𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌷𑌡𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ।
𑌏𑌵𑌮𑍁𑌕𑍍𑌤𑍍𑌵𑌾 𑌤𑍁 𑌵𑌿𑌰𑌤𑍇 𑌰𑌾𑌮𑍇 𑌵𑌚𑌨𑌮𑌰𑍍𑌥𑌵𑌤𑍍 ।
𑌤𑌤𑍋 𑌮𑌂𑌦𑌾𑌕𑌿𑌨𑍀𑌤𑍀𑌰𑍇 𑌰𑌾𑌮𑌂 𑌪𑍍𑌰𑌕𑍃𑌤𑌿𑌵𑌤𑍍𑌸𑌲𑌮𑍍 ॥ 1 ॥
𑌉𑌵𑌾𑌚 𑌭𑌰𑌤 𑌶𑍍𑌚𑌿𑌤𑍍𑌰𑌂 𑌧𑌾𑌰𑍍𑌮𑌿𑌕𑍋 𑌧𑌾𑌰𑍍𑌮𑌿𑌕𑌂 𑌵𑌚𑌃 ।
𑌕𑍋 𑌹𑌿 𑌸𑍍𑌯𑌾𑌦𑍀𑌦𑍃𑌶𑍋 𑌲𑍋𑌕𑍇 𑌯𑌾𑌦𑍃𑌶 𑌸𑍍𑌤𑍍𑌵𑌮𑌰𑌿𑌂𑌦𑌮𑌃 ॥ 2 ॥
𑌨 𑌤𑍍𑌵𑌾𑌂 𑌪𑍍𑌰𑌵𑍍𑌯𑌥𑌯𑍇𑌦𑍍𑌦𑍁𑌃𑌖𑌂 𑌪𑍍𑌰𑍀𑌤𑌿𑌰𑍍𑌵𑌾 𑌨𑌪𑍍𑌰𑌹𑌰𑍍𑌷𑌯𑍇𑌤𑍍 ।
𑌸𑌮𑍍𑌮𑌤𑌶𑍍𑌚𑌾𑌸𑌿 𑌵𑍃𑌦𑍍𑌧𑌾𑌨𑌾𑌂 𑌤𑌾𑌂𑌶𑍍𑌚 𑌪𑍃𑌚𑍍𑌛𑌸𑌿 𑌸𑌂𑌶𑌯𑌾𑌨𑍍 ॥ 3 ॥
𑌕𑍋 𑌹𑌿 𑌸𑍍𑌯𑌾𑌦𑍀𑌦𑍃𑌶𑍋 𑌲𑍋𑌕𑍇 𑌯𑌾𑌦𑍃𑌶 𑌸𑍍𑌤𑍍𑌵𑌮𑌰𑌿𑌂𑌦𑌮 ॥ 4 ॥
𑌨 𑌤𑍍𑌵𑌾𑌂 𑌪𑍍𑌰𑌵𑍍𑌯𑌥𑌯𑍇𑌦𑍍𑌦𑍁𑌃𑌖𑌂 𑌪𑍍𑌰𑍀𑌤𑌿𑌰𑍍𑌵𑌾 𑌨𑌪𑍍𑌰𑌹𑌰𑍍𑌷𑌯𑍇𑌤𑍍 ।
𑌸𑌮𑍍𑌮𑌤𑌶𑍍𑌚𑌾𑌸𑌿 𑌵𑍃𑌦𑍍𑌧𑌾𑌨𑌾𑌂 𑌤𑌾𑌂𑌶𑍍𑌚 𑌪𑍃𑌚𑍍𑌛𑌸𑌿 𑌸𑌂𑌶𑌯𑌾𑌨𑍍 ॥ 5 ॥
