Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

1.1𑍮 𑌬𑌾𑌲𑌕𑌾𑌂𑌡 - 𑌅𑌷𑍍𑌟𑌾𑌦𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌬𑌾𑌲𑌕𑌾𑌂𑌡𑌮𑍍 ।
𑌅𑌥 𑌅𑌷𑍍𑌟𑌾𑌦𑌶𑌸𑍍𑌸𑌰𑍍𑌗𑌃 ।

𑌨𑌿𑌰𑍍𑌵𑍃𑌤𑍍𑌤𑍇 𑌤𑍁 𑌕𑍍𑌰𑌤𑍌 𑌤𑌸𑍍𑌮𑌿𑌨𑍍𑌹𑌯𑌮𑍇𑌧𑍇 𑌮𑌹𑌾𑌤𑍍𑌮𑌨𑌃 ।
𑌪𑍍𑌰𑌤𑌿𑌗𑍃𑌹𑍍𑌯 𑌸𑍁𑌰𑌾 𑌭𑌾𑌗𑌾𑌨𑍍𑌪𑍍𑌰𑌤𑌿𑌜𑌗𑍍𑌮𑍁𑌰𑍍𑌯𑌥𑌾𑌗𑌤𑌮𑍍 ॥ 1 ॥

𑌸𑌮𑌾𑌪𑍍𑌤𑌦𑍀𑌕𑍍𑌷𑌾𑌨𑌿𑌯𑌮𑌃 𑌪𑌤𑍍𑌨𑍀𑌗𑌣𑌸𑌮𑌨𑍍𑌵𑌿𑌤𑌃 ।
𑌪𑍍𑌰𑌵𑌿𑌵𑍇𑌶 𑌪𑍁𑌰𑍀𑌂 𑌰𑌾𑌜𑌾 𑌸𑌭𑍃𑌤𑍍𑌯𑌬𑌲𑌵𑌾𑌹𑌨𑌃 ॥ 2 ॥

𑌯𑌥𑌾𑌰𑍍𑌹𑌂 𑌪𑍂𑌜𑌿𑌤𑌾𑌸𑍍𑌤𑍇𑌨 𑌰𑌾𑌜𑍍𑌞𑌾 𑌵𑍈 𑌪𑍃𑌥𑌿𑌵𑍀𑌶𑍍𑌵𑌰𑌾𑌃 ।
𑌮𑍁𑌦𑌿𑌤𑌾𑌃 𑌪𑍍𑌰𑌯𑌯𑍁𑌰𑍍𑌦𑍇𑌶𑌾𑌨𑍍𑌪𑍍𑌰𑌣𑌮𑍍𑌯 𑌮𑍁𑌨𑌿𑌪𑍁𑌂𑌗𑌵𑌮𑍍 ॥ 3 ॥

𑌶𑍍𑌰𑍀𑌮𑌤𑌾𑌂 𑌗𑌚𑍍𑌛𑌤𑌾𑌂 𑌤𑍇𑌷𑌾𑌂 𑌸𑍍𑌵𑌪𑍁𑌰𑌾𑌣𑌿 𑌪𑍁𑌰𑌾𑌤𑍍𑌤𑌤𑌃 ।
𑌬𑌲𑌾𑌨𑌿 𑌰𑌾𑌜𑍍𑌞𑌾𑌂 𑌶𑍁𑌭𑍍𑌰𑌾𑌣𑌿 𑌪𑍍𑌰𑌹𑍃𑌷𑍍𑌟𑌾𑌨𑌿 𑌚𑌕𑌾𑌶𑌿𑌰𑍇 ॥ 4 ॥

𑌗𑌤𑍇𑌷𑍁 𑌪𑍃𑌥𑌿𑌵𑍀𑌶𑍇𑌷𑍁 𑌰𑌾𑌜𑌾 𑌦𑌶𑌰𑌥𑌸𑍍𑌤𑌦𑌾 ।
𑌪𑍍𑌰𑌵𑌿𑌵𑍇𑌶 𑌪𑍁𑌰𑍀𑌂 𑌶𑍍𑌰𑍀𑌮𑌾𑌨𑍍 𑌪𑍁𑌰𑌸𑍍𑌕𑍃𑌤𑍍𑌯 𑌦𑍍𑌵𑌿𑌜𑍋𑌤𑍍𑌤𑌮𑌾𑌨𑍍 ॥ 5 ॥

𑌶𑌾𑌂𑌤𑌯𑌾 𑌪𑍍𑌰𑌯𑌯𑍌 𑌸𑌾𑌰𑍍𑌧𑌮𑍃𑌶𑍍𑌯𑌶𑍃𑌂𑌗𑌸𑍍𑌸𑍁𑌪𑍂𑌜𑌿𑌤𑌃 ।
𑌅𑌨𑍍𑌵𑍀𑌯𑌮𑌾𑌨𑍋 𑌰𑌾𑌜𑍍𑌞𑌾𑌽𑌥 𑌸𑌾𑌨𑍁𑌯𑌾𑌤𑍍𑌰𑍇𑌣 𑌧𑍀𑌮𑌤𑌾 ॥ 6 ॥

𑌏𑌵𑌂 𑌵𑌿𑌸𑍃𑌜𑍍𑌯 𑌤𑌾𑌨𑍍𑌸𑌰𑍍𑌵𑌾𑌨𑍍𑌰𑌾𑌜𑌾 𑌸𑌂𑌪𑍂𑌰𑍍𑌣𑌮𑌾𑌨𑌸𑌃 ।
𑌉𑌵𑌾𑌸 𑌸𑍁𑌖𑌿𑌤𑌸𑍍𑌤𑌤𑍍𑌰 𑌪𑍁𑌤𑍍𑌰𑍋𑌤𑍍𑌪𑌤𑍍𑌤𑌿𑌂 𑌵𑌿𑌚𑌿𑌂𑌤𑌯𑌨𑍍 ॥ 𑍭 ॥

𑌤𑌤𑍋 𑌯𑌜𑍍𑌞𑍇 𑌸𑌮𑌾𑌪𑍍𑌤𑍇 𑌤𑍁 𑌋𑌤𑍂𑌨𑌾𑌂 𑌷𑌟𑍍𑌸𑌮𑌤𑍍𑌯𑌯𑍁𑌃 ।
𑌤𑌤𑌶𑍍𑌚 𑌦𑍍𑌵𑌾𑌦𑌶𑍇 𑌮𑌾𑌸𑍇 𑌚𑍈𑌤𑍍𑌰𑍇 𑌨𑌾𑌵𑌮𑌿𑌕𑍇 𑌤𑌿𑌥𑍌 ॥ 𑍮 ॥

𑌨𑌕𑍍𑌷𑌤𑍍𑌰𑍇𑌽𑌦𑌿𑌤𑌿𑌦𑍈𑌵𑌤𑍍𑌯𑍇 𑌸𑍍𑌵𑍋𑌚𑍍𑌚𑌸𑌂𑌸𑍍𑌥𑍇𑌷𑍁 𑌪𑌂𑌚𑌸𑍁 ।
𑌗𑍍𑌰𑌹𑍇𑌷𑍁 𑌕𑌰𑍍𑌕𑌟𑍇 𑌲𑌗𑍍𑌨𑍇 𑌵𑌾𑌕𑍍𑌪𑌤𑌾𑌵𑌿𑌂𑌦𑍁𑌨𑌾 𑌸𑌹 ॥ 𑍯 ॥

𑌪𑍍𑌰𑍋𑌦𑍍𑌯𑌮𑌾𑌨𑍇 𑌜𑌗𑌨𑍍𑌨𑌾𑌥𑌂 𑌸𑌰𑍍𑌵𑌲𑍋𑌕𑌨𑌮𑌸𑍍𑌕𑍃𑌤𑌮𑍍 ।
𑌕𑍌𑌸𑌲𑍍𑌯𑌾𑌽𑌜𑌨𑌯𑌦𑍍𑌰𑌾𑌮𑌂 𑌸𑌰𑍍𑌵𑌲𑌕𑍍𑌷𑌣𑌸𑌂𑌯𑍁𑌤𑌮𑍍 ॥ 10 ॥

𑌵𑌿𑌷𑍍𑌣𑍋𑌰𑌰𑍍𑌧𑌂 𑌮𑌹𑌾𑌭𑌾𑌗𑌂 𑌪𑍁𑌤𑍍𑌰𑌮𑍈𑌕𑍍𑌷𑍍𑌵𑌾𑌕𑍁𑌵𑌰𑍍𑌧𑌨𑌮𑍍 ।
𑌕𑍌𑌸𑌲𑍍𑌯𑌾 𑌶𑍁𑌶𑍁𑌭𑍇 𑌤𑍇𑌨 𑌪𑍁𑌤𑍍𑌰𑍇𑌣𑌾𑌮𑌿𑌤𑌤𑍇𑌜𑌸𑌾 ॥ 11 ॥

𑌯𑌥𑌾 𑌵𑌰𑍇𑌣 𑌦𑍇𑌵𑌾𑌨𑌾𑌮𑌦𑌿𑌤𑌿𑌰𑍍𑌵𑌜𑍍𑌰𑌪𑌾𑌣𑌿𑌨𑌾 ।
𑌭𑌰𑌤𑍋 𑌨𑌾𑌮 𑌕𑍈𑌕𑍇𑌯𑍍𑌯𑌾𑌂 𑌜𑌜𑍍𑌞𑍇 𑌸𑌤𑍍𑌯𑌪𑌰𑌾𑌕𑍍𑌰𑌮𑌃 ॥ 12 ॥

𑌸𑌾𑌕𑍍𑌷𑌾𑌦𑍍𑌵𑌿𑌷𑍍𑌣𑍋𑌶𑍍𑌚𑌤𑍁𑌰𑍍𑌭𑌾𑌗𑌸𑍍𑌸𑌰𑍍𑌵𑍈𑌸𑍍𑌸𑌮𑍁𑌦𑌿𑌤𑍋 𑌗𑍁𑌣𑍈𑌃 ।
𑌅𑌥 𑌲𑌕𑍍𑌷𑍍𑌮𑌣𑌶𑌤𑍍𑌰𑍁𑌘𑍍𑌨𑍌 𑌸𑍁𑌮𑌿𑌤𑍍𑌰𑌾𑌽𑌜𑌨𑌯𑌤𑍍𑌸𑍁𑌤𑍌 ॥ 13 ॥

𑌵𑍀𑌰𑍌 𑌸𑌰𑍍𑌵𑌾𑌸𑍍𑌤𑍍𑌰𑌕𑍁𑌶𑌲𑍌 𑌵𑌿𑌷𑍍𑌣𑍋𑌰𑌰𑍍𑌧𑌸𑌮𑌨𑍍𑌵𑌿𑌤𑍌 ।
𑌪𑍁𑌷𑍍𑌯𑍇 𑌜𑌾𑌤𑌸𑍍𑌤𑍁 𑌭𑌰𑌤𑍋 𑌮𑍀𑌨𑌲𑌗𑍍𑌨𑍇 𑌪𑍍𑌰𑌸𑌨𑍍𑌨𑌧𑍀𑌃 ॥ 14 ॥

𑌸𑌾𑌰𑍍𑌪𑍇 𑌜𑌾𑌤𑍌 𑌚 𑌸𑍌𑌮𑌿𑌤𑍍𑌰𑍀 𑌕𑍁𑌲𑍀𑌰𑍇𑌽𑌭𑍍𑌯𑍁𑌦𑌿𑌤𑍇 𑌰𑌵𑍌 ।
𑌰𑌾𑌜𑍍𑌞𑌃 𑌪𑍁𑌤𑍍𑌰𑌾 𑌮𑌹𑌾𑌤𑍍𑌮𑌾𑌨𑌶𑍍𑌚𑌤𑍍𑌵𑌾𑌰𑍋 𑌜𑌜𑍍𑌞𑌿𑌰𑍇 𑌪𑍃𑌥𑌕𑍍 ॥ 15 ॥

𑌗𑍁𑌣𑌵𑌂𑌤𑍋𑌽𑌨𑍁𑌰𑍂𑌪𑌾𑌶𑍍𑌚 𑌰𑍁𑌚𑍍𑌯𑌾 𑌪𑍍𑌰𑍋𑌷𑍍𑌠𑌪𑌦𑍋𑌪𑌮𑌾𑌃 ।
𑌜𑌗𑍁𑌃 𑌕𑌲𑌂 𑌚 𑌗𑌂𑌧𑌰𑍍𑌵𑌾 𑌨𑌨𑍃𑌤𑍁𑌶𑍍𑌚𑌾𑌪𑍍𑌸𑌰𑍋𑌗𑌣𑌾𑌃 ॥ 16 ॥

𑌦𑍇𑌵𑌦𑍁𑌂𑌦𑍁𑌭𑌯𑍋 𑌨𑍇𑌦𑍁𑌃 𑌪𑍁𑌷𑍍𑌪𑌵𑍃𑌷𑍍𑌟𑌿𑌶𑍍𑌚 𑌖𑌾𑌚𑍍𑌚𑍍𑌯𑍁𑌤𑌾 ।
𑌉𑌤𑍍𑌸𑌵𑌶𑍍𑌚 𑌮𑌹𑌾𑌨𑌾𑌸𑍀𑌦𑌯𑍋𑌧𑍍𑌯𑌾𑌯𑌾𑌂 𑌜𑌨𑌾𑌕𑍁𑌲𑌃 ॥ 1𑍭 ॥

𑌰𑌥𑍍𑌯𑌾𑌶𑍍𑌚 𑌜𑌨𑌸𑌂𑌬𑌾𑌧𑌾 𑌨𑌟𑌨𑌰𑍍𑌤𑌕𑌸𑌂𑌕𑍁𑌲𑌾𑌃 ।
𑌗𑌾𑌯𑌨𑍈𑌶𑍍𑌚 𑌵𑌿𑌰𑌾𑌵𑌿𑌣𑍍𑌯𑍋 𑌵𑌾𑌦𑌨𑍈𑌶𑍍𑌚 𑌤𑌥𑌾𑌽𑌪𑌰𑍈𑌃 ॥ 1𑍮 ॥

𑌪𑍍𑌰𑌦𑍇𑌯𑌾𑌂𑌶𑍍𑌚 𑌦𑌦𑍌 𑌰𑌾𑌜𑌾 𑌸𑍂𑌤𑌮𑌾𑌗𑌧𑌵𑌂𑌦𑌿𑌨𑌾𑌮𑍍 ।
𑌬𑍍𑌰𑌾𑌹𑍍𑌮𑌣𑍇𑌭𑍍𑌯𑍋 𑌦𑌦𑍌 𑌵𑌿𑌤𑍍𑌤𑌂 𑌗𑍋𑌧𑌨𑌾𑌨𑌿 𑌸𑌹𑌸𑍍𑌰𑌶𑌃 ॥ 1𑍯 ॥

𑌅𑌤𑍀𑌤𑍍𑌯𑍈𑌕𑌾𑌦𑌶𑌾𑌹𑌂 𑌤𑍁 𑌨𑌾𑌮𑌕𑌰𑍍𑌮 𑌤𑌥𑌾𑌽𑌕𑌰𑍋𑌤𑍍 ।
𑌜𑍍𑌯𑍇𑌷𑍍𑌠𑌂 𑌰𑌾𑌮𑌂 𑌮𑌹𑌾𑌤𑍍𑌮𑌾𑌨𑌂 𑌭𑌰𑌤𑌂 𑌕𑍈𑌕𑌯𑍀𑌸𑍁𑌤𑌮𑍍 ॥ 20 ॥

𑌸𑍌𑌮𑌿𑌤𑍍𑌰𑌿𑌂 𑌲𑌕𑍍𑌷𑍍𑌮𑌣𑌮𑌿𑌤𑌿 𑌶𑌤𑍍𑌰𑍁𑌘𑍍𑌨𑌮𑌪𑌰𑌂 𑌤𑌥𑌾 ।
𑌵𑌸𑌿𑌷𑍍𑌠𑌃 𑌪𑌰𑌮𑌪𑍍𑌰𑍀𑌤𑍋 𑌨𑌾𑌮𑌾𑌨𑌿 𑌕𑍃𑌤𑌵𑌾𑌨𑍍 𑌤𑌦𑌾 ॥ 21 ॥

𑌬𑍍𑌰𑌾𑌹𑍍𑌮𑌣𑌾𑌨𑍍𑌭𑍋𑌜𑌯𑌾𑌮𑌾𑌸 𑌪𑍌𑌰𑌾𑌂𑌜𑌾𑌨𑌪𑌦𑌾𑌨𑌪𑌿 ।
𑌅𑌦𑌦𑌾𑌦𑍍𑌬𑍍𑌰𑌹𑍍𑌮𑌣𑌾𑌨𑌾𑌂 𑌚 𑌰𑌤𑍍𑌨𑍌𑌘𑌮𑌮𑌿𑌤𑌂 𑌬𑌹𑍁 ॥ 22 ॥

𑌤𑍇𑌷𑌾𑌂 𑌜𑌨𑍍𑌮𑌕𑍍𑌰𑌿𑌯𑌾𑌦𑍀𑌨𑌿 𑌸𑌰𑍍𑌵𑌕𑌰𑍍𑌮𑌾𑌣𑍍𑌯𑌕𑌾𑌰𑌯𑌤𑍍 ।
𑌤𑍇𑌷𑌾𑌂 𑌕𑍇𑌤𑍁𑌰𑌿𑌵 𑌜𑍍𑌯𑍇𑌷𑍍𑌠𑍋 𑌰𑌾𑌮𑍋 𑌰𑌤𑌿𑌕𑌰𑌃 𑌪𑌿𑌤𑍁𑌃 ॥ 23 ॥

𑌬𑌭𑍂𑌵 𑌭𑍂𑌯𑍋 𑌭𑍂𑌤𑌾𑌨𑌾𑌂 𑌸𑍍𑌵𑌯𑌂𑌭𑍂𑌰𑌿𑌵 𑌸𑌮𑍍𑌮𑌤𑌃 ।
𑌸𑌰𑍍𑌵𑍇 𑌵𑍇𑌦𑌵𑌿𑌦𑌶𑍍𑌶𑍂𑌰𑌾𑌸𑍍𑌸𑌰𑍍𑌵𑍇 𑌲𑍋𑌕𑌹𑌿𑌤𑍇 𑌰𑌤𑌾𑌃 ॥ 24 ॥

𑌸𑌰𑍍𑌵𑍇 𑌜𑍍𑌞𑌾𑌨𑍋𑌪𑌸𑌂𑌪𑌨𑍍𑌨𑌾𑌸𑍍𑌸𑌰𑍍𑌵𑍇 𑌸𑌮𑍁𑌦𑌿𑌤𑌾 𑌗𑍁𑌣𑍈𑌃 ।
𑌤𑍇𑌷𑌾𑌮𑌪𑌿 𑌮𑌹𑌾𑌤𑍇𑌜𑌾 𑌰𑌾𑌮𑌸𑍍𑌸𑌤𑍍𑌯𑌪𑌰𑌾𑌕𑍍𑌰𑌮𑌃 ॥ 25 ॥

𑌇𑌷𑍍𑌟𑌸𑍍𑌸𑌰𑍍𑌵𑌸𑍍𑌯 𑌲𑍋𑌕𑌸𑍍𑌯 𑌶𑌶𑌾𑌂𑌕 𑌇𑌵 𑌨𑌿𑌰𑍍𑌮𑌲𑌃 ।
𑌗𑌜𑌸𑍍𑌕𑌂𑌧𑍇𑌽𑌶𑍍𑌵𑌪𑍃𑌷𑍍𑌠𑍇 𑌚 𑌰𑌥𑌚𑌰𑍍𑌯𑌾𑌸𑍁 𑌸𑌮𑍍𑌮𑌤𑌃 ॥ 26 ॥

𑌧𑌨𑍁𑌰𑍍𑌵𑍇𑌦𑍇 𑌚 𑌨𑌿𑌰𑌤𑌃 𑌪𑌿𑌤𑍃𑌶𑍁𑌶𑍍𑌰𑍂𑌷𑌣𑍇 𑌰𑌤𑌃 ।
𑌬𑌾𑌲𑍍𑌯𑌾𑌤𑍍𑌪𑍍𑌰𑌭𑍃𑌤𑌿 𑌸𑍁𑌸𑍍𑌨𑌿𑌗𑍍𑌧𑍋 𑌲𑌕𑍍𑌷𑍍𑌮𑌣𑍋 𑌲𑌕𑍍𑌷𑍍𑌮𑌿𑌵𑌰𑍍𑌧𑌨𑌃 ॥ 2𑍭 ॥

𑌰𑌾𑌮𑌸𑍍𑌯 𑌲𑍋𑌕𑌰𑌾𑌮𑌸𑍍𑌯 𑌭𑍍𑌰𑌾𑌤𑍁𑌰𑍍𑌜𑍍𑌯𑍇𑌷𑍍𑌠𑌸𑍍𑌯 𑌨𑌿𑌤𑍍𑌯𑌶𑌃 ।
𑌸𑌰𑍍𑌵𑌪𑍍𑌰𑌿𑌯𑌕𑌰𑌸𑍍𑌤𑌸𑍍𑌯 𑌰𑌾𑌮𑌸𑍍𑌯𑌾𑌪𑌿 𑌶𑌰𑍀𑌰𑌤𑌃 ॥ 2𑍮 ॥

𑌲𑌕𑍍𑌷𑍍𑌮𑌣𑍋 𑌲𑌕𑍍𑌷𑍍𑌮𑌿𑌸𑌂𑌪𑌨𑍍𑌨𑍋 𑌬𑌹𑌿𑌃𑌪𑍍𑌰𑌾𑌣 𑌇𑌵𑌾𑌪𑌰𑌃 ।
𑌨 𑌚 𑌤𑍇𑌨 𑌵𑌿𑌨𑌾 𑌨𑌿𑌦𑍍𑌰𑌾𑌂 𑌲𑌭𑌤𑍇 𑌪𑍁𑌰𑍁𑌷𑍋𑌤𑍍𑌤𑌮𑌃 ॥ 2𑍯 ॥

𑌮𑍃𑌷𑍍𑌟𑌮𑌨𑍍𑌨𑌮𑍁𑌪𑌾𑌨𑍀𑌤𑌮𑌶𑍍𑌨𑌾𑌤𑌿 𑌨 𑌹𑌿 𑌤𑌂 𑌵𑌿𑌨𑌾 ।
𑌯𑌦𑌾 𑌹𑌿 𑌹𑌯𑌮𑌾𑌰𑍂𑌢𑍋 𑌮𑍃𑌗𑌯𑌾𑌂 𑌯𑌾𑌤𑌿 𑌰𑌾𑌘𑌵𑌃 ॥ 30 ॥

𑌤𑌦𑍈𑌨𑌂 𑌪𑍃𑌷𑍍𑌠𑌤𑍋𑌽𑌨𑍍𑌵𑍇𑌤𑌿 𑌸𑌧𑌨𑍁𑌃 𑌪𑌰𑌿𑌪𑌾𑌲𑌯𑌨𑍍 ।
𑌭𑌰𑌤𑌸𑍍𑌯𑌾𑌪𑌿 𑌶𑌤𑍍𑌰𑍁𑌘𑍍𑌨𑍋 𑌲𑌕𑍍𑌷𑍍𑌮𑌣𑌾𑌵𑌰𑌜𑍋 𑌹𑌿 𑌸𑌃 ॥ 31 ॥

𑌪𑍍𑌰𑌾𑌣𑍈𑌃 𑌪𑍍𑌰𑌿𑌯𑌤𑌰𑍋 𑌨𑌿𑌤𑍍𑌯𑌂 𑌤𑌸𑍍𑌯 𑌚𑌾𑌸𑍀𑌤𑍍𑌤𑌥𑌾 𑌪𑍍𑌰𑌿𑌯𑌃 ।
𑌸 𑌚𑌤𑍁𑌰𑍍𑌭𑌿𑌰𑍍𑌮𑌹𑌾𑌭𑌾𑌗𑍈𑌃𑌪𑍁𑌤𑍍𑌰𑍈𑌰𑍍𑌦𑌶𑌰𑌥𑌃 𑌪𑍍𑌰𑌿𑌯𑍈𑌃 ॥ 32 ॥

𑌬𑌭𑍂𑌵 𑌪𑌰𑌮𑌪𑍍𑌰𑍀𑌤𑍋 𑌦𑍇𑌵𑍈𑌰𑌿𑌵 𑌪𑌿𑌤𑌾𑌮𑌹𑌃 ।
𑌤𑍇 𑌯𑌦𑌾 𑌜𑍍𑌞𑌾𑌨𑌸𑌂𑌪𑌨𑍍𑌨𑌾𑌸𑍍𑌸𑌰𑍍𑌵𑍈𑌸𑍍𑌸𑌮𑍁𑌦𑌿𑌤𑌾 𑌗𑍁𑌣𑍈𑌃 ॥ 33 ॥

𑌹𑍍𑌰𑍀𑌮𑌂𑌤𑌃 𑌕𑍀𑌰𑍍𑌤𑌿𑌮𑌂𑌤𑌶𑍍𑌚 𑌸𑌰𑍍𑌵𑌜𑍍𑌞𑌾 𑌦𑍀𑌰𑍍𑌘𑌦𑌰𑍍𑌶𑌿𑌨𑌃 ।
𑌤𑍇𑌷𑌾𑌮𑍇𑌵𑌂 𑌪𑍍𑌰𑌭𑌾𑌵𑌾𑌨𑌾𑌂 𑌸𑌰𑍍𑌵𑍇𑌷𑌾𑌂 𑌦𑍀𑌪𑍍𑌤𑌤𑍇𑌜𑌸𑌾𑌮𑍍 ॥ 34 ॥

𑌪𑌿𑌤𑌾 𑌦𑌶𑌰𑌥𑍋 𑌹𑍃𑌷𑍍𑌟𑍋 𑌬𑍍𑌰𑌹𑍍𑌮𑌾 𑌲𑍋𑌕𑌾𑌧𑌿𑌪𑍋 𑌯𑌥𑌾 ।
𑌤𑍇 𑌚𑌾𑌪𑌿 𑌮𑌨𑍁𑌜𑌵𑍍𑌯𑌾𑌘𑍍𑌰𑌾 𑌵𑍈𑌦𑌿𑌕𑌾𑌧𑍍𑌯𑌯𑌨𑍇 𑌰𑌤𑌾𑌃 ॥ 35 ॥

𑌪𑌿𑌤𑍃𑌶𑍁𑌶𑍍𑌰𑍂𑌷𑌣𑌰𑌤𑌾 𑌧𑌨𑍁𑌰𑍍𑌵𑍇𑌦𑍇 𑌚 𑌨𑌿𑌷𑍍𑌠𑌿𑌤𑌾𑌃 ।
𑌅𑌥 𑌰𑌾𑌜𑌾 𑌦𑌶𑌰𑌥𑌸𑍍𑌤𑍇𑌷𑌾𑌂 𑌦𑌾𑌰𑌕𑍍𑌰𑌿𑌯𑌾𑌂 𑌪𑍍𑌰𑌤𑌿 ॥ 36 ॥

𑌚𑌿𑌂𑌤𑌯𑌾𑌮𑌾𑌸 𑌧𑌰𑍍𑌮𑌾𑌤𑍍𑌮𑌾 𑌸𑍋𑌪𑌾𑌧𑍍𑌯𑌾𑌯𑌸𑍍𑌸𑌬𑌾𑌂𑌧𑌵𑌃 ।
𑌤𑌸𑍍𑌯 𑌚𑌿𑌂𑌤𑌯𑌮𑌾𑌨𑌸𑍍𑌯 𑌮𑌂𑌤𑍍𑌰𑌿𑌮𑌧𑍍𑌯𑍇 𑌮𑌹𑌾𑌤𑍍𑌮𑌨𑌃 ॥ 3𑍭 ॥

𑌅𑌭𑍍𑌯𑌗𑌚𑍍𑌛𑌨𑍍𑌮𑌹𑌾𑌤𑍇𑌜𑌾 𑌵𑌿𑌶𑍍𑌵𑌾𑌮𑌿𑌤𑍍𑌰𑍋 𑌮𑌹𑌾𑌮𑍁𑌨𑌿𑌃 ।
𑌸 𑌰𑌾𑌜𑍍𑌞𑍋 𑌦𑌰𑍍𑌶𑌨𑌾𑌕𑌾𑌂𑌕𑍍𑌷𑍀 𑌦𑍍𑌵𑌾𑌰𑌾𑌧𑍍𑌯𑌕𑍍𑌷𑌾𑌨𑍁𑌵𑌾𑌚 𑌹 ॥ 3𑍮 ॥

𑌶𑍀𑌘𑍍𑌰𑌮𑌾𑌖𑍍𑌯𑌾𑌤 𑌮𑌾𑌂 𑌪𑍍𑌰𑌾𑌪𑍍𑌤𑌂 𑌕𑍌𑌶𑌿𑌕𑌂 𑌗𑌾𑌧𑌿𑌨𑌸𑍍𑌸𑍁𑌤𑌮𑍍 ।
𑌤𑌚𑍍𑌛𑍍𑌰𑍁𑌤𑍍𑌵𑌾 𑌵𑌚𑌨𑌂 𑌤𑍍𑌰𑌾𑌸𑌾𑌦𑍍𑌰𑌾𑌜𑍍𑌞𑍋 𑌵𑍇𑌶𑍍𑌮 𑌪𑍍𑌰𑌦𑍁𑌦𑍍𑌰𑍁𑌵𑍁𑌃 ॥ 3𑍯 ॥

𑌸𑌂𑌭𑍍𑌰𑌾𑌂𑌤𑌮𑌨𑌸𑌸𑍍𑌸𑌰𑍍𑌵𑍇 𑌤𑍇𑌨 𑌵𑌾𑌕𑍍𑌯𑍇𑌨 𑌚𑍋𑌦𑌿𑌤𑌾𑌃 ।
𑌤𑍇 𑌗𑌤𑍍𑌵𑌾 𑌰𑌾𑌜𑌭𑌵𑌨𑌂 𑌵𑌿𑌶𑍍𑌵𑌾𑌮𑌿𑌤𑍍𑌰𑌮𑍃𑌷𑌿𑌂 𑌤𑌦𑌾 ॥ 40 ॥

𑌪𑍍𑌰𑌾𑌪𑍍𑌤𑌮𑌾𑌵𑍇𑌦𑌯𑌾𑌮𑌾𑌸𑍁𑌰𑍍𑌨𑍃𑌪𑌾𑌯𑍈𑌕𑍍𑌷𑍍𑌵𑌾𑌕𑌵𑍇 𑌤𑌦𑌾 ।
𑌤𑍇𑌷𑌾𑌂 𑌤𑌦𑍍𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌸𑌪𑍁𑌰𑍋𑌧𑌾𑌸𑍍𑌸𑌮𑌾𑌹𑌿𑌤𑌃 ॥ 41 ॥

𑌪𑍍𑌰𑌤𑍍𑌯𑍁𑌜𑍍𑌜𑌗𑌾𑌮 𑌤𑌂 𑌹𑍃𑌷𑍍𑌟𑍋 𑌬𑍍𑌰𑌹𑍍𑌮𑌾𑌣𑌮𑌿𑌵 𑌵𑌾𑌸𑌵𑌃 ।
𑌤𑌂 𑌦𑍃𑌷𑍍𑌟𑍍𑌵𑌾 𑌜𑍍𑌵𑌲𑌿𑌤𑌂 𑌦𑍀𑌪𑍍𑌤𑍍𑌯𑌾 𑌤𑌾𑌪𑌸𑌂 𑌸𑌂𑌶𑌿𑌤𑌵𑍍𑌰𑌤𑌮𑍍 ॥ 42 ॥

𑌪𑍍𑌰𑌹𑍃𑌷𑍍𑌟𑌵𑌦𑌨𑍋 𑌰𑌾𑌜𑌾 𑌤𑌤𑍋𑌽𑌰𑍍𑌘𑍍𑌯𑌮𑍁𑌪𑌹𑌾𑌰𑌯𑌤𑍍 ।
𑌸 𑌰𑌾𑌜𑍍𑌞𑌃 𑌪𑍍𑌰𑌤𑌿𑌗𑍃𑌹𑍍𑌯𑌾𑌰𑍍𑌘𑍍𑌯𑌂 𑌶𑌾𑌸𑍍𑌤𑍍𑌰𑌦𑍃𑌷𑍍𑌟𑍇𑌨 𑌕𑌰𑍍𑌮𑌣𑌾 ॥ 43 ॥

𑌕𑍁𑌶𑌲𑌂 𑌚𑌾𑌵𑍍𑌯𑌯𑌂 𑌚𑍈𑌵 𑌪𑌰𑍍𑌯𑌪𑍃𑌚𑍍𑌛𑌨𑍍𑌨𑌰𑌾𑌧𑌿𑌪𑌮𑍍 ।
2 𑌪𑍁𑌰𑍇 𑌕𑍋𑌶𑍇 𑌜𑌨𑌪𑌦𑍇 𑌬𑌾𑌂𑌧𑌵𑍇𑌷𑍁 𑌸𑍁𑌹𑍃𑌤𑍍𑌸𑍁 𑌚 ॥ 44 ॥

𑌕𑍁𑌶𑌲𑌂 𑌕𑍌𑌶𑌿𑌕𑍋 𑌰𑌾𑌜𑍍𑌞𑌃 𑌪𑌰𑍍𑌯𑌪𑍃𑌚𑍍𑌛𑌤𑍍𑌸𑍁𑌧𑌾𑌰𑍍𑌮𑌿𑌕𑌃 ।
𑌅𑌪𑌿 𑌤𑍇 𑌸𑌨𑍍𑌨𑌤𑌾𑌸𑍍𑌸𑌰𑍍𑌵𑍇 𑌸𑌾𑌮𑌂𑌤𑌾 𑌰𑌿𑌪𑌵𑍋 𑌜𑌿𑌤𑌾𑌃 ॥ 45 ॥

𑌦𑍈𑌵𑌂 𑌚 𑌮𑌾𑌨𑍁𑌷𑌂 𑌚𑌾𑌪𑌿 𑌕𑌰𑍍𑌮 𑌤𑍇 𑌸𑌾𑌧𑍍𑌵𑌨𑍁𑌷𑍍𑌠𑌿𑌤𑌮𑍍 ।
𑌵𑌸𑌿𑌷𑍍𑌠𑌂 𑌚 𑌸𑌮𑌾𑌗𑌮𑍍𑌯 𑌕𑍁𑌶𑌲𑌂 𑌮𑍁𑌨𑌿𑌪𑍁𑌂𑌗𑌵𑌃 ॥ 46 ॥

𑌋𑌷𑍀𑌂𑌶𑍍𑌚 𑌤𑌾𑌨𑍍𑌯𑌥𑌾𑌨𑍍𑌯𑌾𑌯𑌂 𑌮𑌹𑌾𑌭𑌾𑌗𑌾𑌨𑍁𑌵𑌾𑌚 𑌹 ।
𑌤𑍇 𑌸𑌰𑍍𑌵𑍇 𑌹𑍃𑌷𑍍𑌟𑌮𑌨𑌸𑌸𑍍𑌤𑌸𑍍𑌯 𑌰𑌾𑌜𑍍𑌞𑍋 𑌨𑌿𑌵𑍇𑌶𑌨𑌮𑍍 ॥ 4𑍭 ॥

𑌵𑌿𑌵𑌿𑌶𑍁𑌃 𑌪𑍂𑌜𑌿𑌤𑌾𑌸𑍍𑌤𑌤𑍍𑌰 𑌨𑌿𑌷𑍇𑌦𑍁𑌶𑍍𑌚 𑌯𑌥𑌾𑌰𑍍𑌹𑌤𑌃 ।
𑌅𑌥 𑌹𑍃𑌷𑍍𑌟𑌮𑌨𑌾 𑌰𑌾𑌜𑌾 𑌵𑌿𑌶𑍍𑌵𑌾𑌮𑌿𑌤𑍍𑌰𑌂 𑌮𑌹𑌾𑌮𑍁𑌨𑌿𑌮𑍍 ॥ 4𑍮 ॥

𑌉𑌵𑌾𑌚 𑌪𑌰𑌮𑍋𑌦𑌾𑌰𑍋 𑌹𑍃𑌷𑍍𑌟𑌸𑍍𑌤𑌮𑌭𑌿𑌪𑍂𑌜𑌯𑌨𑍍 ।
𑌯𑌥𑌾𑌽𑌮𑍃𑌤𑌸𑍍𑌯 𑌸𑌂𑌪𑍍𑌰𑌾𑌪𑍍𑌤𑌿𑌰𑍍𑌯𑌥𑌾𑌵𑌰𑍍𑌷𑌮𑌨𑍂𑌦𑌕𑍇 ।
𑌯𑌥𑌾 𑌸𑌦𑍃𑌶𑌦𑌾𑌰𑍇𑌷𑍁 𑌪𑍁𑌤𑍍𑌰𑌜𑌨𑍍𑌮𑌾𑌽𑌪𑍍𑌰𑌜𑌸𑍍𑌯 𑌚 ॥ 4𑍯 ॥

𑌪𑍍𑌰𑌣𑌷𑍍𑌟𑌸𑍍𑌯 𑌯𑌥𑌾𑌲𑌾𑌭𑍋 𑌯𑌥𑌾 𑌹𑌰𑍍𑌷𑍋 𑌮𑌹𑍋𑌦𑌯𑍇 ।
𑌤𑌥𑍈𑌵𑌾𑌗𑌮𑌨𑌂 𑌮𑌨𑍍𑌯𑍇 𑌸𑍍𑌵𑌾𑌗𑌤𑌂 𑌤𑍇 𑌮𑌹𑌾𑌮𑍁𑌨𑍇 ॥ 50 ॥

𑌕𑌂 𑌚 𑌤𑍇 𑌪𑌰𑌮𑌂 𑌕𑌾𑌮𑌂 𑌕𑌰𑍋𑌮𑌿 𑌕𑌿𑌮𑍁 𑌹𑌰𑍍𑌷𑌿𑌤𑌃 ॥ 51 ॥

𑌪𑌾𑌤𑍍𑌰𑌭𑍂𑌤𑍋𑌽𑌸𑌿 𑌮𑍇 𑌬𑍍𑌰𑌹𑍍𑌮𑌂𑌦𑌿𑌷𑍍𑌟𑌯𑌾 𑌪𑍍𑌰𑌾𑌪𑍍𑌤𑌾𑌽𑌸𑌿 𑌕𑍌𑌶𑌿𑌕 ।
𑌅𑌦𑍍𑌯 𑌮𑍇 𑌸𑌫𑌲𑌂 𑌜𑌨𑍍𑌮 𑌜𑍀𑌵𑌿𑌤𑌂 𑌚 𑌸𑍁𑌜𑍀𑌵𑌿𑌤𑌮𑍍 ॥ 52 ॥

𑌪𑍂𑌰𑍍𑌵𑌂 𑌰𑌾𑌜𑌰𑍍𑌷𑌿𑌶𑌬𑍍𑌦𑍇𑌨 𑌤𑌪𑌸𑌾 𑌦𑍍𑌯𑍋𑌤𑌿𑌤𑌪𑍍𑌰𑌭𑌃 ।
𑌬𑍍𑌰𑌹𑍍𑌮𑌰𑍍𑌷𑌿𑌤𑍍𑌵𑌮𑌨𑍁𑌪𑍍𑌰𑌾𑌪𑍍𑌤𑌃 𑌪𑍂𑌜𑍍𑌯𑍋𑌽𑌸𑌿 𑌬𑌹𑍁𑌧𑌾 𑌮𑌯𑌾 ॥ 53 ॥

𑌤𑌦𑌦𑍍𑌭𑍁𑌤𑌮𑌿𑌦𑌂 𑌬𑍍𑌰𑌹𑍍𑌮𑌨𑍍𑌪𑌵𑌿𑌤𑍍𑌰𑌂 𑌪𑌰𑌮𑌂 𑌮𑌮 ।
𑌶𑍁𑌭𑌕𑍍𑌷𑍇𑌤𑍍𑌰𑌗𑌤𑌶𑍍𑌚𑌾𑌹𑌂 𑌤𑌵 𑌸𑌂𑌦𑌰𑍍𑌶𑌨𑌾𑌤𑍍𑌪𑍍𑌰𑌭𑍋 ॥ 54 ॥

𑌬𑍍𑌰𑍂𑌹𑌿 𑌯𑌤𑍍𑌪𑍍𑌰𑌾𑌰𑍍𑌥𑌿𑌤𑌂 𑌤𑍁𑌭𑍍𑌯𑌂 𑌕𑌾𑌰𑍍𑌯𑌮𑌾𑌗𑌮𑌨𑌂 𑌪𑍍𑌰𑌤𑌿 ।
𑌇𑌚𑍍𑌛𑌾𑌮𑍍𑌯𑌨𑍁𑌗𑍃𑌹𑍀𑌤𑍋𑌽𑌹𑌂 𑌤𑍍𑌵𑌦𑌰𑍍𑌥𑌪𑌰𑌿𑌵𑍃𑌦𑍍𑌧𑌯𑍇 ॥ 55 ॥

𑌕𑌾𑌰𑍍𑌯𑌸𑍍𑌯 𑌨 𑌵𑌿𑌮𑌰𑍍𑌶𑌂 𑌚 𑌗𑌂𑌤𑍁𑌮𑌰𑍍𑌹𑌸𑌿 𑌕𑍌𑌶𑌿𑌕 ।
𑌕𑌰𑍍𑌤𑌾 𑌚𑌾𑌹𑌮𑌶𑍇𑌷𑍇𑌣 𑌦𑍈𑌵𑌤𑌂 𑌹𑌿 𑌭𑌵𑌾𑌨𑍍𑌮𑌮 ॥ 56 ॥

𑌮𑌮 𑌚𑌾𑌯𑌮𑌨𑍁𑌪𑍍𑌰𑌾𑌪𑍍𑌤𑍋 𑌮𑌹𑌾𑌨𑌭𑍍𑌯𑍁𑌦𑌯𑍋 𑌦𑍍𑌵𑌿𑌜 ।
𑌤𑌵𑌾𑌗𑌮𑌨𑌜𑌃 𑌕𑍃𑌤𑍍𑌸𑍍𑌨𑍋 𑌧𑌰𑍍𑌮𑌶𑍍𑌚𑌾𑌨𑍁𑌤𑍍𑌤𑌮𑍋 𑌮𑌮 ॥ 5𑍭 ॥

𑌇𑌤𑌿 𑌹𑍃𑌦𑌯𑌸𑍁𑌖𑌂 𑌨𑌿𑌶𑌮𑍍𑌯 𑌵𑌾𑌕𑍍𑌯𑌂 𑌶𑍍𑌰𑍁𑌤𑌿𑌸𑍁𑌖𑌮𑌾𑌤𑍍𑌮𑌵𑌤𑌾 𑌵𑌿𑌨𑍀𑌤𑌮𑍁𑌕𑍍𑌤𑌮𑍍 ।
𑌪𑍍𑌰𑌥𑌿𑌤𑌗𑍁𑌣𑌯𑌶𑌾 𑌗𑍁𑌣𑍈𑌰𑍍𑌵𑌿𑌶𑌿𑌷𑍍𑌟𑌃 𑌪𑌰𑌮𑌋𑌷𑌿𑌃 𑌪𑌰𑌮𑌂 𑌜𑌗𑌾𑌮 𑌹𑌰𑍍𑌷𑌮𑍍 ॥ 5𑍮 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌬𑌾𑌲𑌕𑌾𑌂𑌡𑍇 𑌅𑌷𑍍𑌟𑌾𑌦𑌶𑌸𑍍𑌸𑌰𑍍𑌗𑌃 ॥


Browse Related Categories: