Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

3.32 𑌅𑌰𑌣𑍍𑌯𑌕𑌾𑌂𑌡 - 𑌦𑍍𑌵𑌾𑌤𑍍𑌰𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌰𑌣𑍍𑌯𑌕𑌾𑌂𑌡𑌮𑍍 ।
𑌅𑌥 𑌦𑍍𑌵𑌾𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ।

𑌤𑌤𑌶𑍍𑌶𑍂𑌰𑍍𑌪𑌣𑌖𑌾 𑌦𑍃𑌷𑍍𑌟𑍍𑌵𑌾 𑌸𑌹𑌸𑍍𑌰𑌾𑌣𑌿 𑌚𑌤𑍁𑌰𑍍𑌦𑌶 ।
𑌹𑌤𑌾𑌨𑍍𑌯𑍇𑌕𑍇𑌨 𑌰𑌾𑌮𑍇𑌣 𑌰𑌕𑍍𑌷𑌸𑌾𑌂 𑌭𑍀𑌮𑌕𑌰𑍍𑌮𑌣𑌾𑌮𑍍 ॥ 1 ॥

𑌦𑍂𑌷𑌣𑌂 𑌚 𑌖𑌰𑌂 𑌚𑍈𑌵 𑌹𑌤𑌂 𑌤𑍍𑌰𑌿𑌶𑌿𑌰𑌸𑌾 𑌸𑌹 ।
𑌦𑍃𑌷𑍍𑌟𑍍𑌵𑌾 𑌪𑍁𑌨𑌰𑍍𑌮𑌹𑌾𑌨𑌾𑌦𑌂 𑌨𑌨𑌾𑌦 𑌜𑌲𑌦𑍋 𑌯𑌥𑌾 ॥ 2 ॥

𑌸𑌾 𑌦𑍃𑌷𑍍𑌟𑍍𑌵𑌾 𑌕𑌰𑍍𑌮 𑌰𑌾𑌮𑌸𑍍𑌯 𑌕𑍃𑌤𑌮𑌨𑍍𑌯𑍈𑌸𑍍𑌸𑍁𑌦𑍁𑌷𑍍𑌕𑌰𑌮𑍍 ।
𑌜𑌗𑌾𑌮 𑌪𑌰𑌮𑍋𑌦𑍍𑌵𑌿𑌗𑍍𑌨𑌾 𑌲𑌂𑌕𑌾𑌂 𑌰𑌾𑌵𑌣𑌪𑌾𑌲𑌿𑌤𑌾𑌮𑍍 ॥ 3 ॥

𑌸𑌾 𑌦𑌦𑌰𑍍𑌶 𑌵𑌿𑌮𑌾𑌨𑌾𑌗𑍍𑌰𑍇 𑌰𑌾𑌵𑌣𑌂 𑌦𑍀𑌪𑍍𑌤𑌤𑍇𑌜𑌸𑌮𑍍 ।
𑌉𑌪𑍋𑌪𑌵𑌿𑌷𑍍𑌟𑌂 𑌸𑌚𑌿𑌵𑍈𑌰𑍍𑌮𑌰𑍁𑌦𑍍𑌭𑌿𑌰𑌿𑌵 𑌵𑌾𑌸𑌵𑌮𑍍 ॥ 4 ॥

𑌆𑌸𑍀𑌨𑌂 𑌸𑍂𑌰𑍍𑌯𑌸𑌂𑌕𑌾𑌶𑍇 𑌕𑌾𑌂𑌚𑌨𑍇 𑌪𑌰𑌮𑌾𑌸𑌨𑍇 ।
𑌰𑍁𑌕𑍍𑌮𑌵𑍇𑌦𑌿𑌗𑌤𑌂 𑌪𑍍𑌰𑌾𑌜𑍍𑌯𑌂 𑌜𑍍𑌵𑌲𑌂𑌤𑌮𑌿𑌵 𑌪𑌾𑌵𑌕𑌮𑍍 ॥ 5 ॥

𑌦𑍇𑌵𑌗𑌂𑌧𑌰𑍍𑌵𑌭𑍂𑌤𑌾𑌨𑌾𑌮𑍃𑌷𑍀𑌣𑌾𑌂 𑌚 𑌮𑌹𑌾𑌤𑍍𑌮𑌨𑌾𑌮𑍍 ।
𑌅𑌜𑍇𑌯𑌂 𑌸𑌮𑌰𑍇 𑌶𑍂𑌰𑌂 𑌵𑍍𑌯𑌾𑌤𑍍𑌤𑌾𑌨𑌨𑌮𑌿𑌵𑌾𑌂𑌤𑌕𑌮𑍍 ॥ 6 ॥

𑌦𑍇𑌵𑌾𑌸𑍁𑌰𑌵𑌿𑌮𑌰𑍍𑌦𑍇𑌷𑍁 𑌵𑌜𑍍𑌰𑌾𑌶𑌨𑌿𑌕𑍃𑌤𑌵𑍍𑌰𑌣𑌮𑍍 ।
𑌐𑌰𑌾𑌵𑌤𑌵𑌿𑌷𑌾𑌣𑌗𑍍𑌰𑍈𑌰𑍁𑌦𑍍𑌘𑍃𑌷𑍍𑌟𑌕𑌿𑌣𑌵𑌕𑍍𑌷𑌸𑌮𑍍 ॥ 𑍭 ॥

𑌵𑌿𑌂𑌶𑌦𑍍𑌭𑍁𑌜𑌂 𑌦𑌶𑌗𑍍𑌰𑍀𑌵𑌂 𑌦𑌰𑍍𑌶𑌨𑍀𑌯𑌪𑌰𑌿𑌚𑍍𑌛𑌦𑌮𑍍 ।
𑌵𑌿𑌶𑌾𑌲𑌵𑌕𑍍𑌷𑌸𑌂 𑌵𑍀𑌰𑌂 𑌰𑌾𑌜𑌲𑌕𑍍𑌷𑌣 𑌶𑍋𑌭𑌿𑌤𑌮𑍍 ॥ 𑍮 ॥

𑌸𑍍𑌨𑌿𑌗𑍍𑌧𑌵𑍈𑌡𑍂𑌰𑍍𑌯𑌸𑌂𑌕𑌾𑌶𑌂 𑌤𑌪𑍍𑌤𑌕𑌾𑌂𑌚𑌨𑌕𑍁𑌂𑌡𑌲𑌮𑍍 ।
𑌸𑍁𑌭𑍁𑌜𑌂 𑌶𑍁𑌕𑍍𑌲𑌦𑌶𑌨𑌂 𑌮𑌹𑌾𑌸𑍍𑌯𑌂 𑌪𑌰𑍍𑌵𑌤𑍋𑌪𑌮𑌮𑍍 ॥ 𑍯 ॥

𑌵𑌿𑌷𑍍𑌣𑍁𑌚𑌕𑍍𑌰𑌨𑌿𑌪𑌾𑌤𑍈𑌶𑍍𑌚 𑌶𑌤𑌶𑍋 𑌦𑍇𑌵𑌸𑌂𑌯𑍁𑌗𑍇 ।
𑌅𑌨𑍍𑌯𑍈𑌶𑍍𑌶𑌸𑍍𑌤𑍍𑌰𑌪𑍍𑌰𑌹𑌾𑌰𑍈𑌶𑍍𑌚 𑌮𑌹𑌾𑌯𑍁𑌦𑍍𑌧𑍇𑌷𑍁 𑌤𑌾𑌡𑌿𑌤𑌮𑍍 ॥ 10 ॥

𑌅𑌹𑌤𑌾𑌂𑌗𑌂 𑌸𑌮𑌸𑍍𑌤𑍈𑌶𑍍𑌚 𑌦𑍇𑌵𑌪𑍍𑌰𑌹𑌰𑌣𑍈𑌸𑍍𑌤𑌥𑌾 ।
𑌅𑌕𑍍𑌷𑍋𑌭𑍍𑌯𑌾𑌣𑌾𑌂 𑌸𑌮𑍁𑌦𑍍𑌰𑌾𑌣𑌾𑌂 𑌕𑍍𑌷𑍋𑌭𑌣𑌂 𑌕𑍍𑌷𑌿𑌪𑍍𑌰𑌕𑌾𑌰𑌿𑌣𑌮𑍍 ॥ 11 ॥

𑌕𑍍𑌷𑍇𑌪𑍍𑌤𑌾𑌰𑌂 𑌪𑌰𑍍𑌵𑌤𑍇𑌂𑌦𑍍𑌰𑌾𑌣𑌾𑌂 𑌸𑍁𑌰𑌾𑌣𑌾𑌂 𑌚 𑌪𑍍𑌰𑌮𑌰𑍍𑌦𑌨𑌮𑍍 ।
𑌉𑌚𑍍𑌛𑍇𑌤𑍍𑌤𑌾𑌰𑌂 𑌚 𑌧𑌰𑍍𑌮𑌾𑌣𑌾𑌂 𑌪𑌰𑌦𑌾𑌰𑌾𑌭𑌿𑌮𑌰𑍍𑌶𑌨𑌮𑍍 ॥ 12 ॥

𑌸𑌰𑍍𑌵𑌦𑌿𑌵𑍍𑌯𑌾𑌸𑍍𑌤𑍍𑌰𑌯𑍋𑌕𑍍𑌤𑌾𑌰𑌂 𑌯𑌜𑍍𑌞𑌵𑌿𑌘𑍍𑌨𑌕𑌰𑌂 𑌸𑌦𑌾 ।
𑌪𑍁𑌰𑍀𑌂 𑌭𑍋𑌗𑌵𑌤𑍀𑌂 𑌪𑍍𑌰𑌾𑌪𑍍𑌯 𑌪𑌰𑌾𑌜𑌿𑌤𑍍𑌯 𑌚 𑌵𑌾𑌸𑍁𑌕𑌿𑌮𑍍 ॥ 13 ॥

𑌤𑌕𑍍𑌷𑌕𑌸𑍍𑌯 𑌪𑍍𑌰𑌿𑌯𑌾𑌂 𑌭𑌾𑌰𑍍𑌯𑌾𑌂 𑌪𑌰𑌾𑌜𑌿𑌤𑍍𑌯 𑌜𑌹𑌾𑌰 𑌯𑌃 ।
𑌕𑍈𑌲𑌾𑌸𑌪𑌰𑍍𑌵𑌤𑌂 𑌗𑌤𑍍𑌵𑌾 𑌵𑌿𑌜𑌿𑌤𑍍𑌯 𑌨𑌰𑌵𑌾𑌹𑌨𑌮𑍍 ।
𑌵𑌿𑌮𑌾𑌨𑌂 𑌪𑍁𑌷𑍍𑌪𑌕𑌂 𑌤𑌸𑍍𑌯 𑌕𑌾𑌮𑌗𑌂 𑌵𑍈 𑌜𑌹𑌾𑌰 𑌯𑌃 ॥ 14 ॥

𑌵𑌨𑌂 𑌚𑍈𑌤𑍍𑌰𑌰𑌥𑌂 𑌦𑌿𑌵𑍍𑌯𑌂 𑌨𑌲𑌿𑌨𑍀𑌂 𑌨𑌂𑌦𑌨𑌂 𑌵𑌨𑌮𑍍 ।
𑌵𑌿𑌨𑌾𑌶𑌯𑌤𑌿 𑌯𑌃 𑌕𑍍𑌰𑍋𑌧𑌾𑌦𑍍𑌦𑍇𑌵𑍋𑌦𑍍𑌯𑌾𑌨𑌾𑌨𑌿 𑌵𑍀𑌰𑍍𑌯𑌵𑌾𑌨𑍍 ॥ 15 ॥

𑌚𑌂𑌦𑍍𑌰𑌸𑍂𑌰𑍍𑌯𑍌 𑌮𑌹𑌾𑌭𑌾𑌗𑌾𑌵𑍁𑌤𑍍𑌤𑌿𑌷𑍍𑌠𑌂𑌤𑍌 𑌪𑌰𑌂𑌤𑌪𑍌 ।
𑌨𑌿𑌵𑌾𑌰𑌯𑌤𑌿 𑌬𑌾𑌹𑍁𑌭𑍍𑌯𑌾𑌂 𑌯𑌶𑍍𑌶𑍈𑌲𑌶𑌿𑌖𑌰𑍋𑌪𑌮𑌃 ॥ 16 ॥

𑌦𑌶𑌵𑌰𑍍𑌷𑌸𑌹𑌸𑍍𑌰𑌾𑌣𑌿 𑌤𑌪𑌸𑍍𑌤𑌪𑍍𑌵𑌾 𑌮𑌹𑌾𑌵𑌨𑍇 ।
𑌪𑍁𑌰𑌾 𑌸𑍍𑌵𑌯𑌂𑌭𑍁𑌵𑍇 𑌧𑍀𑌰𑌶𑍍𑌶𑌿𑌰𑌾𑌂𑌸𑍍𑌯𑍁𑌪𑌜𑌹𑌾𑌰 𑌯𑌃 ॥ 1𑍭 ॥

𑌦𑍇𑌵𑌦𑌾𑌨𑌵𑌗𑌂𑌧𑌰𑍍𑌵𑌪𑌿𑌶𑌾𑌚𑌪𑌤𑌗𑍋𑌰𑌗𑍈𑌃 ।
𑌅𑌭𑌯𑌂 𑌯𑌸𑍍𑌯 𑌸𑌂𑌗𑍍𑌰𑌾𑌮𑍇 𑌮𑍃𑌤𑍍𑌯𑍁𑌤𑍋 𑌮𑌾𑌨𑍁𑌷𑌾𑌦𑍃𑌤𑍇 ॥ 1𑍮 ॥

𑌮𑌂𑌤𑍍𑌰𑍈𑌰𑌭𑌿𑌷𑍍𑌟𑍁𑌤𑌂 𑌪𑍁𑌣𑍍𑌯𑌮𑌧𑍍𑌵𑌰𑍇𑌷𑍁 𑌦𑍍𑌵𑌿𑌜𑌾𑌤𑌿𑌭𑌿𑌃 ।
𑌹𑌵𑌿𑌰𑍍𑌧𑌾𑌨𑍇𑌷𑍁 𑌯𑌸𑍍𑌸𑍋𑌮𑌮𑍁𑌪𑌹𑌂𑌤𑌿 𑌮𑌹𑌾𑌬𑌲𑌃 ॥ 1𑍯 ॥

𑌆𑌪𑍍𑌤𑌯𑌜𑍍𑌞𑌹𑌰𑌂 𑌕𑍍𑌰𑍂𑌰𑌂 𑌬𑍍𑌰𑌹𑍍𑌮𑌘𑍍𑌨𑌂 𑌦𑍁𑌷𑍍𑌟𑌚𑌾𑌰𑌿𑌣𑌮𑍍 ।
𑌕𑌰𑍍𑌕𑌶𑌂 𑌨𑌿𑌰𑌨𑍁𑌕𑍍𑌰𑍋𑌶𑌂 𑌪𑍍𑌰𑌜𑌾𑌨𑌾𑌮𑌹𑌿𑌤𑍇 𑌰𑌤𑌮𑍍 ॥ 20 ॥

𑌰𑌾𑌵𑌣𑌂 𑌸𑌰𑍍𑌵𑌭𑍂𑌤𑌾𑌨𑌾𑌂 𑌸𑌰𑍍𑌵𑌲𑍋𑌕𑌭𑌯𑌾𑌵𑌹𑌮𑍍 ।
𑌰𑌾𑌕𑍍𑌷𑌸𑍀 𑌭𑍍𑌰𑌾𑌤𑌰𑌂 𑌶𑍂𑌰𑌂 𑌸𑌾 𑌦𑌦𑌰𑍍𑌶 𑌮𑌹𑌾𑌬𑌲𑌮𑍍 ॥ 21 ॥

𑌤𑌂 𑌦𑌿𑌵𑍍𑌯𑌵𑌸𑍍𑌤𑍍𑌰𑌾𑌭𑌰𑌣𑌂 𑌦𑌿𑌵𑍍𑌯𑌮𑌾𑌲𑍍𑌯𑍋𑌪𑌶𑍋𑌭𑌿𑌤𑌮𑍍 ।
𑌆𑌸𑌨𑍇 𑌸𑍂𑌪𑌵𑌿𑌷𑍍𑌟𑌂 𑌚 𑌕𑌾𑌲𑌕𑌾𑌲𑌮𑌿𑌵𑍋𑌦𑍍𑌯𑌤𑌮𑍍 ॥ 22 ॥

𑌰𑌾𑌕𑍍𑌷𑌸𑍇𑌂𑌦𑍍𑌰𑌂 𑌮𑌹𑌾𑌭𑌾𑌗𑌂 𑌪𑍌𑌲𑌸𑍍𑌤𑍍𑌯𑌕𑍁𑌲𑌨𑌂𑌦𑌨𑌮𑍍 ॥ 23 ॥

𑌰𑌾𑌵𑌣𑌂 𑌶𑌤𑍍𑌰𑍁𑌹𑌂𑌤𑌾𑌰𑌂 𑌮𑌂𑌤𑍍𑌰𑌿𑌭𑌿𑌃 𑌪𑌰𑌿𑌵𑌾𑌰𑌿𑌤𑌮𑍍 ।
𑌅𑌭𑌿𑌗𑌮𑍍𑌯𑌾𑌬𑍍𑌰𑌵𑍀𑌦𑍍𑌵𑌾𑌕𑍍𑌯𑌂 𑌰𑌾𑌕𑍍𑌷𑌸𑍀 𑌭𑌯𑌵𑌿𑌹𑍍𑌵𑌲𑌾 ॥ 24 ॥

𑌤𑌮𑌬𑍍𑌰𑌵𑍀𑌦𑍍𑌦𑍀𑌪𑍍𑌤𑌵𑌿𑌶𑌾𑌲𑌲𑍋𑌚𑌨𑌂 𑌪𑍍𑌰𑌦𑌰𑍍𑌶𑌯𑌿𑌤𑍍𑌵𑌾 𑌭𑌯𑌮𑍋𑌹𑌮𑍂𑌰𑍍𑌛𑌿𑌤𑌾 ।
𑌸𑍁𑌦𑌾𑌰𑍁𑌣𑌂 𑌵𑌾𑌕𑍍𑌯𑌮𑌭𑍀𑌤𑌚𑌾𑌰𑌿𑌣𑍀 𑌮𑌹𑌾𑌤𑍍𑌮𑌨𑌾 𑌶𑍂𑌰𑍍𑌪𑌣𑌖𑌾 𑌵𑌿𑌰𑍂𑌪𑌿𑌤𑌾 ॥ 25 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌰𑌣𑍍𑌯𑌕𑌾𑌂𑌡𑍇 𑌦𑍍𑌵𑌾𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ॥


Browse Related Categories: