶𑍍𑌚 𑌵𑌿𑌵𑌿𑌧𑌾𑌕𑌾𑌰𑌾𑌃 𑌪𑍂𑌰𑍍𑌣𑌾𑌃 𑌪𑌰𑌮𑌵𑌾𑌰𑌿𑌣𑌾 ।
𑌮𑌹𑌾𑌰𑍍𑌹𑍈𑌰𑍍𑌮𑌣𑌿𑌸𑍋𑌪𑌾𑌨𑍈𑌰𑍁𑌪𑌪𑌨𑍍𑌨𑌾𑌸𑍍𑌤𑌤𑌸𑍍𑌤𑌤𑌃 ॥ 2 ॥
𑌮𑍁𑌕𑍍𑌤𑌾𑌪𑍍𑌰𑌵𑌾𑌲𑌸𑌿𑌕𑌤𑌾𑌃 𑌸𑍍𑌫𑌾𑌟𑌿𑌕𑌾𑌂𑌤𑌰𑌕𑍁𑌟𑍍𑌟𑌿𑌮𑌾𑌃 ।
𑌕𑌾𑌂𑌚𑌨𑍈𑌸𑍍𑌤𑌰𑍁𑌭𑌿𑌶𑍍𑌚𑌿𑌤𑍍𑌰𑍈𑌸𑍍𑌤𑍀𑌰𑌜𑍈𑌰𑍁𑌪𑌶𑍋𑌭𑌿𑌤𑍈𑌃 ॥ 2 ॥
𑌫𑍁𑌲𑍍𑌲𑌪𑌦𑍍𑌮𑍋𑌤𑍍𑌪𑌲𑌵𑌨𑌾𑌶𑍍𑌚𑌕𑍍𑌰𑌵𑌾𑌕𑍋𑌪𑌕𑍂𑌜𑌿𑌤𑌾𑌃 ।
𑌨𑌤𑍍𑌯𑍂𑌹𑌰𑍁𑌤𑌸𑌂𑌘𑍁𑌷𑍍𑌟𑌾 𑌹𑌂𑌸𑌸𑌾𑌰𑌸𑌨𑌾𑌦𑌿𑌤𑌾𑌃 ॥ 2 ॥
𑌦𑍀𑌰𑍍𑌘𑌾𑌭𑌿𑌰𑍍𑌦𑍍𑌰𑍁𑌮𑌯𑍁𑌕𑍍𑌤𑌾𑌭𑌿𑌃 𑌸𑌰𑌦𑍍𑌭𑌿𑌶𑍍𑌚 𑌸𑌮𑌂𑌤𑌤𑌃 ।
𑌅𑌮𑍃𑌤𑍋𑌪𑌮𑌤𑍋𑌯𑌾𑌭𑌿𑌶𑍍𑌶𑌿𑌵𑌾𑌭𑌿𑌰𑍁𑌪𑌸𑌂𑌸𑍍𑌕𑍃𑌤𑌾𑌃 ॥ 30 ॥
𑌲𑌤𑌾𑌶𑌤𑍈𑌰𑌵𑌤𑌤𑌾𑌸𑍍𑌸𑌂𑌤𑌾𑌨𑌕𑍁𑌸𑍁𑌮𑌾𑌵𑍃𑌤𑌾𑌃 ।
𑌨𑌾𑌨𑌾𑌗𑍁𑌲𑍍𑌮𑌾𑌵𑍃𑌤𑌘𑌨𑌾𑌃 𑌕𑌰𑌵𑍀𑌰𑌕𑍃𑌤𑌾𑌂𑌤𑌰𑌾𑌃 ॥ 31 ॥
𑌤𑌤𑍋𑌽𑌂𑌬𑍁𑌧𑌰𑌸𑌂𑌕𑌾𑌶𑌂 𑌪𑍍𑌰𑌵𑍃𑌦𑍍𑌧𑌶𑌿𑌖𑌰𑌂 𑌗𑌿𑌰𑌿𑌮𑍍 ।
𑌵𑌿𑌚𑌿𑌤𑍍𑌰𑌕𑍂𑌟𑌂 𑌕𑍂𑌟𑍈𑌶𑍍𑌚 𑌸𑌰𑍍𑌵𑌤𑌃 𑌪𑌰𑌿𑌵𑌾𑌰𑌿𑌤𑌮𑍍 ॥ 32 ॥
𑌶𑌿𑌲𑌾𑌗𑍃𑌹𑍈𑌰𑌵𑌤𑌤𑌂 𑌨𑌾𑌨𑌾𑌵𑍃𑌕𑍍𑌷𑍈𑌃 𑌸𑌮𑌾𑌵𑍃𑌤𑌮𑍍 ।
𑌦𑌦𑌰𑍍𑌶 𑌹𑌰𑌿𑌶𑌾𑌰𑍍𑌦𑍂𑌲𑍋 𑌰𑌮𑍍𑌯𑌂 𑌜𑌗𑌤𑌿 𑌪𑌰𑍍𑌵𑌤𑌮𑍍 ॥ 33 ॥
𑌦𑌦𑌰𑍍𑌶 𑌚 𑌨𑌗𑌾𑌤𑍍𑌤𑌸𑍍𑌮𑌾𑌨𑍍𑌨𑌦𑍀𑌂 𑌨𑌿𑌪𑌤𑌿𑌤𑌾𑌂 𑌕𑌪𑌿𑌃 ।
𑌅𑌂𑌕𑌾𑌦𑌿𑌵 𑌸𑌮𑍁𑌤𑍍𑌪𑌤𑍍𑌯 𑌪𑍍𑌰𑌿𑌯𑌸𑍍𑌯 𑌪𑌤𑌿𑌤𑌾𑌂 𑌪𑍍𑌰𑌿𑌯𑌾𑌮𑍍 ॥ 34 ॥
𑌜𑌲𑍇 𑌨𑌿𑌪𑌤𑌿𑌤𑌾𑌗𑍍𑌰𑍈𑌶𑍍𑌚 𑌪𑌾𑌦𑌪𑍈𑌰𑍁𑌪𑌶𑍋𑌭𑌿𑌤𑌾𑌮𑍍 ।
𑌵𑌾𑌰𑍍𑌯𑌮𑌾𑌣𑌾𑌮𑌿𑌵 𑌕𑍍𑌰𑍁𑌦𑍍𑌧𑌾𑌂 𑌪𑍍𑌰𑌮𑌦𑌾𑌂 𑌪𑍍𑌰𑌿𑌯𑌬𑌂𑌧𑍁𑌭𑌿𑌃 ॥ 35 ॥
𑌪𑍁𑌨𑌰𑌾𑌵𑍃𑌤𑍍𑌤𑌤𑍋𑌯𑌾𑌂 𑌚 𑌦𑌦𑌰𑍍𑌶 𑌸 𑌮𑌹𑌾𑌕𑌪𑌿𑌃 ।
𑌪𑍍𑌰𑌸𑌨𑍍𑌨𑌾𑌮𑌿𑌵 𑌕𑌾𑌂𑌤𑌸𑍍𑌯 𑌕𑌾𑌂𑌤𑌾𑌂 𑌪𑍁𑌨𑌰𑍁𑌪𑌸𑍍𑌥𑌿𑌤𑌾𑌮𑍍 ॥ 36 ॥
𑌤𑌸𑍍𑌯𑌾 𑌦𑍂𑌰𑌾𑌤𑍍𑌸𑌪𑌦𑍍𑌮𑌿𑌨𑍍𑌯𑍋 𑌨𑌾𑌨𑌾𑌦𑍍𑌵𑌿𑌜𑌗𑌣𑌾𑌯𑍁𑌤𑌾𑌃 ।
𑌦𑌦𑌰𑍍𑌶 𑌹𑌰𑌿𑌶𑌾𑌰𑍍𑌦𑍂𑌲𑍋 𑌹𑌨𑍁𑌮𑌾𑌨𑍍 𑌮𑌾𑌰𑍁𑌤𑌾𑌤𑍍𑌮𑌜𑌃 ॥ 3 ॥
𑌕𑍃𑌤𑍍𑌰𑌿𑌮𑌾𑌂 𑌦𑍀𑌰𑍍𑌘𑌿𑌕𑌾𑌂 𑌚𑌾𑌪𑌿 𑌪𑍂𑌰𑍍𑌣𑌾𑌂 𑌶𑍀𑌤𑍇𑌨 𑌵𑌾𑌰𑌿𑌣𑌾 ।
𑌮𑌣𑌿𑌪𑍍𑌰𑌵𑌰𑌸𑍋𑌪𑌾𑌨𑌾𑌂 𑌮𑍁𑌕𑍍𑌤𑌾𑌸𑌿𑌕𑌤𑌶𑍋𑌭𑌿𑌤𑌾𑌮𑍍 ॥ 3 ॥
𑌵𑌿𑌵𑌿𑌧𑍈𑌰𑍍𑌮𑍃𑌗𑌸𑌂𑌘𑍈𑌶𑍍𑌚 𑌵𑌿𑌚𑌿𑌤𑍍𑌰𑌾𑌂 𑌚𑌿𑌤𑍍𑌰𑌕𑌾𑌨𑌨𑌾𑌮𑍍 ।
𑌪𑍍𑌰𑌾𑌸𑌾𑌦𑍈𑌸𑍍𑌸𑍁𑌮𑌹𑌦𑍍𑌭𑌿𑌶𑍍𑌚 𑌨𑌿𑌰𑍍𑌮𑌿𑌤𑍈𑌰𑍍𑌵𑌿𑌶𑍍𑌵𑌕𑌰𑍍𑌮𑌣𑌾 ॥ 3 ॥
𑌕𑌾𑌨𑌨𑍈𑌃 𑌕𑍃𑌤𑍍𑌰𑌿𑌮𑍈𑌶𑍍𑌚𑌾𑌪𑌿 𑌸𑌰𑍍𑌵𑌤𑌃 𑌸𑌮𑌲𑌂𑌕𑍃𑌤𑌾𑌮𑍍 ।
𑌯𑍇 𑌕𑍇𑌚𑌿𑌤𑍍𑌪𑌾𑌦𑌪𑌾𑌸𑍍𑌤𑌤𑍍𑌰 𑌪𑍁𑌷𑍍𑌪𑍋𑌪𑌗𑌫𑌲𑍋𑌪𑌗𑌾𑌃 ॥ 40 ॥
𑌸𑌚𑍍𑌛𑌤𑍍𑌰𑌾𑌸𑍍𑌸𑌵𑌿𑌤𑌰𑍍𑌦𑍀𑌕𑌾𑌸𑍍𑌸𑌰𑍍𑌵𑍇 𑌸𑍌𑌵𑌰𑍍𑌣𑌵𑍈𑌦𑌿𑌕𑌾𑌃 ।
𑌲𑌤𑌾𑌪𑍍𑌰𑌤𑌾𑌨𑍈𑌰𑍍𑌬𑌹𑍁𑌭𑌿𑌃𑌪𑌰𑍍𑌣𑍈𑌶𑍍𑌚 𑌬𑌹𑍁𑌭𑌿𑌰𑍍𑌵𑍃𑌤𑌾𑌮𑍍 ॥ 41 ॥
𑌕𑌾𑌂𑌚𑌨𑍀𑌂 𑌶𑌿𑌂𑌶𑍁𑌪𑌾𑌮𑍇𑌕𑌾𑌂 𑌦𑌦𑌰𑍍𑌶 𑌹𑌰𑌿𑌯𑍂𑌥𑌪𑌃 ।
𑌵𑍃𑌤𑌾𑌂 𑌹𑍇𑌮𑌮𑌯𑍀𑌭𑌿𑌸𑍍𑌤𑍁 𑌵𑍇𑌦𑌿𑌕𑌾𑌭𑌿𑌸𑍍𑌸𑌮𑌂𑌤𑌤𑌃 ॥ 42 ॥
𑌸𑍋𑌽𑌪𑌶𑍍𑌯𑌦𑍍𑌭𑍂𑌮𑌿𑌭𑌾𑌗𑌾𑌂𑌶𑍍𑌚 𑌗𑌰𑍍𑌤𑌪𑍍𑌰𑌸𑍍𑌰𑌵𑌣𑌾𑌨𑌿 𑌚 ।
𑌸𑍁𑌵𑌰𑍍𑌣𑌵𑍃𑌕𑍍𑌷𑌾𑌨𑌪𑌰𑌾𑌨𑍍 𑌦𑌦𑌰𑍍𑌶 𑌶𑌿𑌖𑌿𑌸𑌨𑍍𑌨𑌿𑌭𑌾𑌨𑍍 ॥ 43 ॥
𑌤𑍇𑌷𑌾𑌂 𑌦𑍍𑌰𑍁𑌮𑌾𑌣𑌾𑌂 𑌪𑍍𑌰𑌭𑌯𑌾 𑌮𑍇𑌰𑍋𑌰𑌿𑌵 𑌦𑌿𑌵𑌾𑌕𑌰𑌃 ।
𑌅𑌮𑌨𑍍𑌯𑌤 𑌤𑌦𑌾 𑌵𑍀𑌰𑌃 𑌕𑌾𑌂𑌚𑌨𑍋𑌽𑌸𑍍𑌮𑍀𑌤𑌿 𑌵𑌾𑌨𑌰𑌃 ॥ 44 ॥
𑌤𑌾𑌂 𑌕𑌾𑌂𑌚𑌨𑍈𑌸𑍍𑌤𑌰𑍁𑌗𑌣𑍈𑌰𑍍𑌮𑌾𑌰𑍁𑌤𑍇𑌨 𑌚 𑌵𑍀𑌜𑌿𑌤𑌾𑌮𑍍 ।
𑌕𑌿𑌂𑌕𑌿𑌣𑍀𑌶𑌤𑌨𑌿𑌰𑍍𑌘𑍋𑌷𑌾𑌂 𑌦𑍃𑌷𑍍𑌟𑍍𑌵𑌾 𑌵𑌿𑌸𑍍𑌮𑌯𑌮𑌾𑌗𑌮𑌤𑍍 ॥ 45 ॥
𑌸 𑌪𑍁𑌷𑍍𑌪𑌿𑌤𑌾𑌗𑍍𑌰𑌾𑌂 𑌰𑍁𑌚𑌿𑌰𑌾𑌂 𑌤𑌰𑍁𑌣𑌾𑌂𑌕𑍁𑌰𑌪𑌲𑍍𑌲𑌵𑌾𑌮𑍍 ।
𑌤𑌾𑌮𑌾𑌰𑍁𑌹𑍍𑌯 𑌮𑌹𑌾𑌬𑌾𑌹𑍁𑌶𑍍𑌶𑌿𑌂𑌶𑍁𑌪𑌾𑌂 𑌪𑌰𑍍𑌣𑌸𑌂𑌵𑍃𑌤𑌾𑌮𑍍 ॥ 46 ॥
𑌇𑌤𑍋 𑌦𑍍𑌰𑌕𑍍𑌷𑍍𑌯𑌾𑌮𑌿 𑌵𑍈𑌦𑍇𑌹𑍀𑌂 𑌰𑌾𑌮𑌦𑌰𑍍𑌶𑌨𑌲𑌾𑌲𑌸𑌾𑌮𑍍 ।
𑌇𑌤𑌶𑍍𑌚𑍇𑌤𑌶𑍍𑌚 𑌦𑍁𑌃𑌖𑌾𑌰𑍍𑌤𑌾𑌂 𑌸𑌂𑌪𑌤𑌂𑌤𑍀𑌂 𑌯𑌦𑍃𑌚𑍍𑌛𑌯𑌾 ॥ 4 ॥
𑌅𑌶𑍋𑌕𑌵𑌨𑌿𑌕𑌾 𑌚𑍇𑌯𑌂 𑌦𑍃𑌢𑌂 𑌰𑌮𑍍𑌯𑌾 𑌦𑍁𑌰𑌾𑌤𑍍𑌮𑌨𑌃 ।
𑌚𑌂𑌪𑌕𑍈𑌶𑍍𑌚𑌂𑌦𑌨𑍈𑌶𑍍𑌚𑌾𑌪𑌿 𑌵𑌕𑍁𑌲𑍈𑌶𑍍𑌚 𑌵𑌿𑌭𑍂𑌷𑌿𑌤𑌾 ॥ 4 ॥
𑌇𑌯𑌂 𑌚 𑌨𑌲𑌿𑌨𑍀 𑌰𑌮𑍍𑌯𑌾 𑌦𑍍𑌵𑌿𑌜𑌸𑌂𑌘𑌨𑌿𑌷𑍇𑌵𑌿𑌤𑌾 ।
𑌇𑌮𑌾𑌂 𑌸𑌾 𑌰𑌾𑌮𑌮𑌹𑌿𑌷𑍀 𑌨𑍂𑌨𑌮𑍇𑌷𑍍𑌯𑌤𑌿 𑌜𑌾𑌨𑌕𑍀 ॥ 4 ॥
𑌸𑌾 𑌰𑌾𑌮𑌾 𑌰𑌾𑌮𑌮𑌹𑌿𑌷𑍀 𑌰𑌾𑌘𑌵𑌸𑍍𑌯 𑌪𑍍𑌰𑌿𑌯𑌾 𑌸𑌤𑍀 ।
𑌵𑌨𑌸𑌂𑌚𑌾𑌰𑌕𑍁𑌶𑌲𑌾 𑌨𑍂𑌨𑌮𑍇𑌷𑍍𑌯𑌤𑌿 𑌜𑌾𑌨𑌕𑍀 ॥ 50 ॥
𑌅𑌥𑌵𑌾 𑌮𑍃𑌗𑌶𑌾𑌬𑌾𑌕𑍍𑌷𑍀 𑌵𑌨𑌸𑍍𑌯𑌾𑌸𑍍𑌯 𑌵𑌿𑌚𑌕𑍍𑌷𑌣𑌾 ।
𑌵𑌨𑌮𑍇𑌷𑍍𑌯𑌤𑌿 𑌸𑌾𑌽𑌰𑍍𑌯𑍇𑌹 𑌰𑌾𑌮𑌚𑌿𑌂𑌤𑌾𑌨𑍁𑌕𑌰𑍍𑌶𑌿𑌤𑌾 ॥ 51 ॥
𑌰𑌾𑌮𑌶𑍋𑌕𑌾𑌭𑌿𑌸𑌂𑌤𑌪𑍍𑌤𑌾 𑌸𑌾 𑌦𑍇𑌵𑍀 𑌵𑌾𑌮𑌲𑍋𑌚𑌨𑌾 ।
𑌵𑌨𑌵𑌾𑌸𑍇 𑌰𑌤𑌾 𑌨𑌿𑌤𑍍𑌯𑌮𑍇𑌷𑍍𑌯𑌤𑍇 𑌵𑌨𑌚𑌾𑌰𑌿𑌣𑍀 ॥ 52 ॥
𑌵𑌨𑍇𑌚𑌰𑌾𑌣𑌾𑌂 𑌸𑌤𑌤𑌂 𑌨𑍂𑌨𑌂 𑌸𑍍𑌪𑍃𑌹𑌯𑌤𑍇 𑌪𑍁𑌰𑌾 ।
𑌰𑌾𑌮𑌸𑍍𑌯 𑌦𑌯𑌿𑌤𑌾 𑌭𑌾𑌰𑍍𑌯𑌾 𑌜𑌨𑌕𑌸𑍍𑌯𑌸𑍁𑌤𑌾 𑌸𑌤𑍀 ॥ 53 ॥
𑌸𑌂𑌧𑍍𑌯𑌾𑌕𑌾𑌲𑌮𑌨𑌾𑌃 𑌶𑍍𑌯𑌾𑌮𑌾 𑌧𑍍𑌰𑍁𑌵𑌮𑍇𑌷𑍍𑌯𑌤𑌿 𑌜𑌾𑌨𑌕𑍀 ।
𑌨𑌦𑍀𑌂 𑌚𑍇𑌮𑌾𑌂 𑌶𑍁𑌭𑌜𑌲𑌾𑌂 𑌸𑌂𑌧𑍍𑌯𑌾𑌰𑍍𑌥𑍇 𑌵𑌰𑌵𑌰𑍍𑌣𑌿𑌨𑍀 ॥ 54 ॥
𑌤𑌸𑍍𑌯𑌾𑌶𑍍𑌚𑌾𑌪𑍍𑌯𑌨𑍁𑌰𑍂𑌪𑍇𑌯𑌮𑌶𑍋𑌕𑌵𑌨𑌿𑌕𑌾 𑌶𑍁𑌭𑌾 ।
𑌶𑍁𑌭𑌾 𑌯𑌾 𑌪𑌾𑌰𑍍𑌥𑌿𑌵𑍇𑌂𑌦𑍍𑌰𑌸𑍍𑌯 𑌪𑌤𑍍𑌨𑍀 𑌰𑌾𑌮𑌸𑍍𑌯 𑌸𑌮𑍍𑌮𑌤𑌾 ॥ 55 ॥
𑌯𑌦𑌿 𑌜𑍀𑌵𑌤𑌿 𑌸𑌾 𑌦𑍇𑌵𑍀 𑌤𑌾𑌰𑌾𑌧𑌿𑌪𑌨𑌿𑌭𑌾𑌨𑌨𑌾 ।
𑌆𑌗𑌮𑌿𑌷𑍍𑌯𑌤𑌿 𑌸𑌾𑌽𑌵𑌶𑍍𑌯𑌮𑌿𑌮𑌾𑌂 𑌶𑌿𑌵𑌜𑌲𑌾𑌂 𑌨𑌦𑍀𑌮𑍍 ॥ 56 ॥
𑌏𑌵𑌂 𑌤𑍁 𑌮𑌤𑍍𑌵𑌾 𑌹𑌨𑍁𑌮𑌾𑌨𑍍𑌮𑌹𑌾𑌤𑍍𑌮𑌾 𑌪𑍍𑌰𑌤𑍀𑌕𑍍𑌷𑌮𑌾𑌣𑍋 𑌮𑌨𑍁𑌜𑍇𑌂𑌦𑍍𑌰𑌪𑌤𑍍𑌨𑍀𑌮𑍍 ।
𑌅𑌵𑍇𑌕𑍍𑌷𑌮𑌾𑌣𑌶𑍍𑌚 𑌦𑌦𑌰𑍍𑌶 𑌸𑌰𑍍𑌵𑌂 𑌸𑍁𑌪𑍁𑌷𑍍𑌪𑌿𑌤𑍇 𑌪𑌰𑍍𑌣𑌘𑌨𑍇 𑌨𑌿𑌲𑍀𑌨𑌃 ॥ 5 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌸𑍁𑌂𑌦𑌰𑌕𑌾𑌂𑌡𑍇 𑌚𑌤𑍁𑌰𑍍𑌦𑌶𑌸𑍍𑌸𑌰𑍍𑌗𑌃 ॥
