𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑌮𑍍 ।
𑌅𑌥 𑌪𑌂𑌚𑌾𑌶𑌸𑍍𑌸𑌰𑍍𑌗𑌃 ।
𑌸𑌹 𑌤𑌾𑌰𑌾𑌂𑌗𑌦𑌾𑌭𑍍𑌯𑌾𑌂 𑌤𑍁 𑌸𑌂𑌗𑌮𑍍𑌯 𑌹𑌨𑍁𑌮𑌾𑌨𑍍𑌕𑌪𑌿𑌃 ।
𑌵𑌿𑌚𑌿𑌨𑍋𑌤𑌿 𑌸𑍍𑌮 𑌵𑌿𑌂𑌧𑍍𑌯𑌸𑍍𑌯 𑌗𑍁𑌹𑌾𑌶𑍍𑌚 𑌗𑌹𑌨𑌾𑌨𑌿 𑌚 ॥ 1 ॥
𑌸𑌿𑌂𑌹𑌶𑌾𑌰𑍍𑌦𑍂𑌲𑌜𑍁𑌷𑍍𑌟𑍇𑌷𑍁 𑌶𑌿𑌲𑌾𑌶𑍍𑌚 𑌸𑌰𑌿𑌤𑌸𑍍𑌤𑌦𑌾 ।
𑌵𑌿𑌷𑌮𑍇𑌷𑍁 𑌨𑌗𑍇𑌂𑌦𑍍𑌰𑌸𑍍𑌯 𑌮𑌹𑌾𑌪𑍍𑌰𑌸𑍍𑌰𑌵𑌣𑍇𑌷𑍁 𑌚 ॥ 2 ॥
𑌆𑌸𑍇𑌦𑍁𑌸𑍍𑌤𑌸𑍍𑌯 𑌶𑍈𑌲𑌸𑍍𑌯 𑌕𑍋𑌟𑌿𑌂 𑌦𑌕𑍍𑌷𑍍𑌣𑌿𑌪𑌶𑍍𑌚𑌿𑌮𑌾𑌮𑍍 ।
𑌤𑍇𑌷𑌾𑌂 𑌤𑌤𑍍𑌰𑍈𑌵 𑌵𑌸𑌤𑌾𑌂 𑌸 𑌕𑌾𑌲𑍋 𑌵𑍍𑌯𑌤𑍍𑌯𑌵𑌰𑍍𑌤𑌤 ॥ 3 ॥
𑌸 𑌹𑌿 𑌦𑍇𑌶𑍋 𑌦𑍁𑌰𑌨𑍍𑌵𑍇𑌷𑍋 𑌗𑍁𑌹𑌾𑌗𑌹𑌨𑌵𑌾𑌨𑍍𑌮𑌹𑌾𑌨𑍍 ।
𑌤𑌤𑍍𑌰 𑌵𑌾𑌯𑍁𑌸𑍁𑌤𑌸𑍍𑌸𑌰𑍍𑌵𑌂 𑌵𑌿𑌚𑌿𑌨𑍋𑌤𑌿 𑌸𑍍𑌮 𑌪𑌰𑍍𑌵𑌤𑌮𑍍 ॥ 4 ॥
𑌪𑌰𑌸𑍍𑌪𑌰𑍇𑌣 𑌹𑌨𑍁𑌮𑌾 𑌨𑌨𑍍𑌯𑍋𑌨𑍍𑌯𑌸𑍍𑌯𑌾𑌵𑌿𑌦𑍂𑌰𑌤𑌃 ।
𑌗𑌜𑍋 𑌗𑌵𑌾𑌕𑍍𑌷𑍋 𑌗𑌵𑌯𑌶𑍍𑌶𑌰𑌭𑍋 𑌗𑌂𑌧𑌮𑌾𑌦𑌨𑌃 ॥ 5 ॥
𑌮𑍈𑌂𑌦𑌶𑍍𑌚 𑌦𑍍𑌵𑌿𑌵𑌿𑌦𑌶𑍍𑌚𑍈𑌵 𑌸𑍁𑌷𑍇𑌣𑍋 𑌜𑌾𑌂𑌬𑌵𑌾𑌨𑍍𑌨𑌲𑌃 ।
𑌅𑌂𑌗𑌦𑍋 𑌯𑍁𑌵𑌰𑌾𑌜𑌶𑍍𑌚 𑌤𑌾𑌰𑌶𑍍𑌚 𑌵𑌨𑌗𑍋𑌚𑌰𑌃 ॥ 6 ॥
𑌗𑌿𑌰𑌿𑌜𑌾𑌲𑌾𑌵𑍃𑌤𑌾𑌂𑌦𑍇𑌶𑌾𑌨𑍍𑌮𑌾𑌰𑍍𑌗𑌿𑌤𑍍𑌵𑌾 𑌦𑌕𑍍𑌷𑌿𑌣𑌾𑌂 𑌦𑌿𑌶𑌮𑍍 ।
𑌵𑌿𑌚𑌿𑌨𑍍𑌵𑌂𑌤𑌸𑍍𑌤𑌤𑌸𑍍𑌤𑌤𑍍𑌰 𑌦𑌦𑍃𑌶𑍁𑌰𑍍𑌵𑌿𑌵𑍃𑌤𑌂 𑌬𑌿𑌲𑌮𑍍 ॥ ॥
𑌦𑍁𑌰𑍍𑌗𑌮𑍃𑌕𑍍𑌷𑌬𑌿𑌲𑌂 𑌨𑌾𑌮 𑌦𑌾𑌨𑌵𑍇𑌨𑌾𑌭𑌿𑌰𑌕𑍍𑌷𑌿𑌤𑌮𑍍 ।
𑌕𑍍𑌷𑍁𑌤𑍍𑌪𑌿𑌪𑌾𑌸𑌾𑌪𑌰𑍀𑌤𑌾𑌶𑍍𑌚 𑌶𑍍𑌰𑌾𑌂𑌤𑌾𑌶𑍍𑌚 𑌸𑌲𑌿𑌲𑌾𑌰𑍍𑌥𑌿𑌨𑌃 ॥ ॥
𑌅𑌵𑌕𑍀𑌰𑍍𑌣𑌂 𑌲𑌤𑌾𑌵𑍃𑌕𑍍𑌷𑍈𑌰𑍍𑌦𑌦𑍃𑌶𑍁𑌸𑍍𑌤𑍇 𑌮𑌹𑌾𑌬𑌿𑌲𑌮𑍍 ।
𑌤𑌤𑍍𑌰 𑌕𑍍𑌰𑍌𑌂𑌚𑌾𑌶𑍍𑌚 𑌹𑌂𑌸𑌾𑌶𑍍𑌚 𑌸𑌾𑌰𑌸𑌾𑌶𑍍𑌚 𑌵𑌿𑌨𑌿𑌷𑍍𑌕𑍍𑌰𑌮𑌨𑍍 ॥ ॥
𑌜𑌲𑌾𑌰𑍍𑌦𑍍𑌰𑌾𑌶𑍍𑌚𑌕𑍍𑌰𑌵𑌾𑌕𑌾𑌶𑍍𑌚 𑌰𑌕𑍍𑌤𑌾𑌂𑌗𑌾𑌃 𑌪𑌦𑍍𑌮𑌰𑍇𑌣𑍁𑌭𑌿𑌃 ।
𑌤𑌤𑌸𑍍𑌤𑌦𑍍𑌬𑌿𑌲𑌮𑌾𑌸𑌾𑌦𑍍𑌯 𑌸𑍁𑌗𑌂𑌧𑌿 𑌦𑍁𑌰𑌤𑌿𑌕𑍍𑌰𑌮𑌮𑍍 ॥ 10 ॥
𑌵𑌿𑌸𑍍𑌮𑌯𑌵𑍍𑌯𑌗𑍍𑌰𑌮𑌨𑌸𑍋 𑌬𑌭𑍂𑌵𑍁𑌰𑍍𑌵𑌾𑌨𑌰𑌰𑍍𑌷𑌭𑌾𑌃 ।
𑌸𑌂𑌂𑌜𑌾𑌤𑌪𑌰𑌿𑌶𑌂𑌕𑌾𑌸𑍍𑌤𑍇 𑌤𑌦𑍍𑌬𑌿𑌲𑌂 𑌪𑍍𑌲𑌵𑌗𑍋𑌤𑍍𑌤𑌮𑌾𑌃 ॥ 11 ॥
𑌅𑌭𑍍𑌯𑌪𑌦𑍍𑌯𑌂𑌤 𑌸𑌂𑌹𑍃𑌷𑍍𑌟𑌾𑌸𑍍𑌤𑍇𑌜𑍋𑌵𑌂𑌤𑍋 𑌮𑌹𑌾𑌬𑌲𑌾𑌃 ।
𑌨𑌾𑌨𑌾𑌸𑌤𑍍𑌤𑍍𑌵𑌸𑌮𑌾𑌕𑍀𑌰𑍍𑌣𑌂 𑌦𑍈𑌤𑍍𑌯𑍇𑌂𑌦𑍍𑌰𑌨𑌿𑌲𑌯𑍋𑌪𑌮𑌮𑍍 ॥ 12 ॥
𑌦𑍁𑌰𑍍𑌦𑌰𑍍𑌶𑌮𑌤𑌿𑌘𑍋𑌰𑌂 𑌚 𑌦𑍁𑌰𑍍𑌵𑌿𑌗𑌾𑌹𑌂 𑌚 𑌸𑌰𑍍𑌵𑌶𑌃 ।
𑌤𑌤𑌃 𑌪𑌰𑍍𑌵𑌤𑌕𑍂𑌟𑌾𑌭𑍋 𑌹𑌨𑍂𑌮𑌾𑌨𑍍𑌪𑌵𑌨𑌾𑌤𑍍𑌮𑌜𑌃 ॥ 13 ॥
𑌅𑌬𑍍𑌰𑌵𑍀𑌦𑍍𑌵𑌾𑌨𑌰𑌾𑌨𑍍𑌸𑌰𑍍𑌵𑌾𑌨𑍍𑌕𑌾𑌂𑌤𑌾𑌰𑌵𑌨𑌕𑍋𑌵𑌿𑌦𑌃 ।
𑌗𑌿𑌰𑌿𑌜𑌾𑌲𑌾𑌵𑍃𑌤𑌾𑌂𑌦𑍇𑌶𑌾𑌨𑍍𑌮𑌾𑌰𑍍𑌗𑌿𑌤𑍍𑌵𑌾 𑌦𑌕𑍍𑌷𑌿𑌣𑌾𑌂 𑌦𑌿𑌶𑌮𑍍 ॥ 14 ॥
𑌵𑌯𑌂 𑌸𑌰𑍍𑌵𑍇 𑌪𑌰𑌿𑌶𑍍𑌰𑌾𑌂𑌤𑌾 𑌨 𑌚 𑌪𑌶𑍍𑌯𑌾𑌮 𑌮𑍈𑌥𑌿𑌲𑍀𑌮𑍍 ।
𑌅𑌸𑍍𑌮𑌾𑌚𑍍𑌚𑌾𑌪𑌿 𑌬𑌿𑌲𑌾𑌦𑍍𑌧𑌂𑌸𑌾𑌃 𑌕𑍍𑌰𑍌𑌂𑌚𑌾𑌶𑍍𑌚 𑌸𑌹 𑌸𑌾𑌰𑌸𑍈𑌃 ॥ 15 ॥
𑌜𑌲𑌾𑌰𑍍𑌦𑍍𑌰𑌾𑌶𑍍𑌚𑌕𑍍𑌰𑌵𑌾𑌕𑌾𑌶𑍍𑌚 𑌨𑌿𑌷𑍍𑌪𑌤𑌂𑌤𑌿 𑌸𑍍𑌮 𑌸𑌰𑍍𑌵𑌶𑌃 ।
𑌨𑍂𑌨𑌂 𑌸𑌲𑌿𑌲𑌵𑌾𑌨𑌤𑍍𑌰 𑌕𑍂𑌪𑍋 𑌵𑌾 𑌯𑌦𑌿 𑌵𑌾 𑌹𑍍𑌰𑌦𑌃 ॥ 16 ॥
𑌤𑌥𑌾 𑌚𑍇𑌮𑍇 𑌬𑌿𑌲𑌦𑍍𑌵𑌾𑌰𑌿 𑌸𑍍𑌨𑌿𑌗𑍍𑌧𑌾𑌸𑍍𑌤𑌿𑌷𑍍𑌠𑌂𑌤𑌿 𑌪𑌾𑌦𑌪𑌾𑌃 ।
𑌇𑌤𑍍𑌯𑍁𑌕𑍍𑌤𑍍𑌵𑌾 𑌤𑌦𑍍𑌬𑌿𑌲𑌂 𑌸𑌰𑍍𑌵𑍇 𑌵𑌿𑌵𑌿𑌶𑍁𑌸𑍍𑌤𑌿𑌮𑌿𑌰𑌾𑌵𑍃𑌤𑌮𑍍 ॥ 1 ॥
𑌅𑌚𑌂𑌦𑍍𑌰𑌸𑍂𑌰𑍍𑌯𑌂 𑌹𑌰𑌯𑍋 𑌦𑌦𑍃𑌶𑍂 𑌰𑍋𑌮𑌹𑌰𑍍𑌷𑌣𑌮𑍍 ।
𑌨𑌿𑌶𑌾𑌮𑍍𑌯 𑌤𑌸𑍍𑌮𑌾𑌤𑍍 𑌶𑌿𑌂𑌹𑌾𑌂𑌶𑍍𑌚 𑌤𑌾𑌂𑌸𑍍𑌤𑌾𑌂𑌶𑍍𑌚 𑌮𑍃𑌗𑌪𑌕𑍍𑌷𑍍𑌣𑌿𑌃 ॥ 1 ॥
𑌪𑍍𑌰𑌵𑌿𑌷𑍍𑌟𑌾 𑌹𑌰𑌿𑌶𑌾𑌰𑍍𑌦𑍂𑌲𑌾 𑌬𑌿𑌲𑌂 𑌤𑌿𑌮𑌿𑌰𑌸𑌂𑌵𑍃𑌤𑌮𑍍 ।
𑌨 𑌤𑍇𑌷𑌾𑌂 𑌸𑌜𑍍𑌜𑌤𑍇 𑌚𑌕𑍍𑌷𑍁𑌰𑍍𑌨 𑌤𑍇𑌜𑍋 𑌨 𑌪𑌰𑌾𑌕𑍍𑌰𑌮𑌃 ॥ 1 ॥
𑌵𑌾𑌯𑍋𑌰𑌿𑌵 𑌗𑌤𑌿𑌸𑍍𑌤𑍇𑌷𑌾𑌂 𑌦𑍃𑌷𑍍𑌟𑌿𑌸𑍍𑌤𑌮𑌸𑌿 𑌵𑌰𑍍𑌤𑌤𑍇 ।
𑌤𑍇 𑌪𑍍𑌰𑌵𑌿𑌷𑍍𑌟𑌾𑌸𑍍𑌤𑍁 𑌵𑍇𑌗𑍇𑌨 𑌤𑌦𑍍𑌬𑌿𑌲𑌂 𑌕𑌪𑌿𑌕𑍁𑌂𑌜𑌰𑌾𑌃 ॥ 20 ॥
𑌪𑍍𑌰𑌕𑌾𑌶𑌮𑌭𑌿𑌰𑌾𑌮𑌂 𑌚 𑌦𑌦𑍃𑌶𑍁𑌰𑍍𑌦𑍇𑌶𑌮𑍁𑌤𑍍𑌤𑌮𑌮𑍍 ।
𑌤𑌤𑌸𑍍𑌤𑌸𑍍𑌮𑌿𑌨𑍍𑌬𑌿𑌲𑍇 𑌦𑍁𑌰𑍍𑌗𑍇 𑌨𑌾𑌨𑌾𑌪𑌾𑌦𑌪𑌸𑌂𑌕𑍁𑌲𑍇 ॥ 21 ॥
𑌅𑌨𑍍𑌯𑍋𑌨𑍍𑌯𑌂 𑌸𑌂𑌪𑌰𑌿𑌷𑍍𑌵𑌜𑍍𑌯 𑌜𑌗𑍍𑌮𑍁𑌰𑍍𑌯𑍋𑌜𑌨𑌮𑌂𑌤𑌰𑌮𑍍 ।
𑌤𑍇 𑌨𑌷𑍍𑌟𑌸𑌂𑌜𑍍𑌞𑌾𑌸𑍍𑌤𑍃𑌷𑌿𑌤𑌾𑌸𑍍𑌸𑌂𑌭𑍍𑌰𑌾𑌂𑌤𑌾𑌸𑍍𑌸𑌲𑌿𑌲𑌾𑌰𑍍𑌥𑌿𑌨𑌃 ॥ 22 ॥
𑌪𑌰𑌿𑌪𑍇𑌤𑍁𑌰𑍍𑌬𑌿𑌲𑍇 𑌤𑌸𑍍𑌮𑌿𑌨𑍍𑌕𑌂𑌚𑌿𑌤𑍍𑌕𑌾𑌲𑌮𑌤𑌂𑌦𑍍𑌰𑌿𑌤𑌾𑌃 ।
𑌤𑍇 𑌕𑍃𑌶𑌾 𑌦𑍀𑌨𑌵𑌦𑌨𑌾𑌃 𑌪𑌰𑌿𑌶𑍍𑌰𑌾𑌂𑌤𑌾𑌃 𑌪𑍍𑌲𑌵𑌂𑌗𑌮𑌾𑌃 ॥ 23 ॥
𑌆𑌲𑍋𑌕𑌂 𑌦𑌦𑍃𑌶𑍁𑌰𑍍𑌵𑍀𑌰𑌾 𑌨𑌿𑌰𑌾𑌶𑌾 𑌜𑍀𑌵𑌿𑌤𑍇 𑌯𑌦𑌾 ।
𑌤𑌤𑌸𑍍𑌤𑌂 𑌦𑍇𑌶𑌮𑌾𑌗𑌮𑍍𑌯 𑌸𑍌𑌮𑍍𑌯𑌾 𑌵𑌿𑌤𑌿𑌮𑌿𑌰𑌂 𑌵𑌨𑌮𑍍 ॥ 24 ॥
𑌦𑌦𑍃𑌶𑍁𑌃 𑌕𑌾𑌂𑌚𑌨𑌾𑌨𑍍𑌵𑍃𑌕𑍍𑌷𑌾𑌂𑌦𑍀𑌪𑍍𑌤𑌵𑍈𑌶𑍍𑌵𑌾𑌨𑌰𑌪𑍍𑌰𑌭𑌾𑌨𑍍 ।
𑌸𑌾𑌲𑌾𑌂 𑌸𑍍𑌤𑌾𑌲𑌾𑌂𑌶𑍍𑌚 𑌪𑍁𑌨𑍍𑌨𑌾𑌗𑌾𑌨𑍍𑌕𑌕𑍁𑌭𑌾𑌨𑍍𑌵𑌂𑌜𑍁𑌲𑌾𑌂𑌧𑌵𑌾𑌨𑍍 ॥ 25 ॥
𑌚𑌂𑌪𑌕𑌾𑌨𑍍 𑌨𑌾𑌗𑌵𑍃𑌕𑍍𑌷𑌾𑌂𑌶𑍍𑌚 𑌕𑌰𑍍𑌣𑌿𑌕𑌾𑌰𑌾𑌂𑌶𑍍𑌚 𑌪𑍁𑌷𑍍𑌪𑌿𑌤𑌾𑌨𑍍 ।
𑌸𑍍𑌤𑌬𑌕𑍈𑌃 𑌕𑌾𑌂𑌚𑌨𑍈𑌶𑍍𑌚𑌿𑌤𑍍𑌰𑍈 𑌰𑌕𑍍𑌤𑍈𑌃 𑌕𑌿𑌸𑌲𑌯𑍈𑌸𑍍𑌤𑌥𑌾 ॥ 26 ॥
𑌆𑌪𑍀𑌡𑍈𑌶𑍍𑌚 𑌲𑌤𑌾𑌭𑌿𑌶𑍍𑌚 𑌹𑍇𑌮𑌾𑌭𑌰𑌣𑌭𑍂𑌷𑌿𑌤𑌾𑌨𑍍 ।
𑌤𑌰𑍁𑌣𑌾𑌦𑌿𑌤𑍍𑌯𑌸𑌂𑌕𑌾𑌶𑌾𑌨𑍍𑌵𑍈𑌢𑍂𑌰𑍍𑌯𑌕𑍃𑌤𑌵𑍇𑌦𑌿𑌕𑌾𑌨𑍍 ॥ 2 ॥
𑌵𑌿𑌭𑍍𑌰𑌾𑌜𑌮𑌾𑌨𑌾𑌨𑍍𑌵𑌪𑍁𑌷𑌾 𑌪𑌾𑌦𑌪𑌾𑌂𑌶𑍍𑌚 𑌹𑌿𑌰𑌣𑍍𑌮𑌯𑌾𑌨𑍍 ।
𑌨𑍀𑌲𑌵𑍈𑌢𑍂𑌰𑍍𑌯𑌵𑌰𑍍𑌣𑌾𑌶𑍍𑌚 𑌪𑌦𑍍𑌮𑌿𑌨𑍀𑌃 𑌪𑌤𑌗𑌾𑌵𑍃𑌤𑌾𑌃 ॥ 2 ॥
𑌮𑌹𑌦𑍍𑌭𑌿𑌃 𑌕𑌾𑌂𑌚𑌨𑍈𑌃 𑌪𑌦𑍍𑌮𑍈𑌰𑍍𑌵𑍃𑌤𑌾 𑌬𑌾𑌲𑌾𑌰𑍍𑌕𑌸𑌨𑍍𑌨𑌿𑌭𑍈𑌃 ।
𑌜𑌾𑌤𑌰𑍂𑌪𑌮𑌯𑍈𑌰𑍍𑌮𑌤𑍍𑌸𑍍𑌯𑍈𑌰𑍍𑌮𑌹𑌦𑍍𑌭𑌿𑌶𑍍𑌚 𑌸𑌕𑌚𑍍𑌛𑌪𑍈𑌃 ॥ 2 ॥
𑌤𑌪𑌨𑍀𑌯 𑌗𑌵𑌾𑌕𑍍𑌷𑌾𑌣𑌿 𑌮𑍁𑌕𑍍𑌤𑌾 𑌜𑌾𑌲 𑌆𑌵𑍃𑌤𑌾𑌨𑌿 𑌚 ।
𑌹𑍈𑌮 𑌰𑌾𑌜𑌤 𑌭𑍌𑌮𑌾𑌨𑌿 𑌵𑍈𑌦𑍂𑌰𑍍𑌯 𑌮𑌣𑌿𑌮𑌂𑌤𑌿 𑌚 ॥ 30 ॥
𑌤𑌪𑌨𑍀𑌯𑌗𑌵𑌾𑌕𑍍𑌷𑌾𑌣𑌿 𑌮𑍁𑌕𑍍𑌤𑌾𑌜𑌾𑌲𑌾𑌵𑍃𑌤𑌾𑌨𑌿 𑌚 ।
𑌹𑍈𑌮𑌰𑌾𑌜𑌤𑌭𑍌𑌮𑌾𑌨𑌿 𑌵𑍈𑌦𑍂𑌰𑍍𑌯𑌮𑌣𑌿𑌮𑌂𑌤𑌿 𑌚 ॥ 31 ॥
𑌕𑌾𑌂𑌚𑌨 𑌭𑍍𑌰𑌮𑌰𑌾𑌨𑍍 𑌚𑍈𑌵 𑌮𑌧𑍂𑌨𑌿 𑌚 𑌸𑌮𑌂𑌤𑌤𑌃 ।
𑌮𑌣𑌿 𑌕𑌾𑌂𑌚𑌨 𑌚𑌿𑌤𑍍𑌰𑌾𑌣𑌿 𑌶𑌯𑌨𑌾𑌨𑌿 𑌆𑌸𑌨𑌾𑌨𑌿 𑌚 ॥ 32 ॥
𑌕𑌾𑌂𑌚𑌨𑌭𑍍𑌰𑌮𑌰𑌾𑌂𑌶𑍍𑌚𑍈𑌵 𑌮𑌧𑍂𑌨𑌿 𑌚 𑌸𑌮𑌂𑌤𑌤𑌃 ।
𑌮𑌣𑌿𑌕𑌾𑌂𑌚𑌨𑌚𑌿𑌤𑍍𑌰𑌾𑌣𑌿 𑌶𑌯𑌨𑌾𑌨𑍍𑌯𑌾𑌸𑌨𑌾𑌨𑌿 𑌚 ॥ 33 ॥
𑌮𑌹𑌾𑌰𑍍𑌹𑌾𑌣𑌿 𑌚𑌯𑌾𑌨𑌾𑌨𑌿 𑌦𑌦𑍃𑌶𑍁𑌸𑍍𑌤𑍇 𑌸𑌮𑌂𑌤𑌤𑌃 ।
𑌹𑍈𑌮𑌰𑌾𑌜𑌤𑌕𑌾𑌂𑌸𑍍𑌯𑌾𑌨𑌾𑌂 𑌭𑌾𑌜𑌨𑌾𑌨𑌾𑌂 𑌚 𑌸𑌂𑌂𑌚𑌯𑌾𑌨𑍍 ॥ 34 ॥
𑌅𑌗𑌰𑍂𑌣𑌾𑌂 𑌚 𑌦𑌿𑌵𑍍𑌯𑌾𑌨𑌾𑌂 𑌚𑌂𑌦𑌨𑌾𑌨𑌾𑌂 𑌚 𑌸𑌂𑌂𑌚𑌾𑌯𑌾𑌨𑍍 ।
𑌶𑍁𑌚𑍀𑌨𑍍𑌯𑌭𑍍𑌯𑌵𑌹𑌾𑌰𑍍𑌯𑌾𑌣𑌿 𑌮𑍂𑌲𑌾𑌨𑌿 𑌚 𑌫𑌲𑌾𑌨𑌿 𑌚 ॥ 35 ॥
𑌮𑌹𑌾𑌰𑍍𑌹𑌾𑌣𑌿 𑌚 𑌪𑌾𑌨𑌾𑌨𑌿 𑌮𑌧𑍂𑌨𑌿 𑌰𑌸𑌵𑌂𑌤𑌿 𑌚 ।
𑌦𑌿𑌵𑍍𑌯𑌾𑌨𑌾𑌮𑌂𑌬𑌰𑌾𑌣𑌾𑌂 𑌚 𑌮𑌹𑌾𑌰𑍍𑌹𑌾𑌣𑌾𑌂 𑌚 𑌸𑌂𑌚𑌯𑌾𑌨𑍍 ॥ 36 ॥
𑌕𑌂𑌬𑌲𑌾𑌨𑌾𑌂 𑌚 𑌚𑌿𑌤𑍍𑌰𑌾𑌣𑌾𑌮𑌜𑌿𑌨𑌾𑌨𑌾𑌂 𑌚 𑌸𑌂𑌚𑌯𑌾𑌨𑍍 ।
𑌤𑌤𑍍𑌰 𑌤𑌤𑍍𑌰 𑌚 𑌵𑌿𑌨𑍍𑌯𑌸𑍍𑌤𑌾𑌂𑌦𑍀𑌪𑍍𑌤𑌾𑌨𑍍𑌵𑍈𑌶𑍍𑌵𑌾𑌨𑌰𑌪𑍍𑌰𑌭𑌾𑌨𑍍 ॥ 3 ॥
𑌦𑌦𑍃𑌶𑍁𑌰𑍍𑌵𑌾𑌨𑌰𑌾𑌶𑍍𑌶𑍁𑌭𑍍𑌰𑌾𑌂𑌜𑌾𑌤𑌰𑍂𑌪𑌸𑍍𑌯 𑌸𑌂𑌚𑌯𑌾𑌨𑍍 ।
𑌤𑌤𑍍𑌰 𑌤𑌤𑍍𑌰 𑌵𑌿𑌚𑌿𑌨𑍍𑌵𑌂𑌤𑍋 𑌬𑌿𑌲𑍇 𑌤𑌸𑍍𑌮𑌿𑌨𑍍𑌮𑌹𑌾𑌬𑌲𑌾𑌃 ॥ 3 ॥
𑌦𑌦𑍃𑌶𑍁𑌰𑍍𑌵𑌾𑌨𑌰𑌾𑌶𑍍𑌶𑍂𑌰𑌾𑌃 𑌸𑍍𑌤𑍍𑌰𑌿𑌯𑌂 𑌕𑌾𑌂𑌚𑌿𑌦𑌦𑍂𑌰𑌤𑌃 ।
𑌤𑌾𑌂 𑌦𑍃𑌷𑍍𑌟𑍍𑌵𑌾 𑌭𑍃𑌶𑌸𑌂𑌤𑍍𑌰𑌸𑍍𑌤𑌾𑌶𑍍𑌚𑍀𑌰𑌕𑍃𑌷𑍍𑌣𑌾𑌜𑌿𑌨𑌾𑌂𑌬𑌰𑌾𑌮𑍍 ॥ 3 ॥
𑌤𑌾𑌪𑌸𑍀𑌂 𑌨𑌿𑌯𑌤𑌾𑌹𑌾𑌰𑌾𑌂 𑌜𑍍𑌵𑌲𑌂𑌤𑍀𑌮𑌿𑌵 𑌤𑍇𑌜𑌸𑌾 ।
𑌵𑌿𑌸𑍍𑌮𑌿𑌤𑌾 𑌹𑌰𑌯𑌸𑍍𑌤𑌤𑍍𑌰 𑌵𑍍𑌯𑌵𑌤𑌿𑌷𑍍𑌠𑌂𑌤 𑌸𑌰𑍍𑌵𑌶𑌃 ॥ 40 ॥
𑌪𑌪𑍍𑌰𑌚𑍍𑌛 𑌹𑌨𑍁𑌮𑌾𑌂𑌸𑍍𑌤𑌤𑍍𑌰 𑌕𑌾𑌽𑌸𑌿 𑌤𑍍𑌵𑌂 𑌕𑌸𑍍𑌯 𑌵𑌾 𑌬𑌿𑌲𑌮𑍍 ।
𑌤𑌤𑍋 𑌹𑌨𑍂𑌮𑌾𑌨𑍍𑌗𑌿𑌰𑌿𑌸𑌨𑍍𑌨𑌿𑌕𑌾𑌶𑌃 𑌕𑍃𑌤𑌾𑌜𑍍𑌞𑌲𑌿𑌸𑍍𑌤𑌾𑌮𑌭𑌿𑌵𑌾𑌦𑍍𑌯 𑌵𑍃𑌦𑍍𑌧𑌾𑌮𑍍 ।
𑌪𑌪𑍍𑌰𑌚𑍍𑌛 𑌕𑌾 𑌤𑍍𑌵𑌂 𑌭𑌵𑌨𑌂 𑌬𑌿𑌲𑌂 𑌚 𑌰𑌤𑍍𑌨𑌾𑌨𑌿 𑌚𑍇𑌮𑌾𑌨𑌿 𑌵𑌦𑌸𑍍𑌵 𑌕𑌸𑍍𑌯 ॥ 41 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌕𑌿𑌷𑍍𑌕𑌿𑌂𑌧𑌾𑌕𑌾𑌂𑌡𑍇 𑌪𑌂𑌚𑌾𑌶𑌸𑍍𑌸𑌰𑍍𑌗𑌃 ॥