𑌯𑌥𑌾 𑌮𑍃𑌤 𑌸𑍍𑌤𑌥𑌾 𑌜𑍀𑌵𑌨𑍍𑌯𑌥𑌾𑌽𑌸𑌤𑌿 𑌤𑌥𑌾 𑌸𑌤𑌿 ।
𑌯𑌸𑍍𑌯𑍈𑌷 𑌬𑍁𑌦𑍍𑌧𑌿𑌲𑌾𑌭 𑌸𑍍𑌸𑍍𑌯𑌾𑌤𑍍𑌪𑌰𑌿𑌤𑌪𑍍𑌯𑍇𑌤 𑌕𑍇𑌨 𑌸𑌃 ॥ 6 ॥
𑌪𑌰𑌾𑌵𑌰𑌜𑍍𑌞𑍋 𑌯𑌶𑍍𑌚 𑌸𑍍𑌯𑌾𑌦𑍍 𑌯𑌥𑌾 𑌤𑍍𑌵𑌂 𑌮𑌨𑍁𑌜𑌾𑌧𑌿𑌪 ।
𑌸 𑌏𑌵 𑌵𑍍𑌯𑌸𑌨𑌂 𑌪𑍍𑌰𑌾𑌪𑍍𑌯 𑌨 𑌵𑌿𑌷𑍀𑌦𑌿𑌤𑍁𑌮𑌰𑍍𑌹𑌤𑌿 ॥ ॥
𑌅𑌮𑌰𑍋𑌪𑌮𑌸𑌤𑍍𑌤𑍍𑌵 𑌸𑍍𑌤𑍍𑌵𑌂 𑌮𑌹𑌾𑌤𑍍𑌮𑌾 𑌸𑌤𑍍𑌯𑌸𑌂𑌗𑌰𑌃 ।
𑌸𑌰𑍍𑌵𑌜𑍍𑌞 𑌸𑍍𑌸𑌰𑍍𑌵𑌦𑌰𑍍𑌶𑍀 𑌚 𑌬𑍁𑌦𑍍𑌧𑌿𑌮𑌾𑌂𑌶𑍍𑌚𑌾𑌸𑌿 𑌰𑌾𑌘𑌵 ॥ ॥
𑌨 𑌤𑍍𑌵𑌾𑌮𑍇𑌵𑌂 𑌗𑍁𑌣𑍈𑌰𑍍𑌯𑍁𑌕𑍍𑌤𑌂 𑌪𑍍𑌰𑌭𑌵𑌾𑌭𑌵𑌕𑍋𑌵𑌿𑌦𑌮𑍍 ।
𑌅𑌵𑌿𑌷𑌹𑍍𑌯𑌤𑌮𑌂 𑌦𑍁𑌃𑌖𑌮𑌾𑌸𑌾𑌦𑌯𑌿𑌤𑍁𑌮𑌰𑍍𑌹𑌤𑌿 ॥ ॥
𑌪𑍍𑌰𑍋𑌷𑌿𑌤𑍇 𑌮𑌯𑌿 𑌯𑌤𑍍𑌪𑌾𑌪𑌂 𑌮𑌾𑌤𑍍𑌰𑌾 𑌮𑌤𑍍𑌕𑌾𑌰𑌣𑌾𑌤𑍍𑌕𑍃𑌤𑌮𑍍 ।
𑌕𑍍𑌷𑍁𑌦𑍍𑌰𑌯𑌾 𑌤𑌦𑌨𑌿𑌷𑍍𑌟𑌂 𑌮𑍇 𑌪𑍍𑌰𑌸𑍀𑌦𑌤𑍁 𑌭𑌵𑌾𑌨𑍍𑌮𑌮 ॥ 10 ॥
𑌧𑌰𑍍𑌮𑌬𑌂𑌧𑍇𑌨 𑌬𑌦𑍍𑌧𑍋𑌽𑌸𑍍𑌮𑌿 𑌤𑍇𑌨𑍇𑌮𑌾𑌂 𑌨𑍇𑌹 𑌮𑌾𑌤𑌰𑌮𑍍 ।
𑌹𑌨𑍍𑌮𑌿𑌤𑍀𑌵𑍍𑌰𑍇𑌣 𑌦𑌂𑌡𑍇𑌨 𑌦𑌂𑌡𑌾𑌰𑍍𑌹𑌾𑌂 𑌪𑌾𑌪𑌕𑌾𑌰𑌿𑌣𑍀𑌮𑍍 ॥ 11 ॥
𑌕𑌥𑌂 𑌦𑌶𑌰𑌥𑌾 𑌜𑍍𑌜𑌾𑌤 𑌶𑍍𑌶𑍁𑌦𑍍𑌧𑌾𑌭𑌿𑌜𑌨𑌕𑌰𑍍𑌮𑌣𑌃 ।
𑌜𑌾𑌨𑌨𑍍 𑌧𑌰𑍍𑌮𑌮𑌧𑌰𑍍𑌮𑌿𑌷𑍍𑌠𑌂 𑌕𑍁𑌰𑍍𑌯𑌾𑌂 𑌕𑌰𑍍𑌮 𑌜𑍁𑌗𑍁𑌪𑍍𑌸𑌿𑌤𑌮𑍍 ॥ 12 ॥
𑌗𑍁𑌰𑍁𑌃 𑌕𑍍𑌰𑌿𑌯𑌾𑌵𑌾𑌨𑍍𑌵𑍃𑌦𑍍𑌧𑌶𑍍𑌚 𑌰𑌾𑌜𑌾 𑌪𑍍𑌰𑍇𑌤𑌃 𑌪𑌿𑌤𑍇𑌤𑌿𑌚 ।
𑌤𑌾𑌤𑌂 𑌨 𑌪𑌰𑌿𑌗𑌰𑍍𑌹𑍇𑌯𑌂 𑌦𑍈𑌵𑌤𑌂 𑌚𑍇𑌤𑌿 𑌸𑌂𑌸𑌦𑌿 ॥ 13 ॥
𑌕𑍋 𑌹𑌿 𑌧𑌰𑍍𑌮𑌾𑌰𑍍𑌥𑌯𑍋𑌰𑍍𑌹𑍀𑌨𑌮𑍀𑌦𑍃𑌶𑌂 𑌕𑌰𑍍𑌮 𑌕𑌿𑌲𑍍𑌬𑌿𑌷𑌮𑍍 ।
𑌸𑍍𑌤𑍍𑌰𑌿𑌯𑌾𑌃 𑌪𑍍𑌰𑌿𑌯𑌂 𑌚𑌿𑌕𑍀𑌰𑍍𑌷𑍁 𑌸𑍍𑌸𑌨𑍍𑌕𑍁𑌰𑍍𑌯𑌾𑌦𑍍𑌧𑌰𑍍𑌮𑌜𑍍𑌞 𑌧𑌰𑍍𑌮𑌵𑌿𑌤𑍍 ॥ 14 ॥
𑌅𑌂𑌤𑌕𑌾𑌲𑍇 𑌹𑌿 𑌭𑍂𑌤𑌾𑌨𑌿 𑌮𑍁𑌹𑍍𑌯𑌂𑌤𑍀𑌤𑌿 𑌪𑍁𑌰𑌾 𑌶𑍍𑌰𑍁𑌤𑌿𑌃 ।
𑌰𑌾𑌜𑍍𑌞𑍈𑌵𑌂 𑌕𑍁𑌰𑍍𑌵𑌤𑌾 𑌲𑍋𑌕𑍇 𑌪𑍍𑌰𑌤𑍍𑌯𑌕𑍍𑌷𑌂 𑌸𑌾 𑌶𑍍𑌰𑍁𑌤𑌿𑌃 𑌕𑍃𑌤𑌾 ॥ 15 ॥
𑌸𑌾𑌧𑍍𑌵𑌰𑍍𑌥𑌮𑌭𑌿𑌸𑌂𑌧𑌾𑌯 𑌕𑍍𑌰𑍋𑌧𑌾𑌨𑍍𑌮𑍋𑌹𑌾𑌚𑍍𑌚 𑌸𑌾𑌹𑌸𑌾𑌤𑍍 ।
𑌤𑌾𑌤𑌸𑍍𑌯 𑌯𑌦𑌤𑌿𑌕𑍍𑌰𑌾𑌂𑌤𑌂 𑌪𑍍𑌰𑌤𑍍𑌯𑌾𑌹𑌰𑌤𑍁 𑌤𑌦𑍍𑌭𑌵𑌾𑌨𑍍 ॥ 16 ॥
𑌪𑌿𑌤𑍁𑌰𑍍𑌹𑌿 𑌸𑌮𑌤𑌿𑌕𑍍𑌰𑌾𑌂𑌤𑌂 𑌪𑍁𑌤𑍍𑌰𑍋 𑌯𑌸𑍍𑌸𑌾𑌧𑍁 𑌮𑌨𑍍𑌯𑌤𑍇 ।
𑌤𑌦𑌪𑌤𑍍𑌯𑌂 𑌮𑌤𑌂 𑌲𑍋𑌕𑍇 𑌵𑌿𑌪𑌰𑍀𑌤𑌮𑌤𑍋𑌽𑌨𑍍𑌯𑌥𑌾 ॥ 1 ॥
𑌤𑌦𑌪𑌤𑍍𑌯𑌂 𑌭𑌵𑌾𑌨𑌸𑍍𑌤𑍁 𑌮𑌾 𑌭𑌵𑌾𑌨𑍍 𑌦𑍁𑌷𑍍𑌕𑍃𑌤𑌂 𑌪𑌿𑌤𑍁𑌃 ।
𑌅𑌭𑌿𑌪𑌤𑍍𑌤𑌾 𑌕𑍃𑌤𑌂 𑌕𑌰𑍍𑌮 𑌲𑍋𑌕𑍇 𑌧𑍀𑌰𑌵𑌿𑌗𑌰𑍍𑌹𑌿𑌤𑌮𑍍 ॥ 1 ॥
𑌕𑍈𑌕𑍇𑌯𑍀𑌂 𑌮𑌾𑌂 𑌚 𑌤𑌾𑌤𑌂 𑌚 𑌸𑍁𑌹𑍃𑌦𑍋 𑌬𑌾𑌂𑌧𑌵𑌾𑌂𑌶𑍍𑌚 𑌨𑌃 ।
𑌪𑍌𑌰𑌜𑌾𑌨𑌪𑌦𑌾𑌨𑍍𑌸𑌰𑍍𑌵𑌾𑌂𑌸𑍍𑌤𑍍𑌰𑌾𑌤𑍁 𑌸𑌰𑍍𑌵𑌮𑌿𑌦𑌂 𑌭𑌵𑌾𑌨𑍍 ॥ 1 ॥
𑌕𑍍𑌵 𑌚𑌾𑌰𑌣𑍍𑌯𑌂 𑌕𑍍𑌵𑌚 𑌕𑍍𑌷𑌾𑌤𑍍𑌰𑌂 𑌕𑍍𑌵 𑌜𑌟𑌾𑌃 𑌕𑍍𑌵 𑌚 𑌪𑌾𑌲𑌨𑌮𑍍 ।
𑌈𑌦𑍃𑌶𑌂 𑌵𑍍𑌯𑌾𑌹𑌤𑌂 𑌕𑌰𑍍𑌮 𑌨 𑌭𑌵𑌾𑌨𑍍𑌕𑌰𑍍𑌤𑍁𑌮𑌰𑍍𑌹𑌤𑌿 ॥ 20 ॥
𑌏𑌷 𑌹𑌿 𑌪𑍍𑌰𑌥𑌮𑍋 𑌧𑌰𑍍𑌮𑌃 𑌕𑍍𑌷𑌤𑍍𑌰𑌿𑌯𑌸𑍍𑌯𑌾𑌭𑌿𑌷𑍇𑌚𑌨𑌮𑍍 ।
𑌯𑍇𑌨 𑌶𑌕𑍍𑌯𑌂 𑌮𑌹𑌾𑌪𑍍𑌰𑌾𑌜𑍍𑌞 𑌪𑍍𑌰𑌜𑌾𑌨𑌾𑌂 𑌪𑌰𑌿𑌪𑌾𑌲𑌨𑌮𑍍 ॥ 21 ॥
𑌕𑌶𑍍𑌚 𑌪𑍍𑌰𑌤𑍍𑌯𑌕𑍍𑌷𑌮𑍁𑌤𑍍𑌸𑍃𑌜𑍍𑌯 𑌸𑌂𑌶𑌯𑌸𑍍𑌥 𑌮𑌲𑌕𑍍𑌷𑌣𑌮𑍍 ।
𑌆𑌯𑌤𑌿𑌸𑍍𑌥𑌂 𑌚𑌰𑍇 𑌦𑍍𑌧𑌰𑍍𑌮𑌂 𑌕𑍍𑌷𑌤𑍍𑌰𑌬𑌂𑌦𑍁𑌰𑌨𑌿𑌶𑍍𑌚𑌿𑌤𑌮𑍍 ॥ 22 ॥
𑌅𑌥 𑌕𑍍𑌲𑍇𑌶𑌜 𑌮𑍇𑌵 𑌤𑍍𑌵𑌂 𑌧𑌰𑍍𑌮𑌂 𑌚𑌰𑌿𑌤𑍁 𑌮𑌿𑌚𑍍𑌛𑌸𑌿 ।
𑌧𑌰𑍍𑌮𑍇𑌣 𑌚𑌤𑍁𑌰𑍋 𑌵𑌰𑍍𑌣𑌾𑌨𑍍𑌪𑌾𑌲𑌯𑌨𑍍 𑌕𑍍𑌲𑍇𑌶 𑌮𑌾𑌪𑍍𑌨𑍁𑌹𑌿 ॥ 23 ॥
𑌚𑌤𑍁𑌰𑍍𑌣𑌾𑌮𑌾𑌶𑍍𑌰𑌮𑌾𑌣𑌾𑌂 𑌹𑌿 𑌗𑌾𑌰𑍍𑌹𑌸𑍍𑌥𑍍𑌯𑌂 𑌶𑍍𑌰𑍇𑌷𑍍𑌠𑌮𑍁𑌤𑍍𑌤𑌮𑌮𑍍 ।
𑌆𑌹𑍁𑌰𑍍𑌧𑌰𑍍𑌮𑌜𑍍𑌞 𑌧𑌰𑍍𑌮𑌜𑍍𑌞𑌾𑌸𑍍𑌤𑌂 𑌕𑌥𑌂 𑌤𑍍𑌯𑌕𑍍𑌤𑍁 𑌮𑌰𑍍𑌹𑌸𑌿 ॥ 24 ॥
𑌶𑍍𑌰𑍁𑌤𑍇𑌨 𑌬𑌾𑌲𑌃 𑌸𑍍𑌥𑌾𑌨𑍇𑌨 𑌜𑌨𑍍𑌮𑌨𑌾 𑌭𑌵𑌤𑍋 𑌹𑍍𑌯𑌹𑌮𑍍 ।
𑌸 𑌕𑌥𑌂 𑌪𑌾𑌲𑌯𑌿𑌷𑍍𑌯𑌾𑌮𑌿 𑌭𑍂𑌮𑌿𑌂 𑌭𑌵𑌤𑌿 𑌤𑌿𑌷𑍍𑌠𑌤𑌿 ॥ 25 ॥
𑌹𑍀𑌨𑌬𑍁𑌦𑍍𑌧𑌿𑌗𑍁𑌣𑍋 𑌬𑌾𑌲𑍋 𑌹𑍀𑌨𑌃 𑌸𑍍𑌥𑌾𑌨𑍇𑌨 𑌚𑌾𑌪𑍍𑌯𑌹𑌮𑍍 ।
𑌭𑌵𑌤𑌾 𑌚 𑌵𑌿𑌨𑌾𑌭𑍂𑌤𑍋 𑌨 𑌵𑌰𑍍𑌤𑌯𑌿𑌤𑍁𑌮𑍁𑌤𑍍𑌸𑍁𑌹𑍇 ॥ 26 ॥
𑌇𑌦𑌂 𑌨𑌿𑌖𑌿𑌲 𑌮𑌵𑍍𑌯𑌗𑍍𑌰𑌂 𑌰𑌾𑌜𑍍𑌯𑌂 𑌪𑌿𑌤𑍍𑌰𑍍𑌯𑌮𑌕𑌂𑌟𑌕𑌮𑍍 ।
𑌅𑌨𑍁𑌶𑌾𑌧𑌿 𑌸𑍍𑌵𑌧𑌰𑍍𑌮𑍇𑌣 𑌧𑌰𑍍𑌮𑌜𑍍𑌞 𑌸𑌹𑌬𑌾𑌂𑌧𑌵𑍈𑌃 ॥ 2 ॥
𑌇𑌹𑍈𑌵 𑌤𑍍𑌵𑌾𑌽𑌭𑌿𑌷𑌿𑌂𑌚𑌂𑌤𑍁 𑌸𑌰𑍍𑌵𑌾𑌃 𑌪𑍍𑌰𑌕𑍃𑌤𑌯 𑌸𑍍𑌸𑌹 ।
𑌋𑌤𑍍𑌵𑌿𑌜 𑌸𑍍𑌸𑌵𑌸𑌿𑌷𑍍𑌠𑌾𑌶𑍍𑌚 𑌮𑌂𑌤𑍍𑌰𑌵𑌿𑌨𑍍𑌮𑌂𑌤𑍍𑌰𑌕𑍋𑌵𑌿𑌦𑌾𑌃 ॥ 2 ॥
𑌅𑌭𑌿𑌷𑌿𑌕𑍍𑌤𑌸𑍍𑌤𑍍𑌵𑌮𑌸𑍍𑌮𑌾𑌭𑌿𑌰𑌯𑍋𑌧𑍍𑌯𑌾𑌂 𑌪𑌾𑌲𑌨𑍇 𑌵𑍍𑌰𑌜 ।
𑌵𑌿𑌜𑌿𑌤𑍍𑌯 𑌤𑌰𑌸𑌾 𑌲𑍋𑌕𑌾𑌨𑍍𑌮𑌰𑍁𑌦𑍍𑌭𑌿𑌰𑌿𑌵 𑌵𑌾𑌸𑌵𑌃 ॥ 2 ॥
𑌋𑌣𑌾𑌨𑌿 𑌤𑍍𑌰𑍀𑌣𑍍𑌯𑌪𑌾𑌕𑍁𑌰𑍍𑌵𑌂𑌦𑍁𑌰𑍍𑌹𑍃𑌦𑌸𑍍𑌸𑌾𑌧𑍁 𑌨𑌿𑌰𑍍𑌦𑌹𑌨𑍍 ।
𑌸𑍁𑌹𑍃𑌦𑌸𑍍𑌤𑌰𑍍𑌪𑌯𑌨𑍍𑌕𑌾𑌮𑍈𑌸𑍍𑌤𑍍𑌵𑌮𑍇𑌵𑌾𑌤𑍍𑌰𑌾𑌨𑍁𑌶𑌾𑌧𑌿 𑌮𑌾𑌮𑍍 ॥ 30 ॥
𑌅𑌦𑍍𑌯𑌾𑌽𑌰𑍍𑌯 𑌮𑍁𑌦𑌿𑌤𑌾 𑌸𑍍𑌸𑌂𑌤𑍁 𑌸𑍁𑌹𑍃𑌦𑌸𑍍𑌤𑍇𑌽𑌭𑌿𑌷𑍇𑌚𑌨𑍇 ।
𑌅𑌦𑍍𑌯 𑌭𑍀𑌤𑌾𑌃 𑌪𑌲𑌾𑌯𑌂𑌤𑌾𑌂 𑌦𑍁𑌰𑍍𑌹𑍃𑌦𑌸𑍍𑌤𑍇 𑌦𑌿𑌶𑍋 𑌦𑌶 ॥ 31 ॥
𑌆𑌕𑍍𑌰𑍋𑌶𑌂 𑌮𑌮 𑌮𑌾𑌤𑍁𑌶𑍍𑌚 𑌪𑍍𑌰𑌮𑍃𑌜𑍍𑌯 𑌪𑍁𑌰𑍁𑌷𑌰𑍍𑌷𑌭 ।
𑌅𑌦𑍍𑌯 𑌤𑌤𑍍𑌰 𑌭𑌵𑌂𑌤𑌂 𑌚 𑌪𑌿𑌤𑌰𑌂 𑌰𑌕𑍍𑌷 𑌕𑌿𑌲𑍍𑌬𑌿𑌷𑌾𑌤𑍍 ॥ 32 ॥
𑌶𑌿𑌰𑌸𑌾 𑌤𑍍𑌵𑌾𑌽𑌭𑌿𑌯𑌾𑌚𑍇𑌽𑌹𑌂 𑌕𑍁𑌰𑍁𑌷𑍍𑌵 𑌕𑌰𑍁𑌣𑌾𑌂 𑌮𑌯𑌿 ।
𑌬𑌾𑌂𑌧𑌵𑍇𑌷𑍁 𑌚 𑌸𑌰𑍍𑌵𑍇𑌷𑍁 𑌭𑍂𑌤𑍇𑌷𑍍𑌵𑌿𑌵 𑌮𑌹𑍇𑌶𑍍𑌵𑌰𑌃 ॥ 33 ॥
𑌅𑌥𑍈𑌤𑌤𑍍𑌪𑍃𑌷𑍍𑌠𑌤𑌃 𑌕𑍃𑌤𑍍𑌵𑌾 𑌵𑌨𑌮𑍇𑌵 𑌭𑌵𑌾𑌨𑌿𑌤𑌃 ।
𑌗𑌮𑌿𑌷𑍍𑌯𑌤𑌿 𑌗𑌮𑌿𑌷𑍍𑌯𑌾𑌮𑌿 𑌭𑌵𑌤𑌾 𑌸𑌾𑌰𑍍𑌧𑌮𑌪𑍍𑌯𑌹𑌮𑍍 ॥ 34 ॥
𑌤𑌥𑌾𑌹𑌿 𑌰𑌾𑌮𑍋 𑌭𑌰𑌤𑍇𑌨 𑌤𑌾𑌮𑍍𑌯𑌤𑌾 𑌪𑍍𑌰𑌸𑌾𑌦𑍍𑌯𑌮𑌾𑌨𑌶𑍍𑌶𑌿𑌰𑌸𑌾 𑌮𑌹𑍀𑌪𑌤𑌿𑌃 ।
𑌨𑌚𑍈𑌵 𑌚𑌕𑍍𑌰𑍇 𑌗𑌮𑌨𑌾𑌯 𑌸𑌤𑍍𑌤𑍍𑌵𑌵𑌾𑌨𑍍𑌮𑌤𑌿𑌂 𑌪𑌿𑌤𑍁𑌸𑍍𑌤𑌦𑍍𑌵𑌚𑌨𑍇 𑌪𑍍𑌰𑌤𑌿𑌷𑍍𑌠𑌿𑌤𑌃 ॥ 35 ॥
𑌤𑌦𑌦𑍍𑌭𑍁𑌤𑌂 𑌸𑍍𑌥𑍈𑌰𑍍𑌯𑌮𑌵𑍇𑌕𑍍𑌷𑍍𑌯 𑌰𑌾𑌘𑌵𑍇 𑌸𑌮𑌂 𑌜𑌨𑍋 𑌹𑌰𑍍𑌷𑌮𑌵𑌾𑌪 𑌦𑍁𑌃𑌖𑌿𑌤𑌃 ।
𑌨 𑌯𑌾𑌤𑍍𑌯𑌯𑍋𑌧𑍍𑌯𑌾𑌮𑌿𑌤𑌿 𑌦𑍁𑌃𑌖𑌿𑌤𑍋𑌽𑌭𑌵𑌤𑍍 𑌸𑍍𑌥𑌿𑌰𑌪𑍍𑌰𑌤𑌿𑌜𑍍𑌞𑌤𑍍𑌵𑌮𑌵𑍇𑌕𑍍𑌷𑍍𑌯 𑌹𑌰𑍍𑌷𑌿𑌤𑌃 ॥ 36 ॥
𑌤𑌮𑍃𑌤𑍍𑌵𑌿𑌜𑍋 𑌨𑍈𑌗𑌮𑌯𑍂𑌥𑌵𑌲𑍍𑌲𑌭𑌾𑌸𑍍𑌤𑌦𑌾 𑌵𑌿𑌸𑌂𑌜𑍍𑌞𑌾𑌶𑍍𑌰𑍁𑌕𑌲𑌾𑌶𑍍𑌚 𑌮𑌾𑌤𑌰𑌃 ।
𑌤𑌥𑌾 𑌬𑍍𑌰𑍁𑌵𑌾𑌣𑌂 𑌭𑌰𑌤𑌂 𑌪𑍍𑌰𑌤𑍁𑌷𑍍𑌟𑍁𑌵𑍁𑌃 𑌪𑍍𑌰𑌣𑌮𑍍𑌯 𑌰𑌾𑌮𑌂 𑌚 𑌯𑌯𑌾𑌚𑌿𑌰𑍇 𑌸𑌹 ॥ 3 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌷𑌡𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ॥
