𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌏𑌕𑌨𑌵𑌤𑌿𑌤𑌮𑌸𑍍𑌸𑌰𑍍𑌗𑌃 ।
𑌕𑍃𑌤𑌬𑍁𑌦𑍍𑌧𑌿𑌂 𑌨𑌿𑌵𑌾𑌸𑌾𑌯 𑌤𑌤𑍍𑌰𑍈𑌵 𑌸 𑌮𑍁𑌨𑌿𑌸𑍍𑌤𑌦𑌾 ।
𑌭𑌰𑌤𑌂 𑌕𑍈𑌕𑌯𑍀𑌪𑍁𑌤𑍍𑌰𑌮𑌾𑌤𑌿𑌥𑍍𑌯𑍇𑌨𑌨𑍍𑌯𑌮𑌂𑌤𑍍𑌰𑌯𑌤𑍍 ॥ 1 ॥
𑌅𑌬𑍍𑌰𑌵𑍀𑌦𑍍𑌭𑌰𑌤𑌸𑍍𑌤𑍍𑌵𑍇𑌨𑌂 𑌨𑌨𑍍𑌵𑌿𑌦𑌂 𑌭𑌵𑌤𑌾 𑌕𑍃𑌤𑌮𑍍 ।
𑌪𑌾𑌦𑍍𑌯𑌮𑌰𑍍𑌘𑍍𑌯𑌂 𑌤𑌥𑌾𑌽𑌤𑌿𑌥𑍍𑌯𑌂 𑌵𑌨𑍇 𑌯𑌦𑍁𑌪𑌪𑌦𑍍𑌯𑌤𑍇 ॥ 2 ॥
𑌅𑌥𑍋𑌵𑌾𑌚 𑌭𑌰𑌦𑍍𑌵𑌾𑌜𑍋 𑌭𑌰𑌤𑌂 𑌪𑍍𑌰𑌹𑌸𑌨𑍍𑌨𑌿𑌵 ।
𑌜𑌾𑌨𑍇 𑌤𑍍𑌵𑌾𑌂 𑌪𑍍𑌰𑍀𑌤𑌿𑌸𑌂𑌯𑍁𑌕𑍍𑌤𑌂 𑌤𑍁𑌷𑍍𑌯𑍇𑌸𑍍𑌤𑍍𑌵𑌂 𑌯𑍇𑌨 𑌕𑍇𑌨𑌚𑌿𑌤𑍍 ॥ 3 ॥
𑌸𑍇𑌨𑌾𑌯𑌾𑌸𑍍𑌤𑍁 𑌤𑌵𑍈𑌤𑌸𑍍𑌯𑌾𑌃 𑌕𑌰𑍍𑌤𑍁𑌮𑌿𑌚𑍍𑌛𑌾𑌮𑌿 𑌭𑍋𑌜𑌨𑌮𑍍 ।
𑌮𑌮 𑌪𑍍𑌰𑍀𑌤𑌿𑌰𑍍𑌯𑌥𑌾𑌰𑍂𑌪𑌾 𑌤𑌥𑌾𑌰𑍍𑌹𑍋 𑌮𑌨𑍁𑌜𑌰𑍍𑌷𑌭 ॥ 4 ॥
𑌕𑌿𑌮𑌰𑍍𑌥𑌂 𑌚𑌾𑌪𑌿 𑌨𑌿𑌕𑍍𑌷𑌿𑌪𑍍𑌯 𑌦𑍂𑌰𑍇 𑌬𑌲𑌮𑌿𑌹𑌾𑌗𑌤𑌃 ।
𑌕𑌸𑍍𑌮𑌾𑌨𑍍𑌨𑍇𑌹𑍋𑌪𑌯𑌾𑌤𑍋𑌽𑌸𑌿 𑌸𑌬𑌲𑌃 𑌪𑍁𑌰𑍁𑌷𑌰𑍍𑌷𑌭𑌃 ॥ 5 ॥
𑌭𑌰𑌤𑌃 𑌪𑍍𑌰𑌤𑍍𑌯𑍁𑌵𑌾𑌚𑍇𑌦𑌂 𑌪𑍍𑌰𑌾𑌂𑌜𑌲𑌿𑌸𑍍𑌤𑌂 𑌤𑌪𑍋𑌧𑌨𑌮𑍍 ।
𑌸𑌸𑍈𑌨𑍍𑌯𑍋 𑌨𑍋𑌪𑌯𑌾𑌤𑍋𑌽𑌸𑍍𑌮𑌿 𑌭𑌗𑌵𑌨𑍍𑌭𑌗𑌵𑌦𑍍𑌭𑌯𑌾𑌤𑍍 ॥ 6 ॥
𑌰𑌾𑌜𑍍𑌞𑌾 𑌚 𑌭𑌗𑌵𑌨𑍍𑌨𑌿𑌤𑍍𑌯𑌂 𑌰𑌾𑌜𑌪𑍁𑌤𑍍𑌰𑍇𑌣 𑌵𑌾 𑌸𑌦𑌾 ।
𑌯𑌤𑍍𑌨𑌤𑌃 𑌪𑌰𑌿𑌹𑌰𑍍𑌤𑌵𑍍𑌯𑌾 𑌵𑌿𑌷𑌯𑍇𑌷𑍁 𑌤𑌪𑌸𑍍𑌵𑌿𑌨𑌃 ॥ ॥
𑌵𑌾𑌜𑌿𑌮𑍁𑌖𑍍𑌯𑌾 𑌮𑌨𑍁𑌷𑍍𑌯𑌾𑌶𑍍𑌚 𑌮𑌤𑍍𑌤𑌾𑌶𑍍𑌚 𑌵𑌰𑌵𑌾𑌰𑌣𑌾𑌃 ।
𑌪𑍍𑌰𑌚𑍍𑌛𑌾𑌦𑍍𑌯 𑌭𑌗𑌵𑌨𑍍𑌭𑍂𑌮𑌿𑌂 𑌮𑌹𑌤𑍀𑌮𑌨𑍁𑌯𑌾𑌂𑌤𑌿 𑌮𑌾𑌮𑍍 ॥ ॥
𑌤𑍇 𑌵𑍃𑌕𑍍𑌷𑌾𑌨𑍁𑌦𑌕𑌂 𑌭𑍂𑌮𑌿𑌮𑌾𑌶𑍍𑌰𑌮𑍇𑌷𑍂𑌟𑌜𑌾𑌂 𑌸𑍍𑌤𑌥𑌾 ।
𑌨 𑌹𑌿𑌂𑌸𑍍𑌯𑍁𑌰𑌿𑌤𑌿 𑌤𑍇𑌨𑌾𑌽𑌹𑌮𑍇𑌕 𑌏𑌵 𑌸𑌮𑌾𑌗𑌤𑌃 ॥ ॥
𑌆𑌨𑍀𑌯𑌤𑌾𑌮𑌿𑌤𑌸𑍍𑌸𑍇𑌨𑍇𑌤𑍍𑌯𑌾𑌜𑍍𑌞𑌪𑍍𑌤𑌃 𑌪𑌰𑌮𑌰𑍍𑌷𑌿𑌣𑌾 ।
𑌤𑌤𑌸𑍍𑌤𑍁 𑌚𑌕𑍍𑌰𑍇 𑌭𑌰𑌤𑌸𑍍𑌸𑍇𑌨𑌾𑌯𑌾𑌸𑍍𑌸𑌮𑍁𑌪𑌾𑌗𑌮𑌮𑍍 ॥ 10 ॥
𑌅𑌗𑍍𑌨𑌿𑌶𑌾𑌲𑌾𑌂 𑌪𑍍𑌰𑌵𑌿𑌶𑍍𑌯𑌾𑌥 𑌪𑍀𑌤𑍍𑌵𑌾𑌽𑌪𑌃 𑌪𑌰𑌿𑌮𑍃𑌜𑍍𑌯 𑌚 ।
𑌆𑌤𑌿𑌥𑍍𑌯𑌸𑍍𑌯 𑌕𑍍𑌰𑌿𑌯𑌾𑌹𑍇𑌤𑍋𑌰𑍍𑌵𑌿𑌶𑍍𑌵𑌕𑌰𑍍𑌮𑌾𑌣𑌮𑌾𑌹𑍍𑌵𑌯𑌤𑍍 ॥ 11 ॥
𑌆𑌹𑍍𑌵𑌯𑍇 𑌵𑌿𑌶𑍍𑌵𑌕𑌰𑍍𑌮𑌾𑌣𑌮𑌹𑌂 𑌤𑍍𑌵𑌷𑍍𑌟𑌾𑌰𑌮𑍇𑌵 𑌚 ।
𑌆𑌤𑌿𑌥𑍍𑌯𑌂 𑌕𑌰𑍍𑌤𑍁𑌮𑌿𑌚𑍍𑌛𑌾𑌮𑌿 𑌤𑌤𑍍𑌰 𑌮𑍇 𑌸𑌂𑌵𑌿𑌧𑍀𑌯𑌤𑌾𑌮𑍍 ॥ 12 ॥
𑌆𑌹𑍍𑌵𑌯𑍇 𑌲𑍋𑌕𑌪𑌾𑌲𑌾𑌂𑌸𑍍𑌤𑍍𑌰𑍀𑌨𑍍 𑌦𑍇𑌵𑌾𑌨𑍍 𑌶𑌕𑍍𑌰𑌮𑍁𑌖𑌾𑌂𑌸𑍍𑌤𑌥𑌾 ।
𑌆𑌤𑌿𑌥𑍍𑌯𑌂 𑌕𑌰𑍍𑌤𑍁𑌮𑌿𑌚𑍍𑌛𑌾𑌮𑌿 𑌤𑌤𑍍𑌰 𑌮𑍇 𑌸𑌂𑌵𑌿𑌧𑍀𑌯𑌤𑌾𑌮𑍍 ॥ 13 ॥
𑌪𑍍𑌰𑌾𑌕𑍍𑌸𑍍𑌰𑍋𑌤𑌸𑌶𑍍𑌚 𑌯𑌾 𑌨𑌦𑍍𑌯𑌃 𑌪𑍍𑌰𑌤𑍍𑌯𑌕𑍍𑌸𑍍𑌰𑍋𑌤𑌸 𑌏𑌵 𑌚 ।
𑌪𑍃𑌥𑌿𑌵𑍍𑌯𑌾𑌮𑌂𑌤𑌰𑌿𑌕𑍍𑌷𑍇 𑌚 𑌸𑌮𑌾𑌯𑌾𑌂𑌤𑍍𑌵𑌦𑍍𑌯 𑌸𑌰𑍍𑌵𑌶𑌃 ॥ 14 ॥
𑌅𑌨𑍍𑌯𑌾 𑌸𑍍𑌰𑌵𑌂𑌤𑍁 𑌮𑍈𑌰𑍇𑌯𑌂 𑌸𑍁𑌰𑌾𑌮𑌨𑍍𑌯𑌾𑌸𑍍𑌸𑍁𑌵𑌿𑌷𑍍𑌠𑌿𑌤𑌾𑌮𑍍 ।
𑌅𑌪𑌰𑌾 𑌶𑍍𑌚𑍋𑌦𑌕𑌂 𑌶𑍀𑌤𑌮𑌿𑌕𑍍𑌷𑍁𑌕𑌾𑌂𑌡𑌰𑌸𑍋𑌪𑌮𑌮𑍍 ॥ 15 ॥
𑌆𑌹𑍍𑌵𑌯𑍇 𑌦𑍇𑌵𑌗𑌂𑌧𑌰𑍍𑌵𑌾𑌨𑍍𑌵𑌿𑌶𑍍𑌵𑌾𑌵𑌸𑍁𑌹𑌹𑌾𑌹𑍁𑌹𑍂𑌨𑍍 ।
𑌤𑌥𑍈𑌵𑌾𑌪𑍍𑌸𑌰𑌸𑍋 𑌦𑍇𑌵𑍀𑌰𑍍𑌗𑌂𑌧𑌰𑍍𑌵𑍀𑌶𑍍𑌚𑌾𑌪𑌿 𑌸𑌰𑍍𑌵𑌶𑌃 ॥ 16 ॥
𑌘𑍃𑌤𑌾𑌚𑍀𑌮𑌥 𑌵𑌿𑌶𑍍𑌵𑌾𑌚𑍀𑌂 𑌮𑌿𑌶𑍍𑌰𑌕𑍇𑌶𑍀𑌮𑌲𑌂𑌬𑍁𑌸𑌾𑌮𑍍 ।
𑌨𑌾𑌗𑌦𑌂𑌤𑌾𑌂 𑌚 𑌹𑍇𑌮𑌾𑌂 𑌚 𑌹𑌿𑌮𑌾𑌮𑌦𑍍𑌰𑌿𑌕𑍃𑌤𑌸𑍍𑌥𑌲𑌾𑌮𑍍 ॥ 1 ॥
𑌶𑌕𑍍𑌰𑌂 𑌯𑌾𑌶𑍍𑌚𑍋𑌪𑌤𑌿𑌷𑍍𑌠𑌂𑌤𑌿 𑌬𑍍𑌰𑌹𑍍𑌮𑌾𑌣𑌂 𑌯𑌾𑌶𑍍𑌚 𑌯𑍋𑌷𑌿𑌤𑌃 ।
𑌸𑌰𑍍𑌵𑌾𑌸𑍍𑌤𑍁𑌂𑌬𑍁𑌰𑍁𑌣𑌾 𑌸𑌾𑌰𑍍𑌧𑌮𑌾𑌹𑍍𑌵𑌯𑍇 𑌸𑌪𑌰𑌿𑌚𑍍𑌛𑌦𑌾𑌃 ॥ 1 ॥
𑌵𑌨𑌂 𑌕𑍁𑌰𑍁𑌷𑍁 𑌯𑌦𑍍𑌦𑌿𑌵𑍍𑌯𑌂 𑌵𑌾𑌸𑍋𑌭𑍂𑌷𑌣𑌪𑌤𑍍𑌰𑌵𑌤𑍍 ।
𑌦𑌿𑌵𑍍𑌯𑌨𑌾𑌰𑍀𑌫𑌲𑌂 𑌶𑌶𑍍𑌵𑌤𑍍𑌤𑌤𑍍𑌕𑍌𑌬𑍇𑌰𑌮𑌿𑌹𑍈𑌤𑍁 𑌚 ॥ 1 ॥
𑌇𑌹 𑌮𑍇 𑌭𑌗𑌵𑌾𑌨𑍍 𑌸𑍋𑌮𑍋 𑌵𑌿𑌧𑌤𑍍𑌤𑌾𑌮𑌨𑍍𑌨𑌮𑍁𑌤𑍍𑌤𑌮𑌮𑍍 ।
𑌭𑌕𑍍𑌷𑍍𑌯𑌂𑌭𑍋𑌜𑍍𑌯𑌂 𑌚 𑌚𑍋𑌷𑍍𑌯𑌂 𑌚 𑌲𑍇𑌹𑍍𑌯𑌂 𑌚 𑌵𑌿𑌵𑌿𑌧𑌂 𑌬𑌹𑍁 ॥ 20 ॥
𑌵𑌿𑌚𑌿𑌤𑍍𑌰𑌾𑌣𑌿 𑌚 𑌮𑌾𑌲𑍍𑌯𑌾𑌨𑌿 𑌪𑌾𑌦𑌪𑌪𑍍𑌰𑌚𑍍𑌯𑍁𑌤𑌾𑌨𑌿 𑌚 ।
𑌸𑍁𑌰𑌾𑌦𑍀𑌨𑌿 𑌚 𑌪𑍇𑌯𑌾𑌨𑌿 𑌮𑌾𑌂𑌸𑌾𑌨𑌿 𑌵𑌿𑌵𑌿𑌧𑌾𑌨𑌿 𑌚 ॥ 21 ॥
𑌏𑌵𑌂 𑌸𑌮𑌾𑌧𑌿𑌨𑌾 𑌯𑍁𑌕𑍍𑌤𑌸𑍍𑌤𑍇𑌜𑌸𑌾𑌽𑌪𑍍𑌰𑌤𑌿𑌮𑍇𑌨 𑌚 ।
𑌶𑍀𑌕𑍍𑌷𑌾𑌸𑍍𑌵𑌰𑌸𑌮𑌾𑌯𑍁𑌕𑍍𑌤𑌂 𑌤𑌪𑌸𑌾 𑌚𑌾𑌬𑍍𑌰𑌵𑍀𑌨𑍍𑌮𑍁𑌨𑌿𑌃 ॥ 22 ॥
𑌮𑌨𑌸𑌾 𑌧𑍍𑌯𑌾𑌯𑌤𑌸𑍍𑌤𑌸𑍍𑌯 𑌪𑍍𑌰𑌾𑌙𑍍𑌮𑍁𑌖𑌸𑍍𑌯 𑌕𑍃𑌤𑌾𑌂𑌜𑌲𑍇𑌃 ।
𑌆𑌜𑌗𑍍𑌮𑍁𑌸𑍍𑌤𑌾𑌨𑌿 𑌸𑌰𑍍𑌵𑌾𑌣𑌿 𑌦𑍈𑌵𑌤𑌾𑌨𑌿 𑌪𑍃𑌥𑌕𑍍𑌪𑍃𑌥𑌕𑍍 ॥ 23 ॥
𑌮𑌲𑌯𑌂 𑌦𑌰𑍍𑌦𑍁𑌰𑌂 𑌚𑍈𑌵 𑌤𑌤𑌸𑍍𑌸𑍍𑌵𑍇𑌦𑌨𑍁𑌦𑍋𑌽𑌨𑌿𑌲𑌃 ।
𑌉𑌪𑌸𑍍𑌪𑍃𑌶𑍍𑌯 𑌵𑌵𑍌 𑌯𑍁𑌕𑍍𑌤𑍍𑌯𑌾 𑌸𑍁𑌪𑍍𑌰𑌿𑌯𑌾𑌤𑍍𑌮𑌾 𑌸𑍁𑌖𑌶𑍍𑌶𑌿𑌵𑌃 ॥ 24 ॥
𑌤𑌤𑍋𑌽𑌭𑍍𑌯𑌵𑌰𑍍𑌷𑌂𑌤 𑌘𑌨𑌾 𑌦𑌿𑌵𑍍𑌯𑌾𑌃 𑌕𑍁𑌸𑍁𑌮𑌵𑍃𑌷𑍍𑌟𑌯𑌃 ।
𑌦𑌿𑌵𑍍𑌯𑌦𑍁𑌂𑌦𑍁𑌭𑌿𑌘𑍋𑌷𑌶𑍍𑌚 𑌦𑌿𑌕𑍍𑌷𑍁 𑌸𑌰𑍍𑌵𑌾𑌸𑍁 𑌶𑍁𑌶𑍍𑌰𑍁𑌵𑍇 ॥ 25 ॥
𑌪𑍍𑌰𑌵𑌵𑍁𑌶𑍍𑌚𑍋𑌤𑍍𑌤𑌮𑌾 𑌵𑌾𑌤𑌾 𑌨𑌨𑍃𑌤𑍁𑌶𑍍𑌚𑌾𑌪𑍍𑌸𑌰𑍋𑌗𑌣𑌾𑌃 ।
𑌜𑌗𑍁𑌶𑍍𑌚 𑌦𑍇𑌵𑌗𑌂𑌧𑌰𑍍𑌵𑌾 𑌵𑍀𑌣𑌾𑌃 𑌪𑍍𑌰𑌮𑍁𑌮𑍁𑌚𑍁𑌸𑍍𑌸𑍍𑌵𑌰𑌾𑌨𑍍 ॥ 26 ॥
𑌸 𑌶𑌬𑍍𑌦𑍋 𑌦𑍍𑌯𑌾𑌂 𑌚 𑌭𑍂𑌮𑌿𑌂 𑌚 𑌪𑍍𑌰𑌾𑌣𑌿𑌨𑌾𑌂 𑌶𑍍𑌰𑌵𑌣𑌾𑌨𑌿 𑌚 ।
𑌵𑌿𑌵𑍇𑌶𑍋𑌚𑍍𑌚𑌰𑌿𑌤𑌶𑍍𑌶𑍍𑌲𑌕𑍍𑌷𑍍𑌣𑌸𑍍𑌸𑌮𑍋 𑌲𑌯𑌸𑌮𑌨𑍍𑌵𑌿𑌤𑌃 ॥ 2 ॥
𑌤𑌸𑍍𑌮𑌿𑌨𑍍𑌨𑍁𑌪𑌰𑌤𑍇 𑌶𑌬𑍍𑌦𑍇 𑌦𑌿𑌵𑍍𑌯𑍇 𑌶𑍍𑌰𑍋𑌤𑍍𑌰 𑌸𑍁𑌖𑍇 𑌨𑍃𑌣𑌾𑌮𑍍 ।
𑌦𑌦𑌰𑍍𑌶 𑌭𑌾𑌰𑌤𑌂 𑌸𑍈𑌨𑍍𑌯𑌂 𑌵𑌿𑌧𑌾𑌨𑌂 𑌵𑌿𑌶𑍍𑌵𑌕𑌰𑍍𑌮𑌣𑌃 ॥ 2 ॥
𑌬𑌭𑍂𑌵 𑌹𑌿 𑌸𑌮𑌾 𑌭𑍂𑌮𑌿𑌸𑍍𑌸𑌮𑌂𑌤𑌾𑌤𑍍𑌪𑌂𑌚𑌯𑍋𑌜𑌨𑌾 ।
𑌶𑌾𑌦𑍍𑌵𑌲𑍈𑌰𑍍𑌭𑌹𑍁𑌭𑌿𑌶𑍍𑌚𑌨𑍍𑌨𑌾 𑌨𑍀𑌲𑌵𑍈𑌢𑍂𑌰𑍍𑌯𑌸𑌨𑍍𑌨𑌿𑌭𑍈𑌃 ॥ 2 ॥
𑌤𑌸𑍍𑌮𑌿𑌨𑍍𑌬𑌿𑌲𑍍𑌵𑌾𑌃 𑌕𑌪𑌿𑌤𑍍𑌥𑌾𑌶𑍍𑌚 𑌪𑌨𑌸𑌾 𑌬𑍀𑌜𑌪𑍂𑌰𑌕𑌾𑌃 ।
𑌆𑌮𑌲𑌕𑍍𑌯𑍋 𑌬𑌭𑍂𑌵𑍁𑌶𑍍𑌚 𑌚𑍂𑌤𑌾𑌶𑍍𑌚 𑌫𑌲𑌭𑍂𑌷𑌣𑌾𑌃 ॥ 30 ॥
𑌉𑌤𑍍𑌤𑌰𑍇𑌭𑍍𑌯𑌃 𑌕𑍁𑌰𑍁𑌭𑍍𑌯𑌶𑍍𑌚 𑌵𑌨𑌂 𑌦𑌿𑌵𑍍𑌯𑍋𑌪𑌭𑍋𑌗𑌵𑌤𑍍 ।
𑌆𑌜𑌗𑌾𑌮 𑌨𑌦𑍀 𑌦𑌿𑌵𑍍𑌯𑌾 𑌤𑍀𑌰𑌜𑍈𑌰𑍍𑌭𑌹𑍁𑌭𑌿𑌰𑍍𑌵𑍃𑌤𑌾 ॥ 31 ॥
𑌚𑌤𑍁𑌶𑍍𑌶𑌾𑌲𑌾𑌨𑌿 𑌶𑍁𑌭𑍍𑌰𑌾𑌣𑌿 𑌶𑌾𑌲𑌾𑌶𑍍𑌚 𑌗𑌜𑌵𑌾𑌜𑌿𑌨𑌾𑌮𑍍 ।
𑌹𑌰𑍍𑌮𑍍𑌯𑌪𑍍𑌰𑌾𑌸𑌾𑌦𑌸𑌂𑌬𑌾𑌧𑌾𑌸𑍍𑌤𑍋𑌰𑌣𑌾𑌨𑌿 𑌶𑍁𑌭𑌾𑌨𑌿 𑌚 ॥ 32 ॥
𑌸𑌿𑌤𑌮𑍇𑌘𑌨𑌿𑌭𑌂 𑌚𑌾𑌪𑌿 𑌰𑌾𑌜𑌵𑍇𑌶𑍍𑌮 𑌸𑍁𑌤𑍋𑌰𑌣𑌮𑍍 ।
𑌦𑌿𑌵𑍍𑌯𑌮𑌾𑌲𑍍𑌯𑌕𑍃𑌤𑌾𑌕𑌾𑌰𑌂 𑌦𑌿𑌵𑍍𑌯𑌗𑌂𑌧𑌸𑌮𑍁𑌕𑍍𑌷𑌿𑌤𑌮𑍍 ॥ 33 ॥
𑌚𑌤𑍁𑌰𑌶𑍍𑌰𑌮𑌸𑌂𑌬𑌾𑌧𑌂 𑌶𑌯𑌨𑌾𑌸𑌨𑌯𑌾𑌨𑌵𑌤𑍍 ।
𑌦𑌿𑌵𑍍𑌯𑍈𑌸𑍍𑌸𑌰𑍍𑌵𑌰𑌸𑍈𑌰𑍍𑌯𑍁𑌕𑍍𑌤𑌂 𑌦𑌿𑌵𑍍𑌯𑌭𑍋𑌜𑌨𑌵𑌸𑍍𑌤𑍍𑌰𑌵𑌤𑍍 ॥ 34 ॥
𑌉𑌪𑌕𑌲𑍍𑌪𑌿𑌤𑌸𑌰𑍍𑌵𑌾𑌨𑍍𑌨𑌂 𑌧𑍌𑌤𑌨𑌿𑌰𑍍𑌮𑌲𑌭𑌾𑌜𑌨𑌮𑍍 ।
𑌕𑍍𑌲𑍁𑌪𑍍𑌤𑌸𑌰𑍍𑌵𑌾𑌸𑌨𑌂 𑌶𑍍𑌰𑍀𑌮𑌤𑍍𑌸𑍍𑌵𑌾𑌸𑍍𑌤𑍀𑌰𑍍𑌣𑌶𑌯𑌨𑍋𑌤𑍍𑌤𑌮𑌮𑍍 ॥ 35 ॥
𑌪𑍍𑌰𑌵𑌿𑌵𑍇𑌶 𑌮𑌹𑌾𑌬𑌾𑌹𑍁𑌰𑌨𑍁𑌜𑍍𑌞𑌾𑌤𑍋 𑌮𑌹𑌰𑍍𑌷𑌿𑌣𑌾 ।
𑌵𑍇𑌶𑍍𑌮 𑌤𑌦𑍍𑌰𑌤𑍍𑌨𑌸𑌂𑌪𑍂𑌰𑍍𑌣𑌂 𑌭𑌰𑌤𑌃 𑌕𑍈𑌕𑌯𑍀𑌸𑍁𑌤𑌃 ॥ 36 ॥
𑌅𑌨𑍁𑌜𑌗𑍍𑌮𑍁𑌶𑍍𑌚 𑌤𑌂 𑌸𑌰𑍍𑌵𑍇 𑌮𑌂𑌤𑍍𑌰𑌿𑌣𑌸𑍍𑌸𑌪𑍁𑌰𑍋𑌹𑌿𑌤𑌾𑌃 ।
𑌬𑌭𑍂𑌵𑍁𑌶𑍍𑌚 𑌮𑍁𑌦𑌾 𑌯𑍁𑌕𑍍𑌤𑌾 𑌦𑍃𑌷𑍍𑌟𑍍𑌵𑌾 𑌤𑌂 𑌵𑍇𑌶𑍍𑌮𑌸𑌂𑌵𑌿𑌧𑌿𑌮𑍍 ॥ 3 ॥
𑌤𑌤𑍍𑌰 𑌰𑌾𑌜𑌾𑌸𑌨𑌂 𑌦𑌿𑌵𑍍𑌯𑌂 𑌵𑍍𑌯𑌜𑌨𑌂 𑌛𑌤𑍍𑌰𑌮𑍇𑌵 𑌚 ।
𑌭𑌰𑌤𑍋 𑌮𑌂𑌤𑍍𑌰𑌿𑌭𑌿𑌸𑍍𑌸𑌾𑌰𑍍𑌧𑌮𑌭𑍍𑌯𑌵𑌰𑍍𑌤𑌤 𑌰𑌾𑌜𑌵𑌤𑍍 ॥ 3 ॥
𑌆𑌸𑌨𑌂 𑌪𑍂𑌜𑌯𑌾𑌮𑌾𑌸 𑌰𑌾𑌮𑌾𑌯𑌾𑌭𑌿𑌪𑍍𑌰𑌣𑌮𑍍𑌯 𑌚 ।
𑌵𑌾𑌲𑌵𑍍𑌯𑌜𑌨𑌮𑌾𑌦𑌾𑌯 𑌨𑍍𑌯𑌷𑍀𑌦𑌤𑍍𑌸𑌚𑌿𑌵𑌾𑌸𑌨𑍇 ॥ 3 ॥
𑌆𑌨𑍁𑌪𑍂𑌰𑍍𑌵𑍍𑌯𑌾𑌨𑍍𑌨𑌿𑌷𑍇𑌦𑍁𑌶𑍍𑌚 𑌸𑌰𑍍𑌵𑍇 𑌮𑌂𑌤𑍍𑌰𑌿𑌪𑍁𑌰𑍋𑌹𑌿𑌤𑌾𑌃 ।
𑌤𑌤𑌸𑍍𑌸𑍇𑌨𑌾𑌪𑌤𑌿𑌃 𑌪𑌶𑍍𑌚𑌾𑌤𑍍𑌪𑍍𑌰𑌶𑌾𑌸𑍍𑌤𑌾𑌚 𑌨𑌿𑌷𑍇𑌦𑌤𑍁𑌃 ॥ 40 ॥
𑌤𑌤 𑌸𑍍𑌤𑌤𑍍𑌰 𑌮𑍁𑌹𑍂𑌰𑍍𑌤𑍇𑌨 𑌨𑌦𑍍𑌯𑌃 𑌪𑌾𑌯𑌸𑌕𑌰𑍍𑌦𑌮𑌾𑌃 ।
𑌉𑌪𑌾𑌤𑌿𑌷𑍍𑌠𑌂𑌤 𑌭𑌰𑌤𑌂 𑌭𑌰𑌦𑍍𑌵𑌾𑌜𑌸𑍍𑌯 𑌶𑌾𑌸𑌨𑌾𑌤𑍍 ॥ 41 ॥
𑌤𑌾𑌸𑌾𑌮𑍁𑌭𑌯𑌤𑌃 𑌕𑍂𑌲𑌂 𑌪𑌾𑌂𑌡𑍁𑌮𑍃𑌤𑍍𑌤𑌿𑌕𑌲𑍇𑌪𑌨𑌾𑌃 ।
𑌰𑌮𑍍𑌯𑌾𑌶𑍍𑌚𑌾𑌵𑌸𑌧𑌾 𑌦𑌿𑌵𑍍𑌯𑌾 𑌬𑍍𑌰𑌹𑍍𑌮𑌣𑌸𑍍𑌤𑍁 𑌪𑍍𑌰𑌸𑌾𑌦𑌜𑌾𑌃 ॥ 42 ॥
𑌤𑍇𑌨𑍈𑌵 𑌚 𑌮𑍂𑌹𑍂𑌰𑍍𑌤𑍇𑌨 𑌦𑌿𑌵𑍍𑌯𑌾𑌽𑌭𑌰𑌣𑌭𑍂𑌷𑌿𑌤𑌾𑌃 ।
𑌆𑌗𑍁𑌰𑍍𑌵𑌿𑌂𑌶𑌤𑌿𑌸𑌾𑌹𑌸𑍍𑌰𑌾𑌃 𑌬𑍍𑌰𑌹𑍍𑌮𑌣𑌾 𑌪𑍍𑌰𑌹𑌿𑌤𑌾𑌃 𑌸𑍍𑌤𑍍𑌰𑌿𑌯𑌃 ॥ 43 ॥
𑌸𑍁𑌵𑌰𑍍𑌣𑌮𑌣𑌿𑌮𑍁𑌕𑍍𑌤𑍇𑌨 𑌪𑍍𑌰𑌵𑌾𑌲𑍇𑌨 𑌚 𑌶𑍋𑌭𑌿𑌤𑌾𑌃 ।
𑌆𑌗𑍁𑌰𑍍𑌵𑌿𑌂𑌶𑌤𑌿𑌸𑌾𑌹𑌾𑌸𑍍𑌰𑌾𑌃 𑌕𑍁𑌬𑍇𑌰𑌪𑍍𑌰𑌹𑌿𑌤𑌾𑌃 𑌸𑍍𑌤𑍍𑌰𑌿𑌯𑌃 ॥ 44 ॥
𑌯𑌾𑌭𑌿𑌰𑍍𑌗𑍃𑌹𑍀𑌤𑌃 𑌪𑍁𑌰𑍁𑌷𑌸𑍍𑌸𑍋𑌨𑍍𑌮𑌾𑌦 𑌇𑌵 𑌲𑌕𑍍𑌷𑍍𑌯𑌤𑍇 ।
𑌆𑌗𑍁𑌰𑍍𑌵𑌿𑌂𑌶𑌤𑌿𑌸𑌾𑌹𑌸𑍍𑌰𑌾 𑌨𑌂𑌦𑌨𑌾𑌦𑌪𑍍𑌸𑌰𑍋𑌗𑌣𑌾𑌃 ॥ 45 ॥
𑌨𑌾𑌰𑌦𑌸𑍍𑌤𑍁𑌂𑌭𑍁𑌰𑍁𑌰𑍍𑌗𑍋𑌪𑌃 𑌪𑍍𑌰𑌵𑌰𑌾𑌸𑍍𑌸𑍂𑌰𑍍𑌯𑌵𑌰𑍍𑌚𑌸𑌃 ।
𑌏𑌤𑍇 𑌗𑌂𑌧𑌰𑍍𑌵𑌰𑌾𑌜𑌾𑌨𑍋 𑌭𑌰𑌤𑌸𑍍𑌯𑌾𑌗𑍍𑌰𑌤𑍋 𑌜𑌗𑍁𑌃 ॥ 46 ॥
𑌅𑌲𑌂𑌬𑍁𑌸𑌾 𑌮𑌿𑌶𑍍𑌰𑌕𑍇𑌶𑍀 𑌪𑍁𑌂𑌡𑌰𑍀𑌕𑌾𑌽𑌥 𑌵𑌾𑌮𑌨𑌾 ।
𑌉𑌪𑌾𑌨𑍃𑌤𑍍𑌯𑌂𑌸𑍍𑌤𑍁 𑌭𑌰𑌤𑌂 𑌭𑌰𑌦𑍍𑌵𑌾𑌜𑌸𑍍𑌯 𑌶𑌾𑌸𑌨𑌾𑌤𑍍 ॥ 4 ॥
𑌯𑌾𑌨𑌿 𑌮𑌾𑌲𑍍𑌯𑌾𑌨𑌿 𑌦𑍇𑌵𑍇𑌷𑍁 𑌯𑌾𑌨𑌿 𑌚𑍈𑌤𑍍𑌰𑌰𑌥𑍇 𑌵𑌨𑍇 ।
𑌪𑍍𑌰𑌯𑌾𑌗𑍇 𑌤𑌾𑌨𑍍𑌯𑌦𑍃𑌶𑍍𑌯𑌂𑌤 𑌭𑌰𑌦𑍍𑌵𑌾𑌜𑌸𑍍𑌯 𑌶𑌾𑌸𑌨𑌾𑌤𑍍 ॥ 4 ॥
𑌬𑌿𑌲𑍍𑌵𑌾 𑌮𑌾𑌰𑍍𑌦𑌂𑌗𑌿𑌕𑌾 𑌆𑌸𑌨𑍍 𑌶𑌮𑍍𑌯𑌾𑌗𑍍𑌰𑌾𑌹𑌾 𑌵𑌿𑌭𑍀𑌤𑌕𑌾𑌃 ।
𑌅𑌶𑍍𑌵𑌤𑍍𑌥𑌾 𑌨𑌰𑍍𑌤𑌕𑌾𑌶𑍍𑌚𑌾𑌸𑌨𑍍𑌭𑌰𑌦𑍍𑌵𑌾𑌜𑌸𑍍𑌯 𑌶𑌾𑌸𑌨𑌾𑌤𑍍 ॥ 4 ॥
𑌤𑌤𑌸𑍍𑌸𑌰𑌲𑌤𑌾𑌲𑌾𑌶𑍍𑌚 𑌤𑌿𑌲𑌕𑌾 𑌨𑌕𑍍𑌤𑌮𑌾𑌲𑌕𑌾𑌃 ।
𑌪𑍍𑌰𑌹𑍃𑌷𑍍𑌟𑌾𑌸𑍍𑌤𑌤𑍍𑌰 𑌸𑌂𑌪𑍇𑌤𑍁𑌃 𑌕𑍁𑌬𑍍𑌜𑌾 𑌭𑍂𑌤𑍍𑌵𑌾𑌽𑌥 𑌵𑌾𑌮𑌨𑌾𑌃 ॥ 50 ॥
𑌶𑌿𑌂𑌶𑍁𑌪𑌾𑌮𑌲𑌕𑍀𑌜𑌂𑌬𑍍𑌵𑍋 𑌯𑌾𑌶𑍍𑌚𑌾𑌨𑍍𑌯𑌾𑌃 𑌕𑌾𑌨𑌨𑍇𑌷𑍁 𑌤𑌾𑌃 𑌮𑌾𑌲𑌤𑍀 𑌮𑌲𑍍𑌲𑌿𑌕𑌾 𑌜𑌾𑌤𑌿𑌰𑍍𑌯𑌾𑌶𑍍𑌚𑌾𑌨𑍍𑌯𑌾𑌃 𑌕𑌾𑌨𑌨𑍇 𑌲𑌤𑌾𑌃 ।
𑌪𑍍𑌰𑌮𑌦𑌾𑌵𑌿𑌗𑍍𑌰𑌹𑌂 𑌕𑍃𑌤𑍍𑌵𑌾 𑌭𑌰𑌦𑍍𑌵𑌾𑌜𑌾𑌶𑍍𑌰𑌮𑍇𑌽𑌵𑌦𑌨𑍍 ॥ 51 ॥
𑌸𑍁𑌰𑌾𑌸𑍍𑌸𑍁𑌰𑌾𑌪𑌾𑌃 𑌪𑌿𑌬𑌤 𑌪𑌾𑌯𑌸𑌂 𑌚 𑌬𑍁𑌭𑍁𑌕𑍍𑌷𑌿𑌤𑌾𑌃 ॥ 52 ॥
𑌮𑌾𑌂𑌸𑌾𑌨𑌿 𑌚 𑌸𑍁𑌮𑍇𑌧𑍍𑌯𑌾𑌨𑌿 𑌭𑌕𑍍𑌷𑍍𑌯𑌂𑌤𑌾𑌂 𑌯𑌾𑌵𑌦𑌿𑌚𑍍𑌛𑌥 ॥ 53 ॥
𑌉𑌚𑍍𑌛𑌾𑌦𑍍𑌯 𑌸𑍍𑌨𑌾𑌪𑌯𑌂𑌤𑌿 𑌸𑍍𑌮 𑌨𑌦𑍀𑌤𑍀𑌰𑍇𑌷 𑌵𑌲𑍍𑌗𑍁𑌷𑍁 ।
𑌅𑌪𑍍𑌯𑍇𑌕𑌮𑍇𑌕𑌂 𑌪𑍁𑌰𑌷𑌂 𑌪𑍍𑌰𑌮𑌦𑌾𑌸𑍍𑌸𑌪𑍍𑌤 𑌚𑌾𑌷𑍍𑌟 𑌚 ॥ 54 ॥
𑌸𑌂𑌵𑌾𑌹𑌂𑌤𑍍𑌯𑌸𑍍𑌸𑌮𑌾𑌪𑍇𑌤𑍁𑌰𑍍𑌨𑌾𑌰𑍍𑌯𑍋 𑌰𑍁𑌚𑌿𑌰𑌲𑍋𑌚𑌨𑌾𑌃 ।
𑌪𑌰𑌿𑌮𑍃𑌜𑍍𑌯 𑌤𑌥𑌾𑌽𑌨𑍍𑌯𑍋𑌨𑍍𑌯𑌂 𑌪𑌾𑌯𑌯𑌂𑌤𑌿 𑌵𑌰𑌾𑌂𑌗𑌨𑌾𑌃 ॥ 55 ॥
𑌹𑌯𑌾𑌨𑍍 𑌗𑌜𑌾𑌨𑍍 𑌖𑌾𑌰𑌾𑌨𑍁𑌷𑍍𑌟𑍍𑌰𑌾𑌂𑌤𑌥𑍈𑌵 𑌸𑍁𑌰𑌭𑍇𑌸𑍍𑌸𑍁𑌤𑌾𑌨𑍍 ।
𑌅𑌭𑍋𑌜𑌯𑌨𑍍𑌵𑌾𑌹𑌨𑌪𑌾𑌸𑍍𑌤𑍇𑌷𑌾𑌂 𑌭𑍋𑌜𑍍𑌯𑌂 𑌯𑌥𑌾𑌵𑌿𑌧𑌿 ॥ 56 ॥
𑌇𑌕𑍍𑌷𑍂𑌂𑌶𑍍𑌚 𑌮𑌧𑍁𑌲𑌾𑌜𑌾𑌂𑌶𑍍𑌚 𑌭𑍋𑌜𑌯𑌂𑌤𑌿 𑌸𑍍𑌮 𑌵𑌾𑌹𑌨𑌾𑌨𑍍 ।
𑌇𑌕𑍍𑌷𑍍𑌵𑌾𑌕𑍁𑌵𑌰𑌯𑍋𑌧𑌾𑌨𑌾𑌂 𑌚𑍋𑌦𑌯𑌂𑌤𑍋 𑌮𑌹𑌾𑌬𑌲𑌾𑌃 ॥ 5 ॥
𑌨𑌾𑌶𑍍𑌵𑌬𑌂𑌧𑍋𑌽𑌶𑍍𑌵𑌮𑌾𑌜𑌾𑌨𑌾𑌨𑍍𑌨𑌗𑌜𑌂 𑌕𑍁𑌂𑌜𑌰𑌗𑍍𑌰𑌹𑌃 ।
𑌮𑌤𑍍𑌤𑌪𑍍𑌰𑌮𑌤𑍍𑌤𑌮𑍁𑌦𑌿𑌤𑌾 𑌚𑌮𑍂𑌃 𑌸𑌾 𑌤𑌤𑍍𑌰 𑌸𑌂𑌬𑌭𑍌 ॥ 5 ॥
𑌤𑌰𑍍𑌪𑌿𑌤𑌾𑌸𑍍𑌸𑌰𑍍𑌵𑌕𑌾𑌮𑍈𑌸𑍍𑌤𑍇 𑌰𑌕𑍍𑌤𑌚𑌂𑌦𑌨𑌰𑍂𑌷𑌿𑌤𑌾𑌃 ।
𑌅𑌪𑍍𑌸𑌰𑍋𑌗𑌣𑌸𑌂𑌯𑍁𑌕𑍍𑌤𑌾𑌸𑍍𑌸𑍈𑌨𑍍𑌯𑌾 𑌵𑌾𑌚𑌮𑍁𑌦𑍈𑌰𑌯𑌨𑍍 ॥ 5 ॥
𑌨𑍈𑌵𑌾𑌯𑍋𑌧𑍍𑌯𑌾𑌂 𑌗𑌮𑌿𑌷𑍍𑌯𑌾𑌮𑍋 𑌨𑌗𑌮𑌿𑌷𑍍𑌯𑌾𑌮 𑌦𑌂𑌡𑌕𑌾𑌨𑍍 ।
𑌕𑍁𑌶𑌲𑌂 𑌭𑌰𑌤𑌸𑍍𑌯𑌾𑌸𑍍𑌤𑍁 𑌰𑌾𑌮𑌸𑍍𑌯𑌾𑌸𑍍𑌤𑍁 𑌤𑌥𑌾 𑌸𑍁𑌖𑌮𑍍 ॥ 60 ॥
𑌇𑌤𑌿 𑌪𑌾𑌦𑌾𑌤𑌯𑍋𑌧𑌾𑌶𑍍𑌚 𑌹𑌸𑍍𑌤𑍍𑌯𑌶𑍍𑌵𑌾𑌰𑍋𑌹𑌬𑌂𑌧𑌕𑌾𑌃 ।
𑌅𑌨𑌾𑌥𑌾𑌸𑍍𑌤𑌂 𑌵𑌿𑌧𑌿𑌂 𑌲𑌬𑍍𑌧𑍍𑌵𑌾 𑌵𑌾𑌚𑌮𑍇𑌤𑌾𑌮𑍁𑌦𑍀𑌰𑌯𑌨𑍍 ॥ 61 ॥
𑌸𑌂𑌂𑌪𑍍𑌰𑌹𑍃𑌷𑍍𑌟𑌾 𑌵𑌿𑌨𑍇𑌦𑍁𑌸𑍍𑌤𑍇 𑌨𑌰𑌾𑌸𑍍𑌤𑌤𑍍𑌰 𑌸𑌹𑌸𑍍𑌰𑌶𑌃 ।
𑌭𑌰𑌤𑌸𑍍𑌯𑌾𑌨𑍁𑌯𑌾𑌤𑌾𑌰𑌸𑍍𑌸𑍍𑌵𑌰𑍍𑌗𑍋𑌽𑌯𑌮𑌿𑌤𑌿 𑌚𑌾𑌬𑍍𑌰𑍁𑌵𑌨𑍍 ॥ 62 ॥
𑌨𑍃𑌤𑍍𑌯𑌂𑌤𑌿 𑌸𑍍𑌮 𑌹𑌸𑌂𑌤𑌿 𑌸𑍍𑌮 𑌗𑌾𑌯𑌂𑌤𑌿 𑌸𑍍𑌮 𑌚 𑌸𑍈𑌨𑌿𑌕𑌾𑌃 𑌸𑌮𑌂𑌤𑌾𑌤𑍍𑌪𑌰𑌿𑌧𑌾𑌵𑌂𑌤𑌿 𑌮𑌾𑌲𑍍𑌯𑍋𑌪𑍇𑌤𑌾𑌸𑍍𑌸𑌹𑌸𑍍𑌰𑌶𑌃 ॥ 63 ॥
𑌤𑌤𑍋 𑌭𑍁𑌕𑍍𑌤𑌵𑌤𑌾𑌂 𑌤𑍇𑌷𑌾𑌂 𑌤𑌦𑌨𑍍𑌨𑌮𑌮𑍃𑌤𑍋𑌪𑌮𑌮𑍍 ।
𑌦𑌿𑌵𑍍𑌯𑌾𑌨𑍁𑌦𑍍𑌵𑍀𑌕𑍍𑌷𑍍𑌯 𑌭𑌕𑍍𑌷𑍍𑌯𑌾𑌂 𑌸𑍍𑌤𑌾𑌨𑌭𑌵𑌦𑍍𑌭𑌕𑍍𑌷𑌣𑍇 𑌮𑌤𑌿𑌃 ॥ 64 ॥
𑌪𑍍𑌰𑍇𑌷𑍍𑌯𑌾𑌶𑍍𑌚𑍇𑌟𑍍𑌯𑌶𑍍𑌚 𑌵𑌧𑍍𑌵𑌶𑍍𑌚 𑌬𑌲𑌸𑍍𑌥𑌾𑌶𑍍𑌚 𑌸𑌹𑌸𑍍𑌰𑌶𑌃 ।
𑌬𑌭𑍂𑌵𑍁𑌸𑍍𑌤𑍇 𑌭𑍃𑌶𑌂 𑌦𑍃𑌪𑍍𑌤𑌾𑌸𑍍𑌸𑌰𑍍𑌵𑍇 𑌚𑌾𑌹𑌤𑌵𑌾𑌸𑌸𑌃 ॥ 65 ॥
𑌕𑍁𑌂𑌜𑌰𑌾𑌶𑍍𑌚 𑌖𑌰𑍋𑌷𑍍𑌟𑍍𑌰𑌾𑌶𑍍𑌚 𑌗𑍋𑌽𑌶𑍍𑌵𑌾𑌶𑍍𑌚 𑌮𑍃𑌗𑌪𑌕𑍍𑌷𑌿𑌣𑌃 ।
𑌬𑌭𑍂𑌵𑍁𑌸𑍍𑌸𑍁𑌭𑍃𑌤𑌾𑌸𑍍𑌤𑌤𑍍𑌰 𑌨𑌾𑌨𑍍𑌯𑍋 𑌹𑍍𑌯𑌨𑍍𑌯𑌮𑌕𑌲𑍍𑌪𑌯𑌤𑍍 ॥ 66 ॥
𑌨𑌾𑌽𑌶𑍁𑌕𑍍𑌲𑌵𑌾𑌸𑌾 𑌸𑍍𑌤𑌤𑍍𑌰𑌾𑌽𑌸𑍀𑌤𑍍𑌕𑍍𑌷𑍁𑌧𑌿𑌤𑍋 𑌮𑌲𑌿𑌨𑍋𑌽𑌪𑌿 𑌵𑌾 ।
𑌰𑌜𑌸𑌾 𑌧𑍍𑌵𑌸𑍍𑌤𑌕𑍇𑌶𑍋 𑌵𑌾 𑌨𑌰𑌃 𑌕𑌶𑍍𑌚𑌿𑌦𑌦𑍃𑌶𑍍𑌯𑌤 ॥ 6 ॥
𑌆𑌜𑍈𑌶𑍍𑌚𑌾𑌪𑌿 𑌚 𑌵𑌾𑌰𑌾𑌹𑍈𑌰𑍍𑌨𑌿𑌷𑍍𑌠𑌾𑌨𑌵𑌰𑌸𑌂𑌚𑌯𑍈𑌃 ।
𑌫𑌲𑌨𑌿𑌰𑍍𑌯𑍂𑌹 𑌸𑌂𑌸𑌿𑌦𑍍𑌦𑍈𑌸𑍍𑌸𑍂𑌪𑍈𑌰𑍍𑌗𑌂𑌧 𑌰𑌸𑌾𑌨𑍍𑌵𑌿𑌤𑍈𑌃 ॥ 6 ॥
𑌪𑍁𑌷𑍍𑌪𑌧𑍍𑌵𑌜𑌵𑌤𑍀𑌃 𑌪𑍂𑌰𑍍𑌣𑌾𑌶𑍍𑌶𑍁𑌕𑍍𑌲𑌸𑍍𑌯𑌾𑌨𑍍𑌨𑌸𑍍𑌯 𑌚𑌾𑌭𑌿𑌤𑌃 ।
𑌦𑌦𑍃𑌶𑍁𑌰𑍍𑌵𑌿𑌸𑍍𑌮𑌿𑌤𑌾𑌸𑍍𑌤𑌤𑍍𑌰𑌨𑌰𑌾 𑌲𑍌𑌹𑍀𑌸𑍍𑌸𑌹𑌸𑍍𑌰𑌶𑌃 ॥ 6 ॥
𑌬𑌭𑍂𑌵𑍁𑌰𑍍𑌵𑌨𑌪𑌾𑌰𑍍𑌶𑍍𑌵𑍇𑌷𑍁 𑌕𑍂𑌪𑌾𑌃 𑌪𑌾𑌯𑌸𑌕𑌰𑍍𑌦𑌮𑌾𑌃 ।
𑌤𑌾𑌶𑍍𑌚𑌕𑌾𑌮𑌦𑍁𑌘𑌾 𑌗𑌾𑌵𑍋 𑌦𑍍𑌰𑍁𑌮𑌾𑌶𑍍𑌚𑌾𑌸𑌨𑍍𑌮𑌧𑍁𑌶𑍍𑌚𑍍𑌯𑍁𑌤𑌃 ॥ 0 ॥
𑌵𑌾𑌪𑍍𑌯𑍋 𑌮𑍈𑌰𑍇𑌯𑌪𑍂𑌰𑍍𑌣𑌾𑌶𑍍𑌚 𑌮𑍃𑌷𑍍𑌟𑌮𑌾𑌂𑌸𑌚𑌯𑍈𑌰𑍍𑌵𑍃𑌤𑌾𑌃 ।
𑌪𑍍𑌰𑌤𑌪𑍍𑌤𑌪𑌿𑌠𑌰𑍈𑌶𑍍𑌚𑌾𑌪𑌿 𑌮𑌾𑌰𑍍𑌗𑌮𑌾𑌯𑍂𑌰𑌕𑍌𑌕𑍍𑌕𑍁𑌟𑍈𑌃 ॥ 1 ॥
𑌪𑌾𑌤𑍍𑌰𑍀𑌣𑌾𑌂 𑌚 𑌸𑌹𑌸𑍍𑌰𑌾𑌣𑌿 𑌸𑍍𑌥𑌾𑌲𑍀𑌨𑌾𑌂 𑌨𑌿𑌯𑍁𑌤𑌾𑌨𑌿 𑌚 ।
𑌨𑍍𑌯𑌰𑍍𑌬𑍁𑌧𑌾𑌨𑌿 𑌚 𑌪𑌾𑌤𑍍𑌰𑌾𑌣𑌿 𑌶𑌾𑌤𑌕𑍁𑌂𑌭𑌮𑌯𑌾𑌨𑌿 𑌚 ॥ 2 ॥
𑌸𑍍𑌥𑌾𑌲𑍍𑌯𑌃 𑌕𑍁𑌂𑌭𑍍𑌯 𑌕𑌰𑌂𑌭𑍍𑌯 𑌶𑍍𑌚 𑌦𑌧𑌿𑌪𑍂𑌰𑍍𑌣𑌾𑌸𑍍𑌸𑍁𑌸𑌂𑌸𑍍𑌕𑍃𑌤𑌾𑌃 ।
𑌯𑍌𑌵𑌨𑌸𑍍𑌥𑌸𑍍𑌯 𑌗𑍌𑌰𑌸𑍍𑌯 𑌕𑌪𑌿𑌤𑍍𑌥𑌸𑍍𑌯 𑌸𑍁𑌗𑌂𑌧𑌿𑌨𑌃 ॥ 3 ॥
𑌹𑍍𑌰𑌦𑌾𑌃 𑌪𑍂𑌰𑍍𑌣𑌾 𑌰𑌸𑌾𑌲𑌸𑍍𑌯 𑌦𑌧𑍍𑌨𑌶𑍍𑌶𑍍𑌵𑍇𑌤𑌸𑍍𑌯 𑌚𑌾𑌪𑌰𑍇 ।
𑌬𑌭𑍂𑌵𑍁𑌃 𑌪𑌾𑌯𑌸𑌸𑍍𑌯𑌾𑌨𑍍𑌯𑍇 𑌶𑌰𑍍𑌕𑌰𑌾𑌯𑌾𑌵𑌸𑌂𑌚𑌯𑌾𑌃 ॥ 4 ॥
𑌕𑌲𑍍𑌕𑌾𑌨𑍍𑌚𑍂𑌰𑍍𑌣𑌕𑌷𑌾𑌯𑌾𑌂𑌶𑍍𑌚 𑌸𑍍𑌨𑌾𑌨𑌾𑌨𑌿 𑌵𑌿𑌵𑌿𑌧𑌾𑌨𑌿 𑌚 ।
𑌦𑌦𑍃𑌶𑍁𑌰𑍍𑌭𑌾𑌜𑌨𑌸𑍍𑌥𑌾𑌨𑌿 𑌤𑍀𑌰𑍍𑌥𑍇𑌷𑍁 𑌸𑌰𑌤𑌾𑌂 𑌨𑌰𑌾𑌃 ॥ 5 ॥
𑌶𑍁𑌕𑍍𑌲𑌾𑌨𑌂𑌶𑍁𑌮𑌤𑌶𑍍𑌚𑌾𑌪𑌿 𑌦𑌂𑌤𑌧𑌾𑌵𑌨𑌸𑌂𑌚𑌯𑌾𑌨𑍍 ।
𑌶𑍁𑌕𑍍𑌲𑌾𑌂𑌶𑍍𑌚𑌂𑌦𑌨𑌕𑌲𑍍𑌕𑌾𑌂𑌶𑍍𑌚 𑌸𑌮𑍁𑌦𑍍𑌗𑍇𑌷𑍍𑌵𑌵𑌤𑌿𑌷𑍍𑌠𑌤𑌃 ॥ 6 ॥
𑌦𑌰𑍍𑌪𑌣𑌾𑌪𑌰𑌿𑌮𑍃𑌷𑍍𑌟𑌾𑌂𑌶𑍍𑌚 𑌵𑌾𑌸𑌸𑌾𑌂 𑌚𑌾𑌪𑌿 𑌸𑌂𑌚𑌯𑌾𑌨𑍍 ।
𑌪𑌾𑌦𑍁𑌕𑍋𑌪𑌾𑌨𑌹𑌾𑌂 𑌚𑍈𑌵 𑌯𑍁𑌗𑍍𑌮𑌾𑌨𑌿𑌚 𑌸𑌹𑌸𑍍𑌰𑌶𑌃 ॥ ॥
𑌆𑌂𑌜𑌨𑍀𑌃 𑌕𑌂𑌕𑌤𑌾𑌨𑍍𑌕𑍂𑌰𑍍𑌚𑌾𑌨𑍍 𑌶𑌸𑍍𑌤𑍍𑌰𑌾𑌣𑌿 𑌚 𑌧𑌨𑍂𑌂𑌷𑌿 𑌚 ।
𑌮𑌰𑍍𑌮𑌤𑍍𑌰𑌾𑌣𑌾𑌨𑌿 𑌚𑌿𑌤𑍍𑌰𑌾𑌣𑌿 𑌶𑌯𑌨𑌾𑌨𑍍𑌯𑌾𑌸𑌨𑌾𑌨𑌿 𑌚 ॥ ॥
𑌪𑍍𑌰𑌤𑌿𑌪𑌾𑌨𑌹𑍍𑌰𑌦𑌾𑌨𑍍𑌪𑍂𑌰𑍍𑌣𑌨𑍍𑌖𑌰𑍋𑌷𑍍𑌟𑍍𑌰𑌗𑌜𑌵𑌾𑌜𑌿𑌨𑌾𑌮𑍍 ।
𑌅𑌵𑌗𑌾𑌹𑍍𑌯𑌸𑍁𑌤𑍀𑌰𑍍𑌥𑌾𑌂𑌶𑍍𑌚𑌹𑍍𑌰𑌦𑌾𑌨𑍍 𑌸𑍋𑌤𑍍𑌪𑌲𑌪𑍁𑌷𑍍𑌕𑌰𑌾𑌨𑍍 ॥ ॥
𑌆𑌕𑌾𑌶 𑌵𑌰𑍍𑌣𑌪𑍍𑌰𑌤𑌿𑌮𑌾𑌨𑍍 𑌸𑍍𑌵𑌚𑍍𑌛𑌤𑍋𑌯𑌾𑌨𑍍𑌸𑍁𑌖𑌪𑍍𑌲𑌵𑌾𑌨𑍍 ।
𑌨𑍀𑌪𑌵𑍈𑌡𑍂𑌰𑍍𑌯𑌵𑌰𑍍𑌣𑌾𑌂𑌶𑍍𑌚 𑌮𑍃𑌦𑍂𑌨𑍍𑌯𑌵𑌸𑌸𑌂𑌚𑌯𑌾𑌨𑍍 ।
𑌨𑌿𑌰𑍍𑌵𑌾𑌪𑌾𑌰𑍍𑌥𑌾𑌨𑍍 𑌪𑌶𑍂𑌨𑌾𑌂 𑌤𑍇 𑌦𑌦𑍃𑌶𑍁𑌸𑍍𑌤𑌤𑍍𑌰 𑌸𑌰𑍍𑌵𑌶𑌃 ॥ 0 ॥
𑌵𑍍𑌯𑌸𑍍𑌮𑌯𑌂𑌤 𑌮𑌨𑍁𑌷𑍍𑌯𑌾𑌸𑍍𑌤𑍇 𑌸𑍍𑌵𑌪𑍍𑌨𑌕𑌲𑍍𑌪𑌂 𑌤𑌦𑌦𑍍𑌭𑍁𑌤𑌮𑍍 ।
𑌦𑍃𑌷𑍍𑌟𑍍𑌵𑌾𑌽𑌤𑌿𑌥𑍍𑌯𑌂 𑌕𑍃𑌤𑌂 𑌤𑌾𑌦𑍃𑌗𑍍𑌭𑌰𑌤𑌸𑍍𑌯 𑌮𑌹𑌰𑍍𑌷𑌿𑌣𑌾 ॥ 1 ॥
𑌇𑌤𑍍𑌯𑍇𑌵𑌂 𑌰𑌮𑌮𑌾𑌣𑌾𑌨𑌾𑌂 𑌦𑍇𑌵𑌾𑌨𑌾𑌮𑌿𑌵 𑌨𑌂𑌦𑌨𑍇 ।
𑌭𑌰𑌦𑍍𑌵𑌾𑌜𑌾𑌶𑍍𑌰𑌮𑍇 𑌰𑌮𑍍𑌯𑍇 𑌸𑌾 𑌰𑌾𑌤𑍍𑌰𑌿𑌰𑍍𑌵𑍍𑌯𑌤𑍍𑌯𑌵𑌰𑍍𑌤𑌤 ॥ 2 ॥
𑌪𑍍𑌰𑌤𑌿𑌜𑌗𑍍𑌮𑍁𑌶𑍍𑌚 𑌤𑌾 𑌨𑌦𑍍𑌯𑍋 𑌗𑌂𑌧𑌰𑍍𑌵𑌾𑌶𑍍𑌚 𑌯𑌥𑌾𑌗𑌤𑌮𑍍 ।
𑌭𑌰𑌦𑍍𑌵𑌾𑌜𑌮𑌨𑍁𑌜𑍍𑌞𑌾𑌪𑍍𑌯 𑌤𑌾𑌶𑍍𑌚 𑌸𑌰𑍍𑌵𑌾 𑌵𑌰𑌾𑌂𑌗𑌨𑌾𑌃 ॥ 3 ॥
𑌤𑌥𑍈𑌵 𑌮𑌤𑍍𑌤𑌾 𑌮𑌦𑌿𑌰𑍋𑌤𑍍𑌕𑌟𑌾 𑌨𑌰𑌾𑌸𑍍𑌤𑌥𑍈𑌵 𑌦𑌿𑌵𑍍𑌯𑌾𑌗𑌰𑍁𑌚𑌂𑌦𑌨𑍋𑌕𑍍𑌷𑌿𑌤𑌾𑌃 ।
𑌤𑌥𑍈𑌵 𑌦𑌿𑌵𑍍𑌯𑌾 𑌵𑌿𑌵𑌿𑌧𑌾𑌸𑍍𑌸𑍍𑌰𑌗𑍁𑌤𑍍𑌤𑌮𑌾𑌃 𑌪𑍃𑌥𑌕𑍍𑌪𑍍𑌰𑌕𑍀𑌰𑍍𑌣𑌾 𑌮𑌨𑍁𑌜𑍈𑌃 𑌪𑍍𑌰𑌮𑌰𑍍𑌦𑌿𑌤𑌾𑌃 ॥ 4 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌏𑌕𑌨𑌵𑌤𑌿𑌤𑌮𑌸𑍍𑌸𑌰𑍍𑌗𑌃 ॥
