𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌬𑌾𑌲𑌕𑌾𑌂𑌡𑌮𑍍 ।
𑌅𑌥 𑌚𑌤𑍁𑌰𑍍𑌦𑌶𑌸𑍍𑌸𑌰𑍍𑌗𑌃 ।
𑌅𑌥 𑌸𑌂𑌵𑌤𑍍𑌸𑌰𑍇 𑌪𑍂𑌰𑍍𑌣𑍇 𑌤𑌸𑍍𑌮𑌿𑌨𑍍𑌪𑍍𑌰𑌾𑌪𑍍𑌤𑍇 𑌤𑍁𑌰𑌂𑌗𑌮𑍇 ।
𑌸𑌰𑌯𑍍𑌵𑌾𑌶𑍍𑌚𑍋𑌤𑍍𑌤𑌰𑍇 𑌤𑍀𑌰𑍇 𑌰𑌾𑌜𑍍𑌞𑍋 𑌯𑌜𑍍𑌞𑍋𑌽𑌭𑍍𑌯𑌵𑌰𑍍𑌤𑌤 ॥ 1 ॥
𑌋𑌶𑍍𑌯𑌶𑍃𑌂𑌗𑌂 𑌪𑍁𑌰𑌸𑍍𑌕𑍃𑌤𑍍𑌯 𑌕𑌰𑍍𑌮 𑌚𑌕𑍍𑌰𑍁𑌰𑍍𑌦𑍍𑌵𑌿𑌜𑌰𑍍𑌷𑌭𑌾𑌃 ।
𑌅𑌶𑍍𑌵𑌮𑍇𑌧𑍇 𑌮𑌹𑌾𑌯𑌜𑍍𑌞𑍇 𑌰𑌾𑌜𑍍𑌞𑍋𑌽𑌸𑍍𑌯 𑌸𑍁𑌮𑌹𑌾𑌤𑍍𑌮𑌨𑌃 ॥ 2 ॥
𑌕𑌰𑍍𑌮 𑌕𑍁𑌰𑍍𑌵𑌂𑌤𑌿 𑌵𑌿𑌧𑌿𑌵𑌦𑍍𑌯𑌾𑌜𑌕𑌾 𑌵𑍇𑌦𑌪𑌾𑌰𑌗𑌾𑌃 ।
𑌯𑌥𑌾𑌵𑌿𑌧𑌿 𑌯𑌥𑌾𑌨𑍍𑌯𑌾𑌯𑌂 𑌪𑌰𑌿𑌕𑍍𑌰𑌾𑌮𑌂𑌤𑌿 𑌶𑌾𑌸𑍍𑌤𑍍𑌰𑌤𑌃 ॥ 3 ॥
𑌪𑍍𑌰𑌵𑌰𑍍𑌗𑍍𑌯𑌂 𑌶𑌾𑌸𑍍𑌤𑍍𑌰𑌤𑌃 𑌕𑍃𑌤𑍍𑌵𑌾 𑌤𑌥𑍈𑌵𑍋𑌪𑌸𑌦𑌂 𑌦𑍍𑌵𑌿𑌜𑌾𑌃 𑌚𑌕𑍍𑌰𑍁𑌶𑍍𑌚 𑌵𑌿𑌧𑌿𑌵𑌤𑍍𑌸𑌰𑍍𑌵𑌮𑌧𑌿𑌕𑌂 𑌕𑌰𑍍𑌮 𑌶𑌾𑌸𑍍𑌤𑍍𑌰𑌤𑌃 ॥ 4 ॥
𑌅𑌭𑌿𑌪𑍂𑌜𑍍𑌯 𑌤𑌤𑍋 𑌹𑍃𑌷𑍍𑌟𑌾𑌸𑍍𑌸𑌰𑍍𑌵𑍇 𑌚𑌕𑍍𑌰𑍁𑌰𑍍𑌯𑌥𑌾𑌵𑌿𑌧𑌿 ।
𑌪𑍍𑌰𑌾𑌤𑌸𑍍𑌸𑌵𑌨𑌪𑍂𑌰𑍍𑌵𑌾𑌣𑌿 𑌕𑌰𑍍𑌮𑌾𑌣𑌿 𑌮𑍁𑌨𑌿𑌪𑍁𑌂𑌗𑌵𑌾𑌃 ॥ 5 ॥
𑌐𑌂𑌦𑍍𑌰𑌶𑍍𑌚 𑌵𑌿𑌧𑌿𑌵𑌦𑍍𑌦𑌤𑍍𑌤𑍋 𑌰𑌾𑌜𑌾 𑌚𑌾𑌭𑌿𑌷𑍁𑌤𑍋𑌽𑌨𑌘𑌃 ।
𑌮𑌾𑌧𑍍𑌯𑌂𑌦𑌿𑌨𑌂 𑌚 𑌸𑌵𑌨𑌂 𑌪𑍍𑌰𑌾𑌵𑌰𑍍𑌤𑌤 𑌯𑌥𑌾𑌕𑍍𑌰𑌮𑌮𑍍 ॥ 6 ॥
𑌤𑍃𑌤𑍀𑌯𑌸𑌵𑌨𑌂 𑌚𑍈𑌵 𑌰𑌾𑌜𑍍𑌞𑍋𑌽𑌸𑍍𑌯 𑌸𑍁𑌮𑌹𑌾𑌤𑍍𑌮𑌨𑌃 ।
𑌚𑌕𑍍𑌰𑍁𑌸𑍍𑌤𑍇𑌶𑌾𑌸𑍍𑌤𑍍𑌰𑌤𑍋 𑌦𑍃𑌷𑍍𑌟𑍍𑌵𑌾 𑌤𑌥𑌾 𑌬𑍍𑌰𑌾𑌹𑍍𑌮𑌣𑌪𑍁𑌂𑌗𑌵𑌾𑌃 ॥ ॥
𑌨 𑌚𑌾𑌹𑍁𑌤𑌮𑌭𑍂𑌤𑍍𑌤𑌤𑍍𑌰 𑌸𑍍𑌖𑌲𑌿𑌤𑌂 𑌵𑌾𑌪𑌿 𑌕𑌿𑌂𑌚𑌨 ।
𑌦𑍃𑌶𑍍𑌯𑌤𑍇 𑌬𑍍𑌰𑌹𑍍𑌮𑌵𑌤𑍍𑌸𑌰𑍍𑌵𑌂 𑌕𑍍𑌷𑍇𑌮𑌯𑍁𑌕𑍍𑌤𑌂 𑌹𑌿 𑌚𑌕𑍍𑌰𑌿𑌰𑍇 ॥ ॥
𑌨 𑌤𑍇𑌷𑍍𑌵𑌹𑌸𑍍𑌸𑍁 𑌶𑍍𑌰𑌾𑌂𑌤𑍋 𑌵𑌾 𑌕𑍍𑌷𑍁𑌧𑌿𑌤𑍋 𑌵𑌾𑌪𑌿 𑌦𑍃𑌶𑍍𑌯𑌤𑍇 ।
𑌨𑌾𑌵𑌿𑌦𑍍𑌵𑌾𑌨𑍍𑌬𑍍𑌰𑌾𑌹𑍍𑌮𑌣𑌸𑍍𑌤𑌤𑍍𑌰 𑌨𑌾𑌶𑌤𑌾𑌨𑍁𑌚𑌰𑌸𑍍𑌤𑌥𑌾 ॥ ॥
𑌬𑍍𑌰𑌾𑌹𑍍𑌮𑌣𑌾 𑌭𑍁𑌂𑌜𑌤𑍇 𑌨𑌿𑌤𑍍𑌯𑌂 𑌨𑌾𑌥𑌵𑌂𑌤𑌶𑍍𑌚 𑌭𑍁𑌂𑌜𑌤𑍇 ।
𑌤𑌾𑌪𑌸𑌾 𑌭𑍁𑌂𑌜𑌤𑍇 𑌚𑌾𑌪𑌿 𑌶𑍍𑌰𑌮𑌣𑌾 𑌭𑍁𑌂𑌜𑌤𑍇𑌤𑌥𑌾 ॥ 10 ॥
𑌵𑍃𑌦𑍍𑌧𑌾𑌶𑍍𑌚 𑌵𑍍𑌯𑌾𑌧𑌿𑌤𑌾𑌶𑍍𑌚𑍈𑌵 𑌸𑍍𑌤𑍍𑌰𑌿𑌯𑍋 𑌬𑌾𑌲𑌾𑌸𑍍𑌤𑌥𑍈𑌵 𑌚 ।
𑌅𑌨𑌿𑌶𑌂 𑌭𑍁𑌂𑌜𑌮𑌾𑌨𑌾𑌨𑌾𑌂 𑌨 𑌤𑍃𑌪𑍍𑌤𑌿𑌰𑍁𑌪𑌲𑌭𑍍𑌯𑌤𑍇 ॥ 11 ॥
𑌦𑍀𑌯𑌤𑌾𑌂 𑌦𑍀𑌯𑌤𑌾𑌮𑌨𑍍𑌨𑌂 𑌵𑌾𑌸𑌾𑌂𑌸𑌿 𑌵𑌿𑌵𑌿𑌧𑌾𑌨𑌿 𑌚 ।
𑌇𑌤𑌿 𑌸𑌂𑌚𑍋𑌦𑌿𑌤𑌾𑌸𑍍𑌤𑌤𑍍𑌰 𑌤𑌥𑌾 𑌚𑌕𑍍𑌰𑍁𑌰𑌨𑍇𑌕𑌶𑌃 ॥ 12 ॥
𑌅𑌨𑍍𑌨𑌕𑍂𑌟𑌾𑌶𑍍𑌚 𑌬𑌹𑌵𑍋 𑌦𑍃𑌶𑍍𑌯𑌂𑌤𑍇 𑌪𑌰𑍍𑌵𑌤𑍋𑌪𑌮𑌾𑌃 ।
𑌦𑌿𑌵𑌸𑍇 𑌦𑌿𑌵𑌸𑍇 𑌤𑌤𑍍𑌰 𑌸𑌿𑌦𑍍𑌧𑌸𑍍𑌯 𑌵𑌿𑌧𑌿𑌵𑌤𑍍𑌤𑌦𑌾 ॥ 13 ॥
𑌨𑌾𑌨𑌾𑌦𑍇𑌶𑌾𑌦𑌨𑍁𑌪𑍍𑌰𑌾𑌪𑍍𑌤𑌾𑌃 𑌪𑍁𑌰𑍁𑌷𑌾𑌸𑍍𑌸𑍍𑌤𑍍𑌰𑍀𑌗𑌣𑌾𑌸𑍍𑌤𑌥𑌾 ।
𑌅𑌨𑍍𑌨𑌪𑌾𑌨𑍈𑌸𑍍𑌸𑍁𑌵𑌿𑌹𑌿𑌤𑌾𑌸𑍍𑌤𑌸𑍍𑌮𑌿𑌨𑍍𑌯𑌜𑍍𑌞𑍇 𑌮𑌹𑌾𑌤𑍍𑌮𑌨𑌃 ॥ 14 ॥
𑌅𑌨𑍍𑌨𑌂 𑌹𑌿 𑌵𑌿𑌧𑌿𑌵𑌤𑍍𑌸𑌾𑌧𑍁 𑌪𑍍𑌰𑌶𑌂𑌸𑌂𑌤𑌿 𑌦𑍍𑌵𑌿𑌜𑌰𑍍𑌷𑌭𑌾𑌃 ।
𑌅𑌹𑍋 𑌤𑍃𑌪𑍍𑌤𑌾𑌃 𑌸𑍍𑌮 𑌭𑌦𑍍𑌰𑌂 𑌤𑍇 𑌇𑌤𑌿 𑌶𑍁𑌶𑍍𑌰𑌾𑌵 𑌰𑌾𑌘𑌵𑌃 ॥ 15 ॥
𑌸𑍍𑌵𑌲𑌂𑌕𑍃𑌤𑌾𑌶𑍍𑌚 𑌪𑍁𑌰𑍁𑌷𑌾 𑌬𑍍𑌰𑌾𑌹𑍍𑌮𑌣𑌾𑌨𑍍𑌪𑌰𑍍𑌯𑌵𑍇𑌷𑌯𑌨𑍍 ।
𑌉𑌪𑌾𑌸𑌤𑍇 𑌚 𑌤𑌾𑌨𑌨𑍍𑌯𑍇 𑌸𑍁𑌮𑍃𑌷𑍍𑌟𑌮𑌣𑌿𑌕𑍁𑌂𑌡𑌲𑌾𑌃 ॥ 16 ॥
𑌕𑌰𑍍𑌮𑌾𑌂𑌤𑌰𑍇 𑌤𑌦𑌾 𑌵𑌿𑌪𑍍𑌰𑌾 𑌹𑍇𑌤𑍁𑌵𑌾𑌦𑌾𑌨𑍍𑌬𑌹𑍂𑌨𑌪𑌿 ।
𑌪𑍍𑌰𑌾𑌹𑍁𑌶𑍍𑌚 𑌵𑌾𑌗𑍍𑌮𑌿𑌨𑍋 𑌧𑍀𑌰𑌾𑌃 𑌪𑌰𑌸𑍍𑌪𑌰𑌜𑌿𑌗𑍀𑌷𑌯𑌾 ॥ 1 ॥
𑌦𑌿𑌵𑌸𑍇 𑌦𑌿𑌵𑌸𑍇 𑌤𑌤𑍍𑌰 𑌸𑌂𑌸𑍍𑌤𑌰𑍇 𑌕𑍁𑌶𑌲𑌾 𑌦𑍍𑌵𑌿𑌜𑌾𑌃 ।
𑌸𑌰𑍍𑌵𑌕𑌰𑍍𑌮𑌾𑌣𑌿 𑌚𑌕𑍍𑌰𑍁𑌸𑍍𑌤𑍇 𑌯𑌥𑌾𑌶𑌾𑌸𑍍𑌤𑍍𑌰𑌂 𑌪𑍍𑌰𑌚𑍋𑌦𑌿𑌤𑌾𑌃 ॥ 1 ॥
𑌨𑌾𑌷𑌡𑌂𑌗𑌵𑌿𑌦𑌤𑍍𑌰𑌾𑌸𑍀𑌨𑍍𑌨𑌾𑌵𑍍𑌰𑌤𑍋 𑌨𑌾𑌬𑌹𑍁𑌶𑍍𑌰𑍁𑌤𑌃 ।
𑌸𑌦𑌸𑍍𑌯𑌾𑌸𑍍𑌤𑌸𑍍𑌯 𑌵𑍈 𑌰𑌾𑌜𑍍𑌞𑍋 𑌨𑌾𑌵𑌾𑌦𑌕𑍁𑌶𑌲𑌾 𑌦𑍍𑌵𑌿𑌜𑌾𑌃 ॥ 1 ॥
𑌪𑍍𑌰𑌾𑌪𑍍𑌤𑍇 𑌯𑍂𑌪𑍋𑌚𑍍𑌛𑍍𑌰𑌯𑍇 𑌤𑌸𑍍𑌮𑌿𑌨𑍍𑌷𑌡𑍍𑌬𑍈𑌲𑍍𑌵𑌾𑌃 𑌖𑌾𑌦𑌿𑌰𑌾𑌸𑍍𑌤𑌥𑌾 ।
𑌤𑌾𑌵𑌂𑌤𑍋 𑌬𑌿𑌲𑍍𑌵𑌸𑌹𑌿𑌤𑌾𑌃 𑌪𑌰𑍍𑌣𑌿𑌨𑌶𑍍𑌚 𑌤𑌥𑌾𑌪𑌰𑍇 ॥ 20 ॥
𑌶𑍍𑌲𑍇𑌷𑍍𑌮𑌾𑌤𑌕𑌮𑌯𑌸𑍍𑌤𑍍𑌵𑍇𑌕𑍋 𑌦𑍇𑌵𑌦𑌾𑌰𑍁𑌮𑌯𑌸𑍍𑌤𑌥𑌾 ।
𑌦𑍍𑌵𑌾𑌵𑍇𑌵 𑌵𑌿𑌹𑌿𑌤𑍌 𑌤𑌤𑍍𑌰 𑌬𑌾𑌹𑍁𑌵𑍍𑌯𑌸𑍍𑌤𑌪𑌰𑌿𑌗𑍍𑌰𑌹𑍌 ॥ 21 ॥
𑌪𑍍𑌰𑌾𑌪𑍍𑌤𑍇 𑌯𑍂𑌪𑍋𑌚𑍍𑌛𑍍𑌰𑌯𑍇 𑌤𑌸𑍍𑌮𑌿𑌨𑍍𑌷𑌡𑍍𑌬𑍈𑌲𑍍𑌵𑌾𑌃 𑌖𑌾𑌦𑌿𑌰𑌾𑌸𑍍𑌤𑌥𑌾 ।
𑌤𑌾𑌵𑌂𑌤𑍋 𑌬𑌿𑌲𑍍𑌵𑌸𑌹𑌿𑌤𑌾𑌃 𑌪𑌰𑍍𑌣𑌿𑌨𑌶𑍍𑌚 𑌤𑌥𑌾𑌪𑌰𑍇 ॥ 22 ॥
𑌶𑍍𑌲𑍇𑌷𑍍𑌮𑌾𑌤𑌕𑌮𑌯𑌸𑍍𑌤𑍍𑌵𑍇𑌕𑍋 𑌦𑍇𑌵𑌦𑌾𑌰𑍁𑌮𑌯𑌸𑍍𑌤𑌥𑌾 ।
𑌦𑍍𑌵𑌾𑌵𑍇𑌵 𑌵𑌿𑌹𑌿𑌤𑍌 𑌤𑌤𑍍𑌰 𑌬𑌾𑌹𑍁𑌵𑍍𑌯𑌸𑍍𑌤𑌪𑌰𑌿𑌗𑍍𑌰𑌹𑍌 ॥ 23 ॥
𑌕𑌾𑌰𑌿𑌤𑌾𑌸𑍍𑌸𑌰𑍍𑌵 𑌏𑌵𑍈𑌤𑍇 𑌶𑌾𑌸𑍍𑌤𑍍𑌰𑌜𑍍𑌞𑍈𑌰𑍍𑌯𑌜𑍍𑌞𑌕𑍋𑌵𑌿𑌦𑍈𑌃 ।
𑌶𑍋𑌭𑌾𑌰𑍍𑌥𑌂 𑌤𑌸𑍍𑌯 𑌯𑌜𑍍𑌞𑌸𑍍𑌯 𑌕𑌾𑌂𑌚𑌨𑌾𑌲𑌂𑌕𑍃𑌤𑌾𑌽𑌭𑌵𑌨𑍍 ॥ 24 ॥
𑌏𑌕𑌵𑌿𑌂𑌶𑌤𑌿𑌯𑍂𑌪𑌾𑌸𑍍𑌤𑍇 𑌏𑌕𑌵𑌿𑌂𑌶𑌤𑍍𑌯𑌰𑌤𑍍𑌨𑌯𑌃 ।
𑌵𑌾𑌸𑍋𑌭𑌿𑌰𑍇𑌕𑌵𑌿𑌂𑌶𑌦𑍍𑌭𑌿𑌰𑍇𑌕𑍈𑌕𑌂 𑌸𑌮𑌲𑌂𑌕𑍃𑌤𑌾𑌃 ॥ 25 ॥
𑌵𑌿𑌨𑍍𑌯𑌸𑍍𑌤𑌾 𑌵𑌿𑌧𑌿𑌵𑌤𑍍𑌸𑌰𑍍𑌵𑍇 𑌶𑌿𑌲𑍍𑌪𑌿𑌭𑌿𑌸𑍍𑌸𑍁𑌕𑍃𑌤𑌾 𑌦𑍃𑌢𑌾𑌃 ।
𑌅𑌷𑍍𑌟𑌾𑌶𑍍𑌰𑌯𑌸𑍍𑌸𑌰𑍍𑌵 𑌏𑌵 𑌶𑍍𑌲𑌕𑍍𑌷𑍍𑌣𑌰𑍂𑌪𑌸𑌮𑌨𑍍𑌵𑌿𑌤𑌾𑌃 ॥ 26 ॥
𑌆𑌚𑍍𑌛𑌾𑌦𑌿𑌤𑌾𑌸𑍍𑌤𑍇 𑌵𑌾𑌸𑍋𑌭𑌿𑌃 𑌪𑍁𑌷𑍍𑌪𑍈𑌰𑍍𑌗𑌂𑌧𑍈𑌶𑍍𑌚 𑌭𑍂𑌷𑌿𑌤𑌾𑌃 ।
𑌸𑌪𑍍𑌤𑌰𑍍𑌷𑌯𑍋 𑌦𑍀𑌪𑍍𑌤𑌿𑌮𑌂𑌤𑍋 𑌵𑌿𑌰𑌾𑌜𑌂𑌤𑍇 𑌯𑌥𑌾 𑌦𑌿𑌵𑌿 ॥ 2 ॥
𑌇𑌷𑍍𑌟𑌕𑌾𑌶𑍍𑌚 𑌯𑌥𑌾𑌨𑍍𑌯𑌾𑌯𑌂 𑌕𑌾𑌰𑌿𑌤𑌾𑌶𑍍𑌚 𑌪𑍍𑌰𑌮𑌾𑌣𑌤𑌃 ।
𑌚𑌿𑌤𑍋𑌽𑌗𑍍𑌨𑌿𑌰𑍍𑌬𑍍𑌰𑌾𑌹𑍍𑌮𑌣𑍈𑌸𑍍𑌤𑌤𑍍𑌰 𑌕𑍁𑌶𑌲𑍈𑌶𑍍𑌶𑍁𑌲𑍍𑌬𑌕𑌰𑍍𑌮𑌣𑌿 ॥ 2 ॥
𑌸𑌚𑌿𑌤𑍍𑌯𑍋 𑌰𑌾𑌜𑌸𑌿𑌂𑌹𑌸𑍍𑌯 𑌸𑌂𑌚𑌿𑌤𑌃 𑌕𑍁𑌶𑌲𑍈𑌰𑍍𑌦𑍍𑌵𑌿𑌜𑍈𑌃 ।
𑌗𑌰𑍁𑌡𑍋 𑌰𑍁𑌕𑍍𑌮𑌪𑌕𑍍𑌷𑍋 𑌵𑍈 𑌤𑍍𑌰𑌿𑌗𑍁𑌣𑍋𑌽𑌷𑍍𑌟𑌾𑌦𑌶𑌾𑌤𑍍𑌮𑌕𑌃 ॥ 2 ॥
𑌨𑌿𑌯𑍁𑌕𑍍𑌤𑌾𑌸𑍍𑌤𑌤𑍍𑌰 𑌪𑌶𑌵𑌸𑍍𑌤𑌤𑍍𑌤𑌦𑍁𑌦𑍍𑌦𑌿𑌶𑍍𑌯 𑌦𑍈𑌵𑌤𑌮𑍍 ।
𑌉𑌰𑌗𑌾𑌃 𑌪𑌕𑍍𑌷𑌿𑌣𑌶𑍍𑌚𑍈𑌵 𑌯𑌥𑌾𑌶𑌾𑌸𑍍𑌤𑍍𑌰𑌂 𑌪𑍍𑌰𑌚𑍋𑌦𑌿𑌤𑌾𑌃 ॥ 30 ॥
𑌶𑌾𑌮𑌿𑌤𑍍𑌰𑍇 𑌤𑍁 𑌹𑌯𑌸𑍍𑌤𑌤𑍍𑌰 𑌤𑌥𑌾 𑌜𑌲𑌚𑌰𑌾𑌶𑍍𑌚 𑌯𑍇 ।
𑌋𑌤𑍍𑌵𑌿𑌗𑍍𑌭𑌿𑌸𑍍𑌸𑌰𑍍𑌵𑌮𑍇𑌵𑍈𑌤𑌨𑍍𑌨𑌿𑌯𑍁𑌕𑍍𑌤𑌂 𑌶𑌾𑌸𑍍𑌤𑍍𑌰𑌤𑌸𑍍𑌤𑌦𑌾 ॥ 31 ॥
𑌪𑌶𑍂𑌨𑌾𑌂 𑌤𑍍𑌰𑌿𑌶𑌤𑌂 𑌤𑌤𑍍𑌰 𑌯𑍂𑌪𑍇𑌷𑍁 𑌨𑌿𑌯𑌤𑌂 𑌤𑌦𑌾 ।
𑌅𑌶𑍍𑌵𑌰𑌤𑍍𑌨𑍋𑌤𑍍𑌤𑌮𑌂 𑌤𑌸𑍍𑌯 𑌰𑌾𑌜𑍍𑌞𑍋 𑌦𑌶𑌰𑌥𑌸𑍍𑌯 𑌚 ॥ 32 ॥
𑌕𑍌𑌸𑌲𑍍𑌯𑌾 𑌤𑌂 𑌹𑌯𑌂 𑌤𑌤𑍍𑌰 𑌪𑌰𑌿𑌚𑌰𑍍𑌯 𑌸𑌮𑌂𑌤𑌤𑌃 ।
𑌕𑍃𑌪𑌾𑌣𑍈𑌰𑍍𑌵𑌿𑌶𑌶𑌾𑌸𑍈𑌨𑌂 𑌤𑍍𑌰𑌿𑌭𑌿𑌃 𑌪𑌰𑌮𑌯𑌾 𑌮𑍁𑌦𑌾 ॥ 33 ॥
𑌪𑌤𑌤𑍍𑌰𑌿𑌣𑌾 𑌤𑌦𑌾 𑌸𑌾𑌰𑍍𑌧𑌂 𑌸𑍁𑌸𑍍𑌥𑌿𑌤𑍇𑌨 𑌚 𑌚𑍇𑌤𑌸𑌾 ।
𑌅𑌵𑌸𑌦𑍍𑌰𑌜𑌨𑍀𑌮𑍇𑌕𑌾𑌂 𑌕𑍌𑌶𑌲𑍍𑌯𑌾 𑌧𑌰𑍍𑌮𑌕𑌾𑌮𑍍𑌯𑌯𑌾 ॥ 34 ॥
𑌹𑍋𑌤𑌾𑌽𑌧𑍍𑌵𑌰𑍍𑌯𑍁𑌸𑍍𑌤𑌥𑍋𑌦𑍍𑌗𑌾𑌤𑌾 𑌹𑌸𑍍𑌤𑍇𑌨 𑌸𑌮𑌯𑍋𑌜𑌯𑌨𑍍 ।
𑌮𑌹𑌿𑌷𑍍𑌯𑌾 𑌪𑌰𑌿𑌵𑍃𑌤𑍍𑌤𑍍𑌯𑌾 𑌚 𑌵𑌾𑌵𑌾𑌤𑌾𑌂 𑌚 𑌤𑌥𑌾𑌪𑌰𑌾𑌮𑍍 ॥ 35 ॥
𑌪𑌤𑌤𑍍𑌰𑌿𑌣𑌸𑍍𑌤𑌸𑍍𑌯 𑌵𑌪𑌾 𑌮𑍁𑌦𑍍𑌧𑍃𑌤𑍍𑌯 𑌨𑌿𑌯𑌤𑍇𑌂𑌦𑍍𑌰𑌿𑌯𑌃 ।
𑌋𑌤𑍍𑌵𑌿𑌕𑍍𑌪𑌰𑌮𑌸𑌂𑌪𑌨𑍍𑌨𑌃 𑌶𑍍𑌰𑌪𑌯𑌾𑌮𑌾𑌸 𑌶𑌾𑌸𑍍𑌤𑍍𑌰𑌤𑌃 ॥ 36 ॥
𑌧𑍂𑌮𑌗𑌂𑌧𑌂 𑌵𑌪𑌾𑌯𑌾𑌸𑍍𑌤𑍁 𑌜𑌿𑌘𑍍𑌰𑌤𑌿 𑌸𑍍𑌮 𑌨𑌰𑌾𑌧𑌿𑌪𑌃 ।
𑌯𑌥𑌾𑌕𑌾𑌲𑌂 𑌯𑌥𑌾𑌨𑍍𑌯𑌾𑌯𑌂 𑌨𑌿𑌰𑍍𑌣𑍁𑌦𑌨𑍍𑌪𑌾𑌪𑌮𑌾𑌤𑍍𑌮𑌨𑌃 ॥ 3 ॥
𑌹𑌯𑌸𑍍𑌯 𑌯𑌾𑌨𑌿 𑌚𑌾𑌂𑌗𑌾𑌨𑌿 𑌤𑌾𑌨𑌿 𑌸𑌰𑍍𑌵𑌾𑌣𑌿 𑌬𑍍𑌰𑌾𑌹𑍍𑌮𑌣𑌾𑌃 ।
𑌅𑌗𑍍𑌨𑍌 𑌪𑍍𑌰𑌾𑌸𑍍𑌯𑌂𑌤𑌿 𑌵𑌿𑌧𑌿𑌵𑌤𑍍𑌸𑌮𑌂𑌤𑍍𑌰𑌾𑌷𑍍𑌷𑍋𑌡𑌶𑌰𑍍𑌤𑍍𑌵𑌿𑌜𑌃 ॥ 3 ॥
𑌪𑍍𑌲𑌕𑍍𑌷𑌶𑌾𑌖𑌾𑌸𑍁 𑌯𑌜𑍍𑌞𑌾𑌨𑌾𑌮𑌨𑍍𑌯𑍇𑌷𑌾𑌂 𑌕𑍍𑌰𑌿𑌯𑌤𑍇 𑌹𑌵𑌿𑌃 ।
𑌅𑌶𑍍𑌵𑌮𑍇𑌧𑌸𑍍𑌯 𑌯𑌜𑍍𑌞𑌸𑍍𑌯 𑌵𑍈𑌤𑌸𑍋 𑌭𑌾𑌗 𑌇𑌷𑍍𑌯𑌤𑍇 ॥ 3 ॥
𑌤𑍍𑌰𑍍𑌯𑌹𑍋𑌽𑌶𑍍𑌵𑌮𑍇𑌧𑌸𑍍𑌸𑌂𑌖𑍍𑌯𑌾𑌤𑌃 𑌕𑌲𑍍𑌪𑌸𑍂𑌤𑍍𑌰𑍇𑌣 𑌬𑍍𑌰𑌾𑌹𑍍𑌮𑌣𑍈𑌃 ।
3 𑌚𑌤𑍁𑌷𑍍𑌟𑍋𑌮𑌮𑌹𑌸𑍍𑌤𑌸𑍍𑌯 𑌪𑍍𑌰𑌥𑌮𑌂 𑌪𑌰𑌿𑌕𑌲𑍍𑌪𑌿𑌤𑌮𑍍 ॥ 40 ॥
𑌉𑌕𑍍𑌥𑍍𑌯𑌂 𑌦𑍍𑌵𑌿𑌤𑍀𑌯𑌂 𑌸𑌂𑌖𑍍𑌯𑌾𑌤𑌮𑌤𑌿𑌰𑌾𑌤𑍍𑌰𑌂 𑌤𑌥𑍋𑌤𑍍𑌤𑌰𑌮𑍍 ।
𑌕𑌾𑌰𑌿𑌤𑌾𑌸𑍍𑌤𑌤𑍍𑌰 𑌬𑌹𑌵𑍋 𑌵𑌿𑌹𑌿𑌤𑌾𑌶𑍍𑌶𑌾𑌸𑍍𑌤𑍍𑌰𑌦𑌰𑍍𑌶𑌨𑌾𑌤𑍍 ॥ 41 ॥
𑌜𑍍𑌯𑍋𑌤𑌿𑌷𑍍𑌟𑍋𑌮𑌾𑌯𑍁𑌷𑍀 𑌚𑍈𑌵𑌮𑌤𑌿𑌰𑌾𑌤𑍍𑌰𑍌 𑌵𑌿𑌨𑌿𑌰𑍍𑌮𑌿𑌤𑍌 ।
𑌅𑌭𑌿𑌜𑌿𑌦𑍍𑌵𑌿𑌶𑍍𑌵𑌜𑌿𑌚𑍍𑌚𑍈𑌵𑌮𑌪𑍍𑌤𑍋𑌰𑍍𑌯𑌾𑌮𑍋 𑌮𑌹𑌾𑌕𑍍𑌰𑌤𑍁𑌃 ॥ 42 ॥
𑌪𑍍𑌰𑌾𑌚𑍀𑌂 𑌹𑍋𑌤𑍍𑌰𑍇 𑌦𑌦𑍌 𑌰𑌾𑌜𑌾 𑌦𑌿𑌶𑌂 𑌸𑍍𑌵𑌕𑍁𑌲𑌵𑌰𑍍𑌧𑌨𑌃 ।
𑌅𑌧𑍍𑌵𑌰𑍍𑌯𑌵𑍇 𑌪𑍍𑌰𑌤𑍀𑌚𑍀𑌂 𑌤𑍁 𑌬𑍍𑌰𑌹𑍍𑌮𑌣𑍇 𑌦𑌕𑍍𑌷𑌿𑌣𑌾𑌂 𑌦𑌿𑌶𑌮𑍍 ॥ 43 ॥
𑌉𑌦𑍍𑌗𑌾𑌤𑍍𑌰𑍇 𑌚 𑌤𑌥𑍋𑌦𑍀𑌚𑍀𑌂 𑌦𑌕𑍍𑌷𑌿𑌣𑍈𑌷𑌾 𑌵𑌿𑌨𑌿𑌰𑍍𑌮𑌿𑌤𑌾 ।
𑌹𑌯𑌮𑍇𑌧𑍇 𑌮𑌹𑌾𑌯𑌜𑍍𑌞𑍇 𑌸𑍍𑌵𑌯𑌂𑌭𑍂𑌵𑌿𑌹𑌿𑌤𑍇 𑌪𑍁𑌰𑌾 ॥ 44 ॥
𑌕𑍍𑌰𑌤𑍁𑌂 𑌸𑌮𑌾𑌪𑍍𑌯 𑌤𑍁 𑌤𑌦𑌾 𑌨𑍍𑌯𑌾𑌯𑌤𑌃 𑌪𑍁𑌰𑍁𑌷𑌰𑍍𑌷𑌭𑌃 ।
𑌋𑌤𑍍𑌵𑌿𑌗𑍍𑌭𑍍𑌯𑍋 𑌹𑌿 𑌦𑌦𑍌 𑌰𑌾𑌜𑌾 𑌤𑌾𑌂 𑌧𑌰𑌾𑌂 𑌕𑍁𑌲𑌵𑌰𑍍𑌧𑌨𑌃 ॥ 45 ॥
𑌋𑌤𑍍𑌵𑌿𑌜𑌸𑍍𑌤𑍍𑌵𑌬𑍍𑌰𑍁𑌵𑌨𑍍𑌸𑌰𑍍𑌵𑍇 𑌰𑌾𑌜𑌾𑌨𑌂 𑌗𑌤𑌕𑌲𑍍𑌮𑌷𑌮𑍍 ।
𑌭𑌵𑌾𑌨𑍇𑌵 𑌮𑌹𑍀𑌂 𑌕𑍃𑌤𑍍𑌸𑍍𑌨𑌾𑌮𑍇𑌕𑍋 𑌰𑌕𑍍𑌷𑌿𑌤𑍁𑌮𑌰𑍍𑌹𑌤𑌿 ॥ 46 ॥
𑌨 𑌭𑍂𑌮𑍍𑌯𑌾 𑌕𑌾𑌰𑍍𑌯𑌮𑌸𑍍𑌮𑌾𑌕𑌂 𑌨 𑌹𑌿 𑌶𑌕𑍍𑌤𑌾𑌸𑍍𑌸𑍍𑌮 𑌪𑌾𑌲𑌨𑍇 ।
𑌰𑌤𑌾𑌸𑍍𑌸𑍍𑌵𑌾𑌧𑍍𑌯𑌾𑌯𑌕𑌰𑌣𑍇 𑌵𑌯𑌂 𑌨𑌿𑌤𑍍𑌯𑌂 𑌹𑌿 𑌭𑍂𑌮𑌿𑌪 ॥ 4 ॥
𑌨𑌿𑌷𑍍𑌕𑍍𑌰𑌯𑌂 𑌕𑌿𑌂𑌚𑌿𑌦𑍇𑌵𑍇𑌹 𑌪𑍍𑌰𑌯𑌚𑍍𑌛𑌤𑍁 𑌭𑌵𑌾𑌨𑌿𑌤𑌿 ।
4 𑌮𑌣𑌿𑌰𑌤𑍍𑌨𑌂 𑌸𑍁𑌵𑌰𑍍𑌣𑌂 𑌵𑌾 𑌗𑌾𑌵𑍋 𑌯𑌦𑍍𑌵𑌾 𑌸𑌮𑍁𑌦𑍍𑌯𑌤𑌮𑍍 ।
𑌤𑌤𑍍𑌪𑍍𑌰𑌯𑌚𑍍𑌛 𑌨𑌰𑌶𑍍𑌰𑍇𑌷𑍍𑌠 𑌧𑌰𑌣𑍍𑌯𑌾 𑌨 𑌪𑍍𑌰𑌯𑍋𑌜𑌨𑌮𑍍 ॥ 4 ॥
𑌏𑌵𑌮𑍁𑌕𑍍𑌤𑍋 𑌨𑌰𑌪𑌤𑌿𑌰𑍍𑌬𑍍𑌰𑌾𑌹𑍍𑌮𑌣𑍈𑌰𑍍𑌵𑍇𑌦𑌪𑌾𑌰𑌗𑍈𑌃 ॥ 4 ॥
𑌗𑌵𑌾𑌂 𑌶𑌤𑌸𑌹𑌸𑍍𑌰𑌾𑌣𑌿 𑌦𑌶 𑌤𑍇𑌭𑍍𑌯𑍋 𑌦𑌦𑍌 𑌨𑍃𑌪𑌃 ।
4 𑌶𑌤𑌕𑍋𑌟𑍀𑌸𑍍𑌸𑍁𑌵𑌰𑍍𑌣𑌸𑍍𑌯 𑌰𑌜𑌤𑌸𑍍𑌯 𑌚𑌤𑍁𑌰𑍍𑌗𑍁𑌣𑌮𑍍 ॥ 50 ॥
𑌋𑌤𑍍𑌵𑌿𑌜𑌶𑍍𑌚 𑌤𑌤𑌸𑍍𑌸𑌰𑍍𑌵𑍇 𑌪𑍍𑌰𑌦𑌦𑍁𑌸𑍍𑌸𑌹𑌿𑌤𑌾 𑌵𑌸𑍁 ।
𑌋𑌶𑍍𑌯𑌶𑍃𑌂𑌗𑌾𑌯 𑌮𑍁𑌨𑌯𑍇 𑌵𑌸𑌿𑌷𑍍𑌠𑌾𑌯 𑌚 𑌧𑍀𑌮𑌤𑍇 ॥ 51 ॥
𑌤𑌤𑌸𑍍𑌤𑍇 𑌨𑍍𑌯𑌾𑌯𑌤𑌃 𑌕𑍃𑌤𑍍𑌵𑌾 𑌪𑍍𑌰𑌵𑌿𑌭𑌾𑌗𑌂 𑌦𑍍𑌵𑌿𑌜𑍋𑌤𑍍𑌤𑌮𑌾𑌃 ।
𑌸𑍁𑌪𑍍𑌰𑍀𑌤𑌮𑌨𑌸𑌸𑍍𑌸𑌰𑍍𑌵𑍇 𑌪𑍍𑌰𑌤𑍍𑌯𑍂𑌚𑍁𑌰𑍍𑌮𑍁𑌦𑌿𑌤𑌾 𑌭𑍃𑌶𑌮𑍍 ॥ 52 ॥
𑌤𑌤𑌃 𑌪𑍍𑌰𑌸𑌰𑍍𑌪𑌕𑍈𑌭𑍍𑌯𑌸𑍍𑌤𑍁 𑌹𑌿𑌰𑌣𑍍𑌯𑌂 𑌸𑍁𑌸𑌮𑌾𑌹𑌿𑌤𑌃 ।
𑌜𑌾𑌂𑌬𑍂𑌨𑌦𑌂 𑌕𑍋𑌟𑌿𑌸𑌂𑌖𑍍𑌯𑌂 𑌬𑍍𑌰𑌾𑌹𑍍𑌮𑌣𑍇𑌭𑍍𑌯𑍋 𑌦𑌦𑍌 𑌤𑌦𑌾 ॥ 53 ॥
𑌦𑌰𑌿𑌦𑍍𑌰𑌾𑌯 𑌦𑍍𑌵𑌿𑌜𑌾𑌯𑌾𑌥 𑌹𑌸𑍍𑌤𑌾𑌭𑌰𑌣𑌮𑍁𑌤𑍍𑌤𑌮𑌮𑍍 ।
𑌕𑌸𑍍𑌮𑍈𑌚𑌿𑌦𑍍𑌯𑌾𑌚𑌮𑌾𑌨𑌾𑌯 𑌦𑌦𑍌 𑌰𑌾𑌘𑌵𑌨𑌂𑌦𑌨𑌃 ॥ 54 ॥
𑌤𑌤𑌃 𑌪𑍍𑌰𑍀𑌤𑍇𑌷𑍁 𑌨𑍃𑌪𑌤𑌿𑌰𑍍𑌦𑍍𑌵𑌿𑌜𑍇𑌷𑍁 𑌦𑍍𑌵𑌿𑌜𑌵𑌤𑍍𑌸𑌲𑌃 ।
𑌪𑍍𑌰𑌣𑌾𑌮𑌮𑌕𑌰𑍋𑌤𑍍𑌤𑍇𑌷𑌾𑌂 𑌹𑌰𑍍𑌷𑌪𑌰𑍍𑌯𑌾𑌕𑍁𑌲𑍇𑌕𑍍𑌷𑌣𑌃 ॥ 55 ॥
𑌤𑌸𑍍𑌯𑌾𑌶𑌿𑌷𑍋𑌽𑌥 𑌵𑌿𑌧𑌿𑌵𑌦𑍍𑌬𑍍𑌰𑌾𑌹𑍍𑌮𑌣𑍈𑌸𑍍𑌸𑌮𑍁𑌦𑍀𑌰𑌿𑌤𑌾𑌃 ।
𑌉𑌦𑌾𑌰𑌸𑍍𑌯 𑌨𑍃𑌵𑍀𑌰𑌸𑍍𑌯 𑌧𑌰𑌣𑍍𑌯𑌾𑌂 𑌪𑍍𑌰𑌣𑌤𑌸𑍍𑌯 𑌚 ॥ 56 ॥
𑌤𑌤𑌃 𑌪𑍍𑌰𑍀𑌤𑌮𑌨𑌾 𑌰𑌾𑌜𑌾 𑌪𑍍𑌰𑌾𑌪𑍍𑌯 𑌯𑌜𑍍𑌞𑌮𑌨𑍁𑌤𑍍𑌤𑌮𑌮𑍍 ।
𑌪𑌾𑌪𑌾𑌪𑌹𑌂 𑌸𑍍𑌵𑌰𑍍𑌨𑌯𑌨𑌂 𑌦𑍁𑌷𑍍𑌕𑌰𑌂 𑌪𑌾𑌰𑍍𑌥𑌿𑌵𑌰𑍍𑌷𑌭𑍈𑌃 ॥ 5 ॥
𑌤𑌤𑍋𑌽𑌬𑍍𑌰𑌵𑍀𑌦𑍃𑌶𑍍𑌯𑌶𑍃𑌂𑌗𑌂 𑌰𑌾𑌜𑌾 𑌦𑌶𑌰𑌥𑌸𑍍𑌤𑌦𑌾 ।
𑌕𑍁𑌲𑌸𑍍𑌯 𑌵𑌰𑍍𑌧𑌨𑌂 𑌤𑍍𑌵𑌂 𑌤𑍁 𑌕𑌰𑍍𑌤𑍁𑌮𑌰𑍍𑌹𑌸𑌿 𑌸𑍁𑌵𑍍𑌰𑌤 ॥ 5 ॥
𑌤𑌥𑍇𑌤𑌿 𑌚 𑌸 𑌰𑌾𑌜𑌾𑌨𑌮𑍁𑌵𑌾𑌚 𑌦𑍍𑌵𑌿𑌜𑌸𑌤𑍍𑌤𑌮𑌃 ।
𑌭𑌵𑌿𑌷𑍍𑌯𑌂𑌤𑌿 𑌸𑍁𑌤𑌾 𑌰𑌾𑌜𑌂𑌶𑍍𑌚𑌤𑍍𑌵𑌾𑌰𑌸𑍍𑌤𑍇 𑌕𑍁𑌲𑍋𑌦𑍍𑌵𑌹𑌾𑌃 ॥ 5 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌬𑌾𑌲𑌕𑌾𑌂𑌡𑍇 𑌚𑌤𑍁𑌰𑍍𑌦𑌶𑌸𑍍𑌸𑌰𑍍𑌗𑌃 ॥
