Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

5.2𑍮 𑌸𑍁𑌂𑌦𑌰𑌕𑌾𑌂𑌡 - 𑌅𑌷𑍍𑌟𑌾𑌵𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌸𑍁𑌂𑌦𑌰𑌕𑌾𑌂𑌡𑌮𑍍 ।
𑌅𑌥 𑌅𑌷𑍍𑌟𑌾𑌵𑌿𑌂𑌶𑌸𑍍𑌸𑌰𑍍𑌗𑌃 ।

𑌸𑌾 𑌰𑌾𑌕𑍍𑌷𑌸𑍇𑌂𑌦𑍍𑌰𑌸𑍍𑌯 𑌵𑌚𑍋 𑌨𑌿𑌶𑌮𑍍𑌯 𑌤𑌦𑍍𑌰𑌾𑌵𑌣𑌸𑍍𑌯𑌾𑌪𑍍𑌰𑌿𑌯𑌮𑌪𑍍𑌰𑌿𑌯𑌾𑌰𑍍𑌤𑌾 ।
𑌸𑍀𑌤𑌾 𑌵𑌿𑌤𑌤𑍍𑌰𑌾𑌸 𑌯𑌥𑌾 𑌵𑌨𑌾𑌂𑌤𑍇 𑌸𑌿𑌂𑌹𑌾𑌭𑌿𑌪𑌨𑍍𑌨𑌾 𑌗𑌜𑌰𑌾𑌜𑌕𑌨𑍍𑌯𑌾 ॥ 1 ॥

𑌸𑌾 𑌰𑌾𑌕𑍍𑌷𑌸𑍀𑌮𑌧𑍍𑌯𑌗𑌤𑌾 𑌚 𑌭𑍀𑌰𑍁 𑌰𑍍𑌵𑌾𑌗𑍍𑌭𑌿𑌰𑍍𑌭𑍃𑌶𑌂 𑌰𑌾𑌵𑌣𑌤𑌰𑍍𑌜𑌿𑌤𑌾 𑌚 ।
𑌕𑌾𑌂𑌤𑌾𑌰𑌮𑌧𑍍𑌯𑍇 𑌵𑌿𑌜𑌨𑍇 𑌵𑌿𑌸𑍃𑌷𑍍𑌟𑌾 𑌬𑌾𑌲𑍇𑌵 𑌕𑌨𑍍𑌯𑌾 𑌵𑌿𑌲𑌲𑌾𑌪 𑌸𑍀𑌤𑌾 ॥ 2 ॥

𑌸𑌤𑍍𑌯𑌂 𑌬𑌤𑍇𑌦𑌂 𑌪𑍍𑌰𑌵𑌦𑌂𑌤𑌿 𑌲𑍋𑌕𑍇 𑌨𑌾𑌕𑌾𑌲𑌮𑍃𑌤𑍍𑌯𑍁𑌰𑍍𑌭𑌵𑌤𑍀𑌤𑌿 𑌸𑌂𑌤𑌃 ।
𑌯𑌤𑍍𑌰𑌾𑌹𑌮𑍇𑌵𑌂 𑌪𑌰𑌿𑌭𑌰𑍍𑌤𑍍𑌸𑍍𑌯𑌮𑌾𑌨𑌾 𑌜𑍀𑌵𑌾𑌮𑌿 𑌦𑍀𑌨𑌾 𑌕𑍍𑌷𑌣𑌮𑌪𑍍𑌯𑌪𑍁𑌣𑍍𑌯𑌾 ॥ 3 ॥

𑌸𑍁𑌖𑌾𑌦𑍍𑌵𑌿𑌹𑍀𑌨𑌂 𑌬𑌹𑍁𑌦𑍁𑌃𑌖𑌪𑍂𑌰𑍍𑌣 𑌮𑌿𑌦𑌂 𑌤𑍁 𑌨𑍂𑌨𑌂 𑌹𑍃𑌦𑌯𑌂 𑌸𑍍𑌥𑌿𑌰𑌂 𑌮𑍇 ।
𑌵𑌿𑌶𑍀𑌰𑍍𑌯𑌤𑍇 𑌯𑌨𑍍𑌨 𑌸𑌹𑌸𑍍𑌰𑌧𑌾𑌽𑌦𑍍𑌯 𑌵𑌜𑍍𑌰𑌾𑌹𑌤𑌂 𑌶𑍃𑌂𑌗𑌮𑌿𑌵𑌾𑌚𑌲𑌸𑍍𑌯 ॥ 4 ॥

𑌨𑍈𑌵𑌾𑌸𑍍𑌤𑌿 𑌦𑍋𑌷𑍋 𑌮𑌮 𑌨𑍂𑌨𑌮𑌤𑍍𑌰 𑌵𑌧𑍍𑌯𑌾𑌹𑌮𑌸𑍍𑌯𑌾𑌪𑍍𑌰𑌿𑌯𑌦𑌰𑍍𑌶𑌨𑌸𑍍𑌯 ।
𑌭𑌾𑌵𑌂 𑌨 𑌚𑌾𑌸𑍍𑌯𑌾𑌹𑌮𑌨𑍁𑌪𑍍𑌰𑌦𑌾𑌤𑍁 𑌮𑌲𑌂 𑌦𑍍𑌵𑌿𑌜𑍋 𑌮𑌂𑌤𑍍𑌰𑌮𑌿𑌵𑌾𑌦𑍍𑌵𑌿𑌜𑌾𑌯 ॥ 5 ॥

𑌨𑍂𑌨𑌂 𑌮𑌮𑌾𑌂𑌗𑌾𑌨𑍍𑌯𑌚𑌿𑌰𑌾𑌦𑌨𑌾𑌰𑍍𑌯𑌃 𑌶𑌸𑍍𑌤𑍍𑌰𑍈𑌶𑍍𑌶𑌿𑌤𑍈𑌶𑍍𑌛𑍇𑌤𑍍𑌸𑍍𑌯𑌤𑌿 𑌰𑌾𑌕𑍍𑌷𑌸𑍇𑌂𑌦𑍍𑌰𑌃 ।
𑌤𑌸𑍍𑌮𑌿𑌨𑌨𑌾𑌗𑌚𑍍𑌛𑌤𑌿 𑌲𑍋𑌕𑌨𑌾𑌥𑍇 𑌗𑌰𑍍𑌭𑌸𑍍𑌥𑌜𑌂𑌤𑍋𑌰𑌿𑌵 𑌶𑌲𑍍𑌯𑌕𑍃𑌂𑌤𑌃 ॥ 6 ॥

𑌦𑍁𑌃𑌖𑌂 𑌬𑌤𑍇𑌦𑌂 𑌮𑌮 𑌦𑍁𑌃𑌖𑌿𑌤𑌾𑌯𑌾 𑌮𑌾𑌸𑍌 𑌚𑌿𑌰𑌾𑌯𑌾𑌧𑌿𑌗𑌮𑌿𑌷𑍍𑌯𑌤𑍋 𑌦𑍍𑌵𑍌 ।
𑌬𑌦𑍍𑌧𑌸𑍍𑌯 𑌵𑌧𑍍𑌯𑌸𑍍𑌯 𑌤𑌥𑌾 𑌨𑌿𑌶𑌾𑌂𑌤𑍇 𑌰𑌾𑌜𑌾𑌪𑌰𑌾𑌧𑌾𑌦𑌿𑌵 𑌤𑌸𑍍𑌕𑌰𑌸𑍍𑌯 ॥ 𑍭 ॥

𑌹𑌾 𑌰𑌾𑌮 𑌹𑌾 𑌲𑌕𑍍𑌷𑍍𑌮𑌣 𑌹𑌾 𑌸𑍁𑌮𑌿𑌤𑍍𑌰𑍇 𑌹𑌾 𑌰𑌾𑌮𑌮𑌾𑌤𑌃 𑌸𑌹 𑌮𑍇 𑌜𑌨𑌨𑍍𑌯𑌾 ।
𑌏𑌷𑌾 𑌵𑌿𑌪𑌦𑍍𑌯𑌾𑌮𑍍𑌯𑌹𑌮𑌲𑍍𑌪𑌭𑌾𑌗𑍍𑌯𑌾 𑌮𑌹𑌾𑌰𑍍𑌣𑌵𑍇 𑌨𑍌𑌰𑌿𑌵 𑌮𑍂𑌢𑌵𑌾𑌤𑌾 ॥ 𑍮 ॥

𑌤𑌰𑌸𑍍𑌵𑌿𑌨𑍌 𑌧𑌾𑌰𑌯𑌤𑌾 𑌮𑍃𑌗𑌸𑍍𑌯 𑌸𑌤𑍍𑌤𑍍𑌵𑍇𑌨 𑌰𑍂𑌪𑌂 𑌮𑌨𑍁𑌜𑍇𑌂𑌦𑍍𑌰𑌪𑍁𑌤𑍍𑌰𑍌 ।
𑌨𑍂𑌨𑌂 𑌵𑌿𑌶𑌸𑍍𑌤𑍌 𑌮𑌮 𑌕𑌾𑌰𑌣𑌾𑌤𑍍𑌤𑍌 𑌸𑌿𑌂𑌹𑌰𑍍𑌷𑌭𑍌 𑌦𑍍𑌵𑌾𑌵𑌿𑌵 𑌵𑍈𑌦𑍍𑌯𑍁𑌤𑍇𑌨 ॥ 𑍯 ॥

𑌨𑍂𑌨𑌂 𑌸 𑌕𑌾𑌲𑍋 𑌮𑍃𑌗𑌰𑍂𑌪𑌧𑌾𑌰𑍀 𑌮𑌾𑌮𑌲𑍍𑌪𑌭𑌾𑌗𑍍𑌯𑌾𑌂 𑌲𑍁𑌲𑍁𑌭𑍇 𑌤𑌦𑌾𑌨𑍀𑌮𑍍 ।
𑌯𑌤𑍍𑌰𑌾𑌰𑍍𑌯𑌪𑍁𑌤𑍍𑌰𑌂 𑌵𑌿𑌸𑌸𑌰𑍍𑌜 𑌮𑍂𑌢𑌾 𑌰𑌾𑌮𑌾𑌨𑍁𑌜𑌂 𑌲𑌕𑍍𑌷𑍍𑌮𑌣𑌪𑍂𑌰𑍍𑌵𑌜𑌂 𑌚 ॥ 10 ॥

𑌹𑌾 𑌰𑌾𑌮 𑌸𑌤𑍍𑌯𑌵𑍍𑌰𑌤 𑌦𑍀𑌰𑍍𑌘𑌬𑌾𑌹𑍋 𑌹𑌾 𑌪𑍂𑌰𑍍𑌣𑌚𑌂𑌦𑍍𑌰𑌪𑍍𑌰𑌤𑌿𑌮𑌾𑌨𑌵𑌕𑍍𑌤𑍍𑌰 ।
𑌹𑌾 𑌜𑍀𑌵𑌲𑍋𑌕𑌸𑍍𑌯 𑌹𑌿𑌤𑌃 𑌪𑍍𑌰𑌿𑌯𑌶𑍍𑌚 𑌵𑌧𑍍𑌯𑌾𑌂 𑌨 𑌮𑌾𑌂 𑌵𑍇𑌤𑍍𑌸𑌿 𑌹𑌿 𑌰𑌾𑌕𑍍𑌷𑌸𑌾𑌨𑌾𑌮𑍍 ॥ 11 ॥

𑌅𑌨𑌨𑍍𑌯 𑌦𑍈𑌵𑌤𑍍𑌵𑌮𑌿𑌯𑌂 𑌕𑍍𑌷𑌮𑌾 𑌚 𑌭𑍂𑌮𑍌 𑌚 𑌶𑌯𑍍𑌯𑌾 𑌨𑌿𑌯𑌮𑌶𑍍𑌚 𑌧𑌰𑍍𑌮𑍇 ।
𑌪𑌤𑌿𑌵𑍍𑌰𑌤𑌾𑌤𑍍𑌵𑌂 𑌵𑌿𑌫𑌲𑌂 𑌮𑌮𑍇𑌦𑌂 𑌕𑍃𑌤𑌂 𑌕𑍃𑌤𑌘𑍍𑌨𑍇𑌷𑍍𑌵𑌿𑌵 𑌮𑌾𑌨𑍁𑌷𑌾𑌣𑌾𑌮𑍍 ॥ 12 ॥

𑌮𑍋𑌘𑍋 𑌹𑌿 𑌧𑌰𑍍𑌮𑌶𑍍𑌚𑌰𑌿𑌤𑍋 𑌮𑌯𑌾𑌯𑌂 𑌤𑌥𑍈𑌕𑌪𑌤𑍍𑌨𑍀𑌤𑍍𑌵𑌾𑌮𑌿𑌦𑌂 𑌨𑌿𑌰𑌰𑍍𑌥𑌮𑍍 ।
𑌯𑌾 𑌤𑍍𑌵𑌾𑌂 𑌨 𑌪𑌶𑍍𑌯𑌾𑌮𑌿 𑌕𑍃𑌶𑌾 𑌵𑌿𑌵𑌰𑍍𑌣𑌾 𑌹𑍀𑌨𑌾 𑌤𑍍𑌵𑌯𑌾 𑌸𑌂𑌗𑌮𑌨𑍇 𑌨𑌿𑌰𑌾𑌶𑌾 ॥ 13 ॥

𑌪𑌿𑌤𑍁𑌰𑍍𑌨𑌿𑌦𑍇𑌶𑌂 𑌨𑌿𑌯𑌮𑍇𑌨 𑌕𑍃𑌤𑍍𑌵𑌾 𑌵𑌨𑌾𑌨𑍍𑌨𑌿𑌵𑍃𑌤𑍍𑌤𑌶𑍍𑌚𑌰𑌿𑌤𑌵𑍍𑌰𑌤𑌶𑍍𑌚 ।
𑌸𑍍𑌤𑍍𑌰𑍀𑌭𑌿𑌸𑍍𑌤𑍁 𑌮𑌨𑍍𑌯𑍇 𑌵𑌿𑌪𑍁𑌲𑍇𑌕𑍍𑌷𑌣𑌾𑌭𑌿𑌸𑍍𑌤𑍍𑌵𑌂 𑌰𑌂𑌸𑍍𑌯𑌸𑍇 𑌵𑍀𑌤𑌭𑌯𑌃 𑌕𑍃𑌤𑌾𑌰𑍍𑌥𑌃 ॥ 14 ॥

𑌅𑌹𑌂 𑌤𑍁 𑌰𑌾𑌮 𑌤𑍍𑌵𑌯𑌿 𑌜𑌾𑌤𑌕𑌾𑌮𑌾 𑌚𑌿𑌰𑌂 𑌵𑌿𑌨𑌾𑌶𑌾𑌯 𑌨𑌿𑌬𑌦𑍍𑌧𑌭𑌾𑌵𑌾 ।
𑌮𑍋𑌘𑌂 𑌚𑌰𑌿𑌤𑍍𑌵𑌾𑌥 𑌤𑌪𑍋 𑌵𑍍𑌰𑌤𑌂𑌚 𑌤𑍍𑌯𑌕𑍍𑌷𑍍𑌯𑌾𑌮𑌿 𑌧𑌿𑌗𑍍𑌜𑍀𑌵𑌿𑌤𑌮𑌲𑍍𑌪𑌭𑌾𑌗𑍍𑌯𑌾𑌮𑍍 ॥ 15 ॥

𑌸𑌾 𑌜𑍀𑌵𑌿𑌤𑌂 𑌕𑍍𑌷𑌿𑌪𑍍𑌰𑌮𑌹𑌂 𑌤𑍍𑌯𑌜𑍇𑌯𑌂 𑌵𑌿𑌷𑍇𑌣 𑌶𑌸𑍍𑌤𑍍𑌰𑍇𑌣 𑌶𑌿𑌤𑍇𑌨 𑌵𑌾𑌪𑌿 ।
𑌵𑌿𑌷𑌸𑍍𑌯 𑌦𑌾𑌤𑌾 𑌨 𑌹𑌿 𑌮𑍇𑌽𑌸𑍍𑌤𑌿 𑌕𑌶𑍍𑌚𑌿 𑌚𑍍𑌛𑌸𑍍𑌤𑍍𑌰𑌸𑍍𑌯 𑌵𑌾 𑌵𑍇𑌶𑍍𑌮𑌨𑌿 𑌰𑌾𑌕𑍍𑌷𑌸𑌸𑍍𑌯 ॥ 16 ॥

𑌇𑌤𑍀𑌵 𑌦𑍇𑌵𑍀 𑌬𑌹𑍁𑌧𑌾 𑌵𑌿𑌲𑌪𑍍𑌯 𑌸𑌰𑍍𑌵𑌾𑌤𑍍𑌮𑌨𑌾 𑌰𑌾𑌮𑌮𑌨𑍁𑌸𑍍𑌮𑌰𑌂𑌤𑍀 ।
𑌪𑍍𑌰𑌵𑍇𑌪𑌮𑌾𑌨𑌾 𑌪𑌰𑌿𑌶𑍁𑌷𑍍𑌕𑌵𑌕𑍍𑌤𑍍𑌰𑌾 𑌨𑌗𑍋𑌤𑍍𑌤𑌮𑌂 𑌪𑍁𑌷𑍍𑌪𑌿𑌤𑌮𑌾𑌸𑌸𑌾𑌦 ॥ 1𑍭 ॥

𑌸𑌾 𑌶𑍋𑌕𑌤𑌪𑍍𑌤𑌾 𑌬𑌹𑍁𑌧𑌾 𑌵𑌿𑌚𑌿𑌂𑌤𑍍𑌯 𑌸𑍀𑌤𑌾𑌽𑌥 𑌵𑍇𑌣𑍍𑌯𑍁𑌦𑍍𑌗𑍍𑌰𑌥𑌨𑌂 𑌗𑍃𑌹𑍀𑌤𑍍𑌵𑌾 ।
𑌉𑌦𑍍𑌬𑍁𑌧𑍍𑌯 𑌵𑍇𑌣𑍍𑌯𑍁𑌦𑍍𑌗𑍍𑌰𑌥𑌨𑍇𑌨 𑌶𑍀𑌘𑍍𑌰𑌮𑌹𑌂 𑌗𑌮𑌿𑌷𑍍𑌯𑌾𑌮𑌿 𑌯𑌮𑌸𑍍𑌯 𑌮𑍂𑌲𑌮𑍍 ॥ 1𑍮 ॥

𑌉𑌪𑌸𑍍𑌥𑌿𑌤𑌾 𑌸𑌾 𑌮𑍃𑌦𑍁𑌸𑌰𑍍𑌵𑌗𑌾𑌤𑍍𑌰𑍀 𑌶𑌾𑌖𑌾𑌂 𑌗𑍃𑌹𑌤𑍍𑌵𑌾𑌽𑌧 𑌨𑌗𑌸𑍍𑌯 𑌤𑌸𑍍𑌯 ।
𑌤𑌸𑍍𑌯𑌾𑌸𑍍𑌤𑍁 𑌰𑌾𑌮𑌂 𑌪𑍍𑌰𑌵𑌿𑌚𑌿𑌂𑌤𑌯𑌂𑌤𑍍𑌯𑌾 𑌰𑌾𑌮𑌾𑌨𑍁𑌜𑌂 𑌸𑍍𑌵𑌂 𑌚 𑌕𑍁𑌲𑌂 𑌶𑍁𑌭𑌾𑌂𑌗𑍍𑌯𑌾𑌃 ॥ 1𑍯 ॥

𑌶𑍇𑌕𑌾𑌨𑌿𑌮𑌿𑌤𑍍𑌤𑌾𑌨𑌿 𑌤𑌥𑌾 𑌬𑌹𑍂𑌨𑌿 𑌧𑍈𑌰𑍍𑌯𑌾𑌰𑍍𑌜𑌿𑌤𑌾𑌨𑌿 𑌪𑍍𑌰𑌵𑌰𑌾𑌣𑌿 𑌲𑍋𑌕𑍇 ।
𑌪𑍍𑌰𑌾𑌦𑍁𑌰𑍍𑌨𑌿𑌮𑌿𑌤𑍍𑌤𑌾𑌨𑌿 𑌤𑌦𑌾 𑌬𑌭𑍂𑌵𑍁𑌃 𑌪𑍁𑌰𑌾𑌪𑌿 𑌸𑌿𑌦𑍍𑌧𑌾𑌨𑍍𑌯𑍁𑌪𑌲𑌕𑍍𑌷𑌿𑌤𑌾𑌨𑌿 ॥ 20 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌸𑍁𑌂𑌦𑌰𑌕𑌾𑌂𑌡𑍇 𑌅𑌷𑍍𑌟𑌾𑌵𑌿𑌂𑌶𑌸𑍍𑌸𑌰𑍍𑌗𑌃 ॥


Browse Related Categories: