Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

5.60 𑌸𑍁𑌂𑌦𑌰𑌕𑌾𑌂𑌡 - 𑌷𑌷𑍍𑌟𑌿𑌤𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌸𑍁𑌂𑌦𑌰𑌕𑌾𑌂𑌡𑌮𑍍 ।
𑌅𑌥 𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ।

𑌤𑌸𑍍𑌯 𑌤𑌦𑍍𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌵𑌾𑌲𑌿𑌸𑍂𑌨𑍁𑌰𑌭𑌾𑌷𑌤 ।
𑌅𑌯𑍁𑌕𑍍𑌤𑌂 𑌤𑍁 𑌵𑌿𑌨𑌾 𑌦𑍇𑌵𑍀𑌂 𑌦𑍃𑌷𑍍𑌟𑌵𑌦𑍍𑌭𑌿𑌶𑍍𑌚 𑌵𑌾𑌨𑌰𑌾𑌃 ॥ 1 ॥

𑌸𑌮𑍀𑌪𑌂 𑌗𑌂𑌤𑍁𑌮𑌸𑍍𑌮𑌾𑌭𑍀 𑌰𑌾𑌘𑌵𑌸𑍍𑌯 𑌮𑌹𑌾𑌤𑍍𑌮𑌨𑌃 ।
𑌦𑍃𑌷𑍍𑌟𑌾 𑌦𑍇𑌵𑍀 𑌨 𑌚𑌾𑌨𑍀𑌤𑌾 𑌇𑌤𑌿 𑌤𑌤𑍍𑌰 𑌨𑌿𑌵𑍇𑌦𑌨𑌮𑍍 ॥ 2 ॥

𑌅𑌯𑍁𑌕𑍍𑌤𑌮𑌿𑌵 𑌪𑌶𑍍𑌯𑌾𑌮𑌿 𑌭𑌵𑌦𑍍𑌭𑌿𑌃 𑌖𑍍𑌯𑌾𑌤𑌵𑌿𑌕𑍍𑌰𑌮𑍈𑌃 ।
𑌨 𑌹𑌿 𑌨𑌃 𑌪𑍍𑌲𑌵𑌨𑍇 𑌕𑌶𑍍𑌚𑌿𑌨𑍍𑌨𑌾𑌪𑌿 𑌕𑌶𑍍𑌚𑌿𑌤𑍍𑌪𑌰𑌾𑌕𑍍𑌰𑌮𑍇 ॥ 3 ॥

𑌤𑍁𑌲𑍍𑌯 𑌸𑍍𑌸𑌾𑌮𑌰𑌦𑍈𑌤𑍍𑌯𑍇𑌷𑍁 𑌲𑍋𑌕𑍇𑌷𑍁 𑌹𑌰𑌿𑌸𑌤𑍍𑌤𑌮𑌾𑌃 ।
𑌤𑍇𑌷𑍍𑌵𑍇𑌵𑌂 𑌹𑌤𑌵𑍀𑌰𑍇𑌷𑍁 𑌰𑌾𑌕𑍍𑌷𑌸𑍇𑌷𑍁 𑌹𑌨𑍂𑌮𑌤𑌾 ॥ 4 ॥

𑌕𑌿𑌮𑌨𑍍𑌯𑌦𑌤𑍍𑌰 𑌕𑌰𑍍𑌤𑌵𑍍𑌯𑌂 𑌗𑍃𑌹𑍀𑌤𑍍𑌵𑌾 𑌯𑌾𑌮 𑌜𑌾𑌨𑌕𑍀𑌮𑍍 ।
𑌤𑌮𑍇𑌵𑌂 𑌕𑍃𑌤𑌸𑌂𑌕𑌲𑍍𑌪𑌂 𑌜𑌾𑌂𑌬𑌵𑌾𑌨𑍍 𑌹𑌰𑌿𑌸𑌤𑍍𑌤𑌮𑌃 ॥ 5 ॥

𑌉𑌵𑌾𑌚 𑌪𑌰𑌮𑌪𑍍𑌰𑍀𑌤𑍋 𑌵𑌾𑌕𑍍𑌯𑌮𑌰𑍍𑌥𑌵𑌦𑌰𑍍𑌥𑌵𑌿𑌤𑍍 ।
𑌨 𑌤𑌾𑌵𑌦𑍇𑌷𑌾 𑌮𑌤𑌿𑌰𑌕𑍍𑌷𑌮𑌾 𑌨𑍋 𑌯𑌥𑌾 𑌭𑌵𑌾𑌨𑍍 𑌪𑌶𑍍𑌯𑌤𑌿 𑌰𑌾𑌜𑌪𑍁𑌤𑍍𑌰 ।
𑌯𑌥𑌾 𑌤𑍁 𑌰𑌾𑌮𑌸𑍍𑌯 𑌮𑌤𑌿𑌰𑍍𑌨𑌿𑌵𑌿𑌷𑍍𑌟𑌾 𑌤𑌥𑌾 𑌭𑌵𑌾𑌨𑍍 𑌪𑌶𑍍𑌯𑌤𑍁 𑌕𑌾𑌰𑍍𑌯𑌸𑌿𑌦𑍍𑌧𑌿𑌮𑍍 ॥ 6 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌸𑍁𑌂𑌦𑌰𑌕𑌾𑌂𑌡𑍇 𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ॥


Browse Related Categories: