Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

3.6𑍮 𑌅𑌰𑌣𑍍𑌯𑌕𑌾𑌂𑌡 - 𑌅𑌷𑍍𑌟𑌷𑌷𑍍𑌟𑌿𑌤𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌰𑌣𑍍𑌯𑌕𑌾𑌂𑌡𑌮𑍍 ।
𑌅𑌥 𑌅𑌷𑍍𑌟𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ।

𑌰𑌾𑌮𑌸𑍍𑌸𑌂𑌪𑍍𑌰𑍇𑌕𑍍𑌷𑍍𑌯 𑌤𑌂 𑌗𑍃𑌧𑍍𑌰𑌂 𑌭𑍁𑌵𑌿 𑌰𑍌𑌦𑍍𑌰𑍇𑌣 𑌪𑌾𑌤𑌿𑌤𑌮𑍍 ।
𑌸𑍌𑌮𑌿𑌤𑍍𑌰𑌿𑌂 𑌮𑌿𑌤𑍍𑌰𑌸𑌂𑌪𑌨𑍍𑌨𑌮𑌿𑌦𑌂 𑌵𑌚𑌨𑌮𑌬𑍍𑌰𑌵𑍀𑌤𑍍 ॥ 1 ॥

𑌮𑌮𑌾𑌯𑌂 𑌨𑍂𑌨𑌮𑌰𑍍𑌥𑍇𑌷𑍁 𑌯𑌤𑌮𑌾𑌨𑍋 𑌵𑌿𑌹𑌂𑌗𑌮𑌃 ।
𑌰𑌾𑌕𑍍𑌷𑌸𑍇𑌨 𑌹𑌤𑌸𑍍𑌸𑌂𑌖𑍍𑌯𑍇 𑌪𑍍𑌰𑌾𑌣𑌾𑌂𑌸𑍍𑌤𑍍𑌯𑌕𑍍𑌷𑍍𑌯𑌤𑌿 𑌦𑍁𑌸𑍍𑌤𑍍𑌯𑌜𑌾𑌨𑍍 ॥ 2 ॥

𑌅𑌯𑌮𑌸𑍍𑌯 𑌶𑌰𑍀𑌰𑍇𑌽𑌸𑍍𑌮𑌿𑌨𑍍𑌪𑍍𑌰𑌾𑌣𑍋 𑌲𑌕𑍍𑌷𑍍𑌮𑌣 𑌵𑌿𑌦𑍍𑌯𑌤𑍇 ।
𑌤𑌥𑌾 𑌹𑌿 𑌸𑍍𑌵𑌰𑌹𑍀𑌨𑍋𑌽𑌯𑌂 𑌵𑌿𑌕𑍍𑌲𑌬𑌸𑍍𑌸𑌮𑍁𑌦𑍀𑌕𑍍𑌷𑍍𑌯𑌤𑍇 ॥ 3 ॥

𑌜𑌟𑌾𑌯𑍋 𑌯𑌦𑌿 𑌶𑌕𑍍𑌨𑍋𑌷𑌿 𑌵𑌾𑌕𑍍𑌯𑌂 𑌵𑍍𑌯𑌾𑌹𑌰𑌿𑌤𑍁𑌂 𑌪𑍁𑌨𑌃 ।
𑌸𑍀𑌤𑌾𑌮𑌾𑌖𑍍𑌯𑌾𑌹𑌿 𑌭𑌦𑍍𑌰𑌂 𑌤𑍇 𑌵𑌧𑌮𑌾𑌖𑍍𑌯𑌾𑌹𑌿 𑌚𑌾𑌤𑍍𑌮𑌨𑌃 ॥ 4 ॥

𑌕𑌿𑌂 𑌨𑌿𑌮𑌿𑌤𑍍𑌤𑍋𑌽𑌹𑌰𑌤𑍍𑌸𑍀𑌤𑌾𑌂 𑌰𑌾𑌵𑌣𑌸𑍍𑌤𑌸𑍍𑌯 𑌕𑌿𑌂 𑌮𑌯𑌾 ।
𑌅𑌪𑌰𑌾𑌦𑍍𑌧𑌂 𑌤𑍁 𑌯𑌂 𑌦𑍃𑌷𑍍𑌟𑍍𑌵𑌾 𑌰𑌾𑌵𑌣𑍇𑌨 𑌹𑍃𑌤𑌾 𑌪𑍍𑌰𑌿𑌯𑌾 ॥ 5 ॥

𑌕𑌥𑌂 𑌤𑌚𑍍𑌚𑌂𑌦𑍍𑌰𑌸𑌂𑌕𑌾𑌶𑌂 𑌮𑍁𑌖𑌮𑌾𑌸𑍀𑌨𑍍𑌮𑌨𑍋𑌹𑌰𑌮𑍍 ।
𑌸𑍀𑌤𑌯𑌾 𑌕𑌾𑌨𑌿 𑌚𑍋𑌕𑍍𑌤𑌾𑌨𑌿 𑌤𑌸𑍍𑌮𑌿𑌨𑍍𑌕𑌾𑌲𑍇 𑌦𑍍𑌵𑌿𑌜𑍋𑌤𑍍𑌤𑌮 ॥ 6 ॥

𑌕𑌥𑌂 𑌵𑍀𑌰𑍍𑌯𑌃 𑌕𑌥𑌂 𑌰𑍂𑌪𑌃 𑌕𑌿𑌂 𑌕𑌰𑍍𑌮𑌾 𑌸 𑌚 𑌰𑌾𑌕𑍍𑌷𑌸𑌃 ।
𑌕𑍍𑌵 𑌚𑌾𑌸𑍍𑌯 𑌭𑌵𑌨𑌂 𑌤𑌾𑌤 𑌬𑍍𑌰𑍂𑌹𑌿 𑌮𑍇 𑌪𑌰𑌿𑌪𑍃𑌚𑍍𑌛𑌤𑌃 ॥ 𑍭 ॥

𑌤𑌮𑍁𑌦𑍍𑌵𑍀𑌕𑍍𑌷𑍍𑌯𑌾𑌥 𑌦𑍀𑌨𑌾𑌤𑍍𑌮𑌾 𑌵𑌿𑌲𑌪𑌂𑌤𑌮𑌨𑌂𑌤𑌰𑌮𑍍 ।
𑌵𑌾𑌚𑌾𑌤𑌿𑌸𑌨𑍍𑌨𑌯𑌾 𑌰𑌾𑌮𑌂 𑌜𑌟𑌾𑌯𑍁𑌰𑌿𑌦𑌮𑌬𑍍𑌰𑌵𑍀𑌤𑍍 ॥ 𑍮 ॥

𑌹𑍃𑌤𑌾 𑌸𑌾 𑌰𑌾𑌕𑍍𑌷𑌸𑍇𑌂𑌦𑍍𑌰𑍇𑌣 𑌰𑌾𑌵𑌣𑍇𑌨 𑌵𑌿𑌹𑌾𑌯𑌸𑌾 ।
𑌮𑌾𑌯𑌾𑌮𑌾𑌸𑍍𑌥𑌾𑌯 𑌵𑌿𑌪𑍁𑌲𑌾𑌂 𑌵𑌾𑌤𑌦𑍁𑌰𑍍𑌦𑌿𑌨𑌸𑌂𑌕𑍁𑌲𑌾𑌮𑍍 ॥ 𑍯 ॥

𑌪𑌰𑌿𑌶𑍍𑌰𑌾𑌂𑌤𑌸𑍍𑌯 𑌮𑍇 𑌤𑌾𑌤 𑌪𑌕𑍍𑌷𑍌 𑌛𑌿𑌤𑍍𑌵𑌾 𑌸 𑌰𑌾𑌕𑍍𑌷𑌸𑌃 ।
𑌸𑍀𑌤𑌾𑌮𑌾𑌦𑌾𑌯 𑌵𑍈𑌦𑍇𑌹𑍀𑌂 𑌪𑍍𑌰𑌯𑌾𑌤𑍋 𑌦𑌕𑍍𑌷𑌿𑌣𑌾𑌂 𑌦𑌿𑌶𑌮𑍍 ॥ 10 ॥

𑌉𑌪𑌰𑍁𑌧𑍍𑌯𑌂𑌤𑌿 𑌮𑍇 𑌪𑍍𑌰𑌾𑌣𑌾 𑌦𑍃𑌷𑍍𑌟𑌿𑌰𑍍𑌭𑍍𑌰𑌮𑌤𑌿 𑌰𑌾𑌘𑌵 ।
𑌪𑌶𑍍𑌯𑌾𑌮𑌿 𑌵𑍃𑌕𑍍𑌷𑌾𑌨𑍍𑌸𑍌𑌵𑌰𑍍𑌣𑌾𑌨𑍁𑌶𑍀𑌰𑌕𑍃𑌤𑌮𑍂𑌰𑍍𑌧𑌜𑌾𑌨𑍍 ॥ 11 ॥

𑌯𑍇𑌨 𑌯𑌾𑌤𑌿 𑌮𑍁𑌹𑍂𑌰𑍍𑌤𑍇𑌨 𑌸𑍀𑌤𑌾𑌮𑌾𑌦𑌾𑌯 𑌰𑌾𑌵𑌣𑌃 ।
𑌵𑌿𑌪𑍍𑌰𑌣𑌷𑍍𑌟𑌂 𑌧𑌨𑌂 𑌕𑍍𑌷𑌿𑌪𑍍𑌰𑌂 𑌤𑌤𑍍𑌸𑍍𑌵𑌾𑌮𑍀 𑌪𑍍𑌰𑌤𑌿𑌪𑌦𑍍𑌯𑌤𑍇 ॥ 12 ॥

𑌵𑌿𑌂𑌦𑍋 𑌨𑌾𑌮 𑌮𑍁𑌹𑍂𑌰𑍍𑌤𑍋𑌽𑌯𑌂 𑌸 𑌚 𑌕𑌾𑌕𑍁𑌤𑍍𑌸𑍍𑌥 𑌨𑌾𑌬𑍁𑌧𑌤𑍍 ।
𑌤𑍍𑌵𑌤𑍍𑌪𑍍𑌰𑌿𑌯𑌾𑌂 𑌜𑌾𑌨𑌕𑍀𑌂 𑌹𑍃𑌤𑍍𑌵𑌾 𑌰𑌾𑌵𑌣𑍋 𑌰𑌾𑌕𑍍𑌷𑌸𑍇𑌶𑍍𑌵𑌰𑌃 ॥ 13 ॥

𑌝𑌷𑌵𑌦𑍍𑌬𑌡𑌿𑌶𑌂 𑌗𑍃𑌹𑍍𑌯 𑌕𑍍𑌷𑌿𑌪𑍍𑌰𑌮𑍇𑌵 𑌵𑌿𑌨𑌶𑍍𑌯𑌤𑌿 ।
𑌨 𑌚 𑌤𑍍𑌵𑌯𑌾 𑌵𑍍𑌯𑌥𑌾 𑌕𑌾𑌰𑍍𑌯𑌾 𑌜𑌨𑌕𑌸𑍍𑌯 𑌸𑍁𑌤𑌾𑌂 𑌪𑍍𑌰𑌤𑌿 ॥ 14 ॥

𑌵𑍈𑌦𑍇𑌹𑍍𑌯𑌾 𑌰𑌂𑌸𑍍𑌯𑌸𑍇 𑌕𑍍𑌷𑌿𑌪𑍍𑌰𑌂 𑌹𑌤𑍍𑌵𑌾 𑌤𑌂 𑌰𑌾𑌕𑍍𑌷𑌸𑌂 𑌰𑌣𑍇 ।
𑌅𑌸𑌮𑍍𑌮𑍂𑌢𑌸𑍍𑌯 𑌗𑍃𑌧𑍍𑌰𑌸𑍍𑌯 𑌰𑌾𑌮𑌂 𑌪𑍍𑌰𑌤𑍍𑌯𑌨𑍁𑌭𑌾𑌷𑌤𑌃 ॥ 15 ॥

𑌆𑌸𑍍𑌯𑌾𑌤𑍍𑌸𑍁𑌸𑍍𑌰𑌾𑌵 𑌰𑍁𑌧𑌿𑌰𑌂 𑌮𑍍𑌰𑌿𑌯𑌮𑌾𑌣𑌸𑍍𑌯 𑌸𑌾𑌮𑌿𑌷𑌮𑍍 ।
𑌪𑍁𑌤𑍍𑌰𑍋 𑌵𑌿𑌶𑍍𑌰𑌵𑌸𑌸𑍍𑌸𑌾𑌕𑍍𑌷𑌾𑌦𑍍𑌭𑍍𑌰𑌾𑌤𑌾 𑌵𑍈𑌶𑍍𑌰𑌵𑌣𑌸𑍍𑌯 𑌚 ॥ 16 ॥

𑌇𑌤𑍍𑌯𑍁𑌕𑍍𑌤𑍍𑌵𑌾 𑌦𑍁𑌰𑍍𑌲𑌭𑌾𑌨𑍍𑌪𑍍𑌰𑌾𑌣𑌾𑌨𑍍𑌮𑍁𑌮𑍋𑌚 𑌪𑌤𑌗𑍇𑌶𑍍𑌵𑌰𑌃 ।
𑌬𑍍𑌰𑍂𑌹𑌿 𑌬𑍍𑌰𑍂𑌹𑍀𑌤𑌿 𑌰𑌾𑌮𑌸𑍍𑌯 𑌬𑍍𑌰𑍁𑌵𑌾𑌣𑌸𑍍𑌯 𑌕𑍃𑌤𑌾𑌂𑌜𑌲𑍇𑌃 ॥ 1𑍭 ॥

𑌤𑍍𑌵𑌕𑍍𑌤𑍍𑌵𑌾 𑌶𑌰𑍀𑌰𑌂 𑌗𑍃𑌧𑍍𑌰𑌸𑍍𑌯 𑌜𑌗𑍍𑌮𑍁𑌃 𑌪𑍍𑌰𑌾𑌣𑌾 𑌵𑌿𑌹𑌾𑌯𑌸𑌮𑍍 ।
𑌸 𑌨𑌿𑌕𑍍𑌷𑌿𑌪𑍍𑌯 𑌶𑌿𑌰𑍋 𑌭𑍂𑌮𑍌 𑌪𑍍𑌰𑌸𑌾𑌰𑍍𑌯 𑌚𑌰𑌣𑍌 𑌤𑌦𑌾 ॥ 1𑍮 ॥

𑌵𑌿𑌕𑍍𑌷𑌿𑌪𑍍𑌯 𑌚 𑌶𑌰𑍀𑌰𑌂 𑌸𑍍𑌵𑌂 𑌪𑌪𑌾𑌤 𑌧𑌰𑌣𑍀𑌤𑌲𑍇 ।
𑌤𑌂 𑌗𑍃𑌧𑍍𑌰𑌂 𑌪𑍍𑌰𑍇𑌕𑍍𑌷𑍍𑌯 𑌤𑌾𑌮𑍍𑌰𑌾𑌕𑍍𑌷𑌂 𑌗𑌤𑌾𑌸𑍁𑌮𑌚𑌲𑍋𑌪𑌮𑌮𑍍 ॥ 1𑍯 ॥

𑌰𑌾𑌮𑌸𑍍𑌸𑍁𑌬𑌹𑍁𑌭𑌿𑌰𑍍𑌦𑍁𑌃𑌖𑍈𑌰𑍍𑌦𑍀𑌨𑌸𑍍𑌸𑍌𑌮𑌿𑌤𑍍𑌰𑌿𑌮𑌬𑍍𑌰𑌵𑍀𑌤𑍍 ।
𑌬𑌹𑍂𑌨𑌿 𑌰𑌕𑍍𑌷𑌸𑌾𑌂 𑌵𑌾𑌸𑍇 𑌵𑌰𑍍𑌷𑌾𑌣𑌿 𑌵𑌸𑌤𑌾 𑌸𑍁𑌖𑌮𑍍 ॥ 20 ॥

𑌅𑌨𑍇𑌨 𑌦𑌂𑌡𑌕𑌾𑌰𑌣𑍍𑌯𑍇 𑌵𑌿𑌶𑍀𑌰𑍍𑌣𑌮𑌿𑌹 𑌪𑌕𑍍𑌷𑌿𑌣𑌾 ।
𑌅𑌨𑍇𑌕𑌵𑌾𑌰𑍍𑌷𑌿𑌕𑍋 𑌯𑌸𑍍𑌤𑍁 𑌚𑌿𑌰𑌕𑌾𑌲𑌸𑌮𑍁𑌤𑍍𑌥𑌿𑌤𑌃 ॥ 21 ॥

𑌸𑍋𑌽𑌯𑌮𑌦𑍍𑌯 𑌹𑌤𑌶𑍍𑌶𑍇𑌤𑍇 𑌕𑌾𑌲𑍋 𑌹𑌿 𑌦𑍁𑌰𑌤𑌿𑌕𑍍𑌰𑌮𑌃 ।
𑌪𑌶𑍍𑌯 𑌲𑌕𑍍𑌷𑍍𑌮𑌣 𑌗𑍃𑌧𑍍𑌰𑍋𑌽𑌯𑌮𑍁𑌪𑌕𑌾𑌰𑍀 𑌹𑌤𑌶𑍍𑌚 𑌮𑍇 ॥ 22 ॥

𑌸𑍀𑌤𑌾𑌮𑌭𑍍𑌯𑌵𑌪𑌨𑍍𑌨𑍋 𑌵𑍈 𑌰𑌾𑌵𑌣𑍇𑌨 𑌬𑌲𑍀𑌯𑌸𑌾 ।
𑌗𑍃𑌧𑍍𑌰𑌰𑌾𑌜𑍍𑌯𑌂 𑌪𑌰𑌿𑌤𑍍𑌯𑌜𑍍𑌯 𑌪𑌿𑌤𑍃𑌪𑍈𑌤𑌾𑌮𑌹𑌂 𑌮𑌹𑌤𑍍 ॥ 23 ॥

𑌮𑌮 𑌹𑍇𑌤𑍋𑌰𑌯𑌂 𑌪𑍍𑌰𑌾𑌣𑌾𑌨𑍍𑌮𑍁𑌮𑍋𑌚 𑌪𑌤𑌗𑍇𑌶𑍍𑌵𑌰𑌃 ।
𑌸𑌰𑍍𑌵𑌤𑍍𑌰 𑌖𑌲𑍁 𑌦𑍃𑌶𑍍𑌯𑌂𑌤𑍇 𑌸𑌾𑌧𑌵𑍋 𑌧𑌰𑍍𑌮𑌚𑌾𑌰𑌿𑌣𑌃 ॥ 24 ॥

𑌶𑍂𑌰𑌾𑌶𑍍𑌶𑌰𑌣𑍍𑌯𑌾𑌸𑍍𑌸𑍌𑌮𑌿𑌤𑍍𑌰𑍇 𑌤𑌿𑌰𑍍𑌯𑌗𑍍𑌯𑍋𑌨𑌿𑌗𑌤𑍇𑌷𑍍𑌵𑌪𑌿 ।
𑌸𑍀𑌤𑌾𑌹𑌰𑌣𑌜𑌂 𑌦𑍁𑌃𑌖𑌂 𑌨 𑌮𑍇 𑌸𑍌𑌮𑍍𑌯 𑌤𑌥𑌾𑌵𑌿𑌧𑌮𑍍 ॥ 25 ॥

𑌯𑌥𑌾 𑌵𑌿𑌨𑌾𑌶𑍇 𑌗𑍃𑌧𑍍𑌰𑌸𑍍𑌯 𑌮𑌤𑍍𑌕𑍃𑌤𑍇 𑌚 𑌪𑌰𑌂𑌤𑌪 ।
𑌰𑌾𑌜𑌾 𑌦𑌶𑌰𑌥𑌶𑍍𑌶𑍍𑌰𑍀𑌮𑌾𑌨𑍍𑌯𑌥𑌾 𑌮𑌮 𑌮𑌹𑌾𑌯𑌶𑌾𑌃 ॥ 26 ॥

𑌪𑍂𑌜𑌨𑍀𑌯𑌶𑍍𑌚 𑌮𑌾𑌨𑍍𑌯𑌶𑍍𑌚 𑌤𑌥𑌾𑌽𑌯𑌂 𑌪𑌤𑌗𑍇𑌶𑍍𑌵𑌰𑌃 ।
𑌸𑍌𑌮𑌿𑌤𑍍𑌰𑍇 𑌹𑌰 𑌕𑌾𑌷𑍍𑌠𑌾𑌨𑌿 𑌨𑌿𑌰𑍍𑌮𑌥𑌿𑌷𑍍𑌯𑌾𑌮𑌿 𑌪𑌾𑌵𑌕𑌮𑍍 ॥ 2𑍭 ॥

𑌗𑍃𑌧𑍍𑌰𑌰𑌾𑌜𑌂 𑌦𑌿𑌧𑌕𑍍𑌷𑌾𑌮𑌿 𑌮𑌤𑍍𑌕𑍃𑌤𑍇 𑌨𑌿𑌧𑌨𑌂 𑌗𑌤𑌮𑍍 ।
𑌨𑌾𑌥𑌂 𑌪𑌤𑌗𑌲𑍋𑌕𑌸𑍍𑌯 𑌚𑌿𑌤𑌾𑌮𑌾𑌰𑍋𑌪𑍍𑌯 𑌰𑌾𑌘𑌵 ॥ 2𑍮 ॥

𑌇𑌮𑌂 𑌧𑌕𑍍𑌷𑍍𑌯𑌾𑌮𑌿 𑌸𑍌𑌮𑌿𑌤𑍍𑌰𑍇 𑌹𑌤𑌂 𑌰𑍌𑌦𑍍𑌰𑍇𑌣 𑌰𑌕𑍍𑌷𑌸𑌾 ।
𑌯𑌾 𑌗𑌤𑌿𑌰𑍍𑌯𑌜𑍍𑌞𑌶𑍀𑌲𑌾𑌨𑌾𑌮𑌾𑌹𑌿𑌤𑌾𑌗𑍍𑌨𑍇𑌶𑍍𑌚 𑌯𑌾 𑌗𑌤𑌿𑌃 ॥ 2𑍯 ॥

𑌅𑌪𑌰𑌾𑌵𑌰𑍍𑌤𑌿𑌨𑌾𑌂 𑌯𑌾 𑌚 𑌯𑌾 𑌚 𑌭𑍂𑌮𑌿𑌪𑍍𑌰𑌦𑌾𑌯𑌿𑌨𑌾𑌮𑍍 ।
𑌮𑌯𑌾 𑌤𑍍𑌵𑌂 𑌸𑌮𑌨𑍁𑌜𑍍𑌞𑌾𑌤𑍋 𑌗𑌚𑍍𑌛 𑌲𑍋𑌕𑌾𑌨𑌨𑍁𑌤𑍍𑌤𑌮𑌾𑌨𑍍 ॥ 30 ॥

𑌗𑍃𑌧𑍍𑌰𑌰𑌾𑌜 𑌮𑌹𑌾𑌸𑌤𑍍𑌤𑍍𑌵 𑌸𑌂𑌸𑍍𑌕𑍃𑌤𑌶𑍍𑌚 𑌮𑌯𑌾 𑌵𑍍𑌰𑌜 ।
𑌏𑌵𑌮𑍁𑌕𑍍𑌤𑍍𑌵𑌾 𑌚𑌿𑌤𑌾𑌂 𑌦𑍀𑌪𑍍𑌤𑌾𑌮𑌾𑌰𑍋𑌪𑍍𑌯 𑌪𑌤𑌗𑍇𑌶𑍍𑌵𑌰𑌮𑍍 ॥ 31 ॥

𑌦𑌦𑌾𑌹 𑌰𑌾𑌮𑍋 𑌧𑌰𑍍𑌮𑌾𑌤𑍍𑌮𑌾 𑌸𑍍𑌵𑌬𑌂𑌧𑍁𑌮𑌿𑌵 𑌦𑍁𑌃𑌖𑌿𑌤𑌃 ।
𑌰𑌾𑌮𑍋𑌽𑌥 𑌸𑌹𑌸𑍌𑌮𑌿𑌤𑍍𑌰𑌿𑌰𑍍𑌵𑌨𑌂 𑌗𑌤𑍍𑌵𑌾 𑌸 𑌵𑍀𑌰𑍍𑌯𑌵𑌾𑌨𑍍 ॥ 32 ॥

𑌸𑍍𑌥𑍂𑌲𑌾𑌨𑍍𑌹𑌤𑍍𑌵𑌾 𑌮𑌹𑌾𑌰𑍋𑌹𑍀𑌨𑌨𑍁𑌤𑌸𑍍𑌤𑌾𑌰 𑌤𑌂 𑌦𑍍𑌵𑌿𑌜𑌮𑍍 ।
𑌰𑍋𑌹𑌿𑌮𑌾𑌂𑌸𑌾𑌨𑌿 𑌚𑍋𑌤𑍍𑌕𑍃𑌤𑍍𑌯 𑌪𑍇𑌶𑍀𑌕𑍃𑌤𑍍𑌯 𑌮𑌹𑌾𑌯𑌶𑌾𑌃 ॥ 33 ॥

𑌶𑌕𑍁𑌨𑌾𑌯 𑌦𑌦𑍌 𑌰𑌾𑌮𑍋 𑌰𑌮𑍍𑌯𑍇 𑌹𑌰𑌿𑌤𑌶𑌾𑌦𑍍𑌵𑌲𑍇 ।
𑌯𑌤𑍍𑌤𑌤𑍍𑌪𑍍𑌰𑍇𑌤𑌸𑍍𑌯 𑌮𑌰𑍍𑌤𑍍𑌯𑌸𑍍𑌯 𑌕𑌥𑌯𑌂𑌤𑌿 𑌦𑍍𑌵𑌿𑌜𑌾𑌤𑌯𑌃 ॥ 34 ॥

𑌤𑌤𑍍𑌸𑍍𑌵𑌰𑍍𑌗𑌗𑌮𑌨𑌂 𑌤𑌸𑍍𑌯 𑌪𑌿𑌤𑍍𑌰𑍍𑌯𑌂 𑌰𑌾𑌮𑍋 𑌜𑌜𑌾𑌪 𑌹 ।
𑌤𑌤𑍋 𑌗𑍋𑌦𑌾𑌵𑌰𑍀𑌂 𑌗𑌤𑍍𑌵𑌾 𑌨𑌦𑍀𑌂 𑌨𑌰𑌵𑌰𑌾𑌤𑍍𑌮𑌜𑍌 ॥ 35 ॥

𑌉𑌦𑌕𑌂 𑌚𑌕𑍍𑌰𑌤𑍁𑌸𑍍𑌤𑌸𑍍𑌮𑍈 𑌗𑍃𑌧𑍍𑌰𑌰𑌾𑌜𑌾𑌯 𑌤𑌾𑌵𑍁𑌭𑍌 ।
𑌶𑌾𑌸𑍍𑌤𑍍𑌰𑌦𑍃𑌷𑍍𑌟𑍇𑌨 𑌵𑌿𑌧𑌿𑌨𑌾 𑌜𑌲𑍇 𑌗𑍃𑌧𑍍𑌰𑌾𑌯 𑌰𑌾𑌘𑌵𑍌 ॥ 36 ॥

𑌸𑍍𑌨𑌾𑌤𑍍𑌵𑌾 𑌤𑍌 𑌗𑍃𑌧𑍍𑌰𑌰𑌾𑌜𑌾𑌯 𑌉𑌦𑌕𑌂 𑌚𑌕𑍍𑌰𑌤𑍁𑌸𑍍𑌤𑌦𑌾 ।
𑌸 𑌗𑍃𑌧𑍍𑌰𑌰𑌾𑌜𑌃 𑌕𑍃𑌤𑌵𑌾𑌨𑍍𑌯𑌶𑌸𑍍𑌕𑌰𑌂 𑌸𑍁𑌦𑍁𑌷𑍍𑌕𑌰𑌂 𑌕𑌰𑍍𑌮 𑌰𑌣𑍇 𑌨𑌿𑌪𑌾𑌤𑌿𑌤𑌃 ।
𑌮𑌹𑌰𑍍𑌷𑌿𑌕𑌲𑍍𑌪𑍇𑌨 𑌚 𑌸𑌂𑌸𑍍𑌕𑍃𑌤𑌸𑍍𑌤𑌦𑌾 𑌜𑌗𑌾𑌮 𑌪𑍁𑌣𑍍𑌯𑌾𑌂 𑌗𑌤𑌿𑌮𑌾𑌤𑍍𑌮𑌨𑌶𑍍𑌶𑍁𑌭𑌾𑌮𑍍 ॥ 3𑍭 ॥

𑌕𑍃𑌤𑍋𑌦𑌕𑍌 𑌤𑌾𑌵𑌪𑌿 𑌪𑌕𑍍𑌷𑌿𑌸𑌤𑍍𑌤𑌮𑍇 𑌸𑍍𑌥𑌿𑌰𑌾𑌂 𑌚 𑌬𑍁𑌦𑍍𑌧𑌿𑌂 𑌪𑍍𑌰𑌣𑌿𑌧𑌾𑌯 𑌜𑌗𑍍𑌮𑌤𑍁𑌃 ।
𑌪𑍍𑌰𑌵𑍇𑌶𑍍𑌯 𑌸𑍀𑌤𑌾𑌧𑌿𑌗𑌮𑍇 𑌤𑌤𑍋 𑌮𑌨𑍋 𑌵𑌨𑌂 𑌸𑍁𑌰𑍇𑌂𑌦𑍍𑌰𑌵𑌿𑌵 𑌵𑌿𑌷𑍍𑌣𑍁𑌵𑌾𑌸𑌵𑍌 ॥ 3𑍮 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌰𑌣𑍍𑌯𑌕𑌾𑌂𑌡𑍇 𑌅𑌷𑍍𑌟𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ॥


Browse Related Categories: