VR 3.18 Aranya Kanda - Sarga 18 - Grantha

Collection of Spiritual and Devotional Literature in Various Indian Languages

Meaning, Multimedia

View this in:

| English

| Devanagari

| Telugu

| Tamil

| Kannada

| Malayalam

| Gujarati

| Odia

| Bengali

| Marathi

| Assamese

| Punjabi

| Hindi

| Samskritam

| Konkani

| Nepali

| Sinhala

| Grantha

3.1𑍮 𑌅𑌰𑌣𑍍𑌯𑌕𑌾𑌂𑌡 - 𑌅𑌷𑍍𑌟𑌾𑌦𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌰𑌣𑍍𑌯𑌕𑌾𑌂𑌡𑌮𑍍 ।
𑌅𑌥 𑌅𑌷𑍍𑌟𑌾𑌦𑌶𑌸𑍍𑌸𑌰𑍍𑌗𑌃 ।

𑌤𑌤𑌶𑍍𑌶𑍂𑌰𑍍𑌪𑌣𑌖𑌾𑌂 𑌰𑌾𑌮𑌃 𑌕𑌾𑌮𑌪𑌾𑌶𑌾𑌵𑌪𑌾𑌶𑌿𑌤𑌾𑌮𑍍 ।
𑌸𑍍𑌵𑌚𑍍𑌛𑌯𑌾 𑌶𑍍𑌲𑌕𑍍𑌷𑍍𑌣𑌯𑌾 𑌵𑌾𑌚𑌾 𑌸𑍍𑌮𑌿𑌤𑌪𑍂𑌰𑍍𑌵𑌮𑌥𑌾𑌬𑍍𑌰𑌵𑍀𑌤𑍍 ॥ 1 ॥

𑌕𑍃𑌤𑌦𑌾𑌰𑍋𑌽𑌸𑍍𑌮𑌿 𑌭𑌵𑌤𑌿 𑌭𑌾𑌰𑍍𑌯𑍇𑌯𑌂 𑌦𑌯𑌿𑌤𑌾 𑌮𑌮 ।
𑌤𑍍𑌵𑌦𑍍𑌵𑌿𑌧𑌾𑌨𑌾𑌂 𑌤𑍁 𑌨𑌾𑌰𑍀𑌣𑌾𑌂 𑌸𑍁𑌦𑍁𑌃𑌖𑌾 𑌸𑌸𑌪𑌤𑍍𑌨𑌤𑌾 ॥ 2 ॥

𑌅𑌨𑍁𑌜𑌸𑍍𑌤𑍍𑌵𑍇𑌷 𑌮𑍇 𑌭𑍍𑌰𑌾𑌤𑌾 𑌶𑍀𑌲𑌵𑌾𑌨𑍍𑌪𑍍𑌰𑌿𑌯𑌦𑌰𑍍𑌶𑌨𑌃 ।
𑌶𑍍𑌰𑍀𑌮𑌾𑌨𑌕𑍃𑌤𑌦𑌾𑌰𑌶𑍍𑌚 𑌲𑌕𑍍𑌷𑍍𑌮𑌣𑍋 𑌨𑌾𑌮 𑌵𑍀𑌰𑍍𑌯𑌵𑌾𑌨𑍍 ॥ 3 ॥

𑌅𑌪𑍂𑌰𑍍𑌵𑍀 𑌭𑌾𑌰𑍍𑌯𑌯𑌾 𑌚𑌾𑌰𑍍𑌥𑍀 𑌤𑌰𑍁𑌣𑌃 𑌪𑍍𑌰𑌿𑌯𑌦𑌰𑍍𑌶𑌨𑌃 ।
𑌅𑌨𑍁𑌰𑍂𑌪𑌶𑍍𑌚 𑌤𑍇 𑌭𑌰𑍍𑌤𑌾 𑌰𑍂𑌪𑌸𑍍𑌯𑌾𑌸𑍍𑌯 𑌭𑌵𑌿𑌷𑍍𑌯𑌤𑌿 ॥ 4 ॥

𑌏𑌨𑌂 𑌭𑌜 𑌵𑌿𑌶𑌾𑌲𑌾𑌕𑍍𑌷𑌿 𑌭𑌰𑍍𑌤𑌾𑌰𑌂 𑌭𑍍𑌰𑌾𑌤𑌰𑌂 𑌮𑌮 ।
𑌅𑌸𑌪𑌤𑍍𑌨𑌾 𑌵𑌰𑌾𑌰𑍋𑌹𑍇 𑌮𑍇𑌰𑍁𑌮𑌰𑍍𑌕𑌪𑍍𑌰𑌭𑌾 𑌯𑌥𑌾 ॥ 5 ॥

𑌇𑌤𑌿 𑌰𑌾𑌮𑍇𑌣 𑌸𑌾 𑌪𑍍𑌰𑍋𑌕𑍍𑌤𑌾 𑌰𑌾𑌕𑍍𑌷𑌸𑍀 𑌕𑌾𑌮𑌮𑍋𑌹𑌿𑌤𑌾 ।
𑌵𑌿𑌸𑍃𑌜𑍍𑌯 𑌰𑌾𑌮𑌂 𑌸𑌹𑌸𑌾 𑌤𑌤𑍋 𑌲𑌕𑍍𑌷𑍍𑌮𑌣𑌮𑌬𑍍𑌰𑌵𑍀𑌤𑍍 ॥ 6 ॥

𑌅𑌸𑍍𑌯 𑌰𑍂𑌪𑌸𑍍𑌯 𑌤𑍇 𑌯𑍁𑌕𑍍𑌤𑌾 𑌭𑌾𑌰𑍍𑌯𑌾𑌹𑌂 𑌵𑌰𑌵𑌰𑍍𑌣𑌿𑌨𑍀 ।
𑌮𑌯𑌾 𑌸𑌹 𑌸𑍁𑌖𑌂 𑌸𑌰𑍍𑌵𑌾𑌂𑌦𑌂𑌡𑌕𑌾𑌨𑍍𑌵𑌿𑌚𑌰𑌿𑌷𑍍𑌯𑌸𑌿 ॥ 𑍭 ॥

𑌏𑌵𑌮𑍁𑌕𑍍𑌤𑌸𑍍𑌤𑍁 𑌸𑍌𑌮𑌿𑌤𑍍𑌰𑍀 𑌰𑌾𑌕𑍍𑌷𑌸𑍍𑌯𑌾 𑌵𑌾𑌕𑍍𑌯𑌕𑍋𑌵𑌿𑌦𑌃 ।
𑌤𑌤𑌶𑍍𑌶𑍂𑌰𑍍𑌪𑌣𑌖𑍀𑌂 𑌸𑍍𑌮𑌿𑌤𑍍𑌵𑌾 𑌲𑌕𑍍𑌷𑍍𑌮𑌣𑍋 𑌯𑍁𑌕𑍍𑌤𑌮𑌬𑍍𑌰𑌵𑍀𑌤𑍍 ॥ 𑍮 ॥

𑌕𑌥𑌂 𑌦𑌾𑌸𑌸𑍍𑌯 𑌮𑍇 𑌦𑌾𑌸𑍀 𑌭𑌾𑌰𑍍𑌯𑌾 𑌭𑌵𑌿𑌤𑍁𑌮𑌿𑌚𑍍𑌛𑌸𑌿 ।
𑌸𑍋𑌽𑌹𑌮𑌾𑌰𑍍𑌯𑍇𑌣 𑌪𑌰𑌵𑌾𑌨𑍍𑌭𑍍𑌰𑌾𑌤𑍍𑌰𑌾 𑌕𑌮𑌲𑌵𑌰𑍍𑌣𑌿𑌨𑌿 ॥ 𑍯 ॥

𑌸𑌮𑍃𑌦𑍍𑌧𑌾𑌰𑍍𑌥𑌸𑍍𑌯 𑌸𑌿𑌦𑍍𑌧𑌾𑌰𑍍𑌥𑌾 𑌮𑍁𑌦𑌿𑌤𑌾𑌮𑌲𑌵𑌰𑍍𑌣𑌿𑌨𑍀 ।
𑌆𑌰𑍍𑌯𑌸𑍍𑌯 𑌤𑍍𑌵𑌂 𑌵𑌿𑌶𑌾𑌲𑌾𑌕𑍍𑌷𑌿 𑌭𑌾𑌰𑍍𑌯𑌾 𑌭𑌵 𑌯𑌵𑍀𑌯𑌸𑍀 ॥ 10 ॥

𑌏𑌨𑌾𑌂 𑌵𑌿𑌰𑍂𑌪𑌾𑌮𑌸𑌤𑍀𑌂 𑌕𑌰𑌾𑌲𑌾𑌂 𑌨𑌿𑌰𑍍𑌣𑌤𑍋𑌦𑌰𑍀𑌮𑍍 ।
𑌭𑌾𑌰𑍍𑌯𑌾𑌂 𑌵𑍃𑌦𑍍𑌧𑌾𑌂 𑌪𑌰𑌿𑌤𑍍𑌯𑌜𑍍𑌯 𑌤𑍍𑌵𑌾𑌮𑍇𑌵𑍈𑌷 𑌭𑌜𑌿𑌷𑍍𑌯𑌤𑌿 ॥ 11 ॥

𑌕𑍋 𑌹𑌿 𑌰𑍂𑌪𑌮𑌿𑌦𑌂 𑌶𑍍𑌰𑍇𑌷𑍍𑌠𑌂 𑌸𑌂𑌤𑍍𑌯𑌜𑍍𑌯 𑌵𑌰𑌵𑌰𑍍𑌣𑌿𑌨𑌿 ।
𑌮𑌾𑌨𑍁𑌷𑍀𑌷𑍁 𑌵𑌰𑌾𑌰𑍋𑌹𑍇 𑌕𑍁𑌰𑍍𑌯𑌾𑌦𑍍𑌭𑌾𑌵𑌂 𑌵𑌿𑌚𑌕𑍍𑌷𑌣𑌃 ॥ 12 ॥

𑌇𑌤𑌿 𑌸𑌾 𑌲𑌕𑍍𑌷𑍍𑌮𑌣𑍇𑌨𑍋𑌕𑍍𑌤𑌾 𑌕𑌰𑌾𑌲𑌾 𑌨𑌿𑌰𑍍𑌣𑌤𑍋𑌦𑌰𑍀 ।
𑌮𑌨𑍍𑌯𑌤𑍇 𑌤𑌦𑍍𑌵𑌚𑌸𑍍𑌤𑌥𑍍𑌯𑌂 𑌪𑌰𑌿𑌹𑌾𑌸𑌾𑌵𑌿𑌚𑌕𑍍𑌷𑌣𑌾 ॥ 13 ॥

𑌸𑌾 𑌰𑌾𑌮𑌂 𑌪𑌰𑍍𑌣𑌶𑌾𑌲𑌾𑌯𑌾𑌮𑍁𑌪𑌵𑌿𑌷𑍍𑌟𑌂 𑌪𑌰𑌂𑌤𑌪𑌮𑍍 ।
𑌸𑍀𑌤𑌯𑌾 𑌸𑌹 𑌦𑍁𑌰𑍍𑌦𑌰𑍍𑌷𑌮𑌬𑍍𑌰𑌵𑍀𑌤𑍍𑌕𑌾𑌮𑌮𑍋𑌹𑌿𑌤𑌾 ॥ 14 ॥

𑌏𑌨𑌾𑌂 𑌵𑌿𑌰𑍂𑌪𑌾𑌮𑌸𑌤𑍀𑌂 𑌕𑌰𑌾𑌲𑌾𑌂 𑌨𑌿𑌰𑍍𑌣𑌤𑍋𑌦𑌰𑍀𑌮𑍍 ।
𑌵𑍃𑌦𑍍𑌧𑌾𑌂 𑌭𑌾𑌰𑍍𑌯𑌾𑌮𑌵𑌷𑍍𑌟𑌭𑍍𑌯 𑌮𑌾𑌂 𑌨 𑌤𑍍𑌵𑌂 𑌬𑌹𑍁𑌮𑌨𑍍𑌯𑌸𑍇 ॥ 15 ॥

𑌅𑌦𑍍𑌯𑍇𑌮𑌾𑌂 𑌭𑌕𑍍𑌷𑌯𑌿𑌷𑍍𑌯𑌾𑌮𑌿 𑌪𑌶𑍍𑌯𑌤𑌸𑍍𑌤𑌵 𑌮𑌾𑌨𑍁𑌷𑍀𑌮𑍍 ।
𑌤𑍍𑌵𑌯𑌾 𑌸𑌹 𑌚𑌰𑌿𑌷𑍍𑌯𑌾𑌮𑌿 𑌨𑌿𑌸𑍍𑌸𑌪𑌤𑍍𑌨𑌾 𑌯𑌥𑌾𑌸𑍁𑌖𑌮𑍍 ॥ 16 ॥

𑌇𑌤𑍍𑌯𑍁𑌕𑍍𑌤𑍍𑌵𑌾 𑌮𑍃𑌗𑌶𑌾𑌬𑌾𑌕𑍍𑌷𑍀𑌮𑌲𑌾𑌤𑌸𑌦𑍃𑌶𑍇𑌕𑍍𑌷𑌣𑌾 ।
𑌅𑌭𑍍𑌯𑌧𑌾𑌵𑌤𑍍𑌸𑍁𑌸𑌂𑌕𑍃𑌦𑍍𑌧𑌾 𑌮𑌹𑍋𑌲𑍍𑌕𑌾𑌂 𑌰𑍋𑌹𑌿𑌣𑍀𑌮𑌿𑌵 ॥ 1𑍭 ॥

𑌤𑌾𑌂 𑌮𑍃𑌤𑍍𑌯𑍁𑌪𑌾𑌶𑌪𑍍𑌰𑌤𑌿𑌮𑌾𑌮𑌾𑌪𑌤𑌂𑌤𑍀𑌂 𑌮𑌹𑌾𑌬𑌲𑌃 ।
𑌨𑌿𑌗𑍃𑌹𑍍𑌯 𑌰𑌾𑌮𑌃 𑌕𑍁𑌪𑌿𑌤 𑌸𑍍𑌤𑌤𑍋 𑌲𑌕𑍍𑌷𑍍𑌮𑌣𑌮𑌬𑍍𑌰𑌵𑍀𑌤𑍍 ॥ 1𑍮 ॥

𑌕𑍍𑌰𑍂𑌰𑍈𑌰𑌨𑌾𑌰𑍍𑌯𑍈 𑌸𑍍𑌸𑍌𑌮𑌿𑌤𑍍𑌰𑍇 𑌪𑌰𑌿𑌹𑌾𑌸𑌃 𑌕𑌥𑌂𑌚𑌨 ।
𑌨 𑌕𑌾𑌰𑍍𑌯𑌃 𑌪𑌶𑍍𑌯𑌵𑍈𑌦𑍇𑌹𑍀𑌂 𑌕𑌥𑌂𑌚𑌿𑌤𑍍𑌸𑍌𑌮𑍍𑌯 𑌜𑍀𑌵𑌤𑍀𑌮𑍍 ॥ 1𑍯 ॥

𑌇𑌮𑌾𑌂 𑌵𑌿𑌰𑍂𑌪𑌾𑌮𑌸𑌤𑍀𑌮𑌤𑌿𑌮𑌤𑍍𑌤𑌾𑌂 𑌮𑌹𑍋𑌦𑌰𑍀𑌮𑍍 ।
𑌰𑌾𑌕𑍍𑌷𑌸𑍀𑌂 𑌪𑍁𑌰𑍁𑌷𑌵𑍍𑌯𑌾𑌘𑍍𑌰 𑌵𑌿𑌰𑍂𑌪𑌯𑌿𑌤𑍁𑌮𑌰𑍍𑌹𑌸𑌿 ॥ 20 ॥

𑌇𑌤𑍍𑌯𑍁𑌕𑍍𑌤𑍋 𑌲𑌕𑍍𑌷𑍍𑌮𑌣𑌸𑍍𑌤𑌸𑍍𑌯𑌾𑌃 𑌕𑍍𑌰𑍁𑌦𑍍𑌧𑍋 𑌰𑌾𑌮𑌸𑍍𑌯 𑌪𑌾𑌰𑍍𑌶𑍍𑌵𑌤𑌃 ।
𑌉𑌦𑍍𑌧𑍃𑌤𑍍𑌯 𑌖𑌂𑌗𑌂 𑌚𑌿𑌚𑍍𑌛𑍇𑌦 𑌕𑌰𑍍𑌣𑌨𑌾𑌸𑌂 𑌮𑌹𑌾𑌬𑌲𑌃 ॥ 21 ॥

𑌨𑌿𑌕𑍃𑌤𑍍𑌤𑌕𑌰𑍍𑌣𑌨𑌾𑌸𑌾 𑌤𑍁 𑌵𑌿𑌸𑍍𑌵𑌰𑌂 𑌸𑌾 𑌵𑌿𑌨𑌦𑍍𑌯 𑌚 ।
𑌯𑌥𑌾𑌗𑌤𑌂 𑌪𑍍𑌰𑌦𑍁𑌦𑍍𑌰𑌾𑌵 𑌘𑍋𑌰𑌾 𑌶𑍂𑌰𑍍𑌪𑌣𑌖𑌾 𑌵𑌨𑌮𑍍 ॥ 22 ॥

𑌸𑌾 𑌵𑌿𑌰𑍂𑌪𑌾 𑌮𑌹𑌾𑌘𑍋𑌰𑌾 𑌰𑌾𑌕𑍍𑌷𑌸𑍀 𑌶𑍋𑌣𑌿𑌤𑍋𑌕𑍍𑌷𑌿𑌤𑌾 ।
𑌨𑌨𑌾𑌦 𑌵𑌿𑌵𑌿𑌧𑌾𑌨𑍍𑌨𑌾𑌦𑌾𑌨𑍍𑌯𑌥𑌾 𑌪𑍍𑌰𑌾𑌵𑍃𑌷𑌿 𑌤𑍋𑌯𑌦𑌃 ॥ 23 ॥

𑌸𑌾 𑌵𑌿𑌕𑍍𑌷𑌰𑌂𑌤𑍀 𑌰𑍁𑌧𑌿𑌰𑌂 𑌬𑌹𑍁𑌧𑌾 𑌘𑍋𑌰𑌦𑌰𑍍𑌶𑌨𑌾 ।
𑌪𑍍𑌰𑌗𑍃𑌹𑍍𑌯 𑌬𑌾𑌹𑍂 𑌗𑌰𑍍𑌜𑌂𑌤𑍀 𑌪𑍍𑌰𑌵𑌿𑌵𑍇𑌶 𑌮𑌹𑌾𑌵𑌨𑌮𑍍 ॥ 24 ॥

𑌤𑌤𑌸𑍍𑌤𑍁 𑌸𑌾 𑌰𑌾𑌕𑍍𑌷𑌸𑌸𑌂𑌘𑌸𑌂𑌵𑍃𑌤𑌂 𑌖𑌰𑌂 𑌜𑌨𑌸𑍍𑌥𑌾𑌨𑌗𑌤𑌂 𑌵𑌿𑌰𑍂𑌪𑌿𑌤𑌾 ।
𑌉𑌪𑍇𑌤𑍍𑌯 𑌤𑌂 𑌭𑍍𑌰𑌾𑌤𑌰𑌮𑍁𑌗𑍍𑌰𑌦𑌰𑍍𑌶𑌨𑌂 𑌪𑌪𑌾𑌤 𑌭𑍂𑌮𑍌 𑌗𑌗𑌨𑌾𑌦𑍍𑌯𑌥𑌾𑌽𑌶𑌨𑌿𑌃 ॥ 25 ॥

𑌤𑌤𑌸𑍍𑌸𑌭𑌾𑌰𑍍𑌯𑌂 𑌭𑌯𑌮𑍋𑌹𑌮𑍂𑌰𑍍𑌛𑌿𑌤𑌾 𑌸𑌲𑌕𑍍𑌷𑍍𑌮𑌣𑌂 𑌰𑌾𑌘𑌵𑌮𑌾𑌗𑌤𑌂 𑌵𑌨𑌮𑍍 ।
𑌵𑌿𑌰𑍂𑌪𑌣𑌂 𑌚𑌾𑌤𑍍𑌮𑌨𑌿 𑌶𑍋𑌣𑌿𑌤𑍋𑌕𑍍𑌷𑌿𑌤𑌾 𑌶𑌶𑌂𑌸 𑌸𑌰𑍍𑌵𑌂 𑌭𑌗𑌿𑌨𑍀 𑌖𑌰𑌸𑍍𑌯 𑌸𑌾 ॥ 26 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌰𑌣𑍍𑌯𑌕𑌾𑌂𑌡𑍇 𑌅𑌷𑍍𑌟𑌾𑌦𑌶𑌸𑍍𑌸𑌰𑍍𑌗𑌃 ॥

Browse Related Categories: