Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

5.3 𑌸𑍁𑌂𑌦𑌰𑌕𑌾𑌂𑌡 - 𑌤𑍃𑌤𑍀𑌯 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌸𑍁𑌂𑌦𑌰𑌕𑌾𑌂𑌡𑌮𑍍 ।
𑌅𑌥 𑌤𑍃𑌤𑍀𑌯𑌸𑍍𑌸𑌰𑍍𑌗𑌃 ।

𑌸 𑌲𑌂𑌬𑌶𑌿𑌖𑌰𑍇 𑌲𑌂𑌬𑍇 𑌲𑌂𑌬𑌤𑍋𑌯𑌦𑌸𑌨𑍍𑌨𑌿𑌭𑍇 ।
𑌸𑌤𑍍𑌤𑍍𑌵𑌮𑌾𑌸𑍍𑌥𑌾𑌯 𑌮𑍇𑌧𑌾𑌵𑍀 𑌹𑌨𑍁𑌮𑌾𑌨𑍍 𑌮𑌾𑌰𑍁𑌤𑌾𑌤𑍍𑌮𑌜𑌃 ॥ 1 ॥

𑌨𑌿𑌶𑌿 𑌲𑌂𑌕𑌾𑌂 𑌮𑌹𑌾𑌸𑌤𑍍𑌤𑍍𑌵𑍋 𑌵𑌿𑌵𑍇𑌶 𑌕𑌪𑌿𑌕𑍁𑌂𑌜𑌰𑌃 ।
𑌰𑌮𑍍𑌯𑌕𑌾𑌨𑌨𑌤𑍋𑌯𑌾𑌢𑍍𑌯𑌾𑌂 𑌪𑍁𑌰𑍀𑌂 𑌰𑌾𑌵𑌣𑌪𑌾𑌲𑌿𑌤𑌾𑌮𑍍 ॥ 2 ॥

𑌶𑌾𑌰𑌦𑌾𑌂𑌬𑍁𑌧𑌰𑌪𑍍𑌰𑌖𑍍𑌯𑍈𑌰𑍍𑌭𑌵𑌨𑍈𑌰𑍁𑌪𑌶𑍋𑌭𑌿𑌤𑌾𑌮𑍍 ।
𑌸𑌾𑌗𑌰𑍋𑌪𑌮𑌨𑌿𑌰𑍍𑌘𑍋𑌷𑌾𑌂 𑌸𑌾𑌗𑌰𑌾𑌨𑌿𑌲𑌸𑍇𑌵𑌿𑌤𑌾𑌮𑍍 ॥ 3 ॥

𑌸𑍁𑌪𑍁𑌷𑍍𑌟𑌬𑌲𑌸𑌂𑌪𑍁𑌷𑍍𑌟𑌾𑌂 𑌯𑌥𑍈𑌵 𑌵𑌿𑌟𑌪𑌾𑌵𑌤𑍀𑌮𑍍 ।
𑌚𑌾𑌰𑍁𑌤𑍋𑌰𑌣𑌨𑌿𑌰𑍍𑌯𑍂𑌹𑌾𑌂 𑌪𑌾𑌂𑌡𑍁𑌰𑌦𑍍𑌵𑌾𑌰𑌤𑍋𑌰𑌣𑌾𑌮𑍍 ॥ 4 ॥

𑌭𑍁𑌜𑌗𑌾𑌚𑌰𑌿𑌤𑌾𑌂 𑌗𑍁𑌪𑍍𑌤𑌾𑌂 𑌶𑍁𑌭𑌾𑌂 𑌭𑍋𑌗𑌵𑌤𑍀𑌮𑌿𑌵 ।
𑌤𑌾𑌂 𑌸 𑌵𑌿𑌦𑍍𑌯𑍁𑌦𑍍𑌘𑌨𑌾𑌕𑍀𑌰𑍍𑌣𑌾𑌂 𑌜𑍍𑌯𑍋𑌤𑌿𑌰𑍍𑌮𑌾𑌰𑍍𑌗𑌨𑌿𑌷𑍇𑌵𑌿𑌤𑌾𑌮𑍍 ॥ 5 ॥

𑌮𑌂𑌦𑌮𑌾𑌰𑍁𑌤𑌸𑌂𑌚𑌾𑌰𑌾𑌂 𑌯𑌥𑍇𑌂𑌦𑍍𑌰𑌸𑍍𑌯𑌾𑌮𑌰𑌾𑌵𑌤𑍀𑌮𑍍 ।
𑌶𑌾𑌤𑌕𑍁𑌂𑌭𑍇𑌨 𑌮𑌹𑌤𑌾 𑌪𑍍𑌰𑌾𑌕𑌾𑌰𑍇𑌣𑌾𑌭𑌿𑌸𑌂𑌵𑍃𑌤𑌾𑌮𑍍 ॥ 6 ॥

𑌕𑌿𑌂𑌕𑌿𑌣𑍀𑌜𑌾𑌲𑌘𑍋𑌷𑌾𑌭𑌿𑌃 𑌪𑌤𑌾𑌕𑌾𑌭𑌿𑌰𑌲𑌂𑌕𑍃𑌤𑌾𑌮𑍍 ।
𑌆𑌸𑌾𑌦𑍍𑌯 𑌸𑌹𑌸𑌾 𑌹𑍃𑌷𑍍𑌟𑌃 𑌪𑍍𑌰𑌾𑌕𑌾𑌰𑌮𑌭𑌿𑌪𑍇𑌦𑌿𑌵𑌾𑌨𑍍 ॥ 𑍭 ॥

𑌵𑌿𑌸𑍍𑌮𑌯𑌾𑌵𑌿𑌷𑍍𑌟𑌹𑍃𑌦𑌯𑌃 𑌪𑍁𑌰𑍀𑌮𑌾𑌲𑍋𑌕𑍍𑌯 𑌸𑌰𑍍𑌵𑌤𑌃 ।
𑌜𑌾𑌂𑌬𑍂𑌨𑌦𑌮𑌯𑍈𑌰𑍍𑌦𑍍𑌵𑌾𑌰𑍈𑌰𑍍𑌵𑍈𑌡𑍂𑌰𑍍𑌯𑌕𑍃𑌤𑌵𑍇𑌦𑌿𑌕𑍈𑌃 ॥ 𑍮 ॥

𑌵𑌜𑍍𑌰𑌸𑍍𑌫𑌟𑌿𑌕𑌮𑍁𑌕𑍍𑌤𑌾𑌭𑌿𑌰𑍍𑌮𑌣𑌿𑌕𑍁𑌟𑍍𑌟𑌿𑌮𑌭𑍂𑌷𑌿𑌤𑍈𑌃 ।
𑌤𑌪𑍍𑌤𑌹𑌾𑌟𑌕𑌨𑌿𑌰𑍍𑌯𑍂𑌹𑍈 𑌰𑌾𑌜𑌤𑌾𑌮𑌲𑌪𑌾𑌂𑌡𑍁𑌰𑍈𑌃 ॥ 𑍯 ॥

𑌵𑍈𑌢𑍂𑌰𑍍𑌯𑌕𑍃𑌤𑌸𑍋𑌪𑌾𑌨𑍈𑌃 𑌸𑍍𑌫𑌾𑌟𑌿𑌕𑌾𑌂𑌤𑌰𑌪𑌾𑌂𑌸𑍁𑌭𑌿𑌃 ।
𑌚𑌾𑌰𑍁𑌸𑌂𑌜𑌵𑌨𑍋𑌪𑍇𑌤𑍈𑌃 𑌖𑌮𑌿𑌵𑍋𑌤𑍍𑌪𑌤𑌿𑌤𑍈𑌃 𑌶𑍁𑌭𑍈𑌃 ॥ 10 ॥

𑌕𑍍𑌰𑍌𑌂𑌚𑌬𑌰𑍍𑌹𑌿𑌣𑌸𑌂𑌘𑍁𑌷𑍍𑌟𑍈𑌃 𑌰𑌾𑌜𑌹𑌂𑌸 𑌨𑌿𑌷𑍇𑌵𑌿𑌤𑍈𑌃 ।
𑌤𑍂𑌰𑍍𑌯𑌾𑌭𑌰𑌣𑌨𑌿𑌰𑍍𑌘𑍋𑌷𑍈𑌃 𑌸𑌰𑍍𑌵𑌤𑌃 𑌪𑍍𑌰𑌤𑌿𑌨𑌾𑌦𑌿𑌤𑌾𑌮𑍍 ॥ 11 ॥

𑌵𑌸𑍍𑌵𑍌𑌕𑌸𑌾𑌰𑌾𑌪𑍍𑌰𑌤𑌿𑌮𑌾𑌂 𑌤𑌾𑌂 𑌵𑍀𑌕𑍍𑌷𑍍𑌯 𑌨𑌗𑌰𑍀𑌂 𑌤𑌤𑌃 ।
𑌖𑌮𑌿𑌵𑍋𑌤𑍍𑌪𑌤𑌿𑌤𑍁𑌂 𑌕𑌾𑌮𑌾𑌂 𑌜𑌹𑌰𑍍𑌷 𑌹𑌨𑍁𑌮𑌾𑌨𑍍 𑌕𑌪𑌿𑌃 ॥ 12 ॥

𑌤𑌾𑌂 𑌸𑌮𑍀𑌕𑍍𑌷𑍍𑌯 𑌪𑍁𑌰𑍀𑌂 𑌰𑌮𑍍𑌯𑌾𑌂 𑌰𑌾𑌕𑍍𑌷𑌸𑌾𑌧𑌿𑌪𑌤𑍇𑌃 𑌶𑍁𑌭𑌾𑌮𑍍 ।
𑌅𑌨𑍁𑌤𑍍𑌤𑌮𑌾𑌮𑍃𑌦𑍍𑌧𑌿𑌯𑍁𑌤𑌾𑌂 𑌚𑌿𑌂𑌤𑌯𑌾𑌮𑌾𑌸 𑌵𑍀𑌰𑍍𑌯𑌵𑌾𑌨𑍍 ॥ 13 ॥

𑌨𑍇𑌯𑌮𑌨𑍍𑌯𑍇𑌨 𑌨𑌗𑌰𑍀 𑌶𑌕𑍍𑌯𑌾 𑌧𑌰𑍍𑌷𑌯𑌿𑌤𑍁𑌂 𑌬𑌲𑌾𑌤𑍍 ।
𑌰𑌕𑍍𑌷𑌿𑌤𑌾 𑌰𑌾𑌵𑌣𑌬𑌲𑍈𑌰𑍁𑌦𑍍𑌯𑌤𑌾𑌯𑍁𑌧𑌧𑌾𑌰𑌿𑌭𑌿𑌃 ॥ 14 ॥

𑌕𑍁𑌮𑍁𑌦𑌾𑌂𑌗𑌦𑌯𑍋𑌰𑍍𑌵𑌾𑌪𑌿 𑌸𑍁𑌷𑍇𑌣𑌸𑍍𑌯 𑌮𑌹𑌾𑌕𑌪𑍇𑌃 ।
𑌪𑍍𑌰𑌸𑌿𑌦𑍍𑌧𑍇𑌯𑌂 𑌭𑌵𑍇𑌦𑍍𑌭𑍂𑌮𑌿𑌰𑍍𑌮𑍈𑌂𑌦𑌦𑍍𑌵𑌿𑌵𑌿𑌦𑌯𑍋𑌰𑌪𑌿 ॥ 15 ॥

𑌵𑌿𑌵𑌸𑍍𑌵𑌤𑌸𑍍𑌤𑌨𑍂𑌜𑌸𑍍𑌯 𑌹𑌰𑍇𑌶𑍍𑌚 𑌕𑍁𑌶𑌪𑌰𑍍𑌵𑌣𑌃 ।
𑌋𑌕𑍍𑌷𑌸𑍍𑌯 𑌕𑍇𑌤𑍁𑌮𑌾𑌲𑌸𑍍𑌯 𑌮𑌮 𑌚𑍈𑌵 𑌗𑌤𑌿𑌰𑍍𑌭𑌵𑍇𑌤𑍍 ॥ 16 ॥

𑌸𑌮𑍀𑌕𑍍𑌷𑍍𑌯 𑌤𑍁 𑌮𑌹𑌾𑌬𑌾𑌹𑍂 𑌰𑌾𑌘𑌵𑌸𑍍𑌯 𑌪𑌰𑌾𑌕𑍍𑌰𑌮𑌮𑍍 ।
𑌲𑌕𑍍𑌷𑍍𑌮𑌣𑌸𑍍𑌯 𑌚 𑌵𑌿𑌕𑍍𑌰𑌾𑌂𑌤𑌮𑌭𑌵𑌤𑍍 𑌪𑍍𑌰𑍀𑌤𑌿𑌮𑌾𑌨𑍍 𑌕𑌪𑌿𑌃 ॥ 1𑍭 ॥

𑌤𑌾𑌂 𑌰𑌤𑍍𑌨𑌵𑌸𑌨𑍋𑌪𑍇𑌤𑌾𑌂 𑌕𑍋𑌷𑍍𑌠𑌾𑌗𑌾𑌰𑌾𑌵𑌤𑌂𑌸𑌕𑌾𑌮𑍍 ।
𑌯𑌂𑌤𑍍𑌰𑌾𑌗𑌾𑌰𑌸𑍍𑌤𑌨𑍀𑌮𑍃𑌦𑍍𑌧𑌾𑌂 𑌪𑍍𑌰𑌮𑌦𑌾𑌮𑌿𑌵 𑌭𑍂𑌷𑌿𑌤𑌾𑌮𑍍 ॥ 1𑍮 ॥

𑌤𑌾𑌂 𑌨𑌷𑍍𑌟𑌤𑌿𑌮𑌿𑌰𑌾𑌂 𑌦𑍀𑌪𑍍𑌤𑍈𑌰𑍍𑌭𑌾𑌸𑍍𑌵𑌰𑍈𑌶𑍍𑌚 𑌮𑌹𑌾𑌗𑍃𑌹𑍈𑌃 ।
𑌨𑌗𑌰𑍀𑌂 𑌰𑌾𑌕𑍍𑌷𑌸𑍇𑌂𑌦𑍍𑌰𑌸𑍍𑌯 𑌸 𑌦𑌦𑌰𑍍𑌶 𑌮𑌹𑌾𑌕𑌪𑌿𑌃 ॥ 1𑍯 ॥

𑌥 𑌸𑌾 𑌹𑌰𑌿𑌶𑌾𑌰𑍍𑌦𑍂𑌲𑌂 𑌪𑍍𑌰𑌵𑌿𑌶𑌂𑌤𑌂 𑌮𑌹𑌾𑌬𑌲𑌮𑍍 ।
𑌨𑌗𑌰𑍀 𑌸𑍍𑌵𑍇𑌨 𑌰𑍂𑌪𑍇𑌣 𑌦𑌦𑌰𑍍𑌶 𑌪𑌵𑌨𑌾𑌤𑍍𑌮𑌜𑌮𑍍 ॥ 20 ॥

𑌸𑌾 𑌤𑌂 𑌹𑌰𑌿𑌵𑌰𑌂 𑌦𑍃𑌷𑍍𑌟𑍍𑌵𑌾 𑌲𑌂𑌕𑌾 𑌰𑌾𑌵𑌣𑌪𑌾𑌲𑌿𑌤𑌾 ।
𑌸𑍍𑌵𑌯𑌮𑍇𑌵𑍋𑌤𑍍𑌥𑌿𑌤𑌾 𑌤𑌤𑍍𑌰 𑌵𑌿𑌕𑍃𑌤𑌾𑌨𑌨𑌦𑌰𑍍𑌶𑌨𑌾 ॥ 21 ॥

𑌪𑍁𑌰𑌸𑍍𑌤𑌾𑌤𑍍𑌕𑌪𑌿𑌵𑌰𑍍𑌯𑌸𑍍𑌯 𑌵𑌾𑌯𑍁𑌸𑍂𑌨𑍋𑌰𑌤𑌿𑌷𑍍𑌠𑌤 ।
𑌮𑍁𑌂𑌚𑌮𑌾𑌨𑌾 𑌮𑌹𑌾𑌨𑌾𑌦𑌮𑌬𑍍𑌰𑌵𑍀𑌤𑍍𑌪𑌵𑌨𑌾𑌤𑍍𑌮𑌜𑌮𑍍 ॥ 22 ॥

𑌕𑌸𑍍𑌤𑍍𑌵𑌂 𑌕𑍇𑌨 𑌚 𑌕𑌾𑌰𑍍𑌯𑍇𑌣 𑌇𑌹 𑌪𑍍𑌰𑌾𑌪𑍍𑌤𑍋 𑌵𑌨𑌾𑌲𑌯 ।
𑌕𑌥𑌯𑌸𑍍𑌵𑍇𑌹 𑌯𑌤𑍍𑌤𑌤𑍍𑌤𑍍𑌵𑌂 𑌯𑌾𑌵𑌤𑍍𑌪𑍍𑌰𑌾𑌣𑌾 𑌧𑌰𑌂𑌤𑌿 𑌤𑍇 ॥ 23 ॥

𑌨 𑌶𑌕𑍍𑌯𑌂 𑌖𑌲𑍍𑌵𑌿𑌯𑌂 𑌲𑌂𑌕𑌾 𑌪𑍍𑌰𑌵𑍇𑌷𑍍𑌟𑍁𑌂 𑌵𑌾𑌨𑌰 𑌤𑍍𑌵𑌯𑌾 ।
𑌰𑌕𑍍𑌷𑌿𑌤𑌾 𑌰𑌾𑌵𑌣𑌬𑌲𑍈𑌰𑌭𑌿𑌗𑍁𑌪𑍍𑌤𑌾 𑌸𑌮𑌂𑌤𑌤𑌃 ॥ 24 ॥

𑌅𑌥 𑌤𑌾𑌮𑌬𑍍𑌰𑌵𑍀𑌦𑍍𑌵𑍀𑌰𑍋 𑌹𑌨𑍁𑌮𑌾𑌨𑌗𑍍𑌰𑌤𑌃 𑌸𑍍𑌥𑌿𑌤𑌾𑌮𑍍 ।
𑌕𑌥𑌯𑌿𑌷𑍍𑌯𑌾𑌮𑌿 𑌤𑍇 𑌤𑌤𑍍𑌤𑍍𑌵𑌂 𑌯𑌨𑍍𑌮𑌾𑌂 𑌤𑍍𑌵𑌂 𑌪𑌰𑌿𑌪𑍃𑌚𑍍𑌛𑌸𑌿 ॥ 25 ॥

𑌕𑌾 𑌤𑍍𑌵𑌂 𑌵𑌿𑌰𑍂𑌪𑌨𑌯𑌨𑌾 𑌪𑍁𑌰𑌦𑍍𑌵𑌾𑌰𑍇𑌽𑌵𑌤𑌿𑌷𑍍𑌠𑌸𑌿 ।
𑌕𑌿𑌮𑌰𑍍𑌥𑌂 𑌚𑌾𑌪𑌿 𑌮𑌾𑌂 𑌰𑍁𑌦𑍍𑌧𑍍𑌵𑌾 𑌨𑌿𑌰𑍍𑌭𑌰𑍍𑌤𑍍𑌸𑌯𑌸𑌿 𑌦𑌾𑌰𑍁𑌣𑌾 ॥ 26 ॥

𑌹𑌨𑍁𑌮𑌦𑍍𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌲𑌂𑌕𑌾 𑌸𑌾 𑌕𑌾𑌮𑌰𑍂𑌪𑌿𑌣𑍀 ।
𑌉𑌵𑌾𑌚 𑌵𑌚𑌨𑌂 𑌕𑍍𑌰𑍁𑌦𑍍𑌧𑌾 𑌪𑌰𑍁𑌷𑌂 𑌪𑌵𑌨𑌾𑌤𑍍𑌮𑌜𑌮𑍍 ॥ 2𑍭 ॥

𑌅𑌹𑌂 𑌰𑌾𑌕𑍍𑌷𑌸𑌰𑌾𑌜𑌸𑍍𑌯 𑌰𑌾𑌵𑌣𑌸𑍍𑌯 𑌮𑌹𑌾𑌤𑍍𑌮𑌨𑌃 ।
𑌆𑌜𑍍𑌞𑌾𑌪𑍍𑌰𑌤𑍀𑌕𑍍𑌷𑌾 𑌦𑍁𑌰𑍍𑌧𑌰𑍍𑌷𑌾 𑌰𑌕𑍍𑌷𑌾𑌮𑌿 𑌨𑌗𑌰𑍀𑌮𑌿𑌮𑌾𑌮𑍍 ॥ 2𑍮 ॥

𑌨 𑌶𑌕𑍍𑌯𑌾 𑌮𑌾𑌮𑌵𑌜𑍍𑌞𑌾𑌯 𑌪𑍍𑌰𑌵𑍇𑌷𑍍𑌟𑍁𑌂 𑌨𑌗𑌰𑍀 𑌤𑍍𑌵𑌯𑌾 ।
𑌅𑌦𑍍𑌯 𑌪𑍍𑌰𑌾𑌣𑍈𑌃 𑌪𑌰𑌿𑌤𑍍𑌯𑌕𑍍𑌤𑌃 𑌸𑍍𑌵𑌪𑍍𑌸𑍍𑌯𑌸𑍇 𑌨𑌿𑌹𑌤𑍋 𑌮𑌯𑌾 ॥ 2𑍯 ॥

𑌅𑌹𑌂 𑌹𑌿 𑌨𑌗𑌰𑍀 𑌲𑌂𑌕𑌾 𑌸𑍍𑌵𑌯𑌮𑍇𑌵 𑌪𑍍𑌲𑌵𑌂𑌗𑌮 ।
𑌸𑌰𑍍𑌵𑌤𑌃 𑌪𑌰𑌿𑌰𑌕𑍍𑌷𑌾𑌮𑌿 𑌹𑍍𑌯𑍇𑌤𑌤𑍍𑌤𑍇 𑌕𑌥𑌿𑌤𑌂 𑌮𑌯𑌾 ॥ 30 ॥

𑌲𑌂𑌕𑌾𑌯𑌾 𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌹𑌨𑍁𑌮𑌾𑌨𑍍 𑌮𑌾𑌰𑍁𑌤𑌾𑌤𑍍𑌮𑌜𑌃 ।
𑌯𑌤𑍍𑌨𑌵𑌾𑌨𑍍𑌸 𑌹𑌰𑌿𑌶𑍍𑌰𑍇𑌷𑍍𑌠𑌃 𑌸𑍍𑌥𑌿𑌤𑌶𑍍𑌶𑍈𑌲 𑌇𑌵𑌾𑌪𑌰𑌃 ॥ 31 ॥

𑌸 𑌤𑌾𑌂 𑌸𑍍𑌤𑍍𑌰𑍀𑌰𑍂𑌪𑌵𑌿𑌕𑍃𑌤𑌾𑌂 𑌦𑍃𑌷𑍍𑌟𑌵𑌾 𑌵𑌾𑌨𑌰𑌪𑍁𑌂𑌗𑌵𑌃 ।
𑌆𑌬𑌭𑌾𑌷𑍇𑌽𑌥 𑌮𑍇𑌧𑌾𑌵𑍀 𑌸𑌤𑍍𑌤𑍍𑌵𑌵𑌾𑌨𑍍 𑌪𑍍𑌲𑌵𑌗𑌰𑍍𑌷𑌭𑌃 ॥ 32 ॥

𑌦𑍍𑌰𑌕𑍍𑌷𑍍𑌯𑌾𑌮𑌿 𑌨𑌗𑌰𑍀𑌂 𑌲𑌂𑌕𑌾𑌂 𑌸𑌾𑌟𑍍𑌟𑌪𑍍𑌰𑌾𑌕𑌾𑌰𑌤𑍋𑌰𑌣𑌾𑌮𑍍 ।
𑌨𑌿𑌰𑍍𑌵𑌿𑌶𑌂𑌕𑌮𑌿𑌮𑌂𑌲𑍋𑌕𑌂 𑌪𑌶𑍍𑌯𑌂𑌤𑍍𑌯𑌾𑌸𑍍𑌤𑌵𑌸𑌾𑌂𑌪𑍍𑌰𑌤𑌮𑍍 ।
𑌇𑌤𑍍𑌯𑌰𑍍𑌥𑌮𑌿𑌹 𑌸𑌂𑌪𑍍𑌰𑌾𑌪𑍍𑌤𑌃 𑌪𑌰𑌂 𑌕𑍌𑌤𑍂𑌹𑌲𑌂 𑌹𑌿 𑌮𑍇 ॥ 33 ॥

𑌵𑌨𑌾𑌨𑍍𑌯𑍁𑌪𑌵𑌨𑌾𑌨𑍀𑌹 𑌲𑌂𑌕𑌾𑌯𑌾𑌃 𑌕𑌾𑌨𑌨𑌾𑌨𑌿 𑌚 ।
𑌸𑌰𑍍𑌵𑌤𑍋 𑌗𑍃𑌹𑌮𑍁𑌖𑍍𑌯𑌾𑌨𑌿 𑌦𑍍𑌰𑌷𑍍𑌟𑍁𑌮𑌾𑌗𑌮𑌨𑌂 𑌹𑌿 𑌮𑍇 ॥ 34 ॥

𑌤𑌸𑍍𑌯 𑌤𑌦𑍍𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌲𑌂𑌕𑌾 𑌸𑌾 𑌕𑌾𑌮𑌰𑍂𑌪𑌿𑌣𑍀 ।
𑌭𑍂𑌯 𑌏𑌵 𑌪𑍁𑌨𑌰𑍍𑌵𑌾𑌕𑍍𑌯𑌂 𑌬𑌭𑌾𑌷𑍇 𑌪𑌰𑍁𑌷𑌾𑌕𑍍𑌷𑌰𑌮𑍍 ॥ 35 ॥

𑌮𑌾𑌮𑌨𑌿𑌰𑍍𑌜𑌿𑌤𑍍𑌯 𑌦𑍁𑌰𑍍𑌬𑍁𑌦𑍍𑌧𑍇 𑌰𑌾𑌕𑍍𑌷𑌸𑍇𑌶𑍍𑌵𑌰𑌪𑌾𑌲𑌿𑌤𑌾𑌮𑍍 ।
𑌨 𑌶𑌕𑍍𑌯𑌮𑌦𑍍𑌯 𑌤𑍇 𑌦𑍍𑌰𑌷𑍍𑌟𑍁𑌂 𑌪𑍁𑌰𑍀𑌯𑌂 𑌵𑌾𑌨𑌰𑌾𑌧𑌮 ॥ 36 ॥

𑌤𑌤𑌃 𑌸 𑌕𑌪𑌿𑌶𑌾𑌰𑍍𑌦𑍂𑌲𑌸𑍍𑌤𑌾𑌮𑍁𑌵𑌾𑌚 𑌨𑌿𑌶𑌾𑌚𑌰𑍀𑌮𑍍 ।
𑌦𑍃𑌷𑍍𑌟𑍍𑌵𑌾 𑌪𑍁𑌰𑍀𑌮𑌿𑌮𑌾𑌂 𑌭𑌦𑍍𑌰𑍇 𑌪𑍁𑌨𑌰𑍍𑌯𑌾𑌸𑍍𑌯𑍇 𑌯𑌥𑌾𑌗𑌤𑌮𑍍 ॥ 3𑍭 ॥

𑌤𑌤𑌃 𑌕𑍃𑌤𑍍𑌵𑌾 𑌮𑌹𑌾𑌨𑌾𑌦𑌂 𑌸𑌾 𑌵𑍈 𑌲𑌂𑌕𑌾 𑌭𑌯𑌾𑌵𑌹𑌮𑍍 ।
𑌤𑌲𑍇𑌨 𑌵𑌾𑌨𑌰𑌶𑍍𑌰𑍇𑌷𑍍𑌠𑌂 𑌤𑌾𑌡𑌯𑌾𑌮𑌾𑌸 𑌵𑍇𑌗𑌿𑌤𑌾 ॥ 3𑍮 ॥

𑌤𑌤𑌃 𑌸 𑌕𑌪𑌿𑌶𑌾𑌰𑍍𑌦𑍂𑌲𑍋 𑌲𑌂𑌕𑌯𑌾 𑌤𑌾𑌡𑌿𑌤𑍋 𑌭𑍃𑌶𑌮𑍍 ।
𑌨𑌨𑌾𑌦 𑌸𑍁𑌮𑌹𑌾𑌨𑌾𑌦𑌂 𑌵𑍀𑌰𑍍𑌯𑌵𑌾𑌨𑍍 𑌪𑌵𑌨𑌾𑌤𑍍𑌮𑌜𑌃 ॥ 3𑍯 ॥

𑌤𑌤𑌃 𑌸𑌂𑌵𑌰𑍍𑌤𑌯𑌾𑌮𑌾𑌸 𑌵𑌾𑌮𑌹𑌸𑍍𑌤𑌸𑍍𑌯 𑌸𑍋𑌽𑌂𑌗𑍁𑌲𑍀𑌃 ।
𑌮𑍁𑌷𑍍𑌟𑌿𑌨𑌾𑌽𑌽𑌭𑌿𑌜𑌘𑌾𑌨𑍈𑌨𑌾𑌂 𑌹𑌨𑍁𑌮𑌾𑌨𑍍 𑌕𑍍𑌰𑍋𑌧𑌮𑍂𑌰𑍍𑌛𑌿𑌤𑌃 ॥ 40 ॥

𑌸𑍍𑌤𑍍𑌰𑍀 𑌚𑍇𑌤𑌿 𑌮𑌨𑍍𑌯𑌮𑌾𑌨𑍇𑌨 𑌨𑌾𑌤𑌿𑌕𑍍𑌰𑍋𑌧𑌃 𑌸𑍍𑌵𑌯𑌂 𑌕𑍃𑌤𑌃 ।
𑌸𑌾 𑌤𑍁 𑌤𑍇𑌨 𑌪𑍍𑌰𑌹𑌾𑌰𑍇𑌣 𑌵𑌿𑌹𑍍𑌵𑌲𑌾𑌂𑌗𑍀 𑌨𑌿𑌶𑌾𑌚𑌰𑍀 ॥ 41 ॥

𑌪𑌪𑌾𑌤 𑌸𑌹𑌸𑌾 𑌭𑍂𑌮𑍌 𑌵𑌿𑌕𑍃𑌤𑌾𑌨𑌨𑌦𑌰𑍍𑌶𑌨𑌾 ।
𑌤𑌤𑌸𑍍𑌤𑍁 𑌹𑌨𑍁𑌮𑌾𑌨𑍍 𑌪𑍍𑌰𑌾𑌜𑍍𑌞𑌸𑍍𑌤𑌾𑌂 𑌦𑍃𑌷𑍍𑌟𑍍𑌵𑌾 𑌵𑌿𑌨𑌿𑌪𑌾𑌤𑌿𑌤𑌾𑌮𑍍 ॥ 42 ॥

𑌕𑍃𑌪𑌾𑌂 𑌚𑌕𑌾𑌰 𑌤𑍇𑌜𑌸𑍍𑌵𑍀 𑌮𑌨𑍍𑌯𑌮𑌾𑌨𑌃 𑌸𑍍𑌤𑍍𑌰𑌿𑌯𑌂 𑌤𑍁 𑌤𑌾𑌮𑍍 ।
𑌤𑌤𑍋 𑌵𑍈 𑌭𑍃𑌶𑌸𑌂𑌵𑌿𑌗𑍍𑌨𑌾 𑌲𑌂𑌕𑌾 𑌸𑌾 𑌗𑌦𑍍𑌗𑌦𑌾𑌕𑍍𑌷𑌰𑌮𑍍 ॥ 43 ॥

𑌉𑌵𑌾𑌚𑌾𑌗𑌰𑍍𑌵𑌿𑌤𑌂 𑌵𑌾𑌕𑍍𑌯𑌂 𑌹𑌨𑍂𑌮𑌂𑌤𑌂 𑌪𑍍𑌲𑌵𑌂𑌗𑌮𑌮𑍍 ।
𑌪𑍍𑌰𑌸𑍀𑌦 𑌸𑍁𑌮𑌹𑌾𑌬𑌾𑌹𑍋 𑌤𑍍𑌰𑌾𑌯𑌸𑍍𑌵 𑌹𑌰𑌿𑌸𑌤𑍍𑌤𑌮 ॥ 44 ॥

𑌸𑌮𑌯𑍇 𑌸𑍌𑌮𑍍𑌯 𑌤𑌿𑌷𑍍𑌠𑌂𑌤𑌿 𑌸𑌤𑍍𑌤𑍍𑌵𑌵𑌂𑌤𑍋 𑌮𑌹𑌾𑌬𑌲𑌾𑌃 ।
𑌅𑌹𑌂 𑌤𑍁 𑌨𑌗𑌰𑍀 𑌲𑌂𑌕𑌾 𑌸𑍍𑌵𑌯𑌮𑍇𑌵 𑌪𑍍𑌲𑌵𑌂𑌗𑌮 ॥ 45 ॥

𑌨𑌿𑌰𑍍𑌜𑌿𑌤𑌾𑌹𑌂 𑌤𑍍𑌵𑌯𑌾 𑌵𑍀𑌰 𑌵𑌿𑌕𑍍𑌰𑌮𑍇𑌣 𑌮𑌹𑌾𑌬𑌲 ।
𑌇𑌦𑌂 𑌤𑍁 𑌤𑌥𑍍𑌯𑌂 𑌶𑍃𑌣𑍁 𑌵𑍈 𑌬𑍍𑌰𑍁𑌵𑌂𑌤𑍍𑌯𑌾 𑌮𑍇 𑌹𑌰𑍀𑌶𑍍𑌵𑌰 ॥ 46 ॥

𑌸𑍍𑌵𑌯𑌂𑌭𑍁𑌵𑌾 𑌪𑍁𑌰𑌾 𑌦𑌤𑍍𑌤𑌂 𑌵𑌰𑌦𑌾𑌨𑌂 𑌯𑌥𑌾 𑌮𑌮 ।
𑌯𑌦𑌾 𑌤𑍍𑌵𑌾𑌂 𑌵𑌾𑌨𑌰𑌃 𑌕𑌶𑍍𑌚𑌿𑌦𑍍𑌵𑌿𑌕𑍍𑌰𑌮𑌾𑌦𑍍𑌵𑌶𑌮𑌾𑌨𑌯𑍇𑌤𑍍 ॥ 4𑍭 ॥

𑌤𑌦𑌾 𑌤𑍍𑌵𑌯𑌾 𑌹𑌿 𑌵𑌿𑌜𑍍𑌞𑍇𑌯𑌂 𑌰𑌕𑍍𑌷𑌸𑌾𑌂 𑌭𑌯𑌮𑌾𑌗𑌤𑌮𑍍 ।
𑌸 𑌹𑌿 𑌮𑍇 𑌸𑌮𑌯𑌃 𑌸𑍌𑌮𑍍𑌯 𑌪𑍍𑌰𑌾𑌪𑍍𑌤𑍋𑌽𑌦𑍍𑌯 𑌤𑌵 𑌦𑌰𑍍𑌶𑌨𑌾𑌤𑍍 ॥ 4𑍮 ॥

𑌸𑍍𑌵𑌯𑌂𑌭𑍂 𑌵𑌿𑌹𑌿𑌤𑌃 𑌸𑌤𑍍𑌯𑍋 𑌨 𑌤𑌸𑍍𑌯𑌾𑌸𑍍𑌤𑌿 𑌵𑍍𑌯𑌤𑌿𑌕𑍍𑌰𑌮𑌃 ।
𑌸𑍀𑌤𑌾𑌨𑌿𑌮𑌿𑌤𑍍𑌤𑌂 𑌰𑌾𑌜𑍍𑌞𑌸𑍍𑌤𑍁 𑌰𑌾𑌵𑌣𑌸𑍍𑌯 𑌦𑍁𑌰𑌾𑌤𑍍𑌮𑌨𑌃 ॥ 4𑍯 ॥

𑌰𑌕𑍍𑌷𑌸𑌾𑌂 𑌚𑍈𑌵 𑌸𑌰𑍍𑌵𑍇𑌷𑌾𑌂 𑌵𑌿𑌨𑌾𑌶𑌃 𑌸𑌮𑍁𑌪𑌾𑌗𑌤𑌃 ।
𑌤𑌤𑍍𑌪𑍍𑌰𑌵𑌿𑌶𑍍𑌯 𑌹𑌰𑌿𑌶𑍍𑌰𑍇𑌷𑍍𑌠 𑌪𑍁𑌰𑍀𑌂 𑌰𑌾𑌵𑌣𑌪𑌾𑌲𑌿𑌤𑌾𑌮𑍍 ॥ 50 ॥

𑌵𑌿𑌧𑌤𑍍𑌸𑍍𑌵 𑌸𑌰𑍍𑌵𑌕𑌾𑌰𑍍𑌯𑌾𑌣𑌿 𑌯𑌾𑌨𑌿 𑌯𑌾𑌨𑍀𑌹 𑌵𑌾𑌂𑌛𑌸𑌿 ।
𑌪𑍍𑌰𑌵𑌿𑌶𑍍𑌯 𑌶𑌾𑌪𑍋𑌪𑌹𑌤𑌾𑌂 𑌹𑌰𑍀𑌶𑍍𑌵𑌰 𑌶𑍁𑌭𑌾𑌂 𑌪𑍁𑌰𑍀𑌂 𑌰𑌾𑌕𑍍𑌷𑌸𑌮𑍁𑌖𑍍𑌯𑌪𑌾𑌲𑌿𑌤𑌾𑌮𑍍 ।
𑌯𑌦𑍃𑌚𑍍𑌛𑌯𑌾 𑌤𑍍𑌵𑌂 𑌜𑌨𑌕𑌾𑌤𑍍𑌮𑌜𑌾𑌂 𑌸𑌤𑍀𑌂 𑌵𑌿𑌮𑌾𑌰𑍍𑌗 𑌸𑌰𑍍𑌵𑌤𑍍𑌰 𑌗𑌤𑍋 𑌯𑌥𑌾𑌸𑍁𑌖𑌮𑍍 ॥ 51 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌸𑍁𑌂𑌦𑌰𑌕𑌾𑌂𑌡𑍇 𑌤𑍃𑌤𑍀𑌯𑌸𑍍𑌸𑌰𑍍𑌗𑌃 ॥


Browse Related Categories: