Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

3.5𑍭 𑌅𑌰𑌣𑍍𑌯𑌕𑌾𑌂𑌡 - 𑌸𑌪𑍍𑌤𑌪𑌂𑌚𑌾𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌰𑌣𑍍𑌯𑌕𑌾𑌂𑌡𑌮𑍍 ।
𑌅𑌥 𑌸𑌪𑍍𑌤𑌪𑌂𑌚𑌾𑌶𑌸𑍍𑌸𑌰𑍍𑌗𑌃 ।

𑌰𑌾𑌕𑍍𑌷𑌸𑌂 𑌮𑍃𑌗𑌰𑍂𑌪𑍇𑌣 𑌚𑌰𑌂𑌤𑌂 𑌕𑌾𑌮𑌰𑍂𑌪𑌿𑌣𑌮𑍍 ।
𑌨𑌿𑌹𑌤𑍍𑌯 𑌰𑌾𑌮𑍋 𑌮𑌾𑌰𑍀𑌚𑌂 𑌤𑍂𑌰𑍍𑌣𑌂 𑌪𑌥𑌿 𑌨𑍍𑌯𑌵𑌰𑍍𑌤𑌤 ॥ 1 ॥

𑌤𑌸𑍍𑌯 𑌸𑌂𑌤𑍍𑌵𑌰𑌮𑌾𑌣𑌸𑍍𑌯 𑌦𑍍𑌰𑌷𑍍𑌟𑍁𑌕𑌾𑌮𑌸𑍍𑌯 𑌮𑍈𑌥𑌿𑌲𑍀𑌮𑍍 ।
𑌕𑍍𑌰𑍂𑌰𑌸𑍍𑌵𑌨𑍋𑌽𑌥 𑌗𑍋𑌮𑌾𑌯𑍁𑌰𑍍𑌵𑌿𑌨𑌨𑌾𑌦𑌾𑌸𑍍𑌯 𑌪𑍃𑌷𑍍𑌠𑌤𑌃 ॥ 2 ॥

𑌸 𑌤𑌸𑍍𑌯 𑌸𑍍𑌵𑌰𑌮𑌾𑌜𑍍𑌞𑌾𑌯 𑌦𑌾𑌰𑍁𑌣𑌂 𑌰𑍋𑌮𑌹𑌰𑍍𑌷𑌣𑌮𑍍 ।
𑌚𑌿𑌂𑌤𑌯𑌾𑌮𑌾𑌸 𑌗𑍋𑌮𑌾𑌯𑍋𑌸𑍍𑌸𑍍𑌵𑌰𑍇𑌣 𑌪𑌰𑌿𑌶𑌂𑌕𑌿𑌤𑌃 ॥ 3 ॥

𑌅𑌶𑍁𑌭𑌂 𑌬𑌤 𑌮𑌨𑍍𑌯𑍇𑌽𑌹𑌂 𑌗𑍋𑌮𑌾𑌯𑍁𑌰𑍍𑌵𑌾𑌶𑍍𑌯𑌤𑍇 𑌯𑌥𑌾 ।
𑌸𑍍𑌵𑌸𑍍𑌤𑌿 𑌸𑍍𑌯𑌾𑌦𑌪𑌿 𑌵𑍈𑌦𑍇𑌹𑍍𑌯𑌾 𑌰𑌾𑌕𑍍𑌷𑌸𑍈𑌰𑍍𑌭𑌕𑍍𑌷𑌣𑌂 𑌵𑌿𑌨𑌾 ॥ 4 ॥

𑌮𑌾𑌰𑍀𑌚𑍇𑌨 𑌤𑍁 𑌵𑌿𑌜𑍍𑌞𑌾𑌯 𑌸𑍍𑌵𑌰𑌮𑌾𑌲𑌂𑌬𑍍𑌯 𑌮𑌾𑌮𑌕𑌮𑍍 ।
𑌵𑌿𑌕𑍍𑌰𑍁𑌷𑍍𑌟𑌂 𑌮𑍃𑌗𑌰𑍂𑌪𑍇𑌣 𑌲𑌕𑍍𑌷𑍍𑌮𑌣𑌶𑍍𑌶𑍃𑌣𑍁𑌯𑌾𑌦𑍍𑌯𑌦𑌿 ॥ 5 ॥

𑌸 𑌸𑍌𑌮𑌿𑌤𑍍𑌰𑌿𑌸𑍍𑌸𑍍𑌵𑌰𑌂 𑌶𑍍𑌰𑍁𑌤𑍍𑌵𑌾 𑌤𑌾𑌂 𑌚 𑌹𑌿𑌤𑍍𑌵𑌾𑌚 𑌮𑍈𑌥𑌿𑌲𑍀𑌮𑍍 ।
𑌤𑌯𑍇𑌹 𑌪𑍍𑌰𑌹𑌿𑌤𑌃 𑌕𑍍𑌷𑌿𑌪𑍍𑌰𑌂 𑌮𑌤𑍍𑌸𑌕𑌾𑌶𑌮𑌿𑌹𑍈𑌷𑍍𑌯𑌤𑌿 ॥ 6 ॥

𑌰𑌾𑌕𑍍𑌷𑌸𑍈𑌸𑍍𑌸𑌹𑌿𑌤𑍈𑌰𑍍𑌨𑍂𑌨𑌂 𑌸𑍀𑌤𑌾𑌯𑌾 𑌈𑌪𑍍𑌸𑌿𑌤𑍋 𑌵𑌧𑌃 ।
𑌕𑌾𑌂𑌚𑌨𑌶𑍍𑌚 𑌮𑍃𑌗𑍋 𑌭𑍂𑌤𑍍𑌵𑌾 𑌵𑍍𑌯𑌪𑌨𑍀𑌯𑌾𑌶𑍍𑌰𑌮𑌾𑌤𑍍𑌤𑍁 𑌮𑌾𑌮𑍍 ॥ 𑍭 ॥

𑌦𑍂𑌰𑌂 𑌨𑍀𑌤𑍍𑌵𑌾 𑌤𑍁 𑌮𑌾𑌰𑍀𑌚𑍋 𑌰𑌾𑌕𑍍𑌷𑌸𑍋𑌽𑌭𑍂𑌚𑍍𑌛𑌰𑌾 𑌹𑌤𑌃 ।
𑌹𑌾 𑌲𑌕𑍍𑌷𑍍𑌮𑌣 𑌹𑌤𑍋𑌽𑌸𑍍𑌮𑍀𑌤𑌿 𑌯𑌦𑍍𑌵𑌾𑌕𑍍𑌯𑌂 𑌵𑍍𑌯𑌾𑌜𑌹𑌾𑌰 𑌹 ॥ 𑍮 ॥

𑌅𑌪𑌿 𑌸𑍍𑌵𑌸𑍍𑌤𑌿 𑌭𑌵𑍇𑌤𑍍𑌤𑌾𑌭𑍍𑌯𑌾𑌂 𑌰𑌹𑌿𑌤𑌾𑌭𑍍𑌯𑌾𑌂 𑌮𑌹𑌾𑌵𑌨𑍇 ।
𑌜𑌨𑌸𑍍𑌥𑌾𑌨𑌨𑌿𑌮𑌿𑌤𑍍𑌤𑌂 𑌹𑌿 𑌕𑍃𑌤𑌵𑍈𑌰𑍋𑌽𑌸𑍍𑌮𑌿 𑌰𑌾𑌕𑍍𑌷𑌸𑍈𑌃 ॥ 𑍯 ॥

𑌨𑌿𑌮𑌿𑌤𑍍𑌤𑌾𑌨𑌿 𑌚 𑌘𑍋𑌰𑌾𑌣𑌿 𑌦𑍃𑌶𑍍𑌯𑌂𑌤𑍇𑌽𑌦𑍍𑌯 𑌬𑌹𑍂𑌨𑌿 𑌚 ।
𑌇𑌤𑍍𑌯𑍇𑌵𑌂 𑌚𑌿𑌂𑌤𑌯𑌨𑍍𑌰𑌾𑌮𑌶𑍍𑌶𑍍𑌰𑍁𑌤𑍍𑌵𑌾 𑌗𑍋𑌮𑌾𑌯𑍁𑌨𑌿𑌸𑍍𑌸𑍍𑌵𑌨𑌮𑍍 ॥ 10 ॥

𑌆𑌤𑍍𑌮𑌨𑌶𑍍𑌚𑌾𑌪𑌨𑌯𑌨𑌾𑌨𑍍𑌮𑍃𑌗𑌰𑍂𑌪𑍇𑌣 𑌰𑌕𑍍𑌷𑌸𑌾 ।
𑌆𑌜𑌗𑌾𑌮 𑌜𑌨𑌸𑍍𑌥𑌾𑌨𑌂 𑌰𑌾𑌘𑌵𑌃 𑌪𑌰𑌿𑌶𑌂𑌕𑌿𑌤𑌃 ॥ 11 ॥

𑌤𑌂 𑌦𑍀𑌨𑌮𑌨𑌸𑍋 𑌦𑍀𑌨𑌮𑌾𑌸𑍇𑌦𑍁𑌰𑍍𑌮𑍃𑌗𑌪𑌕𑍍𑌷𑌿𑌣𑌃 ।
𑌸𑌵𑍍𑌯𑌂 𑌕𑍃𑌤𑍍𑌵𑌾 𑌮𑌹𑌾𑌤𑍍𑌮𑌾𑌨𑌂 𑌘𑍋𑌰𑌾𑌂𑌶𑍍𑌚 𑌸𑌸𑍃𑌜𑍁𑌸𑍍𑌸𑍍𑌵𑌰𑌾𑌨𑍍 ॥ 12 ॥

𑌤𑌾𑌨𑌿 𑌦𑍃𑌷𑍍𑌟𑍍𑌵𑌾 𑌨𑌿𑌮𑌿𑌤𑍍𑌤𑌾𑌨𑌿 𑌮𑌹𑌾𑌘𑍋𑌰𑌾𑌣𑌿 𑌰𑌾𑌘𑌵𑌃 ।
𑌨𑍍𑌯𑌵𑌰𑍍𑌤𑌤𑌾𑌥 𑌤𑍍𑌵𑌰𑌿𑌤𑍋 𑌜𑌵𑍇𑌨𑌾𑌶𑍍𑌰𑌮𑌮𑌾𑌤𑍍𑌮𑌨𑌃 ॥ 13 ॥

𑌸𑍀𑌤𑌾𑌂 𑌸 𑌤𑍁 𑌵𑌰𑌾𑌰𑍋𑌹𑌾𑌂 𑌲𑌕𑍍𑌷𑍍𑌮𑌣𑌂 𑌚 𑌮𑌹𑌾𑌬𑌲𑌮𑍍 ।
𑌆𑌜𑌗𑌾𑌮 𑌜𑌨𑌸𑍍𑌥𑌾𑌨𑌂 𑌚𑌿𑌂𑌤𑌯𑌨𑍍𑌨𑍇𑌵 𑌰𑌾𑌘𑌵𑌃 ॥ 14 ॥

𑌤𑌤𑍋 𑌲𑌕𑍍𑌷𑍍𑌮𑌣𑌮𑌾𑌯𑌾𑌂𑌤𑌂 𑌦𑌦𑌰𑍍𑌶 𑌵𑌿𑌗𑌤𑌪𑍍𑌰𑌭𑌮𑍍 ।
𑌤𑌤𑍋𑌽𑌵𑌿𑌦𑍂𑌰𑍇 𑌰𑌾𑌮𑍇𑌣 𑌸𑌮𑍀𑌯𑌾𑌯 𑌸 𑌲𑌕𑍍𑌷𑍍𑌮𑌣𑌃 ॥ 15 ॥

𑌵𑌿𑌷𑌣𑍍𑌣𑌸𑍍𑌸𑍁𑌵𑌿𑌷𑌣𑍍𑌣𑍇𑌨 𑌦𑍁𑌃𑌖𑌿𑌤𑍋 𑌦𑍁𑌃𑌖𑌭𑌾𑌗𑌿𑌨𑌾 ।
𑌸𑌂𑌜𑌗𑌰𑍍𑌹𑍇𑌽𑌥 𑌤𑌂 𑌭𑍍𑌰𑌾𑌤𑌾 𑌜𑍍𑌯𑍇𑌷𑍍𑌠𑍋 𑌲𑌕𑍍𑌷𑍍𑌮𑌣𑌮𑌾𑌗𑌤𑌮𑍍 ॥ 16 ॥

𑌵𑌿𑌹𑌾𑌯 𑌸𑍀𑌤𑌾𑌂 𑌵𑌿𑌜𑌨𑍇 𑌵𑌨𑍇 𑌰𑌾𑌕𑍍𑌷𑌸𑌸𑍇𑌵𑌿𑌤𑍇 ।
𑌗𑍃𑌹𑍀𑌤𑍍𑌵𑌾 𑌚 𑌕𑌰𑌂 𑌸𑌵𑍍𑌯𑌂 𑌲𑌕𑍍𑌷𑍍𑌮𑌣𑌂 𑌰𑌘𑍁𑌨𑌂𑌦𑌨𑌃 ॥ 1𑍭 ॥

𑌉𑌵𑌾𑌚 𑌮𑌧𑍁𑌰𑍋𑌦𑌰𑍍𑌕𑌮𑌿𑌦𑌂 𑌪𑌰𑍁𑌷𑌮𑌾𑌰𑍍𑌤𑌿𑌮𑌤𑍍 ।
𑌅𑌹𑍋 𑌲𑌕𑍍𑌷𑍍𑌮𑌣 𑌗𑌰𑍍𑌹𑍍𑌯𑌂 𑌤𑍇 𑌕𑍃𑌤𑌂 𑌯𑌸𑍍𑌤𑍍𑌵𑌂 𑌵𑌿𑌹𑌾𑌯 𑌤𑌾𑌮𑍍 ॥ 1𑍮 ॥

𑌸𑍀𑌤𑌾𑌮𑌿𑌹𑌾𑌽𑌗𑌤𑌸𑍍𑌸𑍌𑌮𑍍𑌯 𑌕𑌚𑍍𑌚𑌿𑌤𑍍𑌸𑍍𑌵𑌸𑍍𑌤𑌿 𑌭𑌵𑍇𑌦𑌿𑌹 ।
𑌨 𑌮𑍇𑌽𑌸𑍍𑌤𑌿 𑌸𑌂𑌶𑌯𑍋 𑌵𑍀𑌰 𑌸𑌰𑍍𑌵𑌥𑌾 𑌜𑌨𑌕𑌾𑌤𑍍𑌮𑌜𑌾 ॥ 1𑍯 ॥

𑌵𑌿𑌨𑌷𑍍𑌟𑌾 𑌭𑌕𑍍𑌷𑌿𑌤𑌾 𑌵𑌾𑌪𑌿 𑌰𑌾𑌕𑍍𑌷𑌸𑍈𑌰𑍍𑌵𑌨𑌚𑌾𑌰𑌿𑌭𑌿𑌃 ।
𑌅𑌶𑍁𑌭𑌾𑌨𑍍𑌯𑍇𑌵 𑌭𑍂𑌯𑌿𑌷𑍍𑌠𑌂 𑌯𑌥𑌾 𑌪𑍍𑌰𑌾𑌦𑍁𑌰𑍍𑌭𑌵𑌂𑌤𑌿 𑌮𑍇 ॥ 20 ॥

𑌅𑌪𑌿 𑌲𑌕𑍍𑌷𑍍𑌮𑌣 𑌸𑍀𑌤𑌾𑌯𑌾𑌸𑍍𑌸𑌾𑌮𑌗𑍍𑌰𑍍𑌯𑌂 𑌪𑍍𑌰𑌾𑌪𑍍𑌨𑍁𑌯𑌾𑌵𑌹𑍇 ।
𑌜𑍀𑌵𑌂𑌤𑍍𑌯𑌾𑌃 𑌪𑍁𑌰𑍁𑌷𑌵𑍍𑌯𑌾𑌘𑍍𑌰 𑌸𑍁𑌤𑌾𑌯𑌾 𑌜𑌨𑌕𑌸𑍍𑌯 𑌵𑍈 ॥ 21 ॥

𑌯𑌥𑌾 𑌵𑍈 𑌮𑍃𑌗𑌸𑌂𑌘𑌾𑌶𑍍𑌚 𑌗𑍋𑌮𑌾𑌯𑍁𑌶𑍍𑌚𑍈𑌵 𑌭𑍈𑌰𑌵𑌮𑍍 ।
𑌵𑌾𑌶𑍍𑌯𑌂𑌤𑍇 𑌶𑌕𑍁𑌨𑌾𑌶𑍍𑌚𑌾𑌪𑌿 𑌪𑍍𑌰𑌦𑍀𑌪𑍍𑌤𑌾𑌮𑌭𑌿𑌤𑍋 𑌦𑌿𑌶𑌮𑍍 ॥ 22 ॥

𑌅𑌪𑌿 𑌸𑍍𑌵𑌸𑍍𑌤𑌿 𑌭𑌵𑍇𑌤𑍍𑌤𑌸𑍍𑌯𑌾 𑌰𑌾𑌜𑌪𑍁𑌤𑍍𑌰𑍍𑌯𑌾 𑌮𑌹𑌾𑌬𑌲 ।
𑌇𑌦𑌂 𑌹𑌿 𑌰𑌕𑍍𑌷𑍋 𑌮𑍃𑌗𑌸𑌨𑍍𑌨𑌿𑌕𑌾𑌶𑌂 𑌪𑍍𑌰𑌲𑍋𑌭𑍍𑌯 𑌮𑌾𑌂 𑌦𑍂𑌰𑌮𑌨𑍁𑌪𑍍𑌰𑌯𑌾𑌂𑌤𑌮𑍍 ।
𑌹𑌤𑌂 𑌕𑌥𑌂𑌚𑌿𑌨𑍍𑌮𑌹𑌤𑌾 𑌶𑍍𑌰𑌮𑍇𑌣 𑌸 𑌰𑌾𑌕𑍍𑌷𑌸𑍋𑌽𑌭𑍂𑌨𑍍𑌮𑍍𑌰𑌿𑌯𑌮𑌾𑌣 𑌏𑌵 ॥ 23 ॥

𑌮𑌨𑌶𑍍𑌚 𑌮𑍇 𑌦𑍀𑌨𑌮𑌿𑌹𑌾𑌪𑍍𑌰𑌹𑍃𑌷𑍍𑌟𑌂 𑌚𑌕𑍍𑌷𑍁𑌶𑍍𑌚 𑌸𑌵𑍍𑌯𑌂 𑌕𑍁𑌰𑍁𑌤𑍇 𑌵𑌿𑌕𑌾𑌰𑌮𑍍 ।
𑌅𑌸𑌂𑌶𑌯𑌂 𑌲𑌕𑍍𑌷𑍍𑌮𑌣 𑌨𑌾𑌸𑍍𑌤𑌿 𑌸𑍀𑌤𑌾 𑌹𑍃𑌤𑌾 𑌮𑍃𑌤𑌾 𑌵𑌾 𑌪𑌥𑌿 𑌵𑌰𑍍𑌤𑌤𑍇 𑌵𑌾 ॥ 24 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌰𑌣𑍍𑌯𑌕𑌾𑌂𑌡𑍇 𑌸𑌪𑍍𑌤𑌪𑌂𑌚𑌾𑌶𑌸𑍍𑌸𑌰𑍍𑌗𑌃 ॥


Browse Related Categories: