𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌏𑌕𑍋𑌨𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ।
𑌰𑌾𑌮𑌸𑍍𑌯 𑌤𑍁 𑌵𑌚𑌃 𑌶𑍃𑌤𑍍𑌵𑌾 𑌮𑍁𑌨𑌿𑌵𑍇𑌶𑌧𑌰𑌂 𑌚 𑌤𑌮𑍍 ।
𑌸𑌮𑍀𑌕𑍍𑌷𑍍𑌯 𑌸𑌹 𑌭𑌾𑌰𑍍𑌯𑌾𑌭𑍀 𑌰𑌾𑌜𑌾 𑌵𑌿𑌗𑌤𑌚𑍇𑌤𑌨𑌃 ॥ 1 ॥
𑌨𑍈𑌨𑌂 𑌦𑍁𑌃𑌖𑍇𑌨 𑌸𑌂𑌤𑌪𑍍𑌤𑌃 𑌪𑍍𑌰𑌤𑍍𑌯𑌵𑍈𑌕𑍍𑌷𑌤 𑌰𑌾𑌘𑌵𑌮𑍍 ।
𑌨 𑌚𑍈𑌨𑌮𑌭𑌿𑌸𑌂𑌪𑍍𑌰𑍇𑌕𑍍𑌷𑍍𑌯 𑌪𑍍𑌰𑌤𑍍𑌯𑌭𑌾𑌷𑌤 𑌦𑍁𑌰𑍍𑌮𑌨𑌾𑌃 ॥ 2 ॥
𑌰𑌾𑌮𑌸𑍍𑌯 𑌤𑍁 𑌵𑌚𑌃 𑌶𑍃𑌤𑍍𑌵𑌾 𑌮𑍁𑌨𑌿𑌵𑍇𑌶𑌧𑌰𑌂 𑌚 𑌤𑌮𑍍 ।
𑌸𑌮𑍀𑌕𑍍𑌷𑍍𑌯 𑌸𑌹 𑌭𑌾𑌰𑍍𑌯𑌾𑌭𑍀 𑌰𑌾𑌜𑌾 𑌵𑌿𑌗𑌤𑌚𑍇𑌤𑌨𑌃 ॥ 3 ॥
𑌨𑍈𑌨𑌂 𑌦𑍁𑌃𑌖𑍇𑌨 𑌸𑌂𑌤𑌪𑍍𑌤𑌃 𑌪𑍍𑌰𑌤𑍍𑌯𑌵𑍈𑌕𑍍𑌷𑌤 𑌰𑌾𑌘𑌵𑌮𑍍 ।
𑌨 𑌚𑍈𑌨𑌮𑌭𑌿𑌸𑌂𑌪𑍍𑌰𑍇𑌕𑍍𑌷𑍍𑌯 𑌪𑍍𑌰𑌤𑍍𑌯𑌭𑌾𑌷𑌤 𑌦𑍁𑌰𑍍𑌮𑌨𑌾𑌃 ॥ 4 ॥
𑌸 𑌮𑍁𑌹𑍂𑌰𑍍𑌤𑌮𑌿𑌵𑌾𑌸𑌂𑌜𑍍𑌞𑍋 𑌦𑍁𑌃𑌖𑌿𑌤𑌶𑍍𑌚 𑌮𑌹𑍀𑌪𑌤𑌿𑌃 ।
𑌵𑌿𑌲𑌲𑌾𑌪 𑌮𑌹𑌾𑌬𑌾𑌹𑍂 𑌰𑌾𑌮𑌮𑍇𑌵𑌾𑌨𑍁𑌚𑌿𑌂𑌤𑌯𑌨𑍍 ॥ 5 ॥
𑌮𑌨𑍍𑌯𑍇 𑌖𑌲𑍁 𑌮𑌯𑌾 𑌪𑍂𑌰𑍍𑌵𑌂 𑌵𑌿𑌵𑌤𑍍𑌸𑌾 𑌬𑌹𑌵𑌃𑌕𑍃𑌤𑌾𑌃 ।
𑌪𑍍𑌰𑌾𑌣𑌿𑌨𑍋 𑌹𑌿𑌂𑌸𑌿𑌤𑌾 𑌵𑌾𑌪𑌿 𑌤𑌸𑍍𑌮𑌾𑌦𑌿𑌦𑌮𑍁𑌪𑌸𑍍𑌥𑌿𑌤𑌮𑍍 ॥ 6 ॥
𑌨 𑌤𑍍𑌵𑍇𑌵𑌾𑌨𑌾𑌗𑌤𑍇 𑌕𑌾𑌲𑍇 𑌦𑍇𑌹𑌾𑌚𑍍𑌚𑍍𑌯𑌵𑌤𑌿 𑌜𑍀𑌵𑌿𑌤𑌮𑍍 ।
𑌕𑍈𑌕𑍇𑌯𑍍𑌯𑌾 𑌕𑍍𑌲𑌿𑌶𑍍𑌯𑌮𑌾𑌨𑌸𑍍𑌯 𑌮𑍃𑌤𑍍𑌯𑍁𑌰𑍍𑌮𑌮 𑌨 𑌵𑌿𑌦𑍍𑌯𑌤𑍇 ॥ ॥
𑌯𑍋𑌽𑌹𑌂 𑌪𑌾𑌵𑌕𑌸𑌂𑌕𑌾𑌶𑌂 𑌪𑌶𑍍𑌯𑌾𑌮𑌿 𑌪𑍁𑌰𑌤𑌃 𑌸𑍍𑌥𑌿𑌤𑌮𑍍 ।
𑌵𑌿𑌹𑌾𑌯 𑌵𑌸𑌨𑍇 𑌸𑍂𑌕𑍍𑌷𑍍𑌮𑍇 𑌤𑌾𑌪𑌸𑌾𑌚𑍍𑌛𑌾𑌦𑌮𑌾𑌤𑍍𑌮𑌜𑌮𑍍 ॥ ॥
𑌏𑌕𑌸𑍍𑌯𑌾𑌃 𑌖𑌲𑍁 𑌕𑍈𑌕𑍇𑌯𑍍𑌯𑌾𑌃 𑌕𑍃𑌤𑍇𑌽𑌯𑌂 𑌕𑍍𑌲𑌿𑌶𑍍𑌯𑌤𑍇 𑌜𑌨𑌃 ।
𑌸𑍍𑌵𑌾𑌰𑍍𑌥𑍇 𑌪𑍍𑌰𑌯𑌤𑌮𑌾𑌨𑌾𑌯𑌾𑌃 𑌸𑌂𑌶𑍍𑌰𑌿𑌤𑍍𑌯 𑌨𑌿𑌕𑍃𑌤𑌿𑌂 𑌤𑍍𑌵𑌿𑌮𑌾𑌮𑍍 ॥ ॥
𑌏𑌵𑌮𑍁𑌕𑍍𑌤𑍍𑌵𑌾 𑌤𑍁 𑌵𑌚𑌨𑌂 𑌬𑌾𑌷𑍍𑌪𑍇𑌣 𑌪𑌿𑌹𑌿𑌤𑍇𑌂𑌦𑍍𑌰𑌿𑌯𑌃 ।
𑌰𑌾𑌮𑍇𑌤𑌿 𑌸𑌕𑍃𑌦𑍇𑌵𑍋𑌕𑍍𑌤𑍍𑌵𑌾 𑌵𑍍𑌯𑌾𑌹𑌰𑍍𑌤𑍁𑌂 𑌨 𑌶𑌶𑌾𑌕 𑌹 ॥ 10 ॥
𑌸𑌂𑌜𑍍𑌞𑌾𑌂 𑌤𑍁 𑌪𑍍𑌰𑌤𑌿𑌲𑌭𑍍𑌯𑍈𑌵 𑌮𑍁𑌹𑍂𑌰𑍍𑌤𑌾𑌤𑍍𑌸 𑌮𑌹𑍀𑌪𑌤𑌿𑌃 ।
𑌨𑍇𑌤𑍍𑌰𑌾𑌭𑍍𑌯𑌾𑌮𑌶𑍍𑌰𑍁𑌪𑍂𑌰𑍍𑌣𑌾𑌭𑍍𑌯𑌾𑌂 𑌸𑍁𑌮𑌂𑌤𑍍𑌰𑌮𑌿𑌦𑌮𑌬𑍍𑌰𑌵𑍀𑌤𑍍 ॥ 11 ॥
𑌔𑌪𑌵𑌾𑌹𑍍𑌯𑌂 𑌰𑌥𑌂 𑌯𑍁𑌕𑍍𑌤𑍍𑌵𑌾 𑌤𑍍𑌵𑌮𑌾𑌯𑌾𑌹𑌿 𑌹𑌯𑍋𑌤𑍍𑌤𑌮𑍈𑌃 ।
𑌪𑍍𑌰𑌾𑌪𑌯𑍈𑌨𑌂 𑌮𑌹𑌾𑌭𑌾𑌗𑌮𑌿𑌤𑍋 𑌜𑌨𑌪𑌦𑌾𑌤𑍍𑌪𑌰𑌮𑍍 ॥ 12 ॥
𑌏𑌵𑌂 𑌮𑌨𑍍𑌯𑍇 𑌗𑍁𑌣𑌵𑌤𑌾𑌂 𑌗𑍁𑌣𑌾𑌨𑌾𑌂 𑌫𑌲𑌮𑍁𑌚𑍍𑌯𑌤𑍇 ।
𑌪𑌿𑌤𑍍𑌰𑌾 𑌮𑌾𑌤𑍍𑌰𑌾 𑌚 𑌯𑌤𑍍𑌸𑌾𑌧𑍁𑌰𑍍𑌵𑍀𑌰𑍋 𑌨𑌿𑌰𑍍𑌵𑌾𑌸𑍍𑌯𑌤𑍇 𑌵𑌨𑌮𑍍 ॥ 13 ॥
𑌰𑌾𑌜𑍍𑌞𑍋 𑌵𑌚𑌨𑌮𑌾𑌜𑍍𑌞𑌾𑌯 𑌸𑍁𑌮𑌂𑌤𑍍𑌰𑌃 𑌶𑍀𑌘𑍍𑌰𑌵𑌿𑌕𑍍𑌰𑌮𑌃 ।
𑌯𑍋𑌜𑌯𑌿𑌤𑍍𑌵𑌾𑌽𑌯𑌯𑍌 𑌤𑌤𑍍𑌰 𑌰𑌥𑌮𑌶𑍍𑌵𑍈𑌰𑌲𑌂𑌕𑍃𑌤𑌮𑍍 ॥ 14 ॥
𑌤𑌂 𑌰𑌥𑌂 𑌰𑌾𑌜𑌪𑍁𑌤𑍍𑌰𑌾𑌯 𑌸𑍂𑌤𑌃 𑌕𑌨𑌕𑌭𑍂𑌷𑌿𑌤𑌮𑍍 ।
𑌆𑌚𑌚𑌕𑍍𑌷𑍇𑌽𑌂𑌜𑌲𑌿𑌂 𑌕𑍃𑌤𑍍𑌵𑌾 𑌯𑍁𑌕𑍍𑌤𑌂 𑌪𑌰𑌮𑌵𑌾𑌜𑌿𑌭𑌿𑌃 ॥ 15 ॥
𑌰𑌾𑌜𑌾 𑌸𑌤𑍍𑌵𑌰𑌮𑌾𑌹𑍂𑌯 𑌵𑍍𑌯𑌾𑌪𑍃𑌤𑌂 𑌵𑌿𑌤𑍍𑌤𑌸𑌂𑌂𑌚𑌯𑍇 ।
𑌉𑌵𑌾𑌚 𑌦𑍇𑌶𑌕𑌾𑌲𑌜𑍍𑌞𑍋 𑌨𑌿𑌶𑍍𑌚𑌿𑌤𑌂 𑌸𑌰𑍍𑌵𑌤 𑌶𑍍𑌶𑍁𑌚𑌿𑌮𑍍 ॥ 16 ॥
𑌵𑌾𑌸𑌾𑌂𑌸𑌿 𑌚 𑌮𑌹𑌾𑌰𑍍𑌹𑌾𑌣𑌿 𑌭𑍂𑌷𑌣𑌾𑌨𑌿 𑌵𑌰𑌾𑌣𑌿 𑌚 ।
𑌵𑌰𑍍𑌷𑌾𑌣𑍍𑌯𑍇𑌤𑌾𑌨𑌿 𑌸𑌂𑌖𑍍𑌯𑌾𑌯 𑌵𑍈𑌦𑍇𑌹𑍍𑌯𑌾𑌃 𑌕𑍍𑌷𑌿𑌪𑍍𑌰𑌮𑌾𑌨𑌯 ॥ 1 ॥
𑌨𑌰𑍇𑌂𑌦𑍍𑌰𑍇𑌣𑍈𑌵𑌮𑍁𑌕𑍍𑌤𑌸𑍍𑌤𑍁 𑌗𑌤𑍍𑌵𑌾 𑌕𑍋𑌶𑌗𑍃𑌹𑌂 𑌤𑌤𑌃 ।
𑌪𑍍𑌰𑌾𑌯𑌚𑍍𑌛𑌤𑍍𑌸𑌰𑍍𑌵𑌮𑌾𑌹𑍃𑌤𑍍𑌯 𑌸𑍀𑌤𑌾𑌯𑍈 𑌸𑌮𑌮𑍇𑌵 𑌤𑌤𑍍 ॥ 1 ॥
𑌸𑌾 𑌸𑍁𑌜𑌾𑌤𑌾 𑌸𑍁𑌜𑌾𑌤𑌾𑌨𑌿 𑌵𑍈𑌦𑍇𑌹𑍀 𑌪𑍍𑌰𑌸𑍍𑌥𑌿𑌤𑌾 𑌵𑌨𑌮𑍍 ।
𑌭𑍂𑌷𑌯𑌾𑌮𑌾𑌸 𑌗𑌾𑌤𑍍𑌰𑌾𑌣𑌿 𑌤𑍈𑌰𑍍𑌵𑌿𑌚𑌿𑌤𑍍𑌰𑍈𑌰𑍍𑌵𑌿𑌭𑍂𑌷𑌣𑍈𑌃 ॥ 1 ॥
𑌵𑍍𑌯𑌰𑌾𑌜𑌯𑌤 𑌵𑍈𑌦𑍇𑌹𑍀 𑌵𑍇𑌶𑍍𑌮 𑌤𑌤𑍍𑌸𑍁𑌵𑌿𑌭𑍂𑌷𑌿𑌤𑌾 ।
𑌉𑌦𑍍𑌯𑌤𑍋𑌂𑌽𑌶𑍁𑌮𑌤𑌃 𑌕𑌾𑌲𑍇 𑌖𑌂 𑌪𑍍𑌰𑌭𑍇𑌵 𑌵𑌿𑌵𑌸𑍍𑌵𑌤𑌃 ॥ 20 ॥
𑌤𑌾𑌂 𑌭𑍁𑌜𑌾𑌭𑍍𑌯𑌾𑌂 𑌪𑌰𑌿𑌷𑍍𑌵𑌜𑍍𑌯 𑌶𑍍𑌵𑌶𑍍𑌰𑍂𑌰𑍍𑌵𑌚𑌨𑌮𑌬𑍍𑌰𑌵𑍀𑌤𑍍 ।
𑌅𑌨𑌾𑌚𑌰𑌂𑌤𑍀 𑌕𑍃𑌪𑌣𑌂 𑌮𑍂𑌰𑍍𑌧𑍍𑌨𑍍𑌯𑍁𑌪𑌾𑌘𑍍𑌰𑌾𑌯 𑌮𑍈𑌥𑌿𑌲𑍀𑌮𑍍 ॥ 21 ॥
𑌅𑌸𑌤𑍍𑌯 𑌸𑍍𑌸𑌰𑍍𑌵𑌲𑍋𑌕𑍇𑌽𑌸𑍍𑌮𑌿𑌨𑍍𑌸𑌤𑌤𑌂 𑌸𑌤𑍍𑌕𑍃𑌤𑌾𑌃 𑌪𑍍𑌰𑌿𑌯𑍈𑌃 ।
𑌭𑌰𑍍𑌤𑌾𑌰𑌂 𑌨𑌾𑌨𑍁𑌮𑌨𑍍𑌯𑌂𑌤𑍇 𑌵𑌿𑌨𑌿𑌪𑌾𑌤𑌗𑌤𑌂 𑌸𑍍𑌤𑍍𑌰𑌿𑌯𑌃 ॥ 22 ॥
𑌏𑌷 𑌸𑍍𑌵𑌭𑌾𑌵𑍋 𑌨𑌾𑌰𑍀𑌣𑌾𑌮𑌨𑍁𑌭𑍂𑌯 𑌪𑍁𑌰𑌾 𑌸𑍁𑌖𑌮𑍍 ।
𑌅𑌲𑍍𑌪𑌾𑌮𑌪𑍍𑌯𑌾𑌪𑌦𑌂 𑌪𑍍𑌰𑌾𑌪𑍍𑌯 𑌦𑍁𑌷𑍍𑌯𑌂𑌤𑌿 𑌪𑍍𑌰𑌜𑌹𑌤𑍍𑌯𑌪𑌿 ॥ 23 ॥
𑌅𑌸𑌤𑍍𑌯𑌶𑍀𑌲𑌾 𑌵𑌿𑌕𑍃𑌤𑌾 𑌦𑍁𑌰𑍍𑌗𑍍𑌰𑌾𑌹𑍍𑌯𑌹𑍃𑌦𑌯𑌾𑌸𑍍𑌸𑌦𑌾 ।
𑌯𑍁𑌵𑌤𑍍𑌯𑌃 𑌪𑌾𑌪𑌸𑌂𑌂𑌕𑌲𑍍𑌪𑌾𑌃 𑌕𑍍𑌷𑌣𑌮𑌾𑌤𑍍𑌰𑌾𑌦𑍍𑌵𑌿𑌰𑌾𑌗𑌿𑌣𑌃 ॥ 24 ॥
𑌨 𑌕𑍁𑌲𑌂 𑌨 𑌕𑍃𑌤𑌂 𑌵𑌿𑌦𑍍𑌯𑌾 𑌨 𑌦𑌤𑍍𑌤𑌂 𑌨𑌾𑌪𑌿 𑌸𑌂𑌗𑍍𑌰𑌹𑌃 ।
𑌸𑍍𑌤𑍍𑌰𑍀𑌣𑌾𑌂 𑌗𑍃𑌹𑍍𑌣𑌾𑌤𑌿 𑌹𑍃𑌦𑌯𑌮𑌨𑌿𑌤𑍍𑌯𑌹𑍃𑌦𑌯𑌾 𑌹𑌿 𑌤𑌾𑌃 ॥ 25 ॥
𑌸𑌾𑌧𑍍𑌵𑍀𑌨𑌾𑌂 𑌹𑌿 𑌸𑍍𑌥𑌿𑌤𑌾𑌨𑌾𑌂 𑌤𑍁 𑌶𑍀𑌲𑍇 𑌸𑌤𑍍𑌯𑍇 𑌶𑍍𑌰𑍁𑌤𑍇 𑌶𑌮𑍇 ।
𑌸𑍍𑌤𑍍𑌰𑍀𑌣𑌾𑌂 𑌪𑌵𑌿𑌤𑍍𑌰𑌂 𑌪𑌰𑌮𑌂 𑌪𑌤𑌿𑌰𑍇𑌕𑍋 𑌵𑌿𑌶𑌿𑌷𑍍𑌯𑌤𑍇 ॥ 26 ॥
𑌸 𑌤𑍍𑌵𑌯𑌾 𑌨𑌾𑌵𑌮𑌂𑌤𑌵𑍍𑌯𑌃 𑌪𑍁𑌤𑍍𑌰𑌃 𑌪𑍍𑌰𑌵𑍍𑌰𑌾𑌜𑌿𑌤𑍋 𑌮𑌮 ।
𑌤𑌵 𑌦𑍈𑌵𑌤𑌮𑌸𑍍𑌤𑍍𑌵𑍇𑌷 𑌨𑌿𑌰𑍍𑌧𑌨𑌃 𑌸𑌧𑌨𑍋𑌽𑌪𑌿 𑌵𑌾 ॥ 2 ॥
𑌵𑌿𑌜𑍍𑌞𑌾𑌯 𑌵𑌚𑌨𑌂 𑌸𑍀𑌤𑌾 𑌤𑌸𑍍𑌯𑌾 𑌧𑌰𑍍𑌮𑌾𑌰𑍍𑌥𑌸𑌂𑌹𑌿𑌤𑌮𑍍 ।
𑌕𑍃𑌤𑌾𑌂𑌜𑌲𑌿𑌰𑍁𑌵𑌾𑌚𑍇𑌦𑌂 𑌶𑍍𑌵𑌶𑍍𑌰𑍂𑌮𑌭𑌿𑌮𑍁𑌖𑍇 𑌸𑍍𑌥𑌿𑌤𑌾𑌮𑍍 ॥ 2 ॥
𑌕𑌰𑌿𑌷𑍍𑌯𑍇 𑌸𑌰𑍍𑌵𑌮𑍇𑌵𑌾𑌹𑌮𑌾𑌰𑍍𑌯𑌾 𑌯𑌦𑌨𑍁𑌶𑌾𑌸𑍍𑌤𑌿 𑌮𑌾𑌮𑍍 ।
𑌅𑌭𑌿𑌜𑍍𑌞𑌾𑌸𑍍𑌮𑌿 𑌯𑌥𑌾 𑌭𑌰𑍍𑌤𑍁𑌰𑍍𑌵𑌰𑍍𑌤𑌿𑌤𑌵𑍍𑌯𑌂 𑌶𑍍𑌰𑍁𑌤𑌂 𑌚 𑌮𑍇 ॥ 2 ॥
𑌨 𑌮𑌾𑌮𑌸𑌜𑍍𑌜𑌨𑍇𑌨𑌾𑌰𑍍𑌯𑌾 𑌸𑌮𑌾𑌨𑌯𑌿𑌤𑍁𑌮𑌰𑍍𑌹𑌤𑌿 ।
𑌧𑌰𑍍𑌮𑌾𑌦𑍍𑌵𑌿𑌚𑌲𑌿𑌤𑍁𑌂 𑌨𑌾𑌹𑌮𑌲𑌂 𑌚𑌂𑌦𑍍𑌰𑌾𑌦𑌿𑌵 𑌪𑍍𑌰𑌭𑌾 ॥ 30 ॥
𑌨𑌾𑌤𑌂𑌤𑍍𑌰𑍀 𑌵𑌾𑌦𑍍𑌯𑌤𑍇 𑌵𑍀𑌣𑌾 𑌨𑌾𑌚𑌕𑍍𑌰𑍋 𑌵𑌰𑍍𑌤𑌤𑍇 𑌰𑌥𑌃 ।
𑌨𑌾𑌪𑌤𑌿𑌸𑍍𑌸𑍁𑌖𑌮𑍇𑌧𑍇𑌤 𑌯𑌾 𑌸𑍍𑌯𑌾𑌦𑌪𑌿 𑌶𑌤𑌾𑌤𑍍𑌮𑌜𑌾 ॥ 31 ॥
𑌮𑌿𑌤𑌂 𑌦𑌦𑌾𑌤𑌿 𑌹𑌿 𑌪𑌿𑌤𑌾 𑌮𑌿𑌤𑌂 𑌮𑌾𑌤𑌾 𑌮𑌿𑌤𑌂 𑌸𑍁𑌤𑌃 ।
𑌅𑌮𑌿𑌤𑌸𑍍𑌯 𑌹𑌿 𑌦𑌾𑌤𑌾𑌰𑌂 𑌭𑌰𑍍𑌤𑌾𑌰𑌂 𑌕𑌾 𑌨 𑌪𑍂𑌜𑌯𑍇𑌤𑍍 ॥ 32 ॥
𑌸𑌾𑌹𑌮𑍇𑌵𑌂 𑌗𑌤𑌾 𑌶𑍍𑌰𑍇𑌷𑍍𑌠𑌾 𑌶𑍍𑌰𑍁𑌤𑌧𑌰𑍍𑌮𑌪𑌰𑌾𑌵𑌰𑌾 ।
𑌆𑌰𑍍𑌯𑍇 𑌕𑌿𑌮𑌵𑌮𑌨𑍍𑌯𑍇𑌽𑌹𑌂 𑌸𑍍𑌤𑍍𑌰𑍀𑌣𑌾𑌂 𑌭𑌰𑍍𑌤𑌾 𑌹𑌿 𑌦𑍈𑌵𑌤𑌮𑍍 ॥ 33 ॥
𑌸𑍀𑌤𑌾𑌯𑌾 𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌕𑍌𑌶𑌲𑍍𑌯𑌾 𑌹𑍃𑌦𑌯𑌂𑌗𑌮𑌮𑍍 ।
𑌶𑍁𑌦𑍍𑌧𑌸𑌤𑍍𑌤𑍍𑌵𑌾 𑌮𑍁𑌮𑍋𑌚𑌾𑌶𑍍𑌰𑍁 𑌸𑌹𑌸𑌾 𑌦𑍁𑌃𑌖𑌹𑌰𑍍𑌷𑌜𑌮𑍍 ॥ 34 ॥
𑌤𑌾𑌂 𑌪𑍍𑌰𑌾𑌂𑌜𑌲𑌿𑌰𑌭𑌿𑌕𑍍𑌰𑌮𑍍𑌯 𑌮𑌾𑌤𑍃𑌮𑌧𑍍𑌯𑍇𑌽𑌤𑌿𑌸𑌤𑍍𑌕𑍃𑌤𑌾𑌮𑍍 ।
𑌰𑌾𑌮𑌃 𑌪𑌰𑌮𑌧𑌰𑍍𑌮𑌾𑌤𑍍𑌮𑌾 𑌮𑌾𑌤𑌰𑌂 𑌵𑌾𑌕𑍍𑌯𑌮𑌬𑍍𑌰𑌵𑍀𑌤𑍍 ॥ 35 ॥
𑌅𑌂𑌬 𑌮𑌾 𑌦𑍁𑌃𑌖𑌿𑌤𑌾 𑌭𑍂𑌸𑍍𑌤𑍍𑌵𑌂 𑌪𑌶𑍍𑌯 𑌤𑍍𑌵𑌂 𑌪𑌿𑌤𑌰𑌂 𑌮𑌮 ।
𑌕𑍍𑌷𑌯𑍋 𑌹𑌿 𑌵𑌨𑌵𑌾𑌸𑌸𑍍𑌯 𑌕𑍍𑌷𑌿𑌪𑍍𑌰𑌮𑍇𑌵 𑌭𑌵𑌿𑌷𑍍𑌯𑌤𑌿 ॥ 36 ॥
𑌸𑍁𑌪𑍍𑌤𑌾𑌯𑌾𑌸𑍍𑌤𑍇 𑌗𑌮𑌿𑌷𑍍𑌯𑌂𑌤𑌿 𑌨𑌵 𑌵𑌰𑍍𑌷𑌾𑌣𑌿 𑌪𑌂𑌚 𑌚 ।
𑌸𑌾 𑌸𑌮𑌗𑍍𑌰𑌮𑌿𑌹 𑌪𑍍𑌰𑌾𑌪𑍍𑌤𑌂 𑌮𑌾𑌂 𑌦𑍍𑌰𑌕𑍍𑌷𑍍𑌯𑌸𑌿 𑌸𑍁𑌹𑍃𑌦𑍍𑌵𑍃𑌤𑌮𑍍 ॥ 3 ॥
𑌏𑌤𑌾𑌵𑌦𑌭𑌿𑌨𑍀𑌤𑌾𑌰𑍍𑌥𑌮𑍁𑌕𑍍𑌤𑍍𑌵𑌾 𑌸 𑌜𑌨𑌨𑍀𑌂 𑌵𑌚𑌃 ।
𑌤𑍍𑌰𑌯𑌶𑍍𑌶𑌤𑌶𑌤𑌾𑌰𑍍𑌧𑌾𑌶𑍍𑌚 𑌦𑌦𑌰𑍍𑌶𑌾 𑌵𑍇𑌕𑍍𑌷𑍍𑌯 𑌮𑌾𑌤𑌰𑌃 ॥ 3 ॥
𑌤𑌾 𑌶𑍍𑌚𑌾𑌪𑌿 𑌸 𑌤𑌥𑍈𑌵𑌾𑌰𑍍𑌤𑌾 𑌮𑌾𑌤𑍃𑌰𑍍𑌦𑌶𑌰𑌥𑌾𑌤𑍍𑌮𑌜𑌃 ।
𑌧𑌰𑍍𑌮𑌯𑍁𑌕𑍍𑌤𑌮𑌿𑌦𑌂 𑌵𑌾𑌕𑍍𑌯𑌂 𑌨𑌿𑌜𑌗𑌾𑌦 𑌕𑍃𑌤𑌾𑌂𑌜𑌲𑌿𑌃 ॥ 3 ॥
𑌸𑌂𑌵𑌾𑌸𑌾𑌤𑍍𑌪𑌰𑍁𑌷𑌂 𑌕𑌿𑌂𑌚𑌿𑌦𑌜𑍍𑌞𑌾𑌨𑌾𑌦𑍍𑌵𑌾𑌪𑌿 𑌯𑌤𑍍𑌕𑍃𑌤𑌮𑍍 ।
𑌤𑌨𑍍𑌮𑍇 𑌸𑌮𑌨𑍁𑌜𑌾𑌨𑍀𑌤 𑌸𑌰𑍍𑌵𑌾𑌶𑍍𑌚𑌾𑌮𑌂𑌤𑍍𑌰𑌯𑌾𑌮𑌿 𑌵𑌃 ॥ 40 ॥
𑌵𑌚𑌨𑌂 𑌰𑌾𑌘𑌵𑌸𑍍𑌯𑍈𑌤𑌧𑍍𑌦𑌰𑍍𑌮𑌯𑍁𑌕𑍍𑌤𑌂 𑌸𑌮𑌾𑌹𑌿𑌤𑌮𑍍 ।
𑌶𑍁𑌶𑍍𑌰𑍁𑌵𑍁𑌸𑍍𑌤𑌾𑌃 𑌸𑍍𑌤𑍍𑌰𑌿𑌯𑌂𑌸𑍍𑌸𑌰𑍍𑌵𑌾 𑌶𑍍𑌶𑍋𑌕𑍋𑌪𑌹𑌤𑌚𑍇𑌤𑌸𑌃 ॥ 41 ॥
𑌜𑌜𑍍𑌞𑍇𑌽𑌥 𑌤𑌾𑌸𑌾𑌂 𑌸𑌨𑍍𑌨𑌾𑌦𑌃 𑌕𑍍𑌰𑍌𑌂𑌚𑍀𑌨𑌾𑌮𑌿𑌵 𑌨𑌿𑌸𑍍𑌵𑌨𑌃 ।
𑌮𑌾𑌨𑌵𑍇𑌂𑌦𑍍𑌰𑌸𑍍𑌯 𑌭𑌾𑌰𑍍𑌯𑌾𑌣𑌾𑌮𑍇𑌵𑌂 𑌵𑌦𑌤𑌿 𑌰𑌾𑌘𑌵𑍇 ॥ 42 ॥
𑌮𑍁𑌰𑌜𑌪𑌣𑌵𑌮𑍇𑌘𑌘𑍋𑌷𑌵𑌤𑍍 𑌦𑌶𑌰𑌥𑌵𑍇𑌶𑍍𑌮 𑌬𑌭𑍂𑌵 𑌯𑌤𑍍𑌪𑍁𑌰𑌾 ।
𑌵𑌿𑌲𑌪𑌿𑌤𑌪𑌰𑌿𑌦𑍇𑌵𑌨𑌾𑌕𑍁𑌲𑌂 𑌵𑍍𑌯𑌸𑌨𑌗𑌤𑌂 𑌤𑌦𑌭𑍂𑌤𑍍𑌸𑍁𑌦𑍁𑌃𑌖𑌿𑌤𑌮𑍍 ॥ 43 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌏𑌕𑍋𑌨𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ॥
