𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌬𑌾𑌲𑌕𑌾𑌂𑌡𑌮𑍍 ।
𑌅𑌥 𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ।
𑌤𑌪𑍋𑌬𑌲𑌹𑌤𑌾𑌨𑍍 𑌕𑍃𑌤𑍍𑌵𑌾 𑌵𑌾𑌸𑌿𑌷𑍍𑌠𑌾𑌨𑍍 𑌸𑌮𑌹𑍋𑌦𑌯𑌾𑌨𑍍 ।
𑌋𑌷𑌿𑌮𑌧𑍍𑌯𑍇 𑌮𑌹𑌾𑌤𑍇𑌜𑌾 𑌵𑌿𑌶𑍍𑌵𑌾𑌮𑌿𑌤𑍍𑌰𑍋𑌽𑌭𑍍𑌯𑌭𑌾𑌷𑌤 ॥ 1 ॥
𑌅𑌯𑌮𑌿𑌕𑍍𑌷𑍍𑌵𑌾𑌕𑍁𑌦𑌾𑌯𑌾𑌦𑌸𑍍𑌤𑍍𑌰𑌿𑌶𑌂𑌕𑍁𑌰𑌿𑌤𑌿 𑌵𑌿𑌶𑍍𑌰𑍁𑌤𑌃 ।
𑌧𑌰𑍍𑌮𑌿𑌷𑍍𑌠𑌶𑍍𑌚 𑌵𑌦𑌾𑌨𑍍𑌯𑌶𑍍𑌚 𑌮𑌾𑌂 𑌚𑍈𑌵 𑌶𑌰𑌣𑌂 𑌗𑌤𑌃 ॥ 2 ॥
𑌤𑍇𑌨𑌾𑌨𑍇𑌨 𑌶𑌰𑍀𑌰𑍇𑌣 𑌦𑍇𑌵𑌲𑍋𑌕𑌜𑌿𑌗𑍀𑌷𑌯𑌾 ।
𑌯𑌥𑌾𑌽𑌯𑌂 𑌸𑍍𑌵𑌶𑌰𑍀𑌰𑍇𑌣 𑌸𑍍𑌵𑌰𑍍𑌗𑌲𑍋𑌕𑌂 𑌗𑌮𑌿𑌷𑍍𑌯𑌤𑌿 ॥ 3 ॥
𑌤𑌥𑌾 𑌪𑍍𑌰𑌵𑌰𑍍𑌤𑍍𑌯𑌤𑌾𑌂 𑌯𑌜𑍍𑌞𑍇 𑌭𑌵𑌦𑍍𑌭𑌿𑌶𑍍𑌚 𑌮𑌯𑌾 𑌸𑌹 ।
𑌵𑌿𑌶𑍍𑌵𑌾𑌮𑌿𑌤𑍍𑌰𑌵𑌚 𑌶𑍍𑌶𑍍𑌰𑍁𑌤𑍍𑌵𑌾 𑌸𑌰𑍍𑌵 𑌏𑌵 𑌮𑌹𑌰𑍍𑌷𑌯𑌃 ॥ 4 ॥
𑌊𑌚𑍁𑌸𑍍𑌸𑌮𑍇𑌤𑍍𑌯 𑌸𑌹𑌿𑌤𑌾 𑌧𑌰𑍍𑌮𑌜𑍍𑌞𑌾 𑌧𑌰𑍍𑌮𑌸𑌂𑌹𑌿𑌤𑌮𑍍 ।
𑌅𑌯𑌂 𑌕𑍁𑌶𑌿𑌕𑌦𑌾𑌯𑌾𑌦𑍋 𑌮𑍁𑌨𑌿𑌃 𑌪𑌰𑌮𑌕𑍋𑌪𑌨𑌃 ॥ 5 ॥
𑌯𑌦𑌾𑌹 𑌵𑌚𑌨𑌂 𑌸𑌮𑍍𑌯𑌗𑍇𑌤𑌤𑍍𑌕𑌾𑌰𑍍𑌯𑌂 𑌨 𑌸𑌂𑌶𑌯𑌃 ।
𑌅𑌗𑍍𑌨𑌿𑌕𑌲𑍍𑌪𑍋 𑌹𑌿 𑌭𑌗𑌵𑌾𑌨𑍍 𑌶𑌾𑌪𑌂 𑌦𑌾𑌸𑍍𑌯𑌤𑌿 𑌰𑍋𑌷𑌿𑌤𑌃 ॥ 6 ॥
𑌤𑌸𑍍𑌮𑌾𑌤𑍍𑌪𑍍𑌰𑌵𑌰𑍍𑌤𑍍𑌯𑌤𑌾𑌂 𑌯𑌜𑍍𑌞 𑌸𑍍𑌸𑌶𑌰𑍀𑌰𑍋 𑌯𑌥𑌾 𑌦𑌿𑌵𑌮𑍍 ।
𑌗𑌚𑍍𑌛𑍇𑌦𑌿𑌕𑍍𑌷𑍍𑌵𑌾𑌕𑍁𑌦𑌾𑌯𑌾𑌦𑍋 𑌵𑌿𑌶𑍍𑌵𑌾𑌮𑌿𑌤𑍍𑌰𑌸𑍍𑌯 𑌤𑍇𑌜𑌸𑌾 ॥ ॥
𑌤𑌥𑌾 𑌪𑍍𑌰𑌵𑌰𑍍𑌤𑍍𑌯𑌤𑌾𑌂 𑌯𑌜𑍍𑌞 𑌸𑍍𑌸𑌰𑍍𑌵𑍇 𑌸𑌮𑌧𑌿𑌤𑌿𑌷𑍍𑌠𑌤 ।
𑌏𑌵𑌮𑍁𑌕𑍍𑌤𑍍𑌵𑌾 𑌮𑌹𑌰𑍍𑌷𑌯𑌃 𑌚𑌕𑍍𑌰𑍁𑌸𑍍𑌤𑌾𑌸𑍍𑌤𑌾𑌃𑌕𑍍𑌰𑌿𑌯𑌾𑌸𑍍𑌤𑌦𑌾 ॥ ॥
𑌯𑌾𑌜𑌕𑌶𑍍𑌚 𑌮𑌹𑌾𑌤𑍇𑌜𑌾 𑌵𑌿𑌶𑍍𑌵𑌾𑌮𑌿𑌤𑍍𑌰𑍋𑌽𑌭𑌵𑌤𑍍𑌕𑍍𑌰𑌤𑍌 ।
𑌋𑌤𑍍𑌵𑌿𑌜𑌶𑍍𑌚𑌾𑌨𑍁𑌪𑍂𑌰𑍍𑌵𑍍𑌯𑍇𑌣 𑌮𑌂𑌤𑍍𑌰𑌵𑌨𑍍𑌮𑌂𑌤𑍍𑌰𑌕𑍋𑌵𑌿𑌦𑌾𑌃 ॥ ॥
𑌚𑌕𑍍𑌰𑍁𑌃 𑌕𑌰𑍍𑌮𑌾𑌣𑌿 𑌸𑌰𑍍𑌵𑌾𑌣𑌿 𑌯𑌥𑌾𑌕𑌲𑍍𑌪𑌂 𑌯𑌥𑌾𑌵𑌿𑌧𑌿 ।
𑌤𑌤𑌃 𑌕𑌾𑌲𑍇𑌨 𑌮𑌹𑌤𑌾 𑌵𑌿𑌶𑍍𑌵𑌾𑌮𑌿𑌤𑍍𑌰𑍋 𑌮𑌹𑌾𑌤𑌪𑌾𑌃 ॥ 10 ॥
𑌚𑌕𑌾𑌰𑌾𑌵𑌾𑌹𑌨𑌂 𑌤𑌤𑍍𑌰 𑌭𑌾𑌗𑌾𑌰𑍍𑌥𑌂 𑌸𑌰𑍍𑌵𑌦𑍇𑌵𑌤𑌾𑌃 ।
𑌨𑌾𑌭𑍍𑌯𑌾𑌗𑌮𑌂𑌸𑍍𑌤𑌦𑌾𑌹𑍂𑌤𑌾 𑌭𑌾𑌗𑌾𑌰𑍍𑌥𑌂 𑌸𑌰𑍍𑌵𑌦𑍇𑌵𑌤𑌾𑌃 ॥ 11 ॥
𑌤𑌤𑌃 𑌕𑍍𑌰𑍋𑌧𑌸𑌮𑌾𑌵𑌿𑌷𑍍𑌟𑍋 𑌵𑌿𑌶𑍍𑌵𑌾𑌮𑌿𑌤𑍍𑌰𑍋 𑌮𑌹𑌾𑌮𑍁𑌨𑌿𑌃 ।
𑌸𑍍𑌰𑍁𑌵𑌮𑍁𑌦𑍍𑌯𑌮𑍍𑌯 𑌸𑌕𑍍𑌰𑍋𑌧𑌸𑍍𑌤𑍍𑌰𑌿𑌶𑌂𑌕𑍁𑌮𑌿𑌦𑌮𑌬𑍍𑌰𑌵𑍀𑌤𑍍 ॥ 12 ॥
𑌪𑌶𑍍𑌯 𑌮𑍇 𑌤𑌪𑌸𑍋 𑌵𑍀𑌰𑍍𑌯𑌂 𑌸𑍍𑌵𑌾𑌰𑍍𑌜𑌿𑌤𑌸𑍍𑌯 𑌨𑌰𑍇𑌶𑍍𑌵𑌰 ।
𑌏𑌷 𑌤𑍍𑌵𑌾𑌂 𑌸𑌶𑌰𑍀𑌰𑍇𑌣 𑌨𑌯𑌾𑌮𑌿 𑌸𑍍𑌵𑌰𑍍𑌗𑌮𑍋𑌜𑌸𑌾 ॥ 13 ॥
𑌦𑍁𑌷𑍍𑌪𑍍𑌰𑌾𑌪𑌂 𑌸𑌶𑌰𑍀𑌰𑍇𑌣 𑌦𑌿𑌵𑌂 𑌗𑌚𑍍𑌛 𑌨𑌰𑌾𑌧𑌿𑌪 ।
𑌸𑍍𑌵𑌾𑌰𑍍𑌜𑌿𑌤𑌂 𑌕𑌿𑌂𑌚𑌿𑌦𑌪𑍍𑌯𑌸𑍍𑌤𑌿 𑌮𑌯𑌾 𑌹𑌿 𑌤𑌪𑌸𑌃𑌫𑌲𑌮𑍍 ॥ 14 ॥
𑌰𑌾𑌜𑌨𑍍 𑌸𑍍𑌵𑌤𑍇𑌜𑌸𑌾 𑌤𑌸𑍍𑌯 𑌸𑌶𑌰𑍀𑌰𑍋 𑌦𑌿𑌵𑌂 𑌵𑍍𑌰𑌜 ।
𑌉𑌕𑍍𑌤𑌵𑌾𑌕𑍍𑌯𑍇 𑌮𑍁𑌨𑍌 𑌤𑌸𑍍𑌮𑌿𑌨𑍍 𑌸𑌶𑌰𑍀𑌰𑍋 𑌨𑌰𑍇𑌶𑍍𑌵𑌰𑌃 ॥ 15 ॥
𑌦𑌿𑌵𑌂 𑌜𑌗𑌾𑌮 𑌕𑌾𑌕𑍁𑌤𑍍𑌸𑍍𑌥 𑌮𑍁𑌨𑍀𑌨𑌾𑌂 𑌪𑌶𑍍𑌯𑌤𑌾𑌂 𑌤𑌦𑌾 ।
𑌦𑍇𑌵𑌲𑍋𑌕𑌗𑌤𑌂 𑌦𑍃𑌷𑍍𑌟𑍍𑌵𑌾 𑌤𑍍𑌰𑌿𑌶𑌂𑌕𑍁𑌂 𑌪𑌾𑌕𑌶𑌾𑌸𑌨𑌃 ॥ 16 ॥
𑌸𑌹 𑌸𑌰𑍍𑌵𑍈𑌸𑍍𑌸𑍁𑌰𑌗𑌣𑍈𑌰𑌿𑌦𑌂 𑌵𑌚𑌨𑌮𑌬𑍍𑌰𑌵𑍀𑌤𑍍 ।
𑌤𑍍𑌰𑌿𑌶𑌂𑌕𑍋 𑌗𑌚𑍍𑌛 𑌭𑍂𑌯𑌸𑍍𑌤𑍍𑌵𑌂 𑌨𑌾𑌸𑌿 𑌸𑍍𑌵𑌰𑍍𑌗𑌕𑍃𑌤𑌾𑌲𑌯𑌃 ॥ 1 ॥
𑌗𑍁𑌰𑍁𑌶𑌾𑌪𑌹𑌤𑍋 𑌮𑍂𑌢 𑌪𑌤 𑌭𑍂𑌮𑌿𑌮𑌵𑌾𑌕𑍍𑌛𑌿𑌰𑌾𑌃 ।
𑌏𑌵𑌮𑍁𑌕𑍍𑌤𑍋 𑌮𑌹𑍇𑌂𑌦𑍍𑌰𑍇𑌣 𑌤𑍍𑌰𑌿𑌶𑌂𑌕𑍁𑌰𑌪𑌤𑌤𑍍𑌪𑍁𑌨𑌃 ॥ 1 ॥
𑌵𑌿𑌕𑍍𑌰𑍋𑌶𑌮𑌾𑌨𑌸𑍍𑌤𑍍𑌰𑌾𑌹𑍀𑌤𑌿 𑌵𑌿𑌶𑍍𑌵𑌾𑌮𑌿𑌤𑍍𑌰𑌂 𑌤𑌪𑍋𑌧𑌨𑌮𑍍 ।
𑌤𑌚𑍍𑌛𑍍𑌰𑍁𑌤𑍍𑌵𑌾 𑌵𑌚𑌨𑌂 𑌤𑌸𑍍𑌯 𑌕𑍍𑌰𑍋𑌶𑌮𑌾𑌨𑌸𑍍𑌯 𑌕𑍌𑌶𑌿𑌕𑌃 ॥ 1 ॥
𑌰𑍋𑌷𑌮𑌾𑌹𑌾𑌰𑌯𑌤𑍍𑌤𑍀𑌵𑍍𑌰𑌂 𑌤𑌿𑌷𑍍𑌠 𑌤𑌿𑌷𑍍𑌠𑍇𑌤𑌿 𑌚𑌾𑌬𑍍𑌰𑌵𑍀𑌤𑍍 ।
𑌋𑌷𑌿𑌮𑌧𑍍𑌯𑍇 𑌸 𑌤𑍇𑌜𑌸𑍍𑌸𑍍𑌵𑍀 𑌪𑍍𑌰𑌜𑌾𑌪𑌤𑌿𑌰𑌿𑌵𑌾𑌪𑌰𑌃 ॥ 20 ॥
𑌸𑍃𑌜𑌨𑍍 𑌦𑌕𑍍𑌷𑌿𑌣𑌮𑌾𑌰𑍍𑌗𑌸𑍍𑌥𑌾𑌨𑍍 𑌸𑌪𑍍𑌤𑌰𑍍𑌷𑍀𑌨𑌪𑌰𑌾𑌨𑍍 𑌪𑍁𑌨𑌃 ।
𑌨𑌕𑍍𑌷𑌤𑍍𑌰𑌮𑌾𑌲𑌾𑌮𑌪𑌰𑌾𑌮𑌸𑍃𑌜𑌤𑍍𑌕𑍍𑌰𑍋𑌧𑌮𑍂𑌰𑍍𑌚𑍍𑌛𑌿𑌤𑌃 ॥ 21 ॥
𑌦𑌕𑍍𑌷𑌿𑌣𑌾𑌂 𑌦𑌿𑌶𑌮𑌾𑌸𑍍𑌥𑌾𑌯 𑌮𑍁𑌨𑌿𑌮𑌧𑍍𑌯𑍇 𑌮𑌹𑌾𑌯𑌶𑌾𑌃 ।
𑌸𑍃𑌷𑍍𑌟𑍍𑌵𑌾 𑌨𑌕𑍍𑌷𑌤𑍍𑌰𑌵𑌂𑌶𑌂 𑌚 𑌕𑍍𑌰𑍋𑌧𑍇𑌨 𑌕𑌲𑍁𑌷𑍀𑌕𑍃𑌤𑌃 ॥ 22 ॥
𑌅𑌨𑍍𑌯𑌮𑌿𑌂𑌦𑍍𑌰𑌂 𑌕𑌰𑌿𑌷𑍍𑌯𑌾𑌮𑌿 𑌲𑍋𑌕𑍋 𑌵𑌾 𑌸𑍍𑌯𑌾𑌦𑌨𑌿𑌂𑌦𑍍𑌰𑌕𑌃 ।
𑌦𑍈𑌵𑌤𑌾𑌨𑍍𑌯𑌪𑌿 𑌸 𑌕𑍍𑌰𑍋𑌧𑌾 𑌤𑍍𑌸𑍍𑌰𑌷𑍍𑌟𑍁𑌂 𑌸𑌮𑍁𑌪𑌚𑌕𑍍𑌰𑌮𑍇 ॥ 23 ॥
𑌤𑌤𑌃 𑌪𑌰𑌮𑌸𑌂𑌭𑍍𑌰𑌾𑌂𑌤𑌾𑌸𑍍𑌸𑌰𑍍𑌷𑌿𑌸𑌂𑌘𑌾𑌸𑍍𑌸𑍁𑌰𑌾𑌸𑍁𑌰𑌾𑌃 ।
𑌵𑌿𑌶𑍍𑌵𑌾𑌮𑌿𑌤𑍍𑌰𑌂 𑌮𑌹𑌾𑌤𑍍𑌮𑌾𑌨𑌮𑍂𑌚𑍁𑌃 𑌸𑌾𑌨𑍁𑌨𑌯𑌂 𑌵𑌚𑌃 ॥ 24 ॥
𑌅𑌯𑌂 𑌰𑌾𑌜𑌾 𑌮𑌹𑌾𑌭𑌾𑌗 𑌗𑍁𑌰𑍁𑌶𑌾𑌪𑌪𑌰𑌿𑌕𑍍𑌷𑌤𑌃 ।
𑌸𑌶𑌰𑍀𑌰𑍋 𑌦𑌿𑌵𑌂 𑌯𑌾𑌤𑍁𑌂 𑌨𑌾𑌰𑍍𑌹𑌤𑍍𑌯𑍇𑌵 𑌤𑌪𑍋𑌧𑌨 ॥ 25 ॥
𑌤𑍇𑌷𑌾𑌂 𑌤𑌦𑍍𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌦𑍇𑌵𑌾𑌨𑌾𑌂 𑌮𑍁𑌨𑌿𑌪𑍁𑌂𑌗𑌵𑌃 ।
𑌅𑌬𑍍𑌰𑌵𑍀𑌤𑍍𑌸𑍁𑌮𑌹𑌦𑍍𑌵𑌾𑌕𑍍𑌯𑌂 𑌕𑍌𑌶𑌿𑌕𑌃 𑌸𑌰𑍍𑌵𑌦𑍇𑌵𑌤𑌾𑌃 ॥ 26 ॥
𑌸𑌶𑌰𑍀𑌰𑌸𑍍𑌯 𑌭𑌦𑍍𑌰𑌂 𑌵𑌸𑍍𑌤𑍍𑌰𑌿𑌶𑌂𑌕𑍋𑌰𑌸𑍍𑌯 𑌭𑍂𑌪𑌤𑍇𑌃 ।
𑌆𑌰𑍋𑌹𑌣𑌂 𑌪𑍍𑌰𑌤𑌿𑌜𑍍𑌞𑌾𑌯 𑌨𑌾𑌨𑍃𑌤𑌂 𑌕𑌰𑍍𑌤𑍁𑌮𑍁𑌤𑍍𑌸𑌹𑍇 ॥ 2 ॥
𑌸𑍍𑌵𑌰𑍍𑌗𑍋𑌽𑌸𑍍𑌤𑍁 𑌸𑌶𑌰𑍀𑌰𑌸𑍍𑌯 𑌤𑍍𑌰𑌿𑌶𑌂𑌕𑍋𑌰𑌸𑍍𑌯 𑌶𑌾𑌶𑍍𑌵𑌤𑌃 ।
𑌨𑌕𑍍𑌷𑌤𑍍𑌰𑌾𑌣𑌿 𑌚 𑌸𑌰𑍍𑌵𑌾𑌣𑌿 𑌮𑌾𑌮𑌕𑌾𑌨𑌿 𑌧𑍍𑌰𑍁𑌵𑌾𑌣𑍍𑌯𑌥 ॥ 2 ॥
𑌯𑌾𑌵𑌲𑍍𑌲𑍋𑌕𑌾 𑌧𑌰𑌿𑌷𑍍𑌯𑌂𑌤𑌿 𑌤𑌿𑌷𑍍𑌠𑌂𑌤𑍍𑌵𑍇𑌤𑌾𑌨𑌿 𑌸𑌰𑍍𑌵𑌶𑌃 ।
𑌮𑌤𑍍𑌕𑍃𑌤𑌾𑌨𑌿 𑌸𑍁𑌰𑌾 𑌸𑍍𑌸𑌰𑍍𑌵𑍇 𑌤𑌦𑌨𑍁𑌜𑍍𑌞𑌾𑌤𑍁𑌮𑌰𑍍𑌹𑌥 ॥ 2 ॥
𑌏𑌵𑌮𑍁𑌕𑍍𑌤𑌾𑌃 𑌸𑍁𑌰𑌾𑌸𑍍𑌸𑌰𑍍𑌵𑍇 𑌪𑍍𑌰𑌤𑍍𑌯𑍂𑌚𑍁𑌰𑍍𑌮𑍁𑌨𑌿𑌪𑍁𑌂𑌗𑌵𑌮𑍍 ।
𑌏𑌵𑌂 𑌭𑌵𑌤𑍁 𑌭𑌦𑍍𑌰𑌂 𑌤𑍇 𑌤𑌿𑌷𑍍𑌠𑌂𑌤𑍍𑌵𑍇𑌤𑌾𑌨𑌿 𑌸𑌰𑍍𑌵𑌶𑌃 ॥ 30 ॥
𑌗𑌗𑌨𑍇 𑌤𑌾𑌨𑍍𑌯𑌨𑍇𑌕𑌾𑌨𑌿 𑌵𑍈𑌶𑍍𑌵𑌾𑌨𑌰𑌪𑌥𑌾𑌦𑍍𑌬𑌹𑌿𑌃 ।
𑌨𑌕𑍍𑌷𑌤𑍍𑌰𑌾𑌣𑌿 𑌮𑍁𑌨𑌿𑌶𑍍𑌰𑍇𑌷𑍍𑌠 𑌤𑍇𑌷𑍁 𑌜𑍍𑌯𑍋𑌤𑌿𑌷𑍍𑌷𑍁 𑌜𑌾𑌜𑍍𑌵𑌲𑌨𑍍 ॥ 31 ॥
𑌅𑌵𑌾𑌕𑍍𑌛𑌿𑌰𑌾𑌸𑍍𑌤𑍍𑌰𑌿𑌶𑌂𑌕𑍁𑌶𑍍𑌚 𑌤𑌿𑌷𑍍𑌠𑌤𑍍𑌵𑌮𑌰𑌸𑌨𑍍𑌨𑌿𑌭𑌃 ।
𑌅𑌨𑍁𑌯𑌾𑌸𑍍𑌯𑌂𑌤𑌿 𑌚𑍈𑌤𑌾𑌨𑌿 𑌜𑍍𑌯𑍋𑌤𑍀𑌂𑌷𑌿 𑌨𑍃𑌪𑌸𑌤𑍍𑌤𑌮𑌮𑍍 ॥ 32 ॥
𑌕𑍃𑌤𑌾𑌰𑍍𑌥𑌂 𑌕𑍀𑌰𑍍𑌤𑌿𑌮𑌂𑌤𑌂 𑌚 𑌸𑍍𑌵𑌰𑍍𑌗𑌲𑍋𑌕𑌗𑌤𑌂 𑌯𑌥𑌾 ।
𑌵𑌿𑌶𑍍𑌵𑌾𑌮𑌿𑌤𑍍𑌰𑌸𑍍𑌤𑍁 𑌧𑌰𑍍𑌮𑌾𑌤𑍍𑌮𑌾 𑌸𑌰𑍍𑌵𑌦𑍇𑌵𑍈𑌰𑌭𑌿𑌷𑍍𑌟𑍁𑌤𑌃 ॥ 33 ॥
𑌋𑌷𑌿𑌭𑌿𑌶𑍍𑌚 𑌮𑌹𑌾𑌤𑍇𑌜𑌾 𑌬𑌾𑌢𑌮𑌿𑌤𑍍𑌯𑌾𑌹 𑌦𑍇𑌵𑌤𑌾𑌃 ।
𑌤𑌤𑍋 𑌦𑍇𑌵𑌾 𑌮𑌹𑌾𑌤𑍍𑌮𑌾𑌨𑍋 𑌮𑍁𑌨𑌯𑌶𑍍𑌚 𑌤𑌪𑍋𑌧𑌨𑌾𑌃 ।
𑌜𑌗𑍍𑌮𑍁𑌰𑍍𑌯𑌥𑌾𑌽𑌽𑌗𑌤𑌂 𑌸𑌰𑍍𑌵𑍇 𑌯𑌜𑍍𑌞𑌸𑍍𑌯𑌾𑌂𑌤𑍇 𑌨𑌰𑍋𑌤𑍍𑌤𑌮 ॥ 34 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌬𑌾𑌲𑌕𑌾𑌂𑌡𑍇 𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ॥
