Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

1.𑍭5 𑌬𑌾𑌲𑌕𑌾𑌂𑌡 - 𑌪𑌂𑌚𑌸𑌪𑍍𑌤𑌤𑌿𑌤𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌬𑌾𑌲𑌕𑌾𑌂𑌡𑌮𑍍 ।
𑌅𑌥 𑌪𑌂𑌚𑌸𑌪𑍍𑌤𑌤𑌿𑌤𑌮𑌸𑍍𑌸𑌰𑍍𑌗𑌃 ।

𑌰𑌾𑌮 𑌦𑌾𑌶𑌰𑌥𑍇 𑌰𑌾𑌮 𑌵𑍀𑌰𑍍𑌯𑌂 𑌤𑍇 𑌶𑍍𑌰𑍂𑌯𑌤𑍇𑌽𑌦𑍍𑌭𑍁𑌤𑌮𑍍 ।
𑌧𑌨𑍁𑌷𑍋 𑌭𑍇𑌦𑌨𑌂 𑌚𑍈𑌵 𑌨𑌿𑌖𑌿𑌲𑍇𑌨 𑌮𑌯𑌾 𑌶𑍍𑌰𑍁𑌤𑌮𑍍 ॥ 1 ॥

𑌤𑌦𑌦𑍍𑌭𑍁𑌤𑌮𑌚𑌿𑌂𑌤𑍍𑌯𑌂 𑌚 𑌭𑍇𑌦𑌨𑌂 𑌧𑌨𑍁𑌷𑌸𑍍𑌤𑍍𑌵𑌯𑌾 ।
𑌤𑌚𑍍𑌛𑍍𑌰𑍁𑌤𑍍𑌵𑌾𑌽𑌹𑌮𑌨𑍁𑌪𑍍𑌰𑌾𑌪𑍍𑌤𑍋 𑌧𑌨𑍁𑌰𑍍𑌗𑍃𑌹𑍍𑌯𑌾𑌪𑌰𑌂 𑌶𑍁𑌭𑌮𑍍 ॥ 2 ॥

𑌤𑌦𑌿𑌦𑌂 𑌘𑍋𑌰𑌸𑌂𑌕𑌾𑌶𑌂 𑌜𑌾𑌮𑌦𑌗𑍍𑌨𑍍𑌯𑌂 𑌮𑌹𑌦𑍍𑌧𑌨𑍁𑌃 ।
𑌪𑍂𑌰𑌯𑌸𑍍𑌵 𑌶𑌰𑍇𑌣𑍈𑌵 𑌸𑍍𑌵𑌬𑌲𑌂 𑌦𑌰𑍍𑌶𑌯𑌸𑍍𑌵 𑌚 ॥ 3 ॥

𑌤𑌦𑌹𑌂 𑌤𑍇 𑌬𑌲𑌂 𑌦𑍃𑌷𑍍𑌟𑍍𑌵𑌾 𑌧𑌨𑍁𑌷𑍋𑌽𑌸𑍍𑌯 𑌪𑍍𑌰𑌪𑍂𑌰𑌣𑍇 ।
𑌦𑍍𑌵𑌂𑌦𑍍𑌵𑌯𑍁𑌦𑍍𑌧𑌂 𑌪𑍍𑌰𑌦𑌾𑌸𑍍𑌯𑌾𑌮𑌿 𑌵𑍀𑌰𑍍𑌯𑌶𑍍𑌲𑌾𑌘𑍍𑌯𑌸𑍍𑌯 𑌰𑌾𑌘𑌵 ॥ 4 ॥

𑌤𑌸𑍍𑌯 𑌤𑌦𑍍𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌰𑌾𑌜𑌾 𑌦𑌶𑌰𑌥𑌸𑍍𑌤𑌦𑌾 ।
𑌵𑌿𑌷𑌣𑍍𑌣𑌵𑌦𑌨𑍋 𑌦𑍀𑌨𑌃 𑌪𑍍𑌰𑌾𑌂𑌜𑌲𑌿𑌰𑍍𑌵𑌾𑌕𑍍𑌯𑌮𑌬𑍍𑌰𑌵𑍀𑌤𑍍 ॥ 5 ॥

𑌕𑍍𑌷𑌤𑍍𑌰𑌰𑍋𑌷𑌾𑌤𑍍𑌪𑍍𑌰𑌶𑌾𑌂𑌤𑌸𑍍𑌤𑍍𑌵𑌂 𑌬𑍍𑌰𑌾𑌹𑍍𑌮𑌣𑌶𑍍𑌚 𑌮𑌹𑌾𑌯𑌶𑌾𑌃 ।
𑌬𑌾𑌲𑌾𑌨𑌾𑌂 𑌮𑌮 𑌪𑍁𑌤𑍍𑌰𑌾𑌣𑌾𑌮𑌭𑌯𑌂 𑌦𑌾𑌤𑍁𑌮𑌰𑍍𑌹𑌸𑌿 ॥ 6 ॥

𑌭𑌾𑌰𑍍𑌗𑌵𑌾𑌣𑌾𑌂 𑌕𑍁𑌲𑍇 𑌜𑌾𑌤𑌃 𑌸𑍍𑌵𑌾𑌧𑍍𑌯𑌾𑌯𑌵𑍍𑌰𑌤𑌶𑌾𑌲𑌿𑌨𑌾𑌮𑍍 ।
𑌸𑌹𑌾𑌸𑍍𑌰𑌾𑌕𑍍𑌷𑍇 𑌪𑍍𑌰𑌤𑌿𑌜𑍍𑌞𑌾𑌯 𑌶𑌸𑍍𑌤𑍍𑌰𑌂 𑌨𑌿𑌕𑍍𑌷𑌿𑌪𑍍𑌤𑌵𑌾𑌨𑌸𑌿 ॥ 𑍭 ॥

𑌸 𑌤𑍍𑌵𑌂 𑌧𑌰𑍍𑌮𑌪𑌰𑍋 𑌭𑍂𑌤𑍍𑌵𑌾 𑌕𑌾𑌶𑍍𑌯𑌪𑌾𑌯 𑌵𑌸𑍁𑌂𑌧𑌰𑌾𑌮𑍍 ।
𑌦𑌤𑍍𑌤𑍍𑌵𑌾 𑌵𑌨𑌮𑍁𑌪𑌾𑌗𑌮𑍍𑌯 𑌮𑌹𑍇𑌂𑌦𑍍𑌰𑌕𑍃𑌤𑌕𑍇𑌤𑌨𑌃 ॥ 𑍮 ॥

𑌮𑌮 𑌸𑌰𑍍𑌵𑌵𑌿𑌨𑌾𑌶𑌾𑌯 𑌸𑌂𑌪𑍍𑌰𑌾𑌪𑍍𑌤𑌸𑍍𑌤𑍍𑌵𑌂 𑌮𑌹𑌾𑌮𑍁𑌨𑍇 ।
𑌨 𑌚𑍈𑌕𑌸𑍍𑌮𑌿𑌨𑍍 𑌹𑌤𑍇 𑌰𑌾𑌮𑍇 𑌸𑌰𑍍𑌵𑍇 𑌜𑍀𑌵𑌾𑌮𑌹𑍇 𑌵𑌯𑌮𑍍 ॥ 𑍯 ॥

𑌬𑍍𑌰𑍁𑌵𑌤𑍍𑌯𑍇𑌵𑌂 𑌦𑌶𑌰𑌥𑍇 𑌜𑌾𑌮𑌦𑌗𑍍𑌨𑍍𑌯𑌃 𑌪𑍍𑌰𑌤𑌾𑌪𑌵𑌾𑌨𑍍 ।
𑌅𑌨𑌾𑌦𑍃𑌤𑍍𑌯𑍈𑌵 𑌤𑌦𑍍𑌵𑌾𑌕𑍍𑌯𑌂 𑌰𑌾𑌮𑌮𑍇𑌵𑌾𑌭𑍍𑌯𑌭𑌾𑌷𑌤 ॥ 10 ॥

𑌇𑌮𑍇 𑌦𑍍𑌵𑍇 𑌧𑌨𑍁𑌷𑍀 𑌶𑍍𑌰𑍇𑌷𑍍𑌠𑍇 𑌦𑌿𑌵𑍍𑌯𑍇 𑌲𑍋𑌕𑌾𑌭𑌿𑌵𑌿𑌶𑍍𑌰𑍁𑌤𑍇 ।
𑌦𑍃𑌢𑍇 𑌬𑌲𑌵𑌤𑍀 𑌮𑍁𑌖𑍍𑌯𑍇 𑌸𑍁𑌕𑍃𑌤𑍇 𑌵𑌿𑌶𑍍𑌵𑌕𑌰𑍍𑌮𑌣𑌾 ॥ 11 ॥

𑌅𑌤𑌿𑌸𑍃𑌷𑍍𑌟𑌂 𑌸𑍁𑌰𑍈𑌰𑍇𑌕𑌂 𑌤𑍍𑌰𑍍𑌯𑌂𑌬𑌕𑌾𑌯 𑌯𑍁𑌯𑍁𑌤𑍍𑌸𑌵𑍇 ।
𑌤𑍍𑌰𑌿𑌪𑍁𑌰𑌘𑍍𑌨𑌂 𑌨𑌰𑌶𑍍𑌰𑍇𑌷𑍍𑌠 𑌭𑌗𑍍𑌨𑌂 𑌕𑌾𑌕𑍁𑌤𑍍𑌸𑍍𑌥 𑌯𑌤𑍍𑌤𑍍𑌵𑌯𑌾 ॥ 12 ॥

𑌇𑌦𑌂 𑌦𑍍𑌵𑌿𑌤𑍀𑌯𑌂 𑌦𑍁𑌰𑍍𑌧𑌰𑍍𑌷𑌂 𑌵𑌿𑌷𑍍𑌣𑍋𑌰𑍍𑌦𑌤𑍍𑌤𑌂 𑌸𑍁𑌰𑍋𑌤𑍍𑌤𑌮𑍈𑌃 ।
𑌤𑌦𑌿𑌦𑌂 𑌵𑍈𑌷𑍍𑌣𑌵𑌂 𑌰𑌾𑌮 𑌧𑌨𑍁𑌃 𑌪𑌰𑌮𑌭𑌾𑌸𑍍𑌵𑌰𑌮𑍍 ।
𑌸𑌮𑌾𑌨𑌸𑌾𑌰𑌂 𑌕𑌾𑌕𑍁𑌤𑍍𑌸𑍍𑌥 𑌰𑍌𑌦𑍍𑌰𑍇𑌣 𑌧𑌨𑍁𑌷𑌾 𑌤𑍍𑌵𑌿𑌦𑌮𑍍 ॥ 13 ॥

𑌤𑌦𑌾 𑌤𑍁 𑌦𑍇𑌵𑌤𑌾𑌸𑍍𑌸𑌰𑍍𑌵𑌾𑌃 𑌪𑍃𑌚𑍍𑌛𑌂𑌤𑌿 𑌸𑍍𑌮 𑌪𑌿𑌤𑌾𑌮𑌹𑌮𑍍 ।
𑌶𑌿𑌤𑌿𑌕𑌂𑌠𑌸𑍍𑌯 𑌵𑌿𑌷𑍍𑌣𑍋𑌶𑍍𑌚 𑌬𑌲𑌾𑌬𑌲𑌨𑌿𑌰𑍀𑌕𑍍𑌷𑌯𑌾 ॥ 14 ॥

𑌅𑌭𑌿𑌪𑍍𑌰𑌾𑌯𑌂 𑌤𑍁 𑌵𑌿𑌜𑍍𑌞𑌾𑌯 𑌦𑍇𑌵𑌤𑌾𑌨𑌾𑌂 𑌪𑌿𑌤𑌾𑌮𑌹𑌃 ।
𑌵𑌿𑌰𑍋𑌧𑌂 𑌜𑌨𑌯𑌾𑌮𑌾𑌸 𑌤𑌯𑍋 𑌸𑍍𑌸𑌤𑍍𑌯𑌵𑌤𑌾𑌂 𑌵𑌰𑌃 ॥ 15 ॥

𑌵𑌿𑌰𑍋𑌧𑍇 𑌚 𑌮𑌹𑌦𑍍𑌯𑍁𑌦𑍍𑌧𑌮𑌭𑌵𑌦𑍍𑌰𑍋𑌮𑌹𑌰𑍍𑌷𑌣𑌮𑍍 ।
𑌶𑌿𑌤𑌿𑌕𑌂𑌠𑌸𑍍𑌯 𑌵𑌿𑌷𑍍𑌣𑍋𑌶𑍍𑌚 𑌪𑌰𑌸𑍍𑌪𑌰𑌜𑌿𑌗𑍀𑌷𑍁𑌣𑍋𑌃 ॥ 16 ॥

𑌤𑌦𑌾 𑌤𑍁 𑌜𑍃𑌂𑌭𑌿𑌤𑌂 𑌶𑍈𑌵𑌂 𑌧𑌨𑍁𑌰𑍍𑌭𑍀𑌮𑌪𑌰𑌾𑌕𑍍𑌰𑌮𑌮𑍍 ।
𑌹𑍁𑌂𑌕𑌾𑌰𑍇𑌣 𑌮𑌹𑌾𑌦𑍇𑌵 𑌸𑍍𑌤𑌂𑌭𑌿𑌤𑍋𑌽𑌥 𑌤𑍍𑌰𑌿𑌲𑍋𑌚𑌨𑌃 ॥ 1𑍭 ॥

𑌦𑍇𑌵𑍈𑌸𑍍𑌤𑌦𑌾 𑌸𑌮𑌾𑌗𑌮𑍍𑌯 𑌸𑌰𑍍𑌷𑌿𑌸𑌘𑍈 𑌸𑍍𑌸𑌚𑌾𑌰𑌣𑍈𑌃 ।
𑌯𑌾𑌚𑌿𑌤𑍌 𑌪𑍍𑌰𑌶𑌮𑌂 𑌤𑌤𑍍𑌰 𑌜𑌗𑍍𑌮𑌤𑍁𑌸𑍍𑌤𑍌 𑌸𑍁𑌰𑍋𑌤𑍍𑌤𑌮𑍌 ॥ 1𑍮 ॥

𑌜𑍃𑌂𑌭𑌿𑌤𑌂 𑌤𑌦𑍍𑌧𑌨𑍁𑌰𑍍𑌦𑍍𑌰𑍃𑌷𑍍𑌟𑍍𑌵𑌾 𑌶𑍈𑌵𑌂 𑌵𑌿𑌷𑍍𑌣𑍁𑌪𑌰𑌾𑌕𑍍𑌰𑌮𑍈𑌃 ।
𑌅𑌧𑌿𑌕𑌂 𑌮𑍇𑌨𑌿𑌰𑍇 𑌵𑌿𑌷𑍍𑌣𑍁𑌂 𑌦𑍇𑌵𑌾 𑌸𑍍𑌸𑌰𑍍𑌷𑌿𑌗𑌣𑌾𑌸𑍍𑌤𑌦𑌾 ॥ 1𑍯 ॥

𑌧𑌨𑍂 𑌰𑍁𑌦𑍍𑌰𑌸𑍍𑌤𑍁 𑌸𑌂𑌕𑍃𑌦𑍍𑌧𑍋 𑌵𑌿𑌦𑍇𑌹𑍇𑌷𑍁 𑌮𑌹𑌾𑌯𑌶𑌾𑌃 ।
𑌦𑍇𑌵𑌰𑌾𑌤𑌸𑍍𑌯 𑌰𑌾𑌜𑌰𑍍𑌷𑍇𑌰𑍍𑌦𑌦𑍌 𑌹𑌸𑍍𑌤𑍇 𑌸𑌸𑌾𑌯𑌕𑌮𑍍 ॥ 20 ॥

𑌇𑌦𑌂 𑌚 𑌵𑍈𑌷𑍍𑌣𑌵𑌂 𑌰𑌾𑌮 𑌧𑌨𑍁𑌃 𑌪𑌰𑌪𑍁𑌰𑌂𑌜𑌯𑌮𑍍 ।
𑌋𑌚𑍀𑌕𑍇 𑌭𑌾𑌰𑍍𑌗𑌵𑍇 𑌪𑍍𑌰𑌾𑌦𑌾𑌦𑍍𑌵𑌿𑌷𑍍𑌣𑍁𑌃 𑌸 𑌨𑍍𑌯𑌾𑌸𑌮𑍁𑌤𑍍𑌤𑌮𑌮𑍍 ॥ 21 ॥

𑌋𑌚𑍀𑌕𑌸𑍍𑌤𑍁 𑌮𑌹𑌾𑌤𑍇𑌜𑌾𑌃 𑌪𑍁𑌤𑍍𑌰𑌸𑍍𑌯𑌾𑌪𑍍𑌰𑌤𑌿𑌕𑌰𑍍𑌮𑌣𑌃 ।
𑌪𑌿𑌤𑍁𑌰𑍍𑌮𑌮 𑌦𑌦𑍌 𑌦𑌿𑌵𑍍𑌯𑌂 𑌜𑌮𑌦𑌗𑍍𑌨𑍇𑌰𑍍𑌮𑌹𑌾𑌤𑍍𑌮𑌨𑌃 ॥ 22 ॥

𑌨𑍍𑌯𑌸𑍍𑌤𑌶𑌸𑍍𑌤𑍍𑌰𑍇 𑌪𑌿𑌤𑌰𑌿 𑌮𑍇 𑌤𑌪𑍋𑌬𑌲𑌸𑌮𑌨𑍍𑌵𑌿𑌤𑍇 ।
𑌅𑌰𑍍𑌜𑍁𑌨𑍋 𑌵𑌿𑌦𑌧𑍇 𑌮𑍃𑌤𑍍𑌯𑍁𑌂 𑌪𑍍𑌰𑌾𑌕𑍃𑌤𑌾𑌂 𑌬𑍁𑌦𑍍𑌧𑌿𑌮𑌾𑌸𑍍𑌥𑌿𑌤𑌃 ॥ 23 ॥

𑌵𑌧𑌮𑌪𑍍𑌰𑌤𑌿𑌰𑍂𑌪𑌂 𑌤𑍁 𑌪𑌿𑌤𑍁 𑌶𑍍𑌶𑍃𑌤𑍍𑌵𑌾 𑌸𑍁𑌦𑌾𑌰𑍁𑌣𑌮𑍍 ।
𑌕𑍍𑌷𑌤𑍍𑌰𑌮𑍁𑌤𑍍𑌸𑌾𑌦𑌯𑌨𑍍𑌰𑍋𑌷𑌾𑌜𑍍𑌜𑌾𑌤𑌂 𑌜𑌾𑌤𑌮𑌨𑍇𑌕𑌶𑌃 ॥ 24 ॥

𑌪𑍃𑌥𑌿𑌵𑍀𑌂 𑌚𑌾𑌖𑌿𑌲𑌾𑌂 𑌪𑍍𑌰𑌾𑌪𑍍𑌯 𑌕𑌾𑌶𑍍𑌯𑌪𑌾𑌯 𑌮𑌹𑌾𑌤𑍍𑌮𑌨𑍇 ।
𑌯𑌜𑍍𑌞𑌸𑍍𑌯𑌾𑌂𑌤𑍇 𑌤𑌦𑌾 𑌰𑌾𑌮 𑌦𑌕𑍍𑌷𑌿𑌣𑌾𑌂 𑌪𑍁𑌣𑍍𑌯𑌕𑌰𑍍𑌮𑌣𑍇 ।
𑌦𑌤𑍍𑌤𑍍𑌵𑌾 𑌮𑌹𑍇𑌂𑌦𑍍𑌰𑌨𑌿𑌲𑌯𑌸𑍍𑌤𑌪𑍋𑌬𑌲𑌸𑌮𑌨𑍍𑌵𑌿𑌤𑌃 ॥ 25 ॥

𑌅𑌦𑍍𑌯𑌤𑍂𑌤𑍍𑌤𑌮𑌵𑍀𑌰𑍍𑌯𑍇𑌣 𑌤𑍍𑌵𑌯𑌾 𑌰𑌾𑌮 𑌮𑌹𑌾𑌬𑌲 ।
𑌶𑍍𑌰𑍁𑌤𑌵𑌾𑌨𑍍 𑌧𑌨𑍁𑌷𑍋 𑌭𑍇𑌦𑌂 𑌤𑌤𑍋𑌽𑌹𑌂 𑌦𑍍𑌰𑍁𑌤𑌮𑌾𑌗𑌤𑌃 ॥ 26 ॥

𑌤𑌦𑌿𑌦𑌂 𑌵𑍈𑌷𑍍𑌣𑌵𑌂 𑌰𑌾𑌮 𑌪𑌿𑌤𑍃𑌪𑍈𑌤𑌾𑌮𑌹𑌂 𑌮𑌹𑌤𑍍 ।
𑌕𑍍𑌷𑌤𑍍𑌰𑌧𑌰𑍍𑌮𑌂 𑌪𑍁𑌰𑌸𑍍𑌕𑍃𑌤𑍍𑌯 𑌗𑍃𑌹𑍍𑌣𑍀𑌷𑍍𑌵 𑌧𑌨𑍁𑌰𑍁𑌤𑍍𑌤𑌮𑌮𑍍 ॥ 2𑍭 ॥

𑌯𑍋𑌜𑌯𑌸𑍍𑌵 𑌧𑌨𑍁𑌶𑍍𑌶𑍍𑌰𑍇𑌷𑍍𑌠𑍇 𑌶𑌰𑌂 𑌪𑌰𑌪𑍁𑌰𑌂𑌜𑌯𑌮𑍍 ।
𑌯𑌦𑌿 𑌶𑌕𑍍𑌨𑍋𑌷𑌿 𑌕𑌾𑌕𑍁𑌤𑍍𑌸𑍍𑌥 𑌦𑍍𑌵𑌂𑌦𑍍𑌵𑌂 𑌦𑌾𑌸𑍍𑌯𑌾𑌮𑌿 𑌤𑍇 𑌤𑌤𑌃 ॥ 2𑍮 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌬𑌾𑌲𑌕𑌾𑌂𑌡𑍇 𑌪𑌂𑌚𑌸𑌪𑍍𑌤𑌤𑌿𑌤𑌮𑌸𑍍𑌸𑌰𑍍𑌗𑌃 ॥


Browse Related Categories: