𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌪𑌂𑌚𑌪𑌂𑌚𑌾𑌶𑌸𑍍𑌸𑌰𑍍𑌗𑌃 ।
𑌉𑌷𑌿𑌤𑍍𑌵𑌾 𑌰𑌜𑌨𑍀𑌂 𑌤𑌤𑍍𑌰 𑌰𑌾𑌜𑌪𑍁𑌤𑍍𑌰𑌾𑌵𑌰𑌿𑌂𑌦𑌮𑍌 ।
𑌮𑌹𑌰𑍍𑌷𑌿𑌮𑌭𑌿𑌵𑌾𑌦𑍍𑌯𑌾𑌥 𑌜𑌗𑍍𑌮𑌤𑍁𑌸𑍍𑌤𑌂 𑌗𑌿𑌰𑌿𑌂 𑌪𑍍𑌰𑌤𑌿 ॥ 1 ॥
𑌤𑍇𑌷𑌾𑌂 𑌚𑍈𑌵 𑌸𑍍𑌵𑌸𑍍𑌤𑍍𑌯𑌯𑌨𑌂 𑌮𑌹𑌰𑍍𑌷𑌿 𑌸𑍍𑌸 𑌚𑌕𑌾𑌰 𑌹 ।
𑌪𑍍𑌰𑌸𑍍𑌥𑌿𑌤𑌾𑌂𑌶𑍍𑌚𑍈𑌵 𑌤𑌾𑌨𑍍𑌪𑍍𑌰𑍇𑌕𑍍𑌷𑍍𑌯 𑌪𑌿𑌤𑌾 𑌪𑍁𑌤𑍍𑌰𑌾𑌨𑌿𑌵𑌾𑌨𑍍𑌵𑌗𑌾𑌤𑍍 ॥ 2 ॥
𑌤𑌤𑌃 𑌪𑍍𑌰𑌚𑌕𑍍𑌰𑌮𑍇 𑌵𑌕𑍍𑌤𑍁𑌂 𑌵𑌚𑌨𑌂 𑌸 𑌮𑌹𑌾𑌮𑍁𑌨𑌿𑌃 ।
𑌭𑌰𑌦𑍍𑌵𑌾𑌜𑍋 𑌮𑌹𑌾𑌤𑍇𑌜𑌾 𑌰𑌾𑌮𑌂 𑌸𑌤𑍍𑌯𑌪𑌰𑌾𑌕𑍍𑌰𑌮𑌮𑍍 ॥ 3 ॥
𑌗𑌂𑌗𑌾𑌯𑌮𑍁𑌨𑌯𑍋 𑌸𑍍𑌸𑌂𑌧𑌿𑌮𑌾𑌸𑌾𑌦𑍍𑌯 𑌮𑌨𑍁𑌜𑌰𑍍𑌷𑌭𑍌 ।
𑌕𑌾𑌲𑌿𑌂𑌦𑍀𑌮𑌨𑍁𑌗𑌚𑍍𑌛𑍇𑌤𑌾𑌂 𑌨𑌦𑍀𑌂 𑌪𑌶𑍍𑌚𑌾𑌨𑍍𑌮𑍁𑌖𑌾𑌶𑍍𑌰𑌿𑌤𑌾𑌮𑍍 ॥ 4 ॥
𑌅𑌥𑌾𑌽𑌸𑌾𑌦𑍍𑌯 𑌤𑍁 𑌕𑌾𑌲𑌿𑌂𑌦𑍀 𑌶𑍀𑌘𑍍𑌰𑌸𑍍𑌰𑍋𑌤𑌸𑌮𑌾𑌪𑌗𑌾𑌮𑍍 ।
𑌤𑌸𑍍𑌯𑌾𑌸𑍍𑌤𑍀𑌰𑍍𑌥𑌂 𑌪𑍍𑌰𑌚𑌲𑌿𑌤𑌂 𑌪𑍁𑌰𑌾𑌣𑌂 𑌪𑍍𑌰𑍇𑌕𑍍𑌷𑍍𑌯 𑌰𑌾𑌘𑌵𑍌 ॥ 5 ॥
𑌤𑌤𑍍𑌰 𑌯𑍂𑌯𑌂 𑌪𑍍𑌲𑌵𑌂 𑌕𑍃𑌤𑍍𑌵𑌾 𑌤𑌰𑌤𑌾𑌂𑌶𑍁𑌮𑌤𑍀𑌂 𑌨𑌦𑍀𑌮𑍍 ।
𑌤𑌤𑍋 𑌨𑍍𑌯𑌗𑍍𑌰𑍋𑌧𑌮𑌾𑌸𑌾𑌦𑍍𑌯 𑌮𑌹𑌾𑌂𑌤𑌂 𑌹𑌰𑌿𑌤𑌚𑍍𑌛𑌦𑌮𑍍 ॥ 6 ॥
𑌵𑌿𑌵𑍃𑌦𑍍𑌧𑌂 𑌬𑌹𑍁𑌭𑌿𑌰𑍍𑌵𑍃𑌕𑍍𑌷𑍈 𑌶𑍍𑌶𑍍𑌯𑌾𑌮𑌂 𑌸𑌿𑌦𑍍𑌧𑍋𑌪𑌸𑍇𑌵𑌿𑌤𑌮𑍍 ।
𑌤𑌸𑍍𑌮𑍈 𑌸𑍀𑌤𑌾𑌂𑌜𑌲𑌿𑌂 𑌕𑍃𑌤𑍍𑌵𑌾 𑌪𑍍𑌰𑌯𑍁𑌂𑌜𑍀𑌤𑌾𑌶𑌿𑌷𑌶𑍍𑌶𑌿𑌵𑌾𑌃 ॥ ॥
𑌸𑌮𑌾𑌸𑌾𑌦𑍍𑌯 𑌤𑍁 𑌤𑌂 𑌵𑍃𑌕𑍍𑌷𑌂 𑌵𑌸𑍇𑌦𑍍𑌵𑌾𑌤𑌿𑌕𑍍𑌰𑌮𑍇𑌤 𑌵𑌾 ।
𑌕𑍍𑌰𑍋𑌶𑌮𑌾𑌤𑍍𑌰𑌂 𑌤𑌤𑍋 𑌗𑌤𑍍𑌵𑌾 𑌨𑍀𑌲𑌂 𑌦𑍍𑌰𑌕𑍍𑌷𑍍𑌯𑌥 𑌕𑌾𑌨𑌨𑌮𑍍 ॥ ॥
𑌪𑌲𑌾𑌶𑌬𑌦𑌰𑍀𑌮𑌿𑌶𑍍𑌰𑌂 𑌰𑌮𑍍𑌯𑌂 𑌵𑌂𑌶𑍈𑌶𑍍𑌚 𑌯𑌾𑌮𑍁𑌨𑍈𑌃 ।
𑌸 𑌪𑌂𑌥𑌾𑌶𑍍𑌚𑌿𑌤𑍍𑌰𑌕𑍂𑌟𑌸𑍍𑌯 𑌗𑌤 𑌸𑍍𑌸𑍁𑌬𑌹𑍁𑌶𑍋 𑌮𑌯𑌾 ॥ ॥
𑌰𑌮𑍍𑌯𑍋 𑌮𑌾𑌰𑍍𑌦𑌵𑌯𑍁𑌕𑍍𑌤𑌶𑍍𑌚 𑌵𑌨𑌦𑌾𑌵𑍈𑌰𑍍𑌵𑌿𑌵𑌰𑍍𑌜𑌿𑌤𑌃 ।
𑌇𑌤𑌿 𑌪𑌂𑌥𑌾𑌨𑌮𑌾𑌵𑍇𑌦𑍍𑌯 𑌮𑌹𑌰𑍍𑌷𑌿𑌸𑍍𑌸𑌨𑍍𑌯𑌵𑌰𑍍𑌤𑌤 ॥ 10 ॥
𑌅𑌭𑌿𑌵𑌾𑌦𑍍𑌯 𑌤𑌥𑍇𑌤𑍍𑌯𑍁𑌕𑍍𑌤𑍍𑌵𑌾 𑌰𑌾𑌮𑍇𑌣 𑌵𑌿𑌨𑌿𑌵𑌰𑍍𑌤𑌿𑌤𑌃 ।
𑌉𑌪𑌾𑌵𑍃𑌤𑍍𑌤𑍇 𑌮𑍁𑌨𑍌 𑌤𑌸𑍍𑌮𑌿𑌨𑍍𑌰𑌾𑌮𑍋 𑌲𑌕𑍍𑌷𑍍𑌮𑌣𑌮𑌬𑍍𑌰𑌵𑍀𑌤𑍍 ॥ 11 ॥
𑌕𑍃𑌤𑌪𑍁𑌣𑍍𑌯𑌾𑌃 𑌸𑍍𑌮 𑌸𑍌𑌮𑌿𑌤𑍍𑌰𑍇 𑌮𑍁𑌨𑌿𑌰𑍍𑌯𑌨𑍍𑌨𑍋𑌽𑌨𑍁𑌕𑌂𑌪𑌤𑍇 ।
𑌇𑌤𑌿 𑌤𑍌 𑌪𑍁𑌰𑍁𑌷𑌵𑍍𑌯𑌾𑌘𑍍𑌰𑍌 𑌮𑌂𑌤𑍍𑌰𑌯𑌿𑌤𑍍𑌵𑌾 𑌮𑌨𑌸𑍍𑌵𑌿𑌨𑍌 ।
𑌸𑍀𑌤𑌾𑌮𑍇𑌵𑌾𑌗𑍍𑌰𑌤𑌃 𑌕𑍃𑌤𑍍𑌵𑌾 𑌕𑌾𑌲𑌿𑌂𑌦𑍀𑌂 𑌜𑌗𑍍𑌮𑌤𑍁𑌰𑍍𑌨𑌦𑍀𑌮𑍍 ॥ 12 ॥
𑌅𑌥𑌾𑌽𑌸𑌾𑌦𑍍𑌯 𑌤𑍁 𑌕𑌾𑌲𑌿𑌂𑌦𑍀𑌂 𑌶𑍀𑌘𑍍𑌰𑌸𑍍𑌰𑍋𑌤𑍋𑌵𑌹𑌾𑌂 𑌨𑌦𑍀𑌮𑍍 ।
𑌚𑌿𑌂𑌤𑌾𑌮𑌾𑌪𑍇𑌦𑌿𑌰𑍇 𑌸𑌰𑍍𑌵𑍇 𑌨𑌦𑍀𑌜𑌲𑌤𑌿𑌤𑍀𑌰𑍍𑌷𑌵𑌃 ॥ 13 ॥
𑌤𑍌 𑌕𑌾𑌷𑍍𑌠𑌸𑌂𑌘𑌾𑌤𑌮𑌥𑍋 𑌚𑌕𑍍𑌰𑌤𑍁 𑌸𑍍𑌸𑍁𑌮𑌹𑌾𑌪𑍍𑌲𑌵𑌮𑍍 ।
𑌶𑍁𑌷𑍍𑌕𑍈𑌰𑍍𑌵𑌂𑌶𑍈 𑌸𑍍𑌸𑌮𑌾𑌸𑍍𑌤𑍀𑌰𑍍𑌣𑌮𑍁𑌶𑍀𑌰𑍈𑌶𑍍𑌚 𑌸𑌮𑌾𑌵𑍃𑌤𑌮𑍍 ॥ 14 ॥
𑌤𑌤𑍋 𑌵𑍇𑌤𑌸𑌶𑌾𑌖𑌾𑌶𑍍𑌚 𑌜𑌂𑌬𑍂𑌶𑌾𑌖𑌾𑌶𑍍𑌚 𑌵𑍀𑌰𑍍𑌯𑌵𑌾𑌨𑍍 ।
𑌚𑌕𑌾𑌰 𑌲𑌕𑍍𑌷𑍍𑌮𑌣𑌶𑍍𑌛𑌿𑌤𑍍𑌵𑌾 𑌸𑍀𑌤𑌾𑌯𑌾 𑌸𑍍𑌸𑍁𑌖𑌮𑌾𑌸𑌨𑌮𑍍 ॥ 15 ॥
𑌤𑌤𑍍𑌰 𑌶𑍍𑌰𑌿𑌯𑌮𑌿𑌵𑌾𑌚𑌿𑌂𑌤𑍍𑌯𑌾𑌂 𑌰𑌾𑌮𑍋 𑌦𑌾𑌶𑌰𑌥𑌿𑌃 𑌪𑍍𑌰𑌿𑌯𑌾𑌮𑍍 ।
𑌈𑌷𑌤𑍍𑌸𑌂𑌲𑌜𑍍𑌜𑌮𑌾𑌨𑌾𑌂 𑌤𑌾𑌮𑌧𑍍𑌯𑌾𑌰𑍋𑌪𑌯𑌤𑌪𑍍𑌲𑌵𑌮𑍍 ॥ 16 ॥
𑌪𑌾𑌰𑍍𑌶𑍍𑌵𑍇 𑌚 𑌤𑌤𑍍𑌰 𑌵𑍈𑌦𑍇𑌹𑍍𑌯𑌾 𑌵𑌸𑌨𑍇 𑌭𑍂𑌷𑌣𑌾𑌨𑌿 𑌚 ।
𑌪𑍍𑌲𑌵𑍇 𑌕𑌠𑌿𑌨𑌕𑌾𑌜𑌂 𑌚 𑌰𑌾𑌮𑌶𑍍𑌚𑌕𑍍𑌰𑍇 𑌸𑌹𑌾𑌯𑍁𑌧𑍈𑌃 ॥ 1 ॥
𑌆𑌰𑍋𑌪𑍍𑌯 𑌪𑍍𑌰𑌥𑌮𑌂 𑌸𑍀𑌤𑌾𑌂 𑌸𑌂𑌘𑌾𑌟𑌂 𑌪𑌰𑌿𑌗𑍃𑌹𑍍𑌯 𑌤𑍌 ।
𑌤𑌤 𑌪𑍍𑌰𑌤𑍇𑌰𑌤𑍁𑌰𑍍𑌯𑌤𑍍𑌤𑍌 𑌵𑍀𑌰𑍌 𑌦𑌶𑌰𑌥𑌾𑌤𑍍𑌮𑌜𑍌 ॥ 1 ॥
𑌕𑌾𑌲𑌿𑌂𑌦𑍀𑌮𑌧𑍍𑌯𑌮𑌾𑌯𑌾𑌤𑌾 𑌸𑍀𑌤𑌾 𑌤𑍍𑌵𑍇𑌨𑌾𑌮𑌵𑌂𑌦𑌤 ।
𑌸𑍍𑌵𑌸𑍍𑌤𑌿 𑌦𑍇𑌵𑌿 𑌤𑌰𑌾𑌮𑌿 𑌤𑍍𑌵𑌾𑌂 𑌪𑌾𑌰𑌯𑍇 𑌨𑍍𑌮𑍇 𑌪𑌤𑌿𑌰𑍍𑌵𑍍𑌰𑌤𑌮𑍍 ॥ 1 ॥
𑌕𑌾𑌲𑌿𑌂𑌦𑍀 𑌮𑌥 𑌸𑍀𑌤𑌾 𑌤𑍁 𑌯𑌾𑌚𑌮𑌾𑌨𑌾 𑌕𑍃𑌤𑌾𑌂𑌜𑌲𑌿𑌃 ।
𑌤𑍀𑌰𑌮𑍇𑌵𑌾𑌭𑌿𑌸𑌂𑌪𑍍𑌰𑌾𑌪𑍍𑌤𑌾 𑌦𑌕𑍍𑌷𑌿𑌣𑌂 𑌵𑌰𑌵𑌰𑍍𑌣𑌿𑌨𑍀 ॥ 20 ॥
𑌤𑌤 𑌪𑍍𑌲𑌵𑍇𑌨𑌾𑌂𑌶𑍁𑌮𑌤𑍀𑌂 𑌶𑍀𑌘𑍍𑌰𑌗𑌾𑌮𑍂𑌰𑍍𑌮𑌿𑌮𑌾𑌲𑌿𑌨𑍀𑌮𑍍 ।
𑌤𑍀𑌰𑌜𑍈 𑌰𑍍𑌬𑌹𑍁𑌭𑌿𑌰𑍍𑌵𑍃𑌕𑍍𑌷𑍈 𑌸𑍍𑌸𑌂𑌤𑍇𑌰𑍁𑌰𑍍𑌯𑌮𑍁𑌨𑌾𑌂 𑌨𑌦𑍀𑌮𑍍 ॥ 21 ॥
𑌤𑍇 𑌤𑍀𑌰𑍍𑌣𑌾𑌃 𑌪𑍍𑌲𑌵𑌮𑍁𑌤𑍍𑌸𑍃𑌜𑍍𑌯 𑌪𑍍𑌰𑌸𑍍𑌥𑌾𑌯 𑌯𑌮𑍁𑌨𑌾𑌵𑌨𑌾𑌤𑍍 ।
𑌶𑍍𑌯𑌾𑌮𑌂 𑌨𑍍𑌯𑌗𑍍𑌰𑍋𑌧 𑌮𑌾𑌸𑍇𑌦𑍁 𑌶𑍍𑌶𑍀𑌤𑌲𑌂 𑌹𑌰𑌿𑌤𑌚𑍍𑌛𑌦𑌮𑍍 ॥ 22 ॥
𑌨𑍍𑌯𑌗𑍍𑌰𑍋𑌧𑌂 𑌤𑌮𑍁𑌪𑌾𑌗𑌮𑍍𑌯 𑌵𑍈𑌦𑍇𑌹𑍀 𑌵𑌾𑌕𑍍𑌯𑌮𑌬𑍍𑌰𑌵𑍀𑌤𑍍 ।
𑌨𑌮𑌸𑍍𑌤𑍇𑌽𑌸𑍍𑌤𑍁 𑌮𑌹𑌾𑌵𑍃𑌕𑍍𑌷 𑌪𑌾𑌰𑌯𑍇𑌨𑍍𑌮𑍇 𑌪𑌤𑌿𑌰𑍍𑌵𑍍𑌰𑌤𑌮𑍍 ॥ 23 ॥
𑌕𑍌𑌶𑌲𑍍𑌯𑌾𑌂 𑌚𑍈𑌵 𑌪𑌶𑍍𑌯𑍇𑌯𑌂 𑌸𑍁𑌮𑌿𑌤𑍍𑌰𑌾𑌂 𑌚 𑌯𑌶𑌶𑍍𑌵𑌿𑌨𑍀𑌮𑍍 ।
𑌇𑌤𑌿 𑌸𑍀𑌤𑌾𑌽𑌂𑌜𑌲𑌿𑌂 𑌕𑍃𑌤𑍍𑌵𑌾 𑌪𑌰𑍍𑌯𑌗𑌚𑍍𑌛𑌦𑍍𑌵𑌨𑌸𑍍𑌪𑌤𑌿𑌮𑍍 ॥ 24 ॥
𑌅𑌵𑌲𑍋𑌕𑍍𑌯 𑌤𑌤 𑌸𑍍𑌸𑍀𑌤𑌾𑌮𑌾𑌯𑌾𑌚𑌂𑌤𑍀𑌮𑌨𑌿𑌂𑌦𑌿𑌤𑌾𑌮𑍍 ।
𑌦𑌯𑌿𑌤𑌾𑌂 𑌚 𑌵𑌿𑌧𑍇𑌯𑌾𑌂 𑌚 𑌰𑌾𑌮𑍋 𑌲𑌕𑍍𑌷𑍍𑌮𑌣𑌮𑌬𑍍𑌰𑌵𑍀𑌤𑍍 ॥ 25 ॥
𑌸𑍀𑌤𑌾𑌮𑌾𑌦𑌾𑌯 𑌗𑌚𑍍𑌛𑌤𑍍𑌵𑌮𑌗𑍍𑌰𑌤𑍋 𑌭𑌰𑌤𑌾𑌨𑍁𑌜 ।
𑌪𑍃𑌷𑍍𑌠𑌤𑍋𑌽𑌹𑌂 𑌗𑌮𑌿𑌷𑍍𑌯𑌾𑌮𑌿 𑌸𑌾𑌯𑍁𑌧𑍋 𑌦𑍍𑌵𑌿𑌪𑌦𑌾𑌂 𑌵𑌰 ॥ 26 ॥
𑌯𑌦𑍍𑌯𑌤𑍍𑌫𑌲𑌂 𑌪𑍍𑌰𑌾𑌰𑍍𑌥𑌯𑌤𑍇 𑌪𑍁𑌷𑍍𑌪𑌂 𑌵𑌾 𑌜𑌨𑌕𑌾𑌤𑍍𑌮𑌜𑌾 ।
𑌤𑌤𑍍𑌤𑌤𑍍𑌪𑍍𑌰𑌦𑌦𑍍𑌯𑌾 𑌵𑍈𑌦𑍇𑌹𑍍𑌯𑌾 𑌯𑌤𑍍𑌰𑌾𑌽𑌸𑍍𑌯𑌾 𑌰𑌮𑌤𑍇 𑌮𑌨𑌃 ॥ 2 ॥
𑌗𑌚𑍍𑌛𑌤𑍋𑌽𑌸𑍍𑌤𑍁 𑌤𑌯𑍋𑌰𑍍𑌮𑌧𑍍𑌯𑍇 𑌬𑌭𑍂𑌵 𑌜𑌨𑌕𑌾𑌤𑍍𑌮𑌜𑌾 ।
𑌮𑌾𑌤𑌂𑌗𑌯𑍋𑌰𑍍𑌮𑌧𑍍𑌯𑌗𑌤𑌾 𑌶𑍁𑌭𑌾 𑌨𑌾𑌗𑌵𑌧𑍂𑌰𑌿𑌵 ॥ 2 ॥
𑌏𑌕𑍈𑌕𑌂 𑌪𑌾𑌦𑌪𑌂 𑌗𑍁𑌲𑍍𑌮𑌂 𑌲𑌤𑌾𑌂 𑌵𑌾 𑌪𑍁𑌷𑍍𑌪𑌶𑌾𑌲𑌿𑌨𑍀𑌮𑍍 ।
𑌅𑌦𑍃𑌷𑍍𑌟𑌪𑍂𑌰𑍍𑌵𑌾𑌂 𑌪𑌶𑍍𑌯𑌂𑌤𑍀 𑌰𑌾𑌮𑌂 𑌪𑌪𑍍𑌰𑌚𑍍𑌛 𑌸𑌾𑌽𑌬𑌲𑌾 ॥ 2 ॥
𑌰𑌮𑌣𑍀𑌯𑌾𑌨𑍍𑌬𑌹𑍁𑌵𑌿𑌧𑌾𑌨𑍍𑌪𑌾𑌦𑌪𑌾𑌨𑍍𑌕𑍁𑌸𑍁𑌮𑍋𑌤𑍍𑌕𑌟𑌾𑌨𑍍 ।
𑌸𑍀𑌤𑌾𑌵𑌚𑌨𑌸𑌂𑌰𑌬𑍍𑌧 𑌆𑌨𑌯𑌾𑌮𑌾𑌸 𑌲𑌕𑍍𑌷𑍍𑌮𑌣𑌃 ॥ 30 ॥
𑌵𑌿𑌚𑌿𑌤𑍍𑌰𑌵𑌾𑌲𑍁𑌕𑌜𑌲𑌾𑌂 𑌹𑌂𑌸𑌸𑌾𑌰𑌸𑌨𑌾𑌦𑌿𑌤𑌾𑌮𑍍 ।
𑌰𑍇𑌮𑍇 𑌜𑌨𑌕𑌰𑌾𑌜𑌸𑍍𑌯 𑌸𑍁𑌤𑌾 𑌪𑍍𑌰𑍇𑌕𑍍𑌷𑍍𑌯 𑌤𑌦𑌾 𑌨𑌦𑍀𑌮𑍍 ॥ 31 ॥
𑌕𑍍𑌰𑍋𑌶𑌮𑌾𑌤𑍍𑌰𑌂 𑌤𑌤𑍋 𑌗𑌤𑍍𑌵𑌾 𑌭𑍍𑌰𑌾𑌤𑌰𑍌 𑌰𑌾𑌮𑌲𑌕𑍍𑌷𑍍𑌮𑌣𑍌 ।
𑌬𑌹𑍂𑌨𑍍𑌮𑍇𑌧𑍍𑌯𑌾𑌨𑍍𑌮𑍃𑌗𑌾𑌨𑍍𑌹𑌤𑍍𑌵𑌾 𑌚𑍇𑌰𑌤𑍁𑌰𑍍𑌯𑌮𑍁𑌨𑌾𑌵𑌨𑍇 ॥ 32 ॥
𑌵𑌿𑌹𑍃𑌤𑍍𑌯 𑌤𑍇 𑌬𑌰𑍍𑌹𑌿𑌣𑌪𑍂𑌗𑌨𑌾𑌦𑌿𑌤𑍇 𑌶𑍁𑌭𑍇 𑌵𑌨𑍇 𑌵𑌾𑌨𑌰𑌵𑌾𑌰𑌣𑌾𑌯𑍁𑌤𑍇 ।
𑌸𑌮𑌂 𑌨𑌦𑍀𑌵𑌪𑍍𑌰𑌮𑍁𑌪𑍇𑌤𑍍𑌯 𑌸𑌮𑍍𑌮𑌤𑌂 𑌨𑌿𑌵𑌾𑌸 𑌮𑌾𑌜𑌗𑍍𑌮𑍁 𑌰𑌦𑍀𑌨𑌦𑌰𑍍𑌶𑌨𑌾𑌃 ॥ 33 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌪𑌂𑌚𑌪𑌂𑌚𑌾𑌶𑌸𑍍𑌸𑌰𑍍𑌗𑌃 ॥
